| ᠬᠠᠳᠠᠷᠢᠵᠤ ᠢᠷᠡᠬᠦ ᠡᠪᠥᠯ | ᠬᠠᠭᠠᠯᠭᠠ ᠲᠥᠯᠬᠢᠭᠡᠳ ᠪᠣᠴᠠᠨᠠ | ᠬᠠᠩᠭᠠᠢ ᠲᠡᠯᠡᠬᠡᠢ ᠶᠢ ᠲᠥᠯᠵᠢᠭᠦᠯᠬᠦ | ᠬᠠᠮᠢᠭᠠ ᠬᠤᠯᠠ ᠶᠢᠨ ᠴᠢᠮᠡᠭᠡ ᠤᠤ | | | ᠡᠷᠬᠡ ᠵᠠᠳᠠᠭᠠᠢ ᠥᠯᠢᠭᠡᠷ | ᠥᠷᠯᠥᠭᠡᠨ ᠤ ᠨᠠᠷᠠᠨ ᠳᠤ ᠡᠷᠬᠡᠯᠡᠨᠡ | ᠡᠮᠵᠡᠭ ᠭᠤᠸᠠ ᠪᠠᠨ ᠭᠠᠶᠢᠬᠠᠭᠤᠯᠬᠤ | ᠣᠶᠠᠩᠭᠠ ᠶᠢᠨ ᠲᠥᠯᠭᠡᠭᠡᠨ ᠡᠭᠡᠰᠢᠭ ᠤᠤ | | | ᠠᠨᠢᠷ ᠡᠷᠲᠡᠨ ᠤ ᠲᠠᠯᠠ ᠳᠤ | ᠠᠮᠠᠷᠠᠭ ᠬᠠᠶᠢᠷᠠ ᠶᠢᠨ ᠰᠢᠪᠡᠷᠡᠭᠡ ᠲᠠᠢ | ᠠᠭᠠᠷ ᠴᠠᠯᠬᠢᠭᠤᠯᠣᠨ ᠪᠣᠳᠠᠷᠠᠬᠤ | ᠠᠶᠠᠯᠭᠤ ᠲᠣᠩᠭᠠᠯᠠᠭᠬᠠᠨ ᠬᠦᠰᠡᠯ | | | ᠡᠷᠡᠭᠦᠯ ᠲᠠᠩᠬᠢᠯᠬᠠᠨ ᠠᠮᠢᠰᠬᠤᠭᠠ | ᠡᠰᠡᠨᠢᠯ ᠤᠨ ᠨᠣᠭᠤᠭᠠᠨ ᠠᠮᠢ ᠲᠠᠢ | ᠬᠦᠰᠡᠯᠡᠩ ᠤᠨ ᠵᠦᠭ ᠪᠥᠵᠢᠬᠦ | ᠬᠥᠬᠡᠷᠥᠬᠦᠨ ᠬᠤᠩᠭᠤᠷᠬᠠᠨ ᠮᠥᠰᠢᠶᠡᠯ | | ᠰᠦᠨ ᠴᠠᠭᠠᠨ ᠠᠶᠢᠵᠠᠮ | ᠰᠦᠯᠡᠨ ᠰᠦᠯᠡᠨ ᠰᠡᠮᠡᠷᠡᠨᠡ | ᠰᠢᠷᠬᠡᠭ ᠪᠥᠬᠦᠨ ᠳᠤᠨᠢ ᠰᠢᠩᠭᠡᠭᠡᠳ | ᠰᠢᠨᠡ ᠡᠳᠦᠷ ᠮᠡᠳᠤ ᠲᠡᠯᠭᠡᠷᠡᠩᠭᠦᠢ | | | ᠮᠥᠬᠦᠯᠢᠭ ᠰᠣᠪᠣᠳ ᠤᠨ ᠬᠠᠰ | ᠮᠥᠯᠰᠥᠨ ᠮᠥᠯᠰᠥᠨ ᠬᠢᠯᠠᠰᠣᠨᠠ | ᠮᠥᠴᠢᠷ ᠡᠮᠬᠦᠨ ᠵᠣᠣᠮᠠᠯᠵᠠᠭᠠᠳ | ᠮᠥᠷᠥᠭᠡᠳᠦᠯ ᠤᠨ ᠲᠠᠭᠤᠤ ᠮᠡᠳᠤ ᠲᠣᠭᠳᠣᠯᠣᠩᠭᠤᠢ | | | ᠰᠡᠳᠬᠢᠯ ᠤᠨ ᠭᠤᠨᠢᠭ ᠢ ᠠᠷᠭᠠᠳᠠᠬᠤ | ᠰᠠᠷᠠᠨ ᠤ ᠮᠥᠩᠬᠦᠨ ᠰᠣᠷᠮᠤᠤᠰᠤ | ᠰᠡᠷᠡᠯ ᠭᠡᠵᠢᠭᠡᠳᠡᠨ ᠲᠠᠶᠢᠳᠬᠤᠷᠠᠬᠤ | ᠰᠠᠯᠬᠢᠨ ᠤ ᠨᠠᠮᠣᠭᠤᠬᠠᠨ ᠢᠰᠭᠡᠷᠥᠭᠡ | | | ᠨᠠᠮᠢᠷᠠᠬᠤ ᠬᠠᠳᠠᠭ ᠰᠢᠭ᠋ ᠰᠡᠮᠡᠷᠡᠬᠦ | ᠨᠠᠶᠢᠷ ᠤᠨ ᠤᠶᠠᠩᠭᠠᠨ ᠪᠤᠳᠠᠷᠬᠠᠢ | ᠨᠠᠷᠠᠨ ᠠᠴᠠ ᠠᠭᠤᠰᠣᠨ ᠠᠯᠳᠠᠷᠠᠬᠤ | ᠨᠠᠶᠢᠷᠠᠭ ᠤᠨ ᠰᠣᠳᠣᠨ ᠬᠡᠯᠪᠡᠷᠢ | | | ᠴᠡᠯ ᠵᠠᠯᠠᠭᠤᠬᠠᠨ ᠬᠡᠶᠢᠷᠬᠡᠯ | ᠴᠡᠴᠡᠭᠲᠦ ᠬᠠᠪᠤᠷ ᠤᠨ ᠵᠡᠭᠦᠳᠤ | ᠴᠢᠮᠡᠭᠡ ᠥᠭᠡᠶᠢᠬᠡᠨ ᠲᠡᠯᠭᠡᠷᠡᠬᠦ | ᠴᠡᠮᠴᠡᠭᠡᠷ ᠭᠤᠪᠠᠶᠢᠬᠠᠨ ᠮᠥᠷᠥᠭᠡᠰᠥᠯ᠃ | ︵ᠵᠣᠬᠢᠶᠠᠭᠴᠢ᠄ ᠰ᠊ · ᠰᠢᠨᠡᠬᠦᠥ︶ |