| ᠠᠯᠠᠭᠠᠨ ᠳᠡᠭᠡᠷᠡ ᠠᠴᠠ ᠴᠢᠨᠢ | ᠨᠠᠷᠠ ᠮᠠᠨᠳᠤᠯᠠ ᠭᠡᠵᠤ ᠵᠡᠭᠦᠳᠦᠯᠡᠯᠡ | ᠠᠪᠤ ᠨᠢ ᠵᠡᠭᠦᠳᠦᠨ ᠳᠡᠭᠡᠨ | ᠪᠠᠯᠴᠢᠷᠬᠠᠨ ᠦᠷᠡ ᠪᠠᠨ ᠦᠨᠦᠰᠦᠭᠰᠡᠨ ᠶᠤᠮ ᠪᠠᠶᠢᠵᠡᠢ | ᠠᠯᠳᠠᠷᠠᠶᠢᠬᠠᠨ ᠦᠷᠡ ᠮᠢᠨᠢ ᠠᠪᠤ ᠳᠠᠭᠠᠨ ᠯᠡ ᠬᠦᠷᠦᠭᠡᠳ ᠢᠷᠡ | ᠠᠵᠠ ᠵᠠᠶᠠᠭᠠᠨ ᠤ ᠴᠢᠨᠢ ᠬᠠᠷᠭᠤᠢ ᠳᠤ ᠰᠤᠯᠤᠩᠭᠠ | ᠲᠠᠲᠠᠴᠢᠬᠠᠭᠰᠠᠨ ᠶᠤᠮ ᠪᠠᠶᠢᠨᠠ | ᠲᠡᠨᠳᠡ ᠪᠢ ᠡᠵᠢ ᠲᠠᠢ ᠴᠢᠨᠢ ᠴᠤᠭ ᠮᠥᠩᠭᠦᠨ ᠰᠠᠷᠠᠨ ᠢ | ᠲᠡᠷᠭᠡᠯᠰᠢᠲᠡᠯᠡ ᠪᠠᠨ ᠬᠦᠯᠢᠶᠡᠵᠤ | ᠮᠥᠷᠦᠭᠡᠳᠦᠯᠲᠦ ᠲᠡᠷᠡ ᠤᠨ ᠴᠠᠭ ᠠᠴᠠ ᠴᠡᠴᠡᠭ ᠲᠡᠭᠦᠵᠤ | ᠭᠡᠵᠢᠭᠡᠨ ᠤ ᠴᠢᠨᠢ ᠳᠠᠷᠤᠪᠴᠢ ᠶᠢ ᠤᠷᠠᠯᠠᠬᠤ ᠭᠡᠵᠤ | ᠰᠠᠷᠠᠨ ᠤ ᠴᠠᠭᠠᠨ ᠲᠠᠤᠯᠠᠢ ᠠᠴᠠ ᠨᠢ ᠬᠦᠷᠲᠡᠯᠡ ᠬᠠᠷᠠᠮᠨᠠᠵᠤ | ᠨᠢᠳᠦᠨ ᠳᠡᠭᠡᠨ ᠨᠢᠭᠤᠴᠢᠬᠠᠭᠠᠳ | ᠰᠠᠷᠠᠭᠤᠯᠬᠠᠨ ᠰᠥᠨᠢ ᠶᠢᠨ ᠭᠦᠨ ᠳᠤ ᠰᠢᠯᠦᠭ ᠲᠡᠷᠯᠡᠬᠦ ᠰᠢᠭ | ᠲᠡᠶᠢᠮᠤ ᠭᠡᠭᠡᠯᠢᠭ ᠭᠱᠠᠨᠠ | ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠶᠢᠨ ᠵᠢᠷᠤᠭᠰᠠᠨ ᠪᠦᠬᠦᠨ ᠢ ᠴᠢᠮᠠᠳᠠᠭᠠᠨ ᠪᠡᠯᠡᠭᠯᠡᠭᠰᠡᠨ ᠡ | ᠦᠷᠡ ᠮᠢᠨᠢ︕ | | | ᠪᠤᠷᠤ ᠭᠦᠷᠦᠭᠡᠰᠦᠨ ᠤ ᠨᠢᠳᠦ ᠮᠡᠯᠮᠡᠷᠡᠵᠤ ᠬᠠᠷᠠᠭᠳᠠᠬᠤ ᠰᠢᠭ᠋ | ᠤᠳᠤᠨ ᠠᠴᠠ ᠴᠠᠰᠣ ᠬᠢᠯᠮᠠᠭᠠᠯᠠᠨᠠ ᠭᠡᠵᠤ ᠵᠡᠭᠦᠳᠦᠯᠡᠯᠡ | ᠠᠪᠤ ᠨᠢ ᠵᠡᠭᠦᠳᠦᠨ ᠳᠡᠭᠡᠨ | ᠶᠠᠩᠵᠢᠯᠾᠠᠮᠤ ᠶᠢᠨ ᠬᠤᠭᠤᠷ ᠤᠨ ᠴᠢᠪᠬᠠᠳᠠᠰᠤᠨ ᠠᠴᠠ | ᠴᠢᠨᠤᠬᠢ ᠪᠠᠨ ᠪᠠᠯᠴᠢᠷᠬᠠᠨ ᠳᠠᠭᠤᠤ ᠶᠢ ᠴᠢᠩᠨᠠᠭᠰᠠᠨ ᠶᠤᠮ ᠪᠠᠶᠢᠵᠡᠢ | ᠮᠥᠩᠭᠦᠨ ᠮᠤᠳᠤᠨ ᠤ ᠮᠥᠴᠢᠷ ᠠᠴᠠ ᠰᠢᠭᠦᠳᠡᠷᠢ ᠳᠣᠰᠣᠯᠠᠬᠤ ᠰᠢᠭ᠋ | ᠡᠵᠢ ᠶᠢᠨ ᠴᠢᠨᠢ ᠬᠦᠬᠦᠨ ᠠᠴᠠ ᠰᠦ ᠢᠪᠢᠯᠬᠦ ᠶᠢᠨ ᠲᠡᠷᠡᠬᠡᠨ ᠬᠤᠷᠤᠮᠬᠠᠨᠠ | ᠴᠠᠰᠤᠨ ᠠᠴᠠ ᠢᠷᠭᠤᠢ ᠨᠢᠳᠦᠯᠡᠴᠢᠬᠡᠭᠰᠡᠨ ᠮᠡᠲᠦ | ᠴᠠᠭᠠᠰᠤᠨᠠ ᠪᠢᠴᠢᠬᠦ ᠰᠢᠯᠦᠭ ᠤᠨ ᠦᠭᠡᠰ | ᠴᠢᠨᠤ ᠬᠦᠭᠡᠷᠦᠬᠦᠨ ᠳᠦᠷᠬᠦ ᠪᠠᠷ ᠬᠤᠪᠢᠯᠴᠢᠬᠠᠭᠰᠠᠨ ᠰᠢᠭ᠋ | ᠡᠶᠢᠮᠤ ᠯᠡ ᠳᠦᠰᠦᠭᠡᠯᠡᠯ ᠠᠴᠠ ᠠᠪᠤ ᠨᠢ | ᠥᠬᠢᠨ ᠵᠠᠶᠠᠭᠠ ᠶᠢ ᠴᠢᠨᠢ ᠵᠥᠩᠨᠡᠵᠤ ᠡᠨᠡ ᠡᠪᠤᠯ ᠤᠨ ᠴᠡᠴᠡᠭᠡᠨ ᠳᠤ | ᠨᠤᠮ ᠤᠨ ᠨᠡᠷᠡ ᠬᠠᠶᠢᠷᠠᠯᠠᠭᠰᠠᠨ ᠶᠤᠮ | ᠢᠷᠡᠭᠡᠳᠦᠢ ᠳᠤ ᠠᠨᠢᠷᠲᠠᠬᠤ ᠰᠢᠯᠦᠭ ᠲᠡᠷᠯᠡᠵᠤ | ᠡᠬᠡ ᠤᠷᠤᠨ ᠳᠤ ᠴᠢᠨᠢ ᠴᠢᠮᠠᠢᠢ ᠵᠤᠯᠭᠠᠭᠤᠯᠤᠭᠰᠠᠨ ᠶᠤᠮ ᠡ | | | | | ᠴᠠᠭᠠᠨ ᠱᠤᠩᠬᠤᠷ ᠰᠢᠪᠠᠭᠤ ᠨᠠᠷᠠ ᠰᠠᠷᠠᠨ ᠢ ᠵᠠᠭᠤᠵᠤ | ᠠᠯᠠᠭᠠᠨ ᠳᠡᠭᠡᠷᠡ ᠮᠢᠨᠢ ᠲᠠᠯᠪᠢᠨᠠ ᠭᠡᠵᠤ ᠵᠡᠭᠦᠳᠦᠯᠡᠯᠡ | ᠠᠪᠤ ᠨᠢ ᠵᠡᠭᠦᠳᠦᠨ ᠳᠡᠭᠡᠨ | ᠨᠠᠶᠢᠷᠠᠭᠴᠢ ᠬᠦᠮᠦᠨ ᠤ ᠮᠥᠷᠦᠭᠡᠳᠦᠭᠰᠡᠨ | ᠭᠡᠭᠡᠨ ᠬᠦᠰᠡᠯ ᠢᠶᠠᠨ ᠥᠬᠢᠨ ᠴᠢᠮᠠᠳᠠᠭᠠᠨ ᠰᠢᠪᠡᠨᠡᠭᠰᠡᠨ ᠶᠤᠮ ᠪᠠᠶᠢᠵᠡᠢ | ᠦᠷ ᠤᠨ ᠴᠤᠯᠮᠤᠨ ᠬᠠᠷᠠᠩᠭᠤᠢ ᠶᠢ ᠰᠦᠯᠡᠬᠦ ᠰᠢᠭ | ᠦᠰᠦᠭ ᠨᠢᠳᠦᠯᠡᠵᠤ ᠪᠤᠢ ᠬᠡᠤᠬᠡᠳ ᠬᠡᠴᠢᠨᠡᠨ ᠬᠥᠭᠡᠷᠦᠬᠦᠨ ᠬᠠᠷᠠᠭᠳᠠᠳᠠᠭ ᠢ | ᠠᠪᠤ ᠨᠢ ᠵᠦᠢᠷᠯᠡᠬᠦ ᠭᠡᠵᠤ | ᠭᠡᠨᠡᠨ ᠴᠠᠭᠠᠬᠠᠨ ᠠᠭᠠᠯᠢᠨ ᠳᠤ ᠴᠢᠨᠢ ᠥᠪᠡᠷ ᠢ ᠪᠠᠨ ᠠᠭᠤᠰᠬᠠᠭᠰᠠᠨ | ᠡᠵᠢ ᠴᠢᠨᠢ ᠥᠬᠦᠭᠡᠷᠳᠡᠬᠦ ᠭᠡᠵᠤ | ᠡᠨᠡᠬᠡᠨ ᠨᠠᠰᠤᠨ ᠤ ᠴᠢᠨᠢ ᠭᠡᠷᠡᠯᠲᠦ ᠰᠤᠳᠤᠷ ᠪᠤᠯᠤᠨ ᠳᠡᠯᠭᠡᠭᠳᠡᠭᠰᠡᠨ | ᠡᠬᠡ ᠤᠷᠤᠨ ᠴᠢᠨᠢ ᠲᠤᠰᠬᠤ ᠭᠡᠵᠤ | ᠡᠷᠳᠡᠮᠲᠦ ᠬᠦᠮᠦᠨ ᠤ ᠤᠲᠤᠭᠠ ᠲᠠᠢ ᠰᠢᠷᠠ ᠰᠤᠳᠤᠷ ᠤᠨ | ᠤᠳᠬᠠ ᠶᠢᠨ ᠭᠡᠷᠡᠯ ᠱᠠᠩᠨᠠᠬᠤ ᠪᠤᠯᠤᠨᠠ ᠡ | ᠦᠷᠡ ᠮᠢᠨᠢ︕ | ︵ᠵᠣᠬᠢᠶᠠᠭᠴᠢ᠄ ᠡᠷᠳᠡᠨᠢᠬᠡᠰᠢᠭ︶ | | |