| ᠠᠷᠪᠠᠨ ᠨᠠᠢᠮᠠ ᠲᠡᠭᠷᠢ ᠪᠣᠷᠬᠠᠨ ᠠᠴᠠ ᠢᠪᠡᠭᠡᠭᠰᠡᠨ ᠠᠮᠢᠳᠤ ᠶᠠᠪᠤᠬᠤ ᠶᠢᠨ ᠬᠤᠪᠢ ᠵᠠᠶᠠᠭᠠ | | ᠠᠶᠠᠯᠠᠵᠤ ᠶᠠᠪᠤᠭᠰᠠᠨ ᠴᠡᠷᠢᠭ ᠤᠨ ᠬᠢᠨ ᠲᠤᠩᠭᠠᠯᠠᠭ ᠨᠠᠭᠤᠷ ᠤᠨ ᠬᠦᠪᠡᠭᠡᠨ ᠳᠤ ᠪᠠᠭᠤᠳᠠᠯᠯᠠᠵᠤ ᠬᠤᠨᠤᠭᠰᠠᠨ | ᠰᠦᠨᠢ᠂ ᠵᠢᠭᠵᠢᠳ ᠤᠨ ᠠᠰᠠᠷᠠᠵᠤ ᠬᠠᠷᠠᠭᠠᠯᠵᠠᠵᠤ ᠢᠷᠡᠭᠰᠡᠨ ᠭᠦᠨᠳᠦ ᠰᠢᠷᠬᠠᠳᠠᠨ ᠠᠴᠠ ᠪᠠᠰᠠ ᠨᠢᠭᠡ ᠨᠢ | ᠬᠠᠰᠤᠭᠳᠠᠵᠠᠢ᠃ | ᠵᠢᠭᠵᠢᠳ ᠨᠢ ᠠᠨᠳᠠ ᠶᠢᠨ ᠬᠤᠪᠢ ᠪᠠᠷ ᠱᠠᠯᠪᠢᠩ ᠤᠨ ᠬᠡᠭᠦᠷ ᠢ ᠲᠠᠭᠠᠭᠠᠵᠣ ᠶᠠᠳᠠᠨ ᠲᠡᠪᠠᠷᠢᠵᠦ ᠶᠠᠪᠤᠭᠠᠳ᠂ | ᠠᠷᠪᠠᠭᠠᠳ ᠠᠯᠬᠤᠮ ᠤᠨ ᠵᠠᠢ ᠲᠠᠢ ᠡᠪᠡᠰᠦᠨ ᠲᠤᠮᠳᠠᠭᠤᠷ ᠣᠷᠣᠰᠢᠭᠤᠯᠵᠣ᠂ ᠠᠪᠴᠦ ᠶᠠᠪᠤᠭᠰᠠᠨ ᠵᠣᠳᠤᠭ ᠢ ᠨᠢ | ᠮᠤᠯᠳᠤᠯᠤᠨ ᠠᠪᠤᠭᠠᠳ ᠨᠤᠶᠡᠨ ᠳᠤ ᠡᠷᠭᠦᠨ ᠪᠠᠷᠢᠭᠰᠠᠨᠠ ᠬᠠᠷᠠᠮᠰᠠᠭᠰᠠᠨ ᠡᠪᠦᠭᠡᠨ ᠲᠤᠯᠤᠭᠠᠢ ᠰᠡᠭᠰᠦᠷᠦᠨ ᠪᠠᠶᠢᠪᠠ᠃ | ᠮᠦᠩᠭᠦᠨ ᠲᠤᠪᠤᠷᠤᠤᠳᠤ ᠵᠤᠳᠤᠭ ᠢ ᠵᠢᠭᠵᠢᠳ ᠡᠵᠡᠨ ᠪᠤᠯᠤᠶᠡ ᠭᠡᠵᠦ ᠪᠠᠶᠢᠭᠰᠠᠨ ᠪᠤᠯᠪᠠᠴᠦ ᠰᠢᠯᠲᠠᠭ ᠢᠶᠠᠨ | ᠣᠯᠵᠣ ᠶᠠᠳᠠᠵᠠᠢ᠃ ᠡᠷᠭᠦᠨ ᠪᠠᠷᠢᠶᠡ ᠭᠡᠰᠡᠨ ᠭᠠᠯᠳᠡᠨ ᠪᠣᠱᠣᠭᠲᠣ ᠶᠢᠨ ᠨᠠᠷᠠ ᠨᠢ ᠤᠨᠠᠯᠠ᠂ ᠶᠡᠭᠡ ᠰᠠᠨᠠᠭᠰᠠᠨ | ᠦᠪᠡᠷ ᠤᠨ ᠪᠤᠳᠤᠯ ᠴᠦ ᠬᠠᠷᠠᠯᠠᠵᠡᠢ᠃ | ᠣᠷᠣᠰᠢᠭᠤᠯᠣᠭᠰᠠᠨ ᠬᠡᠭᠦᠷ ᠨᠢ ᠭᠡᠨᠡᠳᠲᠡ ᠭᠦᠲᠡᠯᠬᠦ ᠰᠢᠭ ᠪᠤᠯᠤᠭᠰᠠᠨ ᠢᠶᠠᠨ ᠢᠷᠠᠭᠯᠠᠵᠤ ᠪᠠᠶᠢᠬᠤ ᠨᠢ | ᠰᠤᠨᠤᠰᠳᠠᠪᠠ᠃ ᠬᠠᠯᠬᠠ ᠭᠠᠵᠠᠷ ᠤᠨ ᠠᠬᠠ ᠳᠡᠭᠦᠦ ᠬᠤᠶᠡᠷ ᠪᠤᠴᠠᠵᠦ ᠬᠤᠯᠠ ᠠᠴᠠ ᠬᠠᠷᠠᠵᠤ ᠵᠤᠭᠰᠤᠬᠤ ᠳᠤ | ᠲᠡᠷᠯᠢᠭ ᠤᠨ ᠲᠤᠤᠭᠤᠷ ᠴᠤᠬᠤᠯᠵᠠᠭᠰᠠᠨ ᠭᠠᠷ ᠨᠢ ᠰᠠᠮᠤᠷᠳᠡᠨ ᠪᠠᠶᠢᠨᠠ᠃ ᠵᠣᠷᠢᠭᠯᠠᠨ ᠪᠠᠶᠢᠵᠤ ᠲᠡᠬᠢᠨ | ᠣᠶᠢᠷᠡᠳᠬᠤ ᠳᠤ ᠬᠦᠭᠡᠷᠡᠵᠦ ᠪᠣᠷᠣᠯᠠᠭᠰᠠᠨ ᠰᠢᠷᠬᠠ ᠶᠢ ᠨᠢ ᠲᠣᠭᠤᠷᠢᠭᠤᠯᠣᠨ ᠴᠢᠨ᠋ᠸᠠ ᠲᠤᠯᠢᠶᠠᠭᠰᠠᠨ ᠪᠤᠯᠤᠯᠲᠠᠢ᠃ | ᠦᠨᠡᠭᠡ ᠴᠢᠨ᠋ᠸᠠ ᠢᠳᠡᠰᠢ ᠪᠣᠯᠬᠤ ᠶᠤᠰᠤᠳᠠᠢ ᠪᠠᠶᠢᠳᠡᠯᠡ ᠮᠢᠬᠠᠴᠢᠨ ᠰᠢᠪᠠᠭᠤ ᠲᠠᠢ ᠲᠠᠭᠤᠴᠠᠯᠳᠤᠭᠰᠠᠨ ᠴᠢᠨ᠋ᠸᠠ ᠶᠢᠨ | ᠮᠦᠷ ᠰᠠᠷᠪᠠᠶᠢᠵᠦ ᠬᠠᠷᠠᠭᠳᠠᠨᠠ᠃ ᠪᠠᠰᠠ ᠲᠡᠷᠭᠡ ᠮᠤᠷᠢᠨ ᠤ ᠮᠦᠷ᠂ ᠮᠠᠶᠢᠬᠠᠨ ᠰᠢᠭᠠᠭᠰᠠᠨ ᠭᠦᠮᠦᠨ ᠤ ᠮᠦᠷ ᠪᠠ | ᠠᠳᠠ ᠲᠡᠨᠳᠠ ᠬᠦᠬᠡᠷᠡᠨ ᠦᠵᠡᠭᠳᠡᠬᠦ ᠦᠨᠡᠰᠦᠨ ᠤᠪᠤᠭᠠ ᠨᠤᠭᠤᠳ ᠤᠯᠠᠨ ᠴᠦ ᠭᠦᠮᠦᠨ ᠬᠤᠨᠤᠭᠠᠳ ᠶᠠᠪᠤᠭᠰᠠᠨ ᠢ | ᠭᠡᠷᠡᠴᠢᠯᠡᠵᠦ ᠪᠠᠶᠢᠨᠠ᠃ ᠬᠡᠭᠦᠷ ᠲᠠᠬᠢᠨ ᠢᠷᠠᠭᠯᠠᠪᠠ᠃ ᠭᠠᠷ ᠭᠠᠷ ᠢᠶᠠᠨ ᠪᠠᠷᠢᠯᠴᠠᠨ ᠰᠡᠮᠡᠷᠭᠡᠨ ᠠᠯᠬᠤᠵᠤ ᠤᠴᠢᠭᠠᠳ | ᠬᠤᠴᠢᠭᠰᠠᠨ ᠲᠡᠷᠯᠢᠭ ᠢ ᠰᠡᠬᠦᠪᠡᠯ ᠴᠤᠩᠭᠡᠶᠢᠭ᠌ᠰᠠᠨ ᠵᠡᠪᠡᠭᠡᠢ ᠴᠢᠷᠡᠢ ᠢᠯᠡᠷᠡᠭᠡᠳ᠂ ᠨᠢᠳᠦ ᠨᠢ ᠠᠨᠢᠯᠳᠤᠨ ᠪᠠᠶᠢᠪᠠᠴᠦ | ᠬᠠᠲᠠᠵᠣ ᠬᠤᠷᠪᠤᠶᠢᠭᠰᠠᠨ ᠤᠷᠤᠭᠤᠯ ᠠᠮᠠ ᠨᠢ ᠠᠩᠭᠠᠯᠵᠠᠭᠠᠳ ᠠᠮᠢ ᠲᠡᠮᠡᠴᠡᠨ ᠪᠠᠶᠢᠬᠤ ᠶᠢ ᠲᠤᠳᠤᠷᠬᠠᠢ ᠦᠵᠡᠪᠡ᠃ | ᠠᠬᠠ ᠲᠡᠭᠦᠦ ᠬᠤᠶᠠᠭᠤᠯᠨ ᠬᠡᠭᠦᠷ ᠪᠢᠰᠢ᠂ ᠠᠮᠢᠳᠤ ᠪᠠᠶᠢᠨᠠ ᠭᠡᠰᠡᠨ ᠢ ᠪᠠᠳᠤᠳᠠᠢ ᠮᠡᠳᠡᠭᠰᠡᠨ ᠳᠡᠭᠡᠨ | ᠲᠤᠤᠭᠤᠷ ᠨᠢ ᠲᠡᠷᠯᠢᠭ ᠤᠷᠤᠭᠤᠯᠤᠨ ᠲᠠᠮᠨᠠᠵᠤ ᠶᠠᠪᠤᠵᠠᠢ᠃ | ᠲᠡᠭᠡᠭᠡᠳ ᠮᠠᠶᠢᠬᠠᠨ ᠳᠤ ᠠᠪᠠᠴᠢᠵᠦ ᠬᠤᠴᠢᠭᠠᠳ ᠰᠠᠶ᠋ᠢᠬᠠᠨ ᠪᠣᠴᠠᠯᠭᠠᠭᠰᠠᠨ ᠵᠡᠭᠡᠷᠡᠨ ᠮᠢᠬᠠᠨ ᠱᠦᠯᠦ ᠬᠤᠶᠡᠷ | ᠲᠠᠭᠱᠠ ᠪᠠᠷ ᠡᠭᠡᠯᠵᠢᠯᠡᠭᠦᠯᠦᠨ ᠰᠠᠮᠤᠷᠴᠦ ᠪᠦᠯᠢᠶᠡᠨ ᠪᠤᠯᠭᠠᠭᠠᠳ ᠠᠮᠠᠨ ᠳᠤᠨᠢ ᠲᠤᠰᠤᠭᠠᠵᠦ ᠦᠵᠡᠪᠡ᠃ | ᠵᠠᠯᠭᠢᠭᠤᠰᠣ ᠲᠠᠢ ᠪᠠᠶᠢᠬᠤ ᠠᠵᠢ᠃ ᠭᠤᠷᠪᠠᠨ ᠠᠶᠠᠭᠠ ᠱᠦᠯᠦ ᠤᠤᠭᠤᠭᠰᠠᠨ ᠪᠠᠶᠢᠳᠠᠯᠡ ᠪᠠᠰᠠ ᠯᠡ ᠲᠡᠭᠳᠡᠭᠡᠭᠡᠢ ᠰᠢᠭ | ᠠᠮᠠ ᠨᠢ ᠠᠩᠭᠠᠯᠵᠠᠵᠤ ᠡᠬᠢᠯᠡᠪᠡ᠃ ᠲᠣᠭᠤᠭᠠ ᠲᠠᠢ ᠱᠦᠯᠦ ᠪᠠᠨ ᠪᠤᠴᠠᠯᠭᠠᠨ ᠪᠠᠶᠢᠵᠦ ᠪᠠᠶᠢᠳᠠᠯᠡ ᠬᠠᠷᠢᠨ | ᠤᠷᠤᠭᠤᠯ ᠨᠢ ᠵᠢᠮᠡᠶᠢᠬᠦ ᠰᠢᠭ ᠪᠤᠯᠤᠭᠰᠠᠨ ᠢᠶᠠᠨ ᠤᠭᠰᠢᠭᠤᠯᠵᠣ ᠢᠷᠡᠭᠡᠳ ᠤᠭᠢᠭᠤᠯᠪᠠ᠃ ᠭᠡᠪᠡᠴᠦ ᠪᠦᠭᠡᠯᠵᠢᠭᠰᠡᠨ | ᠦᠭᠡᠢ᠂ ᠬᠠᠷᠢᠨ ᠰᠢᠷᠬᠠ ᠨᠢ ᠬᠦᠨᠳᠡᠭᠳᠡᠪᠡ ᠪᠤᠯᠤᠯᠳᠠᠢ ᠰᠤᠳᠠᠰᠦ ᠨᠢ ᠭᠦᠷᠦᠰ ᠭᠦᠷᠦᠰ ᠵᠠᠩᠬᠢᠷᠡᠵᠤ ᠪᠠᠶᠢᠭᠰᠠᠨ ᠢᠶᠠᠨ | ᠴᠢᠷᠡᠢ ᠲᠡᠭᠡᠭᠦᠷ ᠨᠢ ᠬᠠᠷᠠ ᠭᠦᠯᠦᠰᠦ ᠪᠦᠮᠪᠦᠷᠢᠵᠦ ᠬᠠᠷᠠᠭᠳᠠᠪᠠ᠃ | — ᠨᠡᠷᠡ ᠬᠡᠨ ᠪᠢᠯᠡ︖ ᠨᠣᠲᠤᠭ ᠬᠠᠮᠢᠭᠠᠬᠢ ᠶᠢᠨ ᠪᠤᠢ︖ | ᠶᠠᠮᠡᠷ ᠴᠤ ᠲᠤᠰᠬᠠᠯ ᠠᠯᠠᠭᠠ᠂ ᠰᠤᠨᠤᠰᠤᠭᠰᠠᠨ ᠪᠤᠯᠪᠠᠴᠦ ᠲᠤᠤᠭᠠᠷᠴᠦ ᠴᠢᠳᠠᠭᠰᠠᠨ ᠦᠭᠡᠢ ᠪᠠᠶᠢᠬᠤ ᠪᠤᠯᠤᠯᠳᠠᠢ᠂ | ᠣᠷᠬᠢᠭᠠᠳ ᠶᠠᠪᠤᠭᠰᠠᠨ ᠲᠡᠷᠭᠡ ᠮᠣᠷᠢᠨ ᠤ ᠵᠦᠭ ᠴᠢᠭ ᠢ ᠬᠠᠷᠠᠪᠠᠯ ᠤᠷᠠᠳ ᠡᠰᠡᠭᠦᠯᠡ ᠠᠯᠠᠱᠠ ᠦᠭᠡᠯᠡᠳ ᠪᠠᠶᠢᠬᠤ | ᠶᠤᠰᠤᠳᠠᠢ᠃ ᠬᠠᠮᠢᠭᠠᠬᠢ ᠶᠢᠨ ᠴᠦ ᠪᠤᠯᠤᠭ᠂ ᠶᠠᠭᠤᠨ ᠳᠤ ᠠᠮᠢᠳᠤ ᠪᠠᠷ ᠨᠢ ᠬᠠᠶᠠᠭᠠᠳ ᠶᠠᠪᠤᠨᠠ ᠪᠤᠢ︖ ᠦᠬᠦᠭᠡᠳ | ᠰᠡᠬᠡᠬᠦ ᠶᠤᠰᠤ ᠶᠠᠭᠠᠬᠢᠭᠰᠠᠨ ᠴᠦ ᠪᠠᠶᠢᠬᠤ ᠦᠭᠡᠢ ᠪᠢᠵᠡ᠃ | ᠵᠡᠭᠡᠷᠡᠨ ᠮᠢᠬᠠ ᠪᠠᠨ ᠰᠠᠮᠡᠯᠡᠭᠡᠳ ᠠᠮᠠᠨ ᠳᠤᠨᠢ ᠬᠢᠪᠡ᠂ ᠤᠮᠠᠷᠠᠭᠤᠯᠵᠤ ᠦᠵᠡᠭᠡᠳ ᠵᠠᠯᠬᠢᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ | ᠵᠠᠵᠢᠯᠤᠭᠠᠳ ᠦᠭᠭᠦᠯᠡ᠂ ᠵᠠᠯᠬᠢᠬᠤ ᠰᠢᠭ᠋ ᠪᠤᠯᠤᠯᠠ᠃ ᠦᠭᠭᠦᠭᠰᠡᠭᠡᠷ ᠪᠠᠶᠢᠳᠠᠯᠡ ᠮᠢᠬᠠ ᠴᠦ ᠠᠶᠠᠳᠠᠯᠠ᠂ | ᠴᠠᠳᠬᠤ ᠪᠠᠨ ᠮᠡᠳᠡᠵᠦ ᠪᠠᠶᠢᠬᠤ ᠡᠰᠡᠬᠦ ᠶᠢ ᠪᠤᠤ ᠮᠡᠳᠡ᠃ ᠠᠬᠠ ᠨᠢ ᠭᠠᠷᠴᠦ ᠤᠴᠢᠭᠠᠳ ᠨᠠᠭᠤᠷ ᠤᠨ ᠯᠠᠢ | ᠠᠪᠴᠢᠷᠠᠨ ᠴᠡᠭᠡᠵᠢᠨ ᠤ ᠡᠷᠡᠭᠦᠯ ᠬᠡᠰᠡᠭ ᠲᠤᠨᠢ ᠪᠢᠯᠳᠠᠵᠤ ᠤᠷᠬᠢᠪᠠ᠃ ᠬᠠᠯᠠᠭᠤᠨ ᠢ ᠪᠠᠭᠤᠷᠠᠭᠰᠠᠨ ᠡᠰᠡᠬᠦ ᠨᠢ | ᠮᠡᠳᠡᠭᠳᠡᠵᠦ ᠶᠠᠳᠠᠪᠠᠴᠦ ᠰᠡᠷᠢᠭᠦᠦ ᠲᠠᠲᠠᠭᠰᠠᠨ ᠪᠢᠵᠡ᠂ ᠢᠷᠠᠭᠯᠠᠬᠤ ᠨᠢ ᠨᠠᠮᠳᠠᠪᠠ᠃ | ᠮᠠᠷᠭᠠᠰᠢ ᠢ ᠲᠡᠮᠡᠭᠡᠨ ᠲᠡᠭᠡᠷᠡ ᠠᠴᠢᠭᠠᠳ ᠡᠮᠦᠨᠡᠰᠢ ᠬᠠᠨᠳᠤᠯᠠ᠂ ᠰᠢᠷᠬᠠ ᠢ ᠬᠦᠨᠳᠡᠭᠳᠡᠵᠦ ᠪᠠᠶᠢᠬᠤ ᠪᠤᠯᠤᠯᠳᠠᠢ | ᠲᠡᠮᠡᠭᠡᠨ ᠤ ᠰᠠᠵᠢᠯᠠᠬᠤ ᠶᠢᠨ ᠲᠤᠭᠠ ᠪᠠᠷ ᠢᠷᠠᠭᠯᠠᠵᠤ ᠪᠠᠶᠢᠬᠤ ᠢ ᠬᠡᠴᠡᠭᠦᠦ᠂ ᠪᠠᠶᠢᠬᠤ ᠭᠠᠭᠴᠠ ᠢᠰᠡᠭᠡᠢ ᠪᠠᠨ | ᠮᠠᠶᠢᠬᠠᠨ ᠤ ᠭᠠᠶᠢᠷ ᠲᠤ ᠡᠪᠯᠡᠭᠦᠯᠵᠦ ᠪᠠᠭᠯᠠᠭᠠᠳ ᠲᠡᠭᠡᠷᠡ ᠢ ᠬᠡᠪᠲᠡᠭᠦᠯᠦᠭᠰᠡᠨ ᠠᠴᠠ ᠵᠤᠪᠠᠭᠤᠷᠢᠯᠠᠬᠤ ᠨᠢ ᠠᠷᠠᠢ | ᠨᠠᠮᠳᠠᠭᠰᠠᠨ ᠴᠦ ᠠᠷᠪᠡᠨ ᠬᠡᠳᠦ ᠲᠠᠢ ᠬᠦᠦ ᠳᠤ ᠲᠤᠩ ᠴᠤ ᠬᠦᠨᠳᠦ ᠠᠴᠢᠶᠡ ᠪᠠᠶᠢᠯᠡ᠃ ᠬᠤᠶᠡᠷ ᠡᠳᠦᠷ ᠲᠠᠮᠨᠠᠭᠠᠳ | ᠠᠯᠢ ᠠᠯᠢᠨ ᠤ ᠬᠢᠨᠢ ᠡᠭᠡᠮ ᠬᠠᠪᠤᠳᠤᠭᠠᠳ᠂ ᠮᠣᠳᠣ ᠦᠵᠡᠬᠦ ᠠᠴᠠ ᠬᠠᠯᠠᠰᠢᠷᠠᠬᠤ ᠠᠵᠢ᠃ ᠠᠷᠭᠠ ᠪᠤᠰᠤ | ᠲᠡᠮᠡᠭᠡᠨ ᠳᠤ ᠠᠴᠢᠯᠠ᠂ ᠡᠨ᠋ᠨ ᠮᠡᠲᠦ ᠨᠢᠭᠡ ᠡᠳᠦᠷ ᠠᠴᠢᠵᠦ ᠨᠢᠭᠡ ᠡᠳᠦᠷ ᠲᠠᠮᠨᠠᠵᠦ ᠭᠡᠳᠦᠢ ᠬᠤᠨᠤᠭᠰᠠᠨ ᠢ ᠴᠦ ᠪᠤᠤ | ᠮᠡᠳᠠ᠃ ᠨᠢᠭᠡ ᠵᠠᠮ ᠠᠶᠢᠯ ᠠᠮᠢᠳᠡᠨ᠂ ᠮᠠᠯ ᠰᠦᠷᠦᠭ ᠤᠨ ᠪᠠᠷᠠ ᠴᠦ ᠤᠯᠵᠣ ᠦᠵᠡᠭᠰᠡᠨ ᠦᠭᠡᠢ᠃ ᠠᠯᠠᠱᠠ ᠭᠡᠭᠴᠢ | ᠴᠤᠬᠤᠮ ᠬᠡᠳᠦᠢ ᠬᠤᠯᠠ ᠪᠠᠶᠢᠬᠤ ᠪᠤᠢ︖ ᠮᠡᠳᠡᠬᠦ ᠬᠦᠮᠦᠨ ᠠᠮᠢᠳᠡᠨ ᠴᠦ ᠦᠭᠡᠢ᠃ | ᠤᠰᠤ ᠶᠢ ᠬᠦᠰᠡᠨ ᠪᠠᠶᠢᠭᠰᠠᠭᠠᠷ ᠤᠯᠵᠣ ᠢᠷᠡᠭᠰᠡᠨ ᠪᠤᠯᠪᠠᠴᠦ ᠰᠢᠷᠬᠠ ᠲᠠᠢ ᠬᠦᠮᠦᠨ ᠤ ᠪᠤᠰᠴᠦ ᠢᠷᠡᠬᠦ ᠨᠢ | ᠬᠡᠵᠢᠶᠡ ᠪᠤᠢ᠂ ᠭᠡᠯᠡᠬᠦ ᠳᠤ ᠭᠡᠴᠡᠬᠦᠦ᠃ ᠨᠠᠭᠠᠳᠤ ᠵᠠᠬᠠ ᠨᠢ ᠨᠢᠳᠦ ᠪᠠᠨ ᠴᠦ ᠨᠡᠭᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠭᠰᠠᠭᠠᠷ | ᠰᠢᠦ᠃ ᠠᠮᠢᠰᠬᠤᠭᠠ ᠲᠠᠢ ᠠᠮᠢᠰᠬᠤᠭᠠ ᠦᠭᠡᠢ ᠡᠶᠢᠮᠦ ᠬᠦᠮᠦᠨ ᠢ ᠴᠤᠬᠤᠮ ᠶᠠᠭᠠᠬᠢᠨᠠ ᠪᠤᠢ︖ ᠠᠪᠤᠨ | ᠲᠤᠤᠷᠡ ᠨᠢ ᠠᠪᠤᠷᠠᠬᠤ ᠶᠢ ᠪᠤᠳᠤᠭᠰᠠᠨ ᠪᠤᠯᠪᠠᠴᠦ ᠣᠳᠣ ᠬᠠᠷᠢᠨ ᠡᠷᠡᠭᠡᠯᠵᠡᠬᠦ ᠪᠤᠯᠤᠯᠠ᠃ ᠭᠡᠪᠡᠴᠦ ᠴᠢᠭ ᠲᠤᠨᠢ | ᠪᠠᠭᠲᠠᠭᠠᠬᠤ ᠦᠭᠡᠢ ᠶᠠᠭᠠᠬᠢᠵᠤ ᠬᠠᠶᠠᠨᠠ ᠪᠤᠢ᠂ ᠵᠠᠭ ᠤᠨ ᠴᠤᠭ ᠲᠡᠭᠡᠷᠡ ᠲᠣᠭᠤᠭᠠ ᠨᠡᠷᠡᠭᠡᠳ ᠬᠡᠪᠳᠡᠭᠰᠡᠨ ᠴᠢᠨᠢ | ᠬᠤᠶᠠᠭᠤᠯᠨ ᠪᠠᠨ ᠣᠨᠲᠠᠴᠢᠬᠠᠵᠡᠢ᠃ ᠨᠢᠭᠡ ᠰᠡᠷᠢᠬᠦ ᠳᠤ ᠲᠣᠭᠤᠭᠠ ᠰᠢᠷᠬᠢᠭᠡᠳ᠂ ᠴᠤᠭ ᠣᠨᠳᠠᠷᠠᠬᠤ ᠠᠶᠠᠳᠠᠵᠡᠢ᠃ | ᠮᠤᠷᠢᠨ ᠤ ᠲᠠᠭᠤ ᠭᠠᠷᠤᠭᠰᠠᠨ ᠳᠤ ᠢᠷᠡᠭᠰᠡᠨ ᠬᠦᠮᠦᠨ ᠨᠢ ᠡᠬᠡᠨᠡᠷ ᠭᠦᠮᠦᠨ ᠪᠠᠶᠢᠬᠤ ᠠᠵᠢ᠃ ᠡᠷᠡ ᠶᠢᠨ ᠢᠶᠠᠨ | ᠠᠳᠡᠭᠰᠡᠨ ᠢ ᠰᠤᠨᠤᠰᠤᠭᠠᠳ ᠭᠡᠬᠦᠷ ᠶᠠᠰᠤ ᠶᠢ ᠨᠢ ᠦᠵᠡᠬᠦ ᠪᠠᠷ ᠡᠷᠢᠵᠦ ᠤᠴᠢᠭᠰᠠᠨ ᠲᠤᠭᠤᠰ ᠨᠠᠭᠤᠷ ᠤᠨ ᠬᠦᠪᠡᠭᠡ | ᠡᠷᠭᠢᠭᠦᠯᠦᠨ ᠠᠯᠳᠠᠵᠤ ᠡᠷᠢᠭᠡᠳ ᠠᠷᠢᠶᠡᠳᠡᠨ ᠵᠢᠬᠦᠷᠳᠡᠨ ᠤ ᠢᠳᠡᠰᠢ ᠪᠤᠯᠵᠤ ᠭᠡᠵᠦ ᠰᠡᠳᠬᠢᠯ ᠴᠦᠭᠦᠷᠡᠨ ᠪᠤᠴᠠᠵᠤ | ᠶᠠᠪᠤᠭᠠ ᠴᠤ ᠠᠰᠠᠭᠤᠵᠤ ᠰᠤᠷᠠᠭᠯᠠᠬᠤ ᠠᠶᠢᠯ ᠠᠮᠢᠳᠡᠨ ᠲᠠᠭᠠᠷᠠᠪᠠ ᠭᠡᠵᠦ ᠭᠠᠯ ᠤᠨ ᠪᠠᠷᠠ ᠪᠠᠷ ᠪᠦᠭᠦᠯᠢ ᠰᠦᠨᠢ | ᠲᠠᠭᠠᠮᠠᠭᠯᠠᠨ ᠪᠠᠶᠢᠵᠦ ᠭᠦᠷᠴᠦ ᠢᠷᠡᠭᠰᠡᠨ ᠢ ᠶᠠᠭᠤ ᠬᠡᠯᠡᠯᠳᠠᠢ ᠪᠢᠯᠡ᠃ | — ᠲᠠ ᠬᠤᠶᠡᠷ ᠴᠢᠨᠢ ᠶᠠᠪᠤᠭᠤᠯ ᠤᠨ ᠤᠯᠤᠰ ᠤᠤ︖ | — ᠲᠠᠶᠢᠮᠦ ᠡ᠂ ᠪᠢᠳᠠ ᠬᠤᠶᠡᠷ ᠨᠢᠭᠡ ᠰᠢᠷᠬᠠᠳᠠᠨ ᠢ ᠤᠯᠤᠭᠠᠳ ᠠᠪᠴᠣ ᠶᠠᠪᠤᠭᠠ ᠶᠤᠮ᠃ | — ᠶᠠᠭᠤᠨ ᠰᠢᠷᠬᠠᠳᠠᠨ᠂ ᠬᠠᠮᠢᠭᠠ ᠪᠠᠶᠢᠭᠰᠠᠨ ᠰᠢᠷᠬᠠᠳᠡᠨ ᠪᠤᠢ︖ | ᠬᠠᠷᠢᠭᠤ ᠬᠡᠯᠡᠬᠦ ᠶᠢ ᠭᠦᠯᠢᠶᠡᠯ ᠦᠭᠡᠢ ᠮᠠᠶᠢᠬᠠᠨ ᠳᠤ ᠤᠷᠤᠵᠤ ᠤᠴᠢᠭᠰᠠᠨ ᠡᠬᠡᠨᠡᠷ᠂ ᠡᠷᠬᠢᠨ ᠭᠠᠷᠴᠦ ᠢᠷᠡᠭᠡᠳ | ᠭᠠᠯ ᠤᠨ ᠲᠠᠶᠢᠰᠢ ᠳᠠᠪᠬᠢᠬᠤ ᠳᠤ ᠨᠢᠷᠤᠭᠤᠨ ᠳᠠᠬᠢ ᠭᠡᠦᠭᠡᠳ ᠨᠢ ᠰᠤᠴᠢᠨ ᠰᠡᠷᠢᠭᠡᠳ ᠴᠠᠰᠬᠢᠨ ᠤᠬᠢᠯᠡᠯᠡ᠃ | ᠭᠠᠯ ᠤᠨ ᠵᠦᠭ ᠪᠦᠬᠦ᠋ᠢᠵᠦ ᠤᠴᠢᠭᠰᠠᠨ ᠡᠬᠡᠨᠡᠷ ᠵᠠᠭ ᠤᠨ ᠴᠤᠴᠠᠯᠢ ᠰᠢᠭᠦᠷᠴᠦ ᠠᠪᠤᠭᠰᠠᠨ ᠬᠢᠷᠢ ᠳᠡᠭᠡᠨ | ᠭᠡᠦᠭᠡᠳ ᠤᠨ ᠢᠶᠠᠨ ᠣᠬᠢᠯᠠᠬᠤ ᠶᠢ ᠬᠠᠶᠢᠬᠤᠷᠤᠯ ᠦᠭᠡᠢ ᠦᠰᠦᠷᠴᠦ ᠬᠠᠷᠠᠶᠢᠭᠰᠠᠭᠠᠷ ᠮᠠᠶᠢᠬᠠᠨ ᠳᠤ ᠤᠷᠤᠵᠤ᠂ | ᠰᠢᠷᠬᠠᠳᠡᠨ ᠤ ᠨᠢᠭᠤᠷ ᠢ ᠭᠡᠷᠡᠯᠳᠤᠭᠦᠯᠵᠦ ᠦᠵᠡᠩᠭᠦᠲᠡ ᠪᠠᠷᠢᠭᠰᠠᠨ ᠴᠤᠴᠠᠯᠢ ᠪᠠᠨ ᠡᠭᠦᠳᠡ ᠪᠠᠷ ᠬᠠᠶᠠᠵᠤ | ᠶᠠᠪᠤᠭᠤᠯᠤᠭᠠᠳ ᠦᠪᠡᠷ ᠢᠶᠠᠨ ᠴᠦ ᠡᠬᠡᠷ ᠲᠠᠲᠠᠨ ᠰᠦᠭᠦᠷᠴᠦ ᠤᠨᠠᠯᠠ᠃ | ᠠᠪᠤᠨ ᠭᠦᠳᠡᠯᠦᠭᠰᠡᠨ ᠵᠠᠮ ᠳᠠᠭᠠᠨ ᠬᠤᠶᠡᠷ ᠦᠨᠵᠢᠭᠡᠳ ᠬᠠᠷᠢᠵᠦ ᠢᠷᠡᠪᠡ᠃ ᠪᠠᠷᠢᠨ ᠲᠤᠤᠷᠡ ᠨᠢ ᠤᠨᠠᠭᠠᠭᠰᠠᠨ | ᠰᠡᠷᠭᠡ ᠶᠢᠨ ᠰᠠᠮᠠᠵᠡ ᠪᠠᠷ ᠴᠤᠷᠯᠠᠵᠤ ᠬᠤᠨᠤᠭᠠᠳ ᠦᠷᠯᠦᠭᠡ ᠪᠤᠯᠬᠤ ᠳᠤ ᠱᠠᠯᠪᠢᠩ ᠴᠦ ᠨᠢᠳᠦ ᠪᠠᠨ ᠨᠡᠭᠡᠭᠡᠬᠦ ᠲᠠᠢ | ᠪᠣᠯᠵᠠᠢ᠃ | — ᠡᠨ᠋ᠨ ᠬᠤᠶᠡᠷ ᠲᠡᠭᠦᠦ ᠠᠮᠢ ᠶᠢ ᠴᠢᠨᠢ ᠠᠪᠤᠷᠠᠭᠰᠠᠨ ᠰᠢᠦ᠃ ᠡᠬᠡᠨᠡᠷ ᠨᠢ ᠢᠨᠢᠶᠠᠮᠰᠦᠭᠯᠡᠨ ᠪᠠᠶᠢᠪᠠᠴᠦ | ᠨᠢᠳᠦ ᠨᠢ ᠬᠠᠪᠤᠳᠴᠦ ᠴᠢᠷᠠᠢ ᠨᠢ ᠰᠢᠭᠤᠭᠳᠠᠵᠠᠢ᠃ | — ᠮᠢᠨᠤ ᠵᠤᠳᠤᠭ ᠁ | — ᠵᠤᠳᠤᠭ ᠪᠠᠶᠢᠭᠠ ᠦᠭᠡᠢ ᠰᠢᠦ ᠭᠡᠳ ᠠᠬᠠ ᠲᠡᠬᠦᠦ ᠬᠤᠶᠠᠷ ᠶᠠᠭᠠᠬᠢᠵᠦ ᠤᠯᠤᠭᠰᠠᠨ᠂ ᠶᠠᠭᠠᠬᠢᠵᠦ | ᠠᠪᠴᠦ ᠢᠷᠡᠭᠰᠡᠨ ᠢᠶᠠᠨ ᠲᠤᠭᠠᠴᠢᠯᠠ᠃ | — ᠲᠠ ᠬᠤᠶᠡᠷ ᠬᠠᠷᠢᠨᠠ ᠭᠡᠵᠦ ᠪᠢᠲᠡᠭᠡᠢ ᠶᠠᠭᠠᠷᠠ︕ ᠠᠮᠢ ᠠᠪᠤᠷᠠᠭᠰᠠᠨ ᠠᠴᠢ ᠶᠢ ᠴᠢᠨᠢ ᠠᠪᠤᠨ | ᠬᠠᠷᠢᠭᠤᠯᠵᠤ ᠡᠰᠡ ᠴᠢᠳᠠᠭᠰᠠᠨ ᠴᠦ ᠡᠨ᠋ᠨ ᠨᠣᠲᠤᠭ ᠲᠤ ᠠᠮᠢᠳᠤᠷᠡᠬᠤ ᠶᠢᠨ ᠠᠷᠭᠠ ᠰᠠᠳᠤᠵᠦ ᠦᠵᠡᠶᠡ ᠭᠡᠵᠦ | ᠱᠠᠯᠪᠢᠩ ᠦᠭᠡ ᠪᠠᠨ ᠲᠠᠰᠤᠯᠳᠠᠭᠤᠯᠤᠨ ᠬᠡᠯᠡᠭᠡᠳ ᠨᠢᠳᠦ ᠪᠠᠨ ᠠᠨᠢᠯᠠ᠃ | ᠲᠡᠭᠡᠭᠡᠳ ᠵᠠᠯᠠᠭᠳᠠᠵᠤ ᠢᠷᠡᠭᠰᠡᠨ ᠡᠪᠦᠭᠡᠨ ᠮᠠᠮᠪᠠ ᠡᠮ ᠲᠣᠩ ᠢᠶᠠᠨ ᠠᠭᠤᠳᠠᠯᠡᠨ ᠡᠮ ᠤᠤᠭᠤᠯᠭᠠᠵᠤ᠂ ᠲᠠᠩ | ᠴᠢᠨᠠᠵᠦ ᠱᠠᠪᠰᠢᠨ ᠨᠢᠮᠪᠠᠢ ᠡᠮᠴᠢᠯᠡᠵᠦ ᠬᠡᠳᠦ ᠬᠤᠨᠤᠬᠤ ᠳᠤ ᠡᠪᠡᠳᠬᠦ ᠨᠢ ᠨᠠᠮᠳᠠᠵᠤ ᠨᠢᠳᠦ ᠨᠡᠭᠡᠭᠡᠨ ᠬᠠᠷᠠᠪᠠ᠃ | ᠡᠪᠦᠭᠡᠨ ᠮᠠᠮᠪᠠ ᠲᠠᠷᠦᠢ ᠲᠦᠷᠭᠡᠨ ᠡᠮᠴᠢᠯᠡᠬᠦ ᠶᠢ ᠪᠤᠳᠤᠨ ᠪᠠᠶᠢᠵᠤ ᠰᠠᠨᠠᠭᠠ ᠠᠯᠳᠠᠪᠠ᠃ | — ᠶᠠᠮᠠᠷ ᠠᠷᠭᠠ ᠪᠠᠶᠢᠳᠠᠭ ᠪᠣᠢ︖ | ᠶᠠᠭᠠᠷᠡᠨ ᠠᠰᠠᠭᠤᠭᠰᠠᠨ ᠡᠬᠡᠨᠡᠷ ᠤᠨ ᠦᠭᠡᠳᠠ ᠠᠴᠠ ᠰᠢᠷᠳᠡᠵᠦ ᠤᠳᠠᠳᠠᠯᠠ ᠲᠤᠭᠤᠢ ᠰᠠᠭᠤᠭᠰᠠᠨ ᠮᠠᠮᠪᠠ᠄ | — ᠵᠢᠷᠤᠮᠳᠤ ᠡᠬᠡᠨᠡᠷ ᠡᠷᠡ ᠪᠠᠨ ᠠᠪᠣᠷᠠᠳᠠᠭ᠂ ᠵᠢᠷᠣᠮᠳᠤ ᠨᠤᠬᠠᠢ ᠡᠵᠡᠨ ᠢᠶᠠᠨ ᠠᠪᠤᠷᠠᠳᠠᠭ ᠭᠡᠰᠡᠨ ᠦᠭᠡ ᠪᠣᠢ | ᠭᠡᠳ ᠲᠤᠯᠤᠭᠠᠢ ᠲᠤᠬᠢᠬᠤ ᠰᠢᠭ᠋ ᠪᠤᠯᠤᠭᠰᠠᠨ ᠢᠶᠠᠨ ᠰᠠᠵᠢᠪᠠ᠃ | — ᠲᠦᠷᠭᠡᠨ ᠡᠳᠡᠭᠡᠭᠡᠵᠦ ᠵᠤᠪᠠᠯᠠᠩ ᠠᠴᠠ ᠰᠠᠯᠭᠠᠬᠤ ᠠᠷᠭᠠ ᠪᠠᠶᠢᠪᠡᠯ ᠶᠠᠭᠠᠬᠢᠭᠰᠠᠨ ᠴᠦ ᠪᠣᠯᠣᠨᠠ ᠭᠡᠳ | ᠡᠬᠡᠨᠡᠷ ᠠᠷᠠᠰᠦ ᠮᠢᠬᠠ ᠠᠯᠢ ᠨᠢᠭᠡ ᠬᠡᠰᠡᠭ ᠠᠴᠠ ᠨᠢ ᠠᠪᠬᠤ ᠪᠠᠷ ᠪᠠᠶᠢᠬᠤ ᠰᠢᠭ᠋ ᠤᠷᠤᠭᠰᠢ ᠪᠠᠨ ᠵᠢᠳᠬᠦᠰᠬᠢᠪᠡ᠃ | — ᠠᠷᠭᠠ ᠨᠢ ᠠᠮᠠᠷᠬᠠᠨ ᠠᠷᠭᠠ ᠶᠤᠮ᠃ ᠭᠠᠭᠴᠠ ᠬᠦ ᠁ ᠭᠡᠵᠦ ᠡᠪᠦᠭᠡᠨ ᠮᠠᠮᠪᠠ ᠲᠦᠭᠳᠡᠷᠡᠰᠬᠢᠭᠡᠳ᠂ | ᠢᠯᠢ ᠴᠢᠯᠢ ᠢᠷᠲᠦ ᠮᠠᠰᠡ ᠴᠠᠭᠠᠰᠢ ᠪᠠᠨ᠂ ᠡᠮ ᠲᠣᠮ ᠡᠳᠡᠭᠡᠷᠡᠬᠦ ᠪᠤᠶᠡᠨ ᠨᠠᠭᠠᠰᠢ ᠪᠠᠨ᠂ ᠴᠢᠩ ᠵᠢᠷᠤᠮ ᠡᠪᠳᠡᠭᠡ | ᠦᠭᠡᠢ᠂ ᠴᠢᠪᠢᠯᠳᠦ ᠮᠠᠰᠡ ᠶᠢᠨ ᠲᠠᠷᠣᠭᠤᠯᠭᠠ᠂ ᠴᠢᠭᠴᠢ ᠲᠠᠩᠭᠠᠷᠢᠭ ᠠᠯᠳᠠᠭᠠ ᠦᠭᠡᠢ᠂ ᠴᠢᠭ ᠵᠠᠰᠠᠯ ᠤᠨ ᠠᠪᠤᠯᠭᠠ | ᠂ ᠢᠯᠢ ᠴᠢᠯᠢ ᠢᠷᠲᠦ ᠮᠡᠰᠡ ᠴᠠᠭᠠᠰᠢ ᠪᠠᠨ᠂ ᠡᠮ ᠲᠣᠮ ᠡᠳᠡᠭᠡᠷᠡᠬᠦ ᠪᠤᠶᠠᠨ ᠨᠠᠭᠠᠰᠢ ᠭᠡᠵᠦ ᠲᠤᠯᠤᠭᠠ ᠣᠳᠠᠭᠠ | ᠰᠢᠪᠰᠢᠭᠡᠳ ᠡᠷᠡ ᠶᠢᠨ ᠢᠶᠠᠨ ᠰᠢᠷᠬᠠᠨ ᠲᠡᠭᠡᠭᠦᠷ ᠡᠬᠡᠨᠡᠷ ᠨᠢ ᠬᠦᠨᠳᠡᠯᠡᠨ ᠠᠯᠬᠤᠵᠤ ᠲᠦᠷᠭᠡᠨ ᠭᠠᠳᠤᠯᠪᠡᠯ ᠶᠠᠮᠠᠷᠪᠡ | ᠮᠡᠰᠡ ᠣᠭᠰᠢᠨ ᠭᠠᠷᠴᠦ ᠢᠷᠡᠳᠡᠭ ᠠᠨᠳᠠᠭᠠᠢ ᠲᠠᠢ ᠶᠤᠮ ᠭᠡᠯᠡ᠃ ᠡᠷᠡ ᠨᠦᠭᠦᠷ ᠢᠶᠠᠨ ᠡᠪᠡᠳᠴᠢᠨ ᠠᠴᠠ | ᠰᠠᠯᠭᠠᠬᠤ ᠶᠢ ᠭᠦᠰᠡᠭᠰᠡᠨ ᠡᠬᠡᠨᠡᠷ ᠨᠢ ᠡᠪᠦᠭᠡᠨ ᠮᠠᠮᠪᠠ ᠪᠠᠷ ᠠᠷᠭᠠ ᠲᠣᠮ ᠪᠠ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠵᠦ᠂ ᠱᠠᠯᠪᠢᠩ ᠤᠨ | ᠰᠢᠷᠬᠠ ᠡᠳᠡᠭᠡᠷᠡᠬᠦ ᠵᠦᠭ ᠲᠡᠭᠡᠨ ᠬᠠᠨᠳᠤᠪᠠ᠃ ᠭᠡᠳᠦᠨ ᠬᠤᠨᠤᠭ ᠤᠨ ᠲᠠᠷᠠᠭᠠ ᠡᠷᠬᠢᠵᠤ ᠢᠷᠡᠬᠦ ᠪᠠᠨ ᠬᠡᠯᠡᠭᠡᠳ ᠮᠠᠮᠪᠠ | ᠴᠦ ᠶᠠᠪᠤᠬᠤ ᠪᠠᠷ ᠪᠤᠯᠤᠯᠠ᠃ | — ᠡᠨ᠋ᠨ ᠬᠤᠶᠡᠷ ᠬᠦᠦ ᠶᠢ ᠪᠢ ᠲᠠᠭᠠᠭᠤᠯᠵᠤ ᠶᠠᠪᠤᠶᠡ ᠭᠡᠰᠡᠨ ᠡᠪᠦᠭᠡᠨ ᠤ ᠦᠭᠡ ᠪᠠᠷ ᠱᠠᠯᠪᠢᠩ ᠨᠢᠳᠦ ᠪᠠᠨ | ᠨᠡᠭᠡᠭᠡᠵᠦ ᠬᠠᠷᠠᠭᠠᠳ᠄ | — ᠠᠮᠢ ᠠᠪᠤᠷᠠᠭᠰᠠᠨ ᠠᠴᠢᠳᠡᠨ ᠳᠠᠭᠠᠨ ᠭᠦᠮᠦᠨ ᠤ ᠠᠷᠪᠠᠨ ᠬᠤᠨᠢ ᠲᠠᠢ ᠨᠢᠭᠡ ᠶᠤᠸᠠᠮᠪᠤᠤ ᠦᠭᠭᠦᠶᠡ᠃ | ᠰᠠᠭᠤᠬᠤ ᠭᠠᠵᠠᠷ ᠢᠶᠠᠨ ᠣᠯᠪᠠᠯ ᠬᠤᠨᠢ ᠪᠠᠨ ᠢᠷᠡᠵᠦ ᠠᠪᠤᠭᠠᠷᠠᠢ᠂ ᠬᠦᠴᠢᠷ ᠵᠤᠪᠠᠯᠠᠩ ᠲᠤᠬᠢᠶᠠᠯᠳᠤᠪᠠᠯ ᠬᠡᠯᠡᠵᠦ ᠪᠠᠢ︕ | ᠭᠡᠳ ᠨᠢᠳᠦᠨ ᠳᠡᠭᠡᠨ ᠨᠢᠯᠪᠤᠰᠤ ᠮᠡᠯᠳᠡᠭᠡᠨᠡᠭᠦᠯᠪᠡ᠃ ᠡᠴᠢᠭᠡ ᠡᠬᠡ ᠠᠴᠠ ᠰᠠᠯᠬᠤ ᠭᠡᠵᠦ ᠪᠠᠶᠢᠭᠠ ᠠᠬᠠ ᠲᠡᠭᠦᠦ | ᠬᠤᠶᠡᠷ ᠴᠦ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠨ ᠪᠠᠶᠢᠯᠠ᠃ | ᠣᠰᠣᠷ ᠰᠣᠰᠣᠷ ᠠᠬᠠ ᠲᠡᠭᠦᠦ ᠬᠤᠶᠡᠷ ᠢ ᠲᠠᠭᠠᠭᠤᠯᠵᠤ ᠬᠠᠷᠢᠭᠰᠠᠨ ᠡᠪᠦᠭᠡᠨ ᠮᠡᠮᠪᠠ ᠠᠬᠠ ᠪᠠᠷ ᠨᠢ ᠬᠦᠷᠭᠡᠨ | ᠠᠪᠴᠦ᠂ ᠲᠡᠭᠦᠦ ᠶᠢ ᠨᠢ ᠮᠦᠨ ᠵᠢᠯ ᠳᠡᠭᠡᠨ ᠠᠶᠢᠯ ᠳᠤ ᠭᠦᠷᠭᠡᠨ ᠦᠭᠭᠦᠭᠰᠡᠨ ᠠᠴᠠ ᠠᠯᠠᠱᠠ ᠦᠭᠡᠯᠡᠳ ᠤᠨ ᠬᠠᠯᠬᠠᠰ | ᠤᠪᠤᠭᠳᠠᠨ ᠤ ᠡᠪᠦᠭᠡ ᠲᠡᠭᠡᠳᠦᠰ ᠪᠣᠯᠵᠡᠢ᠃ ᠤᠰᠤᠷ ᠨᠢ ᠨᠡᠷᠡ ᠬᠦᠨᠳᠦᠳᠡᠢ ᠮᠡᠷᠭᠡᠨ ᠣᠲᠠᠴᠢ ᠪᠣᠯᠵᠡᠢ᠃ ︵ | ᠦᠷᠬᠦᠯᠵᠢᠯᠡᠯ ᠪᠣᠢ︶ | |