| | ᠨᠣᠲᠤᠭ ᠤᠨ ᠰᠠᠶᠢᠬᠠᠨ ᠳᠤ ᠰᠡᠳᠬᠢᠯ ᠤᠨ ᠦᠩᠭᠡ ᠬᠠᠷᠠᠭᠳᠠᠳᠠᠭ | ᠨᠠᠭᠤᠷ ᠭᠤᠣᠯ ᠨᠢ ᠨᠤᠭᠳᠤᠯᠵᠤ ᠵᠢᠷᠦᠭᠡᠨ ᠠᠴᠠ ᠤᠶᠠᠳᠠᠭ | ᠨᠤᠭᠤ ᠶᠢᠨ ᠴᠡᠴᠡᠭᠡᠰ ᠠᠮᠢᠲᠤᠷᠠᠯ ᠤᠨ ᠵᠢᠷᠤᠭ ᠲᠦᠰᠦᠪ ᠪᠤᠯᠳᠠᠭ | ᠨᠤᠮᠢᠨ ᠲᠠᠯᠠ ᠰᠠᠨᠠᠬᠤ ᠶᠢᠨ ᠡᠬᠢ ᠵᠢᠷᠭᠠᠯ ᠤᠨ ᠴᠡᠭ ᠪᠤᠯᠳᠠᠭ | | | ᠲᠡᠮᠡᠭᠡᠳ ᠪᠠᠭᠰᠢᠷᠠᠭᠰᠠᠨ ᠭᠤᠪᠢ ᠳᠤ ᠦᠷᠬᠦᠯᠵᠢᠯᠡᠯ ᠤᠨ ᠠᠶᠠᠨ ᠵᠡᠷᠭᠡᠯᠭᠡᠨ ᠲᠠᠲᠠᠵᠤ | ᠳᠠᠨᠳᠠ ᠨᠡᠬᠦᠳᠠᠯ ᠲᠡᠤᠭᠡ ᠶᠢᠨ ᠶᠡᠭᠡ ᠬᠦᠷᠦᠩᠭᠡ ᠮᠦᠷ ᠨᠢ ᠪᠠᠶᠢᠳᠠᠭ | ᠲᠡᠭᠡᠲᠦᠰ ᠤᠨ ᠮᠢᠨᠢ ᠦᠪ ᠬᠦᠷᠦᠩᠭᠡ ᠪᠠᠷ ᠭᠠᠵᠠᠷ ᠤᠨ ᠪᠤᠶᠠᠨ ᠬᠡᠮᠵᠢᠶᠡᠯᠡᠵᠤ | ᠲᠠᠪᠤᠨ ᠡᠷᠳᠡᠨᠢ ᠶᠢᠨ ᠰᠦᠷᠦᠭ ᠢ ᠰᠤᠪᠤᠳ ᠱᠢᠷᠦ ᠰᠢᠭ ᠰᠢᠬᠢᠳᠭᠡᠳᠡᠭ | | | ᠰᠠᠯᠬᠢ ᠨᠢ ᠬᠡᠵᠢᠶᠡᠳᠡ ᠰᠡᠪᠡᠯᠭᠡ ᠶᠢᠨ ᠦᠨᠦᠷ ᠢᠶᠠᠷ ᠨᠠᠮ ᠠ ᠶᠢ ᠪᠦᠪᠠᠶᠢᠯᠠᠳᠡᠭ | ᠰᠠᠷᠠᠨ ᠤ ᠴᠠᠭᠠᠨ ᠲᠠᠤᠯᠠᠢ ᠰᠦᠨᠢ ᠪᠤᠯᠭᠠᠨ ᠵᠡᠬᠦᠳᠦᠨ ᠳᠤ ᠮᠢᠨᠢ ᠢᠷᠡᠵᠤ ᠲᠤᠭᠯᠠᠳᠠᠭ | ᠪᠠᠩᠬᠠᠷ ᠬᠤᠳᠠᠴᠢ ᠬᠤᠴᠠᠵᠤ ᠬᠤᠯᠠ ᠤᠶᠢᠷᠠ ᠶᠢᠨ ᠴᠢᠮᠡᠭᠡ ᠠᠨᠢᠷᠳᠤᠳᠠᠭ | ᠰᠠᠭᠠᠯᠢ ᠰᠦ ᠲᠤᠮᠪᠤᠨ ᠳᠤ ᠢᠰᠭᠡᠷᠴᠤ ᠵᠢᠯ ᠤᠨ ᠰᠠᠶᠢᠬᠠᠨ ᠰᠠᠭᠠᠮᠰᠢᠳᠠᠭ | | | ᠮᠢᠨᠤ ᠨᠤᠲᠤᠭ ᠤᠨ ᠰᠠᠶᠢᠬᠠᠨ ᠳᠤ ᠲᠠᠭᠤᠨ ᠤ ᠲᠤᠯᠤᠭᠠᠨ ᠨᠤᠲ ᠭᠠᠳᠠᠭᠰᠢ ᠤᠷᠤᠰᠳᠠᠭ | ᠮᠢᠨᠳᠠᠰᠤᠨ ᠪᠤᠷᠤ ᠴᠢᠯᠠᠭᠤᠳ ᠨᠢ ᠬᠦᠯᠦᠷᠡᠵᠤ ᠶᠢᠰᠦ ᠶᠢᠨ ᠬᠦᠢᠳᠡᠨ ᠬᠠᠨᠭ᠍ᠵᠠᠷᠠᠳᠠᠭ | ᠮᠡᠩᠭᠡ ᠪᠤᠯᠤᠭᠰᠠᠨ ᠨᠠᠮᠬᠠᠨ ᠠᠭᠤᠯᠠ ᠲᠤᠯᠤᠭᠠᠳ ᠨᠢ ᠡᠬᠦᠯᠡ ᠵᠠᠩᠬᠢᠶᠠᠯᠠᠳᠠᠭ | ᠮᠡᠷᠭᠡᠨ ᠠᠩᠴᠢᠨ ᠤ ᠬᠤᠷᠤᠬᠠᠢ ᠠᠴᠠ ᠭᠡᠲᠦᠨ ᠬᠦᠷᠦᠭᠡᠰᠦ ᠨᠢ ᠵᠠᠶᠢᠳᠠ ᠪᠠᠶᠢᠳᠠᠭ | | | ᠬᠤᠷᠠᠭᠠ ᠢᠰᠢᠭᠡ ᠬᠠᠷᠢᠭᠤᠯᠵᠤ ᠬᠠᠳᠠᠨ ᠳᠤ ᠨᠢ ᠲᠤᠭᠯᠠᠭᠰᠠᠨ ᠱᠠᠭᠠᠵᠠᠩ ᠤᠨ ᠬᠡᠯᠲᠡᠷᠭᠡᠢ ᠪᠤᠢ | ᠬᠤᠷᠠ ᠲᠠᠢ ᠲᠡᠭᠷᠢ ᠶᠢᠨ ᠡᠬᠦᠯᠡ ᠶᠢ ᠲᠤᠰᠤ ᠰᠢᠭ᠋ ᠰᠢᠬᠠᠭᠰᠠᠨ ᠡᠪᠡᠰᠤ ᠨᠤᠭᠤᠭᠠᠨ ᠤ ᠰᠤᠶᠤᠭᠠᠯᠠᠯ ᠪᠤᠢ | ᠪᠤᠲᠤᠭᠤ ᠤᠨᠤᠵᠤ ᠲᠦᠷᠰᠦᠬᠦ᠋ᠢᠳᠡᠭᠰᠡᠨ ᠨᠠᠰᠤ᠂ ᠡᠮᠨᠢᠭ ᠨᠤᠮᠤᠬᠠᠷᠠᠭᠤᠯᠬᠤ ᠡᠷᠡ ᠪᠤᠯᠳᠠᠭ | ᠪᠤᠭᠤᠲᠠᠯ ᠲᠦᠯᠡᠭᠡ ᠡᠬᠦᠷᠦᠭᠡᠳ ᠢᠷᠡᠬᠦ ᠳᠤ ᠠᠪᠤ ᠡᠵᠢ ᠶᠢᠨ ᠬᠦᠭᠡᠷᠦᠬᠦ᠋ᠢᠯᠡᠯ ᠲᠤᠮᠤᠭᠠ ᠰᠠᠭᠤᠯᠭᠠᠳᠠᠭ | | | ᠲᠡᠮᠡᠭᠡᠨ ᠰᠦᠷᠦᠭ ᠤᠨ ᠵᠠᠬᠠ ᠳᠤ ᠬᠠᠪᠳᠠᠭᠠᠢ ᠶᠢᠨ ᠢᠩᠭᠡ ᠪᠤᠲᠤᠭᠤ ᠲᠠᠭᠠᠭᠤᠯᠤᠨ ᠵᠤᠨᠵᠢᠵᠤ | ᠲᠠᠯᠠ ᠶᠢᠨ ᠠᠭᠤᠳᠠᠮ ᠳᠤ ᠵᠡᠭᠡᠷᠡ ᠶᠢᠨ ᠢᠨᠵᠠᠭᠠ ᠮᠠᠯ ᠤᠨ ᠲᠤᠮᠳᠠ ᠴᠠᠬᠢᠯᠵᠤ | ᠠᠷᠭᠠᠯᠢ ᠶᠠᠩᠬᠢᠷ ᠤᠳ ᠬᠠᠳᠠ ᠲᠦᠷᠦᠭᠡᠯᠡᠨ ᠡᠵᠢ ᠰᠦ ᠪᠠᠨ ᠡᠷᠬᠦᠵᠦ | ᠠᠵᠠ ᠶᠢᠨ ᠰᠠᠶᠢᠬᠠᠨ ᠨᠤᠲᠤᠭ ᠲᠤ ᠦᠷᠡ ᠰᠡᠳᠬᠢᠯ ᠮᠢᠨᠢ ᠶᠠᠭᠠᠷᠠᠳᠠᠭ | | | ᠨᠤᠲᠤᠭ ᠤᠨ ᠨᠠᠮᠤᠷ ᠢᠷᠡᠬᠦ ᠠᠴᠠ ᠡᠮᠦᠨᠡ ᠬᠤᠶᠠᠷ ᠪᠤᠭᠤᠷᠤᠯ ᠳᠤ ᠪᠠᠨ ᠤᠴᠢᠵᠤ ᠵᠤᠯᠭᠠᠶᠠ | ᠨᠢᠲᠤᠨ ᠨᠠᠭᠤᠷ ᠲᠤ ᠨᠢ ᠵᠢᠭᠠᠰᠤ ᠵᠢᠷᠠᠭᠠᠬᠠᠢ ᠮᠡᠲᠦ ᠬᠤᠪᠢᠯᠤᠨ ᠵᠢᠷᠭᠠᠶᠠ | ᠨᠢᠰᠦᠭᠡᠳ ᠦᠩᠭᠡᠷᠡᠬᠦ ᠰᠢᠪᠠᠭᠤᠳ ᠤᠨ ᠵᠢᠷᠭᠢᠬᠦ ᠲᠠᠭᠤᠨ ᠢᠶᠠᠷ ᠤᠶᠠᠰᠴᠤ | ᠨᠢᠯᠪᠤᠰᠤᠨ ᠲᠤᠮᠳᠠ ᠪᠠᠨ ᠭᠤᠭᠴᠤᠭᠠᠷᠠᠵᠤ ᠬᠠᠷᠠᠭᠳᠠᠬᠤ ᠨᠤᠲᠤᠭ ᠤᠨ ᠮᠢᠨᠢ ᠪᠡᠷᠡ | | | ᠪᠢ ᠡᠵᠡᠨ ᠨᠢ ᠪᠠᠶᠢᠳᠠᠯᠠ ᠪᠠᠨ ᠪᠢᠰᠢ ᠶᠤᠮ ᠰᠢᠭ ᠭᠠᠭᠴᠠᠭᠠᠷᠳᠠᠯ | ᠨᠤᠲᠤᠭ ᠮᠢᠨᠢ ᠨᠠᠳᠠᠳᠤ ᠭᠤᠮᠤᠳᠠᠨ ᠵᠠᠬᠦᠲᠤᠯᠠᠵᠤ ᠪᠠᠶᠢᠭᠠ ᠪᠤᠯᠪᠠ ᠤᠤ | ᠬᠤᠪᠢ ᠲᠠᠢ ᠲᠡᠭᠡᠲᠦᠰ ᠤᠨ ᠦᠪ ᠬᠦᠷᠦᠩᠭᠡ ᠪᠠᠶᠢᠳᠠᠯᠠ ᠪᠠᠨ ᠲᠡᠨᠤᠯ ᠠ | ᠬᠤᠳᠠ ᠤᠷᠤᠭᠤ ᠬᠦᠯᠯᠡᠵᠤ ᠵᠤᠪᠠᠯᠠᠩ ᠡᠷᠢᠬᠦ ᠨᠢ ᠶᠠᠮᠠᠷ ᠦᠢᠯᠡ ᠪᠤᠯᠪᠠ ᠤᠤ | | | ᠲᠡᠮᠡᠭᠡ ᠲᠠᠢ ᠭᠤᠪᠢ ᠰᠤᠯᠤᠩᠭᠠ ᠲᠠᠳᠠᠭᠰᠠᠨ ᠲᠡᠭᠷᠢ ᠶᠢᠨ ᠵᠢᠷᠤᠭ | ᠲᠡᠭᠦᠨ ᠢ ᠵᠢᠷᠤᠬᠤ ᠬᠡᠵᠤ ᠪᠢ ᠮᠠᠯᠴᠢᠨ ᠪᠤᠯᠤᠭᠰᠠᠨ | ᠰᠢᠪᠠᠭᠤ ᠦᠭᠡᠢ ᠨᠠᠭᠤᠷ ᠤᠨ ᠭᠠᠭᠴᠠᠭᠠᠷᠳᠠᠯ ᠢ ᠭᠤᠨᠢᠵᠤ ᠪᠢ ᠪᠢᠴᠢᠬᠦ ᠦᠭᠡᠢ | ᠰᠢᠮᠰᠢᠷᠡᠬᠦ ᠠᠶᠠᠰ ᠲᠠᠢ ᠲᠠᠭᠤᠣ ᠶᠢ ᠵᠤᠬᠢᠶᠠᠵᠤ ᠪᠢ ᠠᠶᠠᠯᠬᠤ ᠦᠭᠡᠢ | | | ᠮᠢᠨᠤ ᠨᠤᠲᠤᠭ ᠮᠣᠩᠭᠤᠯ ᠤᠨ ᠰᠠᠶᠢᠬᠠᠨ ᠤᠷᠤᠨ | ᠮᠢᠨᠤ ᠨᠤᠲᠤᠭ ᠤᠷᠲᠦ ᠶᠢᠨ ᠲᠠᠭᠤᠣ᠂ ᠮᠤᠷᠢᠨ ᠬᠤᠭᠤᠷ ᠰᠢᠬ ᠡᠬᠦᠰᠦᠯ | ᠮᠢᠨᠤ ᠨᠤᠲᠤᠭ ᠵᠢᠷᠦᠭᠡᠨ ᠠᠴᠠ ᠲᠠᠳᠠᠭᠰᠠᠨ ᠰᠢᠮᠫᠤᠨᠢ | ᠮᠢᠨᠤ ᠨᠤᠲᠤᠭ ᠦᠬᠦᠳᠡᠯᠡ ᠪᠠᠨ ᠤᠷᠤᠰᠢᠬᠤ ᠤᠷᠤᠢ ᠶᠢᠨ ᠴᠢᠮᠡᠭ ᠳ᠋ᠧᠪᠠᠵᠢᠨ | | | ᠵᠣᠬᠢᠶᠠᠭᠴᠢ᠄ ᠪᠠ᠊ · ᠢᠷᠦᠭᠡᠯᠲᠦ | | |