| | ᠮᠤᠩᠭᠤᠯ ᠬᠦᠮᠦᠨ ᠶᠡᠷᠤ ᠠᠴᠠ ᠶᠠᠳᠠᠭᠤ ᠶᠢ ᠲᠡᠳᠬᠦᠨ ᠵᠦᠳᠡᠭᠦᠤ ᠶᠢ ᠳᠡᠮᠵᠢᠳᠡᠭ ᠰᠠᠶᠢᠨ ᠰᠠᠶᠢᠬᠠᠨ ᠵᠠᠩ | ᠵᠠᠩᠰᠢᠯ ᠲᠠᠢ ᠪᠤᠯᠬᠤᠷ ᠶᠠᠭᠤᠮᠠ ᠪᠠᠨ ᠬᠠᠷᠠᠮᠨᠠᠵᠤ ᠨᠠᠷᠢᠯᠠᠬᠤ ᠶᠢ ᠮᠠᠰᠢ ᠴᠡᠭᠡᠷᠯᠡᠳᠡᠭ ᠶᠤᠮ᠃ ᠬᠠᠷᠠᠮᠴᠢ ᠬᠢᠪᠴᠠᠭ | ᠬᠦᠮᠦᠨ ᠢ ︽ᠱᠠᠯᠠᠩ ᠮᠣᠷᠢᠨ ᠳᠤ ᠵᠠᠮ ᠬᠤᠯᠠ᠂ ᠬᠠᠷᠠᠮᠴᠢ ᠬᠦᠮᠦᠨ ᠳᠤ ᠨᠦᠬᠦᠷ ᠬᠤᠯᠠ︾ ᠭᠡᠵᠦ ᠵᠦᠢᠷᠯᠡᠨ | ᠵᠢᠮᠡᠯᠡᠳᠡᠭ᠃ ᠮᠡᠷᠭᠡᠯᠡᠵᠦ ᠴᠡᠴᠡᠷᠬᠡᠨ ᠪᠡᠶᠡ ᠪᠠᠨ ᠡᠷᠭᠦᠬᠦ ᠶᠢ ᠪᠠᠰᠠ ᠴᠡᠭᠡᠷᠯᠡᠳᠡᠭ᠃ ᠠᠶᠢᠯ ᠳᠤ ᠭᠡᠶᠢᠴᠢᠨ ᠬᠦᠮᠦᠨ | ᠢᠷᠡᠪᠡᠯ ᠠᠮᠤᠷ ᠮᠡᠨᠳᠦ ᠪᠠᠨ ᠠᠰᠠᠭᠤᠯᠴᠠᠨ ᠦᠭᠡ ᠬᠡᠯᠡᠯᠴᠡᠵᠦ ᠵᠤᠭᠤᠭ ᠳᠡᠯᠭᠡᠬᠦ ᠠᠴᠠ ᠪᠢᠰᠢ ᠪᠤᠰᠤᠳ ᠤᠨ ᠡᠮᠦᠨᠡ | ᠶᠡᠬᠡᠷᠬᠡᠵᠦ᠂ ᠪᠡᠶᠡ ᠪᠠᠨ ᠭᠠᠶᠢᠬᠠᠭᠤᠯᠵᠦ ᠡᠷᠭᠦᠵᠦ᠂ ᠮᠡᠷᠭᠡᠯᠡᠬᠦ ᠶᠢ ᠵᠢᠪᠡᠭᠦᠴᠡᠨ ᠵᠢᠭᠰᠢᠳᠡᠭ᠃ | ᠡᠷᠬᠡᠲᠡᠨ ᠵᠡᠮᠳᠡᠭ ᠳᠤᠲᠠᠭᠤ ᠬᠦᠮᠦᠨ ᠢ ᠡᠯᠡᠭ ᠳᠤᠭᠤᠬᠢ ᠪᠤᠯᠭᠠᠬᠤ ᠶᠢ ᠮᠠᠰᠢ ᠴᠡᠭᠡᠷᠯᠡᠳᠡᠭ᠃ ︽ᠵᠡᠮᠳᠡᠭ | ᠬᠦᠮᠦᠨ ᠢ ᠳᠠᠭᠤᠷᠢᠶᠠᠪᠠᠯ ᠮᠦᠨ ᠠᠳᠠᠯᠢ ᠵᠡᠮᠳᠡᠭ ᠪᠤᠯᠳᠠᠭ︾ ᠬᠡᠵᠦ ᠬᠡᠤᠬᠡᠳ ᠢ ᠦᠷᠭᠦᠯᠵᠢ ᠠᠶᠤᠯᠭᠠᠨ | ᠰᠡᠷᠡᠮᠵᠢᠯᠡᠭᠦᠯᠳᠡᠭ ᠪᠢᠯᠡ᠃ ᠮᠦᠨ ᠬᠦᠮᠦᠨ ᠤ ᠦᠭᠡᠳᠡ ᠠᠴᠠ ᠨᠤᠯᠮᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠬᠦᠮᠦᠨ ᠤ | ᠡᠮᠤᠨᠡ ᠠᠴᠠ ᠨᠤᠯᠮᠤᠬᠤ ᠨᠢ ᠪᠤᠯᠬᠢ ᠪᠦᠳᠦᠭᠦᠯᠢᠭ ᠵᠠᠩ᠂ ᠬᠦᠮᠦᠨ ᠢ ᠪᠠᠰᠤᠮᠵᠢᠯᠠᠭᠰᠠᠨ ᠮᠠᠭᠤ ᠰᠤᠷᠲᠠᠯ ᠪᠤᠯᠬᠤ | ᠲᠤᠯᠠ ᠬᠦᠮᠦᠨ ᠤ ᠦᠭᠡᠳᠡ ᠠᠴᠠ ᠨᠤᠯᠮᠤᠪᠠᠯ ︽ᠪᠤᠳᠠᠭᠠ ᠬᠦᠨᠡᠰᠦ ᠴᠢᠨᠢ ᠳᠤᠲᠠᠨᠠ︾ ᠭᠡᠵᠦ ᠬᠡᠯᠡᠳᠡᠭ᠃ | ᠭᠡᠷ ᠲᠤ ᠢᠰᠭᠡᠷᠬᠦ ᠪᠤᠶᠤ ᠤᠷᠤᠨ ᠭᠠᠷᠤᠨ ᠳᠠᠭᠤᠤ ᠬᠢᠩᠰᠢᠬᠦ ᠶᠢ ᠪᠤᠯᠪᠠᠰᠤᠨ ᠪᠤᠰᠤ ᠰᠤᠷᠲᠠᠯ ᠢᠶᠠᠷ ᠦᠵᠡᠵᠦ | ᠮᠠᠰᠢ ᠴᠡᠭᠡᠷᠯᠡᠳᠡᠭ᠃ ᠨᠠᠰᠤᠲᠠᠶᠢᠴᠤᠤᠯ ᠨᠢ ᠵᠠᠯᠠᠭᠤ ᠪᠠᠭᠠᠴᠤᠳ ᠤᠨ ᠭᠡᠷ ᠲᠤ ᠢᠰᠭᠡᠷᠬᠦ᠂ ᠤᠷᠤᠨ ᠭᠠᠷᠤᠨ ᠳᠠᠭᠤᠤ | ᠬᠢᠩᠰᠢᠬᠦ ᠶᠢ ᠦᠯᠦ ᠲᠠᠭᠠᠰᠢᠶᠠᠨ ᠵᠢᠭᠰᠢᠨ ᠰᠡᠵᠢᠭᠯᠡᠳᠡᠭ ᠪᠤᠯᠬᠤᠷ ︽ᠭᠡᠷ ᠲᠤ ᠢᠰᠭᠡᠷᠪᠡᠯ ᠨᠢᠭᠦᠯ ᠪᠤᠯᠳᠠᠭ︾᠂ ︽ | ᠭᠠᠷᠬᠤ ᠨᠠᠷᠠᠨ ᠤᠯᠠᠶᠢᠪᠠᠯ ᠭᠠᠩ ᠪᠤᠯᠬᠤ ᠶᠢᠨ ᠲᠡᠮᠳᠡᠭ᠂ ᠭᠠᠷᠤᠨ ᠤᠷᠤᠨ ᠭᠢᠩᠰᠢᠪᠡᠯ ᠭᠠᠰᠠᠯᠠᠩ ᠪᠤᠯᠬᠤ ᠶᠢᠨ | ᠲᠡᠮᠳᠡᠭ︾ ᠬᠡᠵᠦ ᠬᠡᠯᠡᠳᠡᠭ᠃ | ᠠᠯᠢ ᠴᠦ ᠨᠤᠲᠤᠭ ᠤᠨ ᠮᠤᠩᠭᠤᠯᠴᠤᠳ ᠭᠡᠳ ᠬᠤᠯᠠᠭᠠᠢ ᠬᠢᠵᠤ ᠬᠤᠲᠠᠯ ᠬᠡᠯᠡᠬᠦ ᠶᠢ ᠶᠡᠷᠤ ᠠᠴᠠ ᠬᠤᠷᠤᠰᠤᠨ | ᠵᠢᠭᠰᠢᠵᠦ ᠮᠠᠰᠢ ᠴᠡᠭᠡᠷᠯᠡᠳᠡᠭ᠃ ᠡᠶᠢᠮᠦ ᠠᠴᠠ ︽ᠪᠤᠰᠤᠳ ᠤᠨ ᠶᠠᠭᠤᠮᠠ ᠶᠢ ᠬᠤᠯᠠᠭᠠᠶᠢᠯᠠᠪᠠᠯ ᠡᠷᠭᠢᠬᠦ | ᠲᠦᠷᠦᠯ ᠲᠡᠭᠡᠨ ᠬᠤᠶᠠᠷ ᠬᠦᠯ ᠨᠢ ᠲᠠᠰᠤᠷᠠᠵᠤ ᠲᠦᠷᠦᠳᠡᠭ︾᠂ ︽ᠬᠤᠳᠠᠯᠴᠢ ᠬᠦᠮᠦᠨ ᠦᠬᠦᠭᠡᠳ ᠡᠷᠯᠢᠭ ᠲᠤ | ᠤᠴᠢᠪᠠᠯ ᠬᠡᠯᠡ ᠶᠢ ᠨᠢ ᠤᠭᠲᠤᠯᠳᠠᠭ︾ ᠭᠡᠬᠦ ᠮᠡᠲᠤ ᠶᠢᠨ ᠰᠦᠷᠳᠡᠭᠦᠯᠦᠯ ᠢᠶᠠᠷ ᠬᠤᠯᠠᠭᠠᠢ ᠬᠢᠵᠦ ᠬᠤᠳᠠᠯ ᠬᠡᠯᠡᠬᠦ᠂ | ᠪᠤᠰᠤᠳ ᠢ ᠬᠤᠬᠢᠷᠠᠭᠤᠯᠬᠤ ᠵᠢᠭᠰᠢᠭᠦᠷᠢᠲᠤ ᠠᠵᠢᠯᠯᠠᠭᠠ ᠶᠢ ᠴᠡᠭᠡᠷᠯᠡᠭᠦᠯᠳᠡᠭ᠃ | ᠮᠤᠩᠭᠤᠯ ᠬᠦᠮᠦᠨ ᠤᠯᠵᠠᠨ ᠳᠤ ᠰᠢᠨᠤᠬᠠᠶᠢᠷᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠶᠤᠰᠤ ᠲᠠᠢ᠃ ᠮᠤᠩᠭᠤᠯᠴᠤᠳ ᠤᠨ | ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢᠯᠡ ᠳᠤ ᠪᠤᠰᠤᠳ ᠢ ᠲᠤᠰᠠᠯᠠᠬᠤ ᠪᠠᠷ ᠵᠢᠷᠭᠠᠯ ᠢᠶᠠᠨ ᠪᠤᠯᠭᠠᠵᠤ᠂ ᠪᠤᠶᠠᠨ ᠦᠢᠯᠡᠳᠴᠦ | ᠪᠠᠶᠢᠭᠠ ᠪᠠᠷ ᠦᠵᠡᠳᠡᠭ ᠪᠤᠯᠬᠤᠷ ᠦᠨᠦᠴᠢᠨ ᠪᠠᠯᠪᠠᠰᠤᠨ ᠢ ᠦᠷᠦ ᠡᠪᠡᠳᠦᠨ ᠲᠡᠳᠬᠦᠵᠦ᠂ ᠡᠪᠡᠳᠴᠢᠨ | ᠵᠤᠪᠠᠯᠠᠩᠲᠠᠨ ᠢ ᠡᠷᠭᠦᠵᠦ ᠬᠠᠷᠠᠭᠠᠯᠵᠠᠳᠠᠭ ᠰᠠᠶᠢᠨ ᠰᠠᠶᠢᠬᠠᠨ ᠵᠠᠩ ᠳᠠᠳᠬᠠᠯ ᠲᠠᠢ ᠪᠤᠯᠬᠤᠷ ᠵᠠᠮ ᠮᠦᠷ ᠳᠡᠭᠡᠷᠡ | ᠬᠡᠬᠡᠭᠰᠡᠨ ᠶᠠᠭᠤᠮᠠ ᠶᠢ ᠡᠵᠡᠨ ᠳᠤᠨᠢ ᠤᠯᠭᠤᠬᠤ ᠪᠤᠶᠤ ᠢᠯᠡ ᠭᠠᠵᠠᠷ ᠲᠠᠯᠪᠢᠵᠦ ᠮᠠᠷᠲᠠᠭᠰᠠᠨ ᠡᠵᠡᠨ ᠳᠤᠨᠢ ᠳᠦᠭᠦᠮ | ᠦᠵᠡᠭᠦᠯᠳᠡᠭ᠃ ᠠᠶᠠᠯᠠᠵᠤ ᠶᠠᠪᠤᠭᠠ ᠵᠠᠮ ᠳᠠᠭᠠᠨ ᠡᠵᠡᠨ ᠨᠢ ᠦᠭᠡᠢ ᠰᠤᠯᠠ ᠭᠡᠷ ᠲᠤ ᠤᠷᠤᠭᠰᠠᠨ ᠴᠦ ᠬᠦᠮᠦᠨ ᠤ | ᠶᠠᠭᠤᠮᠠ ᠶᠢ ᠬᠦᠨᠳᠡᠳᠡᠭ ᠶᠤᠰᠤ ᠦᠭᠡᠢ᠂ ᠨᠡᠩ ᠴᠦ ᠠᠯᠲᠠᠨ ᠬᠢᠮᠦᠰᠦ ᠬᠦᠳᠡᠯᠭᠡᠬᠦ ᠶᠢ ᠲᠠᠰᠤ ᠴᠡᠭᠡᠷᠯᠡᠳᠡᠭ᠃ | ᠠᠯᠠᠱᠠ ᠬᠤᠱᠤᠤᠨᠴᠤᠳ ᠬᠦᠮᠦᠨ ᠬᠠᠷᠢᠶᠠᠬᠤ ᠶᠢ ᠪᠤᠯᠬᠢ ᠮᠠᠭᠤ ᠰᠤᠷᠲᠠᠯ ᠭᠡᠵᠦ ᠵᠢᠭᠰᠢᠨ ᠦᠵᠡᠬᠦ ᠪᠤᠯᠬᠤᠷ ︽ | ᠬᠦᠮᠦᠨ ᠬᠠᠷᠢᠶᠠᠪᠠᠯ ᠬᠡᠯᠡ ᠳᠡᠭᠡᠷᠡ ᠴᠢᠨᠢ ᠶᠠᠷᠠ ᠭᠠᠷᠳᠠᠭ︾᠂ ︽ᠬᠦᠮᠦᠨ ᠬᠠᠷᠢᠶᠠᠬᠤ ᠨᠢ ᠨᠢᠭᠦᠯ︾ ᠬᠡᠬᠦ ᠮᠡᠲᠤ ᠪᠠᠷ | ᠰᠡᠷᠡᠮᠵᠢ ᠦᠭᠴᠦ ᠴᠡᠭᠡᠷᠯᠡᠭᠦᠯᠳᠡᠭ᠃ | ᠠᠯᠠᠱᠠ ᠳᠤ ᠪᠦᠰᠡᠭᠦᠢ ᠬᠦᠮᠦᠨ ᠦᠰᠦ ᠪᠠᠨ ᠲᠠᠭᠠᠷᠢᠬᠤ ᠶᠢ ᠴᠡᠭᠡᠷᠯᠡᠵᠦ ᠪᠠᠶᠢᠵᠠᠢ᠃ ᠡᠨᠡ ᠨᠢ ︽ᠦᠰᠦ | ᠲᠠᠭᠠᠷᠢᠪᠠᠯ ᠨᠠᠰᠤ ᠤᠬᠤᠷ ᠪᠤᠯᠳᠠᠭ︾ ᠭᠡᠵᠦ ᠦᠵᠡᠳᠡᠭ ᠠᠴᠠ ᠪᠤᠯᠤᠭᠰᠠᠨ ᠴᠡᠭᠡᠷ ᠪᠤᠯᠬᠤ ᠶᠤᠮ᠃ ᠪᠠᠰᠠ ᠠᠪᠠᠭᠠᠢ | ᠬᠦᠮᠦᠨ ᠦᠰᠦ ᠪᠠᠨ ᠰᠤᠯᠠ ᠳᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠶᠤᠮ᠂ ᠡᠨᠡ ᠨᠢ ᠥᠩᠭᠡᠷᠡᠭᠰᠡᠨ ᠳᠤ ᠪᠠᠯᠪᠠᠰᠤᠷᠠᠯ ᠬᠢᠪᠡᠯ | ᠦᠰᠦ ᠭᠡᠵᠢᠭᠡ ᠪᠠᠨ ᠰᠤᠯᠠ ᠲᠠᠯᠪᠢᠳᠠᠭ ᠶᠤᠰᠤᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠪᠤᠯᠤᠭᠰᠠᠨ ᠴᠡᠭᠡᠷ ᠶᠤᠮ᠃ ᠭᠡᠷ ᠤᠨ | ᠡᠷᠦᠬᠡ ᠶᠢ ᠲᠠᠲᠠᠬᠤ ᠪᠤᠶᠤ ᠬᠠᠷᠢᠭᠤᠯᠬᠤ ᠳᠠᠭᠠᠨ ᠪᠤᠷᠤᠭᠤ ᠪᠠᠷ ᠡᠷᠭᠢᠵᠦ ᠲᠠᠲᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠡᠨᠡ ᠨᠢ | ᠨᠦᠭᠴᠢᠭᠰᠡᠨ ᠬᠦᠮᠦᠨ ᠤ ᠭᠡᠷ ᠤᠨ ᠡᠷᠦᠬᠡ ᠶᠢ ᠪᠤᠷᠤᠭᠤ ᠪᠠᠷ ᠡᠷᠭᠢᠭᠦᠯᠵᠦ ᠲᠠᠲᠠᠳᠠᠭ ᠠᠴᠠ ᠡᠨᠡ ᠮᠡᠲᠤ ᠪᠠᠷ | ᠴᠡᠭᠡᠷᠯᠡᠭᠦᠯᠦᠭᠰᠡᠨ ᠬᠡᠳᠡᠭ᠃ ᠮᠦᠨᠴᠤ ᠮᠤᠩᠭᠤᠯ ᠭᠡᠷ ᠢ ᠲᠦᠰᠢᠵᠦ ᠵᠤᠭᠰᠣᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠡᠨᠠ ᠨᠢ | ᠪᠡᠯᠪᠡᠰᠦᠷᠡᠬᠦ ᠬᠦᠮᠦᠨ ᠰᠠᠶ᠋ᠢ ᠡᠨᠡ ᠮᠡᠲᠤ ᠪᠠᠷ ᠵᠤᠭᠰᠤᠳᠠᠭ ᠭᠡᠵᠦ ᠴᠡᠭᠡᠷᠯᠡᠭᠦᠯᠵᠠᠢ᠃ ᠰᠠᠷᠠ ᠳᠤ ᠰᠠᠭᠤᠭᠠ ᠡᠬᠡᠨᠡᠷ ᠤᠨ | ᠭᠡᠷ ᠲᠤ ᠤᠷᠤᠳᠠᠭ ᠦᠭᠡᠢ᠂ ᠬᠤᠷᠢᠨ ᠨᠢᠭᠡᠨ ᠬᠤᠨᠤᠭ ᠬᠦᠯ ᠴᠡᠭᠡᠷᠯᠡᠳᠡᠭ᠃ | ︵ᠪᠤᠷᠵᠢᠬᠢᠨ ᠳ᠋ᠤᠷᠬᠢ ᠶᠢᠨ ︽ᠠᠯᠠᠱᠠ ᠬᠤᠱᠤᠤᠨ ᠨᠤᠮ︾ ᠠᠴᠠ︶ | | |