| | ᠬᠠᠷᠠ ᠯᠠᠮᠠ ᠳ᠋ᠠᠮᠪᠢᠵᠠᠯᠰᠠᠨ ᠪᠣᠯ ᠣᠷᠣᠰ ᠤᠨ ᠠᠰᠲᠷᠠᠬᠠᠨ ᠳᠤ ᠳᠦᠷᠦᠭᠰᠡᠨ ᠬᠠᠯᠢᠮᠠᠭ ᠮᠣᠩᠭᠤᠯ ᠤᠨ | ᠳᠦᠷᠪᠡᠳ ᠠᠶᠢᠮᠠᠭ ᠤᠨ ᠬᠦᠮᠦᠨ ᠶᠣᠮ᠂ ᠠᠪᠤ ᠨᠢ ᠨᠣᠶᠠᠨ ᠤ ᠠᠳᠣᠭᠤᠴᠢᠨ ᠪᠠᠶᠢᠵᠠᠢ᠂ ᠨᠢᠬᠡ ᠣᠳᠠᠭᠠᠨ ᠤ | ᠨᠡᠭᠦᠳᠡᠯ ᠳᠤ ᠠᠳᠣᠭᠤ ᠪᠠᠨᠠᠯᠳᠠᠵᠣ ᠨᠣᠶᠠᠨ ᠳᠠᠭᠠᠨ ᠪᠣᠷᠣᠭᠤ ᠦᠵᠡᠭᠳᠡᠨ ᠬᠢᠨᠳᠡᠨ ᠳᠤ ᠣᠷᠣᠵᠣ ᠨᠠᠰᠣ ᠪᠠᠷᠠᠪᠠ᠃ | ᠳ᠋ᠠᠮᠪᠢᠵᠠᠯᠰᠠᠨ ᠤ ᠨᠢᠬᠡ ᠬᠡᠦᠬᠡᠨ ᠳᠡᠬᠦᠦ ᠪᠠ ᠬᠦᠦ ᠳᠡᠭᠦᠦ ᠶᠢ ᠨᠢ ᠨᠣᠶᠠᠨ ᠨᠢ ᠪᠡᠭᠡᠵᠢᠩ ᠤᠨ ᠮᠠᠨᠵᠣ ᠶᠢᠨ ᠬᠠᠭᠠᠨ ᠳᠤ | ᠬᠤᠳᠠᠯᠳᠣᠵᠣ᠂ ᠨᠢᠬᠡ ᠨᠢ ᠬᠠᠭᠠᠨ ᠤ ᠪᠣᠭᠤᠯ ᠪᠣᠯᠵᠣ᠂ ᠨᠦᠬᠦᠬᠡ ᠨᠢ ᠠᠷᠣ ᠶᠢᠨ ᠣᠷᠳᠣᠨ ᠤ ᠰᠢᠪᠡᠭᠴᠢᠨ ᠦᠬᠢᠨ | ᠪᠣᠯᠵᠠᠢ᠃ ᠦᠨᠦᠴᠢᠨ ᠬᠤᠴᠣᠷᠠᠭᠰᠠᠨ ᠳ᠋ᠠᠮᠪᠢᠵᠠᠯᠰᠠᠨ ᠳᠡᠨᠦᠬᠦᠴᠢᠯᠡᠯ ᠤᠨ ᠠᠮᠢᠳᠣᠷᠠᠯ ᠢᠶᠠᠨ ᠡᠬᠢᠯᠡᠬᠦᠯᠵᠦ᠂ ᠯᠠᠮᠠ ᠶᠢᠨ | ᠰᠠᠬᠢᠯ ᠠᠪᠣᠨ ᠪᠠᠳᠢᠷ ᠤᠨ ᠡᠬᠦᠷᠭᠡ ᠡᠭᠦᠷᠴᠦ ᠠᠮᠳᠣᠤ ᠳᠦᠪᠡᠳ ᠤᠨ ᠣᠷᠣᠨ ᠢ ᠵᠣᠷᠢᠭᠰᠠᠨ ᠪᠠᠶᠢᠨᠠ᠃ ᠳᠡᠨᠳᠡ | ᠬᠦᠷᠦᠭᠡᠳ ᠳᠠᠯᠠᠢ ᠯᠠᠮᠠ ᠳᠤ ᠱᠠᠪᠢᠯᠠᠨ ᠰᠠᠭᠤᠵᠣ ᠳᠦᠪᠡᠳ᠂ ᠰᠠᠨᠰᠺᠷᠢᠲ᠋ᠧ ᠬᠡᠯᠡ ᠰᠣᠷᠬᠤ ᠶᠢᠨ ᠬᠠᠮᠳᠣ᠂ | ᠪᠣᠷᠬᠠᠨ ᠤ ᠰᠣᠷᠭᠠᠯ ᠶᠣᠰᠣᠨ ᠳᠤ ᠬᠢᠴᠢᠶᠡᠵᠦ ᠠᠨᠠᠭᠠᠬᠤ ᠣᠬᠠᠭᠠᠨ ᠪᠠ ᠨᠢᠭᠤᠴᠠ ᠬᠦᠯᠭᠡᠨ ᠤ ᠪᠢᠰᠢᠯᠭᠠᠯ ᠳᠤ | ᠮᠡᠷᠭᠡᠰᠢᠵᠠᠢ᠃ ᠡᠬᠦᠨ ᠠᠴᠠ ᠳᠠᠷᠠᠭᠠ ᠡᠨᠡᠳᠭᠡᠭ ᠲᠤ ᠬᠦᠷᠴᠦ ᠪᠠᠳᠢᠷ ᠪᠠᠷᠢᠭᠴᠢ ᠳᠦᠢᠨ ᠤ ᠬᠡᠳᠦ᠋ᠢᠳᠦᠭᠰᠡᠨ | ᠡᠷᠳᠡᠮ ᠢ ᠰᠣᠷᠴᠣ ᠰᠢᠳᠢ ᠶᠢ ᠣᠯᠣᠭᠰᠠᠨ ᠭᠡᠨᠡ᠃ | ᠡᠷᠳᠡᠮᠳᠡᠳ ᠤᠨ ᠦᠵᠡᠬᠦ ᠪᠠᠷ᠂ ᠳ᠋ᠠᠮᠪᠢ ᠯᠠᠮᠠ 1899 ᠣᠨ ᠠᠴᠠ 1901 ᠣᠨ ᠪᠣᠯᠳᠠᠯᠠ ᠳᠦᠪᠡᠳ ᠲᠤ | ᠪᠠᠶᠢᠭᠰᠠᠨ ᠭᠡᠨᠡ᠃ ᠳᠦᠪᠡᠳ ᠠᠴᠠ ᠪᠣᠴᠠᠵᠣ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠠᠶᠢᠮᠠᠭ ᠣᠭᠰᠠᠭᠠ ᠪᠠᠨ ᠳᠠᠭᠠᠵᠣ᠂ ᠢᠵᠢᠯ | ᠮᠦᠷᠡᠨ ᠲᠠᠭᠠᠣ ᠳᠤ ᠨᠡᠭᠦᠳᠡᠯᠯᠡᠵᠦ ᠮᠠᠯᠵᠢᠵᠦ ᠪᠠᠶᠢᠬᠤ ᠳᠠᠭᠠᠨ ᠣᠷᠣᠰ ᠤᠨ ︽ᠬᠤᠶᠠᠳᠣᠭᠠᠷ ᠰᠠᠷᠠ ᠶᠢᠨ ᠨᠠᠮᠳᠠᠨ︾ ᠤ | ᠬᠦᠳᠡᠯᠭᠡᠭᠡᠨ ᠳᠤ ᠢᠳᠡᠪᠬᠢᠯᠡᠨ ᠣᠷᠣᠯᠴᠠᠭᠰᠠᠨ ᠠᠴᠠ ᠪᠣᠯᠵᠣ ᠪᠠᠷᠢᠪᠴᠢᠯᠠᠭᠳᠠᠨ ᠬᠢᠨᠳᠠᠨ ᠳᠤ ᠣᠷᠣᠵᠠᠢ᠃ | ᠰᠣᠯᠠᠯᠠᠭᠳᠠᠭᠰᠠᠨ ᠤ ᠳᠠᠷᠠᠭᠠ᠂ ᠳᠠᠷᠣᠢ ᠳᠡᠭᠡᠷᠡ ᠵᠠᠭᠤᠨ ᠤ ᠠᠷᠪᠠᠭᠠᠳ ᠣᠨ ᠤ ᠦᠶᠡ ᠪᠠᠷ ︽ᠬᠤᠶᠠᠷᠬᠠᠨ ᠳᠡᠮᠡᠭᠡ︾ | ᠬᠦᠳᠦᠯᠵᠦ ᠰᠢᠨᠵᠢᠶᠠᠩ ᠤᠨ ᠶᠠᠨᠴᠢ ᠣᠷᠣᠨ ᠤ ᠳᠣᠷᠭᠤᠳ ᠠᠶᠢᠮᠠᠭ ᠲᠤ ᠢᠷᠡᠵᠦ ᠱᠠᠰᠢᠨ ᠰᠣᠷᠳᠠᠯᠴᠢᠯᠠᠬᠤ ᠶᠢᠨ | ᠳᠠᠭᠠᠣ᠂ ᠦᠪᠡᠷ ᠢ ᠪᠠᠨ ᠣᠶᠢᠷᠠᠳ ᠤᠨ ᠬᠠᠮᠤᠭ ᠰᠡᠬᠦᠯᠴᠢ ᠶᠢᠨ ᠬᠠᠭᠠᠨ ᠠᠮᠣᠷᠰᠠᠨᠠᠭᠠ ᠶᠢᠨ ᠬᠦᠦ | ᠳᠡᠮᠦᠷᠰᠠᠨᠠᠭᠠ ᠶᠢᠨ ᠬᠤᠶᠢᠴᠢᠰ ᠪᠠᠶᠢᠵᠣ᠂ ᠠᠮᠣᠷᠰᠠᠨᠠᠭᠠ ᠶᠢᠨ ᠬᠤᠪᠢᠯᠭᠠᠨ ᠳᠦᠷᠦᠯ ᠠᠷᠠᠯᠵᠢᠨ ᠣᠷᠣᠰ ᠠᠴᠠ ᠢᠷᠡᠯᠡ | ᠭᠡᠵᠦ ᠣᠬᠠᠭᠤᠯᠣᠨ ᠳᠣᠭᠤᠷᠢᠭᠰᠠᠨ ᠠᠴᠠ ᠳᠣᠬᠠᠢ ᠶᠢᠨ ᠦᠶᠡ ᠳᠤ ᠮᠠᠨᠵᠣ ᠴᠢᠩ ᠤᠨ ᠳᠠᠷᠣᠯᠠᠯ ᠠᠴᠠ | ᠠᠩᠬᠢᠵᠢᠷᠠᠬᠤ ᠶᠢ ᠬᠦᠰᠡᠵᠦ ᠪᠠᠶᠢᠭᠰᠠᠨ ᠪᠠᠷᠠᠭᠤᠨ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠰᠡᠳᠬᠢᠯ ᠢ ᠶᠡᠬᠡᠳᠡ ᠣᠯᠵᠠᠢ᠃ | 1912 ᠣᠨ ᠳᠤ᠂ ᠣᠷᠣᠰ ᠤᠨ ᠬᠠᠷᠢᠶᠠᠨ ᠳᠤ ᠪᠠᠶᠢᠭᠠ ᠳᠦᠷᠪᠡᠳ ᠠᠶᠢᠮᠠᠭ ᠤᠨ ᠳᠦᠷᠦᠭᠦᠦ ᠶᠢᠨ ᠣᠷᠳᠣᠨ ᠳᠤ | ᠬᠦᠨᠳᠦᠳᠦ ᠵᠣᠴᠢᠨ ᠤ ᠬᠤᠪᠢ ᠪᠠᠷ ᠵᠠᠯᠠᠭᠳᠠᠨ ᠵᠠᠯᠠᠷᠠᠵᠣ ᠪᠠᠶᠢᠭᠰᠠᠨ ᠨᠢ ᠳᠣᠬᠠᠢ ᠶᠢᠨ ᠦᠶᠡ ᠳᠤ ᠳ᠋ᠠᠮᠪᠢ ᠯᠠᠮᠠ ᠶᠢᠨ | ᠨᠡᠷᠡ ᠬᠦᠨᠳᠦ ᠠᠷᠠᠳ ᠤᠨ ᠳᠣᠮᠳᠠ ᠬᠢᠷᠢ ᠵᠡᠷᠭᠡ ᠡᠷᠬᠡ ᠪᠠᠶᠢᠷᠢ ᠲᠠᠢ ᠪᠠᠶᠢᠭᠰᠠᠨ ᠢ ᠭᠡᠷᠡᠴᠢᠯᠡᠨᠡ᠃ 1910 | ᠣᠨ ᠳᠤ᠂ ᠳᠣᠮᠳᠠᠳᠣ ᠣᠯᠣᠰ ᠲᠤ ᠴᠠᠭᠠᠭᠴᠢᠨ ᠭᠠᠭ᠋ᠠᠢ ᠵᠢᠯ ᠤᠨ ᠬᠤᠪᠢᠰᠬᠠᠯ ᠡᠭᠦᠰᠴᠦ᠂ ᠮᠠᠨᠵᠤ ᠴᠢᠩ ᠤᠨ | ᠳᠦᠷᠦ ᠶᠢ ᠳᠦᠯᠬᠢᠨ ᠣᠨᠠᠭᠠᠭᠰᠠᠨ ᠤ ᠳᠠᠷᠠᠭᠠ 1911 ᠣᠨ ᠤ 12 ᠰᠠᠷᠠ ᠶᠢᠨ 28 ᠤ ᠡᠳᠦᠷ᠂ ᠠᠷᠣ | ᠮᠣᠩᠭᠤᠯ ᠤᠨ ᠵᠢᠪᠽᠦᠨᠳᠠᠮᠪᠠ ᠬᠤᠳᠣᠭᠳᠣ ᠪᠠᠰᠠ ᠬᠤᠪᠢᠰᠬᠠᠯ ᠢ ᠠᠰᠢᠭᠯᠠᠨ ᠣᠷᠣᠰ ᠤᠨ ᠳᠡᠮᠵᠢᠯᠬᠡ ᠶᠢᠨ ᠳᠣᠣᠷᠠ | ᠴᠢᠩ ᠤᠨ ᠳᠦᠷᠦ ᠠᠴᠠ ᠰᠠᠯᠵᠣ ᠳᠣᠰᠠᠭᠠᠷ ᠳᠣᠭᠳᠠᠨᠢᠭᠰᠠᠨ ᠮᠣᠩᠭᠤᠯ ᠣᠯᠣᠰ ᠪᠣᠯᠬᠤ ᠪᠠᠨ ᠳᠣᠩᠬᠠᠭᠯᠠᠭᠰᠠᠨ | ᠪᠠᠶᠢᠨᠠ᠃ | 1912 ᠣᠨ ᠤ 6 ᠰᠠᠷᠠ ᠳᠤ᠂ ︽ᠣᠯᠠᠨᠠ ᠡᠷᠭᠦᠭᠳᠡᠭᠰᠡᠨ ᠨᠠᠷᠠᠨ ᠭᠡᠷᠡᠯᠳᠦ ᠬᠠᠭᠠᠨ︾ ᠵᠢᠪᠽᠦᠨᠳᠠᠮᠪᠠ | ᠵᠠᠷᠯᠢᠭ ᠪᠠᠭᠤᠯᠭᠠᠨ ᠬᠠᠳᠠᠨ ᠪᠠᠭᠠᠳᠣᠷ ᠮᠠᠭᠰᠣᠷᠵᠠᠪ᠂ ᠴᠢᠩ ᠵᠢᠳᠭᠦᠯᠳᠦ ᠬᠦᠩ ᠬᠠᠷᠠᠴᠢᠨ ᠤ ᠬᠠᠶᠢᠱᠠᠨ ᠪᠠ | ᠳ᠋ᠠᠮᠪᠢᠵᠠᠯᠰᠠᠨ ᠯᠠᠮᠠ ᠨᠠᠷ ᠢ ᠬᠤᠪᠳᠣ ᠬᠤᠳᠠ ᠶᠢ ᠪᠠᠶᠢᠯᠳᠣᠭᠤᠯᠬᠤ ᠪᠠᠷ ᠢᠯᠡᠭᠡᠪᠡ᠃ ᠳ᠋ᠠᠮᠪᠢᠵᠠᠯᠰᠠᠨ ᠯᠠᠮᠠ 4000 | ᠴᠡᠷᠢᠭ ᠳᠠᠶᠢᠴᠢᠯᠠᠵᠣ ᠬᠤᠰᠢᠭᠤᠴᠢᠯᠠᠨ ᠣᠷᠣᠵᠣ᠂ ᠬᠤᠪᠳᠣ ᠬᠤᠳᠠ ᠶᠢ ᠭᠤᠷᠪᠠᠨ ᠰᠠᠷᠠ ᠪᠦᠰᠡᠯᠡᠨ ᠪᠠᠶᠢᠯᠳᠣᠵᠣ᠂ | ᠡᠴᠦᠰ ᠲᠡᠭᠡᠨ 8 ᠰᠠᠷᠠ ᠶᠢᠨ 20 ᠤ ᠡᠳᠦᠷ ᠬᠤᠳᠠᠠ ᠳᠤ ᠳᠠᠭᠠᠷᠢᠨ ᠣᠷᠣᠵᠣ᠂ ᠬᠤᠪᠳᠤ ᠶᠢᠨ ᠬᠤᠣᠪᠢ ᠶᠢᠨ | ᠰᠠᠶᠢᠳ ᠫᠦ᠋ ᠷᠦᠨ ᠢ ᠪᠠᠭᠤᠯᠭᠠᠨ ᠠᠪᠣᠭᠰᠠᠨ ᠪᠠᠶᠢᠨᠠ᠃ ᠬᠤᠪᠳᠣ ᠬᠤᠳᠠ ᠶᠢ ᠪᠠᠶᠢᠯᠳᠣᠬᠤ ᠳᠤ ᠦᠯᠡᠮᠵᠢ ᠭᠠᠪᠢᠶᠠ | ᠪᠠᠶᠢᠭᠤᠯᠣᠭᠰᠠᠨ ᠳᠣᠯᠨ ᠬᠤᠳᠣᠭᠳᠣ ᠬᠠᠭᠠᠨ ᠠᠴᠠ ᠳ᠋ᠠᠮᠪᠢᠵᠠᠯᠰᠠᠨ ᠯᠠᠮᠠ ᠳᠤ ︽ᠳᠣᠭᠰᠢᠨ ᠨᠣᠶᠠᠨ ᠬᠤᠳᠣᠭᠳᠣ︾ | ᠴᠣᠯᠨ ᠱᠠᠩᠨᠠᠨ ︽ᠨᠣᠮᠣᠨ ᠬᠠᠨ︾ ᠤ ᠳᠠᠮᠠᠭᠠ ᠴᠠᠴᠤᠭ ᠣᠯᠭᠤᠵᠠᠢ᠃ ᠡᠬᠦᠨ ᠠᠴᠠ ᠳᠠᠷᠠᠭᠠ᠂ ᠳ᠋ᠠᠮᠪᠢ ᠯᠠᠮᠠ | ᠦᠪᠡᠷ ᠤᠨ ᠬᠤᠶᠠᠭ ᠴᠡᠷᠢᠭ ᠲᠠᠢ ᠪᠣᠯᠣᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠬᠤᠪᠳᠣ᠂ ᠣᠯᠢᠶᠠᠰᠣᠳᠠᠢ ᠬᠠᠪᠢ ᠶᠢᠨ | ᠮᠣᠩᠭᠤᠯᠴᠣᠳ ᠳᠡᠬᠦᠨ ᠢ ᠴᠣᠣᠷᠢᠶᠠᠳᠣᠨ ᠳᠠᠭᠠᠵᠣ ᠬᠠᠷᠢᠶᠠᠳᠣ ᠨᠢ ᠪᠣᠯᠪᠠ᠃ | ᠣᠣᠯ ᠠᠴᠠ ᠵᠠᠰᠠᠭ ᠳᠦᠷᠦ ᠪᠠᠶᠢᠭᠤᠯᠬᠤ ᠰᠠᠨᠠᠭᠠ ᠲᠠᠢ ᠪᠠᠶᠢᠭᠰᠠᠨ ᠲᠡᠷᠨᠪᠡᠷ ᠳᠦᠷᠦ ᠠᠴᠠ ᠣᠯᠭᠤᠭᠰᠠᠨ | ᠡᠷᠭᠦᠮᠵᠢᠯᠡᠯ ᠳᠤ ᠳᠦᠰᠢᠵᠦ᠂ ᠪᠠᠰᠠ ᠳᠣᠬᠠᠢ ᠶᠢᠨ ᠦᠶᠡ ᠳᠤ ᠣᠯᠢᠶᠠᠰᠣᠳᠠᠢ᠂ ᠬᠤᠪᠳᠣ ᠬᠠᠪᠢ ᠪᠠᠷ ᠨᠡᠷᠡ | ᠨᠦᠯᠦᠭᠡ ᠲᠠᠢ ᠪᠠᠶᠢᠭᠰᠠᠨ ᠵᠠᠯᠬᠠᠩᠵᠠ ᠬᠤᠳᠣᠭᠳᠣ ᠲᠠᠢ ᠨᠦᠬᠦᠷᠯᠡᠨ᠂ ᠦᠪᠡᠷ ᠤᠨ ᠬᠦᠴᠦᠨ ᠢᠶᠠᠨ | ᠪᠣᠵᠠᠭᠠᠶᠢᠷᠠᠭᠤᠯᠵᠣ ᠡᠬᠢᠯᠡᠵᠡᠢ᠃ ᠬᠤᠪᠳᠣ ᠶᠢ ᠡᠵᠡᠯᠡᠭᠰᠡᠨ ᠢᠯᠡᠯᠳᠠ ᠪᠠᠨ ᠪᠡᠯᠭᠡᠯᠡᠬᠦ ᠪᠠᠷ ᠶᠡᠭᠡ ᠨᠠᠶᠢᠷ ᠬᠢᠵᠦ᠂ ᠮᠣᠷᠢ | ᠣᠷᠣᠯᠳᠣᠬᠤ᠂ ᠰᠣᠷ ᠬᠠᠷᠪᠣᠬᠤ᠂ ᠪᠦᠬᠡ ᠪᠠᠷᠢᠯᠳᠣᠬᠤ ᠵᠡᠷᠭᠡ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠣᠮ ᠬᠢᠵᠦ᠂ ᠪᠠᠰᠠ | ᠵᠣᠷᠢᠭᠳᠣ ᠪᠠᠶᠢᠰᠡ᠂ ᠵᠠᠯᠬᠠᠩᠵᠠ ᠬᠤᠳᠣᠭᠳᠣ᠂ ᠬᠡᠨᠳᠦᠨ ᠬᠦᠩ ᠵᠡᠷᠭᠡ ᠨᠡᠷᠡ ᠳᠦᠷᠦ ᠲᠠᠢ ᠬᠦᠮᠦᠨ | ᠣᠷᠣᠯᠴᠠᠭᠰᠠᠨ ᠠᠴᠠ ᠨᠢᠵᠢᠭᠡᠷ ᠳᠣᠮᠣ ᠨᠠᠶᠢᠷ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠨᠠᠶᠢᠷ ᠲᠤ ᠰᠠᠭᠠᠳᠠᠭᠰᠠᠨ ᠡᠯᠡ ᠠᠶᠢᠮᠠᠭ ᠤᠨ | ᠠᠬᠠᠯᠠᠭᠴᠢ ᠪᠠ ᠵᠣᠴᠢᠳ ᠳ᠋ᠠᠮᠪᠢ ᠯᠠᠮᠠ ᠳᠤ ᠦᠯᠡᠮᠵᠢ ᠬᠡᠮᠵᠢᠶᠡᠨ ᠤ ᠡᠷᠬᠦᠴᠡ ᠪᠠᠷᠢᠴᠠ ᠡᠷᠬᠦᠵᠡᠢ᠃ ᠪᠠᠰᠠ ᠳᠣᠮᠣ | ᠬᠡᠪᠴᠢᠶᠡᠨ ᠤ ᠬᠦᠷᠢᠶᠡ ᠠᠪᠠ ᠶᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠨ ᠬᠢᠵᠦ᠂ ᠳ᠋ᠠᠮᠪᠢ ᠯᠠᠮᠠ ᠦᠪᠡᠷ ᠤᠨ ᠬᠠᠷᠪᠣᠵᠣ ᠨᠠᠮᠨᠠᠬᠤ | ᠰᠣᠳᠣᠨ ᠮᠡᠷᠭᠡᠵᠢᠯ ᠢᠶᠠᠨ ᠣᠯᠠᠨ ᠳᠤ ᠭᠠᠶᠢᠬᠠᠭᠤᠯᠣᠭᠰᠠᠨ ᠪᠠᠶᠢᠨᠠ᠃ ᠴᠡᠷᠢᠭ ᠤᠨ ᠴᠠᠭᠠᠵᠠ ᠶᠢ ᠴᠢᠩᠭᠠᠳᠬᠠᠨ ᠯᠠᠮᠠ | ᠬᠤᠸᠠᠷᠠᠭ ᠠᠷᠢᠬᠢ ᠳᠠᠮᠠᠬᠢ ᠳᠠᠳᠠᠬᠤ ᠶᠢ ᠴᠢᠩᠭᠠ ᠴᠡᠭᠡᠷᠯᠡᠬᠦᠯᠵᠡᠢ᠃ ᠠᠵᠣ ᠠᠬᠤᠢ ᠶᠢᠨ ᠰᠠᠭᠤᠷᠢ ᠲᠠᠢ ᠪᠣᠯᠣᠭᠰᠠᠨ | ᠳ᠋ᠠᠮᠪᠢ ᠯᠠᠮᠠ ᠬᠤᠪᠳᠣ ᠠᠴᠠ ᠡᠮᠦᠨᠠᠰᠢ ᠰᠢᠨᠡ ᠬᠤᠳᠠ ᠪᠠᠶᠢᠭᠤᠯᠵᠣ ᠡᠬᠢᠯᠡᠪᠡ᠃ ᠦᠪᠡᠷ ᠤᠨ ᠰᠠᠭᠠᠳᠠᠬᠤ ᠰᠦᠮᠡ | ᠬᠡᠶᠢᠳ᠂ ᠵᠣᠴᠢᠨ ᠣᠭᠳᠣᠬᠤ ᠣᠷᠳᠣᠨ ᠦᠷᠬᠦᠬᠡ᠂ ᠴᠡᠷᠢᠭ ᠤᠨ ᠰᠣᠷᠭᠠᠭᠤᠯᠢᠯ ᠤᠨ ᠳᠠᠯᠠᠪᠠᠢ ᠵᠡᠷᠭᠡ ᠶᠢ | ᠪᠠᠭᠳᠠᠭᠠᠭᠰᠠᠨ ᠮᠣᠨᠳᠠᠭ ᠪᠠᠷᠢᠯᠭᠠ ᠪᠠᠷᠢᠬᠤ ᠳᠠᠭᠠᠨ ᠠᠷᠠᠳ ᠠᠴᠠ ᠠᠯᠪᠠ ᠭᠠᠶᠢᠯᠢ ᠦᠯᠡᠮᠵᠢ ᠳᠠᠳᠠᠭᠰᠠᠨ ᠠᠴᠠ ᠬᠡᠰᠡᠭ | ᠪᠦᠯᠦᠭ ᠬᠦᠮᠦᠰ ᠤᠨ ᠳᠣᠷᠠ ᠦᠭᠡᠶᠢᠴᠡᠯ ᠢ ᠬᠦᠷᠭᠡᠵᠦ ᠪᠣᠰᠣᠯᠭᠠ ᠭᠠᠷᠭᠠᠬᠤ ᠳᠤ ᠬᠦᠷᠭᠡᠭᠰᠡᠨ ᠪᠠᠶᠢᠨᠠ᠃ | ᠪᠣᠰᠣᠭᠴᠢᠳ ᠢ ᠳ᠋ᠠᠮᠪᠢ ᠯᠠᠮᠠ ᠬᠠᠷᠠ ᠬᠤᠣᠷᠳᠠᠢ ᠪᠠᠷ ᠳᠠᠷᠣᠩᠭᠤᠶᠢᠯᠠᠵᠦ ᠠᠯᠠᠵᠣ ᠬᠢᠳᠣᠪᠠ᠂ ᠪᠠᠰᠠ ᠳᠤᠭ | ᠳᠠᠬᠢᠬᠤ ᠪᠠᠷ ᠬᠤᠪᠳᠣ ᠶᠢ ᠡᠵᠡᠯᠡᠬᠦ ᠳᠤ ᠪᠠᠷᠢᠪᠴᠢᠯᠠᠭᠰᠠᠨ ᠭᠤᠴᠢ ᠭᠠᠷᠣᠢ ᠬᠢᠳᠡᠳ ᠬᠤᠳᠠᠯᠳᠣᠭᠠᠴᠢᠳ ᠢ ᠬᠢᠳᠦᠵᠦ᠂ | ᠵᠢᠷᠦᠬᠡ ᠶᠢ ᠨᠢ ᠰᠣᠭᠤᠯᠣᠨ ᠴᠢᠰᠦ ᠪᠠᠷ ᠨᠢ ᠳᠤᠭ ᠢᠶᠠᠨ ᠮᠢᠯᠢᠶᠠᠪᠠ᠃ ᠡᠨᠡ ᠨᠢ ᠡᠳᠡᠭᠡᠷ ᠢ ᠠᠵᠢᠵᠦ ᠪᠠᠶᠢᠭᠰᠠᠨ | ᠣᠷᠣᠰ ᠬᠦᠮᠦᠨ ᠤ ᠬᠢᠯᠢᠩ ᠢ ᠳᠡᠭᠳᠡᠭᠡᠵᠡᠢ᠃ ᠳ᠋ᠠᠮᠪᠢ ᠯᠠᠮᠠ ᠶᠢᠨ ᠬᠦᠴᠦᠨ ᠪᠣᠵᠠᠭᠠᠶᠢᠷᠠᠪᠠᠯ ᠣᠷᠣᠰ ᠬᠦᠮᠦᠨ ᠤ | ᠦᠬᠡ ᠶᠢ ᠰᠣᠨᠣᠰᠬᠤ ᠪᠠᠨ ᠪᠣᠯᠢᠬᠤ ᠶᠢ ᠭᠠᠳᠠᠷᠯᠠᠭᠰᠠᠨ ᠣᠷᠣᠰᠴᠣᠳ ᠳ᠋ᠠ ᠬᠦᠷᠢᠶᠡᠨ ᠳᠤ ᠮᠡᠳᠡᠭᠡ ᠶᠠᠪᠣᠭᠤᠯᠣᠨ᠂ | ᠵᠢᠪᠽᠦᠨᠳᠠᠮᠪᠠ ᠲᠠᠢ ᠵᠦᠪᠳᠡᠯᠴᠠᠨ ᠳ᠋ᠠᠮᠪᠢ ᠯᠠᠮᠠ ᠶᠢ ᠪᠠᠷᠢᠪᠴᠢᠯᠠᠬᠤ ᠪᠠᠷ ᠪᠣᠯᠪᠠ᠃ | 1914 ᠣᠨ ᠳᠤ᠂ ᠣᠷᠣᠰ ᠤᠨ ᠳᠣᠳᠣᠭᠠᠳᠣ ᠶᠠᠪᠣᠳᠠᠯ ᠤᠨ ᠶᠠᠮᠣᠨ ᠤ 336 ᠳᠣᠭᠠᠳᠣ ᠨᠢᠭᠤᠴᠠ | ᠵᠠᠷᠯᠢᠭ ᠢᠶᠠᠷ ᠺᠤᠽᠠᠭ ᠴᠡᠷᠢᠭ ᠢᠶᠠᠷ ᠭᠤᠣᠯᠯᠠᠭᠰᠠᠨ ᠣᠷᠣᠰ ᠰᠢᠪᠧᠷᠢᠶᠠ ᠶᠢᠨ ᠭᠤᠷᠪᠠᠳᠣᠭᠠᠷ ᠬᠤᠷᠢᠶᠠ ᠶᠢᠨ ᠳᠠᠪᠢᠨ | ᠴᠡᠷᠢᠭ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠪᠠᠷᠢᠪᠴᠢᠯᠠᠬᠤ ᠠᠩᠬᠢ ᠳ᠋ᠠᠮᠪᠢ ᠯᠠᠮᠠ ᠶᠢᠨ ᠣᠷᠳᠣᠨ ᠢ ᠬᠡᠨᠡᠳᠡᠬᠦᠯᠦᠨ ᠳᠠᠭᠠᠷᠢᠵᠦ | ᠪᠠᠷᠢᠪᠴᠢᠯᠠᠭᠠᠳ᠂ ᠳ᠋ᠠᠮᠪᠢ ᠯᠠᠮᠠ ᠪᠣᠯ ᠣᠷᠣᠰ ᠤᠨ ᠬᠠᠷᠢᠶᠠᠳᠣ ᠠᠷᠠᠳ ᠳᠣᠯᠨ ᠣᠯᠣᠰ ᠲᠠᠭᠠᠨ ᠠᠪᠴᠢᠵᠦ ᠰᠢᠬᠦᠨᠡ | ᠭᠡᠳ ᠠᠪᠣᠭᠠᠳ ᠶᠠᠪᠣᠭᠰᠠᠨ ᠪᠠᠶᠢᠨᠠ᠃ ᠣᠷᠣᠰ ᠲᠤ ᠠᠪᠠᠴᠢᠭᠠᠳ ᠠᠰᠲᠷᠠᠬᠠᠨ ᠪᠠ ᠶᠠᠺᠦ᠋ᠲ ᠮᠣᠵᠢ ᠳᠤ ᠴᠦᠯᠡᠵᠦ | ᠡᠷᠡᠬᠦᠦ ᠬᠦᠯᠢᠶᠡᠯᠭᠡᠵᠡᠢ᠃ ᠴᠦᠯᠡᠯᠭᠡᠨ ᠶᠠᠪᠣᠵᠣ ᠪᠠᠶᠢᠬᠤ ᠳᠠᠭᠠᠨ ᠣᠷᠣᠰ ᠠᠶᠢᠯ ᠳᠤ ᠰᠠᠭᠤᠵᠤ ᠣᠷᠣᠰ ᠬᠡᠯᠨ ᠰᠠᠶᠢᠨ | ᠰᠣᠷᠣᠭᠰᠠᠨ ᠭᠡᠳᠡᠭ᠃ | 1917 ᠣᠨ ᠳᠤ᠂ ᠳ᠋ᠠᠮᠪᠢ ᠯᠠᠮᠠ ᠣᠷᠣᠰ ᠬᠠᠰᠠᠭ ᠤᠨ ᠦᠢᠮᠡᠭᠡᠨ ᠤ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠣᠨ᠂ | ᠴᠦᠯᠡᠭᠳᠡᠵᠦ ᠪᠠᠶᠢᠭᠰᠠᠨ ᠠᠰᠲᠷᠠᠬᠠᠨ ᠠᠴᠠ ᠣᠷᠭᠤᠵᠣ᠂ ᠳᠠᠬᠢᠨᠳᠠ ᠮᠣᠩᠭᠤᠯ ᠣᠷᠣᠭᠤ ᠶᠠᠪᠣᠭᠰᠠᠨ ᠪᠠᠶᠢᠨᠠ᠃ | ᠳᠡᠬᠦᠨ ᠤ ᠢᠷᠡᠵᠦ ᠶᠠᠪᠣᠭᠠ ᠴᠢᠮᠡᠭᠡ ᠶᠢ ᠳᠣᠭᠤᠯᠣᠭᠰᠠᠨ ᠣᠷᠣᠰ ᠤᠨ ᠣᠷᠭᠤᠳᠣᠭᠤᠯ ᠴᠠᠭᠠᠨᠳᠠᠨ ᠪᠠᠷᠣᠨ ᠦᠩᠭᠧᠷᠢᠨ | ᠳᠡᠬᠦᠨ ᠢ ᠣᠷᠢᠵᠦ ᠴᠡᠷᠢᠭ ᠲᠡᠭᠡᠨ ᠦᠢᠯᠡᠴᠢᠯᠡᠬᠦᠯᠬᠦ ᠭᠡᠪᠡ᠃ ᠵᠠᠷᠢᠮ ᠮᠡᠳᠡᠭᠡᠨ ᠳᠤ ᠪᠠᠰᠠ ᠳ᠋ᠠᠮᠪᠢ ᠯᠠᠮᠠ ᠪᠠᠷᠣᠨ | ᠦᠩᠭᠧᠷᠡᠨ ᠳᠤ ᠦᠢᠯᠡᠴᠢᠯᠡᠵᠦ ᠪᠠᠶᠢᠭᠰᠠᠨ ᠭᠡᠵᠦ ᠪᠠᠶᠢᠨᠠ᠂ ᠬᠠᠳᠠᠨ ᠪᠠᠭᠠᠳᠣᠷ ᠮᠠᠭᠰᠣᠷᠵᠠᠪ ᠪᠠᠰᠨ ᠬᠠᠭᠤᠴᠢᠨ | ᠨᠠᠶᠢᠵᠠ ᠶᠢᠨ ᠬᠤᠪᠢ ᠪᠠᠷ ᠣᠷᠢᠯᠭᠠ ᠦᠭᠬᠦᠭᠰᠡᠨ ᠭᠡᠳᠡᠭ᠃ ᠭᠡᠳᠡᠯᠡ ᠳ᠋ᠠᠮᠪᠢ ᠯᠠᠮᠠ ᠠᠯᠢ ᠶᠢ ᠨᠢ ᠴᠤ ᠳᠦᠰᠢᠬᠦ ᠶᠢ | ᠬᠦᠰᠡᠭᠰᠡᠨ ᠦᠭᠡᠢ᠂ ᠦᠪᠡᠷ ᠤᠨ ᠬᠦᠰᠡᠯ ᠢᠶᠠᠨ ᠪᠡᠶᠡᠯᠡᠬᠦᠯᠬᠦ ᠪᠠᠷ ᠮᠣᠩᠭᠤᠯ ᠤᠨ ᠬᠢᠯᠢ ᠶᠢ ᠵᠣᠷᠢᠭᠰᠠᠨ ᠪᠠᠶᠢᠳᠠᠭ᠃ | ᠲᠡᠷᠡ ᠬᠠᠮᠤᠭ ᠣᠷᠢᠳᠠᠪᠠᠷ ᠬᠤᠪᠳᠣ ᠣᠶᠢᠷᠠᠯᠴᠠᠭᠠ ᠪᠠᠶᠢᠭᠰᠠᠨ ᠵᠠᠯᠬᠠᠩᠵᠠ ᠭᠡᠭᠡᠨ ᠲᠠᠢ ᠠᠭᠤᠯᠵᠠᠵᠠᠢ᠃ ᠵᠠᠯᠬᠠᠩᠵᠠ | ᠭᠡᠭᠡᠨ ᠤ ᠳᠠᠨᠢᠯᠴᠠᠭᠤᠯᠭᠠ ᠪᠠᠷ ᠵᠠᠬᠠᠴᠢᠨ ᠪᠠᠶᠢᠯᠨ ᠶᠢᠨ ᠳᠤ ᠬᠦᠷᠪᠡ᠃ ᠬᠠᠰᠠᠭᠴᠤᠳ ᠵᠠᠬᠠᠴᠢᠨ ᠪᠠᠶᠢᠯᠨ ᠶᠢᠨ ᠮᠠᠯ | ᠰᠦᠷᠦᠭ ᠢ ᠳᠡᠭᠡᠷᠡᠮᠳᠡᠭᠡᠳ ᠪᠠᠶᠢᠬᠤ ᠳᠤ ᠳ᠋ᠠᠮᠪᠢ ᠯᠠᠮᠠ ᠳᠣᠰᠠᠯᠠᠨ ᠠᠪᠴᠣ ᠦᠭᠬᠦᠭᠰᠡᠨ ᠠᠴᠢ ᠲᠠᠢ ᠳᠣᠯᠨ ᠵᠠᠬᠠᠴᠢᠨ | ᠪᠠᠶᠢᠯᠨ ᠭᠡᠷ ᠣᠷᠣᠨ ᠳᠦᠪᠬᠢᠨᠡᠬᠦᠯᠦᠨ ᠦᠭᠴᠦ ᠰᠠᠭᠤᠯᠭᠠᠪᠠ᠃ ᠡ᠊ᠡᠳᠡ ᠠᠴᠠ ᠳ᠋ᠠᠮᠪᠢ ᠯᠠᠮᠠ ᠬᠤᠳᠣᠭᠳᠣ | ᠬᠠᠭᠠᠨ ᠳᠤ ᠵᠠᠬᠢᠳᠠᠯ ᠪᠢᠴᠢᠵᠦ᠂ ᠣᠣᠯ ᠤᠨ ᠵᠡᠷᠭᠡ ᠬᠡᠷᠬᠢᠮ ᠢ ᠨᠢ ᠰᠡᠷᠭᠦᠭᠡᠵᠦ ᠦᠭᠬᠦ ᠶᠢ ᠭᠤᠶᠣᠴᠢᠯᠠᠭᠰᠠᠨ ᠳᠤ | ᠬᠠᠷᠢᠭᠤ ᠦᠭᠬᠦᠭᠰᠡᠨ ᠦᠭᠡᠢ᠃ ᠡᠨᠡ ᠦᠶᠡ ᠳᠤ ᠣᠷᠣᠰ ᠤᠨ ᠪᠠᠷᠣᠨ ᠦᠩᠭᠧᠷᠡᠨ ︽ᠵᠡᠷᠯᠢᠭ ᠳ᠋ᠢᠸᠢᠽᠢ︾ ᠪᠠᠨ | ᠳᠠᠭᠠᠭᠤᠯᠣᠨ ᠮᠣᠩᠭᠤᠯ ᠤᠨ ᠬᠢᠯᠢ ᠬᠤᠪᠳᠣ ᠶᠢᠨ ᠬᠢᠵᠠᠭᠠᠷ ᠲᠤ ᠣᠷᠣᠵᠣ ᠢᠷᠡᠭᠡᠳ᠂ ᠳᠠᠬᠢᠨ ᠳ᠋ᠠ ᠬᠦᠷᠢᠶᠡ ᠵᠦᠭ | ᠳᠠᠭᠠᠷᠢᠨ ᠳᠡᠨᠳᠡ ᠣᠷᠣᠩᠨᠠᠵᠣ ᠪᠠᠶᠢᠭᠰᠠᠨ ᠭᠠᠮᠢᠩ ᠤᠳ ᠢ ᠬᠦᠭᠡᠭᠡᠨ ᠭᠠᠷᠭᠠᠵᠠᠢ᠃ ᠡᠨᠡᠬᠦ ᠭᠠᠪᠢᠶᠠ ᠶᠢ ᠳᠣᠷᠠᠰᠣᠨ | ᠬᠤᠳᠣᠭᠳᠣ ᠬᠠᠭᠠᠨ ᠠᠴᠠ ᠳᠡᠬᠦᠨ ᠳᠤ ︽ᠳᠦᠷᠦ ᠶᠢ ᠳᠦᠪᠰᠢᠳᠭᠡᠭᠴᠢ ᠬᠠᠨ︾ ᠴᠣᠯᠨ ᠱᠠᠩᠨᠠᠨ ᠦᠭᠴᠠᠢ᠃ | ᠭᠡᠪᠡᠴᠦ ᠣᠳᠠᠯ ᠦᠭᠡᠢ ᠪᠠᠶᠢᠳᠠᠯ ᠬᠤᠪᠢᠷᠠᠵᠣ᠂ ᠰᠢᠨᠡᠬᠡᠨ ᠵᠦᠪᠯᠡᠯᠳᠦ ᠠᠴᠠ ᠮᠣᠩᠭᠤᠯ ᠤᠨ ᠫᠠᠷᠲ᠋ᠢᠽᠠᠨ ᠢ ᠵᠠᠷᠯᠢᠭᠳᠠᠨ | ᠪᠠᠷᠣᠨ ᠦᠩᠭᠧᠷᠡᠨ ᠢ ᠣᠰᠠᠳᠬᠠᠬᠤ ᠪᠠᠷ ᠪᠣᠯᠪᠠ᠃ ᠵᠠᠷᠢᠮ ᠨᠣᠮ ᠳᠤ ᠳ᠋ᠠᠮᠪᠢ ᠯᠠᠮᠠ ᠪᠠᠷᠣᠨ ᠦᠩᠭᠧᠷᠡᠨ ᠤ | ᠴᠡᠷᠢᠭ ᠲᠤ ᠦᠢᠯᠡᠴᠢᠯᠡᠵᠦ᠂ ᠴᠦᠢᠪᠠᠯᠰᠠᠩ ᠪᠠ ᠰᠦᠬᠡᠪᠠᠭᠠᠳᠣᠷ ᠤᠨ ᠬᠤᠪᠢᠰᠬᠠᠯᠳᠣ ᠴᠡᠷᠢᠭ ᠲᠠᠢ ᠳᠣᠯᠣᠯᠳᠣᠵᠣ | ᠪᠠᠶᠢᠭᠰᠠᠨ ᠭᠡᠨᠡ᠃ ᠬᠤᠪᠳᠣ ᠳᠤ ᠮᠠᠭᠰᠣᠷᠵᠠᠪ᠂ ᠵᠠᠯᠬᠠᠩᠵᠠ ᠭᠡᠭᠡᠨ ᠲᠠᠢ ᠬᠠᠮᠳᠣ ᠦᠩᠭᠧᠷᠡᠨ ᠤ ᠴᠡᠷᠢᠭ ᠢ | ᠣᠰᠠᠳᠬᠠᠪᠠ᠂ ᠭᠡᠪᠡᠴᠦ ᠳ᠋ᠠᠮᠪᠢ ᠯᠠᠮᠠ ᠪᠠ ᠮᠠᠭᠰᠣᠷᠵᠠᠪ ᠠᠭᠤᠯᠵᠠᠵᠣ ᠴᠢᠳᠠᠭᠰᠠᠨ ᠦᠭᠡᠢ᠃ ᠳᠡᠮᠡᠢ ᠣᠳᠠᠯ ᠦᠭᠡᠢ | ᠬᠤᠪᠳᠣ ᠶᠢᠨ ᠣᠶᠢᠷᠠᠯᠴᠠᠭᠠ ︽ᠠᠮᠣᠷᠰᠠᠨᠠᠭᠠ ᠶᠢᠨ ᠬᠤᠶᠢᠳᠣ ᠳᠦᠷᠢ︾ ᠬᠡᠮᠡᠭᠳᠡᠭᠰᠡᠨ ᠳ᠋ᠠᠮᠪᠢ ᠯᠠᠮᠠ ᠶᠢᠨ | ᠳᠡᠭᠡᠷᠡᠮ ᠤᠨ ᠪᠦᠯᠦᠭ ᠢᠯᠡᠷᠡᠵᠦ᠂ ᠠᠷᠠᠳ ᠢ ᠳᠡᠭᠡᠷᠡᠮᠳᠡᠨ ᠬᠦᠮᠦᠨ ᠬᠠᠷᠠ ᠴᠣᠭᠯᠠᠭᠤᠯᠵᠣ ᠪᠠᠶᠢᠬᠤ ᠴᠢᠮᠡᠭᠡ ᠡᠬᠢᠯᠡᠵᠦ | ᠳᠣᠭᠤᠯᠳᠠᠪᠠ᠃ ᠢᠩᠬᠢᠵᠦ ᠬᠠᠳᠠᠨ ᠪᠠᠭᠠᠳᠣᠷ ᠮᠠᠭᠰᠣᠷᠵᠠᠪ ᠪᠠ ᠵᠠᠯᠬᠠᠩᠵᠠ ᠭᠡᠭᠡᠨ ᠡᠪ ᠬᠠᠮᠳᠣ ᠨᠠᠮ ᠢ ᠲᠠᠭᠠᠨ | ᠣᠯᠠᠭᠠᠨᠳᠠᠨ ᠪᠣᠯᠵᠣ᠂ ᠳ᠋ᠠᠮᠪᠢ ᠯᠠᠮᠠ ᠦᠪᠡᠷᠳᠡᠭᠡᠨ ᠳᠤᠭ ᠪᠣᠰᠬᠠᠨ ᠳᠡᠭᠡᠷᠡᠮ ᠬᠢᠵᠦ᠂ ᠡᠳᠡᠨᠦᠰ ᠤᠨ ᠵᠠᠮ ᠬᠤᠶᠠᠷ | ᠳᠡᠰᠢ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠰᠢᠨᠡᠬᠡᠨ ᠪᠠᠶᠢᠭᠤᠯᠣᠭᠳᠠᠭᠰᠠᠨ ᠬᠠᠯᠬᠠ ᠮᠣᠩᠭᠤᠯ ᠤᠨ ᠣᠯᠠᠭᠠᠨ ᠵᠠᠰᠠᠭ ᠠᠴᠠ ᠳ᠋ᠠᠮᠪᠢ | ᠯᠠᠮᠠ ᠶᠢ ᠴᠠᠭᠠᠨᠳᠠᠨ ᠲᠠᠢ ᠰᠦᠯᠪᠡᠭᠡᠯᠡᠵᠦ᠂ ᠠᠷᠠᠳ ᠤᠨ ᠵᠠᠰᠠᠭ ᠢ ᠡᠰᠡᠷᠭᠦᠴᠡᠭᠰᠡᠨ ᠶᠠᠯᠠ ᠳᠣᠯᠭᠠᠵᠣ ᠪᠠᠷᠢᠪᠴᠢᠯᠠᠬᠤ | ᠵᠠᠷᠯᠢᠭ ᠪᠠᠭᠤᠯᠭᠠᠪᠠ᠃ | 1919 ᠣᠨ ᠳ᠋ᠧ᠂ ᠳ᠋ᠠᠮᠪᠢ ᠯᠠᠮᠠ ᠳᠣᠬᠠᠢ ᠶᠢᠨ ᠦᠶᠡ ᠶᠢᠨ ᠰᠢᠨᠵᠢᠶᠠᠩ ᠤᠨ ᠴᠡᠷᠢᠭ ᠤᠨ ᠡᠷᠬᠡᠳᠡᠨ ᠰᠢᠣᠢ | ᠱᠦ ᠵᠧᠩ ᠤᠨ ︽ᠪᠠᠷᠠᠭᠤᠨ ᠢ ᠳᠦᠪᠰᠢᠳᠭᠡᠬᠦ — ᠠᠨ ᠹᠦ᠋ ᠰᠢ ᠶᠢᠨ ᠴᠡᠷᠢᠭ︾ ᠬᠠᠯᠬᠠ ᠮᠣᠩᠭᠤᠯ ᠢ | ᠳᠦᠪᠰᠢᠳᠭᠡᠬᠦ ᠪᠠᠷ ᠴᠡᠷᠢᠭ ᠣᠷᠣᠬᠤ ᠳᠤ ᠳ᠋ᠠᠮᠪᠢ ᠯᠠᠮᠠ ᠳᠣᠰᠣᠨ ᠪᠠᠶᠢᠯᠳᠣᠵᠣ᠂ ᠳᠡᠬᠦᠨ ᠳᠤ ᠶᠡᠬᠡᠬᠡᠨ ᠬᠤᠬᠢᠷᠠᠯ | ᠠᠪᠴᠢᠷᠠᠭᠰᠠᠨ ᠪᠠᠶᠢᠨᠠ᠃ ᠢᠩᠬᠢᠭᠡᠳ ᠳ᠋ᠠᠮᠪᠢ ᠯᠠᠮᠠ ᠳᠣᠮᠳᠠᠳᠣ ᠣᠯᠣᠰ ᠤᠨ ᠬᠢᠵᠠᠭᠠᠷ ᠲᠤ ᠰᠢᠷᠭᠤᠯᠣᠨ ᠣᠷᠣᠵᠣ | ᠢᠷᠡᠭᠡᠳ᠂ ᠭᠠᠨᠰᠣ᠂ ᠰᠢᠨᠵᠢᠶᠠᠩ ᠢᠶᠠᠷ ᠶᠠᠪᠣᠵᠣ ᠪᠠᠶᠢᠭᠰᠠᠨ ᠢᠶᠠᠨ ᠦᠪᠦᠷ ᠮᠣᠩᠭᠤᠯ ᠤᠨ ᠪᠠᠷᠠᠭᠤᠨ ᠪᠦᠰᠡ | ᠨᠣᠳᠤᠭ ᠤᠨ ᠡᠵᠡᠨᠡ ᠬᠠᠪᠢ ᠶᠢᠨ ᠬᠠᠷᠠ ᠭᠤᠪᠢ ᠳᠤ ᠬᠦᠷᠴᠦ ᠢᠷᠡᠭᠡᠳ᠂ ᠡ᠊ᠡᠳᠡ ᠬᠦᠯ ᠳᠣᠭᠳᠠᠨᠢᠨ ᠪᠠᠶᠠᠨᠪᠣᠯᠠᠭ ︵ | ᠬᠦᠡᠭ ᠫᠥᠸᠧ ᠴᠢᠤᠸᠠᠨ︶ ᠬᠡᠮᠡᠬᠦ ᠭᠠᠵᠠᠷ ᠢ ᠡᠵᠡᠯᠡᠨ ᠠᠪᠴᠣ᠂ ᠴᠡᠷᠢᠭ ᠮᠣᠷᠢ ᠡᠯᠰᠡᠨ ᠵᠢᠩᠬᠢᠨᠢ ᠭᠤᠪᠢ ᠶᠢᠨ | ᠳᠡᠭᠡᠷᠡᠮ ᠪᠣᠯᠵᠣ ᠶᠠᠪᠣᠵᠠᠢ᠃ ᠮᠣᠩᠭᠤᠯ ᠤᠨ ᠬᠢᠯᠢ ᠣᠷᠴᠢᠮ ᠤᠨ ᠳᠦᠷᠪᠡᠭᠰᠡᠨ ᠠᠷᠠᠳ ᠤᠳ ᠭᠡᠷ ᠡᠷᠦᠬᠡ ᠪᠠᠨ | ᠠᠪᠣᠨ ᠳ᠋ᠠᠮᠪᠢ ᠯᠠᠮᠠ ᠶᠢ ᠲᠦᠰᠢᠬᠦ ᠪᠠᠷ ᠢᠷᠡᠪᠡ᠃ ᠲᠡᠷᠨ ᠡᠵᠡᠨᠡ ᠬᠤᠰᠢᠭᠤᠨ ᠤ ᠸᠠᠩ ᠳᠤ ᠵᠠᠬᠢᠳᠠᠯ ᠪᠢᠴᠢᠨ᠂ | ᠳᠡᠬᠦᠨ ᠤ ᠬᠠᠷᠢᠶᠠᠳᠣ ᠢᠷᠭᠡᠨ ᠮᠣᠩᠭᠤᠯᠴᠣᠳ ᠲᠤ ᠬᠤᠣᠷ ᠪᠣᠯᠬᠤ ᠦᠬᠡᠢ ᠭᠡᠵᠦ ᠠᠮᠠᠯᠳᠠᠵᠠᠢ᠃ ᠡᠬᠦᠨᠴᠡ ᠡᠬᠢᠯᠡᠨ | ᠳᠡᠬᠦᠨ ᠤ ︽ᠬᠠᠷᠠ ᠯᠠᠮᠠ︾ ᠪᠤᠶᠤ ︽ᠵᠠ ᠯᠠᠮᠠ︾ ᠬᠡᠮᠡᠬᠦ ᠨᠡᠷᠡ ᠳᠣᠮᠳᠠ ᠠᠽᠢᠶᠠ ᠳᠠᠶᠠᠭᠠᠷ ᠳᠠᠭᠤᠷᠢᠰᠪᠠ᠂ | ᠣᠴᠢᠷ ᠨᠢ ᠲᠡᠷᠨ ᠬᠠᠷᠠ ᠭᠤᠪᠢ ᠶᠢᠨ ᠪᠠᠶᠠᠨᠪᠣᠯᠠᠭ ᠤᠨ ᠣᠰᠣ ᠶᠢ ᠡᠵᠡᠮᠳᠡᠨ᠂ ︽ᠳᠣᠷᠭᠠᠨ ᠵᠠᠮ︾ ᠤᠨ | ᠪᠠᠭᠠᠯᠵᠤᠤᠷ ᠢ ᠪᠠᠷᠢᠵᠦ᠂ ᠨᠠᠭᠠᠰᠢ ᠴᠠᠭᠠᠰᠢ ᠶᠠᠪᠣᠬᠤ ᠬᠤᠳᠠᠯᠳᠣᠭᠠᠴᠢᠨ ᠪᠠ ᠠᠯᠪᠠᠨ ᠤ ᠳᠡᠮᠡᠭᠡᠨ ᠵᠢᠩ ᠢ ᠳᠣᠰᠣᠨ᠂ | ︽ᠵᠠᠮ ᠤᠨ ᠭᠠᠶᠢᠯᠢ︾ ᠬᠤᠷᠢᠶᠠᠵᠣ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠰᠦᠢᠳᠭᠡᠯ ᠠᠪᠣᠨ᠂ ᠦᠪᠡᠷ ᠤᠨ ᠠᠵᠣ ᠠᠬᠤᠢ ᠶᠢᠨ | ᠵᠠᠷᠣᠳᠠᠯ ᠢᠶᠠᠨ ᠪᠦᠷᠢᠯᠳᠦᠬᠦᠯᠵᠦ ᠪᠠᠶᠢᠪᠠ᠃ ᠬᠠᠷᠠ ᠭᠤᠪᠢ ᠶᠢᠨ ᠳᠡᠯ ᠠᠭᠤᠯᠠᠨ ︵ᠬᠢᠳᠡᠳ ᠢᠶᠠᠷ ᠮᠠᠽᠦ᠋ᠩᠱᠠᠨ | ᠠᠭᠤᠯᠨ ᠭᠡᠳᠡᠭ᠂ ᠵᠠᠷᠢᠮ ᠭᠠᠳᠠᠭᠠᠳᠣ ᠶᠢᠨ ᠨᠣᠮ ᠳᠤ ᠪᠠᠰᠠ ᠮᠠ ᠵᠢᠩ ᠱᠠᠨ ᠭᠡᠵᠦ ᠳᠡᠮᠳᠡᠭᠯᠡᠵᠦ ᠪᠣᠢ︶ ᠳᠤ ᠴᠠᠶᠢᠵᠠ | ᠬᠤᠳᠠ ᠪᠠᠶᠢᠭᠤᠯᠵᠣ ᠰᠠᠭᠤᠷᠢᠰᠢᠵᠠᠢ᠃ ᠳᠡᠬᠦᠨ ᠤ ᠪᠠᠶᠢᠭᠤᠯᠣᠭᠰᠠᠨ ᠡᠨᠡᠬᠦ ᠴᠠᠶᠢᠵᠠ ᠬᠤᠳᠠ ᠨᠢ ᠴᠡᠷᠢᠭ ᠤᠨ | ᠶᠠᠪᠣᠳᠠᠯ ᠤᠨ ᠬᠠᠮᠠᠭᠠᠯᠠᠯᠳᠠ ᠪᠠ ᠪᠠᠳᠣᠯᠨᠨ ᠰᠡᠷᠭᠡᠶᠢᠯᠡᠯᠳᠡ ᠶᠢᠨ ᠳᠠᠯᠠ ᠪᠠᠷ ᠮᠠᠰᠢ ᠣᠷᠠᠨ ᠨᠠᠷᠢᠯᠢᠭ | ᠵᠣᠬᠢᠴᠠᠭᠤᠯᠣᠯ ᠲᠠᠢ ᠪᠠᠶᠢᠵᠣ᠂ ᠳᠣᠬᠠᠢ ᠶᠢᠨ ᠦᠶᠡ ᠳᠤ ᠴᠠᠶᠢᠵᠠ ᠬᠤᠳᠠ ᠳᠤ ᠰᠠᠭᠠᠳᠠᠵᠣ ᠦᠩᠭᠡᠷᠡᠭᠰᠡᠨ ᠬᠠᠰᠯᠦ᠋ᠨᠳ᠋ | ᠵᠡᠷᠭᠡ ᠬᠠᠷᠢ ᠶᠢᠨ ᠵᠢᠭᠤᠯᠴᠢᠳ ᠤᠨ ᠳᠡᠮᠳᠡᠭᠯᠡᠯ ᠳᠤ ᠭᠠᠶᠢᠬᠠᠰᠢ ᠳᠦᠷᠦᠬᠦᠯᠦᠮᠡ ᠵᠢᠷᠣᠭᠯᠠᠵᠣ ᠦᠯᠡᠳᠡᠭᠡᠭᠰᠡᠨ ᠪᠠᠶᠢᠭᠠ | ᠶᠣᠮ᠃ | 1924 ᠣᠨ ᠳᠤ᠂ ᠮᠣᠩᠭᠤᠯ ᠠᠷᠠᠳ ᠣᠯᠣᠰ ᠤᠨ ᠬᠤᠪᠢᠰᠬᠠᠯᠳᠣ ᠨᠠᠮ ᠤᠨ ᠵᠠᠷᠯᠢᠭ ᠢᠶᠠᠷ ᠮᠣᠩᠭᠤᠯ | ᠵᠠᠩᠵᠣᠨ ᠪᠠᠯᠳᠠᠨᠳᠣᠷᠵᠢ᠂ ᠨᠠᠨᠵᠢᠣᠨᠪᠠᠭᠠᠳᠣᠷ ᠨᠠᠷ ᠵᠢᠷᠭᠤᠭᠠᠨ ᠵᠠᠭᠤᠨ ᠰᠢᠯᠢᠳᠡᠭ ᠪᠠᠶᠢᠯᠳᠤᠭᠴᠢ ᠪᠠᠷ ᠪᠦᠷᠢᠯᠳᠦᠭᠰᠡᠨ | ᠠᠯᠣᠰ ᠢ ᠳᠠᠶᠢᠯᠠᠬᠤ ᠴᠡᠷᠢᠭ ᠠᠩᠬᠢ ᠶᠢ ᠳᠠᠭᠠᠭᠤᠯᠣᠨ᠂ ᠬᠠᠷᠠ ᠭᠤᠪᠢ ᠶᠢᠨ ᠳᠡᠯ ᠠᠭᠤᠯᠨ ᠶᠢ ᠴᠢᠭᠯᠡᠵᠦ᠂ ᠬᠠᠷᠠ | ᠯᠠᠮᠠ ᠳ᠋ᠠᠮᠪᠢᠵᠠᠯᠰᠠᠨ ᠢ ᠣᠰᠠᠳᠬᠠᠬᠤ ᠪᠠᠷ ᠮᠣᠷᠳᠠᠪᠠ᠃ ᠪᠠᠯᠳᠠᠨᠳᠣᠷᠵᠢ ᠨᠠᠷ ᠳ᠋ᠠᠮᠪᠢ ᠯᠠᠮᠠ ᠶᠢᠨ ᠬᠤᠳᠣᠭᠳᠣ | ᠬᠠᠭᠠᠨ ᠳᠤ ᠰᠢᠳᠣᠷᠭᠤ ᠪᠠᠶᠢᠳᠠᠭ ᠳᠠᠯᠠ ᠶᠢ ᠠᠰᠢᠭᠯᠠᠵᠣ᠂ ᠪᠣᠭᠳᠠ ᠵᠢᠪᠽᠦᠨᠳᠠᠮᠪᠠ ᠶᠢᠨ ᠳᠣᠮᠢᠯᠠᠭᠰᠠᠨ ᠡᠯᠴᠢ ᠭᠡᠮᠡᠨ | ᠬᠠᠭᠤᠷᠮᠠᠭᠯᠠᠨ᠂ ᠯᠠᠮᠠ ᠬᠤᠸᠠᠷᠠᠭ ᠤᠨ ᠬᠤᠪᠴᠠᠰᠣ ᠡᠮᠦᠰᠦᠨ ᠳ᠋ᠠᠮᠪᠢ ᠯᠠᠮᠠ ᠶᠢᠨ ᠴᠠᠶᠢᠵᠠ ᠪᠠᠬᠢᠯᠡᠯᠳᠡ ᠳᠤ | ᠰᠢᠷᠭᠤᠯᠠᠨ ᠣᠷᠣᠵᠣ᠂ ᠣᠳᠠᠯ ᠦᠭᠡᠢ ᠳᠡᠬᠦᠨ ᠤ ᠢᠳᠡᠭᠡᠯ ᠢ ᠠᠮᠠᠷᠬᠠᠨ ᠣᠯᠪᠠ᠃ ᠳᠡᠭᠡᠭᠡᠳ ᠳᠡᠬᠦᠨ ᠤ ᠬᠦᠴᠦ | ᠭᠠᠷᠭᠠᠨ ᠪᠠᠷᠢᠭᠰᠠᠨ ᠴᠠᠶᠢᠵᠠ ᠪᠠᠬᠢᠯᠡᠯᠳᠡ ᠶᠢ ᠳᠣᠭᠤᠷᠢᠵᠦ ᠦᠵᠡᠬᠦ ᠳᠤ᠂ ᠴᠡᠷᠢᠭ ᠢᠶᠠᠷ ᠳᠣᠪᠳᠣᠯᠵᠣ ᠡᠪᠳᠡᠵᠦ | ᠳᠡᠶᠢᠯᠬᠦ ᠦᠭᠡᠢ ᠪᠠᠳᠣ ᠪᠠᠬᠢ ᠪᠠᠶᠢᠭᠠ ᠶᠢ ᠳᠠᠩᠨᠠᠨ ᠮᠡᠳᠡᠪᠡ᠃ ᠪᠠᠯᠳᠠᠨᠳᠣᠷᠵᠢ ᠬᠤᠰᠢᠭᠤᠴᠢ ᠳ᠋ᠠᠮᠪᠢ ᠯᠠᠮᠠ ᠳᠤ | ᠬᠦᠨᠳᠦᠯᠡᠭᠳᠡᠨ ᠵᠣᠴᠢᠯᠠᠭᠳᠠᠬᠤ ᠶᠢᠨ ᠳᠠᠭᠠᠣ ᠨᠢᠬᠡ ᠶᠡᠷᠦ ᠪᠣᠰᠣ ᠶᠢᠨ ᠨᠠᠷᠢᠨ ᠳᠦᠯᠦᠪᠯᠡᠭᠡ ᠵᠣᠬᠢᠶᠠᠪᠠ᠃ | ᠪᠠᠯᠳᠠᠨᠳᠣᠷᠵᠢ ᠬᠦᠨᠳᠦ ᠡᠪᠡᠳᠴᠢᠯᠡᠭᠰᠡᠨ ᠢᠶᠠᠷ ᠣᠪᠯᠠᠵᠣ ᠬᠡᠪᠳᠡᠭᠡᠳ ᠬᠡᠳᠦᠨ ᠡᠳᠦᠷ ᠪᠣᠯᠪᠠ᠂ ᠳᠡᠬᠦᠨ ᠤ ᠳᠠᠭᠠᠯᠳᠠ | ᠨᠠᠷ ᠨᠢ ᠳᠡᠬᠦᠨ ᠢ ᠠᠰᠠᠷᠠᠨ ᠰᠣᠪᠢᠯᠠᠵᠣ ᠨᠣᠮ ᠬᠦᠷᠢᠮ ᠣᠩᠰᠢᠵᠦ ᠪᠠᠶᠢᠪᠠ᠃ ᠨᠢᠭᠡᠨ ᠡᠳᠦᠷ ᠪᠠᠯᠳᠠᠨᠳᠣᠷᠵᠢ ᠠᠮᠢ | ᠳᠠᠯᠪᠢᠮᠠᠷ ᠪᠣᠯᠵᠣ᠂ ᠳ᠋ᠠᠮᠪᠢ ᠯᠠᠮᠠ ᠶᠢ ᠢᠷᠦᠭᠡᠯ ᠣᠩᠰᠢᠵᠦ ᠦᠭᠬᠦ ᠶᠢ ᠬᠦᠰᠡᠪᠡ᠃ ᠳ᠋ᠠᠮᠪᠢ ᠯᠠᠮᠠ | ᠳᠠᠭᠠᠭᠰᠠᠳ ᠲᠠᠢ ᠪᠠᠨ ᠢᠷᠡᠵᠦ᠂ ᠪᠠᠯᠳᠠᠨᠳᠣᠷᠵᠢ ᠶᠢᠨ ᠮᠦᠷᠦ ᠶᠢ ᠳᠦᠰᠢᠨ ᠢᠷᠦᠭᠡᠯ ᠣᠩᠰᠢᠵᠦ ᠪᠠᠶᠢᠳᠠᠯᠠ᠂ ᠰᠢᠷᠠ | ᠣᠷᠬᠢᠮᠵᠢᠨ ᠳᠣᠳᠣᠷᠠ ᠠᠴᠠ ᠪᠠᠨ ᠭᠠᠷ ᠫᠣᠣ ᠪᠠᠨ ᠭᠠᠷᠭᠠᠨ ᠳ᠋ᠠᠮᠪᠢ ᠯᠠᠮᠠ ᠶᠢᠨ ᠭᠠᠯ ᠰᠣᠭᠤ ᠤᠷᠤᠭᠤ ᠨᠢ ᠬᠠᠷᠪᠣᠵᠣ | ᠠᠯᠠᠭᠠᠳ᠂ ᠪᠠᠷᠢᠨ ᠳᠣᠯᠣᠭᠠᠢ ᠶᠢ ᠨᠢ ᠣᠭᠳᠣᠯᠣᠨ ᠠᠪᠴᠣ ᠬᠦᠷᠢᠶᠡᠨ ᠳᠤ ᠰᠢᠳᠡᠨ ᠶᠠᠪᠣᠭᠤᠯᠵᠠᠢ᠃ ᠫᠣᠣ ᠶᠢᠨ | ᠳᠠᠭᠤᠨ ᠢᠶᠠᠷ ᠴᠠᠶᠢᠵᠠ ᠶᠢᠨ ᠴᠡᠷᠢᠭ ᠬᠦᠶᠦᠯᠴᠡᠨ ᠢᠷᠡᠬᠦ ᠳᠤ ᠪᠠᠯᠳᠠᠨᠳᠣᠷᠵᠢ ᠬᠢᠵᠢᠶᠡᠨᠠᠢ ᠳ᠋ᠠᠮᠪᠢ ᠯᠠᠮᠠ ᠶᠢᠨ | ᠵᠢᠷᠦᠬᠡ ᠶᠢ ᠰᠣᠭᠤᠯᠣᠨ ᠠᠪᠴᠣ ᠢᠳᠡᠪᠡ᠂ ᠳᠡᠳᠡᠭᠡᠷ ᠴᠡᠷᠢᠭ ᠤᠳ ᠳᠦᠷᠦᠬᠦᠦ ᠨᠢ ᠠᠯᠠᠭᠳᠠᠵᠣ ᠵᠢᠷᠦᠬᠡ ᠶᠢ ᠨᠢ | ᠰᠣᠭᠤᠯᠣᠭᠰᠠᠨ ᠢ ᠬᠠᠷᠠᠭᠠᠳ᠂ ᠷᠢᠳᠢ ᠰᠢᠳᠢ ᠨᠢ ᠪᠣᠰᠣᠳ ᠲᠤ ᠰᠢᠯᠵᠢᠪᠡ ᠭᠡᠳ ᠵᠦᠭ ᠵᠦᠭ ᠲᠡᠭᠡᠨ ᠪᠣᠷᠣᠭᠤᠯᠠᠨ | ᠳᠣᠳᠠᠭᠠᠵᠠᠭᠠᠪᠠ᠃ ᠭᠠᠳᠠᠭᠤᠷ ᠪᠦᠷᠬᠦᠵᠦ ᠪᠠᠶᠢᠭᠰᠠᠨ ᠠᠯᠣᠰ ᠢ ᠳᠠᠶᠢᠯᠠᠬᠤ ᠠᠩᠬᠢ ᠶᠢᠨ ᠴᠡᠷᠢᠭ ᠤᠳ ᠳᠠᠭᠠᠷᠢᠨ | ᠴᠣᠬᠢᠭᠰᠠᠨ ᠳᠤ ᠳ᠋ᠠᠮᠪᠢ ᠯᠠᠮᠠ ᠶᠢᠨ ᠴᠡᠷᠢᠭ ᠳᠡᠶᠢᠯᠦᠭᠳᠡᠨ ᠪᠣᠳᠠᠷᠠᠪᠠ᠃ ᠭᠠᠭᠴᠠᠬᠦ ᠳ᠋ᠠᠮᠪᠢ ᠯᠠᠮᠠ ᠶᠢᠨ ᠪᠢᠴᠢᠭᠡᠴᠢ | ᠠᠭᠰᠠᠨ ᠵᠠᠬᠠᠴᠢᠨ ᠪᠠᠶᠢᠯᠨ ᠳᠡᠬᠦᠨ ᠤ ᠰᠠᠶᠢᠨ ᠮᠣᠷᠢ ᠶᠢ ᠬᠠᠰᠢᠶᠠᠨ ᠠᠴᠠ ᠨᠢ ᠪᠠᠷᠢᠯᠠᠨ ᠣᠨᠣᠵᠣ ᠠᠮᠢ ᠭᠠᠷᠪᠠ᠃ | ᠪᠠᠯᠳᠠᠨᠳᠣᠷᠵᠢ ᠳ᠋ᠠᠮᠪᠢ ᠯᠠᠮᠠ ᠶᠢᠨ ᠳᠣᠯᠣᠭᠠᠢ ᠶᠢ ᠫᠣᠣ ᠶᠢᠨ ᠵᠢᠳᠠᠨ ᠳᠤ ᠡᠯᠬᠦᠨ᠂ ᠮᠣᠩᠭᠤᠯ ᠤᠨ | ᠬᠢᠵᠠᠭᠠᠷ ᠢᠶᠠᠷ ᠳᠡᠬᠦᠨ ᠢ ᠰᠢᠳᠦᠳᠡᠭ ᠮᠣᠩᠭᠤᠯᠴᠣᠳ ᠲᠤ ︽ᠠᠮᠣᠷᠰᠠᠨᠠᠭᠠ ᠶᠢᠨ ᠬᠤᠪᠢᠯᠭᠠᠨ︾ ᠬᠡᠮᠡᠭᠳᠡᠭᠰᠡᠨ ᠳ᠋ᠠᠮᠪᠢ | ᠯᠠᠮᠠ ᠠᠯᠠᠭᠳᠠᠵᠵᠦ᠂ ᠳᠡᠬᠦᠨ ᠤ ᠷᠢᠳᠢ ᠰᠢᠳᠢ ᠨᠢ ᠪᠠᠷᠠᠭᠳᠠᠪᠠ ᠭᠡᠵᠦ ᠣᠬᠠᠭᠤᠯᠣᠨ ᠳᠣᠭᠤᠷᠢᠵᠠᠢ᠃ ᠬᠤᠵᠢᠮ ᠨᠢ | ᠳᠣᠰ ᠳᠣᠯᠣᠭᠠᠢ ᠶᠢ ᠮᠣᠩᠭᠤᠯ ᠤᠯᠠᠮᠵᠢᠯᠠᠯᠳᠤ ᠠᠷᠭᠠ ᠪᠠᠷ ᠳᠠᠪᠣᠰᠣᠯᠠᠨ ᠬᠠᠳᠠᠭᠠᠵᠦ᠂ ᠣᠷᠣᠰ ᠤᠨ | ᠺᠣᠮᠠᠨᠳᠠᠯᠠᠭᠴᠢ ᠳᠤ ᠳᠣᠰᠢᠶᠠᠨ ᠦᠭᠬᠦᠭᠰᠡᠨ ᠪᠠ ᠣᠷᠣᠰ ᠤᠨ ᠳᠠᠩᠨᠠᠭᠤᠯ ᠤᠨ ᠪᠠᠶᠢᠭᠤᠯᠭᠠ ᠠᠴᠠ ᠳᠡᠬᠦᠨ ᠢ ᠳᠠᠰᠣ | ᠨᠢᠭᠤᠴᠠ ᠳᠠᠩᠰᠠ ᠡᠪᠬᠡᠮᠡᠯ ᠳᠤ ᠣᠷᠣᠭᠤᠯᠣᠨ᠂ ᠰᠠᠨᠲ ᠫᠧᠲᠷᠪᠦᠷᠢᠭ ᠤᠨ ᠮᠦᠽᠸᠢ ᠳᠤ ᠰᠢᠯ ᠰᠠᠪᠠᠨ ᠳᠤ | ᠹᠤᠷᠮᠠᠯᠢᠨ ᠤ ᠠᠭᠤᠰᠣᠮᠠᠯ ᠳᠤ ᠬᠢᠬᠡᠳ᠂ 3394 ᠭᠡᠵᠦ ᠳ᠋ᠣᠭᠠᠷᠯᠠᠨ ︽ᠵᠠ ᠯᠠᠮᠠ ᠶᠢᠨ ᠳᠣᠯᠣᠭᠠᠢ︾ ᠭᠡᠰᠡᠨ | ᠳᠣᠳᠣᠷᠬᠠᠶᠢᠯᠠᠯᠳᠠ ᠨᠠᠭᠠᠨ ᠬᠠᠳᠠᠭᠠᠯᠠᠵᠣ ᠡᠳᠦᠭᠡ ᠪᠣᠯᠪᠠ᠃ | ᠨᠢᠬᠡᠨ ᠦᠶᠡ ᠶᠢᠨ ᠪᠠᠭᠠᠳᠣᠷ ᠢᠳᠡᠳᠡᠨ ᠤ ᠣᠨᠢᠰᠤᠭᠠ ᠮᠡᠳᠦ ᠨᠢᠬᠡ ᠨᠠᠰᠣ ᠢᠩᠬᠢᠵᠦ ᠳᠠᠭᠤᠰᠪᠠ᠃ |