ᠬᠤᠶᠠᠷ᠂ ᠬᠤᠱᠤᠳ ᠮᠤᠩᠭᠤᠯᠴᠤᠳ ᠲᠠᠬᠢᠨ ᠠᠯᠠᠱᠠ ᠨᠤᠳᠤᠬ ᠲᠠᠭᠠᠨ ᠪᠤᠴᠠᠨ ᠢᠷᠠᠵᠤ ᠨᠤᠳᠤᠬᠰᠢᠨ | ᠰᠠᠭᠤᠷᠢᠰᠢᠬᠰᠠᠨ ᠨᠢ | ᠠᠪᠤᠤ ᠨᠤᠶᠠᠨ ᠭᠡᠳᠦ᠋ᠢᠪᠡᠷ ᠵᠤᠷᠢᠯᠭᠠ ᠳᠠᠭᠠᠨ ᠬᠥᠷᠴᠤ ᠡᠴᠢᠭᠡ ᠶᠢᠨ ᠢᠶᠠᠨ ᠬᠥᠰᠡᠯ ᠢ ᠪᠡᠶᠡᠯᠡᠬᠦᠯᠥᠨ | ᠬᠥᠭᠡᠨᠠᠭᠤᠷ ᠲᠤ ᠨᠡᠬᠦᠳᠡᠯᠯᠡᠨ ᠰᠠᠭᠤᠷᠢᠰᠢᠬᠰᠠᠨ ᠪᠤᠯᠪᠠᠴᠤ ᠰᠠᠨᠠᠭᠠᠨ ᠳᠤᠨᠢ ᠲᠡᠶᠢᠮᠤ ᠬᠠᠨᠤᠮᠵᠢᠳᠠᠢ ᠪᠢᠰᠢ ᠪᠠᠶᠢᠯᠠ᠃ | ᠤᠴᠢᠷ ᠨᠢ ᠲᠡᠷᠡ᠂ ᠬᠥᠭᠡᠨᠠᠭᠤᠷ ᠲᠤ ᠭᠡᠰᠡᠭ ᠰᠠᠭᠤᠬᠰᠠᠨ ᠤ ᠲᠠᠷᠠᠭᠠ᠂ ᠴᠢᠩ ᠤᠯᠤᠰ ᠠᠴᠠ ᠲᠡᠳᠡ ᠨᠠᠷ ᠲᠤ | ᠵᠢᠷᠤᠬᠯᠠᠨ ᠥᠭᠬᠦᠭᠰᠡᠨ ᠪᠠᠶᠢᠷᠢ ᠪᠡᠯᠴᠢᠭᠡᠷ ᠨᠢ ᠠᠷᠠᠢ ᠪᠠᠭᠠ ᠮᠥᠷᠳᠡᠭᠡᠨ ᠨᠠᠷᠢᠨ ᠬᠠᠪᠴᠢᠭᠠᠢ᠂ ᠡᠪᠡᠰᠤ ᠮᠤᠳᠤᠨ ᠤ | ᠤᠷᠭᠤᠴᠠ ᠨᠢ ᠴᠤ ᠲᠡᠶᠢᠮᠤ ᠰᠠᠶᠢᠨ ᠪᠢᠰᠢ ᠪᠠᠶᠢᠬᠤ ᠶᠢ ᠤᠯᠵᠤ ᠮᠡᠳᠡᠵᠡᠢ᠃ | ᠡᠬᠦᠨ ᠠᠴᠠ ᠭᠠᠳᠠᠨᠠ᠂ ᠬᠥᠭᠡᠨᠠᠭᠤᠷ ᠪᠤᠯ ᠥᠨᠳᠦᠷᠯᠢᠭ ᠭᠠᠵᠠᠷ ᠠᠴᠠ ᠲᠡᠬᠦᠨ ᠤ ᠤᠷᠴᠢᠨ ᠲᠤᠭᠤᠷᠢᠨ᠂ | ᠠᠭᠤᠷ ᠠᠮᠢᠰᠬᠤᠯ᠂ ᠰᠥᠷ ᠪᠠᠷᠴᠢᠳ ᠵᠡᠷᠭᠡ ᠤᠯᠠᠨ ᠲᠠᠯᠠ ᠶᠢᠨ ᠨᠥᠬᠦᠴᠡᠯ ᠨᠢ ᠪᠥᠷ ᠠᠯᠠᠱᠠ ᠨᠤᠳᠤᠬ ᠢ ᠬᠥᠷᠬᠦ | ᠥᠭᠡᠢ ᠪᠠᠶᠢᠵᠡᠢ᠃ | ᠨᠡᠩ ᠠᠶᠤᠮᠰᠢᠬᠳᠠᠢ ᠨᠢᠭᠡ ᠲᠠᠯᠠ ᠨᠢ᠂ ᠬᠥᠭᠡᠨᠠᠭᠤᠷ ᠤᠨ ᠮᠤᠩᠭᠤᠯᠴᠤᠳ ᠰᠠᠶ᠋ᠢᠬᠠᠨ ᠴᠢᠩ ᠤᠯᠤᠰ ᠲᠤ | ᠲᠠᠷᠤᠩᠭᠤᠢᠢᠯᠠᠬᠳᠠᠵᠤ ᠥᠡᠭᠭᠡᠷᠡᠭᠰᠡᠨ ᠤᠴᠢᠷ ᠠᠴᠠ ᠴᠢᠩ ᠤᠯᠤᠰ ᠤᠨ ᠲᠥᠷᠤ ᠳᠤ ᠲᠠᠶᠢᠰᠤᠩᠨᠠᠬᠤ ᠰᠡᠳᠬᠢᠯ ᠨᠢ | ᠢᠯᠡᠷᠭᠡᠢ ᠪᠠᠶᠢᠵᠤ ᠪᠢᠯᠡ᠃ ᠲᠡᠳᠡ ᠨᠠᠷ ᠨᠢᠭᠤᠷ ᠲᠡᠭᠡᠷᠠ ᠪᠠᠨ ᠠᠪᠤᠤ ᠶᠢᠨ ᠵᠠᠬᠢᠷᠤᠯ ᠢ ᠬᠥᠯᠢᠶᠡᠵᠤ᠂ ᠥᠭᠡ ᠶᠢ ᠨᠢ | ᠰᠤᠨᠤᠰᠬᠤ ᠪᠤᠯᠪᠠᠴᠤ ᠨᠢᠳᠡᠷ ᠲᠡᠭᠡᠨ ᠲᠡᠬᠦᠨ ᠲᠠᠢ ᠲᠡᠷᠰᠯᠡᠵᠤ᠂ ᠵᠠᠷᠢᠮ ᠳᠠᠭᠠᠨ ᠲᠡᠬᠦᠨ ᠲᠠᠢ ᠨᠢᠭᠤᠷ ᠤᠯᠠᠶᠢᠯᠴᠠᠬᠤ | ᠭᠡᠷᠡᠭ ᠴᠤ ᠬᠠᠶᠠ ᠭᠠᠷᠴᠤ ᠪᠠᠶᠢᠵᠡᠢ᠃ ᠡᠳᠡᠭᠡᠷ ᠥᠵᠡᠭᠳᠡᠯ ᠠᠪᠤᠤ ᠳᠤ ᠬᠥᠨ ᠰᠡᠷᠡᠮᠵᠢ ᠥᠭᠴᠤ᠂ ︽ᠭᠡᠷᠪᠡ ᠠᠯᠢ | ᠨᠢᠭᠡ ᠡᠳᠤᠷ ᠡᠳᠡᠭᠡᠷ ᠬᠥᠮᠤᠰ ᠨᠠᠳᠠ ᠶᠢ ᠡᠰᠡ ᠲᠠᠭᠠᠨ ᠭᠡᠷᠡᠭ ᠡᠬᠦᠰᠭᠡᠵᠤ ᠶᠠᠷᠰᠢᠬ ᠲᠠᠳᠠᠪᠠᠯ᠂ ᠪᠢ ᠴᠤ | ᠯᠤᠪᠰᠠᠩᠳᠠᠨᠵᠢᠨ ᠤ ᠠᠷᠤ ᠠᠴᠠ ᠤᠷᠤᠬᠤ ᠭᠡᠷᠡᠭ ᠪᠤᠯᠤᠨᠠ︾ ᠭᠡᠵᠤ ᠪᠤᠳᠤᠭᠠᠳ᠂ ︽ᠡᠷᠳᠡᠭᠡᠨ ᠨᠢᠭᠡ ᠡᠳᠤᠷ | ᠬᠥᠭᠡᠨᠠᠭᠤᠷ ᠠᠴᠠ ᠰᠠᠯᠵᠤ᠂ ᠠᠯᠠᠱᠠ ᠨᠤᠳᠤᠬ ᠲᠠᠭᠠᠨ ᠬᠠᠷᠢᠵᠦ ᠰᠠᠭᠤᠬᠰᠠᠨ ᠨᠢ ᠲᠡᠭᠡᠷᠠ ᠪᠠᠶᠢᠬᠠ︾ ᠭᠡᠵᠤ ᠵᠤᠷᠢᠬ | ᠰᠢᠭᠤᠳᠴᠡᠢ᠃ | 1. ᠠᠪᠤᠤ ᠨᠤᠶᠠᠨ ᠲᠤᠷᠭᠠᠬᠳᠠᠵᠤ ᠵᠢᠶᠦ᠋ᠨ ᠸᠠᠩ ᠭᠡᠷᠭᠡᠮ ᠠᠴᠠ ᠪᠠᠨ ᠪᠠᠶᠢᠯᠠ ᠭᠡᠷᠭᠡᠮ ᠳᠤ ᠤᠷᠤᠵᠤ᠂ | ᠠᠯᠪᠠᠳᠤ ᠠᠷᠠᠳ ᠢᠶᠠᠨ ᠠᠪᠴᠤ ᠠᠯᠠᠱᠠ ᠨᠤᠳᠤᠬ ᠲᠠᠭᠠᠨ ᠪᠤᠴᠠᠵᠤ ᠢᠷᠡᠵᠤ ᠰᠠᠭᠤᠬᠰᠠᠨ ᠨᠢ | ᠬᠥᠭᠡᠨᠠᠭᠤᠷ ᠲᠤ ᠨᠡᠬᠦᠳᠡᠯᠯᠡᠨ ᠰᠠᠭᠤᠬᠰᠠᠨ ᠤ ᠰᠠᠬᠦᠯᠠᠷ ᠠᠪᠤᠤ ᠨᠤᠶᠠᠨ ᠨᠤᠳᠤᠬ ᠢᠶᠠᠨ ᠰᠠᠨᠠᠬᠤ ᠪᠠᠷ ᠪᠠᠷᠠᠬᠤ ᠥᠭᠡᠢ᠂ | ᠠᠯᠪᠠᠳᠤ ᠠᠷᠠᠳ ᠨᠢ ᠴᠤ ᠡᠳᠤᠷᠵᠢᠨ ᠰᠥᠨᠢᠵᠢᠨ ᠠᠯᠠᠱᠠ ᠨᠤᠳᠤᠬ ᠢᠶᠠᠨ ᠮᠥᠷᠤᠭᠡᠳᠤᠨ ᠰᠠᠨᠠᠳᠠᠭ ᠪᠠᠶᠢᠵᠡᠢ᠃ ᠲᠡᠳᠡ | ᠰᠠᠭᠤᠵᠤ ᠲᠤᠭᠳᠠᠬᠤ ᠪᠠᠨ ᠪᠤᠯᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠥᠭᠡᠢ᠂ ᠵᠠᠷᠢᠮ ᠨᠢ ᠨᠢᠭᠡᠨᠳᠡ ᠬᠤᠯᠠᠭᠠᠢ ᠪᠠᠷ ᠨᠡᠬᠦᠳᠡᠯᠯᠡᠵᠤ | ᠡᠵᠡᠨᠠ ᠭᠤᠤᠯ ᠵᠡᠷᠭᠡ ᠠᠯᠠᠱᠠ ᠨᠤᠳᠤᠬ ᠲᠤ ᠬᠥᠷᠴᠤ ᠮᠠᠯᠵᠢᠨ ᠰᠠᠭᠤᠵᠠᠭᠠᠵᠡᠢ᠃ ᠡᠨᠡ ᠭᠡᠷᠡᠭ ᠨᠢ ᠤᠳᠠᠯ ᠥᠭᠡᠢ | ᠴᠢᠩ ᠤᠯᠤᠰ ᠲᠤ ᠮᠡᠳᠡᠭᠳᠡᠵᠤ᠂ ᠠᠪᠤᠤ ᠨᠤᠶᠠᠨ᠂ ᠴᠢᠩ ᠤᠯᠤᠰ ᠤᠨ ︽ᠶᠠᠮᠠᠷᠪᠠ ᠸᠠᠩ ᠨᠤᠶᠠᠨ ᠲᠤᠷᠠ | ᠲᠠᠪᠠ ᠪᠠᠷ ᠢᠶᠠᠨ ᠨᠡᠬᠦᠳᠡᠯᠯᠡᠬᠦ ᠪᠤᠶᠤ ᠮᠠᠯ ᠰᠥᠷᠥᠭ ᠢᠶᠠᠨ ᠶᠡᠭᠡ ᠵᠣᠷᠭᠠᠨ ᠤ ᠵᠢᠭᠠᠨ ᠲᠤᠬᠢᠷᠠᠭᠤᠯᠤᠬᠰᠠᠨ ᠭᠠᠵᠠᠷ | ᠤᠷᠤᠨ ᠠᠴᠠ ᠭᠠᠳᠠᠨᠠ ᠭᠠᠷᠴᠤ ᠮᠠᠯᠵᠢᠵᠤ ᠪᠤᠯᠬᠤ ᠥᠭᠡᠢ︾ ᠭᠡᠰᠡᠨ ᠬᠠᠤᠯᠢ ᠲᠥᠷᠢᠮ ᠢ ᠵᠥᠷᠢᠴᠡᠭᠰᠡᠨ ᠠᠴᠠ ᠠᠪᠤᠤ | ᠨᠤᠶᠠᠨ ᠢ ᠬᠠᠤᠯᠢ ᠶᠤᠰᠤ ᠪᠠᠷ ᠰᠢᠳᠭᠡᠬᠦ ᠪᠤᠯᠵᠤ᠂ ᠶᠠᠯᠠ ᠭᠡᠯᠡᠯᠴᠡᠨ ᠵᠢᠶᠦ᠋ᠨ ᠸᠠᠩ ᠤᠨ ᠭᠡᠷᠭᠡᠮ ᠢ ᠨᠢ | ᠤᠬᠴᠠᠷᠠᠭᠤᠯᠵᠤ᠂ ᠠᠯᠠᠱᠠ ᠨᠤᠳᠤᠬ ᠲᠤᠨᠢ ᠪᠤᠴᠠᠭᠤᠯᠵᠤ᠂ ᠲᠠᠬᠢᠵᠤ ᠬᠥᠭᠡᠨᠠᠭᠤᠷ ᠲᠤ ᠨᠤᠳᠤᠬᠯᠠᠭᠤᠯᠬᠤ ᠶᠢ | ᠪᠠᠶᠢᠯᠭᠠᠪᠠ᠃ | 1725 ᠤᠨ ︵ᠨᠠᠶᠢᠷᠠᠯᠳᠤ ᠲᠥᠪ ᠤᠨ ᠭᠤᠷᠪᠠᠳᠤᠭᠠᠷ ᠤᠨ︶ ᠠᠴᠠ ᠡᠬᠢᠯᠡᠵᠤ᠂ ᠠᠪᠤᠤ ᠨᠤᠶᠠᠨ᠂ | ᠬᠥᠭᠡᠨᠠᠭᠤᠷ ᠠᠴᠠ ᠪᠥᠬᠦ ᠠᠯᠪᠠᠳᠤ ᠠᠷᠠᠳ ᠢᠶᠠᠨ ᠠᠪᠴᠤ᠂ ᠠᠯᠠᠱᠠ ᠨᠤᠳᠤᠬ ᠲᠠᠭᠠᠨ ᠨᠡᠬᠦᠵᠤ ᠡᠬᠢᠯᠡᠪᠡ᠃1733 | ᠤᠨ ︵ᠨᠠᠶᠢᠷᠠᠯᠳᠤ ᠲᠥᠪ ᠤᠨ ᠠᠷᠪᠠᠳᠤᠭᠠᠷ ᠤᠨ︶ ᠪᠤᠯᠬᠤ ᠳᠤ ᠶᠡᠭᠡᠭᠡᠨ ᠠᠯᠪᠠᠳᠤ ᠠᠷᠠᠳ ᠢᠶᠠᠨ | ᠥᠨᠳᠤᠰᠤᠨ ᠳᠡᠭᠡᠨ ᠨᠡᠬᠦᠯᠭᠡᠵᠤ ᠲᠠᠭᠤᠰᠬᠠᠵᠡᠢ᠃ | 2. ᠵᠢᠶᠦ᠋ᠨ ᠸᠠᠩ ᠭᠡᠷᠭᠡᠮ ᠢ ᠨᠢ ᠲᠠᠬᠢᠨ ᠰᠡᠷᠬᠦᠭᠡᠵᠤ᠂ ᠬᠤᠯᠠᠳᠠᠬᠢᠨ ᠢ ᠲᠤᠬᠳᠠᠭᠠᠬᠴᠢ ᠬᠤᠷᠢᠶᠠ ᠶᠢ ᠱᠠᠩᠨᠠᠵᠤ | ᠥᠭᠬᠦᠭᠰᠡᠨ ᠨᠢ | 1730 ᠤᠨ ︵ᠨᠠᠶᠢᠷᠠᠯᠳᠤ ᠲᠥᠪ ᠤᠨ ᠨᠠᠢᠮᠠᠳᠤᠭᠠᠷ ᠤᠨ︶ ᠳᠤ᠂ ᠠᠪᠤᠤ ᠨᠤᠶᠠᠨ ᠠᠯᠪᠠᠳᠤ ᠠᠷᠠᠳ ᠢᠶᠠᠨ | ᠠᠪᠴᠤ ᠬᠥᠭᠡᠨᠠᠭᠤᠷ ᠠᠴᠠ ᠲᠠᠬᠢᠨ ᠠᠯᠠᠱᠠ ᠨᠤᠳᠤᠬ ᠲᠠᠭᠠᠨ ᠪᠤᠴᠠᠵᠤ ᠢᠷᠡᠬᠦ ᠥᠶᠠ ᠳᠤ᠂ ᠬᠤᠯᠠᠳᠠᠬᠢᠨ ᠢ | ᠲᠤᠬᠳᠠᠭᠠᠬᠴᠢ ᠬᠤᠷᠢᠶᠠ ᠶᠢ ᠥᠨᠳᠤᠰᠤᠨ ᠳᠡᠭᠡᠨ ᠪᠠᠷᠢᠭᠠᠳ ᠲᠠᠭᠤᠰᠬᠠᠵᠡᠢ᠃ ᠴᠢᠩ ᠤᠯᠤᠰ ᠤᠨ ᠵᠠᠰᠠᠬ ᠠᠴᠠ | ᠬᠤᠯᠠᠳᠠᠬᠢᠨ ᠢ ᠲᠤᠬᠳᠠᠭᠠᠬᠴᠢ ᠬᠤᠷᠢᠶᠠ ᠶᠢ ᠠᠪᠣᠣ ᠨᠤᠶᠠᠨ ᠳᠤ ᠱᠠᠩᠨᠠᠨ ᠥᠭᠴᠤ᠂ ᠲᠡᠭᠡᠷᠠ ᠠᠴᠠ ᠨᠢ ᠪᠠᠰᠠ | 2000 ᠯᠠᠩ ᠮᠥᠡᠭᠬᠦ ᠱᠠᠩᠨᠠᠨ ᠥᠭᠬᠦᠭᠰᠡᠨ ᠪᠠᠶᠢᠨᠠ᠃ ᠡᠶᠢᠮᠤ ᠠᠴᠠ ᠠᠯᠠᠱᠠ ᠬᠤᠱᠤᠳ ᠮᠤᠩᠭᠤᠯᠴᠤᠳ ᠵᠥᠪᠭᠡᠨ | ᠠᠯᠠᠱᠠ ᠨᠤᠳᠤᠬ ᠲᠤ ᠮᠠᠯᠵᠢᠨ ᠰᠠᠭᠤᠬᠤ ᠪᠠᠷ ᠪᠠᠷᠠᠬᠤ ᠥᠭᠡᠢ ᠪᠠᠰᠠ ᠤᠯᠤᠰ ᠤᠨ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠢ ᠰᠠᠬᠢᠨ | ᠬᠠᠮᠠᠭᠠᠯᠠᠬᠤ ᠡᠬᠦᠷᠭᠡ ᠲᠠᠢ ᠪᠤᠯᠤᠬᠰᠠᠨ ᠪᠢᠯᠡ᠃ | 1731 ᠤᠨ ︵ᠨᠠᠶᠢᠷᠠᠯᠳᠤ ᠲᠥᠪ ᠤᠨ ᠶᠢᠰᠤᠳᠤᠭᠡᠷ ᠤᠨ︶ ᠤ ᠭᠤᠷᠪᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠨᠠᠢᠮᠠᠨ ᠤ | ᠡᠳᠤᠷ ᠲᠤ᠂ ᠠᠪᠤᠤ ᠨᠤᠶᠠᠨ ᠴᠢᠩ ᠤᠯᠤᠰ ᠤᠨ ᠶᠠᠮᠤᠨ ᠤ ᠲᠡᠬᠦᠨ ᠤ ᠶᠠᠳᠠᠭᠤ ᠵᠥᠳᠡᠬᠦᠤ ᠤᠴᠢᠷ ᠠᠴᠠ ᠪᠤᠯᠵᠤ | ᠬᠥᠭᠡᠨᠠᠭᠤᠷ ᠲᠤ ᠥᠯᠡᠳᠡᠨ ᠬᠤᠴᠤᠷᠤᠬᠰᠠᠨ ᠠᠯᠪᠠᠳᠤ ᠠᠷᠠᠳ ᠢ ᠨᠢ ᠲᠡᠳᠬᠦᠨ ᠲᠤᠰᠠᠯᠠᠵᠤ᠂ ᠲᠡᠮᠵᠢᠨ ᠨᠡᠬᠦᠯᠭᠡᠵᠤ | ᠠᠯᠠᠱᠠ ᠳᠤ ᠠᠪᠴᠢᠷᠠᠬᠤ ᠵᠠᠷᠯᠢᠬ ᠢ ᠬᠥᠯᠢᠶᠡᠨ ᠠᠪᠴᠤ᠂ ᠬᠠᠮᠤᠬ ᠤᠨ ᠰᠡᠬᠦᠯᠴᠢ ᠶᠢᠨ ᠠᠯᠪᠠᠳᠤ ᠠᠷᠠᠳ ᠢᠶᠠᠨ | ᠪᠥᠬᠦᠨ ᠢ ᠨᠢ ᠠᠯᠠᠱᠠ ᠳᠠᠭᠠᠨ ᠨᠡᠬᠦᠯᠭᠡᠨ ᠠᠪᠴᠢᠷᠠᠵᠡᠢ᠃ ᠡᠶᠢᠮᠤ ᠠᠴᠠ ᠠᠪᠤᠤ ᠨᠤᠶᠠᠨ ᠤ ᠬᠥᠭᠡᠨᠠᠭᠤᠷ ᠠᠴᠠ | ᠠᠯᠠᠱᠠ ᠳᠤ ᠨᠡᠬᠦᠬᠦ ᠠᠵᠢᠯ ᠪᠥᠷᠢᠮᠤᠰᠤᠨ ᠲᠠᠭᠤᠰᠴᠡᠢ᠃ | ᠤᠳᠠᠯ ᠥᠭᠡᠢ᠂ ᠴᠢᠩ ᠤᠯᠤᠰ ᠤᠨ ᠶᠠᠮᠤᠨ ᠠᠴᠠ ᠪᠤᠴᠠᠵᠤ ᠨᠡᠬᠦᠵᠤ ᠢᠷᠡᠭᠰᠡᠨ ᠠᠯᠠᠱᠠ ᠬᠤᠱᠤᠳ | ᠮᠤᠩᠭᠤᠯᠴᠤᠳ ᠲᠤ ᠮᠠᠯᠵᠢᠨ ᠰᠠᠭᠤᠬᠤ ᠨᠤᠳᠤᠬ ᠪᠡᠯᠴᠢᠭᠡᠷ ᠢ ᠨᠢ ᠲᠠᠬᠢᠨ ᠵᠢᠷᠤᠬᠯᠠᠨ ᠥᠭᠴᠡᠢ᠃ ᠭᠡᠪᠴᠢᠶᠠ ᠨᠢ᠄ | ᠵᠡᠬᠦᠨ ᠵᠠᠬᠠ ᠨᠢ ᠬᠠᠳᠤᠨ ᠭᠤᠤᠯ ᠠᠴᠠ ᠡᠬᠢᠯᠡᠨ᠂ ᠭᠤᠤᠯ ᠤᠨ ᠬᠥᠪᠡᠭᠡ ᠶᠢ ᠪᠠᠷᠢᠨ ᠶᠠᠪᠤᠭᠠᠳ ᠢᠷᠭᠠᠢ ᠶᠢᠨ | ᠬᠢᠯᠢ ᠲᠠᠢ ᠵᠠᠯᠭᠠᠯᠳᠤᠵᠤ︔ ᠡᠮᠤᠨᠠ ᠵᠠᠬᠠ ᠨᠢ ᠴᠠᠭᠠᠨ ᠭᠡᠷᠡᠮ ᠤᠨ ᠬᠥᠪᠡᠭᠡ ᠶᠢ ᠪᠠᠷᠢᠨ ᠶᠠᠪᠤᠭᠠᠳ ᠢᠷᠭᠠᠢ ᠶᠢᠨ | ᠲᠡᠷᠡᠰᠤᠨ ᠬᠤᠳᠠ ︵ᠵᠥᠡᠭ ᠸᠧᠢ︶ ᠶᠢᠨ ᠬᠢᠯᠢ ᠲᠠᠢ ᠵᠠᠯᠭᠠᠯᠳᠤᠨᠠ︔ ᠪᠠᠷᠠᠭᠤᠨ ᠵᠠᠬᠠ ᠨᠢ ᠡᠵᠡᠨᠠ ᠬᠠᠭᠤᠴᠢᠨ | ᠲᠤᠷᠭᠤᠳ ᠬᠤᠰᠢᠭᠤ ᠲᠠᠢ ᠬᠢᠯᠢ ᠬᠤᠯᠪᠤᠵᠤ᠂ ᠬᠤᠶᠢᠳᠤ ᠵᠠᠬᠠ ᠨᠢ ᠬᠠᠯᠬᠠ ᠮᠤᠩᠭᠤᠯ ᠲᠠᠢ ᠬᠢᠯᠢ ᠨᠡᠶᠢᠯᠡᠬᠦ ᠪᠤᠯᠤᠨᠠ᠃ | ᠡᠨᠡ ᠭᠡᠪᠴᠢᠶᠠ ᠰᠢᠨᠠ ᠲᠤᠮᠳᠠᠳᠤ ᠤᠯᠤᠰ ᠪᠠᠶᠢᠭᠤᠯᠤᠬᠳᠠᠳᠠᠯᠠ ᠶᠤᠰᠤ ᠪᠠᠷ ᠢᠶᠠᠨ ᠪᠠᠶᠢᠵᠡᠢ᠃ | ᠠᠪᠤᠤ ᠨᠤᠶᠠᠨ ᠤ ᠲᠥᠪᠡᠳ ᠤᠨ ᡀᠠᠰᠠ ᠪᠤᠯᠤᠨ ᠬᠥᠭᠡᠨᠠᠭᠤᠷ ᠲᠠᠬᠢ ᠠᠯᠢᠪᠠ ᠠᠵᠢᠯᠯᠠᠭᠠ ᠪᠤᠯᠤᠨ ᠢᠯᠡᠷᠡᠯ ᠨᠢ | ᠴᠢᠩ ᠤᠯᠤᠰ ᠤᠨ ᠰᠠᠶᠢᠰᠢᠶᠠᠯ ᠢ ᠤᠯᠵᠤ ᠶᠡᠭᠡᠪᠡᠷ ᠲᠤᠭᠤᠬᠳᠠᠵᠡᠢ᠃ ᠢᠯᠠᠩᠭᠤᠶᠠ ᠨᠠᠶᠢᠷᠠᠯᠳᠤ ᠲᠥᠪ ᠬᠠᠭᠠᠨ | ᠠᠪᠤᠤ ᠶᠢᠨ ᠤᠢᠢᠯᠡ ᠶᠠᠪᠤᠳᠠᠯ ᠳᠤ ᠥᠨᠳᠤᠷ ᠥᠨᠡᠯᠡᠯᠳᠡ ᠥᠭᠴᠤ᠂ ᠬᠠᠶᠢᠷᠠ ᠬᠥᠷᠳᠡᠭᠡᠨ᠂ ᠲᠡᠬᠦᠨ ᠤ ᠵᠢᠶᠦ᠋ᠨ | ᠸᠠᠩ ᠭᠡᠷᠭᠡᠮ ᠢ ᠨᠢ ᠲᠠᠬᠢᠨ ᠰᠡᠷᠬᠦᠭᠡᠨ ᠥᠭᠴᠡᠢ᠃ ᠬᠠᠭᠠᠨ ᠤ ᠡᠨᠠᠬᠦ ᠵᠠᠷᠯᠢᠬ ᠤᠨ ᠪᠢᠴᠢᠭ ᠢ ᠠᠪᠤᠤ ᠨᠤᠶᠠᠨ ᠲᠤᠰ | ᠵᠢᠯ ᠤᠨ ᠲᠤᠯᠤᠭᠠᠨ ᠰᠠᠷᠠ ᠳᠤ ᠵᠢᠩᠬᠢᠨᠢ ᠪᠠᠷ ᠬᠥᠯᠢᠶᠡᠨ ᠠᠪᠤᠬᠰᠠᠨ ᠪᠠᠶᠢᠨᠠ᠃ ᠬᠠᠭᠠᠨ ᠵᠠᠷᠯᠢᠬ ᠤᠨ ᠪᠢᠴᠢᠭ ᠲᠡᠭᠡᠨ | ᠲᠡᠬᠦᠨ ᠢ ᠥᠨᠡᠯᠡᠨ ᠭᠡᠯᠡᠬᠦ ᠳᠡᠭᠡᠨ᠄ | ᠠᠯᠠᠱᠠ ᠵᠢᠶᠦ᠋ᠨ ᠸᠠᠩ ᠠᠪᠤᠤ᠂ ᠬᠠᠭᠠᠨ ᠤ ᠵᠠᠷᠯᠢᠬ ᠢ ᠤᠳᠠᠭᠠᠨ ᠵᠢᠯ ᠥᠨᠡᠨᠴᠢ ᠰᠢᠳᠤᠷᠭᠤ ᠪᠠᠷ | ᠬᠥᠰᠡᠷᠳᠡᠬᠦᠯᠥᠯ ᠥᠭᠡᠢ ᠪᠠᠷ ᠪᠥᠷᠢᠨ ᠬᠥᠢᠴᠡᠳᠭᠡᠨ ᠢᠷᠡᠵᠡᠢ᠃ ᠲᠡᠷᠡ ᠪᠠᠷᠬᠦ᠋ᠯ ᠵᠡᠷᠭᠡ ᠭᠠᠵᠠᠷ ᠲᠤ ᠰᠡᠷᠭᠡᠶᠢᠯᠡᠨ | ᠰᠠᠭᠤᠵᠤ᠂ ᠯᠤᠪᠰᠠᠩᠳᠠᠨᠵᠢᠨ ᠤ ᠭᠡᠷᠡᠭ ᠢ ᠲᠥᠪᠰᠢᠳᠭᠡᠬᠦ ᠲᠠᠶᠢᠨ ᠳᠤ ᠴᠢᠷᠮᠠᠶᠢᠨ ᠵᠢᠳᠬᠦᠵᠤ᠂ ᠤᠯᠤᠰ ᠤᠨ ᠶᠡᠭᠡ | ᠴᠡᠷᠢᠭ ᠲᠤ ᠲᠤᠰᠠᠯᠠᠨ ᠵᠡᠬᠦᠨᠭᠠᠷ ᠬᠠᠭᠠᠨᠳᠤ ᠤᠯᠤᠰ ᠤᠨ ᠴᠡᠷᠢᠭ ᠢ ᠲᠥᠪᠡᠳ ᠠᠴᠠ ᠬᠥᠭᠡᠭᠡᠨ ᠭᠠᠷᠭᠠᠵᠤ᠂ ᠶᠡᠭᠡ | ᠠᠮᠵᠢᠯᠳᠠ ᠲᠠᠢ ᠪᠠᠷ ᠲᠤᠯᠤᠳᠤᠭᠠᠷ ᠲᠥᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠶᠢ ᠬᠠᠮᠠᠭᠠᠯᠠᠨ ᡀᠠᠰᠠ ᠳᠤ ᠬᠥᠷᠭᠡᠵᠤ ᠰᠢᠷᠡᠭᠡᠨ ᠳᠤᠨᠢ | ᠵᠠᠯᠠᠷᠠᠨ ᠰᠠᠭᠤᠯᠭᠠᠵᠤ᠂ ᠲᠥᠪᠡᠳ ᠤᠨ ᠨᠡᠶᠢᠭᠡᠮ ᠤᠨ ᠠᠮᠤᠷ ᠲᠥᠪᠰᠢᠨ ᠪᠠ ᠲᠤᠬᠳᠠᠭᠤᠨ ᠪᠠᠶᠢᠳᠠᠯ ᠢ ᠪᠠᠳᠣᠯᠠᠬᠤ | ᠵᠡᠷᠭᠡ ᠠᠵᠢᠯ ᠳᠤ ᠲᠦᠢᠯ ᠤᠨ ᠶᠡᠭᠡ ᠬᠤᠪᠢ ᠨᠡᠮᠡᠷᠢ ᠪᠠᠨ ᠥᠵᠡᠬᠦᠯᠵᠤ ᠭᠠᠪᠢᠶᠠ ᠪᠠᠶᠢᠭᠤᠯᠵᠡᠢ᠃ ᠡᠶᠢᠮᠤ ᠠᠴᠠ | ᠣᠨᠴᠠ ᠬᠠᠶᠢᠷᠠ ᠬᠥᠷᠳᠡᠭᠡᠨ᠂ ᠵᠢᠶᠦ᠋ᠨ ᠸᠠᠩ ᠭᠡᠷᠭᠡᠮ ᠢ ᠨᠢ ᠲᠠᠬᠢᠨ ᠰᠡᠷᠬᠦᠭᠡᠨ᠂ ᠠᠯᠢ ᠭᠠᠵᠠᠷ ᠲᠤ ᠴᠤ ᠨᠢᠭᠡᠨ | ᠠᠳᠠᠯᠢ ᠪᠠᠷ ᠡᠬᠦᠷᠢᠳᠡ ᠡᠷᠬᠢᠮ ᠬᠥᠨᠳᠤᠳᠤ ᠪᠠᠷ ᠶᠠᠪᠤᠳᠤᠭᠠᠢ ᠭᠡᠵᠤ ᠵᠠᠷᠯᠢᠬᠳᠠᠵᠡᠢ᠃ | 1731 ᠤᠨ ︵ᠨᠠᠶᠢᠷᠠᠯᠳᠤ ᠲᠥᠪ ᠤᠨ ᠶᠢᠰᠤᠳᠤᠭᠡᠷ ᠤᠨ︶ ᠤ ᠶᠢᠰᠤᠨ ᠰᠠᠷᠠ ᠶᠢᠨ ᠲᠠᠪᠤᠨ ᠤ ᠡᠳᠤᠷ᠂ | ᠠᠪᠤᠤ ᠨᠤᠶᠠᠨ ᠪᠤᠯᠤᠨ ᠬᠠᠳᠤᠨ ᠲᠤᠬᠰᠢᠨ ᠬᠥᠡᠭᠵᠤ ᠬᠤᠶᠠᠷ ᠪᠥᠬᠦ ᠲᠥᠰᠢᠮᠡᠳ ᠴᠡᠷᠢᠭ ᠪᠤᠯᠤᠨ ᠠᠯᠪᠠᠳᠤ | ᠠᠷᠠᠳ ᠢᠶᠠᠨ ᠲᠠᠭᠠᠭᠤᠯᠤᠨ ᠰᠢᠷᠠᠪᠦ᠋ᠷᠢᠳᠤ ᠶᠢᠨ ᠬᠠᠨᠠᠮᠠᠨᠳᠠᠯ ᠶᠠᠮᠤᠨ ᠠᠴᠠ ᠪᠠᠨ ᠬᠤᠯᠠᠳᠠᠬᠢᠨ ᠢ ᠲᠤᠬᠳᠠᠭᠠᠬᠴᠢ | ᠬᠤᠷᠢᠶᠠ ᠳᠤ ᠨᠡᠬᠦᠨ ᠤᠷᠤᠵᠤ ᠰᠠᠭᠤᠵᠠᠭᠠᠪᠠ᠃ | ᠠᠯᠠᠱᠠ᠂ ᠬᠤᠰᠢᠭᠤ ᠶᠠᠮᠤᠨ ᠢᠶᠠᠨ ᠬᠤᠯᠠᠳᠠᠬᠢᠨ ᠢ ᠲᠤᠬᠳᠠᠭᠠᠬᠴᠢ ᠬᠤᠷᠢᠶᠠ ᠳᠤ ᠪᠠᠶᠢᠭᠤᠯᠤᠬᠰᠠᠨ ᠤ ᠬᠤᠶᠢᠨᠠ᠂ | ᠠᠪᠤᠤ ᠨᠤᠶᠠᠨ ᠬᠤᠰᠢᠭᠤ ᠶᠠᠮᠤᠨ ᠤ ᠪᠠᠨ ᠨᠡᠷᠠ ᠶᠢ ︽ᠲᠡᠯᠭᠡᠷ ᠪᠢᠯᠢᠭᠳᠦ ᠶᠡᠭᠡ ᠶᠠᠮᠤᠨ︾ ᠭᠡᠮᠡᠨ ᠬᠠᠯᠠᠭᠠᠳ᠂ | ᠬᠤᠰᠢᠭᠤᠨ ᠤ ᠭᠤᠤᠯ ᠲᠥᠰᠢᠮᠡᠳ ᠲᠠᠭᠠᠭᠠᠮᠠᠯᠴᠤᠳ ᠢᠶᠠᠨ ᠴᠤ ᠲᠠᠬᠢᠨ ᠲᠤᠮᠢᠯᠠᠨ ᠲᠤᠬᠢᠷᠠᠭᠤᠯᠤᠬᠰᠠᠨ ᠪᠠᠶᠢᠨᠠ᠃ | ᠲᠡᠳᠡ ᠨᠠᠷ ᠨᠢ᠄ | ᠤᠯᠤᠰ ᠤᠨ ᠲᠥᠰᠢᠶᠠ ᠬᠥᠡᠭ᠄ ᠳ᠋ᠠᠨᠵᠢᠨ᠂ ᠶᠥᠮᠴᠤᠮ︔ ᠬᠤᠰᠢᠭᠤ ᠲᠤᠰᠠᠯᠠᠬᠴᠢ᠄ ᠳ᠋ᠠᠨᠵᠢᠨᠰᠤᠳᠨᠠᠮ︔ | ᠬᠤᠰᠢᠭᠤ ᠶᠢ ᠵᠠᠬᠢᠷᠤᠬᠴᠢ ᠵᠠᠩᠬᠢ᠄ ᠯᠤᠪᠰᠠᠩᠭᠤᠮᠪᠤ ᠵᠡᠷᠭᠡ ᠬᠥᠮᠤᠨ ᠪᠠᠶᠢᠵᠡᠢ᠃ | ︵ᠵᠣᠬᠢᠶᠠᠭᠴᠢ᠄ ᠤᠤᠭᠠᠬᠠᠬᠠ︶ |