| ᠬᠤᠷᠢ ᠪᠦᠬᠡ ᠱᠠᠯᠪᠢᠩ ᠤᠨ ᠦᠬᠢᠨ ᠤᠩᠭᠤᠴᠠ ᠪᠠᠷ ᠬᠤᠳᠳᠤᠭ ᠤᠨ ᠠᠮᠠ ᠶᠢ ᠪᠦᠭᠯᠡᠵᠦ ᠠᠳᠤᠭᠤᠴᠢᠨ ᠢ | ᠭᠠᠷᠳᠠᠭᠠᠭᠰᠠᠨ | | ᠪᠦᠬᠡ ᠱᠠᠯᠪᠢᠩ ᠤᠨ ᠰᠠᠭᠤᠵᠤ ᠪᠠᠶᠢᠭᠠ ᠭᠠᠵᠠᠷ ᠪᠣᠯ ᠤᠨᠳᠣᠷᠣᠯᠳᠣ ᠶᠢᠨ ᠴᠢᠯᠠᠭᠤᠨ ᠤᠩᠭᠤᠴᠠᠳᠠᠢ ᠶᠢᠨ ᠵᠡᠭᠦᠨ | ᠬᠤᠶᠢᠨᠠ ᠪᠠᠶᠢᠵᠡᠢ ︵ᠡᠳᠦᠭᠡ ᠶᠢᠨ ᠣᠨᠳᠣᠷᠣᠯᠳᠦ ᠪᠠᠯᠭᠠᠰᠦᠨ ᠤ ᠴᠢᠯᠠᠭᠤᠨ ᠤᠩᠭᠤᠴᠠᠳᠠᠢ ᠭᠠᠴᠠᠭᠠ ᠶᠢᠨ ᠭᠠᠵᠠᠷ︶᠃ | ᠡᠨ᠋ᠨ ᠭᠠᠵᠠᠷ ᠪᠣᠯ ᠨᠢᠩᠰᠢᠶᠠ ᠶᠢᠨ ᠲᠡᠷᠡᠰᠦᠨ ᠰᠢᠶᠡᠨ ᠤ ᠵᠠᠬᠠ ᠪᠠ ᠭᠠᠨᠰᠦ ᠮᠤᠵᠢ ᠶᠢᠨ ᠵᠢᠩ ᠲᠠᠢ ᠰᠢᠶᠡᠨ᠂ | ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠠᠬᠠ ᠨᠠᠶᠢᠯᠡᠵᠦ ᠪᠠᠶᠢᠭᠠ ᠭᠠᠵᠠᠷ ᠪᠤᠯᠤᠨᠠ᠃ | ᠡᠷᠲᠡ ᠤᠷᠢᠳᠦ ᠴᠠᠭ ᠲᠤ ᠠᠭᠤᠯᠠᠨ ᠡᠩᠭᠡᠷ ᠲᠤ ᠴᠢᠯᠠᠭᠤᠨ ᠳᠠᠷᠬᠠᠨ ᠪᠦᠳᠦᠬᠦᠨ ᠲᠣᠮᠣ ᠴᠢᠯᠠᠭᠤ ᠪᠠᠷ | ᠤᠩᠭᠤᠴᠠ ᠮᠠᠯᠳᠠᠵᠤ ᠭᠦᠮᠦᠨ ᠮᠠᠯ ᠤᠨ ᠤᠤᠭᠤᠬᠤ ᠣᠰᠣ ᠭᠠᠷᠭᠠᠨ ᠬᠤᠳᠳᠤᠭ ᠮᠠᠯᠳᠠᠵᠤ ᠲᠠᠯᠪᠢᠭᠰᠠᠨ ᠢᠶᠠᠷ ︽ | ᠴᠢᠯᠠᠭᠤᠨ ᠣᠩᠭᠤᠴᠠᠳᠠᠢ︾ ᠭᠡᠵᠦ ᠨᠡᠷᠡᠶᠢᠳᠴᠡᠢ᠃ | ᠨᠢᠭᠡᠨ ᠡᠳᠦᠷ ᠪᠦᠬᠡ ᠱᠠᠯᠪᠢᠩ ᠤᠨ ᠦᠬᠢᠨ ᠳᠠᠷᠢᠮᠡ ᠮᠠᠯ ᠢᠶᠠᠨ ᠬᠠᠷᠢᠭᠤᠯᠵᠤ ᠶᠠᠪᠤᠵᠤ ᠪᠠᠶᠢᠭᠠᠳ ᠴᠢᠯᠠᠭᠤᠨ | ᠤᠩᠭᠤᠴᠠᠳᠠᠢ ᠶᠢᠨ ᠬᠤᠳᠳᠤᠭ ᠲᠡᠭᠡᠷᠡ ᠮᠠᠯ ᠢᠶᠠᠨ ᠤᠰᠤᠯᠠᠬᠤ ᠪᠣᠯᠵᠠᠢ᠃ | ᠲᠡᠭᠡᠭᠡᠳ ᠲᠡᠷᠨ ᠦᠬᠢᠨ ᠬᠤᠳᠳᠤᠭ ᠲᠡᠭᠡᠷᠡ ᠮᠠᠯ ᠢᠶᠠᠨ ᠤᠰᠤᠯᠠᠵᠤ ᠪᠠᠶᠢᠬᠤ ᠳᠤ ᠬᠤᠶᠡᠷ ᠠᠳᠤᠭᠤᠴᠢᠨ | ᠵᠠᠯᠠᠭᠤ ᠠᠳᠤᠭᠤ ᠪᠠᠨ ᠤᠰᠤᠯᠠᠬᠤ ᠪᠠᠷ ᠢᠷᠡᠬᠦ ᠲᠠᠢ ᠲᠠᠭᠠᠷᠠᠯᠳᠤᠵᠡᠢ᠃ | ᠲᠡᠷᠡ ᠬᠤᠶᠡᠷ ᠵᠠᠯᠠᠭᠤ ᠦᠬᠢᠨ ᠤ ᠮᠠᠯ ᠤᠰᠤᠯᠠᠵᠤ ᠪᠠᠶᠢᠬᠤ ᠶᠢᠨ ᠬᠤᠭᠤᠷᠤᠨᠳᠤ ᠮᠠᠯ ᠢ ᠨᠢ ᠤᠰᠤᠯᠠᠭᠤᠯᠬᠤ | ᠦᠭᠡᠢ ᠠᠳᠤᠭᠤ ᠪᠠᠨ ᠤᠰᠤᠯᠠᠭᠠᠳ ᠪᠠᠶᠢᠵᠡᠢ᠃ ᠬᠤᠶᠡᠷ ᠵᠠᠯᠠᠭᠤ ᠤᠨᠤᠯᠭᠠ ᠶᠢᠨ ᠬᠤᠶᠡᠷ ᠮᠣᠷᠢ ᠪᠠᠨ ᠤᠰᠤᠯᠠᠵᠤ | ᠪᠠᠷᠠᠭᠠᠳ ᠲᠡᠷᠨ ᠦᠬᠢᠨ ᠲᠠᠢ ᠨᠠᠭᠠᠳᠤᠮ ᠢᠨᠢᠶᠡᠳᠦᠮ ᠭᠡᠯᠡᠵᠦ ᠱᠤᠭᠯᠠᠨ ᠮᠠᠯ ᠢ ᠨᠢ ᠤᠰᠤ ᠤᠤᠭᠤᠯᠭᠠᠬᠤ ᠦᠭᠡᠢ | ᠤᠷᠤᠯᠳᠤᠭᠠᠳ ᠪᠠᠶᠢᠵᠤ ᠭᠡᠨᠡ᠃ | ᠲᠡᠭᠡᠭᠡᠳ ᠪᠠᠶᠢᠭᠰᠠᠨ ᠳᠤ ᠲᠡᠷᠨ ᠦᠬᠢᠨ᠄ ︽ᠲᠠᠨᠤᠰ ᠴᠢᠳᠠᠯ ᠲᠠᠢ ᠪᠣᠯ ᠮᠠᠷᠭᠠᠰᠢ ᠢᠷᠡᠭᠡᠳ ᠠᠳᠤᠭᠤ ᠪᠠᠨ | ᠣᠰᠣᠯᠠᠬᠤ ᠶᠢ ᠴᠢᠨᠢ ᠦᠵᠡᠶᠡ ᠳ᠋ᠠ︕︾ ᠭᠡᠳ ᠶᠦᠭᠡ ᠲᠡᠭᠡᠭᠡ ᠲᠠᠢ ᠦᠭᠡ ᠬᠡᠯᠡᠵᠦ ᠭᠡᠨᠡ᠃ | ᠢᠩᠬᠢᠭᠡᠳ ᠲᠡᠷᠨ ᠬᠤᠶᠡᠷ ᠵᠠᠯᠠᠭᠤ ᠬᠤᠭᠤᠷᠣᠨᠳᠤ ᠪᠠᠨ ᠬᠡᠯᠡᠯᠴᠡᠨ ᠡᠨ᠋ᠨ ᠭᠡᠦᠭᠡᠨ ᠶᠠᠮᠡᠷ ᠰᠠᠪᠠᠭᠠ ᠦᠭᠡᠢ | ᠦᠭᠡ ᠲᠠᠢ ᠶᠤᠮ ᠪᠤᠢ᠂ ᠴᠢᠨᠦ ᠤᠰᠤ ᠪᠠᠷ ᠤᠰᠤᠯᠠᠵᠤ ᠪᠠᠶᠢᠨᠠᠤ︖ ᠬᠤᠳᠳᠤᠭ ᠤᠨ ᠤᠰᠤ ᠶᠢ ᠴᠢ ᠪᠠᠰᠠ | ᠬᠠᠷᠠᠮᠨᠠᠬᠤ ᠨᠢ ᠶᠠ︕ ᠭᠡᠳ ᠮᠣᠷᠢ ᠪᠠᠨ ᠮᠣᠷᠳᠡᠨ ᠠᠳᠤᠭᠤᠨ ᠤ ᠪᠠᠨ ᠬᠤᠶᠢᠨᠠ ᠠᠴᠠ ᠶᠠᠪᠤᠵᠤ ᠭᠡᠨᠡ᠃ | ᠲᠡᠭᠡᠭᠡᠳ ᠲᠡᠷᠡ ᠬᠤᠶᠡᠷ ᠵᠠᠯᠠᠭᠤ ᠡᠷᠡ ᠬᠤᠶᠡᠷ ᠡᠳᠦᠷ ᠤᠨ ᠲᠠᠷᠠᠭᠠ ᠴᠢᠯᠠᠭᠤᠨ ᠤᠩᠭᠤᠴᠠᠳᠠᠢ ᠶᠢᠨ | ᠬᠤᠳᠳᠤᠭ ᠲᠡᠭᠡᠷᠡ ᠠᠳᠤᠭᠤ ᠪᠠᠨ ᠣᠰᠣᠯᠠᠬᠤ ᠪᠠᠷ ᠢᠷᠡᠭᠰᠡᠨ ᠳᠤ ᠦᠨᠦ ᠬᠡᠦᠭᠡᠨ ᠴᠢᠯᠠᠭᠤᠨ ᠤᠩᠭᠤᠴᠠ ᠶᠢ | ᠲᠣᠷᠣᠭᠰᠢ ᠨᠢ ᠬᠠᠨᠳᠤᠭᠤᠯᠵᠤ᠂ ᠬᠤᠳᠳᠤᠭ ᠤᠨ ᠠᠮᠠ ᠶᠢ ᠪᠦᠭᠯᠡᠵᠦ ᠲᠠᠯᠪᠢᠭᠠᠳ ᠣᠲᠣᠭᠤᠰᠣ ︵ᠬᠤᠪᠣᠭᠤ︶ ᠪᠠᠨ | ᠠᠪᠤᠭᠠᠳ ᠶᠠᠪᠤᠭᠰᠠᠨ ᠪᠠᠶᠢᠵᠡᠢ᠃ ᠲᠡᠷᠨ ᠬᠤᠶᠡᠷ ᠵᠠᠯᠠᠭᠤ ᠡᠷᠡ ᠶᠡᠬᠡᠯᠡ ᠲᠣᠭᠤᠮᠵᠢ ᠦᠭᠡᠢ ᠪᠤᠳᠤᠭᠠᠳ ᠴᠢᠯᠠᠭᠤᠨ | ᠤᠩᠭᠤᠴᠠ ᠶᠢ ᠲᠠᠮᠨᠠᠵᠤ ᠠᠪᠤᠭᠠᠳ ᠠᠳᠤᠭᠤ ᠪᠠᠨ ᠤᠰᠤᠯᠠᠶᠠ ᠭᠡᠳ ᠬᠤᠶᠠᠭᠤᠯᠠ ᠪᠠᠨ ᠲᠠᠮᠨᠠᠵᠤ ᠡᠷᠭᠦᠬᠦ ᠳᠤ | ᠲᠠᠮᠨᠠᠵᠤ ᠲᠠᠶᠢᠯᠦᠭᠰᠡᠨ ᠦᠭᠡᠢ᠂ ᠬᠦᠴᠦ ᠴᠢᠳᠠᠯ ᠢᠶᠠᠨ ᠪᠠᠷᠠᠲᠠᠯᠠ ᠣᠷᠣᠯᠳᠤᠭᠠᠳ ᠲᠠᠶᠢᠯᠬᠦ ᠦᠭᠡᠢ ᠪᠤᠯᠬᠤᠷ ᠨᠢᠭᠡ | ᠵᠠᠯᠠᠭᠤ ᠨᠢ ᠴᠠᠯᠮᠠ ᠶᠢᠨ ᠠᠷᠭᠠᠮᠵᠢ ᠠᠪᠴᠦ ᠢᠷᠡᠭᠡᠳ ᠤᠩᠭᠤᠴᠠ ᠶᠢ ᠨᠢ ᠬᠤᠳᠳᠤᠭ ᠤᠨ ᠠᠮᠠᠨ ᠠᠴᠠ | ᠵᠠᠶᠢᠯᠠᠭᠤᠯᠬᠤ ᠭᠡᠳ ᠬᠦᠳᠡᠯᠭᠡᠵᠦ ᠲᠠᠶᠢᠯᠦᠭᠰᠡᠨ ᠦᠭᠡᠢ᠃ | ᠲᠡᠷᠡ ᠬᠤᠶᠡᠷ ᠵᠠᠯᠠᠭᠤ ᠠᠷᠭᠠ ᠶᠠᠳᠠᠬᠤ ᠳᠠᠭᠠᠨ ᠦᠨᠦ ᠬᠡᠦᠭᠡᠨ ᠢ ᠲᠠᠭᠤᠳᠠᠬᠤ ᠪᠠᠷ ᠪᠣᠯᠵᠠᠢ᠃ | ᠲᠡᠭᠡᠭᠡᠳ ᠲᠡᠷᠨ ᠬᠤᠶᠡᠷ ᠵᠠᠯᠠᠭᠤ ᠡᠷᠡ ᠦᠨᠦ ᠬᠡᠦᠭᠡᠨ ᠢ ᠡᠷᠢᠵᠦ ᠤᠯᠤᠭᠠᠳ ᠭᠤᠶᠣᠵᠠᠢ᠄ ᠪᠢᠳᠠ | ᠠᠳᠣᠭᠤ ᠪᠠᠨ ᠣᠰᠣᠯᠠᠬᠤ ᠪᠠᠷ ᠢᠷᠡᠪᠡ᠂ ᠤᠩᠭᠤᠴᠠ ᠪᠠᠨ ᠠᠪᠴᠦ ᠬᠤᠳᠳᠤᠭ ᠤᠨ ᠠᠮᠠ ᠶᠢ ᠲᠠᠯᠪᠢᠵᠤ ᠦᠭᠬᠦ | ᠪᠤᠯᠪᠠᠣ᠂ ᠲᠡᠬᠢᠵᠦ ᠱᠤᠭᠯᠠᠨ ᠨᠠᠭᠠᠳᠬᠤ ᠦᠭᠡᠢ᠂ ᠮᠠᠯ ᠤᠰᠤᠯᠠᠬᠤ ᠶᠢ ᠴᠢᠨᠢ ᠬᠠᠷᠰᠢᠯᠠᠬᠤ ᠦᠭᠡᠢ ᠪᠠᠶᠢᠶᠡ ᠭᠡᠵᠦ | ᠰᠠᠶᠢᠬᠠᠨ ᠵᠠᠩᠨᠠᠵᠤ᠂ ᠮᠠᠶᠢᠬᠠᠨ ᠲᠤᠯᠤᠭᠠᠶᠢᠯᠠᠵᠤ ᠰᠠᠶᠢᠨ ᠦᠭᠡ ᠪᠠᠨ ᠲᠡᠭᠢᠨ ᠲᠠᠪᠳᠡᠨ ᠭᠡᠯᠡᠵᠦ ᠭᠡᠨᠡ᠃ | ᠲᠡᠭᠡᠭᠡᠳ ᠲᠡᠷᠡ ᠦᠬᠢᠨ᠄ ᠡᠷᠡ ᠬᠦᠮᠦᠨ ᠪᠠᠶᠢᠵᠦ ᠪᠠᠶᠢᠭᠠᠳ ᠡᠬᠡᠨᠡᠷ ᠭᠦᠮᠦᠨ ᠢ ᠬᠦᠷᠬᠦ ᠦᠭᠡᠢ᠂ ᠶᠠᠮᠡᠷ ᠡᠷᠡ | ᠭᠡᠬᠦ ᠪᠤᠢ᠂ ᠲᠠᠬᠢᠵᠦ ᠬᠤᠳᠳᠤᠭ ᠲᠡᠭᠡᠷᠡ ᠢᠷᠡᠳᠡᠭ ᠪᠣᠯ ᠮᠢᠨᠦ ᠮᠠᠯ ᠤᠰᠤᠯᠠᠬᠤ ᠶᠢ ᠬᠠᠷᠰᠢᠯᠠᠵᠤ ᠪᠤᠯᠬᠤ ᠦᠭᠡᠢ | ᠭᠡᠳ ᠴᠢᠯᠠᠭᠤᠨ ᠤᠩᠭᠤᠴᠠ ᠪᠠᠨ ᠲᠡᠪᠡᠷᠢᠭᠡᠳ ᠠᠪᠴᠦ ᠬᠤᠳᠳᠤᠭ ᠤᠨ ᠠᠮᠠ ᠶᠢ ᠭᠠᠷᠭᠠᠨ ᠦᠭᠴᠡᠢ ᠭᠡᠨᠡ᠃ ︵ | ᠦᠷᠬᠦᠯᠵᠢᠯᠡᠯ ᠪᠣᠢ︶ | |