| | ᠴᠢᠩ ᠤᠯᠤᠰ ᠤᠨ ᠥᠶᠠ ᠳᠤ ᠭᠠᠨᠰᠤ ᠬᠥᠭᠡᠨᠠᠭᠤᠷ ᠤᠨ ᠭᠠᠵᠠᠷ ᠪᠠᠶᠢᠭᠠ ᠵᠡᠬᠦᠨ ᠯᠤ ᠲᠤ ᠰᠧ ᠶᠢᠨ ᠭᠠᠵᠠᠷ | ᠬᠢᠭᠡᠳ ᠵᠤᠨᠢ ᠶᠢᠨ ᠭᠠᠵᠠᠷ ᠢ ᠠᠯᠠᠱᠠ ᠸᠠᠩ ᠳᠤ ᠵᠠᠬᠢᠷᠤᠭᠤᠯᠵᠤ ᠪᠠᠶᠢᠪᠠ᠃ ᠠᠯᠠᠱᠠ ᠸᠠᠩ ᠭᠡᠤᠭᠡᠨ ᠢᠶᠠᠨ ᠡᠨᠡ | ᠬᠤᠶᠠᠷ ᠭᠠᠵᠠᠷ ᠤᠨ ᠨᠤᠶᠠᠨ ᠳᠤ ᠬᠠᠳᠤᠨ ᠪᠤᠯᠭᠠᠵᠤ ᠥᠭᠪᠡ᠃ ᠲᠤᠮᠤᠬ ᠶᠠᠷᠢᠶᠠ ᠪᠠᠷ ᠪᠤᠯ ᠠᠯᠠᠱᠠ ᠸᠠᠩ ︵ | ᠳ᠋ᠠᠨᠢᠽᠠᠨᠠ︶ ᠮᠤᠷᠢ ᠳᠤ ᠶᠡᠭᠡ ᠲᠤᠷᠠ ᠲᠠᠢ ᠲᠤᠯᠠ ᠡᠨᠡ ᠭᠠᠵᠠᠷ ᠠᠴᠠ ᠨᠠᠢᠮᠠᠨ ᠭᠡᠭᠡᠷ ᠮᠤᠷᠢ ᠶᠢ ᠠᠯᠠᠱᠠ ᠸᠠᠩ ᠤᠨ | ᠪᠡᠯᠡᠭ ᠲᠤ ᠥᠭᠬᠦᠭᠰᠡᠨ ᠭᠡᠳᠡᠭ᠃ ᠡᠨᠡ ᠨᠠᠢᠮᠠᠨ ᠭᠡᠭᠡᠷ ᠮᠤᠷᠢ ᠶᠢ ᠠᠯᠠᠱᠠ ᠶᠠᠮᠤᠨ ᠳᠤ ᠪᠠᠶᠢᠯᠭᠠᠵᠤ᠂ ᠤᠷᠤᠢ | ᠴᠠᠬ ᠢᠶᠠᠷ ᠲᠡᠳᠡᠭᠡᠷ ᠢ ᠤᠰᠤᠯᠠᠬᠤ ᠭᠡᠵᠤ ᠪᠠᠶᠠᠨᠬᠤᠳᠠ ᠶᠢᠨ ᠡᠮᠤᠨᠡᠬᠢ ᠤᠰᠤᠨ ᠳᠤ ᠬᠥᠷᠭᠦ ᠥᠶᠠ ᠳᠤ ᠬᠥᠮᠤᠰ ᠰᠠᠶ᠋ᠢ | ᠲᠡᠳᠡᠭᠡᠷ ᠮᠤᠷᠢᠳ ᠢ ᠬᠠᠷᠠᠵᠤ ᠪᠠᠶᠠᠰᠳᠠᠬ ᠪᠠᠶᠢᠬᠰᠠᠨ ᠶᠤᠮ᠃ | ᠵᠡᠬᠦᠨ ᠴᠢ ᠲᠤ ᠰᠧ ︵ᠮᠤᠩᠭᠤᠯ︶ ᠭᠠᠵᠠᠷ ᠢ ᠰᠡᠬᠦᠯ ᠳᠡᠭᠡᠨ ᠯᠤ ᠲᠤ ᠰᠧ ᠤᠨ ᠭᠠᠵᠠᠷ ᠭᠡᠵᠤ ᠨᠡᠷᠡᠯᠡᠬᠦ | ᠪᠤᠯᠪᠠ᠃ ᠤᠴᠢᠷ ᠨᠢ ᠲᠡᠷᠡ ᠭᠠᠵᠠᠷ ᠤᠨ ᠨᠤᠶᠠᠨ ᠨᠢ ᠯᠤᠷᠵᠢᠶᠠ ᠭᠡᠳᠡᠭ᠃ ᠬᠠᠳᠤᠨ ᠨᠢ ᠠᠯᠠᠱᠠ ᠸᠠᠩ ᠤᠨ ᠶᠡᠭᠡ | ᠭᠡᠤᠭᠡᠨ ᠪᠠᠶᠢᠪᠠ᠃ ᠵᠠᠷᠭᠤ ᠭᠡᠷᠡᠭ ᠰᠢᠬᠦᠳᠡᠭ ᠪᠥᠭᠡᠳ ᠬᠠᠷᠬᠢᠰ ᠲᠤᠬᠰᠢᠨ ᠲᠤᠯᠠ ᠬᠥᠮᠤᠰ ᠶᠡᠭᠡ ᠠᠶᠤᠳᠠᠬ᠃ | ᠴᠢᠯᠤᠭᠡᠯᠡᠭᠳᠡᠬᠦ ᠥᠶᠠ ᠳᠤ ᠯᠤᠷᠵᠢᠶᠠ ᠠᠯᠠᠬᠳᠠᠪᠠ᠃ ᠡᠮᠡᠭᠡᠨ ᠨᠢ ᠡᠬᠦᠨ ᠠᠴᠠ ᠡᠮᠤᠨᠠ ᠠᠯᠠᠱᠠ ᠳᠠᠭᠠᠨ ᠪᠤᠴᠠᠬᠰᠠᠨ | ᠪᠠᠶᠢᠪᠠ᠃ | ᠵᠤᠨᠢ ᠶᠢᠨ ᠭᠠᠵᠠᠷ ᠲᠤ ᠲᠥᠴᠢᠨ ᠶᠢᠰᠤᠨ ᠬᠤᠰᠢᠭᠤ ᠪᠠᠶᠢᠪᠠ᠃ ᠨᠢᠭᠡ ᠬᠤᠰᠢᠭᠤᠨ ᠳᠤ ᠮᠢᠩᠭᠠᠨ | ᠴᠡᠷᠢᠭ ᠲᠠᠢ᠃ ᠨᠡᠶᠢᠳᠠ ᠲᠥᠷᠪᠡᠨ ᠲᠥᠮᠡ ᠶᠢᠰᠤᠨ ᠮᠢᠩᠭᠠᠨ ᠴᠡᠷᠢᠭ ᠲᠠᠢ ᠪᠠᠶᠢᠵᠡᠢ᠃ ᠡᠳᠡᠭᠡᠷ ᠴᠡᠷᠢᠭ ᠨᠢ | ᠮᠤᠷᠢᠨ ᠳᠠᠭᠠᠨ ᠮᠤᠷᠳᠠᠪᠠᠯ ᠴᠡᠷᠢᠭ᠂ ᠮᠤᠷᠢᠨ ᠠᠴᠠ ᠪᠠᠨ ᠪᠠᠭᠤᠪᠠᠯ ᠢᠷᠭᠡᠳ ︵ᠲᠠᠷᠢᠶᠠᠴᠢᠨ︶ ᠪᠤᠯᠳᠠᠬ ᠪᠠᠶᠢᠪᠠ᠃ | ᠡᠶᠢᠮᠤ ᠠᠴᠠ ︵上马为兵,下马为民︾ ᠭᠡᠬᠦ ᠬᠢᠳᠠᠳ ᠥᠭᠡ ᠪᠠᠶᠢᠳᠠᠬ᠃ ᠨᠥᠬᠦᠭᠡ | ᠲᠠᠯᠠ ᠪᠠᠷ ᠵᠤᠨᠢ ᠶᠢᠨ ᠲᠥᠴᠢ ᠶᠢᠰᠤᠨ ᠬᠤᠰᠢᠭᠤ ᠨᠢ ᠲᠥᠴᠢᠨ ᠶᠢᠰᠤᠨ ᠲᠠᠯᠪᠠᠭᠠ ᠲᠠᠢ᠃ ᠲᠠᠶᠢᠨ ᠪᠤᠯᠬᠤ ᠳᠤ | ᠵᠤᠨᠢ ᠶᠢᠨ ᠠᠯᠢ ᠴᠤ ᠭᠠᠵᠠᠷ ᠠᠴᠠ ᠭᠡᠨᠡᠳᠳᠡ ᠴᠡᠷᠢᠭ ᠭᠠᠷᠴᠤ ᠢᠷᠡᠳᠡᠭ ᠲᠤᠯᠠ ᠵᠤᠨᠢ ᠳᠤ ᠡᠶᠢᠮᠤ ᠨᠢᠭᠡ ᠥᠭᠡ | ᠪᠠᠶᠢᠳᠠᠬ᠃ ︽ᠭᠤᠷᠪᠠᠨ ᠱᠸᠡᠭ ᠨᠤᠭᠤᠭᠠᠨ ᠤ ᠥᠷᠠ ᠲᠤᠭᠠ ᠲᠠᠢ ᠪᠠᠶᠢᠬᠤ ᠳᠤ᠂ ᠵᠤᠨᠢ ᠶᠠᠩ ᠤᠪᠤᠬᠳᠤ ᠶᠢᠨ | ᠴᠡᠷᠢᠭ ᠲᠤ ᠲᠤᠭᠠ ᠥᠭᠡᠢ︾ ᠭᠡᠳᠡᠭ᠃ ᠢᠯᠠᠩᠭᠤᠶᠠ ᠴᠢᠩ ᠤᠯᠤᠰ ᠤᠨ ᠪᠥᠷᠢᠨ ᠵᠠᠰᠠᠬᠳᠤ ᠶᠢᠨ ᠥᠶᠠ ᠶᠢᠨ | ᠬᠤᠳᠤᠩ ᠤᠨ ᠤᠷᠪᠠᠯᠭᠠᠨ ᠤ ᠥᠶᠠ ᠳᠤ ᠶᠠᠬ ᠡᠶᠢᠮᠤ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠪᠠ᠃ ᠬᠥᠤᠰᠢ ᠬᠠᠭᠠᠨ ᠲᠥᠪᠡᠳ ᠢ | ᠡᠷᠭᠡᠰᠢᠶᠠᠯ ᠳᠡᠭᠡᠨ ᠤᠷᠤᠭᠤᠯᠬᠤ ᠥᠶᠠ ᠳᠤ᠂ ᠵᠤᠨᠢ ᠭᠠᠵᠠᠷ ᠤᠨ ᠲᠥᠪᠡᠳ ᠲᠡᠳᠡᠨ ᠳᠤ ᠤᠷᠤᠵᠤ ᠥᠭᠬᠦᠭᠰᠡᠨ ᠥᠭᠡᠢ | ᠶᠤᠮ᠃ ᠲᠡᠳᠡ ᠤᠯᠠᠭᠠᠨ ᠤ ᠱᠠᠰᠢᠨ ᠢ ᠰᠢᠳᠤᠵᠤ ᠪᠠᠶᠢᠵᠡᠢ᠃ ᠰᠡᠬᠦᠯᠡᠷ ᠨᠢ ᠱᠠᠵᠢᠪ ᠭᠡᠳᠡᠭ ᠯᠠᠮᠠ ᠭᠠᠷᠴᠤ ᠢᠷᠡᠭᠡᠳ | ᠤᠯᠠᠭᠠᠨ ᠤ ᠱᠠᠰᠢᠨ ᠢ ᠰᠢᠷᠠ ᠶᠢᠨ ᠱᠠᠰᠢᠨ ᠪᠤᠯᠭᠠᠪᠠ᠃ | ᠵᠤᠨᠢ ᠶᠢᠨ ᠬᠠᠮᠤᠬ ᠰᠡᠬᠦᠯ ᠤᠨ ᠨᠤᠶᠠᠨ ᠪᠤᠯᠬᠤ ᠶᠠᠩ ᠹᠥ᠋ ᠰᠢᠩ ᠳᠤ ᠠᠯᠠᠱᠠ ᠸᠠᠩ ᠳ᠋ᠠᠨᠢᠽᠠᠨᠠ | ᠭᠡᠤᠭᠡᠨ ᠢᠶᠠᠨ ᠥᠭᠪᠡ᠃ ᠲᠡᠷᠡ ᠭᠡᠤᠭᠡᠨ ᠨᠢ ᠡᠳᠤᠭᠡ ᠯᠠᠨᠵᠸᠤ ᠬᠤᠳᠠ ᠳᠤ ᠪᠤᠢ᠃ ᠨᠡᠷᠠ ᠨᠢ ᠳ᠋ᠠ ᠹᠠᠨᠭ᠌ ᠭᠡᠳᠡᠭ᠃ | ᠡᠳᠤᠭᠡ ᠶᠡᠷᠡ ᠤᠷᠴᠢᠮ ᠨᠠᠰᠤ ᠲᠠᠢ ᠬᠥᠮᠤᠨ ᠪᠤᠢ᠃ | ᠡᠨᠡ ᠬᠤᠶᠠᠷ ᠭᠠᠵᠠᠷ ᠨᠢ ᠠᠯᠠᠱᠠ ᠸᠠᠩ ᠤᠨ ᠵᠠᠬᠢᠷᠤᠯ ᠲᠤᠤᠷᠠ ᠪᠠᠶᠢᠵᠤ᠂ ᠭᠤᠤᠯᠳᠠᠭᠤ ᠬᠤᠳᠤᠩ ᠤᠨ | ᠤᠷᠪᠠᠯᠭᠠ ᠭᠠᠷᠭᠠᠬᠤ ᠵᠡᠷᠭᠡ ᠶᠢ ᠰᠡᠷᠭᠡᠶᠢᠯᠡᠵᠤ ᠪᠠᠶᠢᠬᠰᠠᠨ ᠠᠵᠢ᠃ | | ︵︽ᠠᠬᠸᠠᠩᠴᠦ᠋ᠢᠳᠡᠷ ᠤᠨ ᠶᠠᠷᠢᠬᠰᠠᠨ ᠮᠤᠩᠭᠤᠯ ᠲᠦᠪᠡᠳ ᠱᠠᠰᠢᠨ ᠤ ᠠᠮᠠᠨ ᠲᠡᠤᠬᠡ︾ ᠨᠤᠮ ᠠᠴᠠ︶ |