ᠬᠠᠲᠠᠨ ᠵᠢᠷᠤᠭ ᠤᠨ ᠲᠣᠳᠣᠷᠠ | ᠲᠡᠷᠯᠢᠭ ᠢᠶᠠᠨ ᠪᠦᠰᠡᠯᠡᠭᠰᠡᠨ ᠦᠬᠢᠨ ᠶᠠᠪᠣᠵᠣ ᠪᠠᠶᠢᠨᠠ | ᠪᠦᠰᠡ ᠶᠢ ᠨᠢ ᠲᠠᠶᠢᠯᠣᠭᠠᠳ | ᠪᠦᠰᠡᠭᠦᠢ ᠪᠠᠨ ᠪᠣᠯᠭᠠᠴᠢᠬᠠᠶᠠ ᠭᠡᠵᠣ | ᠲᠦᠷᠬᠦᠮ ᠮᠡᠲᠦ ᠬᠠᠳᠡᠨ ᠳᠤᠨᠢ ᠬᠠᠳᠠᠭ ᠲᠠᠯᠪᠢᠵᠣ ᠦᠵᠡᠯᠡ | ᠭᠠᠩᠭᠠᠩ ᠲᠡᠯᠡᠬᠡᠢ ᠶᠢᠨ ᠮᠠᠩᠨᠠᠢ ᠨᠢ | ᠬᠠᠯᠴᠠᠷᠠᠴᠢᠬᠠᠳᠠᠭ ᠭᠡᠵᠣ ᠨᠠᠮᠠᠢᠢ ᠪᠣᠴᠠᠭᠠᠭᠰᠠᠨ | ᠣᠯᠠᠨ ᠵᠢᠯ ᠤᠨ ᠲᠠᠷᠠᠭᠠ ᠲᠠᠬᠢᠭᠠᠳ ᠪᠢ ᠣᠴᠢᠭᠰᠠᠨ | | ᠬᠠᠭᠤᠷᠠᠢ ᠨᠢᠯᠪᠣᠰᠣ ᠲᠠᠢ ᠭᠠᠵᠠᠷ ᠤᠨ ᠰᠢᠷᠬᠠ ᠠᠯᠮᠠᠶᠢᠷᠠᠵᠣ ᠣᠭᠲᠣᠪᠠ | ᠮᠦᠩᠭᠦᠨ ᠵᠠᠯᠠᠭᠠ ᠲᠠᠢ ᠮᠠᠯᠠᠭᠠᠢ ᠪᠠᠨ ᠠᠪᠴᠣ | ᠲᠠᠯᠪᠢᠭᠠᠳ ᠪᠢ ᠶᠠᠪᠣᠭᠰᠠᠨ | ᠰᠡᠭᠦᠯᠡᠷ ᠨᠢ ᠲᠡᠷᠡ ᠮᠠᠯᠠᠭᠠᠢ | ᠰᠦᠮᠪᠦᠷ ᠴᠠᠭᠠᠨ ᠠᠭᠤᠯᠠ ᠪᠣᠯᠣᠭᠰᠠᠨ ᠭᠡᠳᠡᠭ | | ᠪᠣᠵᠢᠬᠢᠨᠠᠭᠰᠠᠨ ᠣᠯᠠᠨ ᠨᠠᠭᠠᠳᠣᠮᠴᠢᠳ ᠤᠨ ᠲᠣᠳᠣᠷᠠ ᠠᠴᠠ | ᠲᠣᠭᠤᠷᠴᠤᠭ ᠮᠠᠯᠠᠭᠠᠢ ᠲᠠᠢ ᠡᠭᠡᠴᠢ ᠮᠢᠨᠢ ᠯᠠ ᠲᠤᠷᠮᠦ᠋ᠢᠵᠤ ᠬᠠᠷᠠᠭᠳᠠᠨᠠ | ᠲᠣᠭᠤᠷᠴᠤᠭ ᠤᠨ ᠬᠢᠨᠢ ᠣᠷᠣᠢ ᠳᠤ | ᠲᠣᠭᠤᠰ ᠤᠨ ᠦᠳᠦ ᠬᠠᠳᠬᠤᠵᠣ ᠭᠠᠩᠭᠠᠯᠠᠶᠠ ᠭᠡᠵᠣ | ᠬᠠᠨᠢ ᠮᠡᠲᠦ ᠣᠢ ᠬᠦᠪᠴᠢ ᠠᠴᠠ ᠨᠢ ᠲᠠᠯᠠ ᠵᠠᠰᠠᠵᠣ ᠠᠰᠠᠭᠤᠯᠠ | ᠴᠡᠯ ᠵᠠᠯᠠᠭᠤᠬᠠᠨ ᠲᠡᠯᠡᠬᠡᠢ ᠶᠢᠨ ᠵᠢᠷᠦᠬᠡ ᠨᠢ | ᠡᠮᠲᠡᠷᠡᠴᠢᠬᠡᠳᠡᠭ ᠭᠡᠵᠣ ᠨᠠᠮᠠᠢᠢ ᠪᠣᠴᠠᠭᠠᠭᠰᠠᠨ | | ᠣᠯᠠᠨ ᠵᠢᠯ ᠤᠨ ᠲᠠᠷᠠᠭᠠ ᠲᠠᠬᠢᠭᠠᠳ ᠪᠢ ᠣᠴᠢᠭᠰᠠᠨ | ᠠᠨᠢᠷᠲᠠᠬᠤ ᠶᠠᠭᠤᠮᠠ ᠦᠭᠡᠢ ᠪᠦᠬᠦᠭᠰᠡᠨ ᠣᠢ ᠮᠠᠯᠮᠠᠷᠡᠵᠣ ᠤᠭᠳᠤᠪᠠ | ᠮᠢᠨᠳᠠᠰᠣᠨ ᠲᠣᠷᠭᠠᠨ ᠪᠦᠰᠡ ᠪᠠᠨ ᠲᠡᠯᠭᠡᠵᠣ ᠲᠠᠯᠪᠢᠭᠠᠳ ᠪᠢ ᠶᠠᠪᠣᠭᠰᠠᠨ | ᠰᠡᠭᠦᠯᠡᠷ ᠨᠢ ᠲᠡᠷᠡ ᠪᠦᠰᠡ | ᠦᠷᠭᠡᠨ ᠴᠡᠩᠬᠡᠷ ᠮᠦᠷᠡᠨ ᠪᠣᠯᠣᠭᠰᠠᠨ ᠭᠡᠳᠡᠭ | ᠬᠡᠳᠦᠨ ᠮᠠᠭᠤ ᠭᠤᠳᠣᠷᠠᠩ ᠲᠠᠢ ᠪᠠᠨ ᠶᠠᠷᠢᠭᠰᠠᠭᠠᠷ | ᠲᠠᠯᠢᠩᠪᠦᠨ ᠲᠡᠷᠯᠢᠭ ᠲᠠᠢ ᠡᠮᠡᠭᠡ ᠮᠢᠨᠢ ᠮᠠᠶᠢᠵᠢᠭᠢᠨᠠᠵᠣ ᠪᠠᠶᠢᠨᠠ | ᠨᠠᠷᠠᠨ ᠤ ᠪᠠᠭᠤᠴᠠ ᠬᠡᠮᠡᠷ ᠣᠩᠭᠤᠭᠰᠠᠨ ᠡᠩᠭᠡᠷ ᠲᠤᠨᠢ | ᠨᠠᠷᠠᠲᠣ ᠶᠢᠨ ᠬᠠᠮᠤᠭ ᠭᠤᠶᠣ ᠴᠡᠴᠡᠭ ᠢ ᠵᠦᠢᠵᠣ ᠬᠡᠬᠡᠷᠡᠭᠦᠯᠦᠶᠡ ᠭᠡᠵᠣ | ᠠᠮᠠᠷᠠᠭ ᠮᠡᠲᠦ ᠡᠷᠪᠡᠬᠡᠢ ᠠᠴᠠ ᠨᠢ ᠵᠦᠪ ᠠᠰᠠᠭᠤᠵᠣ ᠦᠵᠡᠯᠡ | ᠬᠦᠪᠴᠢᠨ ᠲᠡᠯᠡᠬᠡᠢ ᠶᠢᠨ ᠰᠠᠨᠴᠢᠭ ᠨᠢ ᠪᠣᠭᠤᠷᠣᠯᠳᠣᠳᠠᠭ ᠭᠡᠵᠣ ᠨᠠᠮᠠᠢᠢ ᠪᠣᠴᠠᠭᠠᠭᠰᠠᠨ | ᠣᠯᠠᠨ ᠵᠢᠯ ᠤᠨ ᠲᠠᠷᠠᠭᠠ ᠠᠬᠢᠭᠠᠳ ᠪᠢ ᠣᠴᠢᠭᠰᠠᠨ | | ᠦᠷᠲᠥᠬᠦ ᠶᠠᠭᠤᠮᠠ ᠦᠭᠡᠢ ᠨᠢᠴᠦᠭᠦᠨ ᠲᠣᠯᠣᠭᠠᠳ | ᠭᠠᠩᠰᠠᠷᠠᠵᠣ ᠣᠭᠲᠤᠪᠠ | ᠬᠤᠷᠠᠭᠠᠰᠬᠠᠨ ᠲᠡᠪᠡᠯ ᠢᠶᠠᠷ ᠢᠶᠠᠨ ᠬᠤᠴᠢᠵᠣ ᠲᠠᠯᠪᠢᠭᠠᠳ ᠪᠢ ᠶᠠᠪᠣᠭᠰᠠᠨ | ᠬᠤᠵᠢᠮ ᠨᠢ ᠲᠡᠷᠡ ᠲᠡᠪᠡᠯ | ᠨᠣᠮᠢᠨ ᠨᠣᠭᠤᠭᠠᠨ ᠲᠠᠯᠠ ᠪᠣᠯᠣᠭᠰᠠᠨ ᠭᠡᠳᠡᠭ | | ᠣᠯᠠᠨ ᠣᠯᠠᠨ ᠵᠢᠯ ᠤᠨ ᠬᠤᠶᠢᠨᠠ | ᠪᠢ ᠪᠣᠷᠬᠠᠨ ᠠᠴᠠ ᠴᠢᠯᠦᠭᠡ ᠭᠤᠶᠣᠵᠣ | ᠪᠦᠯᠢᠶᠡᠨ ᠰᠦ ᠨᠡᠭᠡᠭᠰᠡᠨ ᠦᠯᠦᠭᠡᠢ ᠲᠣᠳᠣᠷᠠ ᠪᠠᠨ ᠴᠢᠷᠠᠯᠠᠵᠣ ᠰᠡᠷᠡᠬᠦ ᠳᠤ | ᠠᠭᠤᠯᠠ ᠪᠠᠨ ᠲᠡᠷᠡᠯᠡᠵᠣ᠂ ᠲᠠᠯᠠ ᠪᠠᠨ ᠲᠡᠪᠢᠰᠴᠣ | ᠲᠡᠭᠷᠢ ᠪᠠᠨ ᠨᠦᠮᠦᠷᠴᠦ᠂ ᠭᠤᠣᠯ ᠮᠦᠷᠡᠨ ᠢᠶᠠᠨ | ᠪᠦᠰᠡᠯᠡᠴᠢᠬᠡᠭᠰᠡᠨ ᠣᠨᠲᠠᠵᠣ ᠪᠠᠶᠢᠯᠡ | ᠲᠡᠷᠭᠡᠳᠡ ᠡᠵᠢ ᠮᠢᠨᠢ | ᠲᠡᠯᠡᠬᠡᠢ ᠳᠤ ᠡᠯᠪᠡᠭᠳᠡᠭᠰᠡᠨ ᠲᠡᠪᠡᠯ ᠤᠨ ᠮᠢᠨᠢ | ᠰᠡᠭᠦᠯᠴᠢ ᠶᠢᠨ ᠲᠣᠪᠴᠢ ᠶᠢ ᠬᠠᠳᠠᠵᠤ ᠰᠠᠭᠤᠨᠠ | (ᠵᠣᠬᠢᠶᠠᠭᠴᠢ᠄ ᠠᠯᠲᠠᠨᠪᠠᠶᠠᠷ) |