| | ᠶᠠᠷᠵᠢᠩ ᠤᠨ ᠨᠠᠭᠠᠳᠤᠮ ᠪᠤᠯ ᠤᠷᠤᠨ ᠨᠤᠳᠤᠭ ᠤᠨ ᠱᠠᠰᠢᠨ᠂ ᠲᠥᠷᠥ ᠶᠢᠨ ᠵᠠᠩᠰᠢᠯ ᠠᠭᠤᠯᠭᠠ ᠬᠠᠷᠢᠯᠴᠠᠨ | ᠤᠶᠠᠯᠳᠤᠭᠰᠠᠨ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠴᠤᠭᠯᠠᠭᠠ ᠪᠤᠯᠤᠨᠠ᠃ ᠲᠡᠦᠭᠡᠨ ᠲᠡᠮᠳᠡᠭᠯᠡᠯ ᠠᠴᠠ ᠦᠵᠡᠪᠡᠯ᠂ | ᠠᠯᠠᠱᠠ ᠬᠤᠰᠢᠭᠤᠨ ᠤ ᠬᠤᠱᠤᠢ ᠴᠢᠨ ᠸᠠᠩ ᠯᠤᠪᠰᠠᠩᠳᠤᠷᠵᠢ ᠶᠢᠨ ᠦᠶᠡ ᠠᠴᠠ ᠨᠠᠰᠢ᠂ ᠦᠷᠡᠰ ᠨᠠᠶᠢᠷ | ᠲᠦᠭᠡᠮᠡᠯᠵᠢᠵᠦ᠂ ᠦᠨᠳᠦᠰᠦᠲᠡᠨ ᠤ ᠤᠳᠬᠠ ᠰᠤᠶᠤᠯ ᠥᠷᠭᠡᠨ ᠢᠶᠠᠷ ᠦᠷᠨᠢᠵᠦ᠂ ᠬᠡᠶᠢᠳ ᠰᠦᠮᠡ᠂ ᠪᠠᠭ | ᠨᠤᠳᠤᠭ ᠢ ᠶᠡᠬᠡᠳᠡ ᠨᠥᠯᠥᠭᠡᠯᠡᠵᠡᠢ᠃ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠨᠥᠭᠦᠴᠡᠯ ᠢ ᠪᠦᠷᠢᠯᠳᠦᠭᠦᠯᠭᠦ ᠶᠢᠨ ᠲᠥᠯᠥᠭᠡ ᠪᠠᠭ | ᠰᠦᠮᠡ ᠬᠠᠮᠳᠤᠷᠠᠵᠤ᠂ ᠨᠤᠮ ᠤᠨ ᠬᠤᠷᠠᠯ ᠢᠶᠠᠷ ᠰᠢᠯᠳᠠᠭᠠᠨ ᠡᠭᠦᠰᠭᠡᠨ᠂ ᠮᠤᠩᠭᠤᠯᠴᠦᠳ ᠤᠨ ᠤᠳᠤᠮᠰᠢᠯ ᠵᠠᠩᠰᠢᠯ ᠢ | ᠪᠠᠷᠢᠮᠳᠠᠯᠠᠵᠤ᠂ ᠬᠤᠰᠢᠭᠤᠨ ᠤ ᠦᠷᠡᠰ ᠨᠠᠶᠢᠷ ᠤᠨ ᠠᠭᠤᠯᠭᠠ ᠨᠤᠭᠤᠳ ᠢ ᠪᠠᠭᠳᠠᠭᠠᠨ ᠠᠭᠤᠯᠵᠤ᠂ ᠡᠷᠡ ᠶᠢᠨ | ᠭᠤᠷᠪᠠᠨ ᠨᠠᠭᠠᠳᠤᠮ ᠲᠠᠯᠪᠢᠵᠤ᠂ ᠬᠦᠴᠦᠲᠦ ᠡᠷᠡ᠂ ᠬᠤᠷᠳᠤᠨ ᠮᠤᠷᠢ᠂ ᠱᠠᠯᠠᠮᠠᠭᠠᠢ ᠨᠤᠮᠤᠴᠢᠨ ᠢ ᠪᠤᠯᠪᠠᠰᠤᠷᠠᠭᠤᠯᠵᠤ᠂ | ᠦᠨᠳᠦᠰᠦᠲᠡᠨ ᠤ ᠬᠡᠯᠪᠡᠷᠢ ᠶᠢᠨ ᠨᠠᠶᠢᠷ ᠨᠠᠭᠠᠳᠤᠮ ᠢ ᠡᠭᠦᠰᠭᠡᠨ ᠶᠠᠪᠤᠭᠤᠯᠳᠠᠭ ᠪᠠᠶᠢᠪᠠ᠃ ᠡᠨᠡ ᠨᠢ ᠪᠦᠭᠦ | ᠬᠤᠰᠢᠭᠤᠨ ᠤ ᠤᠯᠠᠨ ᠲᠦᠮᠡᠨᠴᠢ ᠴᠢᠨᠠᠷᠳᠠᠢ ᠬᠥᠳᠡᠯᠭᠡᠭᠡᠨ ᠪᠤᠯᠤᠨ ᠲᠦᠭᠡᠮᠡᠯᠵᠢᠵᠡᠢ᠃ ᠡᠶᠢᠮᠦ ᠳᠤ ᠪᠠᠭ᠂ ᠰᠦᠮᠡ | ᠬᠠᠷᠢᠯᠴᠠᠨ ᠲᠡᠮᠵᠢᠵᠦ ︽ᠶᠠᠷᠵᠢᠩ︾ ᠭᠠᠷᠭᠠᠬᠤ ᠪᠤᠯᠵᠠᠢ᠃ | ᠠᠯᠠᠱᠠ ᠶᠢᠨ ᠪᠠᠭ ᠨᠢ ᠨᠤᠳᠤᠭ ᠤᠨ ᠤᠪᠤᠭᠠ ᠶᠢᠨ ᠲᠠᠬᠢᠯᠭᠠ ᠲᠡᠭᠡᠷᠡ ᠪᠠᠨ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠢ | ᠶᠠᠪᠤᠭᠤᠯᠵᠤ᠂ ᠥᠪᠡᠳᠡᠭᠰᠢ ᠨᠠᠶᠢᠷ ᠲᠠᠯᠪᠢᠬᠤ ᠪᠤᠯᠵᠠᠢ᠃ | ᠲᠡᠭᠡᠪᠡᠯ ᠰᠦᠮᠡ ᠭᠡᠶᠢᠳ ᠨᠢ ᠶᠠᠷᠵᠢᠩ ᠤᠨ ᠨᠠᠶᠢᠷ ᠲᠠᠯᠪᠢᠬᠤ ᠳᠠᠭᠠᠨ ᠱᠠᠰᠢᠨ ᠤ ᠰᠤᠷᠳᠠᠯ ᠢ ᠡᠷᠭᠢᠮᠯᠡᠵᠦ᠂ | ᠭᠡᠭᠡᠨ ᠯᠠᠮᠠ ᠳᠠᠭᠠᠨ ᠳ᠋ᠠᠩᠰᠢᠭ ᠮᠠᠨᠳᠠᠯ ᠡᠷᠭᠦᠵᠦ ᠮᠥᠷᠭᠦᠨᠡ᠃ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠬᠤᠷᠠᠯ ᠢ ᠡᠬᠢᠯᠡᠭᠦ ᠳᠡᠭᠡᠨ | ᠪᠤᠷᠬᠠᠨ ᠲᠡᠭᠷᠢ᠂ ᠠᠯᠠᠱᠠ ᠶᠢᠨ ᠡᠵᠡᠳ ᠰᠠᠬᠢᠭᠤᠯᠰᠤᠨ ᠳᠤ ᠳᠠᠬᠢᠯ ᠡᠷᠭᠦᠵᠦ᠂ ᠴᠠᠭᠠᠨ ᠢᠳᠡᠭᠡ ᠪᠠᠷ ᠲᠡᠭᠡᠵᠢ | ᠪᠤᠯᠭᠠᠵᠤ᠂ ᠦᠷᠡ ᠵᠢᠮᠢᠰ᠂ ᠠᠷᠢᠭᠤᠨ ᠰᠠᠶᠢᠬᠠᠨ ᠠᠮᠳᠠᠳᠤ ᠢᠳᠡᠭᠡᠨ ᠰᠠᠴᠤᠵᠤ᠂ ᠰᠠᠩ ᠲᠠᠯᠪᠢᠨ ᠮᠥᠷᠭᠦᠵᠦ | ᠶᠤᠰᠤᠯᠠᠨᠠ᠃ ᠲᠡᠭᠦᠨᠴᠢᠯᠡᠨ ᠲᠥᠷᠥ ᠱᠠᠰᠢᠨ ᠤ ᠨᠢᠭᠡᠳᠦᠯ ᠲᠠᠢ ᠵᠠᠩᠰᠢᠯ ᠶᠤᠰᠤᠭᠠᠷ ᠤᠯᠠᠨ ᠵᠤᠴᠢᠳ᠂ | ᠥᠭᠯᠢᠭᠡ ᠶᠢᠨ ᠡᠵᠡᠳ ᠲᠤ ᠴᠠᠢ᠂ ᠬᠤᠭᠤᠯᠠ ᠪᠡᠯᠡᠳᠭᠡᠵᠦ ᠵᠤᠴᠢᠯᠠᠨᠠ᠃ ᠨᠢᠭᠡ ᠯᠡ ᠡᠳᠦᠷ ᠤᠨ ᠬᠤᠪᠢ ᠳᠤ ᠮᠤᠷᠢ | ᠤᠷᠤᠯᠳᠤᠬᠤ᠂ ᠨᠤᠮᠤ ᠬᠠᠷᠪᠤᠬᠤ᠂ ᠪᠥᠭᠡ ᠪᠠᠷᠢᠯᠳᠤᠬᠤ ᠬᠥᠳᠡᠯᠭᠡᠭᠡᠨ ᠢ ᠶᠠᠪᠤᠭᠤᠯᠵᠤ᠂ ᠲᠤᠰ ᠪᠦᠷᠢ ᠳᠤ | ᠤᠷᠦ᠋ᠢᠯᠠᠭᠰᠠᠨ ᠮᠤᠷᠢ᠂ ᠨᠤᠮᠤᠴᠢᠨ᠂ ᠪᠥᠭᠡ ᠶᠢ ᠪᠦᠷ ᠨᠢᠭᠡ ᠶᠤᠰᠤ ᠪᠠᠷ ᠡᠳ᠋ ᠪᠤᠳᠠᠰ᠂ ᠴᠠᠢ ᠠᠷᠢᠬᠢ᠂ ᠪᠤᠷᠠᠮ | ᠰᠢᠬᠢᠷ᠂ ᠬᠠᠳᠠᠭ ᠠᠯᠴᠢᠭᠤᠷ᠂ ᠠᠳᠢᠰ ᠷᠠᠰᠢᠶᠠᠨ ᠢᠶᠠᠷ ᠱᠠᠩᠨᠠᠵᠤ ᠬᠥᠭᠢᠭᠦᠯᠦᠨᠡ᠃ ᠬᠤᠶᠠᠳᠤᠭᠠᠷ᠂ | ᠭᠤᠳᠠᠭᠠᠷ ᠤᠨ ᠬᠢᠨ ᠢ ᠮᠥᠨ ᠡᠳ᠋ ᠪᠤᠳᠠᠰ᠂ ᠠᠷᠢᠬᠢ ᠴᠠᠢ᠂ ᠬᠠᠳᠠᠭ ᠵᠡᠷᠭᠡ ᠪᠠᠷ ᠲᠤᠰ ᠪᠦᠷᠢ ᠱᠠᠩᠨᠠᠵᠤ | ᠰᠠᠶᠢᠰᠢᠶᠠᠨᠠ᠃ ᠪᠤᠰᠤᠳ ᠢ ᠪᠦᠷ ᠵᠤᠷᠢᠭᠵᠢᠭᠤᠯᠤᠨ ᠬᠠᠶᠢᠷᠠ ᠱᠠᠩᠨᠠᠯ ᠥᠭᠭᠦᠨᠡ᠃ ᠡᠶᠢᠮᠦ ᠬᠡᠯᠪᠡᠷᠢ ᠶᠢᠨ | ᠨᠠᠭᠠᠳᠤᠮ ᠢ ᠠᠯᠠᠱᠠ ᠬᠤᠰᠢᠭᠤᠨ ᠤ ᠤᠯᠠᠩᠭᠢ ᠰᠦᠮᠡ ᠬᠡᠶᠢᠳ ᠲᠤ ᠵᠢᠯ ᠳᠡᠭᠡᠨ ᠭᠠᠷᠭᠠᠳᠠᠭ ᠪᠠᠶᠢᠨᠠ᠃ | ᠬᠥᠳᠡᠭᠡ ᠨᠤᠳᠤᠭ ᠤᠨ ᠰᠦᠮᠡ ᠪᠦᠷ ᠨᠠᠶᠢᠷ ᠤᠨ ᠴᠤᠭᠯᠠᠭᠠ ᠶᠠᠪᠤᠭᠤᠯᠳᠠᠭ ᠪᠢᠯᠡ᠃ ᠬᠠᠮᠤᠭ ᠤᠨ ᠠᠯᠳᠠᠷᠳᠠᠢ | ᠬᠡᠳᠦ ᠬᠡᠪᠡᠯ ᠬᠤᠩᠭᠤᠷᠥ᠌ᠯᠦᠩ ᠪᠠᠭ ᠤᠨ ᠪᠠᠷᠠᠭᠤᠨ᠂ ᠵᠡᠭᠦᠨ ᠬᠤᠶᠠᠷ ᠪᠤᠷᠭᠠᠰᠤᠳᠠᠢ ᠶᠢᠨ ᠰᠦᠮᠡ᠂ | ᠬᠤᠩᠭᠤᠷᠥ᠌ᠯᠦᠩ ᠪᠠᠭ ᠤᠨ ᠥᠷᠭᠦᠭᠡ ᠶᠢᠨ ᠰᠦᠮᠡ ᠲᠤᠰ ᠪᠦᠷᠢ ᠶᠠᠷᠵᠢᠩ ᠭᠠᠷᠭᠠᠬᠤ ᠨᠠᠭᠠᠳᠤᠮ ᠤᠨ ᠬᠤᠷᠠᠯ | ᠬᠢᠳᠡᠭ ᠤᠳᠤᠮᠰᠢᠯ ᠲᠠᠢ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠪᠠᠰᠠ ᠤᠪᠤᠭᠠ ᠶᠢᠨ ᠨᠠᠭᠠᠳᠤᠮ ᠡᠷᠬᠢᠯᠡᠵᠦ ᠨᠢᠭᠡ ᠵᠢᠯ ᠳᠤ ᠳᠥᠷᠪᠡᠨ ᠭᠠᠵᠠᠷ | ᠤᠷᠤᠯᠳᠤᠭᠠᠨ ᠶᠠᠪᠤᠭᠳᠠᠳᠠᠭ ᠪᠢᠯᠡ᠃ ᠱᠢᠷᠽᠠ ᠶᠢᠨ ᠰᠦᠮᠡ᠂ ᠳ᠋ᠠᠷᠠ ᠡᠬᠡ ᠶᠢᠨ ᠰᠦᠮᠡ᠂ ᠰᠢᠷᠭᠠ ᠶᠢᠨ ᠰᠦᠮᠡ᠂ | ᠴᠤᠭᠳᠤᠬᠦ᠋ᠷᠢᠶᠡ ᠶᠢᠨ ᠰᠦᠮᠡ᠂ ᠴᠠᠭᠠᠨ ᠭᠤᠤᠯ ᠤᠨ ᠰᠦᠮᠡ ᠵᠡᠷᠭᠡ ᠰᠦᠮᠡ ᠨᠦᠭᠦᠳ ᠲᠤ ᠨᠡᠯᠢᠶᠡᠳ ᠬᠡᠮᠵᠢᠶᠡᠨ ᠤ | ᠶᠠᠷᠵᠢᠩ ᠭᠠᠷᠳᠠᠭ ᠲᠡᠦᠭᠡ ᠲᠠᠢ᠃ | ᠪᠤᠰᠤᠳ ᠤᠯᠠᠨ ᠰᠦᠮᠡ ᠨᠦᠭᠦᠳ ᠲᠤ ᠠᠳᠠᠯᠢ ᠪᠤᠰᠤ ᠬᠡᠪᠴᠢᠶᠡᠨ ᠤ ᠨᠠᠭᠠᠳᠤᠮ ᠭᠠᠷᠭᠠᠵᠤ᠂ ᠤᠯᠠᠨ | ᠲᠦᠮᠡᠨ ᠤ ᠨᠠᠶᠢᠷ ᠴᠤᠭᠯᠠᠭᠠ ᠶᠠᠪᠤᠭᠳᠠᠵᠤ᠂ ᠮᠠᠯᠴᠢᠳ ᠬᠤᠭᠤᠷᠤᠨᠳᠤ ᠪᠠᠨ ᠮᠠᠷᠭᠤᠯᠳᠤᠭᠠᠨ ᠶᠠᠪᠤᠭᠤᠯᠵᠤ᠂ ᠮᠤᠷᠢᠨ ᠤ | ᠬᠤᠷᠳᠤᠨ ᠨᠢ ᠮᠢᠨᠤᠬᠢ ᠴᠢᠨᠤᠬᠢ ᠭᠡᠮᠡᠨ ᠦᠷᠢᠰᠦᠯᠳᠦᠵᠦ᠂ ᠰᠢᠯᠢᠳᠡᠭ ᠰᠠᠶᠢᠨ ᠠᠵᠢᠷᠭᠠ ᠶᠢᠨ ᠤᠨᠠᠭᠠ ᠠᠪᠴᠤ᠂ | ᠡᠭᠦᠯᠳᠡᠷ ᠢ ᠥᠭᠡᠷᠡᠴᠢᠯᠡᠨ ᠰᠠᠶᠢᠵᠢᠷᠠᠭᠤᠯᠬᠤ ᠠᠵᠢᠯ ᠪᠠ ᠪᠤᠰᠤᠳ ᠰᠤᠯᠢᠯᠴᠠᠬᠤ ᠬᠥᠳᠡᠯᠭᠡᠭᠡᠨ ᠡᠭᠦᠪᠡᠷ ᠳᠠᠮᠵᠢᠨ | ᠥᠷᠨᠢᠳᠡᠭ ᠪᠠᠶᠢᠨᠠ᠃ ᠡᠨᠡ ᠨᠢ ᠮᠥᠨ ᠵᠠᠯᠠᠭᠤᠴᠦᠳ ᠪᠠᠭᠠᠴᠤᠳ ᠪᠦᠭᠡ ᠪᠠᠷᠢᠯᠳᠤᠬᠤ᠂ ᠨᠤᠮᠤ ᠬᠠᠷᠪᠤᠬᠤ | ᠮᠡᠷᠭᠡᠵᠢᠯ ᠢ ᠰᠤᠷᠴᠤ ᠡᠵᠡᠮᠰᠢᠭᠦ ᠠᠰᠢᠭᠳᠠᠢ ᠰᠠᠶᠢᠨ ᠵᠠᠪᠰᠢᠶᠠᠨ ᠪᠤᠯᠬᠤ ᠶᠤᠮ᠃ | ᠲᠤᠪᠴᠢᠯᠠᠭᠠᠳ ᠬᠡᠯᠡᠪᠡᠯ᠂ ᠠᠯᠠᠱᠠ ᠮᠤᠩᠭᠤᠯᠴᠦᠳ ᠰᠦᠮᠡ ᠬᠡᠶᠢᠳ ᠤᠨ ᠶᠠᠷᠵᠢᠩ᠂ ᠤᠪᠤᠭᠠ ᠶᠢᠨ | ᠳᠠᠬᠢᠯᠭᠠ ᠶᠢᠨ ᠴᠤᠭᠯᠠᠭᠠ ᠨᠠᠭᠠᠳᠤᠮ ᠢᠶᠠᠷ ᠳᠠᠮᠵᠢᠨ᠂ ᠪᠡᠶᠡ ᠶᠢᠨ ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠤ ᠪᠤᠯᠪᠠᠰᠤᠷᠠᠯ ᠤᠨ | ᠤᠷᠤᠰᠬᠠᠯ ᠴᠤᠭᠴᠠ ᠶᠢ ᠲᠦᠯᠬᠢᠨ ᠠᠬᠢᠭᠤᠯᠳᠠᠭ᠃ | ᠬᠡᠶᠢᠳ ᠰᠦᠮᠡ ᠶᠢᠨ ᠶᠠᠷᠵᠢᠩ ᠲᠡᠭᠡᠷᠡ 20 — 30 ᠤᠷᠴᠢᠮ ᠠᠭᠳᠠ ᠤᠷᠤᠯᠳᠤᠭᠠᠨ ᠳᠤ ᠭᠠᠷᠳᠠᠭ | ᠪᠠᠶᠢᠨᠠ᠃ ᠪᠦᠭᠡ ᠠᠷᠪᠠ ᠭᠠᠷᠤᠢ ᠬᠤᠤᠰ ᠤᠷᠤᠯᠴᠠᠨᠠ᠃ | ︵ᠲᠥᠪᠵᠢᠷᠭᠠᠯ᠂ ᠲᠡᠮᠦᠷᠪᠦ᠋ᠭᠡ ᠨᠠᠷ ᠤᠨ ᠵᠤᠬᠢᠶᠠᠭᠰᠠᠨ ︽ᠠᠯᠠᠱᠠ ᠬᠤᠱᠤᠳ ᠮᠤᠩᠭᠤᠯ ᠤᠨ ᠲᠤᠪᠴᠢ | ᠲᠡᠦᠭᠡ︾ ᠠᠴᠠ ᠰᠡᠶᠢᠷᠡᠭᠦᠯᠪᠡ︶ |