| | | | | | | | | | | ᠦᠳᠡᠰᠢ ᠶᠢᠨ ᠪᠦᠷᠦᠩᠬᠦᠢ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠠᠰᠬᠠᠷᠠᠵᠤ ᠬᠡᠦᠬᠡᠳ ᠤᠳ ᠤᠨ | ᠦᠢᠮᠡᠯᠳᠦᠨ ᠱᠤᠤᠭᠢᠯᠳᠤᠬᠤ ᠳᠠᠭᠤᠨ ᠠᠭᠠᠵᠢᠮ ᠢᠶᠠᠷ ᠨᠠᠮᠳᠠᠵᠤ ᠡᠬᠢᠯᠡᠪᠡ᠃ ᠭᠡᠪᠡᠴᠦ ᠬᠢᠴᠢᠶᠡᠯ ᠤᠨ ᠠᠰᠠᠷ ᠤᠨ | ᠭᠤᠷᠪᠠᠳᠤᠭᠠᠷ ᠳᠠᠪᠬᠤᠷᠭᠠ ᠶᠢᠨ ᠺᠣᠮᠫᠢᠦ᠋ᠲ᠋ᠧᠷ ᠤᠨ ᠠᠩᠭᠢ ᠶᠢᠨ ᠭᠡᠷ ᠲᠤ ᠨᠢᠭᠡ ᠪᠦᠯᠦᠭ ᠬᠡᠦᠬᠡᠳ ᠬᠤᠷᠠᠨ ᠰᠢᠨᠡ | ᠡᠳᠦᠷ ᠤᠨ ᠬᠢᠴᠢᠶᠡᠯ ᠢᠶᠠᠨ ᠡᠬᠢᠯᠡᠭᠦᠯᠬᠦ ᠬᠡᠮᠡᠨ ᠶᠠᠭᠠᠷᠠᠯᠳᠤᠵᠠᠭᠠᠨᠠ᠃ ᠡᠨᠡ ᠪᠣᠯ ᠲᠡᠳᠡᠨ ᠤ ᠬᠠᠮᠤᠭ ᠠᠴᠠ ᠪᠠᠬᠠ ᠲᠠᠢ | ᠮᠠᠰᠢᠨ ᠬᠥᠮᠥᠨ ᠤ ᠬᠢᠴᠢᠶᠡᠯ ᠪᠠᠶᠢᠭᠠ ᠶᠤᠮ᠃ | ᠲᠤᠰ ᠠᠩᠭᠢ ᠪᠣᠯ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠡᠨᠡ | ᠵᠢᠯ ᠤᠨ ᠠᠷᠪᠠᠨ ᠰᠠᠷᠠ ᠠᠴᠠ ᠡᠬᠢᠯᠡᠨ ᠰᠢᠨᠡ ᠪᠠᠷ ᠨᠡᠭᠡᠭᠡᠭᠰᠡᠨ ᠬᠢᠴᠢᠶᠡᠯ ᠪᠠᠶᠢᠭᠠ ᠶᠤᠮ᠃ ᠬᠡᠳᠦ᠋ᠢᠪᠡᠷ ᠬᠢᠴᠢᠶᠡᠯ | ᠡᠬᠢᠯᠡᠭᠦᠯᠵᠦ ᠤᠳᠠᠭᠠᠳᠤᠢ ᠪᠣᠯᠪᠠᠴᠤ ᠰᠤᠷᠤᠭᠴᠢᠳ ᠤᠨ ᠤᠷᠮᠠ ᠮᠠᠰᠢ ᠣᠷᠭᠢᠯᠤᠮᠠ ᠪᠠᠶᠢᠭᠠ ᠨᠢ ᠢᠯᠡᠬᠡᠨ᠃ | ᠰᠤᠷᠤᠭᠴᠢᠳ ᠨᠢᠭᠡ ᠬᠤᠶᠠᠷ ᠢᠶᠠᠷ ᠬᠥᠭᠡᠷᠦᠯᠳᠦᠨ ᠢᠷᠡᠵᠡᠭᠡᠵᠦ ᠠᠩᠭᠢ ᠶᠢᠨ ᠬᠤᠶᠢᠲᠤ ᠲᠠᠯᠠ ᠠᠴᠠ ᠮᠠᠰᠢᠨ | ᠬᠥᠮᠥᠨ ᠢᠶᠠᠨ ᠠᠪᠤᠭᠠᠳ ᠺᠣᠮᠫᠢᠦ᠋ᠲ᠋ᠧᠷ ᠳᠡᠭᠡᠷᠡ ᠪᠠᠨ ᠰᠤᠷᠮᠠᠭᠠᠢ ᠠᠵᠢᠯᠯᠠᠵᠤ ᠡᠬᠢᠯᠡᠪᠡ᠃ ᠶᠡᠷᠦ ᠨᠢ ᠮᠠᠰᠢᠨ ᠬᠥᠮᠥᠨ | ᠭᠡᠬᠦ ᠲᠠᠢ ᠵᠡᠷᠭᠡ ᠶᠠᠭᠤᠨ ᠤ ᠡᠮᠦᠨᠡ ᠬᠥᠮᠥᠨ ᠤ ᠲᠠᠷᠢᠬᠢᠨ ᠳᠤ ᠬᠥᠮᠥᠨ ᠤ ᠳᠦᠷᠰᠦ ᠲᠠᠢ ᠬᠥᠮᠥᠨ ᠠᠳᠠᠯᠢ | ᠬᠥᠳᠡᠯᠳᠡᠭ ᠶᠠᠭᠤᠮᠠ ᠲᠤᠰᠳᠠᠭ ᠪᠢᠵᠡ᠃ ᠭᠡᠬᠦ ᠳᠡᠭᠡᠨ ᠡᠨᠡ ᠪᠣᠯ ᠢᠪᠴᠤᠤ ᠦᠵᠡᠯ᠃ ᠶᠠᠭ ᠦᠨᠡᠨᠳᠡᠭᠡᠨ ᠮᠠᠰᠢᠨ | ᠬᠥᠮᠥᠨ ᠭᠡᠳᠡᠭ ᠥᠪᠡᠷ ᠤᠨ ᠰᠡᠳᠬᠢᠬᠦᠢ ᠲᠠᠢ᠂ ᠠᠮᠢᠳᠤᠷᠠᠯ ᠳᠤ ᠳᠥᠭᠦᠮ ᠦᠵᠡᠭᠦᠯᠳᠡᠭ᠂ ᠬᠢᠮᠡᠯ ᠣᠶᠤᠨᠲᠤ ᠵᠦᠢᠯ | ᠪᠠᠶᠢᠭᠠ ᠶᠤᠮ᠃ ᠪᠢᠳᠡᠨ ᠤ ᠠᠮᠢᠳᠤᠷᠠᠯ ᠳᠤᠮᠳᠠ ᠴᠤ ᠭᠡᠰᠡᠨ ᠬᠠᠷᠠᠭᠳᠠᠵᠤ ᠯᠡ ᠪᠠᠶᠢᠳᠠᠭ ᠰᠠᠨ᠃ ᠵᠢᠱᠢᠶᠡᠯᠡᠬᠦ ᠳᠤ | ᠱᠠᠯᠠ ᠱᠦᠭᠦᠷᠳᠡᠳᠡᠭ ᠮᠠᠰᠢᠨ᠂ ᠮᠡᠰᠡ ᠵᠠᠰᠠᠯ ᠬᠢᠳᠡᠭ ᠮᠠᠰᠢᠨ ᠭᠡᠬᠦᠴᠢᠯᠡᠨ ᠵᠠᠯᠭᠠᠭᠠ ᠵᠠᠯᠭᠠᠭᠠ ᠪᠠᠷ ᠢᠯᠡᠷᠡᠵᠦ ᠯᠡ | ᠪᠠᠶᠢᠭᠠ ᠶᠤᠮ᠃ ᠲᠡᠷᠡ ᠮᠥᠷᠲᠡᠯᠡ ᠪᠠᠨ ᠬᠢᠮᠡᠯ ᠣᠶᠤᠨᠲᠤ ᠵᠦᠢᠯ ᠨᠢ ᠨᠢᠭᠡᠨᠲᠡ ᠳᠡᠯᠡᠬᠡᠢ ᠶᠢᠨ ᠬᠠᠯᠠᠭᠤᠷᠠᠯ ᠢ ᠪᠣᠢ | ᠪᠣᠯᠭᠠᠭᠰᠠᠨ ᠭᠡᠪᠡᠯ ᠠᠬᠠᠳᠠᠬᠤ ᠦᠭᠡᠢ ᠭᠡᠵᠦ ᠪᠣᠳᠣᠨᠠᠮ᠃ ᠴᠠᠭ ᠦᠶᠡ ᠠᠴᠠ ᠬᠤᠴᠣᠷᠬᠤ ᠦᠭᠡᠢ ᠬᠡᠮᠡᠨ ᠨᠠᠨᠳᠢᠨ | ᠪᠠᠭᠰᠢ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠡ ᠠᠴᠠ ᠡᠬᠢᠯᠡᠨ ᠡᠨᠡ ᠲᠠᠯᠠ ᠪᠠᠷ ᠠᠩᠬᠠᠷᠴᠤ ᠥᠪᠡᠷ ᠢᠶᠠᠨ ᠰᠤᠷᠬᠤ ᠶᠢᠨ ᠳᠠᠭᠠᠤ | ᠰᠤᠷᠤᠭᠴᠢᠳ ᠲᠠᠭᠠᠨ ᠪᠠᠭᠠ ᠰᠠᠭᠠ ᠴᠢᠳᠠᠬᠤ ᠶᠢᠨ ᠬᠢᠷᠢ ᠪᠠᠷ ᠪᠠᠨ ᠵᠢᠭᠠᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠶᠠᠭ ᠢᠩᠭᠢᠵᠦ | ᠪᠠᠷᠢᠮᠲᠠᠯᠠᠵᠤ ᠢᠷᠡᠭᠰᠡᠨ ᠢᠶᠠᠷ ᠨᠢᠳᠤᠨᠤᠨ ᠵᠢᠯ ᠤᠨ ᠪᠦᠬᠦ ᠣᠷᠣᠨ ᠤ ᠰᠢᠨᠵᠢᠯᠡᠭᠡ ᠲᠧᠭᠨᠢᠭ ᠤᠨ ᠡᠭᠦᠳᠦᠨ | ᠪᠦᠲᠦᠭᠡᠯᠲᠡ ᠶᠢᠨ ᠣᠷᠣᠯᠳᠣᠭᠠᠨ ᠳᠤ ᠥᠪᠡᠷ ᠤᠨ ᠬᠢᠨᠢ ᠵᠢᠯᠣᠭᠤᠳᠤᠭᠰᠠᠨ ᠰᠤᠷᠤᠭᠴᠢᠳ ᠨᠢ ᠠᠮᠢ ᠠᠬᠤᠢ ᠳᠤ | ᠡᠭᠡᠯᠢᠲᠡᠢ ᠬᠠᠷᠠᠨᠳᠠ ᠵᠣᠷᠭᠤᠬᠤ ᠮᠠᠰᠢᠨ ᠡᠭᠦᠳᠴᠦ ᠬᠤᠶᠠᠳᠤᠭᠠᠷ ᠪᠠᠶᠢᠷᠢ ᠳᠤ ᠲᠣᠳᠣᠷᠠᠵᠠᠢ᠃ ᠡᠭᠦᠨ ᠠᠴᠠ | ᠪᠣᠯᠣᠭᠠᠳ ᠡᠨᠡ ᠬᠢᠴᠢᠶᠡᠯ ᠨᠢ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠤᠳᠤᠷᠢᠳᠤᠯᠭᠠ ᠨᠠᠷ ᠤᠨ ᠠᠩᠬᠠᠷᠤᠯ ᠳᠤ ᠬᠦᠷᠴᠦ ᠡᠨᠡ | ᠵᠢᠯ ᠤᠨ ᠠᠷᠪᠠᠨ ᠰᠠᠷᠠ ᠠᠴᠠ ᠡᠬᠢᠯᠡᠨ ᠡᠨᠡ ᠲᠥᠷᠥᠯ ᠤᠨ ᠬᠢᠴᠢᠶᠡᠯ ᠢ ᠲᠤᠰᠬᠠᠶᠢᠯᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠨᠢ ᠡᠶᠢᠮᠦ | ᠤᠴᠢᠷᠲᠠᠢ ᠪᠠᠶᠢᠵᠡᠢ᠃ | ᠠᠩᠬᠠ ᠨᠠᠨᠳᠢᠨ ᠪᠠᠭᠰᠢ ᠶᠢ ᠳᠠᠭᠠᠵᠤ ᠰᠤᠷᠤᠭᠰᠠᠭᠠᠷ ᠢᠷᠡᠭᠰᠡᠨ ᠰᠤᠷᠤᠭᠴᠢ ᠶᠢᠨ ᠳᠣᠲᠣᠷᠠ ᠠᠴᠠ | ᠬᠤᠶᠠᠷ ᠰᠤᠷᠤᠭᠴᠢ ᠥᠨᠥ ᠪᠣᠯᠬᠤ ᠳᠤ ᠨᠢᠭᠡᠨᠲᠡ ᠥᠪᠡᠷ ᠢᠶᠠᠨ ᠭᠠᠷ ᠤᠲᠠᠰᠤᠨ ᠳᠡᠭᠡᠷᠡ ᠲᠣᠭᠯᠠᠬᠤ ᠲᠣᠭᠯᠠᠭᠠᠮ | ᠵᠣᠬᠢᠶᠠᠴᠢᠬᠠᠭᠰᠠᠨ ᠭᠡᠨᠡ᠃ ᠡᠨᠡ ᠬᠢᠴᠢᠶᠡᠯ ᠤᠨ ᠢᠶᠠᠨ ᠲᠤᠬᠠᠢ ᠨᠠᠨᠳᠢᠨ ᠪᠠᠭᠰᠢ᠄ ︽ᠶᠡᠷᠦ ᠨᠢ ᠫᠷᠤᠭ᠍ᠷᠠᠮ | ᠨᠠᠶᠢᠷᠠᠭᠤᠯᠬᠤ ᠨᠢ ᠬᠡᠦᠬᠡᠳ ᠤᠨ ᠣᠶᠣᠨ ᠤ ᠴᠢᠳᠠᠪᠤᠷᠢ ᠶᠢᠨ ᠳᠡᠭᠡᠭᠰᠢᠯᠡᠭᠦᠯᠦᠯᠲᠡ᠂ ᠭᠠᠷ ᠬᠥᠳᠡᠯᠬᠦ ᠴᠢᠳᠠᠪᠤᠷᠢ᠂ | ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠴᠢᠳᠠᠪᠤᠷᠢ᠂ ᠰᠡᠳᠬᠢᠬᠦ ᠴᠢᠳᠠᠪᠤᠷᠢ ᠳᠤ ᠪᠦᠷ ᠶᠡᠭᠡ ᠲᠤᠰᠠ ᠲᠠᠢ ᠪᠠᠶᠢᠳᠠᠭ᠃ ᠡᠨᠡ | ᠰᠢᠨᠡ ᠬᠢᠴᠢᠶᠡᠯ ᠡᠬᠢᠯᠡᠵᠦ ᠤᠳᠠᠭᠠᠳᠤᠢ ᠠᠴᠠ ᠨᠥᠬᠦᠴᠡᠯ ᠬᠠᠷᠠᠬᠠᠨ ᠪᠦᠷᠢᠳᠴᠦ ᠴᠢᠳᠠᠭᠠᠳᠤᠢ᠃ ᠣᠳᠣᠬᠠᠨ ᠳᠤ | ᠪᠢᠳᠡ ᠵᠥᠪᠬᠡᠨ ᠺᠣᠮᠫᠢᠦ᠋ᠲ᠋ᠧᠷ ᠤᠨ ᠠᠩᠭᠢ ᠶᠢᠨ ᠭᠡᠷ ᠲᠡᠭᠡᠨ ᠠᠷᠭᠠᠯᠠᠵᠤ ᠬᠢᠴᠢᠶᠡᠯ ᠢᠶᠠᠨ ᠣᠷᠣᠵᠤ ᠯᠡ ᠪᠠᠶᠢᠨᠠ᠃ | ᠲᠡᠷᠡᠴᠢᠯᠡᠨ ᠡᠨᠡ ᠲᠠᠯᠠ ᠶᠢᠨ ᠲᠤᠰᠬᠠᠢ ᠪᠡᠯᠡ ᠮᠥᠩᠭᠦ ᠭᠡᠵᠦ ᠦᠭᠡᠢ᠂ ᠭᠡᠪᠡᠴᠦ ᠠᠭᠠᠵᠢᠮ ᠳᠠᠭᠠᠨ ᠵᠦᠭᠡᠷ ᠪᠣᠯᠬᠤ | ᠪᠠᠶᠢᠬᠠ ᠭᠡᠵᠦ ᠪᠣᠳᠣᠵᠤ ᠪᠠᠶᠢᠨᠠ᠃ ᠬᠠᠮᠤᠭ ᠤᠨ ᠭᠤᠣᠯ ᠨᠢ ᠪᠢᠳᠡᠨ ᠳᠤ ᠴᠠᠭ ᠲᠤᠩ ᠬᠤᠮᠰᠠ᠃ ᠵᠥᠪᠬᠡᠨ | ᠭᠠᠷᠠᠭ ᠤᠨ ᠬᠤᠶᠠᠷ᠂ ᠭᠤᠷᠪᠠᠨ᠂ ᠳᠥᠷᠪᠡᠨ ᠤ ᠣᠷᠣᠢ ᠳᠥᠴᠢᠬᠡᠨ ᠮᠢᠨᠦ᠋ᠲ ᠯᠡ ᠬᠢᠴᠢᠶᠡᠯᠯᠡᠵᠦ ᠪᠠᠶᠢᠨᠠ︾ | ᠬᠡᠮᠡᠨ ᠪᠣᠳᠣᠯ ᠢᠶᠠᠨ ᠳᠡᠯᠭᠡᠨ ᠶᠠᠷᠢᠪᠠ᠃ ᠬᠡᠳᠦ᠋ᠢᠪᠡᠷ ᠨᠥᠬᠦᠴᠡᠯ ᠠᠨᠠᠢ ᠪᠠᠶᠢᠭᠰᠠᠨ ᠴᠤ ᠨᠠᠨᠳᠢᠨ ᠪᠠᠭᠰᠢ | ᠪᠠᠷᠢᠮᠲᠠᠯᠠᠬᠤ ᠪᠠᠨ ᠵᠣᠭᠰᠤᠭᠠ ᠦᠭᠡᠢ ᠰᠠᠨ᠃ ᠪᠠᠷᠢᠮᠲᠠᠯᠠᠭᠰᠠᠨ ᠤ ᠦᠷᠡ ᠳ᠋ᠦᠩ ᠨᠢ ᠡᠶᠢᠨᠬᠦ ᠦᠵᠡᠭᠳᠡᠵᠦ | ᠪᠠᠶᠢᠭᠠ ᠨᠢ ᠢᠯᠡᠬᠡᠨ ᠪᠤᠶᠤ᠃ | ᠨᠠᠨᠳᠢᠨ ᠪᠠᠭᠰᠢ ᠴᠠᠭ ᠢᠶᠠᠨ ᠬᠠᠷᠠᠭᠰᠠᠨ ᠢᠶᠠᠨ᠄ ︽ᠵᠠ᠂ ᠣᠳᠣ ᠪᠢᠳᠡ ᠬᠢᠴᠢᠶᠡᠯ ᠢᠶᠠᠨ ᠡᠬᠢᠯᠡᠭᠦᠯᠦᠶᠡ᠂ | ᠲᠠᠨᠠᠷ ᠤᠷᠢᠳᠠᠪᠠᠷ ᠢᠨᠢᠶᠡᠵᠦ ᠪᠠᠶᠢᠭᠠ ᠴᠢᠷᠠᠢ ᠶᠢ ᠭᠠᠷᠭᠠ︾ ᠬᠡᠮᠡᠨ ᠰᠢᠨᠡ ᠡᠭᠡᠯᠵᠢ ᠶᠢᠨ ᠮᠠᠰᠢᠨ ᠬᠥᠮᠥᠨ ᠤ | ᠬᠢᠴᠢᠶᠡᠯ ᠢᠶᠠᠨ ᠡᠬᠢᠯᠡᠭᠦᠯᠪᠡ᠃ ᠰᠤᠷᠤᠭᠴᠢᠳ ᠬᠤᠶᠠᠷ ᠬᠤᠶᠠᠷ ᠢᠶᠠᠷ ᠨᠢᠭᠡ ᠪᠠᠭ ᠪᠣᠯᠵᠤ ᠬᠤᠭᠤᠷᠣᠨᠳᠣ ᠪᠠᠨ | ᠵᠥᠪᠳᠡᠯᠴᠡᠨ ᠺᠣᠮᠫᠢᠦ᠋ᠲ᠋ᠧᠷ ᠳᠡᠭᠡᠷᠡ ᠶᠡᠭᠡ ᠯᠡ ᠨᠢᠮᠪᠠᠢ ᠠᠵᠢᠯᠯᠠᠵᠤ ᠰᠠᠭᠤᠨᠠ᠃ ᠡᠳᠡᠨᠡᠶᠢᠬᠢᠨ ᠢ ︽ᠮᠠᠷᠭᠠᠰᠢ︾ | ᠭᠡᠳᠡᠭ᠃ ᠡᠨᠡ ᠪᠣᠯ ᠨᠠᠨᠳᠢᠨ ᠪᠠᠭᠰᠢ ᠶᠢᠨ ᠡᠨᠡ ᠠᠩᠭᠢ ᠳᠠᠭᠠᠨ ᠥᠭᠭᠦᠭᠰᠡᠨ ᠨᠡᠷᠡ ᠪᠠᠶᠢᠭᠠ ᠶᠤᠮ᠃ ᠣᠳᠣᠬᠠᠨ ᠳᠤ | ᠲᠤᠰ ᠠᠩᠭᠢ ᠳᠤ ᠠᠩᠬᠠ ᠳᠤᠮᠳᠠᠳᠤ ᠶᠢᠨ ᠨᠠᠢᠮᠠᠨ ᠰᠤᠷᠤᠭᠴᠢ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠤᠴᠢᠭᠠᠳ ᠰᠤᠷᠤᠭᠴᠢ | ᠬᠢᠴᠢᠶᠡᠯ ᠣᠷᠣᠵᠤ ᠪᠠᠶᠢᠭᠠ ᠭᠡᠨᠡ᠃ ᠤᠳᠠᠵᠤ ᠲᠦᠳᠡᠯ ᠦᠭᠡᠢ ︽ᠪᠠᠭᠰᠢ ᠡ᠂ ᠪᠢ ᠬᠢᠴᠢᠬᠡᠯᠡ︾ ᠭᠡᠬᠦ ᠳᠠᠭᠤ | ᠡ᠊ᠨᠳᠡ ᠲᠡᠨᠳᠡ ᠠᠴᠠ ᠰᠣᠨᠣᠰᠳᠠᠵᠤ ᠡᠬᠢᠯᠡᠪᠡ᠃ ︽ᠲᠡᠭᠡᠪᠡᠯ ᠵᠠᠯᠭᠠᠭᠠᠳ ᠬᠠᠷᠰᠢ ᠰᠠᠭᠠᠳ ᠢ ᠥᠩᠭᠡᠷᠡᠨ ᠭᠠᠷᠬᠤ | ᠮᠠᠰᠢᠨ ᠤ ᠫᠷᠤᠭ᠍ᠷᠠᠮ ᠢ ᠪᠢᠴᠢᠶᠡ᠂ ᠪᠦᠭᠦᠳᠡᠭᠡᠷ ᠢᠶᠠᠨ ᠭᠠᠷ ᠬᠥᠳᠡᠯᠵᠦ ᠦᠵᠡ︾ ᠭᠡᠳ ᠲᠠᠶᠢᠰᠠᠨ ᠠᠴᠠ ᠪᠠᠭᠤᠵᠤ | ᠰᠤᠷᠤᠭᠴᠢᠳ ᠤᠨ ᠬᠠᠵᠠᠭᠤ ᠳᠤ ᠬᠦᠷᠴᠦ ᠵᠢᠯᠣᠭᠤᠳᠤᠯᠭᠠ ᠬᠢᠵᠦ ᠡᠷᠭᠢᠴᠡᠨᠡ᠃ | ᠬᠢᠴᠢᠶᠡᠯ ᠪᠠᠴᠢᠮ ᠶᠠᠭᠠᠷᠠᠯᠲᠠᠢ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠁ ᠳᠥᠴᠢᠬᠡᠨ ᠮᠢᠨᠦ᠋ᠲ ᠨᠢᠭᠡ ᠯᠡ ᠮᠡᠳᠡᠬᠦ ᠳᠤ | ᠥᠩᠭᠡᠷᠡᠵᠦ ᠪᠢᠯᠡ᠃ ᠰᠤᠷᠤᠭᠴᠢᠳ ᠥᠪᠡᠷ ᠤᠨ ᠨᠠᠶᠢᠷᠠᠭᠤᠯᠤᠭᠰᠠᠨ ᠫᠷᠤᠭ᠍ᠷᠠᠮ ᠢᠶᠠᠨ ᠮᠠᠰᠢᠨ ᠬᠥᠮᠥᠨ ᠳᠡᠭᠡᠨ | ᠣᠷᠣᠭᠤᠯᠵᠤ ᠠᠪᠴᠤ ᠢᠲᠡᠭᠡᠯ ᠳᠦᠭᠦᠷᠡᠩ ᠤᠯᠠᠨ ᠤ ᠡᠮᠦᠨᠡ ᠭᠠᠷᠴᠤ ᠦᠷᠡ ᠪᠦᠲᠦᠭᠡᠯ ᠢᠶᠠᠨ ᠦᠵᠡᠭᠦᠯᠦᠨᠡ᠃ | ᠬᠠᠷᠢᠨ ᠲᠡᠷᠡ ᠪᠣᠯᠭᠠᠨ ᠢᠶᠠᠷ ᠢᠶᠠᠨ ᠰᠠᠨᠠᠭᠰᠠᠨ ᠢᠶᠠᠷ ᠪᠣᠯᠬᠤ ᠶᠤᠮ ᠪᠢᠰᠢ᠂ ᠲᠠᠬᠢᠭᠠᠳ ᠣᠷᠣᠨ ᠳᠠᠭᠠᠨ ᠬᠦᠷᠴᠦ | ᠫᠷᠤᠭ᠍ᠷᠠᠮ ᠢᠶᠠᠨ ᠵᠠᠰᠠᠨᠠ᠂ ᠲᠠᠬᠢᠭᠠᠳ ᠲᠤᠷᠰᠢᠨᠠ᠃ ᠬᠢᠴᠢᠶᠡᠯ ᠪᠠᠭᠤᠬᠤ ᠴᠠᠭ ᠪᠣᠯᠤᠯᠠ᠃ ᠰᠠᠨᠠᠭᠠᠨ ᠳᠠᠭᠠᠨ | ᠬᠦᠷᠦᠭᠰᠡᠨ ᠨᠢᠭᠡ ᠨᠢ ᠪᠠᠶᠠᠷᠲᠠᠶᠢᠬᠠᠨ ᠠᠩᠭᠢ ᠶᠢᠨ ᠭᠡᠷ ᠠᠴᠠ ᠭᠠᠷᠬᠤ ᠳᠤ ᠢᠯᠠᠭᠳᠠᠭᠰᠠᠨ ᠨᠢ ᠬᠠᠷᠢᠨ ︽ᠶᠠᠭᠠᠬᠢᠭᠠᠳ︾ | ᠭᠡᠳᠡᠭ ᠠᠰᠠᠭᠤᠯᠲᠠ ᠲᠠᠢ ᠭᠠᠳᠠᠭᠰᠢ ᠠᠯᠬᠤᠯᠠᠨᠠ᠃ | ︽ᠶᠠᠭᠠᠬᠢᠭᠠᠳ︖︾ ᠭᠡᠬᠦ ᠰᠤᠷᠤᠭᠴᠢ ᠶᠢᠨ ᠵᠥᠪᠳᠡᠯᠴᠡᠨ ᠶᠠᠷᠢᠯᠴᠠᠬᠤ ᠳᠠᠭᠤᠨ ᠨᠠᠮ ᠵᠢᠮᠬᠡᠨ | ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠲᠣᠳᠣ ᠠᠴᠠ ᠲᠣᠳᠣ ᠰᠣᠨᠣᠰᠳᠠᠨᠠ᠃ ᠡᠨᠡ ᠪᠣᠯ ᠮᠠᠷᠭᠠᠰᠢ ᠪᠠᠨ ᠪᠠᠷᠠᠯᠠᠭᠰᠠᠨ | ᠬᠡᠦᠬᠡᠳ ᠤᠨ ᠲᠠᠭᠤᠨ ᠪᠤᠶᠤ᠃ | (ᠵᠣᠬᠢᠶᠠᠭᠴᠢ᠄ ᠪᠠᠭᠠᠨᠠ ᠴᠣᠯᠮᠣᠨ) | | |