| ᠲᠡᠭᠷᠢ ᠲᠡᠳᠬᠦᠭᠴᠢ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠱᠠᠯᠪᠢᠩ ᠪᠡᠭᠡᠵᠢᠩ ᠳᠤ ᠮᠤᠷᠳᠠᠪᠠ | | ᠠᠯᠠᠱᠠ ᠬᠤᠱᠤᠳ ᠬᠤᠰᠢᠭᠤᠨ ᠤ ᠴᠢᠨ ᠸᠠᠩ ᠠᠪᠤᠤ ᠨᠤᠶᠠᠨ ᠤ ᠳᠡᠷᠭᠡᠳᠡ ᠨᠢᠭᠡᠨ ᠮᠡᠷᠭᠡᠨ ᠤᠬᠠᠭᠠᠨᠳᠠᠢ | ᠯᠠᠮᠠ ᠨᠠᠮᠺᠠᠶᠢᠪᠠᠯ ᠷᠠᠪᠵᠢᠮᠪᠠ ᠭᠡᠳᠡᠭ ᠬᠦᠮᠦᠨ ᠪᠠᠶᠢᠵᠦ᠂ ᠱᠠᠰᠢᠨ ᠤ ᠨᠤᠮ ᠤᠨ ᠤᠬᠠᠭᠠᠨ ᠳᠤ ᠨᠡᠪᠲᠡᠷᠡᠭᠰᠡᠨ ᠢᠶᠠᠷ | ᠪᠠᠷᠠᠬᠤ ᠦᠭᠡᠢ᠂ ᠱᠠᠰᠢᠨ ᠢᠶᠠᠷ ᠲᠥᠷᠥ ᠶᠢ ᠳᠡᠳᠬᠦᠬᠦ ᠶᠤᠰᠤᠨ ᠳᠤ ᠴᠦ ᠮᠡᠷᠭᠡᠵᠢᠭᠰᠡᠨ ᠢᠶᠠᠷ ᠨᠤᠶᠠᠨ ᠳᠤ ᠠᠷᠭᠠ | ᠤᠬᠠᠭᠠᠨ ᠭᠠᠷᠭᠠᠵᠦ ᠶᠡᠭᠡ ᠤᠴᠢᠷ ᠶᠠᠪᠤᠳᠠᠯ ᠢ ᠪᠦᠲᠦᠭᠡᠳᠡᠭ ᠪᠠᠶᠢᠵᠦ ᠭᠡᠨᠡ᠃ | ᠲᠡᠭᠦᠨ ᠤ ᠬᠡᠯᠡᠭᠰᠡᠨ ᠲᠠᠢ ᠠᠳᠠᠯᠢ ᠪᠠᠷ ᠠᠪᠤᠤ ᠨᠤᠶᠠᠨ ᠲᠤᠭᠰᠢᠨ ᠭᠦᠩᠵᠦ ᠶᠢ ᠬᠠᠲᠤᠨ ᠢᠶᠠᠨ ᠪᠤᠯᠭᠠᠵᠦ ᠠᠯᠠᠱᠠ ᠳᠤ | ᠪᠠᠭᠤᠯᠭᠠᠨ ᠢᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ᠂ ᠮᠠᠨᠵᠦ ᠶᠢᠨ ᠲᠦᠷᠥ ᠠᠯᠠᠱᠠ ᠬᠤᠱᠤᠳ ᠢ ᠦᠮᠨᠦᠬᠡᠨ ᠨᠢᠳᠦ ᠪᠠᠷ ᠦᠵᠡᠵᠦ | ᠲᠤᠭᠤᠮᠵᠢ ᠦᠭᠡᠢ ᠪᠤᠯᠵᠦ ᠪᠠᠶᠢᠵᠦ ᠭᠡᠨᠡ᠃ ᠲᠤᠭᠰᠢᠨ ᠭᠦᠩᠵᠦ ᠬᠡᠳᠦᠶᠢᠪᠡᠷ ᠪᠡᠭᠡᠵᠢᠩ ᠬᠤᠲᠠ ᠠᠴᠠ ᠰᠠᠯᠵᠦ ᠠᠷᠤ | ᠭᠠᠵᠠᠷ ᠢᠷᠡᠭᠰᠡᠨ ᠪᠤᠯᠪᠠᠴᠦ ᠡᠴᠢᠭᠡ ᠬᠠᠭᠠᠨ ᠤ ᠦᠮᠦᠭ ᠰᠦᠷ ᠪᠠ ᠡᠷᠡ ᠨᠦᠬᠦᠷ ᠤᠨ ᠪᠤᠶᠠᠨ ᠢᠶᠠᠷ ᠡᠷᠬᠡ | ᠬᠦᠨᠳᠦ ᠶᠢ ᠡᠳ᠋ᠯᠡᠵᠦ ᠠᠮᠤᠷ ᠲᠦᠪᠰᠢᠨ ᠢᠶᠠᠷ ᠵᠢᠷᠭᠠᠵᠦ᠂ ᠰᠡᠳᠬᠢᠯ ᠰᠠᠨᠠᠭᠠ ᠵᠣᠪᠠᠭ᠋ᠤ ᠤᠴᠢᠷ ᠦᠭᠡᠢ ᠰᠠᠶᠢᠨ | ᠰᠠᠶᠢᠬᠠᠨ ᠠᠮᠢᠳᠤᠷᠠᠵᠦ ᠰᠠᠭᠤᠵᠦ ᠪᠡᠶᠢᠵᠡᠢ᠃ | ᠲᠡᠭᠡᠵᠦ ᠬᠡᠰᠡᠭ ᠰᠠᠭᠤᠵᠦ ᠪᠠᠶᠢᠭᠠᠳ ᠲᠤᠭᠰᠢᠨ ᠬᠦᠩᠵᠦ ᠲᠦᠷᠬᠦᠮᠴᠢᠯᠡᠬᠦ ᠪᠠᠷ ᠪᠡᠭᠡᠵᠢᠩ ᠳᠡᠭᠡᠨ ᠬᠠᠷᠢᠬᠤ | ᠪᠤᠯᠵᠡᠢ᠃ ᠲᠡᠭᠡᠭᠡᠳ ᠡᠴᠢᠭᠡ ᠦᠬᠢᠨ ᠬᠤᠶᠠᠷ ᠵᠤᠯᠭᠠᠵᠦ ᠡᠨᠡ ᠲᠡᠷᠡ ᠶᠢ ᠬᠡᠯᠡᠯᠴᠡᠨ ᠰᠠᠭᠤᠵᠦ ᠪᠠᠶᠢᠬᠤ ᠶᠢᠨ ᠳᠤᠮᠳᠠ᠂ | ᠲᠤᠭᠰᠢᠨ ᠭᠦᠩᠵᠦ ᠬᠡᠯᠡᠵᠡᠢ᠄ ︽ᠮᠠᠨ ᠤ ᠠᠯᠠᠱᠠ ᠬᠤᠰᠢᠭᠤ ᠬᠡᠳᠦᠶᠢᠪᠡᠷ ᠵᠠᠬᠠ ᠬᠢᠵᠠᠭᠠᠷ ᠪᠠᠭᠠ ᠭᠠᠵᠠᠷ ᠪᠤᠯᠪᠠᠴᠦ᠂ | ᠬᠥᠳᠡᠭᠡ ᠲᠠᠯᠠ ᠪᠠᠷ ᠠᠭᠤᠵᠢᠮ᠂ ᠬᠦᠷᠦᠩᠭᠡ ᠮᠠᠯ ᠢᠶᠠᠷ ᠵᠤᠵᠠᠭᠠᠨ᠂ ᠮᠠᠰᠢ ᠪᠠᠶᠠᠯᠢᠭ ᠰᠠᠶᠢᠬᠠᠨ ᠤᠷᠤᠨ ᠶᠤᠮ ᠡ᠃ | ᠬᠠᠭᠠᠨ ᠠᠪᠤ ᠲᠠ ᠮᠠᠨ ᠤ ᠠᠯᠠᠱᠠ ᠶᠢ ᠳᠤᠤᠷᠠ ᠦᠵᠡᠵᠦ ᠪᠣᠯᠬᠤ ᠦᠭᠡᠢ᠂ ᠮᠠᠨ ᠤ ᠲᠡᠨᠳᠡ ᠡᠷᠳᠡᠮ ᠲᠠᠢ ᠴᠢᠳᠠᠯ | ᠲᠠᠢ ᠭᠠᠶᠢᠬᠠᠮᠰᠢᠭᠲᠤ ᠬᠦᠮᠦᠨ ᠤᠯᠠᠨ ᠪᠤᠢ ᠰᠢᠦ︕︾ ᠭᠡᠵᠡᠢ᠃ ᠬᠠᠭᠠᠨ ᠰᠤᠨᠤᠰᠴᠦ ᠰᠡᠳᠬᠢᠯ ᠲᠤᠳᠤᠷᠠ ᠨᠢ | ᠪᠠᠭ᠋ᠠᠨ ᠲᠠᠭᠠᠯᠠᠮᠵᠢ ᠦᠭᠡᠢ ᠪᠤᠯᠵᠦ᠄ ︽ᠵᠠ᠂ ᠴᠢ ᠬᠡᠯᠡ ᠳ᠋ᠡ᠂ ᠶᠠᠮᠠᠷ ᠶᠠᠮᠠᠷ ᠭᠠᠶᠢᠬᠠᠮᠰᠢᠭᠲᠤ ᠬᠦᠮᠦᠨ ᠪᠤᠢ ᠪᠢᠯᠡ︖︾ | ᠭᠡᠵᠦ ᠠᠰᠠᠭᠤᠭᠰᠠᠨ ᠳᠤ᠂ ︽ᠵᠦᠪᠬᠡᠨ ᠪᠦᠬᠡᠴᠢᠨ ᠢᠶᠠᠷ ᠠᠪᠤᠭᠠᠳ ᠬᠡᠯᠡᠶᠡ ᠳ᠋ᠡ᠂ ᠱᠠᠯᠪᠢᠩ ᠭᠡᠵᠦ ᠰᠠᠶ᠋ᠢ ᠬᠤᠷᠢ | ᠭᠠᠷᠴᠦ ᠪᠠᠶᠢᠬᠤ ᠨᠢᠭᠡ ᠰᠠᠶᠢᠬᠠᠨ ᠵᠠᠯᠠᠭᠤ ᠪᠤᠢ᠂ ᠪᠡᠶᠡ ᠦᠨᠳᠦᠷ ᠴᠡᠭᠡᠵᠢ ᠦᠷᠭᠡᠨ᠂ ᠮᠢᠩᠭᠠᠨ ᠵᠢᠩ ᠤᠨ ᠴᠢᠯᠠᠭᠤ ᠶᠢ | ᠡᠷᠭᠦᠳᠡᠭ ᠬᠦᠴᠦ ᠴᠢᠳᠠᠯ ᠢᠶᠠᠷ ᠲᠡᠭᠦᠰ ᠪᠦᠷᠢᠳᠦᠭᠰᠡᠨ ᠦᠨᠡᠭᠡᠷ ᠭᠠᠶᠢᠬᠠᠮᠰᠢᠭᠲᠠᠢ ᠡᠷᠠ ᠰᠢᠦ᠃ ᠪᠦᠬᠡ | ᠪᠠᠷᠢᠯᠳᠤᠭᠠᠳ ᠣᠳᠤ ᠪᠤᠯᠲᠠᠯᠠ ᠲᠡᠭᠦᠨ ᠲᠠᠢ ᠲᠡᠩᠴᠡᠬᠦ ᠬᠦᠮᠦᠨ ᠭᠡᠵᠦ ᠭᠠᠷᠤᠭᠠ ᠦᠭᠡᠢ ᠪᠠᠶᠢᠭᠰᠠᠭᠠᠷ ᠪᠠᠶᠢᠨᠠ︕︾ | ᠭᠡᠵᠦ ᠭᠦᠩᠵᠦ ᠬᠡᠯᠡᠵᠡᠢ᠃ ᠡᠵᠡᠨ ᠬᠠᠭᠠᠨ ᠡᠨᠡᠬᠦ ᠦᠭᠡ ᠶᠢ ᠰᠤᠨᠤᠰᠤᠭᠠᠳ ᠶᠡᠬᠡᠳᠡ ᠲᠠᠭᠠᠯᠠᠮᠵᠢᠲᠠᠢ ᠢᠨᠢᠶᠡᠵᠦ᠄ ︽ | ᠬᠡᠦᠬᠡᠨ ᠮᠢᠨᠢ ᠡ︕ ᠴᠢ ᠮᠤᠷᠳᠠᠵᠦ ᠶᠠᠪᠤᠭᠠᠳ ᠳᠡᠮᠡᠢ ᠤᠳᠠᠭᠠ ᠦᠭᠡᠢ ᠪᠠᠶᠢᠳᠠᠯᠠ᠂ ᠬᠠᠷᠢᠨ ᠡᠴᠢᠭᠡ ᠬᠠᠭᠠᠨ ᠤ | ᠪᠠᠨ ᠳᠠᠷᠬᠠᠨ ᠪᠦᠬᠡ ᠶᠢᠨ ᠲᠤᠭᠰᠢᠨ ᠠᠶᠤᠮᠰᠢᠭᠳᠠᠢ ᠶᠢ ᠮᠠᠷᠲᠠᠴᠢᠬᠠᠬᠰᠠᠨ ᠭᠡᠵᠡᠢ ᠤᠤ ᠳ᠋ᠡ︖︾ ᠭᠡᠬᠦᠯᠡ ᠭᠦᠩᠵᠦ | ᠮᠠᠷᠭᠤᠵᠦ᠄ ︽ᠬᠠᠭᠠᠨ ᠠᠪᠤ ᠶᠢᠨ ᠲᠡᠷᠡ ᠳᠠᠷᠬᠠᠨ ᠪᠦᠬᠡ ᠶᠢᠨ ᠴᠢᠳᠠᠯᠳᠠᠢ ᠬᠡᠴᠡᠭᠦᠦ ᠶᠢ ᠪᠢ ᠶᠠᠭᠠᠬᠢᠭᠠᠳ ᠮᠡᠳᠡᠬᠦ | ᠦᠭᠡᠢ ᠪᠠᠶᠢᠬᠤ ᠪᠢᠯᠡ︖ ᠭᠡᠪᠡᠴᠦ ᠮᠢᠨᠦ ᠦᠵᠡᠬᠦ ᠪᠠᠷ ᠪᠤᠯ ᠠᠪᠤ ᠶᠢᠨ ᠳᠠᠷᠬᠠᠨ ᠪᠦᠬᠡ ᠴᠤ ᠭᠡᠳ ᠮᠠᠨ ᠤ ᠲᠡᠷᠡ | ᠱᠠᠯᠪᠢᠩ ᠢ ᠳᠡᠶᠢᠯᠵᠦ ᠭᠠᠷᠬᠤ ᠭᠡᠳᠡᠭ ᠪᠡᠷᠬᠡ ᠪᠠᠶᠢᠭᠠ ᠰᠢᠦ︾ ᠭᠡᠵᠡᠢ᠃ | ᠭᠦᠩᠵᠦ ᠶᠢᠨ ᠦᠭᠡᠨ ᠳᠤ ᠬᠠᠭᠠᠨ ᠮᠠᠰᠢ ᠤᠨᠳᠤᠭᠤᠴᠠᠵᠦ᠄ ︽ᠲᠡᠶᠢᠮᠦ︖ ᠲᠡᠭᠡᠪᠡᠯ ᠴᠢ ᠠᠯᠠᠱᠠ ᠳᠠᠭᠠᠨ | ᠤᠴᠢᠭᠠᠳ ᠲᠡᠷᠡ ᠰᠦᠷᠡᠬᠡᠢ ᠪᠦᠬᠡ ᠪᠠᠨ ᠨᠠᠭᠠᠰᠢ ᠨᠢ ᠢᠷᠡᠭᠦᠯ᠃ ᠲᠡᠭᠦᠨ ᠢ ᠪᠢ ᠳᠠᠷᠬᠠᠨ ᠪᠦᠬᠡ ᠲᠠᠢ ᠪᠠᠨ | ᠪᠠᠷᠢᠯᠳᠤᠭᠤᠯᠵᠦ ᠦᠵᠡᠶᠡ᠃ ᠬᠠᠭᠠᠨ ᠤ ᠳᠠᠷᠬᠠᠨ ᠪᠦᠬᠡ ᠭᠡᠳᠡᠭ ᠴᠢᠨᠢ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠲᠡᠩᠴᠡᠬᠦ ᠭᠠᠷ ᠦᠭᠡᠢ | ᠬᠦᠨᠳᠡᠯᠡᠨ ᠭᠤᠯᠳᠤ ᠶᠠᠪᠤᠳᠠᠭ ᠡᠷᠡ ᠪᠤᠢ ᠰᠢᠦ᠃ ᠳᠡᠶᠢᠮᠦ ᠶᠡᠭᠡ ᠪᠦᠬᠡ ᠬᠠᠭᠠᠨ ᠬᠦᠮᠦᠨ ᠳᠤ ᠯᠠ ᠪᠠᠶᠢᠵᠦ | ᠪᠣᠯᠬᠤ ᠠᠴᠠ ᠪᠢᠰᠢ᠂ ᠠᠷᠠᠳ ᠠᠯᠪᠠᠲᠤ ᠨᠠᠷ ᠤᠨ ᠳᠤᠳᠤᠷᠠ ᠪᠠᠶᠢᠵᠦ ᠴᠢᠳᠠᠬᠤ ᠶᠤᠰᠤ ᠦᠭᠡᠢ ᠶᠤᠮ᠃ ᠬᠡᠦᠬᠡᠨ ᠮᠢᠨᠢ | ᠡ᠂ ᠴᠢᠨᠦ ᠨᠠᠰᠤ ᠪᠠᠭᠠ᠂ ᠴᠢᠰᠦ ᠰᠢᠩᠭᠡᠨ᠂ ᠤᠴᠢᠷ ᠮᠡᠳᠡᠬᠦ ᠦᠭᠡᠢ ᠪᠤᠯᠬᠤᠯᠠᠷ ᠠᠮᠠᠨ ᠤ ᠪᠠᠨ ᠳᠤᠷᠠ ᠪᠠᠷ ᠳᠡᠮᠡᠢ | ᠶᠡᠭᠡ ᠦᠭᠡ ᠬᠡᠯᠡᠵᠦ ᠪᠠᠶᠢᠨᠠ᠃ ᠴᠢᠨᠦ ᠶᠡᠭᠡ ᠦᠭᠡ ᠴᠤ ᠶᠠᠭᠠᠬᠢᠬᠤ ᠪᠤᠢ᠂ ᠬᠠᠷᠢᠨ ᠲᠡᠷᠡ ᠬᠦᠮᠦᠨ ᠤ ᠬᠦᠦ ᠯᠠ | ᠴᠢᠨᠦ ᠦᠭᠡᠨ ᠤ ᠤᠷᠰᠢᠭ ᠢᠶᠠᠷ ᠬᠦᠭᠡᠷᠦᠭᠦᠢ ᠬᠤᠷᠤᠬᠠᠢ ᠶᠢᠨ ᠠᠮᠢ ᠪᠠᠨ ᠬᠢᠯᠢᠰ ᠢᠶᠠᠷ ᠠᠯᠳᠠᠬᠤ ᠪᠤᠯᠤᠨᠠ ᠳ᠋ᠠ︕ | ︾ ᠭᠡᠳ ᠱᠠᠯᠪᠢᠩ ᠢ ᠪᠡᠭᠡᠵᠢᠩ ᠳᠤ ᠢᠷᠡᠬᠦᠯᠵᠦ ᠬᠠᠭᠠᠨ ᠤ ᠳᠠᠷᠬᠠᠨ ᠪᠦᠬᠡ ᠲᠠᠢ ᠪᠠᠷᠢᠯᠳᠤᠭᠤᠯᠬᠤ ᠵᠠᠷᠯᠢᠭ | ᠪᠠᠭᠤᠯᠭᠠᠵᠡᠢ᠃ | ᠬᠡᠷᠡᠭ ᠡᠶᠢᠮᠦ ᠪᠤᠯᠤᠨᠠ ᠭᠡᠵᠦ ᠭᠦᠩᠵᠦ ᠤᠭᠲᠤ ᠰᠠᠨᠠᠭᠠᠨ ᠳᠤ ᠦᠭᠡᠢ ᠪᠠᠶᠢᠭᠰᠠᠨ ᠲᠤᠯᠠ᠂ ᠶᠠᠭᠤ ᠭᠡᠳ | ᠲᠡᠶᠢᠮᠦ ᠶᠡᠭᠡ ᠦᠭᠡ ᠬᠡᠯᠡᠭᠰᠡᠨ ᠪᠢᠯᠡ ᠭᠡᠮᠡᠨ ᠪᠡᠶᠡ ᠳᠡᠭᠡᠨ ᠬᠤᠷᠤᠰᠪᠠᠴᠦ᠂ ᠬᠠᠭᠠᠨ ᠠᠪᠤ ᠶᠢᠨ ᠵᠠᠷᠯᠢᠭ ᠠᠴᠠ | ᠵᠦᠷᠢᠴᠡᠬᠦ ᠠᠷᠭᠠ ᠦᠭᠡᠢ᠂ ᠶᠠᠭᠠᠷᠠᠨ ᠰᠠᠨᠳᠤᠷᠤᠨ ᠠᠯᠠᠱᠠ ᠳᠠᠭᠠᠨ ᠬᠠᠷᠢᠵᠦ ᠢᠷᠡᠵᠡᠢ᠃ ᠲᠡᠭᠡᠭᠡᠳ ᠨᠢᠭᠡ ᠢᠲᠡᠭᠡᠯ | ᠲᠠᠢ ᠲᠦᠰᠢᠮᠡᠯ ᠢᠶᠠᠨ ᠳᠠᠭᠤᠳᠠᠵᠦ᠂ ᠵᠠ ᠣᠳᠣ ᠡᠶᠢᠮᠦ ᠡᠶᠢᠮᠦ ᠤᠴᠢᠷ ᠪᠤᠯᠤᠯᠠ ᠰᠢᠦ᠂ ᠶᠡᠷᠦ ᠱᠠᠯᠪᠢᠩ ᠳᠡᠶᠢᠯᠪᠡᠴᠦ | ᠲᠡᠷᠡ᠂ ᠡᠰᠡ ᠳᠡᠶᠢᠯᠪᠡᠴᠦ ᠲᠡᠷᠡ᠂ ᠬᠠᠭᠠᠨ ᠴᠤ ᠯᠠᠪ ᠲᠡᠭᠦᠨ ᠢ ᠵᠦᠭᠡᠷ ᠦᠩᠭᠡᠷᠡᠬᠦᠯᠬᠦ ᠦᠭᠡᠢ ᠪᠠᠶᠢᠬᠠ ᠳ᠋ᠠ᠂ | ᠳᠡᠭᠡᠭᠦᠯᠡᠷ ᠴᠢ ᠠᠷᠭᠠ ᠭᠠᠷᠭᠠᠵᠦ ᠪᠠᠶᠢᠭᠠᠳ ᠱᠠᠯᠪᠢᠩ ᠢ ᠪᠡᠭᠡᠵᠢᠩ ᠠᠴᠠ ᠠᠮᠢᠳᠤ ᠳᠤᠲᠠᠭᠠᠯᠭᠠᠵᠦ ᠶᠠᠪᠤᠭᠤᠯᠬᠤ | ᠬᠡᠷᠡᠭᠳᠡᠢ᠃ ᠬᠠᠷᠢᠨ ᠱᠠᠯᠪᠢᠩ ᠡᠶᠢᠮᠦ ᠲᠡᠶᠢᠮᠦ ᠪᠣᠯᠬᠤ ᠳᠤ ᠬᠦᠷᠪᠡᠯ ᠪᠢ ᠴᠢᠮᠠᠶᠢ ᠶᠢ ᠦᠷᠦᠰᠢᠶᠡᠬᠦ ᠦᠭᠡᠢ ᠰᠢᠦ ᠭᠡᠵᠦ | ᠲᠠᠬᠢᠨ ᠲᠠᠪᠳᠠᠨ ᠵᠠᠬᠢᠵᠦ ᠲᠤᠰᠢᠶᠠᠭᠠᠳ ᠮᠤᠷᠳᠠᠭᠤᠯᠵᠦ ᠭᠡᠨᠡ᠃ | ᠲᠦᠰᠢᠮᠡᠯ ᠭᠦᠩᠵᠦ ᠶᠢᠨ ᠵᠠᠷᠯᠢᠭ ᠢ ᠬᠦᠯᠢᠶᠡᠵᠦ ᠠᠪᠤᠭᠠᠳ᠂ ᠱᠠᠯᠪᠢᠩ ᠢ ᠳᠠᠭᠠᠭᠤᠯᠤᠨ ᠪᠡᠭᠡᠵᠢᠩ ᠤᠷᠤᠵᠦ | ᠬᠠᠭᠠᠨ ᠳᠤ ᠪᠠᠷᠠᠯᠠᠭᠰᠠᠨ ᠳᠤ᠂ ᠬᠠᠭᠠᠨ ᠱᠠᠯᠪᠢᠩ ᠢ ᠦᠵᠡᠬᠦ ᠲᠠᠢ ᠪᠠᠨ ᠵᠡᠷᠭᠡ ᠳᠤᠳᠤᠷᠠ ᠨᠢ ᠭᠡᠷᠳᠡᠰᠭᠢᠵᠦ᠂ ᠠᠶᠠ | ᠡᠨᠡ ᠵᠤᠯᠢᠭ ᠴᠤ ᠮᠠᠭᠠᠳ ᠴᠠᠭᠠᠨᠠ ᠠᠴᠠ ᠪᠠᠨ ᠤᠴᠢᠷ ᠲᠠᠢ ᠲᠦᠷᠦᠭᠰᠡᠨ ᠠᠮᠢᠲᠠᠨ ᠪᠠᠶᠢᠨᠠ᠂ ᠮᠢᠨᠤ ᠳᠠᠷᠬᠠᠨ | ᠪᠦᠬᠡ ᠶᠡᠷᠦ ᠶᠠᠭᠠᠬᠢᠳᠠᠭ ᠪᠤᠯ ᠳ᠋ᠠ ᠭᠡᠵᠦ ᠰᠡᠳᠬᠢᠯ ᠳᠡᠭᠡᠨ ᠶᠡᠬᠡᠯᠡ ᠵᠤᠪᠠᠨᠢᠭᠰᠠᠨ ᠰᠢᠭ ᠪᠤᠯᠵᠦ᠂ ᠬᠠᠷᠢᠨ ᠲᠡᠭᠦᠨ ᠤ | ᠭᠠᠷ ᠲᠤ ᠰᠢᠷᠤᠢ ᠡᠮᠬᠦᠭᠡᠳ ᠤᠨᠠᠵᠦ ᠪᠠᠶᠢᠪᠠᠯ ᠮᠡᠬᠦᠰ ᠬᠦᠮᠦᠨ ᠢ ᠴᠤᠬᠤᠮ ᠬᠠᠷᠠᠯᠠᠭᠤᠯᠵᠦ ᠬᠦᠢᠴᠡᠬᠦ ᠨᠢ ᠲᠡᠷᠡ ᠡ᠃ | ᠡᠭᠦᠨ ᠢᠶᠠᠷ ᠦᠵᠡᠪᠡᠯ ᠮᠢᠨᠦ ᠬᠡᠦᠬᠡᠨ ᠤ ᠦᠭᠡ ᠦᠨᠡᠨ ᠪᠠᠶᠢᠵᠦ ᠭᠡᠵᠦ ᠪᠤᠳᠤᠭᠠᠳ᠂ ᠪᠦᠬᠡ ᠶᠢᠨ ᠳᠠᠭᠠᠭᠠᠮᠠᠯ ᠢᠶᠠᠨ | ᠳᠠᠭᠤᠳᠠᠵᠦ᠂ ᠱᠠᠯᠪᠢᠩ ᠯᠠᠪ ᠬᠤᠯᠠ ᠶᠢᠨ ᠵᠠᠮ ᠬᠦᠬᠡᠬᠡᠵᠦ ᠢᠷᠡᠭᠰᠡᠨ ᠶᠤᠮ᠂ ᠲᠡᠷᠡ ᠰᠦᠷᠡᠬᠡᠢ ᠵᠦᠳᠡᠷᠡᠭᠰᠡᠨ | ᠪᠠᠶᠢᠬᠤ ᠶᠤᠮ᠂ ᠲᠡᠭᠦᠨ ᠢ ᠶᠡᠷᠦ ᠠᠮᠠᠷᠠᠭᠠᠵᠦ ᠪᠣᠯᠬᠤ ᠦᠭᠡᠢ᠂ ᠮᠠᠷᠭᠠᠰᠢ ᠵᠠᠪᠠᠯ ᠪᠠᠷᠢᠯᠳᠤᠭᠤᠯᠬᠤ ᠬᠡᠷᠡᠭᠳᠡᠢ᠂ ᠲᠡᠭᠡᠬᠦ | ᠳᠡᠭᠡᠨ ᠤᠷᠢᠳ ᠪᠤᠰᠤᠳ ᠪᠦᠬᠡᠴᠤᠳ ᠢᠶᠠᠨ ᠴᠤᠪᠤᠷᠠᠭᠤᠯᠤᠨ ᠭᠠᠷᠭᠠᠵᠦ ᠪᠠᠷᠢᠯᠳᠤᠭᠤᠯᠵᠦ ᠪᠠᠶᠢᠭᠠᠳ᠂ ᠱᠠᠯᠪᠢᠩ ᠤᠨ | ᠬᠦᠴᠦ ᠨᠢ ᠮᠠᠭᠤᠳᠠᠭᠠᠳ ᠢᠷᠡᠬᠦ ᠶᠢᠨ ᠬᠢᠷᠢ ᠳᠤ ᠳᠠᠷᠬᠠᠨ ᠪᠦᠬᠡ ᠪᠠᠨ ᠲᠠᠯᠪᠢ᠂ ᠳᠠᠷᠬᠠᠨ ᠪᠦᠬᠡ ᠶᠢ | ᠰᠢᠷᠤᠶᠢᠳᠠᠭᠤᠯᠵᠦ ᠤᠭᠲᠤ ᠪᠣᠯᠬᠤ ᠦᠭᠡᠢ᠂ ᠬᠡᠷᠪᠡ ᠠᠯᠳᠠᠰᠢ ᠭᠠᠷᠳᠠᠭ ᠪᠤᠯ ᠬᠠᠮᠤᠭ ᠤᠨ ᠲᠡᠷᠢᠬᠦᠨ ᠳᠤ ᠴᠢᠨᠦ | ᠲᠤᠯᠤᠭᠠᠢ ᠲᠠᠢ ᠬᠡᠯᠯᠡᠴᠡᠨᠡ ᠭᠡᠵᠦ ᠲᠠᠰ ᠭᠡᠰᠡᠨ ᠬᠠᠲᠠᠭᠤ ᠵᠠᠷᠯᠢᠭ ᠪᠠᠭᠤᠯᠭᠠᠵᠡᠢ᠃ | ᠲᠡᠷᠡ ᠰᠦᠨᠢ ᠬᠠᠭᠠᠨ ᠤᠯᠢᠭ ᠲᠠᠢ ᠰᠠᠶᠢᠨ ᠨᠤᠶᠢᠷᠰᠤᠵᠦ ᠴᠢᠳᠠᠭᠰᠠᠨ ᠦᠭᠡᠢ᠂ ᠤᠴᠢᠵᠦ ᠦᠵᠡᠬᠦ ᠤᠤ᠂ | ᠪᠠᠶᠢᠬᠤ ᠤᠤ᠂ ᠬᠡᠷᠪᠡ ᠳᠠᠷᠬᠠᠨ ᠪᠦᠬᠡ ᠳᠡᠶᠢᠯᠦᠭᠳᠡᠵᠦ ᠮᠢᠨᠦ ᠡᠮᠦᠨᠡ ᠤᠶᠢᠴᠢᠬᠤ ᠳᠤ ᠬᠦᠷᠪᠡᠯ ᠮᠡᠬᠦᠰ ᠬᠦᠮᠦᠨ ᠪᠢ | ᠶᠠᠭᠠᠬᠢᠵᠦ ᠬᠦᠮᠦᠨ ᠤ ᠨᠢᠭᠤᠷ ᠢ ᠦᠵᠡᠳᠡᠭ ᠪᠢᠯᠡ ᠭᠡᠬᠦ ᠮᠡᠲᠦ ᠪᠡᠷᠡ ᠡᠯᠳᠡᠪ ᠢ ᠪᠤᠳᠤᠨ ᠬᠡᠪᠲᠡᠬᠦ ᠳᠤ᠂ ᠪᠡᠶᠡ ᠨᠢ | ᠪᠠᠶᠢᠨ ᠪᠠᠶᠢᠨ ᠴᠠᠴᠠᠷᠳᠡᠰᠦ ᠬᠦᠷᠬᠦ ᠰᠢᠭ ᠪᠤᠯᠤᠨ ᠵᠤᠪᠠᠭᠤᠷᠢᠯᠠᠵᠦ᠂ ᠬᠠᠮᠤᠭ ᠤᠨ ᠰᠡᠭᠦᠯ ᠳᠤᠨᠢ ᠬᠠᠰᠢ ᠯᠠ ᠤᠴᠢᠬᠤ | ᠦᠭᠡᠢ ᠪᠠᠷ ᠰᠢᠢᠳᠴᠦ ᠭᠡᠨᠡ᠃ ︵ᠦᠷᠭᠦᠯᠵᠢᠯᠡᠯ᠄ ᠪᠦᠬᠡ ᠱᠠᠯᠪᠢᠩ ᠬᠠᠭᠠᠨ ᠤ ᠳᠠᠷᠬᠠᠨ ᠪᠦᠬᠡ ᠶᠢ ᠰᠠᠪᠠᠭᠰᠠᠨ︶ | | |