| | ᠮᠤᠩᠭᠤᠯᠴᠤᠳ ᠪᠣᠯ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠠᠷᠭᠠ ᠪᠠᠷ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠦᠨᠳᠦᠰᠦᠲᠡᠨ ᠪᠤᠯᠬᠤᠷ | ᠠᠮᠢᠳᠤᠷᠠᠯ ᠳᠤᠮᠳᠠ ᠪᠠᠨ ᠡᠪᠡᠳᠴᠢᠨ ᠭᠢᠵᠢᠭ ᠢ ᠰᠡᠷᠭᠡᠶᠢᠯᠡᠭᠦ ᠳᠤ ᠤᠯᠠᠨ ᠵᠦᠢᠯ ᠤᠨ ᠨᠡᠭᠦᠳᠡᠯ ᠤᠨ ᠰᠢᠨᠵᠢᠲᠡᠢ ᠠᠷᠭᠠ | ᠪᠠᠷᠢᠯ ᠢ ᠬᠡᠷᠡᠭᠯᠡᠳᠡᠭ ᠪᠠᠶᠢᠵᠠᠢ᠃ ᠬᠠᠮᠤᠭ ᠤᠨ ᠲᠤᠭᠢᠲᠠᠢ ᠠᠷᠭᠠ ᠨᠢ ᠪᠣᠯ ᠡᠪᠡᠳᠴᠢᠨ ᠲᠠᠢ ᠭᠦᠮᠦᠨ ᠮᠠᠯ ᠢᠶᠠᠨ | ᠲᠤᠰᠠᠭᠠᠷᠯᠠᠨ ᠭᠦᠯ ᠬᠤᠷᠢᠭᠯᠠᠵᠤ᠂ ᠡᠪᠡᠳᠴᠢᠨ ᠦᠭᠡᠢ ᠭᠦᠮᠦᠨ ᠮᠠᠯ ᠨᠢ ᠡᠷᠲᠡᠭᠡᠨ ᠡᠪᠡᠳᠴᠢᠨ ᠲᠠᠢ ᠭᠠᠵᠠᠷ ᠠᠴᠠ | ᠨᠡᠭᠦᠳᠡᠯᠯᠡᠨ ᠵᠠᠶᠢᠯᠠᠵᠤ ᠶᠠᠪᠤᠳᠠᠭ᠃ ᠭᠡᠭᠦ ᠳᠡᠭᠡᠨ ᠡᠪᠡᠳᠴᠢᠨ ᠲᠠᠢ ᠭᠠᠵᠠᠷ ᠠᠴᠠ ᠰᠠᠯᠭᠢ ᠲᠡᠭᠡᠭᠰᠢ ᠪᠠᠨ ᠪᠤᠶᠤ | ᠤᠷᠤᠰᠬᠠᠯ ᠦᠭᠡᠳᠡ ᠪᠠᠨ ᠨᠡᠭᠦᠳᠡᠯᠯᠡᠨ ᠵᠠᠶᠢᠯᠠᠬᠤ ᠠᠷᠭᠠ ᠶᠢ ᠠᠷᠪᠢᠨ ᠭᠡᠷᠡᠭᠯᠡᠵᠤ᠂ ᠮᠠᠯ ᠬᠤᠢ ᠨᠢ ᠵᠠᠮ ᠵᠠᠭᠤᠷᠠ ᠪᠠᠨ | ᠡᠪᠡᠳᠴᠢᠨ ᠳᠤ ᠬᠠᠯᠳᠠᠪᠤᠷᠢᠯᠠᠪᠠᠯ ᠢᠯᠭᠠᠨ ᠰᠠᠯᠭᠠᠵᠤ ᠪᠤᠴᠠᠭᠠᠨ ᠤᠤᠯ ᠨᠤᠲᠤᠭ ᠲᠤᠨᠢ ᠦᠯᠡᠳᠡᠭᠡᠵᠦ᠂ ᠴᠢᠯᠦᠭᠡ | ᠵᠠᠪ ᠢᠶᠠᠷ ᠢᠶᠠᠨ ᠢᠷᠡᠵᠦ ᠡᠷᠭᠢᠵᠦ ᠲᠤᠭᠤᠷᠢᠨ ᠦᠵᠡᠳᠡᠭ᠃ ᠶᠠᠮᠠᠷ ᠨᠢᠭᠡ ᠭᠠᠵᠠᠷ ᠲᠤ ᠡᠪᠡᠳᠴᠢᠨ ᠲᠠᠢ ᠭᠦᠮᠦᠨ ᠪᠤᠶᠤ | ᠮᠠᠯ ᠢ ᠲᠤᠰᠠᠭᠠᠷᠯᠠᠵᠤ ᠪᠠᠶᠢᠬᠤ ᠶᠢ ᠮᠡᠳᠡᠪᠡᠯ᠂ ᠪᠤᠰᠤᠳ ᠠᠶᠢᠯ ᠤᠨ ᠭᠦᠮᠦᠨ ᠮᠠᠯ ᠴᠦ ᠲᠡᠶᠢᠰᠢ ᠪᠠᠨ ᠤᠶᠢᠷᠠᠳᠬᠤ ᠪᠠᠨ | ᠪᠠᠶᠢᠵᠤ᠂ ᠪᠦᠭᠦᠳᠡᠭᠡᠷ ᠢᠶᠠᠨ ᠤᠬᠠᠮᠰᠠᠷ ᠠᠴᠠ ᠪᠠᠨ ᠡᠪᠡᠳᠴᠢᠨ ᠲᠠᠢ ᠭᠠᠵᠠᠷ ᠦᠭᠡᠳᠡ ᠴᠢᠭᠯᠡᠭᠦ ᠶᠢ ᠭᠦᠯ ᠴᠡᠭᠡᠷᠯᠡᠳᠡᠭ | ᠬᠠᠤᠯᠢ ᠠᠴᠠ ᠬᠠᠳᠠᠭᠤ ᠦᠪᠡᠷᠮᠢᠴᠡ ᠴᠡᠭᠡᠷ ᠲᠠᠢ ᠪᠠᠶᠢᠵᠠᠢ᠃ ᠮᠠᠯ ᠤᠨ ᠴᠡᠴᠡᠭ ᠡᠪᠡᠳᠴᠢᠨ᠂ ᠬᠤᠭᠢᠷᠠᠭᠠ | ᠡᠪᠡᠳᠴᠢᠨ᠂ ᠬᠤᠯᠤᠭᠠᠨᠠ ᠶᠢᠨ ᠭᠢᠵᠢᠭ᠂ ᠤᠯᠠᠭᠠᠨ ᠨᠤᠳ ᠪᠠ ᠪᠤᠰᠤᠳ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠮᠡᠲᠦ ᠶᠢᠨ | ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠭᠦ ᠳᠤ ᠡᠪᠡᠳᠴᠢᠨ ᠲᠠᠢ ᠭᠠᠵᠠᠷ ᠠᠴᠠ ᠬᠠᠮᠤᠭ ᠪᠠᠭᠠ ᠳᠠᠭᠠᠨ ᠠᠷᠪᠠᠨ | ᠭᠠᠵᠠᠷ ᠤᠨ ᠬᠤᠯᠠ ᠳᠤ ᠤᠲᠤᠷᠯᠠᠨ ᠨᠡᠭᠦᠳᠡᠯᠯᠡᠵᠦ ᠵᠠᠶᠢᠯᠠᠨ ᠶᠠᠪᠤᠳᠠᠭ ᠪᠠᠶᠢᠵᠠᠢ᠃ | ᠮᠤᠩᠭᠤᠯᠴᠤᠳ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠲᠠᠬᠤᠯ ᠨᠢᠶᠠᠨ ᠭᠢᠵᠢᠭ ᠢ ᠰᠡᠷᠭᠡᠶᠢᠯᠡᠭᠦ ᠳᠤ ᠶᠡᠷᠦᠩᠭᠡᠢ ᠳᠡᠭᠡᠨ | ᠳᠤᠤᠷᠠᠭᠢ ᠨᠠᠢᠮᠠᠨ ᠵᠦᠢᠯ ᠤᠨ ᠠᠷᠭᠠ ᠶᠢ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠪᠠᠨ ᠤᠯᠠᠨ ᠭᠡᠷᠡᠭᠯᠡᠳᠡᠭ ᠪᠠᠶᠢᠵᠠᠢ᠃ ᠨᠢᠭᠡ ᠳᠤ | ᠬᠠᠯᠳᠠᠪᠤᠷᠢᠯᠠᠯ ᠢ ᠵᠠᠶᠢᠯᠠᠭᠤᠯᠬᠤ ᠡᠮ ᠲᠠᠢ ᠵᠦᠢᠯ ᠢ ᠵᠡᠭᠦᠯᠭᠡᠨ ᠰᠡᠷᠭᠡᠶᠢᠯᠡᠭᠦ ᠠᠷᠭᠠ︔ ᠬᠤᠶᠠᠷ ᠲᠤ ᠭᠠᠯ ᠤᠨ | ᠤᠲᠤᠭᠠ ᠪᠠᠷ ᠤᠳᠤᠯᠭᠠ ᠭᠢᠵᠦ ᠰᠡᠷᠭᠡᠶᠢᠯᠡᠭᠦ ᠠᠷᠭᠠ︔ ᠭᠤᠷᠪᠠ ᠳᠤ᠂ ᠡᠮ ᠲᠠᠩ ᠤᠤᠭᠤᠯᠭᠠᠨ ᠰᠡᠷᠭᠡᠶᠢᠯᠡᠭᠦ | ᠠᠷᠭᠠ︔ ᠲᠦᠷᠪᠡ ᠳᠤ ᠠᠷᠢᠭᠤᠨ ᠴᠡᠪᠡᠷ ᠢ ᠴᠡᠪᠡᠷᠯᠡᠨ ᠰᠡᠷᠭᠡᠶᠢᠯᠡᠭᠦ ᠠᠷᠭᠠ︔ ᠲᠠᠪᠤ ᠳᠤ ᠬᠠᠯᠬᠠᠯᠠᠵᠤ ᠰᠠᠯᠭᠠᠨ | ᠬᠠᠯᠬᠠᠪᠴᠢ ᠪᠠᠷ ᠰᠡᠷᠭᠡᠶᠢᠯᠡᠭᠦ ᠠᠷᠭᠠ︔ ᠵᠢᠷᠭᠤᠭᠠ ᠳᠤ ᠠᠷᠢᠭᠤᠳᠬᠠᠨ ᠴᠡᠪᠡᠷᠰᠢᠭᠦᠯᠵᠦ ᠰᠡᠷᠭᠡᠶᠢᠯᠡᠭᠦ ᠠᠷᠭᠠ︔ | ᠲᠤᠯᠤᠭᠠ ᠳᠤ ᠲᠤᠰᠠᠭᠠᠷᠯᠠᠨ ᠭᠢᠵᠠᠭᠠᠷᠯᠠᠵᠤ ᠰᠡᠷᠭᠡᠶᠢᠯᠡᠭᠦ ᠠᠷᠭᠠ︔ ᠨᠠᠢᠮᠠ ᠳᠤ᠂ ᠵᠡᠭᠦᠦ ᠲᠠᠷᠢᠯᠭᠠ ᠪᠠᠷ ᠰᠡᠷᠭᠡᠶᠢᠯᠡᠭᠦ | ᠠᠷᠭᠠ ᠵᠡᠷᠬᠡ ᠪᠠᠶᠢᠳᠠᠭ᠃ | ᠡᠮᠴᠢ᠂ ᠲᠤᠮᠴᠢ᠂ ᠪᠦᠭᠡ ᠮᠦᠷᠭᠦᠯ ᠮᠡᠲᠦ ᠶᠢᠨ ᠡᠮᠨᠡᠯᠭᠡ ᠶᠢᠨ ᠮᠡᠷᠭᠡᠵᠢᠯ ᠲᠠᠢ ᠭᠦᠮᠦᠰ ᠠᠴᠠ ᠲᠤᠰᠬᠠᠶᠢᠯᠠᠨ | ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠶᠢᠰᠦᠨ ᠬᠠᠷᠠ︾᠂ ︽ᠬᠠᠮᠠᠷ ᠲᠠᠮᠠᠭᠢ︾᠂ ︽ᠭᠠᠪᠤᠷ︾᠂ ︽ᠰᠠᠷᠢᠮᠰᠠᠭ︾ ᠵᠡᠷᠭᠡ | ᠦᠨᠦᠷᠲᠦ ᠵᠦᠢᠯ ᠢ ᠪᠡᠶᠡ ᠳᠤᠨᠢ ᠵᠡᠭᠦᠯᠭᠡᠵᠦ ᠡᠪᠡᠳᠴᠢᠨ ᠬᠠᠯᠳᠠᠪᠤᠷᠢᠯᠠᠬᠤ ᠶᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠳᠡᠭ᠂ | ᠡᠮ ᠤᠨ ᠭᠦᠴᠦ ᠨᠢ ᠳᠤᠭᠰᠢᠨ ᠲᠤᠯᠠ ᠵᠢᠷᠮᠦᠰᠦᠨ ᠡᠮᠡᠭᠲᠡᠢ ᠵᠠᠷᠢᠮ ᠵᠦᠢᠯ ᠢ ᠨᠢ ᠵᠡᠭᠦᠵᠦ ᠪᠤᠯᠳᠠᠭ ᠦᠭᠡᠢ᠃ | ᠤᠲᠤᠯᠭᠠ ᠶᠢᠨ ᠵᠦᠢᠯ ᠳᠤ ᠬᠠᠷᠠ ᠭᠦᠭᠦᠯ᠂ ᠬᠤᠸᠠᠵᠢᠶᠤᠤ᠂ ᠳᠢᠭᠪᠡᠷᠠᠩᠽᠠ᠂ ᠳᠠᠯᠠᠨ ᠲᠦᠷᠦᠭᠦᠦ᠂ ᠬᠠᠶᠢᠨᠠᠭ ᠤᠨ | ᠮᠢᠬᠠ᠂ ᠲᠤᠭᠰᠢᠨ ᠪᠦᠩ ᠠ᠂ ᠦᠮᠡᠭᠡᠢ ᠲᠤᠪᠤᠷᠬᠠᠢ᠂ ᠤᠯᠠᠭᠠᠨ ᠠᠭᠢ ᠶᠢᠨ ᠦᠨᠳᠦᠰᠦ᠂ ᠭᠤᠷᠪᠠᠨ ᠵᠢᠯ | ᠪᠤᠯᠤᠭᠰᠠᠨ ᠦᠭᠡᠷ ᠤᠨ ᠭᠦᠭᠡ ᠠᠷᠭᠠᠯ᠂ ᠦᠨᠦᠴᠢᠨ ᠰᠠᠷᠢᠮᠰᠠᠭ ᠵᠡᠷᠭᠡ ᠡᠮ ᠤᠷᠤᠳᠠᠭ᠂ ᠡᠳᠡᠭᠡᠷ ᠡᠮ ᠨᠢ ᠨᠢᠶᠠᠨ | ᠭᠢᠵᠢᠭ ᠢ ᠨᠢᠳᠠᠯᠠᠬᠤ ᠳᠤ ᠴᠢᠬᠤᠯᠠ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ ᠡᠮ ᠤᠤᠭᠤᠯᠭᠠᠬᠤ ᠳᠤ ᠶᠢᠰᠦᠨ ᠬᠠᠷᠠ ᠶᠢᠨ | ᠨᠠᠶᠢᠷᠠᠯᠭᠠ᠂ ᠭᠠᠷᠤᠳᠢ 5᠂ ᠭᠠᠪᠤᠷ 20 ᠵᠡᠷᠭᠡ ᠶᠢ ᠡᠮᠴᠢ ᠶᠢᠨ ᠵᠢᠯᠤᠭᠤᠳᠤᠮᠵᠢ ᠶᠢᠨ ᠳᠤᠤᠷᠠ ᠵᠤᠭᠢᠰᠲᠠᠢ ᠪᠠᠭᠠ | ᠰᠠᠭᠠ ᠤᠤᠭᠤᠯᠭᠠᠵᠤ᠂ ᠶᠡᠭᠡ ᠤᠤᠭᠤᠯᠭᠠᠳᠠᠭ ᠦᠭᠡᠢ᠃ ᠭᠤᠤᠯᠳᠠᠭᠤ ᠲᠤᠲᠤᠷ ᠤᠨ ᠬᠠᠯᠠᠭᠤᠨ ᠲᠠᠢ ᠪᠤᠶᠤ ᠴᠢᠰᠦ | ᠭᠦᠭᠡᠷᠴᠦ ᠪᠠᠶᠢᠭᠠ ᠭᠦᠮᠦᠰ ᠲᠤ ᠵᠤᠭᠢᠬᠤ ᠭᠡᠮᠵᠢᠶᠡ ᠪᠠᠷ ᠬᠠᠯᠠᠭᠤᠨ ᠢ ᠪᠠᠭᠤᠷᠠᠭᠤᠯᠬᠤ ᠡᠮ ᠤᠤᠭᠤᠯᠭᠠᠳᠠᠭ᠃ ︽ | ᠪᠤᠵᠠᠷ ᠪᠤᠷᠳᠠᠭ ᠲᠠᠢ ᠭᠠᠵᠠᠷ ᠲᠤ ᠪᠤᠷᠬᠠᠨ ᠪᠠᠭᠤᠬᠤ ᠦᠭᠡᠢ ᠬᠠᠷᠢᠨ ᠭᠢᠵᠢᠭ ᠪᠠᠭᠤᠳᠠᠭ︾ ᠬᠡᠳᠡᠭ ᠠᠴᠠ ᠪᠡᠶᠡ | ᠬᠠᠳᠠ ᠪᠠᠨ ᠤᠭᠢᠶᠠᠬᠤ ᠠᠴᠠ ᠭᠠᠳᠠᠨᠠ ᠠᠮᠢᠳᠤᠷᠠᠯ ᠤᠨ ᠤᠷᠴᠢᠨ ᠲᠤᠭᠤᠷᠢᠨ ᠢᠶᠠᠨ ᠴᠡᠪᠡᠷᠯᠡᠵᠤ ᠪᠠᠺᠲ᠋ᠧᠷᠢ ᠶᠢ | ᠤᠷᠤᠰᠢᠬᠤ ᠤᠷᠤᠨ ᠵᠠᠢ ᠦᠭᠡᠢ ᠪᠤᠯᠭᠠᠬᠤ ᠶᠢ ᠤᠨᠴᠠ ᠠᠩᠬᠠᠷᠬᠤ ᠭᠡᠷᠡᠭᠲᠡᠢ᠃ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠨᠢ | ᠤᠯᠠᠩᠭᠢ ᠳᠠᠭᠠᠨ ᠲᠠᠮᠵᠢᠭᠤᠯᠤᠭᠴᠢ ᠲᠠᠢ ᠪᠠᠶᠢᠳᠠᠭ ᠠᠴᠠ ᠬᠠᠯᠳᠠᠪᠤᠷᠢᠳᠦ ᠡᠪᠡᠳᠴᠢᠨ ᠤ ᠡᠬᠢ ᠪᠠ | ᠲᠠᠮᠵᠢᠭᠤᠯᠤᠭᠴᠢ ᠶᠢ ᠵᠠᠪᠠᠯ ᠶᠠᠮᠠᠷ ᠨᠢᠭᠡ ᠶᠠᠭᠤᠮᠠ ᠪᠠᠷ ᠬᠠᠯᠬᠠᠯᠠᠨ ᠭᠢᠵᠠᠭᠠᠷᠯᠠᠬᠤ ᠭᠡᠷᠡᠭᠲᠡᠢ᠃ ᠲᠡᠷᠭᠡᠨ ᠪᠤᠯᠤ᠂ | ᠭᠦᠯ ᠤᠨ ᠤᠯᠠ᠂ ᠬᠡᠷ ᠤᠨ ᠲᠡᠵᠢᠬᠡᠪᠦᠷᠢ ᠠᠮᠢᠳᠠᠨ ᠵᠡᠷᠬᠡ ᠨᠢ ᠡᠪᠡᠳᠴᠢᠨ ᠤ ᠪᠠᠺᠲ᠋ᠧᠷᠢ ᠶᠢ ᠬᠡᠷ ᠲᠤ ᠲᠠᠮᠵᠢᠭᠤᠯᠤᠨ | ᠠᠪᠴᠢᠷᠠᠬᠤ ᠪᠤᠯᠤᠯᠴᠠᠭᠠ ᠲᠠᠢ ᠪᠤᠯᠬᠤᠷ ᠠᠷᠢᠭᠤᠳᠬᠠᠨ ᠴᠡᠪᠡᠷᠯᠡᠵᠦ᠂ ᠲᠤᠰᠠᠭᠠᠷᠯᠠᠨ ᠬᠢᠵᠠᠭᠠᠷᠯᠠᠬᠤ ᠴᠢᠬᠤᠯᠠᠳᠠᠢ | ᠪᠠᠶᠢᠳᠠᠭ᠃ ᠬᠠᠭᠤᠴᠢᠨ ᠳᠤ ᠡᠪᠡᠳᠴᠢᠨ ᠤ ᠪᠠᠺᠲ᠋ᠧᠷᠢ ᠶᠢ ᠡᠷᠡᠭᠦᠯ ᠭᠦᠮᠦᠨ ᠳᠤ ᠲᠠᠷᠢᠭᠠᠳ ᠲᠠᠭᠢᠵᠤ ᠡᠮ ᠤᠨ | ᠭᠦᠴᠦ ᠪᠠᠷ ᠡᠮᠨᠡᠨ ᠡᠳᠡᠭᠡᠷᠡᠭᠦᠯᠪᠡᠯ ᠡᠨᠡ ᠡᠪᠡᠳᠴᠢᠨ ᠲᠠᠭᠢᠵᠤ ᠤᠷᠤᠬᠤ ᠦᠭᠡᠢ ᠪᠤᠯᠳᠠᠭ᠃ ᠭᠡᠪᠡᠴᠦ ᠤᠳᠤ ᠪᠣᠯ | ᠡᠶᠢᠮᠦ ᠲᠠᠷᠢᠯᠭᠠ ᠶᠢ ᠭᠢᠵᠦ ᠪᠤᠯᠬᠤ ᠦᠭᠡᠢ ᠪᠤᠯᠵᠠᠢ᠃ ᠪᠤᠰᠤᠳ ᠡᠪᠡᠳᠴᠢᠨ ᠤ ᠬᠠᠯᠳᠠᠪᠤᠷᠢᠯᠠᠯ ᠢ ᠰᠡᠷᠭᠡᠶᠢᠯᠡᠭᠦ | ᠲᠠᠷᠢᠯᠭᠠ ᠶᠢᠨ ᠵᠡᠭᠦᠦ ᠪᠠᠶᠢᠳᠠᠭ ᠪᠤᠯᠪᠠᠴᠤ ᠡᠨᠡ ᠤᠳᠠᠭᠠ ᠶᠢᠨ ︽ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯ︾ ᠳᠤ | ᠲᠤᠭᠢᠷᠠᠬᠤ ᠲᠡᠷᠢᠯᠭᠠ ᠶᠢᠨ ᠡᠮ ᠤᠳᠤᠬᠠᠨ ᠳᠤ ᠦᠭᠡᠢ ᠪᠠᠶᠢᠭᠰᠠᠭᠠᠷ᠃ | ᠲᠡᠭᠡᠷᠠ ᠶᠠᠷᠢᠭᠰᠠᠨ ᠨᠠᠢᠮᠠᠨ ᠵᠦᠢᠯ ᠤᠨ ᠤᠯᠠᠮᠵᠢᠯᠠᠯᠳᠤ ᠰᠡᠷᠬᠡᠶᠢᠯᠡᠬᠦ ᠠᠷᠭᠠ ᠳᠤ ᠤᠲᠤᠬᠤ᠂ ᠠᠷᠴᠠ | ᠳᠠᠪᠤᠰᠤ ᠪᠠᠷ ᠰᠢᠷᠢᠭᠯᠡᠭᠦ᠂ ᠲᠤᠰᠠᠭᠠᠷᠯᠠᠨ ᠭᠢᠵᠠᠭᠠᠷᠯᠠᠬᠤ ᠶᠢ ᠬᠠᠮᠤᠭ ᠤᠨ ᠦᠷᠭᠡᠨ ᠢᠶᠠᠷ ᠭᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ | ᠨᠡᠩ ᠢᠯᠠᠩᠭᠤᠶᠠ ᠭᠤᠷᠪᠠᠨ ᠵᠢᠯ ᠪᠤᠯᠤᠭᠰᠠᠨ ᠭᠦᠭᠡ ᠠᠷᠭᠠᠯ ᠢᠶᠠᠷ ᠬᠤᠲᠠ ᠬᠤᠷᠤᠭᠠ ᠪᠠᠨ ᠤᠳᠤᠬᠤ᠂ | ᠦᠨᠡᠰᠦ ᠶᠢᠨ ᠨᠤᠨᠳᠠᠭ ᠪᠤᠯᠤᠨ ᠴᠤᠬᠤᠢ ᠶᠢᠨ ᠴᠢᠯᠠᠭᠤᠨ ᠤ ᠨᠤᠨᠳᠠᠭ ᠢᠶᠠᠷ ᠤᠷᠴᠢᠨ ᠲᠤᠭᠤᠷᠢᠨ ᠪᠤᠯᠤᠨ ᠮᠠᠯ | ᠬᠤᠢ ᠪᠠᠨ ᠠᠷᠢᠭᠤᠯᠠᠬᠤ ᠪᠣᠯ ᠤᠯᠠᠮᠵᠢᠯᠠᠯᠲᠤ ᠳᠠᠳᠬᠠᠯ ᠮᠥᠨ᠃ ᠤᠨᠴᠠᠭᠠᠶᠢᠯᠠᠨ ᠮᠠᠯᠵᠢᠯ ᠢᠶᠠᠷ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ | ᠠᠶᠢᠯ ᠳᠤ ᠴᠤᠬᠤᠢ ᠶᠢᠨ ᠴᠢᠯᠠᠭᠤᠨ ᠤ ᠨᠤᠨᠳᠠᠭ ᠪᠠ ᠦᠨᠡᠰᠦ ᠶᠢᠨ ᠨᠤᠨᠳᠠᠭ ᠪᠣᠯ ᠤᠳᠤ ᠶᠢᠨ ᠠᠷᠢᠭᠤᠳᠬᠠᠯ ᠤᠨ | ᠤᠰᠤ ᠠᠴᠠ ᠴᠦ ᠳᠠᠪᠠᠭᠤᠯᠢᠭ ᠤᠳᠠᠭᠠᠨ ᠬᠠᠳᠠᠭᠠᠯᠠᠭᠳᠠᠬᠤ ᠰᠢᠨᠵᠢ ᠲᠠᠢ ᠪᠠᠶᠢᠳᠠᠭ᠃ ᠲᠡᠷᠡ ᠨᠢ ᠮᠠᠯ ᠤᠨ ᠰᠢᠬᠡᠭ | ᠬᠤᠷᠭᠤᠯ ᠲᠠᠢ ᠬᠤᠯᠢᠯᠳᠤᠨ ᠨᠢᠭᠤᠭᠳᠠᠵᠤ᠂ ᠮᠠᠯ ᠤᠨ ᠭᠦᠯ ᠢᠶᠠᠷ ᠲᠠᠭᠢᠨ ᠳᠡᠭᠳᠡᠵᠦ ᠠᠭᠠᠷ ᠲᠤ ᠭᠡᠶᠢᠰᠦᠨ | ᠠᠷᠢᠭᠤᠳᠬᠠᠯ ᠤᠨ ᠦᠢᠯᠡᠳᠦᠯ ᠢᠶᠠᠨ ᠪᠠᠳᠠᠷᠠᠭᠤᠯᠳᠠᠭ᠃ ᠠᠶᠢᠯ ᠠᠶᠢᠮᠠᠭ ᠬᠤᠭᠤᠷᠤᠨᠳᠤ ᠪᠠᠨ ᠭᠦᠯ ᠬᠤᠷᠢᠭᠠ | ᠴᠡᠭᠡᠷᠯᠡᠭᠦ᠂ ᠳᠠᠪᠤᠰᠤ ᠲᠠᠢ ᠤᠰᠤ ᠪᠤᠶᠤ ᠰᠠᠩᠷᠤ ᠪᠠᠷ ᠡᠳᠦᠷ ᠪᠦᠷᠢ ᠠᠮᠠ ᠪᠠᠨ ᠵᠠᠶᠢᠯᠬᠤ᠂ ᠬᠤᠪᠴᠠᠰᠤ ᠪᠠᠨ | ᠠᠷᠢᠭᠤᠯᠠᠬᠤ ᠪᠣᠯ ᠵᠦᠪ ᠰᠤᠩᠭᠤᠯᠲᠠ ᠮᠥᠨ᠃ ᠠᠶᠢᠯ ᠪᠦᠭᠦᠨ ᠰᠤᠩᠭᠢᠨᠠ᠂ ᠰᠠᠷᠢᠮᠰᠠᠭ᠂ ᠭᠠᠪᠤᠷ ᠮᠡᠲᠦ ᠶᠢᠨ | ᠦᠨᠦᠷᠲᠦ ᠵᠦᠢᠯ ᠢ ᠭᠡᠷ ᠲᠡᠭᠡᠨ ᠦᠷᠭᠦᠯᠵᠢ ᠪᠠᠶᠢᠯᠭᠠᠵᠤ ᠪᠠᠶᠢᠪᠠᠯ ᠬᠢᠵᠢᠭ ᠡᠪᠡᠳᠴᠢᠨ ᠴᠦ ᠰᠤᠳᠤᠨ ᠰᠤᠷᠭᠤᠭ | ᠦᠨᠦᠷ ᠠᠴᠠ ᠠᠶᠤᠳᠠᠭ ᠪᠢᠯᠡ᠃ ᠮᠤᠩᠭᠤᠯ ᠡᠮ ᠤᠨ ᠲᠤᠲᠤᠷᠠ ᠪᠠᠰᠠ ︽ᠪᠠᠷᠠᠶᠢᠮ︾ ᠪᠠ ︽ᠮᠠᠨᠤ 4︾᠂ ︽ | ᠰᠤᠷᠤᠯᠤ 4︾᠂ ︽ᠪᠠᠪᠤ 7︾᠂ ︽ᠠᠭᠠᠷ 15︾ ᠁ ᠵᠡᠷᠭᠡ ᠡᠮ ᠤᠳ ᠨᠢ ᠡᠪᠡᠳᠴᠢᠨ ᠬᠠᠯᠳᠠᠪᠤᠷᠢᠯᠠᠯ ᠢ | ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠳᠠᠭ ᠪᠠᠶᠢᠪᠠ᠃ ᠤᠨᠴᠠᠭᠠᠢ ᠠᠩᠬᠠᠷᠣᠭᠤᠯᠬᠤ ᠨᠢ ᠳᠡᠭᠡᠷᠡ ᠲᠤᠷᠠᠳᠤᠭᠰᠠᠨ ᠮᠤᠩᠭᠤᠯ ᠡᠮ ᠤᠳ ᠢ | ᠭᠡᠷᠡᠭᠯᠡᠭᠦ ᠳᠡᠭᠡᠨ ᠡᠮᠴᠢ ᠶᠢᠨ ᠭᠢᠨᠠᠯᠲᠠ ᠳᠤᠤᠷᠠ ᠠᠪᠴᠦ ᠭᠡᠷᠡᠭᠯᠡᠭᠦ ᠭᠡᠷᠡᠭᠲᠡᠢ᠃ ᠠᠳᠡ ᠪᠢᠴᠢᠵᠦ ᠪᠠᠶᠢᠭᠠ ᠵᠤᠷ ᠨᠢ | ᠪᠦᠷᠢᠨ ᠭᠦᠢᠴᠡᠳ ᠦᠭᠡᠢ ᠭᠡᠳᠡᠭ ᠢᠶᠠᠨ ᠲᠤᠲᠤᠷᠬᠠᠶᠢᠯᠠᠶᠠ᠃ | ᠮᠤᠩᠭᠤᠯ ᠲᠦᠮᠡᠨ ᠮᠢᠨᠢ ᠤᠳᠤᠮᠰᠢᠯᠲᠤ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠭᠦ ᠠᠷᠭᠠ ᠲᠤᠷᠰᠢᠯᠭᠠ ᠶᠢ | ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠪᠠᠨ ᠢᠯᠡᠬᠦᠬᠡᠨ ᠭᠡᠷᠡᠭᠯᠡᠵᠦ᠂ ᠴᠢᠨᠠᠭᠰᠢᠳᠠ ᠤᠯᠠᠮᠵᠢᠯᠠᠨ ᠳᠡᠯᠭᠡᠷᠡᠭᠦᠯᠬᠦ ᠪᠤᠯᠲᠤᠭᠠᠢ︕ | | | ᠵᠣᠬᠢᠶᠠᠭᠴᠢ᠄ ᠲᠦᠯᠭᠡᠴᠢᠨ ᠪᠤᠶᠠᠠᠭᠡᠰᠢᠭ | | | |