ᠴ᠊ · ᠰᠠᠷᠠᠨᠠ ᠡᠪᠴᠢᠬᠦᠤ ᠵᠦᠰᠤᠵᠤ ᠪᠠᠶᠢᠨᠠ᠃ ︵ᠡᠷᠳᠠᠨᠢᠴᠡᠴᠡᠭ ᠰᠠᠬᠦᠳᠠᠷᠯᠠᠪᠠ︶ | | | | ᠴᠢᠨᠠᠭᠰᠠᠨ ᠡᠪᠴᠢᠬᠦᠤ᠃ ︵ᠡᠷᠳᠠᠨᠢᠴᠡᠴᠡᠭ ᠰᠠᠬᠦᠳᠠᠷᠯᠠᠪᠠ︶ | | | | | ᠡᠪᠴᠢᠬᠦᠦ ᠪᠤᠯ ᠡᠮᠡᠭᠳᠡᠢ ᠬᠥᠮᠦᠨ ᠤ ᠬᠥᠨᠳᠤ ᠶᠢᠨ ᠬᠤᠭᠤᠯᠠ ᠮᠥᠨ᠂ ᠶᠡᠷᠦ ᠨᠢ ᠤᠭᠤᠴᠠ ᠲᠠᠢ ᠠᠳᠠᠯᠢ ᠪᠠᠷ | ᠬᠥᠨᠳᠤᠯᠡᠳᠡᠭ ᠮᠠᠠ ᠤ ᠠᠯᠠᠱᠠ ᠨᠤᠳᠤᠭ ᠢᠶᠠᠷ ᠥᠷᠭᠡᠨ ᠳᠡᠯᠭᠡᠷᠡᠵᠤ ᠤᠯᠠᠮᠵᠢᠯᠠᠬᠳᠠᠬᠰᠠᠠ ᠵᠠᠩ ᠤᠶᠢᠯᠠ ᠪᠠᠶᠢᠵᠤ᠂ | ᠤᠳᠤ ᠪᠤᠯᠳᠠᠯᠠ ᠥᠪᠤᠷ ᠮᠤᠩᠭᠤᠯ ᠳᠠᠭᠠᠨ ᠬᠠᠮᠤᠭ ᠠᠴᠠ ᠢᠯᠡᠬᠦᠦ ᠬᠥᠨᠳᠤᠯᠠᠵᠤ ᠤᠯᠠᠮᠵᠢᠯᠠᠵᠤ ᠪᠠᠶᠢᠭᠠ ᠰᠤᠶᠤᠯ | ᠪᠢᠯᠡ᠃ ᠪᠢᠳᠡᠨ ᠤ ᠢᠳᠡᠵᠤ ᠪᠠᠶᠢᠭᠠ ᠤᠯᠠᠭᠠᠨ ᠢᠳᠡᠭᠡᠨ ᠪᠤᠯᠬᠤ ᠡᠪᠴᠢᠬᠦᠦ ᠶᠢᠨ ᠰᠤᠶᠤᠯ ᠨᠢ ᠤᠳᠤ ᠪᠤᠯᠬᠤ ᠳᠤ | ᠭᠡᠭᠡᠭᠳᠡᠵᠤ ᠤᠷᠬᠢᠬᠳᠠᠬᠤ ᠳᠡᠰᠢ ᠪᠠᠨ ᠬᠠᠨᠳᠤᠵᠤ ᠪᠠᠶᠢᠭᠠ ᠡᠨᠡ ᠪᠠᠴᠢᠮ ᠴᠠᠭ ᠥᠶᠡ ᠳᠤ᠂ ᠡᠪᠴᠢᠬᠦᠨ ᠤ | ᠰᠤᠶᠤᠯ ᠤᠨ ᠲᠥᠯᠦᠭᠡ ᠵᠢᠳᠬᠦᠨ ᠴᠢᠷᠮᠠᠶᠢᠵᠤ ᠪᠠᠶᠢᠭᠠ ᠴ᠊ · ᠰᠠᠷᠠᠨᠠ ᠪᠠᠭᠰᠢ ᠠᠴᠠ ᠡᠪᠴᠢᠬᠦᠨ ᠰᠤᠶᠤᠯ ᠤᠨ | ᠲᠤᠬᠠᠢ ᠰᠤᠷᠪᠤᠯᠵᠢᠯᠠᠭᠠ ᠠᠪᠤᠬᠰᠠᠠ ᠪᠢᠯᠡ᠃ | ᠴ᠊ · ᠰᠠᠷᠠᠨᠠ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠢᠡᠭᠭᠡᠨ ᠰᠤᠮᠤᠨ ᠳᠤ ᠨᠤᠳᠤᠬᠳᠠᠢ᠂ ᠠᠯᠠᠱᠠ ᠮᠤᠩᠭᠤᠯ | ᠥᠨᠳᠦᠰᠦᠳᠡᠨ ᠤ ᠪᠤᠷᠢᠨ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠭᠡᠳᠤ ᠳᠡᠰ ᠤᠨ ᠪᠠᠭᠰᠢ᠂ ᠠᠮᠠᠨ ᠵᠤᠬᠢᠶᠠᠯ | ᠴᠤᠬᠯᠠᠭᠤᠯᠤᠬᠴᠢ᠃ ᠴ᠊ · ᠰᠠᠷᠠᠨᠠ ᠰᠤᠷᠪᠤᠯᠵᠢᠯᠠᠬᠴᠢ ᠳᠤ᠄ ︽ᠪᠢ ᠨᠠᠶᠠᠭᠠᠳ ᠤᠨ ᠳᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ | ᠠᠶᠢᠯ ᠪᠤᠯᠵᠤ ᠤᠴᠢᠬᠤ ᠲᠡᠷᠡ ᠥᠶᠡ ᠠᠴᠠ ᠡᠬᠢᠯᠡᠵᠤ ᠡᠪᠴᠢᠬᠦᠨ ᠰᠤᠶᠤᠯ ᠳᠤ ᠠᠩᠬᠠ ᠠᠯᠬᠤᠮ ᠤᠨ | ᠤᠶᠢᠯᠠᠭᠠᠯᠳᠠ ᠲᠠᠢ ᠪᠤᠯᠵᠤ᠂ ᠬᠠᠳᠠᠮ ᠡᠵᠢ ᠪᠠᠷ ᠢᠶᠠᠨ ᠵᠢᠭᠠᠯᠭᠠᠨ ᠥᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠵᠥᠰᠦᠵᠤ | ᠰᠤᠷᠤᠬᠰᠠᠠ ᠶᠤᠮ᠃ ᠰᠡᠬᠦᠯ ᠳᠤᠨᠢ ᠥᠪᠡᠷ ᠢᠶᠠᠨ ᠵᠠᠩ ᠠᠭᠠᠯᠢ ᠶᠢᠨ ᠲᠤᠬᠠᠢ ᠰᠤᠳᠤᠯᠤᠯ ᠬᠢᠵᠤ ᠡᠪᠴᠢᠬᠦᠨ ᠤ | ᠰᠤᠶᠤᠯ ᠤᠨ ᠥᠬᠦᠯᠡᠯᠭᠡ ᠪᠢᠴᠢᠭᠰᠡᠡ︾ ᠬᠡᠵᠤ ᠶᠠᠷᠢᠪᠠ᠃ | ᠲᠠᠷᠠ ᠮᠠᠨᠢ ᠡᠪᠴᠢᠬᠦᠨ ᠰᠤᠶᠤᠯ ᠤᠨ ᠲᠤᠬᠠᠢ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤ᠂ ᠡᠵᠡᠨᠠ ᠬᠤᠰᠢᠭᠤ᠂ ᠠᠯᠠᠱᠠ | ᠵᠡᠬᠦᠨ ᠬᠤᠰᠢᠭᠤ ᠵᠡᠷᠭᠡ ᠨᠤᠳᠤᠭ ᠢᠶᠠᠷ ᠳᠠᠪᠢᠭᠠᠳ ᠥᠨᠳᠦᠷ ᠨᠠᠰᠤᠳᠠᠢ ᠪᠤᠭᠤᠷᠤᠯᠴᠤᠳ᠂ ᠠᠬᠠᠮᠠᠳ | ᠲᠤᠮᠤᠭᠠᠳᠠᠠ ᠠᠴᠠ ᠨᠠᠷᠢᠨ ᠲᠤᠳᠤ ᠰᠤᠷᠪᠤᠯᠵᠢᠯᠠᠭᠠ ᠠᠪᠴᠤ ᠮᠠᠲ᠋ᠧᠷᠢᠶᠠᠯ ᠪᠤᠯᠭᠠᠠ ᠡᠮᠭᠢᠳᠭᠡᠭᠰᠠᠠ ᠠᠵᠢ᠃ | | ᠡᠪᠴᠢᠬᠦᠦ ᠠᠪᠬᠤ ᠶᠤᠰᠤ | | ᠮᠤᠩᠭᠤᠯᠴᠤᠳ ᠮᠠᠯ ᠨᠢᠳᠤᠯᠠᠵᠤ ᠵᠠᠷᠤᠬᠤ ᠳᠠᠭᠠᠨ ᠶᠠᠭᠤᠨ ᠤ ᠤᠷᠢᠳ ᠡᠪᠴᠢᠬᠦᠨ ᠠᠴᠠ ᠡᠬᠢᠯᠡᠳᠡᠭ᠃ | ᠡᠪᠴᠢᠬᠦᠦ ᠶᠢ ᠠᠪᠬᠤ ᠳᠠᠭᠠᠨ ᠥᠪᠡᠷ ᠤᠨ ᠭᠡᠷᠡᠭᠴᠡᠭᠡ ᠪᠠᠨ ᠥᠨᠳᠦᠰᠦᠯᠡᠡ᠂ ᠬᠤᠷᠮᠤᠢ ᠲᠠᠢ᠂ ᠬᠤᠷᠮᠤᠢ ᠥᠬᠡᠢ ᠬᠡᠬᠦ | ᠮᠡᠳᠤ ᠶᠢᠨ ᠶᠠᠩᠵᠤ ᠪᠠᠷ ᠠᠪᠳᠠᠬ᠃ ᠬᠤᠷᠮᠤᠢ ᠲᠠᠢ ᠡᠪᠴᠢᠬᠦᠦ ᠶᠢ ᠠᠪᠬᠤ ᠳᠠᠭᠠᠨ ᠵᠥᠪ ᠭᠠᠷ ᠲᠠᠯᠡ ᠠᠴᠠ ᠪᠠᠨ | ᠳᠠᠭᠠᠭᠤᠯᠤᠨ ᠡᠪᠴᠢᠬᠦᠦ ᠶᠢᠨ ᠪᠥᠳᠦᠷᠬᠡᠢ ᠶᠢᠨ ᠳᠡᠭᠡᠷᠠ ᠠᠴᠠ ᠬᠠᠪᠢᠷᠭᠠᠠ ᠤ ᠲᠤᠯᠤᠭᠠᠢ ᠶᠢ ᠳᠠᠭᠠᠷᠢᠭᠤᠯᠤᠨ | ᠰᠥᠪᠡᠭᠡᠨ ᠤ ᠭᠤᠷᠪᠠᠨ ᠬᠠᠪᠢᠷᠭᠠ ᠬᠥᠷᠳᠡᠯᠠ ᠡᠰᠭᠡᠨ ᠠᠪᠴᠤ᠂ ᠵᠥᠪ ᠭᠠᠷ ᠲᠠᠯᠠ ᠪᠠᠨ ᠰᠠᠯᠭᠠᠵᠤ ᠪᠠᠷᠠᠭᠰᠠᠠ ᠤ | ᠳᠠᠷᠠᠭᠠ ᠡᠪᠴᠢᠬᠦᠦ ᠪᠠᠨ ᠳᠡᠭᠡᠭᠰᠢ ᠪᠠᠨ ᠳᠠᠳᠠᠵᠤ᠂ ᠰᠤᠯᠤᠭᠠᠢ ᠭᠠᠷ ᠲᠠᠯᠠ ᠪᠠᠨ ᠪᠥᠳᠦᠷᠭᠡᠢ ᠠᠴᠠ ᠮᠥᠨ | ᠰᠥᠪᠡᠭᠡᠨ ᠤ ᠭᠤᠷᠪᠠᠨ ᠬᠠᠪᠢᠷᠭᠠ ᠬᠥᠷᠳᠡᠯᠠ ᠲᠤᠳᠤᠷᠠ ᠲᠠᠯᠠ ᠠᠴᠠ ᠨᠢ ᠡᠰᠭᠡᠵᠤ᠂ ᠥᠷᠤᠴᠡ ᠶᠢᠨ ᠬᠤᠷᠮᠤᠢ ᠶᠢᠨ | ᠮᠢᠬᠠ ᠶᠢ ᠨᠢ ᠴᠥᠮ ᠡᠪᠴᠢᠬᠦᠨ ᠳᠤ ᠭᠠᠷᠭᠠᠠ ᠥᠯᠡᠳᠡᠭᠡᠳᠡᠭ᠃ ᠬᠤᠷᠮᠤᠢ ᠥᠬᠡᠢ ᠡᠪᠴᠢᠬᠦᠤ ᠶᠢ ᠪᠤᠯ ᠴᠠᠷᠠ ᠠᠴᠠ | ᠡᠭᠴᠡ ᠤᠷᠤᠭᠤ ᠤᠬᠳᠤᠯᠵᠤ ᠠᠪᠳᠠᠬ᠃ ᠠᠯᠠᠱᠠᠴᠤᠳ ᠬᠤᠷᠮᠤᠢ ᠲᠠᠢ ᠡᠪᠴᠢᠬᠦᠦ ᠠᠪᠳᠠᠬ ᠵᠠᠩᠰᠢᠯ ᠲᠠᠢ᠃ | | ᠡᠪᠴᠢᠬᠦᠦ ᠳᠠᠯᠪᠢᠬᠤ ᠵᠤᠷᠢᠭᠤᠯᠤᠯᠳᠠ | | ᠡᠪᠴᠢᠬᠦᠦ ᠶᠢ ᠬᠠᠷᠢ ᠳᠤ ᠮᠤᠷᠳᠠᠬᠤ ᠬᠡᠤᠭᠡᠨ ᠳᠤ ᠳᠠᠯᠪᠢᠬᠤ᠂ ᠲᠥᠷᠬᠦᠮᠴᠢᠯᠠᠵᠤ ᠢᠷᠡᠭᠰᠡᠡ ᠬᠡᠤᠭᠡᠨ ᠳᠤ | ᠳᠠᠯᠪᠢᠬᠤ᠂ ᠪᠥᠰᠡᠬᠦᠢ ᠵᠤᠴᠢᠳ ᠲᠤ ᠳᠠᠯᠪᠢᠬᠤ ᠬᠡᠬᠦ ᠮᠡᠳᠤ ᠪᠠᠶᠢᠳᠠᠭ᠃ ᠠᠯᠠᠱᠠ ᠨᠤᠳᠤᠭ ᠲᠤ ᠬᠡᠤᠭᠡᠨ ᠢᠶᠠᠨ | ᠬᠠᠷᠢᠯᠠᠪᠠᠯ ᠠᠪᠤ ᠡᠵᠢ ᠠᠴᠠ ᠪᠠᠨ ᠰᠠᠯᠵᠤ ᠬᠥᠮᠦᠨ ᠤ ᠭᠠᠵᠠᠷ ᠤᠴᠢᠵᠤ᠂ ᠬᠠᠳᠠᠮ ᠬᠠᠨᠢ ᠨᠥᠬᠦᠷ ᠲᠠᠢ ᠪᠠᠨ ᠡᠯᠢᠭᠡᠨ | ᠲᠤᠳᠤᠨᠤ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠬᠤ ᠶᠢ ᠪᠠᠯᠭᠡᠰᠢᠶᠠᠨ ᠬᠤᠶᠠᠷ ᠪᠡᠷᠭᠡᠨ ᠲᠠᠢ ᠭᠤᠷᠪᠠᠭᠤᠯᠠ ᠢᠳᠡᠳᠡᠭ᠃ | ᠭᠡᠬᠦ ᠳᠡᠭᠡᠨ ᠰᠠᠯᠠᠭᠠᠭᠤᠳ ᠤᠨ ᠳᠡᠭᠡᠵᠢ ᠪᠠᠷᠢᠬᠰᠠᠠ ᠤ ᠳᠠᠷᠠᠭᠠ ᠬᠡᠤᠭᠡᠨ ᠤ ᠠᠪᠤ ᠡᠵᠢ ᠨᠢ ᠭᠡᠤᠭᠡᠨ ᠤ ᠭᠡᠷ ᠲᠤ | ᠢᠷᠠᠵᠤ ᠡᠪᠴᠢᠬᠦᠦ ᠳᠠᠯᠪᠢᠨ ᠬᠠᠮᠳᠤᠪᠠᠷ ᠢᠶᠠᠨ ᠡᠪᠴᠢᠬᠦᠦ ᠠᠮᠰᠠᠭᠠᠳ ᠭᠡᠤᠭᠡᠨ ᠢᠶᠠᠨ ᠮᠤᠷᠳᠠᠭᠤᠯᠳᠠᠭ᠃ | | ᠲᠥᠷᠬᠦᠮᠴᠢᠯᠡᠵᠤ ᠢᠷᠡᠭᠰᠡᠡ ᠬᠡᠤᠭᠡᠨ ᠳᠤ ᠳᠠᠯᠪᠢᠬᠤ | | | ᠥᠡᠭᠭᠡᠷᠡᠭᠰᠡᠡ ᠳᠤ ᠬᠠᠷᠢ ᠳᠤ ᠬᠤᠯᠠ ᠮᠤᠷᠳᠠᠬᠰᠠᠠ ᠭᠡᠤᠭᠡᠨ ᠨᠢ ᠬᠡᠳᠦᠨ ᠵᠢᠯ ᠪᠤᠯᠤᠭᠠᠳ ᠰᠠᠶ᠋ᠢ ᠭᠡᠷ ᠲᠡᠭᠡᠨ | ᠵᠤᠯᠭᠠᠵᠤ ᠢᠷᠡᠬᠦ ᠳᠤ᠂ ᠭᠡᠤᠭᠡᠨ ᠳᠡᠭᠡᠨ ᠡᠪᠴᠢᠬᠦᠦ ᠳᠠᠯᠪᠢᠨ ᠬᠥᠨᠳᠤᠯᠡᠳᠡᠭ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠤᠳᠠᠭᠠᠠ ᠵᠢᠯ | ᠡᠵᠢ ᠳᠡᠭᠡᠨ ᠠᠭᠤᠯᠵᠠᠭᠠ ᠥᠬᠡᠢ ᠬᠡᠤᠭᠡᠨ ᠨᠢ ᠡᠪᠴᠢᠬᠦᠦ ᠭᠠᠨᠵᠤᠭᠠᠯᠠᠵᠤ ᠠᠪᠴᠢᠷᠠᠵᠤ ᠥᠭᠳᠡᠭ ᠶᠤᠰᠤ ᠴᠤ ᠪᠤᠢ᠃ | ᠭᠡᠷ ᠵᠠᠭᠤᠷᠠ ᠪᠠᠨ ᠳᠠᠯᠪᠢᠬᠤ ᠡᠪᠴᠢᠬᠦᠦ ᠶᠢ ᠵᠥᠰᠦᠬᠦ ᠳᠤ 15 ᠨᠠᠰᠤ ᠬᠥᠷᠦᠭᠰᠡᠡ ᠬᠡᠤᠭᠡᠨ ᠨᠢ ᠡᠪᠴᠢᠬᠦᠦ | ᠵᠥᠰᠦᠬᠦ ᠶᠢ ᠰᠤᠷᠬᠤ ᠶᠢᠨ ᠲᠥᠯᠦᠭᠡ ᠵᠥᠰᠤᠵᠤ ᠪᠤᠯᠳᠠᠬ᠃ ᠬᠤᠷᠢᠮ ᠤᠨ ᠡᠪᠴᠢᠬᠦᠦ ᠶᠢ ᠬᠠᠷᠢᠯᠴᠠᠨ ᠵᠤᠴᠢᠨ | ᠲᠠᠯᠠ ᠨᠢ ᠵᠥᠰᠦᠳᠡᠭ᠃ | | ᠡᠪᠴᠢᠬᠦᠦ ᠵᠥᠰᠦᠯᠭᠡ | 1. ᠡᠪᠴᠢᠬᠦᠦ ᠶᠢ ᠠᠶᠢᠯ ᠪᠤᠯᠤᠬᠰᠠᠠ ᠬᠥᠮᠦᠨ ᠵᠦᠰᠦᠳᠡᠭ᠂ ᠬᠡᠬᠦ ᠳᠡᠭᠡᠨ ᠨᠠᠰᠤ ᠪᠠᠷ ᠬᠠᠮᠤᠭ ᠤᠨ ᠪᠠᠭᠠ | ᠪᠤᠶᠤ ᠰᠢᠨᠡ ᠪᠠᠷᠢ ᠵᠥᠰᠦᠬᠦ ᠶᠤᠰᠤᠳᠠᠢ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠨᠠᠰᠤ ᠠᠬᠠᠮᠠᠳ ᠪᠥᠰᠡᠬᠦᠢ ᠬᠢᠳᠤᠭᠠᠠ ᠳᠤ ᠭᠠᠷ | ᠬᠥᠷᠴᠢᠭᠡᠭᠡᠳ ᠵᠠᠯᠠᠭᠤ ᠪᠠᠷᠢ ᠳᠤ ᠥᠭᠴᠤ ᠡᠪᠴᠢᠬᠦᠦ ᠵᠥᠰᠦᠬᠦᠯᠳᠡᠭ᠃ | 2 . ᠭᠠᠯ ᠲᠠᠬᠢᠯᠭᠠ ᠶᠢᠨ ᠡᠪᠴᠢᠬᠦᠦ ᠶᠢ ᠭᠡᠷ ᠤᠨ ᠡᠵᠡᠭᠳᠡᠢ ᠵᠥᠰᠦᠨᠠ᠃ | | ᠡᠪᠴᠢᠬᠦᠦ ᠶᠢᠨ ᠲᠥᠷᠦᠯ ᠠᠩᠬᠢᠯᠠᠯ | | ᠨᠠᠶᠢᠷ ᠤᠨ ᠡᠪᠴᠢᠬᠦᠦ ᠳᠠᠯᠪᠢᠬᠤ ᠶᠤᠰᠤ᠄ ᠡᠪᠴᠢᠬᠦᠦ ᠳᠠᠯᠪᠢᠬᠤ ᠳᠤ ᠮᠠᠯ ᠤᠨ ᠪᠡᠶᠡ ᠳᠤ ᠪᠠᠶᠢᠳᠠᠭ | ᠬᠡᠯᠪᠡᠷᠢ ᠪᠠᠷ ᠨᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ᠂ ᠬᠤᠰᠢᠭᠤ ᠲᠠᠯᠠ ᠶᠢ ᠨᠢ ᠵᠤᠴᠢᠳ ᠤᠨ ᠵᠥᠭ ᠭᠡᠷ ᠤᠨ ᠬᠤᠶᠢᠮᠤᠷ ᠳᠡᠰᠢ | ᠬᠠᠨᠳᠤᠭᠤᠯᠤᠨ᠂ ᠲᠤᠳᠤᠷᠠ ᠨᠢ ᠲᠥᠷᠪᠡᠨ ᠥᠨᠳᠦᠷ ᠳᠠᠯᠪᠢᠵᠤ᠂ ᠬᠤᠷᠮᠤᠢ ᠶᠢ ᠨᠢ ᠳᠡᠭᠡᠭᠰᠢ ᠨᠢ ᠨᠤᠭᠤᠯᠳᠠᠬ᠃ | ᠲᠥᠷᠪᠡᠨ ᠥᠨᠳᠦᠷ ᠲᠠᠢ ᠪᠤᠯ ᠡᠪᠴᠢᠬᠦᠦ ᠳᠠᠯᠪᠢᠵᠤ ᠪᠠᠶᠢᠭᠠᠳ ᠵᠠᠬᠦᠨ ᠭᠠᠷ ᠲᠠᠯᠠ ᠤᠷᠤᠭᠤ ᠪᠠᠨ ᠬᠥᠮᠦᠷᠢᠭᠡᠳ᠂ | ᠵᠥᠪ ᠲᠠᠯᠠ ᠠᠴᠠ ᠨᠢ ᠨᠢᠭᠡ ᠵᠦᠰᠦᠮ ᠤᠬᠳᠤᠯᠤᠨᠠ᠃ ᠳᠠᠷᠠᠭᠠ ᠨᠢ ᠭᠤᠤᠯ ᠠᠴᠠ ᠨᠢ ᠨᠢᠭᠡ ᠭᠡᠷᠴᠢᠮ ᠬᠠᠯᠢᠮᠠᠯᠠᠨᠠ᠃ | ᠳᠡᠬᠢᠨ ᠪᠤᠷᠤᠭᠤ ᠳᠠᠯᠠ ᠠᠴᠠ ᠨᠢ ᠮᠥᠨ ᠨᠢᠭᠡ ᠵᠥᠰᠦᠭᠡᠳ ᠡᠪᠴᠢᠬᠦᠦ ᠪᠠᠨ ᠪᠤᠴᠠᠭᠠᠠ ᠪᠠᠷᠠᠭᠤᠨ ᠳᠡᠰᠢ ᠨᠢ | ᠡᠷᠬᠢᠬᠦᠯᠦᠭᠡᠳ ᠤᠤᠯ ᠤᠨ ᠶᠠᠩᠵᠤᠨ ᠳᠤᠨᠢ ᠥᠭᠡᠳᠡ ᠨᠢ ᠬᠠᠨᠳᠤᠭᠤᠯᠤᠨ ᠡᠪᠭᠡᠭᠡᠳᠡᠢ ᠬᠤᠷᠮᠤᠢ ᠶᠢ ᠨᠢ ᠳᠡᠨᠢᠢᠯᠭᠡᠵᠤ | ᠨᠢᠭᠡ ᠪᠤᠶᠤ ᠭᠤᠷᠪᠠ ᠲᠤᠷᠤᠬᠰᠢ ᠨᠢ ᠰᠡᠳᠠᠯᠤᠯ ᠥᠬᠡᠢ ᠵᠦᠰᠦᠨᠠ᠃ ᠬᠡᠬᠦ ᠳᠡᠭᠡᠨ ᠤᠷᠢᠳᠠᠪᠠᠷ ᠵᠥᠪ ᠲᠠᠯᠠ ᠠᠴᠠ ᠨᠢ | ᠨᠢᠭᠡ ᠵᠦᠰᠦᠨᠠ᠃ ᠳᠠᠬᠢᠭᠠᠳ ᠪᠠᠷᠠᠭᠤᠨ ᠲᠠᠯᠠ ᠠᠴᠠ ᠨᠢ ᠵᠥᠰᠦᠵᠤ ᠬᠠᠮᠤᠭ ᠤᠨ ᠰᠡᠬᠦᠯ ᠳᠤ ᠦᠷᠦᠴᠡᠯᠡᠭᠰᠡᠠ | ᠠᠩᠭᠠᠷᠬᠠᠢ ᠪᠠᠷ ᠲᠤᠷᠤᠬᠰᠢ ᠨᠢ ᠵᠥᠰᠦᠨᠠ᠃ ᠢᠩᠬᠢᠵᠤ ᠵᠥᠰᠤᠵᠤ ᠪᠠᠷᠠᠭᠠᠳ ᠲᠥᠷᠪᠡᠨ ᠥᠨᠳᠦᠷ ᠢᠶᠠᠨ ᠡᠪᠴᠢᠬᠦᠨ | ᠲᠤᠳᠤᠷᠠ ᠤᠤᠯ ᠶᠤᠰᠤᠭᠠᠷ ᠨᠢ ᠳᠠᠯᠪᠢᠵᠤ᠂ ᠳᠡᠭᠡᠷᠠ ᠨᠢ ᠵᠥᠰᠦᠮ ᠤᠳ ᠢᠶᠠᠨ ︵ᠥᠷᠡᠵᠢᠬᠦᠯᠬᠦ ᠳᠡᠮᠳᠡᠭ ᠬᠡᠯᠪᠡᠷᠢᠳᠡᠢ | ︶ ᠰᠠᠷᠠᠯᠵᠢᠯᠠᠭᠤᠯᠵᠤ ᠳᠠᠯᠪᠢᠨᠠ᠃ ᠭᠤᠤᠯ ᠤᠨ ᠵᠥᠰᠦᠮ ᠢᠶᠠᠨ ᠤᠷᠳᠤᠰᠢ ᠨᠢ ᠲᠤᠬᠤᠵᠤ ᠳᠠᠯᠪᠢᠨᠠ᠃ ᠢᠯᠡ | ᠳᠠᠯᠪᠢᠬᠰᠠᠠ ᠡᠪᠴᠢᠬᠦᠦ ᠶᠢ ᠪᠤᠯ ᠬᠤᠶᠠᠷ ᠬᠠᠪᠢᠷᠭᠠ ᠶᠢᠨ ᠬᠠᠮᠳᠤ ᠵᠥᠰᠤᠮ ᠠᠪᠴᠤ ᠤᠭᠤᠴᠠ ᠶᠢᠨ ᠳᠠᠪᠠᠭ ᠲᠤ | ᠳᠠᠯᠪᠢᠭᠠᠳ ᠶᠠᠩ ᠢᠶᠠᠨ ᠬᠢᠳᠡᠭ᠃ ᠭᠡᠬᠦ ᠳᠤ ᠤᠭᠤᠴᠠᠠ ᠤ ᠲᠤᠤᠷᠠ ᠪᠠᠶᠢᠬᠤ ᠡᠪᠴᠢᠬᠦᠦ ᠶᠢ ᠵᠥᠰᠤᠵᠤ | ᠳᠠᠭᠤᠰᠤᠭᠠᠳ ᠤᠭ ᠶᠤᠰᠤᠭᠠᠷ ᠤᠭᠤᠴᠠᠠ ᠤ ᠲᠤᠤᠷᠠ ᠳᠠᠯᠪᠢᠬᠰᠠᠠ ᠬᠤᠶᠢᠨᠡ ᠶᠠᠩ ᠢᠶᠠᠨ ᠬᠢᠳᠡᠭ᠃ | | ᠭᠠᠯ ᠲᠠᠬᠢᠯᠭᠠ ᠶᠢᠨ ᠡᠪᠴᠢᠬᠦᠦ | | ᠮᠤᠩᠭᠤᠯᠴᠤᠳ ᠭᠠᠯ ᠳᠠᠬᠢᠯᠭᠠ ᠶᠢᠨ ᠶᠤᠰᠤ ᠪᠠᠨ ᠶᠡᠭᠡ ᠬᠥᠨᠳᠤᠯᠠᠠ ᠳᠡᠭᠡᠳᠤᠯᠡᠳᠡᠭ᠃ ︽ᠭᠥᠭᠵᠢ ᠬᠥᠭᠵᠢ | ᠬᠥᠭᠡ ᠢᠮᠠᠭᠠᠠ ᠤ ᠡᠪᠴᠢᠬᠦᠦ ᠠᠰ ᠠᠰ ᠠᠯᠠᠭ ᠢᠮᠠᠭᠠᠠ ᠤ ᠡᠪᠴᠢᠬᠦᠦ︾ ᠪᠠᠷ ᠳᠠᠬᠢᠶᠠ ᠬᠡᠵᠤ ᠬᠡᠯᠡᠳᠡᠭ᠃ ᠭᠠᠯ | ᠳᠠᠬᠢᠯᠭᠠ ᠶᠢᠨ ᠡᠪᠴᠢᠬᠦᠦ ᠨᠢ ᠡᠩ ᠤᠨ ᠡᠪᠴᠢᠬᠦᠦ ᠠᠴᠠ ᠢᠯᠭᠠᠬᠳᠠᠨ᠂ ᠡᠪᠴᠢᠬᠦᠦ ᠵᠠᠰᠠᠵᠤ ᠴᠢᠮᠡᠬᠦ ᠳᠤ ᠤᠯᠠᠠ | ᠵᠦᠢᠯ ᠤᠨ ᠶᠤᠰᠤ ᠪᠠᠶᠢᠳᠠᠬ᠃ ᠬᠤᠶᠠᠷ ᠬᠠᠵᠠᠭᠤ ᠭᠡᠷᠰᠡᠭ ᠢ ᠨᠢ ᠵᠥᠰᠤᠵᠤ᠂ ᠬᠤᠷᠮᠤᠢ ᠶᠢ ᠨᠢ ᠲᠤᠳᠤᠷᠠ | ᠲᠠᠯᠠ ᠠᠴᠠ ᠨᠢ ᠲᠤᠭᠤᠢᠢᠯᠡᠡ ᠠᠪᠤᠭᠠᠳ ᠬᠤᠶᠠᠷ ᠬᠤᠷᠤᠭᠤ ᠬᠢᠷᠢᠳᠠᠢ ᠨᠠᠷᠢᠨ ᠴᠠᠭᠠᠷᠢᠭ ᠥᠯᠡᠳᠡᠭᠡᠭᠡᠳ | ᠪᠥᠳᠦᠷᠭᠡᠢ ᠠᠴᠠ ᠨᠢ ᠡᠯᠬᠦᠵᠤ ᠳᠠᠯᠪᠢᠨᠠ᠃ ᠵᠥᠰᠤᠮ ᠢᠶᠠᠨ ᠲᠥᠷᠪᠡᠯᠵᠢᠨ ᠪᠤᠶᠤ ᠨᠠᠷᠢᠨ ᠤᠷᠳᠤ ᠵᠥᠰᠤᠮ ᠵᠥᠰᠦᠵᠤ | ᠳᠠᠬᠢᠯᠭᠠ ᠶᠢᠨ ᠢᠳᠡᠭᠡᠨ ᠲᠠᠢ ᠬᠤᠯᠢᠳᠠᠬ᠃ ᠳᠠᠪᠤᠨ ᠥᠡᠭᠭᠡ ᠶᠢᠨ ᠲᠤᠷᠭᠠ ᠲᠤᠷᠳᠤᠩ ᠢᠶᠠᠷ ᠴᠢᠮᠠᠠ ᠤᠷᠢᠶᠠᠵᠤ᠂ | ᠬᠥᠪᠤᠩ ᠡᠴᠢᠯᠡᠵᠤ ᠤᠷᠢᠶᠠᠬᠤ᠂ ᠵᠠᠷᠢᠮ ᠭᠠᠵᠠᠷ ᠴᠠᠭᠠᠨ ᠥᠡᠭᠭᠡ ᠶᠢᠨ ᠬᠥᠪᠤᠩ ᠤᠳᠠᠰᠤ ᠪᠠᠷ ᠤᠷᠢᠶᠠᠳᠠᠭ᠃ | ᠭᠡᠬᠦ ᠳᠡᠭᠡᠨ ᠤᠷᠢᠶᠠᠯᠳᠠ ᠶᠢᠨ ᠲᠤᠭᠠ ᠭᠤᠷᠪᠠ ᠪᠠᠶᠢᠳᠠᠬ᠃ ᠳᠠᠷᠠᠭᠠ ᠨᠢ ᠡᠪᠴᠢᠬᠦᠨ ᠤ ᠬᠤᠩᠬᠤᠷ ᠲᠤ ᠡᠯᠡ | ᠵᠦᠢᠯ ᠤᠨ ᠴᠠᠭᠠᠠ ᠢᠳᠡᠭᠡ᠂ ᠰᠢᠬᠢᠷ᠂ ᠴᠢᠪᠠᠭᠠ ᠵᠡᠷᠭᠡ ᠬᠠᠮᠤᠭ ᠤᠨ ᠰᠠᠶᠢᠨ ᠢᠳᠡᠭᠡᠨ ᠤ ᠳᠡᠭᠡᠵᠢ ᠪᠠᠨ ᠲᠥᠬᠦᠷᠭᠡᠨ | ᠳᠠᠯᠪᠢᠵᠤ᠂ ᠪᠥᠬᠦ ᠵᠢᠯ ᠳᠡᠭᠡᠨ ᠢᠳᠡᠭᠡᠨ ᠤᠮᠳᠠᠭᠠᠠ᠂ ᠡᠮᠦᠰᠭᠡᠯ ᠵᠡᠬᠦᠭᠡᠯ᠂ ᠵᠤᠭᠤᠰ ᠮᠥᠡᠭᠬᠦ ᠠᠯᠢᠪᠠ ᠪᠥᠬᠦᠨ ᠢᠶᠠᠷ | ᠪᠠᠶᠠᠨ ᠴᠢᠨᠡᠭᠡᠯᠢᠭ ᠶᠠᠪᠤᠬᠤ ᠶᠢ ᠪᠡᠯᠭᠡᠳᠠᠨ ᠭᠠᠯ ᠤᠨ ᠪᠤᠷᠬᠠᠠ ᠳᠠᠭᠠᠨ ᠡᠷᠬᠦᠳᠡᠭ᠃ | ᠪᠠᠰᠠ ᠵᠠᠷᠢᠮ ᠭᠠᠵᠠᠷ ᠨᠢ ᠡᠪᠴᠢᠬᠦᠨ ᠤ ᠲᠥᠷᠪᠡᠨ ᠲᠠᠯᠠ ᠳᠤ ᠵᠠᠮᠪᠠ ᠪᠠᠷ ᠵᠤᠯᠠ ᠬᠢᠵᠤ᠂ ᠡᠪᠴᠢᠬᠦᠨ ᠤ | ᠭᠤᠤᠯ ᠳᠤ ᠢᠮᠠᠭᠠᠠ ᠤ ᠨᠢᠷᠤᠭᠤᠨ ᠳᠡᠭᠡᠷᠠ ᠵᠤᠯᠠ ᠳᠠᠯᠪᠢᠬᠰᠠᠠ ᠬᠡᠯᠪᠡᠷᠢᠳᠠᠢ ᠬᠢᠵᠤ᠂ ᠲᠥᠷᠪᠡᠨ ᠵᠥᠭ ᠨᠠᠢᠮᠠᠠ | ᠵᠤᠪᠬᠢᠰ ᠤᠨ ᠭᠡᠰᠢᠭ ᠪᠤᠶᠠᠨ ᠢᠶᠠᠨ ᠬᠤᠷᠦ᠋ᠢᠯᠠᠵᠤ ᠪᠠᠶᠢᠬᠤ ᠶᠢ ᠢᠯᠡᠳᠭᠡᠳᠡᠭ᠃ ᠡᠪᠴᠢᠬᠦᠦ ᠪᠠᠨ ᠠᠯᠢ ᠨᠠᠷᠢᠨ ᠤᠯᠠᠠ | ᠵᠥᠰᠦᠪᠠᠯ ᠳᠡᠳᠤᠢ ᠰᠠᠶᠢᠨ ᠪᠠᠶᠢᠳᠠᠬ᠃ | | ᠬᠤᠷᠢᠮ ᠤᠨ ᠡᠪᠴᠢᠬᠦᠦ | | ᠬᠤᠷᠢᠮ ᠤᠨ ᠡᠪᠴᠢᠬᠦᠨ ᠤ ᠶᠤᠰᠤᠨ ᠳᠤ᠂ ᠡᠪᠴᠢᠬᠦᠦ ᠶᠢ ᠲᠤᠳᠠᠭᠤ ᠪᠤᠯᠭᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | ᠬᠤᠷᠢᠮ ᠤᠨ ᠡᠪᠴᠢᠬᠦᠦ ᠶᠢ ᠵᠥᠰᠦᠬᠦ ᠳᠤ ᠬᠤᠷᠮᠤᠢ ᠶᠢ ᠨᠢ ᠲᠤᠷᠤᠬᠰᠢ ᠪᠠᠨ ᠨᠢᠭᠡ ᠪᠤᠶᠤ ᠭᠤᠷᠪᠠ ᠰᠡᠳᠡᠯᠵᠤ | ᠵᠥᠰᠦᠳᠡᠭ᠃ ᠡᠨᠡ ᠨᠢ ᠳᠠᠬᠢᠵᠤ ᠬᠤᠷᠢᠮᠯᠠᠬᠤ ᠶᠢ ᠲᠠᠰᠤ ᠴᠡᠭᠡᠷᠯᠡᠵᠤ᠂ ᠰᠢᠨᠡ ᠬᠤᠤᠰ ᠢ ᠥᠳᠡᠯᠳᠡᠯᠠ ᠵᠢᠷᠭᠠᠰᠡᠢ | ᠭᠡᠵᠤ ᠪᠡᠯᠬᠡᠰᠢᠶᠠᠵᠤ ᠪᠠᠶᠢᠭᠠ ᠶᠤᠰᠤ ᠶᠤᠮ᠃ ᠭᠡᠷᠰᠡᠭ ᠢ ᠨᠢ ᠭᠤᠤᠯ ᠢᠶᠠᠷ ᠨᠢ ᠠᠩᠬᠢᠯᠠᠵᠤ ᠵᠥᠪ ᠲᠠᠯᠡ ᠠᠴᠠ ᠨᠢ | ᠤᠷᠢᠳᠠᠪᠠᠷ ᠵᠥᠰᠦᠵᠤ᠂ ᠳᠡᠬᠦᠨ ᠢᠶᠠᠨ ᠬᠠᠨᠴᠢᠷ ᠲᠠᠢ ᠨᠢ ᠨᠠᠶᠢᠯᠡᠬᠦᠯᠵᠤ ᠠᠪᠤᠭᠠᠳ ᠳᠠᠬᠢᠨ ᠭᠤᠤᠯ ᠢᠶᠠᠷ ᠨᠢ ᠨᠢᠭᠡ | ᠵᠥᠰᠤᠵᠤ ᠬᠤᠶᠠᠷ ᠵᠥᠰᠦᠮ ᠪᠤᠯᠭᠠᠭᠠᠳ ᠳᠠᠷᠠᠭᠠᠯᠠᠠ ᠪᠤᠷᠤᠭᠤ ᠲᠠᠯᠠ ᠶᠢ ᠨᠢ ᠮᠥᠨ ᠵᠥᠰᠦᠭᠡᠳ ᠠᠪᠤᠬᠰᠠᠠ ᠤ | ᠠᠷᠤ ᠳᠤ᠂ ᠬᠤᠷᠮᠤᠢ ᠶᠢ ᠨᠢ ᠮᠥᠨ ᠵᠥᠪ ᠲᠠᠯᠡ ᠠᠴᠠ ᠨᠢ ᠳᠡᠭᠡᠷᠡ ᠠᠴᠠ ᠲᠤᠷᠤᠬᠰᠢ ᠪᠠᠨ ᠵᠥᠰᠦᠵᠤ᠂ ᠭᠤᠤᠯ | ᠲᠤᠮᠳᠠᠬᠢ ᠤᠢᠷᠦᠴᠡᠯᠡᠭᠰᠡᠡ ᠨᠥᠭᠡ ᠶᠢ ᠨᠢ ᠤᠷᠤᠭᠤ ᠪᠠᠨ ᠰᠠᠳᠠᠯᠦᠭᠡᠳ᠂ ᠪᠠᠷᠠᠭᠤᠨ ᠭᠠᠷ ᠲᠠᠯᠠ ᠶᠢ ᠨᠢ | ᠵᠥᠰᠦᠭᠰᠡᠡ ᠤ ᠳᠠᠷᠠᠭᠠ᠂ ᠬᠤᠷᠮᠤᠢ ᠶᠢ ᠨᠢ ᠪᠥᠷ ᠲᠤᠭᠤᠢᠢᠯᠠᠭᠠᠳ ᠠᠪᠴᠢᠬᠠᠳᠠᠬ᠃ ᠤᠳᠤ ᠪᠤᠯᠬᠤ ᠳᠤ | ᠬᠤᠷᠮᠤᠢ ᠶᠢ ᠨᠢ ᠰᠠᠯᠠᠭᠠᠬᠤ ᠪᠠᠨ ᠪᠠᠶᠢᠭᠠᠳ ᠰᠢᠭᠤᠳ ᠳᠡᠭᠡᠳᠤ ᠭᠡᠰᠡᠭ ᠢ ᠨᠢ ᠵᠥᠰᠦᠬᠦ ᠳᠡᠭᠡᠨ ᠬᠤᠶᠠᠷ ᠬᠠᠵᠠᠭᠤ ᠪᠠ | ᠭᠡᠷᠰᠩ ᠢ ᠲᠤᠰᠪᠤᠷᠢ ᠨᠢᠭᠡ ᠨᠢᠭᠡ ᠵᠦᠰᠦᠭᠡᠳ᠂ ᠬᠤᠷᠮᠤᠢ ᠶᠢ ᠨᠢ ᠬᠤᠶᠠᠷᠳᠠ ᠵᠢᠷᠤᠵᠤ᠂ ᠡᠪᠴᠢᠬᠦᠦ ᠪᠠᠨ ᠤᠬ | ᠶᠠᠩᠵᠤ ᠪᠠᠷ ᠨᠢ ᠡᠷᠬᠢᠬᠦᠯᠦᠭᠡᠳ ᠳᠠᠯᠪᠢᠵᠤ ᠬᠤᠩᠬᠤᠷ ᠲᠤᠨᠢ ᠪᠠᠰᠠ ᠬᠤᠶᠠᠷ ᠵᠢᠷᠤᠵᠤ ᠨᠡᠶᠢᠳᠡ 7 ᠤᠳᠠᠭᠠ ᠬᠢᠳᠤᠭᠠ | ᠬᠥᠷᠭᠡᠳᠡᠭ᠃ | | ᠭᠡᠷ ᠵᠠᠭᠤᠷᠠ ᠪᠠᠨ ᠳᠠᠯᠪᠢᠬᠤ ᠡᠪᠴᠢᠬᠦᠦ | | ᠠᠶᠢᠯ ᠤᠨ ᠪᠠᠷᠢ ᠪᠤᠶᠤ ᠦᠬᠢᠳ ᠨᠢ ᠬᠠᠮᠳᠤ ᠪᠠᠶᠢᠯᠴᠠᠪᠠᠯ ᠬᠠᠮᠤᠭ ᠤᠨ ᠪᠠᠭᠠ ᠨᠢ ᠵᠥᠰᠤᠨᠠ᠂ ᠡᠰᠡᠪᠡᠯ | ᠬᠠᠮᠤᠭ ᠤᠨ ᠬᠤᠯᠠ ᠠᠴᠠ ᠢᠷᠡᠭᠰᠡᠡ ᠨᠢ ᠵᠥᠰᠦᠨᠠ᠃ | | ᠡᠪᠴᠢᠬᠦᠦ ᠵᠥᠰᠦᠯᠭᠡ ᠶᠢᠨ ᠤᠯᠠᠮᠵᠢᠯᠠᠯᠳᠤ ᠵᠠᠩ ᠤᠢᠢᠯᠠ | | ᠠᠯᠠᠱᠠᠴᠤᠳ ᠤᠨ ᠡᠪᠴᠢᠬᠦᠦ ᠵᠥᠰᠦᠯᠭᠡ ᠳᠤ ᠡᠯᠡ ᠵᠦᠢᠯ ᠤᠨ ᠵᠥᠩ ᠪᠢᠯᠢᠭ᠂ ᠪᠡᠯᠭᠡ ᠳᠠᠮᠪᠠᠷᠠᠯ | ᠠᠭᠤᠯᠤᠬᠳᠠᠵᠤ ᠪᠠᠶᠢᠳᠠᠬ᠃ ᠪᠥᠰᠡᠬᠦᠢ ᠬᠥᠮᠦᠨ ᠤ ᠤᠶᠠᠨ ᠵᠥᠭᠡᠯᠡᠡ ᠠᠭᠠᠰᠢ ᠲᠠᠢ᠂ ᠥᠷᠦ ᠵᠥᠭᠡᠯᠡᠡ ᠰᠡᠳᠬᠢᠯ ᠲᠠᠢ | ᠪᠠᠶᠢᠬᠤ ᠶᠢ ᠬᠠᠷᠠᠭᠤᠯᠤᠬᠰᠠᠠ ᠪᠡᠯᠭᠡᠳᠡᠯ ᠲᠠᠢ ᠭᠡᠵᠤ ᠥᠵᠡᠳᠡᠭ᠃ ᠬᠡᠤᠭᠡᠨ ᠨᠢ ᠡᠵᠢ ᠳᠡᠭᠡᠨ ᠡᠪᠴᠢᠬᠦᠦ | ᠠᠪᠴᠢᠷᠠᠳᠠᠬ ᠨᠢ ᠪᠥᠷ ᠯᠡ ᠡᠭᠡ ᠥᠷᠠ ᠶᠢᠨ ᠬᠠᠷᠢᠯᠴᠠᠨ ᠰᠠᠨᠠᠵᠤ ᠮᠥᠷᠦᠭᠡᠳᠦᠭᠰᠡᠡ ᠰᠡᠳᠬᠢᠯᠭᠡ ᠪᠠᠷ ᠡᠪᠴᠢᠬᠦᠦ | ᠴᠡᠭᠡᠵᠢᠨ ᠳᠡᠭᠡᠨ ᠪᠤᠳᠤᠬᠤ᠂ ᠬᠠᠳᠠᠭᠠᠯᠠᠬᠤ ᠰᠢᠩᠭᠡᠭᠡᠬᠦ ᠬᠡᠵᠤ ᠮᠠᠷᠳᠠᠯ ᠥᠬᠡᠢ ᠴᠡᠭᠡᠵᠢᠯᠡᠬᠦ ᠶᠢ ᠪᠡᠯᠭᠡᠳᠡᠳᠡᠭ᠃ | | ᠰᠢᠳᠦᠯᠭᠡ ᠪᠢᠰᠢᠷᠠᠯ ᠤᠨ ᠵᠠᠩ ᠤᠢᠢᠯᠡ | | ᠪᠥᠰᠡᠬᠦᠢ ᠬᠥᠮᠦᠨ ᠭᠠᠯ ᠲᠤᠭᠤᠭᠠᠠ ᠳᠤ ᠤᠢᠢᠷᠠ᠂ ᠮᠠᠯ ᠠᠬᠤᠢ ᠪᠠᠨ ᠳᠤᠳᠤᠮᠳᠠᠳᠠᠭ᠂ ᠡᠳ᠋ ᠮᠥᠡᠭᠬᠦ ᠪᠠᠨ | ᠬᠠᠳᠠᠭᠠᠯᠠᠨ᠂ ᠭᠡᠷ ᠲᠡᠭᠡᠨ ᠡᠭᠡᠯᠢᠳᠡᠢ ᠡᠵᠡᠭᠳᠡᠢ ᠨᠢ ᠪᠤᠯᠳᠠᠬ ᠢᠶᠠᠷ ᠢᠶᠠᠨ ᠠᠷᠠᠳ ᠤᠨ ᠤᠯᠠᠮᠵᠢᠯᠠᠯ ᠶᠤᠰᠤᠭᠠᠷ | ᠠᠶᠢᠯ ᠤᠨ ᠡᠵᠡᠭᠳᠡᠢ ᠶᠢ ︽ᠭᠠᠯ ᠤᠨ ᠪᠤᠷᠬᠠᠠ︾ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠡᠷᠳᠡᠨ ᠤ ᠰᠢᠳᠦᠯᠭᠡ ᠪᠢᠰᠢᠷᠠᠯ ᠤᠨ ᠵᠠᠩ | ᠤᠢᠢᠯᠡ ᠲᠠᠢ᠂ ᠲᠡᠷᠡᠴᠢᠯᠡᠡ ᠡᠶᠡ ᠡᠪᠳᠠᠢ ᠭᠡᠰᠡᠡ ᠪᠡᠯᠭᠡᠳᠡᠯ ᠰᠠᠨᠠᠭᠠ ᠲᠠᠢ ᠪᠠᠶᠢᠳᠠᠭ᠃ | | ᠴᠡᠭᠡᠷ ᠤᠨ ᠶᠤᠰᠤ | | ᠤᠨᠤᠭᠠ ᠪᠥᠳᠦᠷᠢᠭᠡ ᠪᠤᠯᠤᠨᠠ ᠭᠡᠳ ᠭᠠᠯ ᠳᠠᠬᠢᠯᠭᠠ ᠠᠴᠠ ᠪᠤᠰᠤᠳ ᠡᠪᠴᠢᠬᠦᠦ ᠶᠢ ᠪᠥᠳᠦᠷᠭᠡᠢ ᠲᠠᠢ ᠨᠢ | ᠳᠠᠯᠪᠢᠬᠤ ᠶᠢ ᠵᠠᠪᠠᠯ ᠴᠡᠪᠡᠷᠯᠡᠵᠤ ᠠᠪᠳᠠᠬ ᠳᠠᠳᠬᠠᠯ ᠲᠠᠢ᠂ ᠬᠤᠷᠢᠮ ᠤᠨ ᠡᠪᠴᠢᠬᠦᠨ ᠤ ᠬᠤᠷᠮᠤᠢ ᠶᠢ ᠰᠡᠳᠡᠯᠵᠤ | ᠵᠥᠰᠦᠳᠡᠭ ᠨᠢ ᠰᠢᠨᠡ ᠡᠷᠦᠭᠡ ᠪᠤᠰᠬᠠᠵᠤ ᠪᠠᠶᠢᠭᠠ ᠬᠤᠶᠠᠷ ᠬᠥᠮᠦᠨ ᠢ ᠭᠠᠯ ᠵᠠᠯᠠᠭᠤ ᠠᠴᠠ ᠪᠠᠨ ᠴᠠᠯ ᠪᠤᠭᠤᠷᠤᠯ | ᠪᠤᠯᠳᠠᠯᠠ ᠬᠠᠮᠳᠤ ᠳᠠᠭᠠᠨ ᠵᠢᠷᠭᠠᠵᠤ ᠠᠮᠢᠳᠤᠷᠠᠬᠤ ᠶᠢ ᠪᠡᠯᠭᠡᠳᠡᠨ᠂ ᠡᠨᠡᠬᠦ ᠬᠤᠶᠠᠷ ᠵᠥᠰᠦᠯᠳᠡ ᠪᠠᠷ ᠳᠠᠬᠢᠵᠤ ᠬᠤᠷᠢᠮ | ᠬᠢᠬᠦ ᠤᠢᠢᠯᠡ ᠶᠢ ᠳᠡᠪᠴᠢᠵᠤ ᠴᠡᠭᠡᠷᠯᠡᠬᠦᠯᠵᠤ ᠪᠠᠶᠢᠳᠠᠬ᠃ ᠭᠠᠯ ᠳᠠᠬᠢᠯᠭᠠ ᠶᠢᠨ ᠡᠪᠴᠢᠬᠦᠦ ᠶᠢ ᠪᠤᠯ | ᠪᠥᠳᠦᠷᠭᠡᠢ ᠶᠢ ᠨᠢ ᠠᠪᠬᠤ ᠥᠬᠡᠢ᠂ ᠪᠤᠰᠤᠳ ᠡᠪᠴᠢᠬᠦᠨ ᠤ ᠶᠤᠰᠤᠨ ᠳᠤ᠂ ᠳᠠᠪᠠᠭᠯᠠᠬᠤ ᠠᠴᠠ ᠡᠮᠦᠨᠡ | ᠲᠤᠭᠤᠭᠠᠠ ᠠᠴᠠ ᠭᠠᠷᠭᠠᠮᠠᠬᠴᠠ ᠪᠥᠳᠦᠷᠭᠡᠢ ᠶᠢ ᠠᠪᠴᠢᠬᠠᠳᠠᠬ ᠶᠤᠰᠤᠳᠠᠢ᠃ | ᠠᠮᠢᠳᠤᠷᠠᠯ ᠤᠨ ᠤᠷᠴᠢᠨ ᠲᠤᠭᠤᠷᠢᠨ ᠤ ᠬᠤᠪᠢᠷᠠᠯᠳᠠ᠂ ᠬᠤᠳᠠᠴᠢᠯᠠᠯᠳᠠ ᠠᠴᠠ ᠪᠤᠯᠵᠤ ᠠᠮᠢᠳᠤᠷᠠᠯ ᠤᠨ ᠬᠥᠭ | ᠠᠶᠢᠵᠢᠮ ᠬᠤᠷᠳᠤᠳᠴᠤ ᠪᠠᠶᠢᠨᠠ᠃ ᠨᠡᠶᠢᠬᠡᠮ ᠬᠦ᠋ᠭᠵᠢᠬᠦ ᠶᠢ ᠳᠠᠭᠠᠯᠳᠤᠨ᠂ ᠮᠠᠠ ᠤ ᠮᠠᠯᠵᠢᠯ ᠤᠨ ᠰᠤᠶᠤᠯ ᠬᠤᠯᠠᠳᠴᠤ᠂ | ᠰᠡᠶᠢᠷᠩ ᠪᠤᠯᠵᠤ ᠪᠠᠶᠢᠭᠠ ᠪᠠᠴᠢᠮ ᠴᠠᠭ ᠥᠶᠡ ᠳᠤ ᠤᠨᠴᠠᠭᠠᠢᠢᠯᠠᠠ ᠠᠬᠠᠮᠠᠳ ᠲᠤᠮᠤᠭᠠᠳᠠᠳ ᠡᠨᠡᠬᠦ ᠡᠪᠴᠢᠬᠦᠨ ᠤ | ᠰᠤᠶᠤᠯ᠂ ᠢᠳᠡᠭᠡᠨ ᠤ ᠵᠠᠩ ᠤᠢᠢᠯᠡ ᠪᠠᠨ ᠤᠯᠠᠮᠵᠢᠯᠠᠠ ᠥᠭᠬᠦᠪᠡᠯ ᠵᠤᠬᠢᠨᠠ᠃ ᠨᠡᠩ ᠢᠯᠠᠩᠭᠤᠶᠡ ᠡᠨᠡᠬᠦ ᠭᠡᠭᠡᠭᠳᠡᠵᠤ | ᠪᠠᠶᠢᠭᠠ ᠰᠤᠶᠤᠯ ᠢᠶᠠᠨ ᠠᠪᠤᠷᠠᠵᠤ᠂ ᠰᠤᠶᠤᠯ ᠤᠨ ᠤᠬᠢ ᠰᠢᠮᠡ ᠶᠢ ᠨᠢ ᠵᠠᠯᠠᠭᠤ ᠪᠠᠭᠠᠴᠤᠳ ᠲᠤ ᠰᠢᠩᠭᠡᠭᠡᠵᠤ | ᠵᠠᠯᠭᠠᠮᠵᠢᠯᠠᠠ ᠪᠠᠳᠠᠷᠠᠭᠤᠯᠵᠤ ᠴᠢᠨᠠᠬᠰᠢᠯᠠᠪᠠᠯ ᠬᠠᠳᠠᠭᠠᠯᠠᠠ ᠳᠡᠭᠡᠳᠤᠯᠡᠬᠦ ᠭᠡᠷᠡᠭᠳᠡᠢ᠃ ᠥᠨᠳᠦᠰᠦᠳᠡᠨ ᠤ ᠪᠤᠯᠪᠠᠰᠤᠨ | ᠰᠤᠶᠤᠯ ᠠᠷᠠᠨᠰᠢᠨ ᠢᠶᠠᠨ ᠳᠡᠭᠡᠳᠤᠯᠠᠠ ᠬᠥᠨᠳᠤᠳᠭᠡᠵᠤ᠂ ᠢᠳᠡᠭᠡᠨ ᠰᠤᠶᠤᠯ ᠢᠶᠠᠨ ᠬᠠᠮᠠᠭᠠᠯᠠᠵᠤ ᠶᠠᠪᠤᠶᠠ᠃ | | ᠵᠣᠬᠢᠶᠠᠭᠴᠢ᠄ ᠡᠷᠳᠠᠨᠢᠴᠡᠴᠡᠭ | |