| ᠪᠦᠬᠡ ᠱᠠᠯᠪᠢᠩ ᠬᠠᠭᠠᠨ ᠤ ᠳᠠᠷᠬᠠᠨ ᠪᠦᠬᠡ ᠶᠢ ᠰᠠᠪᠠᠭᠰᠠᠨ ᠨᠢ | | | ᠮᠠᠷᠭᠠᠰᠢ ᠨᠢ ᠠᠯᠠᠱᠠ ᠲᠦᠰᠢᠮᠡᠯ ᠱᠠᠯᠪᠢᠩ ᠢᠶᠠᠨ ᠳᠠᠭᠠᠭᠤᠯᠤᠨ ᠪᠠᠷᠢᠯᠳᠤᠭᠠᠨ ᠤ ᠲᠠᠯᠠᠪᠤᠷ ᠲᠤ ᠬᠦᠷᠴᠦ | ᠢᠷᠡᠬᠦ ᠳᠤ᠂ ᠠᠯᠠᠱᠠ ᠭᠡᠭᠴᠢ ᠭᠠᠵᠠᠷ ᠠᠴᠠ ᠨᠢᠭᠡ ᠪᠦᠬᠡ ᠢᠷᠡᠵᠦ ᠬᠠᠭᠠᠨ ᠤ ᠳᠠᠷᠬᠠᠨ ᠪᠦᠬᠡ ᠲᠠᠢ ᠪᠠᠷᠢᠯᠳᠤᠬᠤ | ᠭᠡᠵᠦ ᠪᠠᠶᠢᠨᠠ ᠭᠡᠳᠡᠭ ᠴᠢᠮᠡᠭᠡ ᠶᠢ ᠰᠤᠨᠤᠰᠤᠭᠰᠠᠨ ᠪᠡᠭᠡᠵᠢᠩ ᠬᠤᠲᠠ ᠶᠢᠨ ᠤᠯᠤᠰ ᠡᠭᠦᠷ ᠦᠨᠳᠡᠭᠡ ᠪᠠᠷ ᠢᠶᠠᠨ | ᠬᠤᠷᠠᠨ ᠢᠷᠡᠵᠡᠭᠡᠵᠦ ᠪᠠᠷᠢᠯᠳᠤᠭᠠᠨ ᠤ ᠳᠠᠯᠠᠪᠤᠷ ᠢ ᠳᠤᠳᠤᠨᠠ ᠭᠤᠷᠪᠠᠨ ᠳᠠᠪᠬᠤᠷ᠂ ᠭᠠᠳᠠᠨᠠ ᠭᠤᠷᠪᠠᠨ ᠳᠠᠪᠬᠤᠷ᠂ | ᠲᠡᠭᠦᠨ ᠤ ᠭᠠᠳᠠᠭᠤᠷ ᠪᠠᠰᠠ ᠭᠤᠷᠪᠠᠨ ᠭᠤᠷᠪᠠ ᠶᠢᠨ ᠶᠢᠰᠦᠨ ᠳᠠᠪᠬᠤᠷ ᠪᠦᠰᠡᠯᠡᠵᠦ ᠠᠪᠤᠭᠰᠠᠨ ᠪᠠᠶᠢᠵᠡᠢ᠃ | ᠲᠦᠰᠢᠮᠡᠯ ᠱᠠᠯᠪᠢᠩ ᠠᠴᠠ᠄ ︽ᠴᠢ ᠠᠶᠤᠵᠦ ᠪᠠᠶᠢᠨᠠ ᠤᠤ︖︾ ᠭᠡᠵᠦ ᠬᠡᠯᠡᠭᠰᠡᠨ ᠳᠤ᠂ ᠱᠠᠯᠪᠢᠩ ᠠᠴᠠ᠄ | ︽ᠠᠶᠤᠬᠤ ᠪᠠᠷ ᠴᠦ ᠶᠠᠭᠤ ᠪᠠᠶᠢᠨᠠ ᠳ᠋ᠠ᠂ ᠪᠤᠯᠪᠠᠯ ᠳᠡᠶᠢᠯᠦᠶᠡ ᠭᠡᠵᠦ ᠪᠤᠳᠤᠵᠦ ᠪᠠᠶᠢᠨᠠ᠂ ᠪᠠᠷᠢᠯᠳᠤᠵᠦ ᠦᠵᠡᠭᠡᠳ | ᠯᠠ ᠮᠡᠳᠡᠨᠡ︾ ᠭᠡᠵᠡᠢ᠃ ︽ᠳᠡᠶᠢᠮᠦ ᠡ᠂ ᠵᠤᠭᠤᠰ ᠠᠯᠳᠠᠪᠠᠯ ᠴᠠᠭ ᠤᠨ ᠵᠤᠪᠠᠯᠠᠩ᠂ ᠵᠤᠷᠢᠭ ᠠᠯᠳᠠᠪᠠᠯ ᠨᠠᠰᠤᠨ ᠤ | ᠵᠤᠪᠠᠯᠠᠩ ᠭᠡᠳᠡᠭ ᠶᠤᠮ ᠰᠢᠦ᠂ ᠵᠤᠷᠢᠭ ᠯᠠ ᠠᠯᠳᠠᠵᠦ ᠪᠣᠯᠬᠤ ᠦᠭᠡᠢ ᠰᠢᠦ ᠳ᠋ᠠ᠃ ᠭᠡᠪᠡᠴᠦ ᠬᠦᠮᠦᠨ ᠤ ᠬᠠᠷᠠ | ᠵᠠᠷᠤᠬᠤ ᠶᠢ ᠬᠠᠷᠢᠨ ᠤᠨᠴᠠᠭᠠᠢ ᠪᠤᠯᠭᠤᠮᠵᠢᠯᠠᠬᠤ ᠬᠡᠷᠡᠭᠳᠡᠢ ᠰᠢᠦ︕︾ ᠭᠡᠵᠦ ᠲᠦᠰᠢᠮᠡᠯ ᠵᠠᠬᠢᠵᠦ ᠬᠡᠯᠡᠭᠡᠳ | ᠱᠠᠯᠪᠢᠩ ᠢ ᠭᠠᠷᠭᠠᠵᠡᠢ᠃ | ᠲᠡᠭᠡᠭᠡᠳ ᠪᠠᠷᠢᠯᠳᠤᠭᠠᠨ ᠡᠬᠢᠯᠡᠵᠡᠢ᠃ ᠬᠠᠭᠠᠨ ᠤ ᠪᠦᠬᠡᠴᠦᠳ ᠠᠷᠤ ᠠᠷᠤ ᠠᠴᠠ ᠪᠠᠨ ᠴᠤᠪᠤᠷᠠᠨ ᠭᠠᠷᠴᠦ | ᠱᠠᠯᠪᠢᠩ ᠲᠠᠢ ᠪᠠᠷᠢᠯᠳᠤᠪᠠ᠂ ᠲᠡᠷᠡ ᠪᠦᠬᠡᠴᠦᠳ ᠨᠢ ᠨᠢᠭᠡ ᠨᠢᠭᠡ ᠪᠠᠷ ᠢᠶᠠᠨ ᠪᠠᠷᠰ ᠠᠷᠰᠯᠠᠨ ᠪᠠᠷᠢᠮᠠᠷ ᠰᠦᠷᠡᠬᠡᠢ | ᠡᠷᠡᠴᠤᠳ ᠪᠠᠶᠢᠭᠰᠠᠨ ᠪᠤᠯᠪᠠᠴᠦ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠬᠠᠶᠠᠭᠳᠠᠭᠠᠳ ᠪᠠᠶᠢᠵᠡᠢ᠃ ᠲᠡᠭᠡᠵᠦ ᠨᠢᠭᠡ ᠳᠠᠷᠠᠭᠠ | ᠪᠠᠷ ᠳᠤᠯᠤᠭᠠᠨ ᠪᠦᠬᠡ ᠰᠠᠪᠠᠭᠳᠠᠭᠠᠳ ᠢᠷᠡᠬᠦ ᠳᠤ ᠬᠠᠭᠠᠨ ᠤ ᠳᠠᠷᠬᠠᠨ ᠪᠦᠬᠡ ᠶᠢᠨ ᠠᠭᠤᠷ ᠨᠢ ᠪᠤᠴᠠᠯᠤᠨ ᠲᠡᠰᠭᠡᠯ | ᠠᠯᠳᠠᠭᠠᠳ ᠪᠦᠬᠡᠴᠤᠳ ᠪᠠᠨ ᠵᠠᠩᠳᠤᠷᠤᠨ ᠵᠠᠶᠢᠯᠠᠭᠤᠯᠵᠦ ᠦᠪᠡᠷ ᠢᠶᠠᠨ ᠰᠢᠭᠤᠳ ᠪᠠᠷᠢᠯᠳᠤᠭᠠᠨ ᠤ ᠲᠠᠯᠠᠪᠤᠷ ᠲᠤ | ᠮᠠᠭᠰᠢᠨ ᠳᠠᠭᠠᠷᠢᠨ ᠤᠷᠤᠵᠦ ᠢᠷᠡᠵᠦ ᠭᠡᠨᠡ᠃ ᠡᠨᠡ ᠬᠢᠷᠢ ᠳᠤ ᠱᠠᠯᠪᠢᠩ ᠴᠤ ᠪᠠᠰᠠ ᠠᠭᠤᠷ ᠨᠢ ᠬᠦᠷᠴᠦ᠂ ᠡᠨᠡ | ᠬᠠᠭᠠᠨ ᠤ ᠪᠦᠬᠡᠴᠤᠳ ᠭᠡᠳᠡᠭ ᠴᠢᠨᠢ ᠪᠦᠬᠡ ᠶᠢᠨ ᠵᠢᠷᠤᠮ ᠶᠤᠰᠤ ᠶᠢ ᠮᠡᠳᠡᠳᠡᠭ ᠦᠭᠡᠢ ᠠᠮᠢᠲᠠᠳ ᠪᠠᠶᠢᠭᠰᠠᠨ ᠪᠠᠶᠢᠨᠠ᠂ | ᠨᠢᠭᠡᠨᠳᠡ ᠳᠤᠯᠤᠭᠠᠨ ᠬᠦᠮᠦᠨ ᠭᠠᠷᠤᠭᠠᠳ ᠪᠠᠷᠢᠯᠳᠤᠵᠦ ᠦᠩᠭᠡᠷᠡᠭᠰᠡᠨ ᠶᠤᠮ ᠴᠢᠨᠢ ᠪᠤᠯᠤᠯᠠ ᠪᠢᠵᠠ᠂ ᠪᠠᠰᠠ | ᠴᠠᠭᠠᠨᠠ ᠠᠴᠠ ᠨᠢ ᠢᠩᠭᠢᠵᠦ ᠭᠠᠷᠴᠦ ᠢᠷᠡᠬᠦ ᠨᠢ ᠳᠠᠩᠴᠦ ᠶᠤᠰᠤᠨ ᠳᠤ ᠨᠡᠶᠢᠴᠡᠬᠦ ᠦᠭᠡᠢ ᠬᠡᠷᠡᠭ ᠪᠠᠶᠢᠬᠤ ᠪᠢᠰᠢ ᠤᠤ | ᠭᠡᠵᠦ ᠪᠤᠳᠤᠭᠠᠳ ᠲᠠᠯᠠᠪᠤᠷ ᠠᠴᠠ ᠭᠠᠷᠴᠦ ᠶᠠᠪᠤᠬᠤ ᠳᠤ ᠳᠠᠷᠬᠠᠨ ᠪᠦᠬᠡ ᠨᠢ ᠱᠤᠤᠭᠢᠨ ᠢᠷᠡᠵᠦ ᠨᠤᠴᠤᠭᠠᠳ ᠠᠪᠴᠡᠢ᠃ | ᠲᠡᠳᠦᠢ ᠳᠤ ᠱᠠᠯᠪᠢᠩ ᠤᠨ ᠪᠦᠬᠦ ᠪᠡᠶᠡ ᠨᠢ ᠲᠦᠷᠳᠡᠬᠢᠨ ᠰᠢᠳᠠᠵᠦ᠄ ︽ᠬᠡᠲᠦᠷᠡᠭᠰᠡᠨ ᠮᠠᠭᠤ ᠵᠤᠯᠢᠭ ᠴᠢ᠂ ᠪᠦᠬᠡ ᠶᠢᠨ | ᠲᠥᠷᠢᠮ ᠡᠶᠢᠮᠦ ᠪᠠᠶᠢᠳᠠᠭ ᠶᠤᠮ ᠤᠤ︖ ᠠᠯᠢ ᠡᠴᠢᠭᠡ ᠴᠢᠨᠢ ᠴᠢᠮᠠᠳᠤ ᠵᠢᠭᠠᠵᠦ ᠦᠭᠭᠦᠭᠰᠡᠨ ᠶᠤᠮ ᠪᠤᠢ︕︾ ᠭᠡᠳ | ᠰᠦᠷ ᠵᠢᠪᠬᠤᠭᠠ ᠲᠠᠢ ᠪᠡᠶᠡ ᠪᠠᠨ ᠴᠢᠩᠭᠠᠯᠠᠨ ᠮᠦᠷᠦ ᠪᠠᠷ ᠢᠶᠠᠨ ᠨᠢᠭᠡ ᠯᠠ ᠰᠠᠵᠢᠭᠰᠠᠨ ᠳᠤ ᠳᠠᠷᠬᠠᠨ ᠪᠦᠬᠡ ᠭᠠᠷ | ᠠᠯᠳᠠᠨ ᠤᠷᠤᠭᠰᠢ ᠪᠠᠨ ᠱᠤᠩᠭᠤᠴᠢᠵᠦ ᠳᠦᠷᠪᠡ ᠲᠠᠪᠤᠨ ᠠᠯᠬᠤᠮ ᠭᠠᠵᠠᠷ ᠶᠠᠪᠤᠭᠠᠳ ᠵᠣᠭᠰᠣᠵᠠᠢ᠃ ᠲᠡᠭᠡᠭᠡᠳ | ᠬᠤᠤᠷᠠ ᠨᠢ ᠪᠤᠴᠠᠯᠵᠦ ᠠᠷᠠᠭᠠ ᠨᠢ ᠲᠠᠷᠴᠢᠬᠢᠨᠠᠵᠦ ᠳᠠᠬᠢᠭᠠᠳ ᠳᠠᠭᠠᠷᠢᠭᠠᠳ ᠢᠷᠡᠳᠡᠯᠡ᠂ ᠱᠠᠯᠪᠢᠩ ᠲᠡᠷᠡ ᠳᠠᠷᠤᠢ | ᠳᠤᠨᠢ ᠭᠠᠷ ᠠᠴᠠ ᠨᠢ ᠪᠠᠷᠢᠵᠦ ᠠᠪᠤᠩᠭᠤᠳᠠ ᠪᠡᠶᠡ ᠪᠠᠨ ᠤᠷᠪᠠᠨ ᠡᠭᠦᠷᠴᠦ ᠠᠪᠤᠭᠠᠳ ᠤᠷᠤᠭᠰᠢ ᠪᠠᠨ ᠨᠢᠭᠡ ᠯᠡ | ᠲᠤᠩᠭᠤᠶᠢᠬᠤ ᠰᠢᠭ᠋ ᠪᠤᠯᠤᠭᠰᠠᠨ ᠳᠤ ᠪᠦᠳᠦᠭᠦᠨ ᠪᠡᠶᠡ ᠲᠠᠢ ᠲᠡᠷᠡ ᠳᠠᠷᠬᠠᠨ ᠪᠦᠬᠡ ᠨᠢᠷᠦᠭᠤ ᠪᠠᠷ ᠢᠶᠠᠨ ᠭᠠᠵᠠᠷ | ᠬᠡᠪᠰᠢᠵᠦ ᠤᠨᠠᠭᠠᠳ᠂ ᠠᠮᠠ ᠬᠠᠮᠠᠷ ᠠᠴᠠ ᠨᠢ ᠴᠢᠰᠦ ᠤᠭᠰᠢᠨ ᠬᠦᠳᠡᠯᠦᠯ ᠦᠭᠡᠢ ᠲᠠᠷᠠᠶᠢᠭᠠᠳ ᠬᠡᠪᠲᠡᠵᠦ ᠭᠡᠨᠡ᠃ | ᠠᠯᠠᠱᠠ ᠲᠦᠰᠢᠮᠡᠯ ᠬᠡᠷᠡᠭ ᠪᠢᠰᠢ ᠪᠤᠯᠤᠭᠰᠠᠨ ᠢ ᠦᠵᠡᠮᠡᠭᠴᠡ ᠶᠠᠭᠤ ᠬᠠᠢ ᠦᠭᠡᠢ ᠨᠢᠭᠡᠨ ᠰᠡᠯᠡᠭᠦᠬᠡᠨ ᠭᠠᠵᠠᠷ | ᠬᠦᠷᠦᠭᠡᠳ ᠪᠡᠯᠡᠳᠭᠡᠯ ᠲᠠᠢ ᠠᠪᠴᠦ ᠶᠠᠪᠤᠭᠰᠠᠨ ᠳᠡᠪᠡᠯ ᠢᠶᠠᠨ ᠱᠠᠯᠪᠢᠩ ᠳᠤ ᠡᠮᠦᠰᠭᠡᠵᠦ᠄ ︽ᠬᠤᠷᠳᠤᠨ ᠳᠤᠳᠠᠭᠠ᠂ | ᠡᠨᠡ ᠵᠢᠯ ᠳᠡᠭᠡᠨ ᠠᠯᠠᠱᠠ ᠳᠤ ᠬᠠᠷᠢᠵᠦ ᠪᠣᠯᠬᠤ ᠦᠭᠡᠢ᠂ ᠬᠡᠳᠦᠢ ᠬᠤᠯᠠ ᠶᠠᠪᠤᠪᠠᠯ ᠲᠡᠳᠦᠢ ᠰᠠᠶᠢᠨ︾ ᠭᠡᠵᠦ | ᠵᠠᠬᠢᠭᠠᠳ ᠬᠤᠶᠠᠭᠤᠯᠠ ᠰᠠᠯᠵᠦ ᠬᠤᠶᠠᠷ ᠲᠡᠶᠢᠰᠢ ᠪᠠᠨ ᠭᠦᠶᠦᠵᠡᠢ᠃ | ᠥᠨᠥ ᠳᠠᠷᠬᠠᠨ ᠪᠦᠬᠡ ᠭᠠᠵᠠᠷ ᠬᠤᠳᠤᠶᠢᠯᠭᠠᠲᠠᠯᠠ ᠬᠦᠴᠦᠳᠡᠢ ᠰᠠᠪᠠᠭᠳᠠᠨ ᠤᠨᠠᠵᠦ ᠴᠢᠰᠦ ᠪᠠᠷ | ᠪᠦᠭᠡᠯᠵᠢᠭᠰᠡᠭᠡᠷ ᠪᠠᠶᠢᠭᠠᠳ ᠠᠮᠢᠰᠬᠤᠭᠠ ᠬᠤᠷᠢᠶᠠᠵᠡᠢ᠃ ᠬᠠᠭᠠᠨ ᠰᠤᠨᠤᠰᠤᠭᠠᠳ ᠴᠡᠭᠡᠵᠢ ᠪᠠᠨ ᠰᠢᠭᠠᠵᠦ ᠭᠠᠵᠠᠷ | ᠳᠡᠪᠰᠡᠯᠡᠨ ᠲᠡᠷᠡ ᠳᠤᠤᠷᠠ ᠨᠢ ᠠᠯᠠᠱᠠ ᠤᠷᠤᠭᠤ ᠡᠯᠴᠢ ᠳᠤᠪᠳᠤᠯᠭᠠᠵᠦ᠂ ᠦᠳᠳᠡᠷ ᠲᠦᠷᠭᠡᠨ ᠱᠠᠯᠪᠢᠩ ᠢ ᠤᠯᠵᠦ | ᠪᠠᠷᠢᠭᠠᠳ ᠪᠡᠭᠡᠵᠢᠩ ᠳᠤ ᠬᠦᠷᠭᠡᠵᠦ ᠢᠷᠠ ᠭᠡᠵᠦ ᠠᠪᠤᠤ ᠨᠤᠶᠠᠨ ᠳᠤ ᠵᠠᠷᠯᠢᠭ ᠪᠠᠭᠤᠯᠭᠠᠵᠡᠢ᠃ ᠠᠪᠤᠤ ᠲᠡᠷᠡ | ᠵᠠᠷᠯᠢᠭ ᠢ ᠲᠤᠰᠴᠦ ᠠᠪᠤᠮᠠᠭᠴᠠ ᠲᠤᠭᠰᠢᠨ ᠬᠦᠩᠵᠦ ᠲᠠᠢ ᠬᠠᠮᠲᠤ ᠪᠠᠷ ᠪᠡᠭᠡᠵᠢᠩ ᠳᠤ ᠤᠳᠤᠭᠠᠳ᠂ ᠱᠠᠯᠪᠢᠩ | ᠵᠠᠷᠯᠢᠭ ᠢᠶᠠᠷ ᠳᠠᠭᠤᠳᠠᠭᠳᠠᠨ ᠪᠡᠭᠡᠵᠢᠩ ᠳᠤ ᠢᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠤᠳᠤ ᠪᠤᠯᠲᠠᠯᠠ ᠠᠯᠠᠱᠠ ᠳᠤ ᠬᠠᠷᠢᠭᠠᠳ | ᠦᠭᠡᠢ ᠪᠠᠶᠢᠨᠠ ᠭᠡᠵᠦ ᠮᠡᠳᠡᠭᠦᠯᠦᠭᠰᠡᠨ ᠳᠤ᠂ ᠬᠠᠭᠠᠨ ᠤ ᠰᠢᠯᠢ ᠨᠢ ᠲᠠᠳᠠᠨ ᠨᠢᠳᠦ ᠨᠢ ᠴᠠᠶᠢᠪᠠᠶᠢᠵᠦ ᠭᠡᠳᠡᠷᠭᠦ ᠪᠠᠨ | ᠤᠨᠠᠭᠠᠳ᠂ ᠤᠳᠠᠵᠦ ᠤᠳᠠᠵᠦ ᠪᠠᠶᠢᠭᠠᠳ ᠰᠠᠶ᠋ᠢ ᠠᠭᠠᠵᠢᠮ ᠢᠶᠠᠷ ᠤᠬᠠᠭᠠᠨ ᠤᠷᠤᠵᠦ ᠲᠡᠩᠬᠡᠷᠡᠵᠦ ᠭᠡᠨᠡ᠃ | | ᠭᠠᠯ ᠤᠨ ᠠᠬᠠᠯᠠᠭᠴᠢ ᠱᠠᠯᠪᠢᠩ ᠤᠨ ᠦᠨᠡᠨ ᠢ ᠢᠯᠡᠴᠢᠯᠡᠭᠰᠡᠨ | | | ᠱᠠᠯᠪᠢᠩ ᠲᠡᠷᠡ ᠲᠦᠰᠢᠮᠡᠳ ᠤᠨ ᠳᠡᠮᠵᠢᠯᠭᠡ ᠪᠠᠷ ᠳᠠᠷᠤᠢ ᠲᠦᠷᠭᠡᠨ ᠳᠤᠳᠠᠭᠠᠨ᠂ ᠤᠯᠠᠨ ᠬᠦᠮᠦᠰ | ᠱᠤᠤᠬᠢᠯᠳᠤᠨ ᠦᠢᠮᠡᠯᠳᠤᠵᠦ ᠪᠠᠶᠢᠬᠤ ᠳᠤᠮᠳᠠᠭᠤᠷ ᠭᠦᠶᠦᠨ ᠭᠠᠷᠴᠦ ᠰᠠᠩᠳᠠ ᠮᠡᠩᠳᠡ ᠤᠨᠤᠭᠠᠨ ᠤ ᠪᠠᠨ ᠳᠡᠷᠭᠡᠳᠡ | ᠬᠦᠷᠴᠦ ᠮᠣᠷᠢ ᠪᠠᠨ ᠠᠪᠴᠦ ᠤᠨᠠᠭᠠᠳ ᠮᠣᠷᠢᠨ ᠤ ᠪᠠᠨ ᠬᠤᠷᠳᠤᠨ ᠢᠶᠠᠷ ᠳᠤᠳᠠᠭᠠᠨ ᠬᠠᠯᠬᠠ ᠶᠢᠨ ᠵᠦᠭ ᠢ ᠴᠢᠭᠯᠡᠨ | ᠶᠡᠪᠤᠭᠰᠠᠭᠠᠷ ᠵᠠᠩᠴᠢᠬᠦᠦ ︵ᠵᠠᠩ ᠵᠢᠶᠠ ᠺᠸᠦ︶ ᠭᠡᠳᠡᠭ ᠭᠠᠵᠠᠷ ᠢᠶᠠᠷ ᠳᠠᠭᠠᠷᠢᠨ᠂ ᠰᠡᠭᠦᠳᠡᠷ ᠢᠶᠠᠷ ᠢᠶᠠᠨ ᠨᠦᠭᠦᠳ | ᠬᠢᠵᠦ᠂ ᠰᠢᠯᠦᠰᠦ ᠪᠠᠷ ᠢᠶᠠᠨ ᠤᠮᠳᠠ ᠬᠢᠵᠦ ᠶᠠᠪᠤᠭᠰᠠᠭᠠᠷ ᠪᠠᠶᠢᠭᠠᠳ ᠬᠠᠯᠬᠠ ᠶᠢᠨ ᠠᠶᠠᠨᠴᠢᠨ ᠤ ᠭᠠᠯ ᠳᠡᠭᠡᠷᠡ | ᠳᠠᠭᠠᠷᠠᠯᠳᠤᠵᠡᠢ᠃ | ᠲᠡᠷᠡ ᠠᠶᠠᠨᠴᠢᠨ ᠤ ᠭᠠᠯ ᠤᠨ ᠡᠵᠡᠨ ᠡᠪᠦᠭᠡᠨ ᠱᠠᠯᠪᠢᠩ ᠠᠴᠠ ︽ᠲᠠ ᠬᠠᠮᠢᠭᠠ ᠶᠠᠪᠤᠵᠦ ᠪᠠᠶᠢᠨᠠ ᠪᠤᠢ︖ | ᠶᠠᠮᠠᠷ ᠤᠴᠢᠷ ᠲᠠᠢ ᠶᠠᠪᠤᠵᠦ ᠪᠠᠶᠢᠭᠠ ᠪᠤᠢ︖︾ ᠭᠡᠬᠦᠯᠡ ᠱᠠᠯᠪᠢᠩ ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠪᠤᠷᠤᠭᠤᠯᠠᠨ ︽ᠪᠢ | ᠳ᠋ᠠ ᠬᠦᠷᠢᠶᠡᠨ ᠳᠤ ᠮᠦᠷᠭᠦᠭᠦ ᠪᠠᠷ ᠶᠠᠪᠤᠵᠦ ᠪᠠᠶᠢᠭᠠ ᠮᠦᠷᠭᠦᠯᠴᠢᠨ ᠪᠠᠶᠢᠨᠠ︾ ᠭᠡᠵᠦ ᠬᠡᠯᠡᠭᠰᠡᠨ ᠳᠤ ᠦᠨᠦ ᠭᠠᠯ ᠤᠨ | ᠡᠵᠡᠨ ᠡᠪᠦᠭᠡᠨ ᠶᠡᠷᠦ ᠢᠲᠡᠭᠡᠭᠰᠡᠨ ᠦᠭᠡᠢ ᠪᠠᠶᠢᠵᠡᠢ᠃ | ᠨᠢᠭᠡ ᠡᠳᠦᠷ ᠤᠨ ᠤᠷᠤᠢ᠂ ᠲᠡᠷᠡ ᠭᠠᠯ ᠤᠨ ᠡᠪᠦᠭᠡᠨ ᠱᠠᠯᠪᠢᠩ ᠳᠤ᠄ ︽ᠴᠢᠮᠠᠶᠢ ᠠᠵᠢᠭᠯᠠᠨ ᠦᠵᠡᠬᠦ ᠳᠤ | ᠮᠦᠷᠭᠦᠯᠴᠢᠨ ᠭᠡᠬᠦ ᠳᠤ ᠢᠲᠡᠭᠡᠬᠦ ᠬᠦᠮᠦᠨ ᠦᠭᠡᠢ ᠪᠠᠶᠢᠳᠠᠭ ᠪᠣᠯᠪᠠ ᠤᠤ︖ ᠨᠢᠭᠡ ᠳᠤ᠂ ᠭᠡᠷ ᠠᠴᠠ ᠭᠠᠷᠤᠭᠰᠠᠨ | ᠬᠠᠪᠴᠢᠭ ᠡᠭᠦᠷᠭᠡ ᠲᠠᠢ ᠶᠠᠪᠤᠭᠤᠯ ᠤᠨ ᠯᠠᠮᠠ ᠴᠦ ᠪᠢᠰᠢ᠂ ᠬᠤᠶᠠᠷ ᠲᠤ᠂ ᠨᠠᠰᠦ ᠪᠠᠷ ᠬᠦᠭᠰᠢᠨ ᠴᠢᠳᠠᠯ ᠢᠶᠠᠷ | ᠮᠡᠬᠦᠰ ᠪᠤᠯᠤᠭᠰᠠᠨ ᠡᠪᠡᠳᠴᠢᠨ ᠵᠤᠪᠠᠯᠠᠩ ᠳᠤ ᠪᠠᠷᠢᠭᠳᠠᠭᠰᠠᠨ ᠶᠠᠳᠠᠭᠤ ᠬᠦᠮᠦᠨ ᠴᠦ ᠪᠢᠰᠢ᠂ ᠲᠡᠭᠡᠭᠡᠳ ᠶᠠᠭᠤ ᠪᠠᠨ | ᠬᠠᠶᠢᠵᠦ ᠬᠦᠷᠢᠶᠡᠨ ᠳᠤ ᠮᠦᠷᠭᠦᠭᠦ ᠪᠠᠷ ᠶᠠᠪᠤᠵᠦ ᠪᠠᠶᠢᠬᠤ ᠶᠤᠮ ᠪᠤᠢ︖ ᠨᠠᠳᠠ ᠠᠴᠠ ᠠᠰᠠᠭᠤᠪᠠᠯ ᠪᠢ ᠴᠦ ᠯᠠᠪ | ᠴᠢᠷᠮᠠᠢ ᠶᠢ ᠮᠦᠷᠭᠦᠯᠴᠢᠨ ᠪᠢᠰᠢ ᠪᠦᠬᠡᠴᠢᠨ ᠬᠦᠮᠦᠨ ᠪᠠᠶᠢᠨᠠ ᠭᠡᠵᠦ ᠬᠡᠯᠡᠨᠡ ᠳ᠋ᠡ᠃ ᠳᠠᠷᠤᠪᠠᠴᠦ ᠳᠠᠯᠤ ᠨᠢ᠂ | ᠨᠢᠭᠤᠪᠠᠴᠦ ᠨᠢᠷᠤᠭᠤ ᠨᠢ ᠭᠡᠳᠡᠭ ᠢᠶᠠᠷ᠂ ᠴᠢ ᠦᠪᠡᠷ ᠤᠨ ᠪᠦᠬᠡᠴᠢᠨ ᠢᠶᠠᠨ ᠬᠦᠮᠦᠨ ᠳᠤ ᠮᠡᠳᠡᠭᠳᠡᠬᠦ ᠦᠭᠡᠢ ᠭᠡᠵᠦ | ᠪᠤᠳᠤᠵᠦ ᠪᠠᠶᠢᠪᠠᠴᠦ᠂ ᠪᠡᠶᠡ ᠭᠠᠯᠪᠢᠷ ᠳᠡᠩᠬᠡᠬᠡ ᠴᠢᠳᠠᠯ ᠪᠤᠯᠤᠨ ᠬᠢᠬᠦ ᠬᠦᠳᠡᠯᠬᠦ᠂ ᠪᠠᠷᠢᠬᠤ ᠳᠠᠯᠪᠢᠬᠤ ᠪᠦᠬᠦᠨ ᠠᠴᠠ | ᠴᠢᠨᠢ ᠠᠵᠢᠭᠯᠠᠬᠤ ᠳᠤ ᠪᠦᠬᠡᠴᠢᠨ ᠬᠦᠮᠦᠨ ᠤ ᠰᠢᠨᠵᠢ ᠪᠠᠶᠢᠳᠠᠯ ᠢᠯᠡ ᠬᠠᠷᠠᠭᠳᠠᠵᠤ ᠪᠠᠶᠢᠨᠠ᠃ ᠴᠢ ᠴᠤᠬᠤᠮ ᠶᠠᠭᠤ | ᠬᠢᠭᠰᠡᠨ ᠬᠦᠮᠦᠨ ᠪᠠᠶᠢᠨᠠ︖ ᠴᠢ ᠨᠤᠲᠤᠭ ᠲᠠᠭᠠᠨ ᠬᠦᠮᠦᠨ ᠰᠠᠪᠠᠵᠦ ᠬᠡᠷᠡᠭ ᠬᠢᠴᠢᠬᠡᠬᠡᠳ ᠲᠡᠭᠦᠨ ᠠᠴᠠ ᠪᠠᠨ | ᠵᠠᠶᠢᠯᠠᠶᠠ ᠭᠡᠵᠦ ᠨᠢᠭᠤᠨ ᠲᠤᠲᠠᠭᠠᠵᠦ ᠪᠠᠶᠢᠨᠠ ᠤᠤ︖ ᠭᠡᠪᠡᠴᠦ ᠴᠢᠨᠦ ᠬᠡᠷᠡᠭ ᠮᠠᠨ ᠳᠤ ᠬᠠᠮᠢᠶᠠ ᠦᠭᠡᠢ᠂ ᠴᠢ | ᠦᠨᠡᠨ ᠢᠶᠠᠨ ᠬᠡᠯᠡᠴᠢᠬᠡ᠂ ᠠᠬᠠ ᠨᠢ ᠰᠤᠨᠤᠰᠴᠦ ᠮᠡᠳᠡᠶᠡ᠂ ᠪᠢ ᠬᠦᠮᠦᠨ ᠳᠤ ᠬᠡᠯᠡᠰᠢ ᠦᠭᠡᠢ᠃︾ ᠭᠡᠵᠦ | ᠬᠡᠯᠡᠭᠰᠡᠨ ᠳᠤ ᠱᠠᠯᠪᠢᠩ ᠪᠠᠭᠠ ᠪᠠᠶᠢᠵᠦ ᠪᠠᠶᠢᠭᠠᠳ᠄ ︽ᠠᠬᠠ ᠲᠠ ᠨᠢᠭᠡᠨᠲᠡ ᠦᠵᠡᠭᠡᠳ ᠭᠠᠷᠴᠢᠬᠠᠭᠰᠠᠨ ᠶᠤᠮ | ᠴᠢᠨᠢ ᠪᠢ ᠴᠦ ᠪᠠᠰᠠ ᠨᠢᠭᠤᠵᠦ ᠬᠠᠪᠴᠢᠭᠠᠳ ᠶᠠᠭᠤ ᠪᠠᠨ ᠬᠢᠬᠦ ᠪᠤᠢ︖ ᠮᠢᠨᠦ ᠢᠩᠭᠢᠵᠦ ᠶᠠᠪᠤᠵᠦ ᠪᠠᠶᠢᠭᠠ ᠮᠢᠨᠢ | ᠪᠦᠬᠡ ᠶᠢᠨ ᠤᠴᠢᠷ ᠲᠠᠢ ᠤᠭᠲᠤ ᠬᠤᠯᠪᠤᠭᠳᠠᠯ ᠪᠠᠶᠢᠬᠤ ᠦᠭᠡᠢ᠃ ᠮᠠᠨ ᠤ ᠨᠤᠲᠤᠭ ᠲᠤ ᠨᠢᠭᠡ ᠮᠠᠭᠤᠬᠠᠢ ᠬᠠᠷᠬᠢᠰ | ᠪᠠᠶᠠᠨ ᠪᠠᠶᠢᠵᠦ᠂ ᠪᠢ ᠲᠡᠭᠦᠨ ᠤ ᠮᠠᠯ ᠢ ᠬᠠᠷᠢᠭᠤᠯᠵᠦ ᠪᠠᠶᠢᠳᠠᠯᠠ᠂ ᠲᠡᠷᠡ ᠬᠦᠮᠦᠨ ᠠᠴᠠ ᠢᠯᠡᠭᠦᠦ ᠬᠦᠷᠦᠩᠭᠡ ᠮᠠᠯ | ᠲᠠᠢ ᠭᠡᠳ᠂ ᠲᠡᠭᠦᠨ ᠳᠡᠭᠡᠨ ᠡᠷᠳᠦᠵᠦ ᠬᠦᠮᠦᠨ ᠢ ᠳᠠᠷᠤᠯᠠᠨ ᠬᠠᠷᠬᠢᠰᠯᠠᠭᠠᠳ ᠪᠤᠯᠬᠤ ᠦᠭᠡᠢ ᠪᠤᠯᠬᠤᠷ ᠪᠢ ᠲᠡᠭᠦᠨ ᠢ | ᠪᠠᠷᠢᠵᠦ ᠵᠤᠳᠤᠭᠠᠳ ᠬᠠᠶᠠᠴᠢᠬᠠᠭᠰᠠᠨ ᠶᠤᠮ᠃ ᠲᠡᠭᠦᠨ ᠤ ᠬᠠᠮᠠᠷ ᠠᠮᠠ ᠠᠴᠠ ᠨᠢ ᠴᠢᠰᠦ ᠭᠠᠷᠤᠭᠠᠳ ᠤᠨᠠᠭᠰᠠᠨ | ᠶᠤᠮ ᠳ᠋ᠠ᠂ ᠦᠬᠦᠴᠢᠬᠡᠭᠰᠡᠨ ᠴᠤ ᠪᠠᠶᠢᠵᠦ ᠮᠠᠭᠠᠳ ᠦᠭᠡᠢ᠂ ᠲᠡᠭᠡᠭᠡᠳ ᠪᠢ ᠨᠤᠲᠤᠭ ᠠᠴᠠ ᠪᠠᠨ ᠭᠠᠷᠤᠭᠠᠳ | ᠲᠡᠨᠦᠵᠦ ᠶᠠᠪᠤᠵᠦ ᠪᠠᠶᠢᠬᠤ ᠨᠢ ᠡᠨᠡ ᠪᠢᠯᠡ︾ ᠭᠡᠵᠡᠢ᠃ | ᠬᠡᠳᠦᠨ ᠡᠳᠦᠷ ᠤᠨ ᠳᠠᠷᠠᠭᠠ᠂ ᠨᠢᠭᠡ ᠤᠷᠤᠢ ᠡᠪᠦᠭᠡᠨ ᠪᠠᠰᠠ ᠱᠠᠯᠪᠢᠩ ᠠᠴᠠ᠄ ︽ᠴᠢ ᠮᠠᠨ ᠤ ᠬᠦᠷᠢᠶᠡᠨ ᠤ | ᠪᠦᠬᠡ ᠶᠢᠨ ᠮᠦᠷᠦᠶᠢᠴᠡᠭᠡᠨ ᠳᠤ ᠤᠷᠤᠯᠴᠠᠬᠤ ᠶᠢ ᠰᠠᠨᠠᠵᠦ ᠪᠠᠶᠢᠨᠠ ᠤᠤ︾ ᠭᠡᠵᠦ ᠠᠰᠠᠭᠤᠵᠡᠢ᠃ | ᠭᠤᠷᠪᠠᠨ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ ᠬᠢᠳᠡᠭ ᠪᠦᠬᠦ ᠬᠠᠯᠬᠠ ᠶᠢᠨ ᠪᠦᠬᠡ ᠶᠢᠨ ᠶᠡᠭᠡ ᠨᠠᠶᠢᠷ ᠨᠢ ᠡᠨᠡ ᠵᠢᠯ ᠶᠠᠭ ᠰᠠᠶᠢᠬᠠᠨ | ᠢᠷᠡᠵᠦ ᠲᠠᠭᠠᠷᠠᠭᠰᠠᠨ ᠪᠠᠶᠢᠵᠡᠢ᠃ | ᠱᠠᠯᠪᠢᠩ ᠠᠴᠠ᠄ ︽ᠳᠡᠶᠢᠮᠦ ᠪᠤᠯ ᠤᠷᠤᠯᠴᠠᠬᠤ ᠦᠭᠡᠢ ᠶᠠᠭᠠᠬᠢᠬᠤ ᠪᠢᠯᠡ︾ ᠭᠡᠰᠡᠨ ᠳᠤ᠄ ︽ᠵᠠ ᠲᠡᠭᠡᠪᠡᠯ | ᠨᠠᠰᠢ ᠪᠠᠨ ᠳᠠᠪᠰᠢᠭᠠᠳ ᠰᠠᠭᠤᠵᠦ ᠪᠠᠢ᠂ ᠠᠬᠠ ᠴᠢᠨᠢ ᠴᠢᠮᠠᠲᠠᠢ ᠭᠠᠷ ᠮᠤᠰᠬᠢᠵᠦ ᠴᠢᠳᠠᠯ ᠢ ᠴᠢᠨᠢ ᠨᠢᠭᠡ ᠰᠤᠷᠢᠵᠦ | ᠦᠵᠡᠶᠡ᠂ ᠮᠢᠨᠢ ᠭᠠᠷ ᠢ ᠳᠠᠷᠤᠭᠠᠳ ᠬᠦᠴᠦᠷᠪᠡᠯ ᠪᠢ ᠴᠢᠮᠠᠶᠢ ᠪᠠᠲᠤᠯᠠᠵᠤ ᠪᠠᠶᠢᠭᠠᠳ ᠲᠡᠷᠡ ᠤᠷᠤᠯᠳᠤᠭᠠᠨ ᠳᠤ | ᠤᠷᠤᠯᠴᠠᠭᠤᠯᠵᠦ ᠦᠭᠭᠦᠶᠡ︾ ᠭᠡᠳ ᠡᠪᠦᠭᠡᠨ ᠬᠠᠮᠴᠤᠢ ᠪᠠᠨ ᠰᠢᠮᠠᠯᠠᠨ ᠯᠠᠪᠳᠠᠭᠤᠨ ᠵᠠᠪᠢᠯᠠᠵᠦ ᠰᠠᠭᠤᠵᠡᠢ᠃ | ᠲᠡᠭᠡᠭᠡᠳ ᠡᠪᠦᠭᠡᠨ ᠵᠠᠯᠠᠭᠤ ᠬᠤᠶᠠᠷ ᠲᠡᠮᠡᠴᠡᠯᠳᠦᠵᠦ ᠡᠬᠢᠯᠡᠵᠡᠢ᠃ ᠡᠨᠡ ᠬᠠᠲᠠᠩᠬᠢᠷ ᠡᠪᠦᠭᠡᠨ ᠳᠤ ᠶᠡᠷᠦ ᠬᠡᠳᠦᠢ | ᠯᠠ ᠲᠡᠩᠬᠡᠬᠡ ᠪᠠᠶᠢᠬᠤ ᠪᠤᠢ ᠭᠡᠵᠦ ᠱᠠᠯᠪᠢᠩ ᠳᠤᠳᠤᠷᠠ ᠪᠠᠨ ᠲᠤᠭᠤᠮᠵᠢ ᠮᠠᠭᠤᠳᠠᠢ ᠪᠠᠶᠢᠭᠰᠠᠨ ᠪᠤᠯᠪᠠᠴᠦ ᠵᠢᠩᠬᠢᠨᠢ | ᠬᠦᠴᠦᠯᠡᠭᠡᠳ ᠢᠷᠡᠬᠦ ᠶᠢᠨ ᠬᠢᠷᠢ ᠳᠤ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠰᠤᠴᠢᠵᠦ ᠠᠪᠴᠡᠢ᠃ ᠨᠢᠭᠡ ᠬᠠᠷᠠᠭᠰᠠᠨ ᠴᠢᠨᠢ | ᠲᠡᠷᠡ ᠡᠪᠦᠭᠡᠨ ᠤ ᠭᠠᠷ ᠤᠨ ᠪᠠᠭᠤᠤ ᠠᠴᠠ ᠠᠪᠤᠭᠠᠳ ᠳᠤᠬᠤᠢ ᠳᠤᠨᠢ ᠬᠦᠷᠲᠡᠯᠡ ᠲᠡᠮᠡᠭᠡᠨ ᠬᠤᠷᠭᠤᠤᠯ | ᠰᠢᠭᠢᠳᠬᠡᠭᠰᠡᠨ ᠶᠤᠮ ᠰᠢᠭ ᠠᠳᠡ ᠲᠡᠨᠳᠡ ᠦᠭᠡᠢ ᠠᠳᠠᠷᠤᠤ ᠪᠤᠳᠤᠷᠤᠤ ᠲᠠᠲᠠᠨ ᠰᠢᠷᠪᠤᠰᠤ ᠵᠠᠩᠭᠢᠷᠠᠭᠰᠠᠨ ᠰᠢᠭ | ᠪᠤᠯᠵᠦ᠂ ᠬᠤᠭᠤᠷᠤᠨᠳᠤ ᠪᠠᠨ ᠨᠡᠶᠢᠯᠡᠨ ᠰᠠᠯᠤᠨ ᠬᠡᠰᠡᠭ ᠪᠤᠰᠠᠭ ᠵᠠᠩᠭᠢᠷᠠᠵᠦ ᠶᠡᠭᠡ ᠵᠢᠭᠳᠡᠢ ᠬᠠᠷᠠᠭᠳᠠᠵᠦ ᠪᠠᠶᠢᠭᠰᠠᠨ | ᠪᠡᠶᠢᠵᠡᠢ ᠭᠡᠨᠡ᠃ ᠱᠠᠯᠪᠢᠩ ᠭᠡᠨᠡᠳᠬᠡᠨ ᠰᠤᠴᠢᠵᠦ ᠬᠠᠮᠤᠭ ᠲᠡᠩᠬᠡᠬᠡ ᠴᠢᠳᠠᠯ ᠢᠶᠠᠨ ᠭᠠᠷᠭᠠᠨ ᠬᠤᠶᠠᠭᠤᠯᠠ ᠬᠦᠴᠦ | ᠲᠡᠩᠴᠡᠨ ᠨᠡᠯᠢᠶᠡᠳ ᠤᠳᠠᠵᠦ ᠪᠠᠶᠢᠭᠠᠳ ᠡᠴᠦᠰ ᠲᠡᠭᠡᠨ ᠰᠠᠶ᠋ᠢ ᠡᠪᠦᠭᠡᠨ ᠤ ᠭᠠᠷ ᠢ ᠬᠠᠵᠠᠭᠤ ᠪᠠᠷ ᠨᠢ ᠳᠠᠷᠤᠵᠦ | ᠪᠠᠭᠤᠯᠭᠠᠵᠡᠢ᠃ | ᠲᠡᠭᠡᠭᠡᠳ ᠲᠡᠷᠡ ᠡᠪᠦᠭᠡᠨ ︽ᠴᠢ ᠪᠤᠯᠬᠤ ᠶᠤᠮ ᠪᠠᠶᠢᠨᠠ᠂ ᠬᠦᠷᠢᠶᠡ ᠳᠤ ᠤᠴᠢᠵᠦ ᠪᠠᠷᠢᠯᠳᠤᠬᠤ ᠳᠤ ᠪᠢ | ᠪᠠᠲᠤ ᠪᠤᠯᠵᠦ ᠦᠭᠭᠦᠶᠡ︕︾ ᠭᠡᠵᠦ ᠬᠡᠯᠡᠵᠡᠢ᠃ ᠤᠤᠯ ᠨᠢ ᠲᠡᠷᠡ ᠡᠪᠦᠭᠡᠨ ᠤᠷᠢᠳᠦ ᠵᠠᠯᠠᠭᠤ ᠪᠠᠶᠢᠬᠤ ᠳᠠᠭᠠᠨ | ᠶᠡᠭᠡ ᠡᠷᠠ ᠴᠢᠳᠠᠯ ᠲᠠᠢ ᠨᠡᠷᠡ ᠲᠠᠢ ᠪᠦᠬᠡᠴᠢᠨ ᠬᠦᠮᠦᠨ ᠪᠠᠶᠢᠵᠦ ᠭᠡᠨᠡ᠃ | ᠱᠠᠯᠪᠢᠩ ᠭᠠᠯ ᠤᠨ ᠠᠬᠠ ᠲᠠᠢ ᠪᠠᠨ ᠬᠠᠮᠲᠤ ᠠᠷᠪᠠᠨ ᠬᠡᠳᠦᠨ ᠡᠳᠦᠷ ᠶᠠᠪᠤᠭᠠᠳ ᠵᠠᠮ ᠰᠠᠯᠬᠤ ᠪᠤᠯᠵᠦ᠄ ︽ | ᠵᠠ ᠬᠥ᠋᠂ ᠳᠡᠭᠦᠦ ᠮᠢᠨᠢ ᠴᠢ ᠬᠦᠷᠢᠶᠡᠨ ᠳᠤ ᠤᠴᠢᠭᠠᠳ ᠨᠠᠮᠠᠶᠢ ᠬᠦᠯᠢᠶᠡᠵᠦ ᠪᠠᠶᠢᠳᠠᠭ ᠶᠤᠮ ᠰᠢᠦ᠂ ᠠᠬᠠ ᠨᠢ | ᠠᠮᠵᠢᠵᠦ ᠬᠦᠷᠦᠨᠡ︾ ᠭᠡᠵᠦ ᠬᠡᠯᠡᠭᠡᠳ ᠱᠠᠯᠪᠢᠩ ᠳᠤ ᠬᠦᠷᠢᠶᠡ ᠣᠷᠤᠬᠤ ᠵᠠᠮ ᠵᠢᠭᠠᠵᠦ ᠦᠭᠭᠦᠭᠡᠳ ᠶᠠᠪᠤᠭᠤᠯᠵᠡᠢ ᠃ | ︵ᠦᠷᠭᠦᠯᠵᠢᠯᠡᠯ᠄ ᠱᠠᠯᠪᠢᠩ ᠪᠣᠭᠳᠠ ᠶᠢᠨ ᠬᠦᠷᠢᠶᠡ ᠶᠢ ᠳᠤᠩᠰᠤᠯᠭᠠᠵᠦ ᠬᠡᠦᠬᠡᠨ ᠪᠦᠬᠡ ᠶᠢ ᠳᠡᠶᠢᠯᠦᠭᠰᠡᠨ︶ |