| ︽ᠲᠡᠮᠡᠭᠡᠨ ᠰᠦᠷᠦᠭ ᠤᠨ ᠬᠡᠮᠵᠢᠶᠡ ᠦᠭᠡᠢ ᠡᠷᠭᠡᠳᠦ ᠡᠵᠡᠨ ᠬᠠᠭᠠᠨ ᠪᠤᠯ ᠪᠤᠤᠷᠠ ᠶᠤᠮ︾᠃ ᠨᠡᠮᠺᠠᠪᠠᠯ | ᠨᠡᠷ ᠬᠠᠪᠰᠢᠭᠤᠨ ᠪᠤᠤᠷᠠ ᠤᠨᠤᠵᠦ ᠪᠡᠭᠡᠵᠢᠩ ᠤᠷᠤᠬᠤ ᠳᠤ ︽ᠠᠷᠠᠭᠠ ᠰᠢᠳᠦ ᠪᠠᠨ ᠬᠠᠪᠢᠷᠴᠦ᠂ ᠠᠷᠰᠯᠠᠨ ᠪᠠᠷᠰ | ᠰᠢᠭ᠋ ᠬᠦᠷᠬᠢᠷᠡᠵᠦ᠂ ᠭᠡᠳᠡᠭᠡᠷ ᠬᠦᠵᠦᠬᠦᠦ ᠪᠠᠨ ᠪᠦᠬᠦᠨ ᠳᠡᠭᠡᠨ ᠬᠠᠨᠳᠠᠷᠴᠤ᠂ ᠬᠡᠳᠡᠰᠦ ᠬᠦᠵᠡᠭᠡ ᠪᠠᠨ | ᠨᠢᠷᠤᠭᠤᠨ ᠳᠠᠭᠠᠨ ᠨᠠᠭᠠᠯᠳᠤᠭᠤᠯᠵᠦ᠂ ᠴᠡᠭᠡᠵᠢ ᠲᠤᠯᠤᠭᠠᠢ ᠪᠠᠨ ᠬᠦᠭᠡᠰᠦ ᠪᠠᠷ ᠪᠤᠯᠠᠵᠦ᠂ ᠴᠡᠷᠢᠭ ᠬᠤᠶᠠᠭ ᠤᠳ ᠢ | ᠰᠢᠬᠡᠰᠦ ᠪᠠᠷ ᠱᠠᠪᠰᠢᠵᠦ᠂ ᠰᠢᠨᠵᠢ ᠪᠠᠶᠢᠳᠠᠯ ᠨᠢ ᠦᠨᠡᠭᠡᠷ ᠮᠠᠭᠤᠬᠠᠢ ᠠᠶᠤᠮᠰᠢᠭᠳᠠᠢ ᠬᠠᠷᠠᠭᠳᠠᠬᠤ︾ ᠪᠤᠤᠷᠠ ᠶᠢ | ᠦᠵᠡᠭᠡᠳ ᠮᠠᠨᠵᠦ ᠶᠢᠨ ᠬᠠᠭᠠᠨ ᠠᠶᠤᠨ ᠬᠡᠯᠮᠡᠭᠳᠡᠵᠦ᠂ ᠦᠪᠡᠷ ᠤᠨ ᠠᠰᠢᠭ ᠲᠤᠰᠠ ᠶᠢᠨ ᠢᠶᠠᠨ ᠲᠦᠯᠦᠭᠡ ᠡᠨᠡᠬᠦ | ︽ᠭᠠᠯᠵᠠᠭᠤ︾ ᠲᠡᠮᠡᠭᠡ ᠶᠢ ᠨᠤᠮᠬᠠᠳᠬᠠᠵᠦ ᠤᠨᠤᠭᠰᠠᠨ ᠬᠤᠷᠤᠯᠠᠢ ᠶᠢᠨ ᠠᠶᠢᠮᠠᠭ ᠲᠤ ᠠᠯᠠᠱᠠ ᠨᠤᠳᠤᠭ ᠢ | ᠦᠮᠴᠢᠯᠡᠬᠦᠯᠦᠨ ᠦᠭᠬᠦ ᠪᠠᠷ ᠪᠤᠯᠤᠭᠰᠠᠨ ᠦᠯᠢᠭᠡᠷ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠬᠡᠳᠦ᠋ᠢᠪᠡᠷ ᠲᠤᠮᠤᠭ ᠪᠤᠯᠪᠠᠴᠤ ᠬᠠᠷᠢᠨ | ᠬᠠᠪᠰᠢᠭᠤᠨ ᠪᠤᠤᠷᠠ ᠶᠢᠨ ᠰᠦᠷ ᠪᠡᠶᠡ᠂ ᠰᠢᠨᠵᠢ ᠲᠦᠷᠬᠦ ᠶᠢᠨ ᠲᠡᠬᠦᠰ ᠰᠦᠷᠯᠢᠭ᠂ ᠲᠤᠷᠢᠭᠤᠨ ᠵᠢᠪᠬᠤᠯᠠᠩ ᠢ | ᠬᠠᠷᠠᠭᠤᠯᠤᠭᠰᠠᠨ ᠬᠦᠢᠴᠡᠳ ᠲᠦᠷᠰᠦᠯᠡᠯ ᠪᠤᠯᠬᠤ ᠶᠤᠮ᠃ ᠲᠡᠮᠡᠭᠡᠨ ᠰᠦᠷᠦᠭ ᠤᠨ ᠢᠶᠠᠨ ᠡᠬᠦᠯᠳᠡᠷ ᠤᠭᠰᠠᠭᠠ ᠶᠢ | ᠴᠠᠭ ᠢᠮᠠᠭᠳᠠ ᠰᠢᠯᠢᠨ ᠰᠠᠶᠢᠵᠢᠷᠠᠭᠤᠯᠬᠤ ᠳᠤ ᠡᠨᠡᠬᠦ ᠰᠢᠨᠵᠢ ᠲᠡᠭᠦᠯᠳᠡᠷ ᠡᠵᠡᠨ ᠬᠠᠭᠠᠨ ᠪᠤᠯᠤᠭᠰᠠᠨ ᠪᠤᠤᠷᠠ ᠶᠢ | ᠰᠤᠩᠭᠤᠬᠤ ᠪᠤᠯ ᠬᠠᠮᠤᠭ ᠠᠴᠠ ᠴᠢᠬᠤᠯᠠ ᠠᠵᠦ ᠪᠢᠯᠡ᠃ ᠪᠤᠤᠷᠠ ᠲᠠᠯᠪᠢᠬᠤ ᠲᠠᠶᠢᠯᠤᠭ ᠤᠨ ︽ᠲᠤᠯᠤᠭᠠᠢ ᠨᠢ | ᠠᠪᠰᠠᠷ ᠪᠦᠭᠡᠳ ᠲᠡᠭᠰᠢ᠂ ᠨᠢᠳᠦ ᠨᠢ ᠪᠦᠳᠦᠬᠦᠨ ᠪᠦᠭᠡᠳ ᠬᠠᠷᠠᠴᠠ ᠨᠢ ᠵᠦᠭᠡᠯᠡᠨ᠂ ᠮᠤᠬᠤᠷ ᠡᠪᠯᠡᠬᠦᠨ | ᠬᠤᠩᠰᠢᠶᠠᠷ ᠲᠠᠢ᠂ ᠬᠠᠮᠠᠷ ᠤᠨ ᠨᠦᠭᠡ ᠨᠢ ᠲᠤᠮᠤ ᠪᠦᠭᠡᠳ ᠨᠡᠭᠡᠬᠡᠵᠦ ᠬᠠᠮᠬᠢᠬᠤ ᠨᠢ ᠤᠶᠠᠨ ᠬᠠᠳᠠᠨ᠂ ᠪᠦᠬᠦ ᠨᠢ | ᠲᠤᠮᠤ ᠪᠦᠭᠡᠳ ᠰᠡᠷᠡᠬᠡᠯᠡᠬᠦ ᠨᠢ ᠬᠤᠷᠳᠤᠨ᠂ ᠮᠠᠩᠨᠠᠢ ᠦᠷᠭᠡᠨ᠂ ᠴᠢᠬᠢ ᠨᠢ ᠪᠠᠭᠠ ᠪᠦᠭᠡᠳ ᠪᠤᠰᠤᠭᠠ᠂ ᠰᠡᠷᠪᠡᠭᠡ | ᠦᠨᠳᠦᠷ᠂ ᠴᠡᠭᠡᠵᠢ ᠦᠷᠭᠡᠨ᠂ ᠣᠷᠢᠳᠣ ᠮᠦᠴᠢ ᠨᠢ ᠶᠠᠰᠤᠯᠢᠭ ᠲᠦᠪᠯᠡᠬᠦᠨ ᠪᠦᠭᠡᠳ ᠦᠶᠡ ᠬᠡᠰᠢᠬᠦᠦ ᠨᠢ ᠴᠢᠩᠭᠠ | ᠴᠢᠬᠢᠷᠠᠭ᠂ ᠬᠤᠶᠢᠳᠤ ᠮᠦᠴᠢ ᠨᠢ ᠦᠨᠳᠦᠷ ᠪᠦᠭᠡᠳ ᠭᠤᠶᠠ ᠶᠢᠨ ᠪᠤᠯᠴᠢᠩ ᠨᠢ ᠴᠢᠩᠭᠠ᠂ ᠪᠦᠭᠡᠰᠦᠭ ᠨᠢ ᠲᠤᠳᠤ | ᠪᠦᠭᠡᠳ ᠲᠡᠭᠰᠢ᠂ ᠨᠤᠤᠰᠤ ᠨᠢᠭᠳᠠ᠂ ᠰᠡᠬᠦᠯ ᠤᠷᠳᠤ᠂ ᠬᠡᠪᠡᠯᠢ ᠨᠢ ᠴᠠᠪᠢ ᠤᠷᠤᠭᠤ ᠪᠠᠨ ᠲᠠᠳᠠᠩᠬᠠᠶᠢᠪᠳᠤᠷ᠂ | ᠬᠠᠪᠳᠠᠭᠠ ᠨᠢ ᠰᠢᠯᠤᠭᠤᠨ ᠮᠦᠯᠢᠭᠡᠷ ᠪᠦᠭᠡᠳ ᠵᠠᠩ ᠠᠷᠠᠨᠰᠢᠨ ᠨᠢ ᠨᠤᠮᠤᠬᠠᠨ︾ ᠤᠨᠴᠠᠯᠢᠭ ᠢ ᠠᠳᠬᠤᠵᠦ ᠬᠦᠷᠡᠩ | ᠤᠯᠠᠭᠠᠨ ᠦᠩᠭᠡ ᠲᠠᠢ ᠲᠠᠶᠢᠯᠤᠭ ᠢ ᠭᠤᠤᠯᠴᠢᠯᠠᠨ ᠰᠤᠩᠭᠤᠵᠦ᠂ ᠴᠠᠭᠠᠨ ᠪᠤᠤᠷᠠ ᠲᠠᠯᠪᠢᠬᠤ ᠪᠤᠯ ᠴᠢᠨᠳᠠᠭᠠᠨ ᠴᠠᠭᠠᠨ | ᠲᠠᠶᠢᠯᠤᠭ ᠢ ᠰᠤᠩᠭᠤᠳᠠᠭ᠃ ᠤᠳᠤᠮ ᠨᠢ ᠨᠤᠮᠤᠬᠠᠨ᠂ ᠡᠳ᠋ᠯᠡᠭᠡ ᠬᠦᠯᠪᠦᠷᠢ ᠳᠤ ᠲᠠᠭᠠᠭᠠᠴᠠ ᠲᠠᠢ᠂ ᠡᠬᠡ ᠨᠢ ᠨᠤᠤᠰᠤ | ᠰᠦ ᠰᠠᠶᠢᠳᠠᠢ᠂ ᠤᠰᠤ ᠭᠤᠯᠤᠳᠠᠭ ᠦᠭᠡᠢ᠂ ᠭᠤᠷᠪᠠ ᠠᠴᠠ ᠳᠠᠪᠤ ᠶᠢᠰᠦ ᠶᠢᠨ ᠬᠦᠢᠳᠡᠨ ᠳᠤ ᠭᠠᠷᠤᠭᠰᠠᠨ ᠪᠤᠳᠤᠭᠤ | ᠪᠤᠯ ᠨᠡᠩ ᠰᠠᠶᠢᠨ᠃ ᠬᠡᠬᠦ ᠳᠡᠭᠡᠨ ᠬᠦᠪᠴᠢ ᠨᠢᠷᠤᠭᠤ ᠲᠠᠢ᠂ ᠬᠢᠮᠦᠰᠦ ᠪᠠᠨ ᠴᠢᠷᠳᠡᠭ᠂ ᠮᠠᠶᠢᠭᠠ᠂ ᠪᠤᠷᠪᠢ ᠪᠠᠨ | ᠬᠠᠪᠢᠷᠳᠠᠭ᠂ ᠪᠠᠷᠬᠢᠷᠠᠵᠦ ᠰᠡᠪᠡᠰᠦᠯᠡᠳᠡᠭ ᠲᠠᠶᠢᠯᠤᠭ ᠢᠶᠠᠷ ᠪᠤᠤᠷᠠ ᠲᠠᠯᠪᠢᠳᠠᠭ ᠦᠭᠡᠢ᠃ ᠣᠨᠴᠣᠭᠤᠶᠢᠯᠠᠨ ᠲᠠᠯᠳᠠᠩ | ᠪᠤᠤᠷᠠ ᠬᠦᠮᠦᠨ ᠬᠠᠵᠠᠬᠤ ᠠᠶᠤᠯ ᠲᠠᠢ ᠲᠤᠯᠠ ᠡᠷᠭᠡ ᠲᠡᠯᠳᠡᠩ ᠦᠰᠦᠭᠰᠡᠨ ᠲᠠᠶᠢᠯᠤᠭ ᠢᠶᠠᠷ ᠪᠤᠤᠷᠠ ᠲᠠᠯᠪᠢᠬᠤ ᠶᠢ | ᠴᠢᠩᠭᠠ ᠴᠡᠭᠡᠷᠯᠡᠳᠡᠭ᠃ ᠬᠠᠰᠢᠷ ᠲᠡᠮᠡᠭᠡᠴᠢᠳ ᠪᠤᠤᠷᠠ ᠲᠠᠯᠪᠢᠬᠤ ᠲᠠᠶᠢᠯᠤᠭ ᠢ ᠶᠡᠷᠦ ᠨᠢ ᠭᠤᠨᠠ ᠳᠤᠨᠢ ᠰᠢᠯᠢᠵᠦ᠂ | ᠲᠦᠨᠡ ᠳᠤᠨᠢ ᠦᠵᠡᠵᠦ᠂ ᠲᠠᠪᠤ ᠳᠤᠨᠢ ᠲᠤᠷᠰᠢᠪᠠᠯ ᠰᠠᠶᠢᠨ ᠪᠠᠶᠢᠳᠠᠭ ᠬᠡᠯᠴᠡᠳᠡᠭ ᠪᠢᠯᠡ᠃ | ︵ᠵᠣᠬᠢᠶᠠᠭᠴᠢ᠄ ᠮᠦᠩᠬᠡᠵᠢᠷᠭᠠᠯ︶ |