| ᠴᠠᠭᠠᠨ ᠲᠡᠮᠡᠭᠡ ᠶᠢᠨ ᠲᠠᠬᠢᠯᠭᠠ ᠮᠢᠯᠢᠶᠠᠯᠭᠠ ᠶᠢᠨ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠨᠠ | | | | | | 12 ᠰᠠᠷᠠ ᠶᠢᠨ 27 ᠤ ᠡᠳᠦᠷ ᠡᠬᠢᠯᠡᠭᠰᠡᠨ ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ | ᠬᠤᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠲᠡᠮᠡᠭᠡᠨ ᠰᠤᠶᠤᠯ ᠤᠨ ᠨᠠᠭᠠᠳᠤᠮ ᠵᠢᠴᠢ ᠠᠯᠠᠱᠠ ᠶᠢᠨ ᠪᠠᠭᠠᠲᠤᠷᠴᠤᠳ ᠤᠨ | ᠴᠤᠭᠯᠠᠭᠠᠨ ᠤ ᠲᠡᠮᠡᠭᠡᠨ ᠰᠣᠶᠣᠯ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠨᠠᠶᠢᠷ ᠤᠨ ᠡᠬᠢᠯᠡᠯᠲᠡ ᠶᠢᠨ ᠶᠣᠰᠣᠯᠠᠯ ᠳᠤ ᠡᠵᠡᠨ | ᠴᠢᠩᠭᠢᠰ ᠤᠨ ᠰᠢᠷᠠ ᠬᠠᠰᠠᠭ ᠤᠨ ᠬᠥᠯᠭᠡ ᠶᠢᠨ ᠴᠠᠭᠠᠨ ᠲᠡᠮᠡᠭᠡ ᠶᠢ ᠮᠢᠯᠢᠶᠠᠵᠤ ᠲᠠᠬᠢᠬᠤ ᠠᠵᠢᠯᠯᠠᠭᠠ ᠶᠠᠪᠤᠬᠳᠠᠵᠤ᠂ | ᠦᠩ ᠦᠷᠭᠡᠨ ᠠᠯᠠᠱᠠ ᠶᠢᠨ ᠦᠨᠳᠦᠷ ᠰᠦᠷᠯᠢᠭ ᠲᠡᠮᠡᠭᠡᠳ ᠨᠢ ᠲᠦᠮᠡ ᠲᠦᠮᠡ ᠪᠠᠷ ᠰᠦᠷᠦᠭᠵᠢᠨ ᠦᠰᠬᠦ ᠶᠢ | ᠬᠤᠷᠦ᠋ᠢᠯᠠᠵᠤ᠂ ᠲᠤᠰ ᠤᠳᠠᠭᠠᠨ ᠤ ᠲᠡᠮᠡᠭᠡᠨ ᠰᠤᠶᠤᠯ ᠤᠨ ᠨᠠᠭᠠᠳᠤᠮ ᠤᠨ ᠰᠤᠨᠢᠷᠬᠠᠯ ᠲᠠᠳᠠᠬᠤ ᠭᠤᠤᠯ | ᠠᠭᠤᠯᠭᠠ ᠶᠢᠨ ᠨᠢᠭᠡ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ | ᠨᠢᠳᠤᠨᠤᠨ ᠵᠢᠯ ᠤᠨ 11 ᠰᠠᠷᠠ ᠳᠤ ᠶᠠᠪᠤᠬᠳᠠᠬᠰᠠᠨ ᠠᠯᠠᠱᠠ ᠶᠢᠨ ᠲᠡᠮᠡᠭᠡᠨ ᠰᠣᠶᠣᠯ ᠤᠨ ᠨᠠᠭᠠᠳᠤᠮ ᠢᠶᠠᠷ | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠪᠣᠯᠤᠨ ᠣᠷᠳᠣᠰ ᠬᠤᠲᠠ ᠶᠢᠨ ᠴᠢᠩᠭᠢᠰ ᠤᠨ ᠣᠩᠭᠤᠨ ᠤ | ᠵᠢᠭᠤᠯᠴᠢᠯᠠᠯ ᠤᠨ ᠣᠷᠣᠨ ᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠵᠥᠪᠯᠡᠯ ᠠᠴᠠ ᠬᠠᠮᠲᠤᠷᠠᠨ ︽ᠡᠵᠡᠨ ᠪᠣᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠤ | ᠣᠩᠭᠤᠨ ᠲᠡᠮᠡᠭᠡᠳ ᠤᠨ ᠰᠣᠶᠣᠯ ᠤᠨ ᠰᠠᠭᠤᠷᠢᠨ ᠭᠠᠵᠠᠷ︾ ᠢ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠳᠤ ᠪᠠᠶᠢᠭᠤᠯᠵᠤ᠂ | ᠴᠢᠩᠭᠢᠰ ᠤᠨ ᠰᠢᠷᠠ ᠬᠠᠰᠠᠭ ᠤᠨ ᠬᠦᠯᠭᠡ ᠶᠢᠨ 99 ᠴᠠᠭᠠᠨ ᠲᠡᠮᠡᠭᠡᠨ ᠰᠦᠷᠦᠭ ᠢ ᠠᠩᠬᠠ ᠤᠳᠠᠭᠠ | ᠪᠦᠷᠢᠯᠳᠦᠭᠦᠯᠵᠦ᠂ ᠦᠯᠵᠡᠢ ᠰᠤᠮᠤᠨ ᠤ ᠱᠢᠷᠵᠠ ᠭᠠᠴᠠᠭᠠᠨ ᠤ ᠬᠠᠰᠢᠷ ᠲᠡᠮᠡᠭᠡᠴᠢᠨ ᠪᠢᠯᠢᠭᠳᠡᠯᠠᠢ᠂ ᠪᠠᠶᠠᠨᠬᠤᠳᠠ | ᠪᠠᠯᠭᠠᠰᠤᠨ ᠤ ᠰᠦᠮᠡᠳᠦ ᠭᠠᠴᠠᠭᠠᠨ ᠤ ᠮᠦᠩᠭᠦᠨᠳᠠᠯᠠᠢ ᠵᠡᠷᠭᠡ 4 ᠲᠡᠮᠡᠭᠡᠴᠢᠨ ᠠᠶᠢᠯ ᠢ ᠰᠤᠩᠭᠤᠵᠤ᠂ ᠴᠠᠭᠠᠨ | ᠲᠡᠮᠡᠭᠡ ᠶᠢ ᠠᠷᠠᠴᠢᠯᠠᠵᠤ ᠮᠠᠯᠵᠢᠬᠤ ᠡᠭᠦᠷᠭᠡ ᠶᠢ ᠲᠠᠭᠠᠭᠠᠯᠭᠠᠵᠤ᠂ ᠲᠡᠮᠡᠭᠡᠳᠦ ᠨᠤᠳᠤᠭ ᠠᠯᠠᠱᠠ ᠳᠤ ᠪᠡᠯᠴᠢᠭᠡᠷᠯᠡᠭᠦᠯᠦᠨ | ᠨᠤᠳᠤᠬᠰᠢᠭᠤᠯᠤᠬᠰᠠᠨ ᠤ ᠬᠠᠮᠳᠤ ᠰᠢᠷᠠ ᠬᠠᠰᠠᠭ ᠤᠨ ᠬᠥᠯᠭᠡ ᠶᠢᠨ ᠴᠠᠭᠠᠨ ᠲᠡᠮᠡᠭᠡᠨ ᠤ ᠠᠩᠬᠠᠳᠠᠬᠴᠢ ᠲᠠᠬᠢᠯᠭᠠ | ᠮᠢᠯᠢᠶᠠᠯᠭᠠ ᠶᠢ ᠬᠢᠵᠡᠢ᠃ ᠡᠨᠡ ᠵᠢᠯ ᠤᠨ ᠲᠡᠮᠡᠭᠡᠨ ᠰᠤᠶᠤᠯ ᠤᠨ ᠨᠠᠭᠠᠳᠤᠮ ᠤᠨ ᠴᠠᠭᠠᠨ ᠲᠡᠮᠡᠭᠡᠨ ᠤ ᠲᠠᠬᠢᠯᠭᠠ ᠶᠢᠨ | ᠠᠵᠢᠯᠯᠠᠭᠠ ᠳᠤ ᠤᠷᠳᠤᠰ ᠬᠤᠳᠠ ᠶᠢᠨ ᠴᠢᠩᠭᠢᠰ ᠤᠨ ᠤᠩᠭᠤᠨ ᠤ ᠵᠢᠭᠤᠯᠴᠢᠯᠠᠯ ᠤᠨ ᠤᠷᠤᠨ ᠠᠴᠠ ᠠᠷᠪᠠᠭᠠᠳ | ᠲᠠᠷᠬᠠᠳ ᠢᠷᠡᠵᠦ᠂ 9 ᠴᠠᠭᠠᠨ ᠪᠤᠳᠤᠭᠤ᠂ 9 ᠴᠠᠭᠠᠨ ᠢᠩᠭᠡ᠂ 9 ᠴᠠᠭᠠᠨ ᠠᠳᠠ᠂ 3 ᠴᠠᠭᠠᠨ ᠪᠤᠤᠷᠠ ᠨᠡᠶᠢᠳᠡ | 30 ᠴᠠᠭᠠᠠ ᠲᠡᠮᠡᠭᠡ ᠶᠢ ᠮᠢᠯᠢᠶᠠᠵᠤ᠂ ᠠᠷᠴᠠ ᠬᠦᠵᠢ ᠪᠠᠷ ᠰᠠᠩ ᠲᠠᠯᠪᠢᠨ᠂ ︽ᠡᠵᠡᠨ ᠰᠠᠩ︾᠂ ︽ᠰᠦᠯᠳᠡ ᠰᠠᠩ︾ | ᠤᠩᠰᠢᠵᠤ᠂ ᠠᠶᠢᠷᠠᠭ ᠴᠠᠭᠠᠨ ᠢᠳᠡᠭᠡ᠂ ᠠᠷᠢᠬᠢ ᠲᠡᠭᠡᠵᠢ᠂ ᠠᠮᠤ ᠲᠠᠷᠢᠶᠠ᠂ ᠷᠠᠰᠢᠶᠡᠨ ᠤ ᠲᠡᠭᠡᠳᠦ ᠪᠠᠷ ᠮᠢᠯᠢᠶᠠᠨ | ᠲᠠᠬᠢᠵᠤ᠂ ᠠᠯᠠᠱᠠ ᠨᠤᠳᠤᠭ ᠤᠨ ᠲᠡᠮᠡᠭᠡᠨ ᠰᠦᠷᠦᠭ ᠤᠨ ᠬᠡᠰᠢᠭ ᠪᠤᠶᠠᠨ ᠢ ᠬᠤᠷᠦ᠋ᠢᠯᠠᠬᠰᠠᠨ ᠪᠠᠶᠢᠨᠠ᠃ | ᠦᠢᠯᠠᠭᠠᠬᠰᠠᠨ ᠢᠶᠠᠷ᠂ ᠡᠵᠡᠨ ᠴᠢᠩᠭᠢᠰ ᠤᠨ ᠰᠢᠷᠠ ᠬᠠᠰᠠᠭ ᠤᠨ ᠬᠥᠯᠭᠡ ᠶᠢᠨ ᠴᠠᠭᠠᠨ ᠲᠡᠮᠡᠭᠡᠨ ᠤ ᠲᠤᠬᠠᠢ | ᠲᠡᠦᠬᠡᠨ ᠳᠤ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠰᠢᠲᠦᠭᠡᠨ ᠤ ᠬᠠᠭᠤᠷᠴᠠᠭ ᠢ ᠬᠤᠷ ᠰᠠᠭᠠᠳᠠᠭ ᠤᠨ ᠴᠣᠮᠴᠤᠭ ᠲᠤ ᠣᠷᠣᠭᠤᠯᠵᠤ | ᠲᠠᠯᠪᠢᠨ ᠰᠢᠷᠠ ᠬᠠᠰᠠᠭ ᠳᠡᠭᠡᠷᠡ ᠵᠠᠯᠠᠭᠠᠳ ᠬᠤᠶᠠᠷ ᠴᠠᠭᠠᠨ ᠲᠡᠮᠡᠭᠡ ᠪᠠᠷ ᠲᠠᠲᠠᠵᠤ ᠶᠠᠪᠤᠳᠠᠭ ᠪᠠᠶᠢᠨᠠ᠃ ᠡᠨᠡ | ᠴᠠᠭᠠᠨ ᠲᠡᠮᠡᠭᠡ ᠨᠢ ᠣᠩᠭᠤᠨ ᠲᠡᠮᠡᠭᠡ ᠪᠣᠯᠵᠤ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ ᠰᠢᠷᠠ ᠬᠠᠰᠠᠭ ᠲᠤ ᠬᠥᠯᠬᠦ ᠠᠴᠠ ᠣᠨᠳᠣᠣ | ᠶᠠᠮᠠᠷ ᠴᠤ ᠠᠯᠪᠠ ᠦᠭᠡᠢ᠂ ᠬᠡᠨ ᠬᠥᠮᠥᠨ ᠪᠠᠷᠢᠵᠤ ᠬᠠᠯᠳᠠᠵᠤ ᠪᠣᠯᠳᠠᠭ ᠦᠭᠡᠢ᠃ ᠡᠳᠡᠭᠡᠷ ᠴᠠᠭᠠᠨ ᠲᠡᠮᠡᠭᠡ ᠶᠢ | ᠲᠣᠭᠲᠠᠭᠰᠠᠨ ᠵᠢᠯ ᠳᠤ ᠴᠠᠭ ᠲᠠᠭᠠᠨ ᠳ᠋ᠠ ᠶᠢᠨ ᠶᠠᠮᠤᠨ ᠠᠴᠠ ᠠᠯᠪᠠ ᠪᠠᠭᠤᠯᠭᠠᠨ ᠣᠷᠳᠣᠰ ᠳᠣᠯᠣᠭᠠᠨ ᠬᠤᠰᠢᠭᠤ᠂ | ᠠᠯᠠᠱᠠ ᠥᠭᠡᠯᠡᠳ ᠠᠴᠠ ᠬᠦᠷᠭᠡᠵᠦ ᠢᠷᠡᠳᠡᠭ ᠪᠠᠶᠢᠨᠠ᠃ ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠳᠤ ᠳᠠᠶᠢᠯᠠᠯᠭᠠ ᠶᠢᠨ ᠴᠠᠭ | ᠪᠣᠯᠬᠤ ᠳᠤ ᠬᠥᠯᠭᠡ ᠶᠢᠨ ᠴᠠᠭᠠᠨ ᠲᠡᠮᠡᠭᠡ ᠨᠢ ᠦᠪᠡᠷ ᠢᠶᠠᠨ ᠬᠦᠷᠦᠭᠡᠳ ᠢᠷᠡᠳᠡᠭ ᠭᠡᠨᠡ᠃ | ᠣᠷᠳᠣᠰ ᠬᠤᠲᠠ ᠶᠢᠨ ᠴᠢᠩᠭᠢᠰ ᠤᠨ ᠣᠩᠭᠤᠨ ᠤ ᠵᠢᠭᠤᠯᠴᠢᠯᠠᠯ ᠤᠨ ᠣᠷᠣᠨ ᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ | ᠵᠥᠪᠯᠡᠯ ᠤᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠤ ᠲᠠᠨᠢᠯᠴᠠᠭᠤᠯᠬᠤ ᠪᠠᠷ᠂ ᠴᠠᠭᠠᠨ ᠲᠡᠮᠡᠭᠡ ᠪᠠᠷ ᠡᠵᠡᠨ ᠴᠢᠩᠭᠢᠰ ᠤᠨ ᠴᠣᠮᠴᠤᠭ | ᠣᠷᠳᠣ ᠵᠠᠯᠠᠬᠤ ᠰᠢᠷᠠ ᠬᠠᠰᠠᠭ ᠢ ᠬᠥᠯᠵᠦ ᠪᠠᠶᠢᠭᠰᠠᠨ ᠲᠡᠦᠬᠡ 300 ᠭᠠᠷᠤᠢ ᠵᠢᠯ ᠦᠷᠭᠦᠯᠵᠢᠯᠡᠭᠡᠳ 1943 ᠣᠨ | ᠪᠣᠯᠵᠤ ᠴᠠᠭᠠᠨ ᠲᠡᠮᠡᠭᠡᠨ ᠤ ᠤᠳᠤᠮ ᠲᠠᠰᠤᠷᠠᠭᠰᠠᠨ ᠠᠴᠠ ᠰᠢᠷᠠ ᠬᠠᠰᠠᠭ ᠢ ᠬᠥᠯᠬᠦ ᠴᠠᠭᠠᠨ ᠲᠡᠮᠡᠭᠡ ᠣᠯᠳᠠᠬᠤ ᠳᠤ | ᠬᠦᠴᠢᠷ ᠪᠣᠯᠵᠠᠢ᠃ ᠴᠢᠩᠭᠢᠰ ᠤᠨ ᠲᠠᠬᠢᠯᠭᠠ ᠶᠢᠨ ᠰᠤᠳᠤᠷ ᠲᠤ ᠴᠢᠩᠭᠢᠰ ᠬᠠᠭᠠᠨ ᠤ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ | ᠠᠮᠢᠰᠬᠤᠭᠠ ᠶᠢ ᠴᠠᠭᠠᠨ ᠲᠡᠮᠡᠭᠡᠨ ᠤ ᠥᠷᠪᠥᠭᠡᠨ ᠳᠤ ᠰᠢᠩᠭᠡᠭᠡᠵᠦ ᠠᠪᠤᠭᠰᠠᠨ ᠬᠡᠮᠡᠨ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ ᠠᠴᠠ | ᠴᠠᠭᠠᠨ ᠲᠡᠮᠡᠭᠡ ᠪᠠᠷ ᠴᠢᠩᠭᠢᠰ ᠤᠨ ᠲᠠᠬᠢᠯᠭᠠ ᠶᠢᠨ ᠴᠣᠮᠴᠤᠭ ᠣᠷᠳᠣ ᠵᠠᠯᠠᠬᠤ ᠰᠢᠷᠠ ᠬᠠᠰᠠᠭ ᠢ ᠬᠥᠯᠬᠦ ᠳᠤ | ᠵᠢᠳᠬᠦᠭᠦᠯᠵᠦ ᠡᠵᠡᠨ ᠴᠢᠩᠭᠢᠰ ᠤᠨ ᠰᠦᠨᠡᠰᠦ ᠶᠢ ᠰᠠᠬᠢᠨ ᠠᠪᠴᠤ ᠶᠠᠪᠤᠳᠠᠭ ᠪᠠᠶᠢᠵᠠᠢ᠃ ᠰᠢᠷᠠ ᠬᠠᠰᠠᠭ ᠲᠤ ᠬᠥᠯᠵᠦ | ᠴᠢᠩᠭᠢᠰ ᠤᠨ ᠴᠣᠮᠴᠤᠭ ᠣᠷᠳᠣ ᠶᠢ ᠵᠠᠯᠠᠳᠠᠭ ᠲᠡᠮᠡᠭᠡ ᠨᠢ ᠠᠯᠢ ᠭᠠᠵᠠᠷ ᠠᠴᠠ ᠢᠷᠡᠭᠰᠡᠨ ᠴᠤ ᠵᠠᠪᠠᠯ ᠴᠠᠭᠠᠨ ᠲᠡᠮᠡᠭᠡ | ᠪᠠᠶᠢᠬᠤ ᠶᠣᠰᠣᠲᠠᠢ᠃ ᠡᠨᠡ ᠨᠢ ᠪᠣᠭᠳᠠ ᠴᠢᠩᠭᠢᠰ ᠤᠨ ᠪᠤᠮᠠᠨ ᠰᠦᠷᠦᠭ ᠤᠨ ᠪᠠᠲᠤ ᠴᠠᠭᠠᠨ ᠢᠩᠭᠡ ᠠᠴᠠ | ᠭᠠᠷᠤᠭᠰᠠᠨ ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠰᠢᠨᠵᠢ ᠶᠢ ᠪᠡᠶᠡ ᠳᠡᠭᠡᠨ ᠪᠦᠷᠢᠯᠳᠦᠭᠦᠯᠵᠦ ᠴᠢᠳᠠᠭᠰᠠᠨ ᠪᠣᠳᠢ ᠴᠠᠭᠠᠨ ᠪᠣᠲᠣᠭᠤ | ᠭᠡᠰᠡᠨ ᠰᠠᠨᠠᠭᠠ ᠲᠠᠢ᠃ ᠵᠢᠯ ᠪᠣᠯᠭᠠᠨ ᠤ ᠬᠠᠪᠤᠷ ᠤᠨ ᠡᠵᠡᠨ ᠴᠢᠩᠭᠢᠰ ᠤᠨ ᠣᠩᠭᠤᠨ ᠤ ᠰᠢᠷᠠ ᠬᠠᠰᠠᠭ ᠤᠨ | ᠲᠠᠶᠢᠯᠭᠠ ᠪᠠ ᠠᠯᠪᠠᠨ ᠶᠣᠰᠣᠨ ᠤ ᠶᠡᠭᠡ ᠲᠠᠶᠢᠯᠭᠠ ᠵᠢᠴᠢ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠤᠨ ᠬᠥᠳᠡᠯᠭᠡᠭᠡᠨ ᠳᠤ ᠠᠯᠠᠱᠠ ᠳᠤ | ᠨᠤᠳᠤᠬᠰᠢᠭᠤᠯᠤᠬᠰᠠᠨ ᠡᠵᠡᠨ ᠴᠢᠩᠭᠢᠰ ᠤᠨ ᠰᠢᠷᠠ ᠬᠠᠰᠠᠭ ᠤᠨ 99 ᠴᠠᠭᠠᠨ ᠲᠡᠮᠡᠭᠡᠨ ᠤ ᠰᠦᠷᠦᠭ ᠠᠴᠠ ᠴᠠᠭᠠᠨ | ᠲᠡᠮᠡᠭᠡ ᠰᠤᠩᠭᠤᠵᠤ ᠤᠷᠤᠯᠴᠠᠭᠤᠯᠳᠠᠭ ᠪᠠᠶᠢᠨᠠ᠃ | （ᠵᠣᠬᠢᠶᠠᠭᠴᠢ᠄ ᠪᠠᠭᠠᠨᠠ ᠨᠠᠷᠠᠨᠠ ᠰᠡᠴᠡᠨᠪᠠᠳᠤ） |