| | ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠯᠳᠠᠨᠴᠤᠭ ᠨᠤᠳᠤᠬ ᠤᠨ ᠶᠤᠨᠳᠤᠨᠽᠤᠮᠪᠠ ᠶᠢᠨ ᠪᠤᠯᠤᠳ ᠠᠴᠠ | ᠴᠢᠩᠭᠢᠰ ᠤᠨ ᠠᠯᠳᠠᠨ ᠳᠡᠪᠰᠢ ᠶᠢᠨ ᠳᠣᠮᠤᠭ ᠢ ᠪᠢᠳᠠᠨ ᠳᠤ ᠬᠠᠭᠤᠴᠢᠯᠠᠵᠤ᠂ ᠣᠳᠣ ᠶᠢᠨ ᠠᠯᠳᠠᠨ ᠳᠡᠪᠰᠢ ᠳᠤ | ᠰᠠᠭᠤᠭᠠ ᠮᠤᠩᠭᠤᠯᠴᠣᠳ ᠤᠨ ᠳᠡᠭᠡᠳᠦᠬᠦᠯ ᠤᠨ ᠢᠷᠡᠯ ᠭᠠᠷᠤᠯ ᠤᠨ ᠲᠤᠬᠠᠢ ᠡᠶᠢᠨᠬᠦ ᠶᠠᠷᠢᠵᠤ ᠪᠢᠯᠡ᠃ | ᠁ ᠴᠢᠩᠬᠢᠰ ᠤᠨ ᠠᠯᠳᠠᠨ ᠳᠡᠪᠰᠢ ᠶᠢᠨ ᠳᠣᠮᠤᠭ ᠢ ᠮᠠᠨ ᠤ ᠳᠡᠭᠡᠳᠦᠬᠦᠯ ᠠᠴᠠ ᠠᠯᠢ ᠡᠷᠳᠡ ᠠᠴᠠ | ᠶᠠᠷᠢᠭᠰᠠᠭᠠᠷ ᠣᠳᠣ ᠪᠤᠯᠵᠡᠢ᠂ 1226 ᠣᠨ ᠤ ᠣᠷᠴᠢᠮ ᠪᠣᠭᠳᠠ ᠴᠢᠩᠬᠢᠰ ᠠᠯᠳᠠᠨ ᠳᠡᠪᠰᠢ ᠪᠠᠷ ᠦᠩᠭᠡᠷᠡᠵᠤ᠂ | ᠪᠠᠷᠠᠭᠤᠨ ᠳᠠᠩᠭᠤᠳ ᠢ ᠳᠠᠶᠢᠯᠠᠬᠤ ᠭᠡᠳ ᠡ᠊ᠨᠳᠡ ᠢᠷᠡᠭᠡᠳ ᠴᠡᠷᠢᠭ ᠮᠤᠷᠢ ᠪᠠᠨ ᠠᠮᠠᠷᠠᠭᠠᠯᠠ ᠭᠡᠳᠡᠭ᠃ ᠴᠡᠷᠢᠭ | ᠮᠤᠷᠢ ᠪᠠᠨ ᠠᠮᠠᠷᠠᠭᠠᠵᠤ ᠬᠤᠶᠢᠰᠢ ᠪᠠᠨ ᠳᠠᠶᠢᠯᠠᠬᠤ ᠭᠡᠬᠦ ᠳᠤ ᠬᠠᠷᠠ ᠭᠤᠤᠯ ᠦᠶᠡᠷᠯᠡᠭᠡᠳ ᠭᠠᠳᠣᠯᠬᠤ ᠳᠤ ᠲᠦᠪᠡᠭᠳᠡᠢ | ᠪᠤᠯᠵᠤ᠂ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠬᠢᠬᠦ ᠳᠤ ᠨᠦᠬᠦᠴᠡᠯ ᠪᠦᠷᠢᠳᠦᠭᠰᠡᠨ ᠦᠭᠡᠢ᠂ ᠲᠡᠷᠡ ᠦᠶᠡ ᠳᠤ ᠶᠠᠭ ᠵᠤᠨ ᠤ ᠴᠠᠭ | ᠪᠠᠶᠢᠭᠰᠠᠨ᠃ ᠳᠡᠭᠡᠭᠡᠳ ᠬᠠᠷᠠ ᠭᠤᠤᠯ ᠬᠦᠯᠳᠠᠵᠤ ᠮᠦᠰᠦᠵᠢᠬᠦ ᠶᠢ ᠬᠦᠯᠢᠶᠡᠭᠡᠳ ᠡ᠊ᠨᠳᠡ ᠠᠮᠠᠷᠠᠵᠤ ᠪᠠᠶᠢᠭᠰᠠᠨ | ᠭᠡᠳᠡᠭ᠃ ᠵᠣᠰᠠᠵᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠠᠩ ᠬᠦᠷᠦᠭᠡ ᠬᠢᠳᠡᠭ ᠪᠠᠶᠢᠵᠡᠢ᠂ ᠡ᠊ᠨᠳᠡ ᠠᠴᠠ ᠪᠠᠷᠠᠭᠤᠨ | ᠴᠠᠰᠣᠳᠣ ᠶᠢᠨ ᠴᠢ ᠯᠢᠶᠠᠨ ᠱᠠᠨ ᠤ ᠬᠤᠷᠮᠦᠢ ᠪᠠᠷ ᠶᠠᠪᠤᠵᠤ᠂ ᠬᠦᠷᠴᠣ ᠪᠤᠯᠬᠤ ᠭᠠᠵᠠᠷ ᠢᠶᠠᠷ ᠪᠦᠬᠦᠳᠡ ᠶᠢ ᠶᠠᠪᠤᠵᠤ | ᠪᠤᠭᠤ ᠰᠤᠭᠤ ᠨᠠᠮᠨᠠᠨ᠂ ᠠᠩ ᠬᠦᠷᠦᠭᠡ ᠬᠢᠵᠤ ᠪᠠᠶᠢᠯᠠ ᠭᠡᠵᠤ ᠶᠠᠷᠢᠭᠳᠠᠳᠠᠭ᠃ ᠡᠪᠤᠯ ᠪᠤᠯᠵᠤ ᠭᠠᠵᠠᠷ ᠬᠦᠯᠳᠡᠬᠦ ᠳᠤ | ᠪᠠᠷᠠᠭᠤᠨ ᠰᠢᠶᠠ ᠣᠯᠣᠰ ᠢ ᠳᠠᠶᠢᠯᠠᠬᠤ ᠪᠠᠷ ᠶᠠᠪᠤᠵᠤ᠂ ᠪᠠᠷᠠᠭᠤᠨ ᠰᠢᠶᠠ ᠳᠠᠬᠢ ᠰᠠᠭᠠᠳ ᠤᠨ ᠭᠠᠵᠠᠷ ᠢ ᠡᠵᠡᠯᠡᠵᠡᠢ᠃ | ᠠᠯᠳᠠᠨ ᠳᠡᠪᠰᠢ ᠶᠢᠨ ᠣᠷᠦᠢ ᠳᠡᠭᠡᠷᠡ ᠴᠢᠩᠭᠢᠰ ᠬᠠᠭᠠᠨ ᠶᠠᠭ ᠠᠯᠳᠠᠨ ᠳᠡᠪᠰᠢ ᠭᠡᠬᠦ ᠴᠢᠯᠠᠭᠤᠨ ᠤ ᠳᠡᠨᠳᠡ | ᠳᠡᠭᠷᠢ ᠪᠠᠨ ᠳᠠᠬᠢᠭᠠᠳ ᠳᠠᠶᠢᠨ ᠳᠠᠭᠠᠨ ᠮᠣᠷᠳᠠᠵᠡᠢ᠃ ᠨᠢᠭᠡᠳᠣᠭᠡᠷ ᠣᠳᠠᠭᠠ ᠬᠤᠶᠢᠰᠢ ᠪᠠᠨ ᠳᠠᠶᠢᠯᠠᠬᠤ ᠪᠠᠷ | ᠶᠠᠪᠤᠬᠤ ᠳᠤ ᠬᠠᠷᠠ ᠭᠤᠤᠯ ᠦᠶᠡᠷᠯᠡᠭᠡᠳ ᠭᠤᠤᠯ ᠭᠠᠳᠣᠯᠵᠣ ᠴᠢᠳᠠᠭᠰᠠᠨ ᠦᠭᠡᠢ᠂ ᠠᠯᠳᠠᠨ ᠳᠡᠪᠰᠢ ᠳᠤ ᠪᠣᠴᠠᠵᠤ | ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠮᠡᠷᠭᠡᠨ ᠵᠢᠷᠤᠬᠠᠢ ᠲᠦᠯᠭᠡᠴᠢ ᠪᠠᠷ ᠦᠵᠡᠬᠦᠯᠦᠭᠰᠡᠨ ᠳᠤ ᠭᠠᠵᠠᠷ ᠬᠦᠨᠳᠡᠭᠳᠡᠵᠤ ᠨᠣᠳᠤᠭ ᠤᠨ | ᠰᠠᠬᠢᠭᠤᠰᠣ ᠳᠣᠭᠰᠢᠷᠠᠵᠡᠢ ᠭᠡᠵᠤ ᠭᠡᠨᠠ᠃ ᠶᠠᠭ ᠡ᠊ᠨᠳᠡ ᠳᠠᠪᠤᠨ ᠳᠣᠯᠣᠭᠠᠢ ᠶᠢᠨ ᠬᠦᠪᠴᠢ ᠭᠡᠳᠡᠭ ᠭᠠᠵᠠᠷ ᠪᠠᠶᠢᠳᠠᠭ᠂ | ᠱᠠᠰᠢᠨ ᠤ ᠳᠠᠯᠠ ᠪᠠᠷ ᠬᠡᠯᠡᠪᠡᠯ ᠳᠠᠪᠤᠨ ᠬᠠᠭᠠᠨ ᠰᠢᠭ᠋ ᠳᠠᠪᠤᠨ ᠳᠣᠯᠣᠭᠠᠢ ᠪᠤᠢ᠂ ᠠᠯᠠᠭ ᠠᠭᠤᠯᠠ ᠠᠯᠳᠠᠨ | ᠳᠡᠪᠰᠢ ᠶᠢᠨ ᠭᠤᠤᠯ ᠳᠤ ᠳᠠᠪᠤᠨ ᠳᠣᠯᠣᠭᠠᠢ ᠶᠢᠨ ᠬᠦᠪᠴᠢ ᠶᠢᠨ ᠣᠪᠣᠭᠠ ᠭᠡᠵᠤ ᠪᠠᠶᠢᠳᠠᠭ᠃ ᠡᠨᠡ ᠣᠪᠣᠭᠠ ᠨᠢ | ᠪᠠᠰᠠ ᠳᠠᠬᠢᠯᠭᠠ ᠶᠢᠨ ᠣᠪᠣᠭᠠ ᠪᠠᠶᠢᠵᠤ᠂ ᠣᠪᠣᠭᠠᠨ ᠤ ᠣᠷᠣᠨ ᠳᠡᠭᠡᠷᠡ ᠭᠡᠣᠭᠡᠳ ᠤᠨ ᠨᠠᠭᠠᠳᠣᠮ ᠤᠨ ᠴᠢᠯᠠᠭᠤ | ᠪᠠᠶᠢᠭᠰᠠᠨ᠂ ᠡᠶᠢᠮᠤ ᠴᠢᠯᠠᠭᠤ ᠶᠢ ᠴᠡᠷᠢᠭ ᠬᠦᠮᠦᠨ ᠨᠤᠷᠠᠭᠠᠭᠰᠠᠨ ᠶᠤᠮ ᠤᠤ᠂ ᠲᠡᠬᠦᠨ ᠢ ᠬᠦᠯ ᠢᠶᠠᠷ ᠢᠶᠠᠨ ᠵᠢᠭᠠᠬᠠᠨ | ᠬᠦᠨᠳᠡᠭᠰᠡᠨ ᠶᠤᠮ ᠤᠤ᠂ ᠳᠡᠭᠡᠭᠡᠳ ᠲᠦᠯᠭᠡᠴᠢ ᠠᠴᠠ ᠳᠠᠪᠣᠨ ᠬᠠᠭᠠᠨ ᠤ ᠭᠠᠵᠠᠷ ᠳᠣᠭᠰᠢᠷᠠᠵᠡᠢ᠂ ᠡᠨᠡ ᠭᠠᠵᠠᠷ ᠢ | ᠳᠠᠬᠢᠴᠢᠬᠠᠭᠠᠳ ᠶᠠᠪᠤᠪᠠᠯ ᠰᠠᠶᠢᠨ ᠪᠤᠯᠬᠤ ᠪᠤᠢ ᠭᠡᠵᠡᠢ᠃ ᠶᠠᠭ ᠳᠡᠨᠳᠡ ᠨᠢ ᠳᠦᠷᠪᠡᠯᠵᠢᠨ ᠴᠢᠯᠠᠭᠤ ᠲᠠᠢ᠂ ᠲᠡᠷᠡ | ᠴᠢᠯᠠᠭᠤᠨ ᠳᠡᠭᠡᠷᠡ ᠴᠢᠩᠭᠢᠰ ᠬᠠᠭᠠᠨ ᠦᠪᠡᠷ ᠢᠶᠠᠨ ᠰᠠᠭᠤᠯᠠ ᠭᠡᠵᠤ ᠶᠠᠷᠢᠳᠠᠭ᠂ ᠦᠨᠡᠨ ᠡᠰᠡᠬᠦ ᠶᠢ ᠮᠡᠳᠡᠬᠦ ᠦᠭᠡᠢ᠂ | ᠲᠡᠷᠡ ᠪᠤᠯ ᠳᠣᠮᠤᠭ ᠶᠤᠮ ᠰᠢᠣ᠃ ᠰᠠᠭᠤᠭᠰᠠᠨ ᠣᠷᠣᠮ ᠳᠡᠭᠡᠷᠡ ᠨᠢ ᠵᠢᠭᠠᠬᠠᠨ ᠣᠪᠣᠭᠠ ᠪᠣᠰᠬᠠᠭᠠᠳ ᠣᠪᠣᠭᠠᠨ | ᠳᠡᠭᠡᠷᠡ ᠨᠢ ᠰᠠᠩ ᠳᠠᠯᠪᠢᠭᠠᠳ ᠪᠠᠷᠠᠭᠤᠨᠰᠢ ᠪᠠᠨ ᠮᠣᠷᠳᠠᠯᠠ ᠭᠡᠳᠡᠭ᠃ ᠢᠩᠭᠢᠵᠣ ᠬᠤᠶᠠᠳᠠᠬᠢ ᠣᠳᠠᠭᠠ ᠪᠠᠨ | ᠮᠣᠷᠳᠠᠵᠣ ᠪᠠᠷᠠᠭᠤᠨ ᠰᠢᠶᠠ ᠶᠢ ᠡᠵᠡᠯᠡᠭᠰᠡᠨ ᠭᠡᠳᠡᠭ᠃ ᠠᠯᠳᠠᠨ ᠳᠡᠪᠰᠢ ᠡᠶᠢᠮᠤ ᠯᠠ ᠳᠣᠮᠤᠭ ᠲᠠᠢ᠂ ᠲᠡᠬᠦᠨ ᠠᠴᠠ | ᠬᠤᠶᠢᠰᠢ ᠡᠨᠡ ᠨᠣᠳᠤᠭ ᠲᠤ ᠮᠣᠩᠭᠤᠯ ᠬᠦᠮᠦᠨ ᠲᠡᠶᠢᠮᠤ ᠣᠯᠠᠨ ᠰᠠᠭᠤᠷᠢᠰᠢᠭᠰᠠᠨ ᠦᠭᠡᠢ᠂ ᠳᠡᠷᠡ ᠦᠶᠡ ᠳᠤ ᠡᠨᠡ | ᠨᠣᠳᠤᠭ ᠶᠡᠭᠡ ᠵᠡᠯᠢᠬᠦᠳ ᠬᠠᠩᠭᠠᠢ᠂ ᠤᠩᠭᠤᠨ ᠨᠣᠳᠤᠭ ᠢᠶᠠᠷ ᠢᠶᠠᠨ ᠪᠠᠶᠢᠭᠰᠠᠨ ᠠᠵᠢ᠃ | 1902 ᠣᠨ ᠠᠴᠠ 1905 ᠣᠨ ᠤ ᠬᠤᠭᠤᠷᠣᠨᠳᠣ ᠬᠤᠶᠢᠳᠣ ᠬᠠᠯᠬᠠ ᠶᠢᠨ ᠪᠠᠷᠠᠭᠤᠨ ᠳᠠᠯᠠ ᠶᠢᠨ ᠠᠯᠳᠠᠢ | ᠂ ᠭᠤᠪᠢ ᠠᠯᠳᠠᠢ ᠶᠢᠨ ᠤᠯᠠᠨ ᠬᠤᠰᠢᠭᠤ ᠭᠠᠵᠠᠷ ᠠᠴᠠ ᠣᠯᠠᠨ ᠠᠷᠠᠳ ᠨᠡᠬᠦᠵᠤ ᠣᠷᠣᠵᠣ ᠢᠷᠡᠭᠰᠡᠨ ᠭᠡᠳᠡᠭ ᠃ | ᠡᠨᠡ ᠨᠢ ᠶᠠᠭᠤᠨ ᠠᠴᠠ ᠪᠤᠯᠤᠬᠰᠠᠨ ᠪᠤᠢ ᠭᠡᠪᠡᠯ ᠲᠤᠬᠠᠢ ᠶᠢᠨ ᠥᠶᠠ ᠳᠤ ᠪᠠᠶᠠᠴᠣᠳ ᠦᠨᠳᠦᠷ ᠬᠦᠣ ᠲᠠᠢ ᠵᠢᠭᠡᠯᠡᠯᠭᠡ | ᠬᠢᠵᠤ ᠪᠠᠶᠢᠭᠰᠠᠨ᠂ ᠳᠡᠭᠡᠬᠦ ᠳᠡᠭᠡᠨ ᠪᠠᠶᠠᠨ ᠣᠯᠣᠰ ᠠᠴᠠ ᠲᠡᠷᠡ ᠦᠨᠳᠦᠷ ᠬᠦᠣ ᠲᠠᠢ ᠵᠢᠭᠡᠯᠡᠯᠭᠡ ᠲᠦᠯᠦᠬᠦᠯᠬᠦ ᠭᠡᠳ | ᠭᠠᠶᠢᠯᠢ ᠶᠡᠭᠡ ᠳᠠᠳᠠᠳᠠᠭ ᠪᠠᠶᠢᠭᠰᠠᠨ ᠪᠠᠶᠢᠯᠠ᠃ ᠲᠡᠬᠦᠨ ᠠᠴᠠ ᠨᠢ ᠳᠣᠳᠠᠭᠠᠬᠤ ᠭᠡᠳ ᠨᠢᠭᠡ ᠭᠡᠰᠡᠭ ᠪᠠᠶᠠᠨ | ᠬᠦᠮᠦᠰ ᠬᠠᠮᠤᠭ ᠤᠨ ᠲᠡᠷᠢᠬᠦᠨ ᠳᠤ ᠨᠡᠬᠦᠳᠡᠯᠯᠡᠭᠰᠡᠭᠡᠷ ᠪᠠᠶᠢᠵᠤ ᠡ᠊ᠨᠳᠡ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠬᠦᠮᠦᠰ ᠤᠨ | ᠳᠣᠳᠣᠷᠠ ᠮᠠᠨ ᠤ ᠪᠣᠭᠤᠷᠣᠯ ᠠᠪᠤ ᠪᠠᠶᠠᠨ ᠪᠠᠮᠪᠤᠷ ᠭᠡᠳᠡᠭ ᠬᠦᠮᠦᠨ ᠪᠠᠰᠠ ᠠᠳᠡ ᠨᠡᠬᠦᠵᠤ ᠢᠷᠡᠭᠰᠡᠨ ᠶᠤᠮ᠂ ᠡᠨᠡ | ᠪᠤᠯ ᠪᠣᠳᠠᠳᠠᠢ ᠣᠴᠢᠷ ᠰᠢᠣ᠃ 1902 ᠣᠨ ᠳᠤ᠂ ᠮᠢᠩᠭᠠᠨ ᠳᠡᠮᠡᠭᠡ ᠲᠠᠢ᠂ ᠳᠠᠪᠤᠨ ᠵᠠᠭᠤᠨ ᠰᠠᠷᠯᠤᠭ ᠲᠠᠢ᠂ | ᠬᠤᠶᠠᠷ ᠮᠢᠩᠭᠠᠨ ᠬᠤᠨᠢ ᠲᠠᠢ ᠴᠦᠭᠡᠭᠡᠨ ᠭᠡᠳᠣᠨ ᠠᠶᠢᠯ ᠨᠡᠬᠦᠵᠤ ᠢᠷᠡᠭᠰᠡᠨ᠃ ᠲᠡᠷᠡ ᠦᠶᠡ ᠳᠤ ᠠᠯᠳᠠᠨ | ᠳᠡᠪᠰᠢ ᠳᠤ ᠢᠷᠡᠬᠦ ᠳᠤ᠂ ᠠᠶᠢᠯ ᠠᠮᠢᠳᠠᠨ ᠭᠡᠳ ᠣᠯᠠᠨ ᠪᠠᠶᠢᠬᠤ ᠦᠭᠡᠢ᠂ ᠬᠤᠨᠢ ᠢᠮᠠᠭᠠ ᠪᠦᠷ ᠵᠡᠷᠯᠢᠭᠰᠢᠵᠤ᠂ | ᠨᠣᠣᠰᠣ ᠨᠢ ᠪᠦᠷ ᠰᠢᠷᠢᠳᠡᠭ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠵᠡᠷᠭᠡᠯᠡᠳᠡᠭᠡ ᠪᠠᠶᠢᠭᠠ ᠭᠠᠨᠰᠣ ᠮᠣᠵᠢ ᠶᠢᠨ ᠵᠠᠩ ᠶᠧ᠂ ᠱᠠᠨ | ᠳ᠋ᠠᠨ ᠤ ᠬᠢᠳᠠᠳ ᠤᠨ ᠤᠯᠠ ᠮᠦᠷ ᠪᠠᠰᠠ ᠪᠠᠶᠢᠯᠠ ᠭᠡᠳᠡᠭ᠂ ᠳᠡᠳᠡᠭᠡᠷ ᠬᠦᠮᠦᠰ ᠤᠨ ᠣᠳᠣᠷ ᠤᠨ ᠬᠠᠰᠢᠶᠡ ᠴᠦ | ᠪᠠᠶᠢᠭᠰᠠᠨ ︵ᠣᠳᠣ ᠪᠠᠷ ᠭᠡᠯᠡᠪᠡᠯ ᠴᠢᠯᠠᠭᠤᠨ ᠶᠣᠣᠳᠠᠩ︶ ᠭᠡᠵᠤ ᠶᠠᠷᠢᠭᠳᠠᠳᠠᠭ᠃ | ᠬᠤᠷᠢᠨ ᠭᠡᠳᠣᠨ ᠵᠢᠯ ᠤᠨ ᠳᠠᠷᠠᠭᠠ᠂ ᠮᠤᠩᠭᠤᠯ ᠤᠨ ᠬᠤᠪᠢᠰᠬᠠᠯ ᠤᠨ ᠦᠶᠡ ᠪᠠᠷ ︵1930 ᠣᠨ᠂ | 1931 ᠣᠨ ᠤ ᠦᠶᠡ ᠪᠠᠷ︶ ᠪᠠᠰᠠ ᠨᠢᠭᠡ ᠣᠳᠠᠭᠠᠨ ᠤ ᠮᠤᠩᠭᠤᠯ ᠣᠯᠣᠰ ᠤᠨ ᠠᠷᠠᠳ ᠤᠯᠠᠨ ᠤ ᠶᠡᠭᠡ ᠨᠡᠬᠦᠳᠡᠯ | ᠪᠤᠯᠵᠡᠢ᠃ ᠳᠡᠳᠡᠭᠡᠷ ᠬᠦᠮᠦᠰ ᠪᠠᠷᠬᠦ᠋ᠯ ᠢᠶᠠᠷ ᠳᠠᠮᠵᠢᠭᠠᠳ ᠦᠵᠦᠮ ᠤᠨ ᠠᠭᠤᠯᠠ ᠪᠠᠷ ᠭᠠᠷᠴᠣ᠂ ᠭᠠᠨᠰᠣ ᠶᠢᠨ | ᠰᠦᠪᠸᠢ ᠶᠢᠨ ᠵᠠᠷᠢᠮ ᠭᠠᠵᠠᠷ ᠢᠶᠠᠷ ᠶᠠᠪᠤᠵᠤ᠂ ᠵᠠᠷᠢᠮ ᠨᠢ ᠬᠦᠭᠡᠨᠠᠭᠤᠷ ᠤᠨ ᠬᠦᠪᠡᠭᠡᠨ ᠳᠤ ᠣᠴᠢᠭᠠᠳ ᠳᠠᠬᠢᠨ | ᠰᠦᠪᠸᠢ ᠶᠢᠨ ᠮᠠᠼᠦ᠋ᠩᠱᠠᠨ ᠢᠶᠠᠷ ᠳᠠᠮᠵᠢᠨ᠂ ᠢᠩᠭᠢᠵᠣ ᠨᠠᠰᠢ ᠨᠢ ᠶᠠᠪᠤᠭᠰᠠᠭᠠᠷ ᠪᠠᠶᠢᠭᠠᠳ ᠪᠠᠷᠠᠭᠤᠨ ᠴᠠᠰᠣᠳᠣ ᠶᠢᠨ | ᠭᠠᠨᠰᠣ ᠶᠢᠨ ᠰᠦᠨᠡᠨ ᠰᠢᠶᠡᠨ ᠤ ᠪᠠᠢ ᠶᠢᠨ ᠱᠠᠨ ᠢᠶᠠᠷ ᠳᠠᠮᠵᠢᠭᠠᠳ ᠠᠯᠠᠭ ᠠᠭᠤᠯᠠ ᠠᠯᠳᠠᠨ ᠳᠡᠪᠰᠢ ᠳᠤ ᠭᠠᠷᠴᠣ | ᠢᠷᠡᠭᠰᠡᠨ ᠭᠡᠳᠡᠭ᠃ ᠮᠠᠨ ᠤ ᠨᠣᠳᠤᠭ ᠤᠨ ᠶᠡᠭᠡᠩᠭᠢ ᠬᠦᠮᠦᠨ ᠤ ᠳᠡᠭᠡᠳᠦᠬᠦᠯ ᠨᠢ ᠢᠩᠭᠢᠵᠤ ᠨᠡᠬᠦᠵᠤ ᠡ᠊ᠨᠳᠡ ᠢᠷᠡᠨ | ᠰᠠᠭᠤᠷᠢᠰᠢᠭᠰᠠᠨ ᠪᠠᠶᠢᠨᠠ᠃ ᠠᠯᠳᠠᠨᠴᠤᠭ ᠲᠤ ᠭᠤᠤᠯ ᠨᠢ ᠬᠠᠯᠬᠠ ᠬᠦᠮᠦᠰ ᠪᠠᠶᠢᠵᠤ᠂ ᠳᠡᠳᠡ ᠡ᠊ᠨᠳᠡ | ᠢᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠴᠢᠩᠭᠢᠰ ᠤᠨ ᠠᠯᠳᠠᠨ ᠳᠡᠪᠰᠢ ᠶᠢᠨ ᠣᠪᠣᠭᠠ ᠶᠢ ᠳᠠᠬᠢᠭᠰᠠᠭᠠᠷ ᠣᠳᠣ ᠪᠣᠯᠣᠭᠰᠠᠨ᠂ ᠡᠨᠡ | ᠣᠪᠣᠭᠠ ᠶᠢ ᠳᠠᠬᠢᠬᠤ ᠡᠳᠣᠷ ᠨᠢ ᠨᠢᠭᠡᠨᠳᠡ ᠬᠡᠪᠰᠢᠵᠤ᠂ ᠪᠤᠶᠠᠨᠳᠣ ᠰᠠᠷᠠ ︵ᠬᠠᠭᠤᠴᠢᠨ ᠤ ᠳᠦᠷᠪᠡᠨ ᠰᠠᠷᠠ ᠶᠢᠨ | ᠬᠤᠷᠢᠨ ᠭᠤᠷᠪᠠᠨ︶ ᠳᠤ ᠳᠠᠬᠢᠳᠠᠭ᠃ ᠡᠨᠡ ᠨᠣᠳᠤᠭ ᠤᠨ ᠬᠦᠮᠦᠰ ᠴᠢᠩᠭᠢᠰ ᠤᠨ ᠠᠯᠳᠠᠨ ᠳᠡᠪᠰᠢ ᠶᠢᠨ | ᠣᠪᠣᠭᠠ ᠪᠠᠨ ᠳᠠᠬᠢᠭᠠᠳ ᠨᠢᠭᠡᠨᠳᠡ ᠨᠠᠶᠠ ᠭᠠᠷᠦᠢ ᠵᠢᠯ ᠶᠢ ᠦᠩᠭᠡᠷᠡᠬᠦᠯᠵᠤ ᠢᠷᠡᠭᠰᠡᠨ ᠪᠠᠶᠢᠨᠠ᠂ ᠳᠡᠳᠡ ᠣᠳᠣ | ᠪᠣᠯᠳᠠᠯᠠ ᠠᠯᠳᠠᠨ ᠳᠡᠪᠰᠢ ᠶᠢᠨ ᠰᠣᠶᠣᠯ ᠣᠯᠠᠮᠵᠢᠯᠠᠯ ᠢᠶᠠᠨ ᠣᠷᠬᠢᠭᠳᠠᠯ ᠦᠭᠡᠢ ᠪᠠᠷ ᠣᠯᠠᠮᠵᠢᠯᠠᠭᠰᠠᠭᠠᠷ ᠪᠠᠶᠢᠨᠠ ᠁ | ᠭᠡᠵᠤ ᠪᠤᠯᠤᠳ ᠭᠤᠸᠠᠢ ᠤᠯᠠᠨ ᠢ ᠤᠴᠢᠷᠯᠠᠵᠤ ᠬᠠᠭᠤᠴᠢ ᠬᠥᠭᠡᠷᠤᠯᠠ᠃ |