| ᠢᠨᠢᠶᠡᠬᠦ ᠪᠣᠯ ᠬᠦᠮᠦᠨ ᠤ ᠰᠡᠳᠬᠢᠯ ᠤᠨ ᠳᠤᠲᠤᠭᠠᠲᠤ ᠳᠠᠬᠢ ᠪᠠᠶᠠᠰᠤᠩᠭᠤᠢ ᠦᠢᠯᠡ ᠬᠦᠳᠡᠯᠦᠯ ᠢ ᠨᠢᠭᠤᠷ ᠤᠨ | ᠬᠡᠰᠡᠭ ᠢᠶᠠᠷ ᠢᠶᠠᠨ ᠢᠯᠡᠷᠬᠡᠶᠢᠯᠡᠵᠦ ᠪᠠᠶᠢᠭᠠ ᠭᠠᠳᠠᠭᠠᠳᠤ ᠢᠯᠡᠷᠡᠯ ᠮᠦᠨ᠃ ᠮᠦᠨ ᠴᠤ ᠬᠦᠮᠦᠨ ᠤ ᠳᠤᠲᠤᠭᠠᠳᠤ | ᠰᠡᠳᠬᠢᠯ ᠢᠶᠠᠨ ᠢᠯᠡᠳᠭᠡᠬᠦ᠂ ᠪᠡᠶᠡ ᠰᠡᠳᠬᠢᠯ ᠢᠶᠠᠨ ᠡᠷᠡᠭᠦᠯᠵᠢᠭᠦᠯᠬᠦ ᠲᠦᠷᠦᠯᠬᠢ ᠴᠢᠳᠠᠪᠤᠷᠢ ᠪᠦᠭᠡᠳ ᠪᠡᠶᠡ ᠰᠡᠳᠬᠢᠯ ᠢ | ᠡᠷᠡᠭᠦᠯᠵᠢᠭᠦᠯᠬᠦ ᠬᠠᠮᠤᠭ ᠤᠨ ᠰᠠᠶᠢᠨ ᠠᠷᠭᠠ ᠶᠢᠨ ᠨᠢᠭᠡ ᠮᠦᠨ᠃ ᠢᠨᠢᠶᠡᠬᠦ ᠨᠢ ᠪᠠᠶᠠᠷ ᠬᠦᠷ ᠲᠠᠢ᠂ ᠢᠨᠢᠶᠡᠳᠦ | ᠨᠠᠷᠭᠢᠶᠠᠨ ᠲᠠᠢ᠂ ᠬᠠᠶᠢᠷᠠ ᠰᠡᠳᠬᠢᠯ ᠪᠢᠯᠬᠠᠮᠠ᠂ ᠬᠠᠨᠤᠮᠵᠢᠲᠠᠢ ᠪᠠᠶᠢᠬᠤ᠂ ᠰᠤᠭᠲᠤᠭᠤᠷᠠᠬᠤ ᠵᠡᠷᠭᠡ ᠲᠤᠲᠤᠭᠠᠳᠤ | ᠰᠡᠳᠬᠢᠯ ᠢ ᠢᠯᠡᠳᠬᠡᠳᠡᠭ᠃ ᠬᠦᠮᠦᠨ ᠢᠨᠢᠶᠡᠪᠡᠯ ᠰᠡᠳᠬᠢᠯ ᠨᠢ ᠪᠠᠶᠠᠰᠴᠤ ᠪᠣᠭᠢᠨᠢᠳᠤᠯ᠂ ᠵᠠᠩᠭᠢᠷᠠᠭᠠ ᠨᠢ | ᠲᠠᠶᠢᠯᠤᠭᠳᠠᠵᠤ᠂ ᠠᠭᠤᠷ ᠬᠢᠯᠢᠩ ᠨᠢ ᠨᠠᠮᠳᠠᠵᠤ᠂ ᠰᠠᠳᠬᠢᠯ ᠤᠨ ᠳᠠᠷᠤᠭᠠᠰᠤ ᠨᠢ ᠠᠷᠢᠯᠤᠨ᠂ ᠠᠳᠡᠭᠦᠷᠡᠯ ᠵᠦᠷᠢᠴᠡᠯ ᠨᠢ | ᠪᠠᠭᠠᠰᠴᠤ᠂ ᠬᠦᠮᠦᠰ ᠤᠨ ᠬᠤᠭᠤᠷᠤᠨᠳᠦᠬᠢ ᠬᠠᠷᠢᠴᠠᠭᠠ ᠰᠠᠶᠢᠨ ᠪᠣᠯᠬᠤ ᠵᠡᠷᠭᠡ ᠮᠠᠰᠢ ᠣᠯᠠᠨ ᠰᠠᠶᠢᠨ ᠲᠠᠯᠠ ᠲᠠᠢ ᠪᠠᠷ | ᠪᠠᠷᠠᠬᠤ ᠦᠭᠡᠢ ᠮᠠᠰᠢ ᠰᠠᠶᠢᠨ ᠪᠡᠶᠡ ᠶᠢᠨ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠶᠤᠮ᠃ ᠢᠨᠢᠶᠡᠬᠦ ᠪᠠᠷ ᠳᠠᠮᠵᠢᠨ ᠨᠢᠳᠦᠨ ᠤ | ᠪᠤᠯᠴᠢᠩ᠂ ᠨᠢᠭᠤᠷ ᠤᠨ ᠬᠡᠰᠡᠭ ᠤᠨ ᠪᠤᠯᠴᠢᠩ᠂ ᠠᠮᠠ ᠬᠠᠮᠠᠷ ᠬᠤᠭᠤᠯᠠᠢ ᠳᠠᠭᠤᠨ ᠤ ᠬᠦᠪᠴᠢ ᠵᠡᠷᠭᠡ ᠶᠢᠨ ᠪᠤᠯᠴᠢᠩ | ᠰᠢᠷᠪᠤᠰᠤ ᠶᠢ ᠴᠢᠩᠭᠠᠷᠠᠭᠤᠯᠤᠨ᠂ ᠪᠦᠬᠦ ᠪᠡᠶᠡ ᠶᠢᠨ ᠠᠷᠠᠭ ᠶᠠᠰᠤ᠂ ᠪᠤᠯᠴᠢᠩ ᠰᠢᠷᠪᠤᠰᠦ᠂ ᠲᠤᠲᠤᠷ ᠴᠤᠯᠤ ᠰᠠᠪᠠ | ᠡᠷᠬᠡᠲᠡᠨ ᠨᠢ ᠢᠨᠢᠶᠡᠬᠦ ᠴᠣᠬᠢᠯᠭᠠ ᠶᠢ ᠳᠠᠭᠠᠯᠳᠤᠨ ᠳᠣᠷᠭᠢᠯᠲᠠ᠂ ᠴᠡᠴᠡᠷᠡᠯᠲᠠ᠂ ᠬᠦᠳᠡᠯᠭᠡᠭᠡᠨᠲᠦ ᠪᠠᠶᠢᠳᠠᠯ ᠳᠤ | ᠣᠷᠤᠵᠤ᠂ ᠪᠦᠬᠦ ᠪᠡᠶᠡ ᠶᠢᠨ ᠴᠤᠯᠤ ᠡᠷᠬᠡᠲᠡᠨ ᠳᠤ ᠢᠯᠢᠯᠭᠡ ᠪᠣᠯᠵᠤ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠨᠢ ᠢᠲᠠᠪᠬᠢᠵᠢᠭᠦᠯᠦᠨ | ᠡᠷᠡᠭᠦᠯᠵᠢᠭᠦᠯᠦᠨᠡ᠃ ᠣᠨᠴᠠᠭᠠᠶᠢᠯᠠᠨ ᠵᠢᠷᠦᠬᠡᠨ ᠤ ᠠᠵᠢᠯᠯᠠᠭᠠ ᠶᠢ ᠢᠲᠠᠪᠬᠢᠵᠢᠭᠦᠯᠵᠦ᠂ ᠬᠡᠢ ᠴᠢᠰᠦᠨ ᠤ ᠡᠷᠭᠢᠯᠲᠡ ᠶᠢ | ᠰᠠᠶᠢᠵᠢᠷᠠᠭᠤᠯᠤᠨ᠂ ᠪᠣᠳᠠᠰ ᠤᠨ ᠰᠣᠯᠢᠯᠴᠠᠭᠠ ᠶᠢ ᠠᠬᠢᠭᠤᠯᠵᠤ᠂ ᠪᠣᠳᠠᠰ ᠤᠨ ᠰᠣᠯᠢᠯᠴᠠᠭᠠᠨ ᠠᠴᠠ ᠡᠭᠦᠰᠦᠭᠰᠡᠨ | ᠠᠰᠢᠭ ᠦᠭᠡᠢ ᠪᠣᠳᠠᠰ ᠤᠨ ᠭᠠᠳᠠᠭᠰᠢᠯᠠᠭᠤᠯᠬᠤ ᠶᠢ ᠨᠢ ᠲᠦᠷᠭᠡᠳᠬᠡᠵᠦ᠂ ᠲᠠᠪᠤᠨ ᠴᠤᠯᠤ ᠵᠢᠷᠭᠤᠭᠠᠨ ᠰᠠᠪᠠᠨ ᠤ | ᠠᠵᠢᠯᠯᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠤᠨᠠ᠃ ᠮᠦᠨ ᠴᠤ ᠶᠡᠭᠡ ᠲᠠᠷᠢᠬᠢᠨ ᠳᠤ ᠰᠡᠲᠦᠯᠲᠡ ᠦᠭᠴᠦ ᠰᠠᠶᠢᠨ ᠬᠤᠷᠮᠤᠨ | ᠱᠦᠭᠦᠷᠡᠭᠦᠯᠵᠦ᠂ ᠲᠤᠲᠤᠭᠠᠳᠤ ᠱᠦᠭᠦᠷᠡᠯᠡᠯ ᠢ ᠳᠠᠮᠵᠢᠵᠦ ᠪᠡᠶᠡ ᠰᠡᠳᠬᠢᠯ ᠢ ᠠᠮᠠᠷᠠᠭᠤᠯᠤᠨ ᠡᠷᠡᠭᠦᠯᠵᠢᠭᠦᠯᠵᠦ᠂ | ᠶᠠᠳᠠᠷᠠᠭᠠ ᠶᠢ ᠲᠠᠶᠢᠯᠤᠨᠠ᠃ ᠭᠡᠪᠡᠴᠦ ᠬᠦᠨᠳᠦ ᠡᠪᠡᠳᠴᠢᠨ ᠲᠠᠢ ᠬᠦᠮᠦᠰ ᠭᠡᠲᠦ ᠢᠨᠢᠶᠡᠵᠦ ᠪᠣᠯᠬᠤ ᠦᠭᠡᠢ᠃ | ᠢᠨᠢᠶᠡᠬᠦ ᠶᠢ ᠠᠮᠢᠳᠦᠷᠠᠯ ᠤᠨ ᠢᠶᠠᠨ ᠡᠳᠤᠷ ᠲᠤᠲᠤᠮ ᠤᠨ ᠳᠠᠳᠬᠠᠯ ᠬᠡᠪᠰᠢᠯ ᠪᠣᠯᠭᠠᠬᠤ ᠨᠢ ᠲᠦᠢᠯ ᠤᠨ ᠴᠢᠬᠤᠯᠠ᠃ | ᠠᠷᠠᠳ ᠤᠨ ᠦᠭᠡᠨ ᠳᠤ᠂ ᠬᠤᠯᠤ ᠲᠠᠢ ᠠᠶᠢᠷᠠᠭ ᠢ ᠴᠠᠯᠬᠢᠲᠠᠯᠠ᠂ ᠭᠠᠩᠭᠠᠷ ᠱᠠᠭᠠᠵᠠᠩ ᠢ ᠳᠣᠷᠭᠢᠲᠠᠯᠠ᠂ ᠰᠠᠳᠬᠢᠯ | ᠪᠠᠶᠠᠰᠤᠮᠠ ᠢᠨᠢᠶᠡᠳᠡᠭ ᠭᠡᠳᠡᠭ ᠨᠢ ᠤᠴᠢᠷ ᠤᠳᠬᠠ ᠲᠠᠢ ᠦᠭᠡ ᠪᠠᠶᠢᠵᠡᠢ᠃ ᠢᠨᠢᠶᠡᠵᠦ ᠶᠠᠪᠤᠪᠠᠯ ᠠᠷᠪᠠᠨ ᠵᠢᠯ | ᠵᠠᠯᠠᠭᠤᠵᠢᠨᠠ᠂ ᠠᠭᠤᠷᠯᠠᠵᠤ ᠶᠠᠪᠤᠪᠠᠯ ᠦᠰᠦ ᠭᠡᠵᠢᠭᠡ ᠴᠠᠶᠢᠨᠠ ᠭᠡᠳᠡᠭ ᠨᠢ ᠪᠠᠰᠠ ᠯᠠ ᠤᠴᠢᠷ ᠲᠠᠢ ᠦᠭᠡ᠃ | ᠡᠶᠢᠮᠦ ᠠᠴᠠ ᠢᠨᠢᠶᠡᠬᠦ ᠪᠣᠯ ᠪᠡᠶᠡ ᠰᠡᠳᠬᠢᠯ ᠢᠶᠠᠨ ᠡᠷᠡᠭᠦᠯᠵᠢᠭᠦᠯᠬᠦ ᠰᠠᠶᠢᠨ ᠡᠮ᠂ ᠠᠮᠢ ᠨᠠᠰᠤ ᠶᠢ ᠤᠷᠲᠤᠳᠬᠠᠬᠤ | ᠸᠢᠲ᠋ᠠᠮᠢᠨ ᠮᠦᠨ᠃ ᠠᠩᠬᠠᠷᠠᠭᠤᠯᠬᠤ ᠨᠢ ᠬᠦᠮᠦᠨ ᠢ ᠭᠡᠳᠡᠭᠡᠯᠡᠵᠦ᠂ ᠰᠣᠴᠢᠭᠠᠵᠤ ᠢᠨᠢᠶᠡᠯᠭᠡᠵᠦ ᠪᠣᠯᠬᠤ ᠦᠭᠡᠢ᠂ | ᠡᠨᠡ ᠨᠢ ᠨᠡᠩ ᠢᠯᠡᠭᠦᠦ ᠬᠡᠤᠬᠡᠳ ᠪᠠᠭᠠᠴᠤᠳ ᠲᠤ ᠴᠡᠭᠡᠷ ᠲᠠᠢ᠃ ᠤᠴᠢᠷ ᠨᠢ ᠬᠡᠤᠬᠡᠳ ᠤᠨ ᠠᠭᠤᠰᠬᠢ᠂ ᠲᠡᠷᠢᠬᠢ᠂ | ᠵᠢᠷᠦᠬᠡᠨ ᠤ ᠠᠵᠢᠯᠯᠠᠭᠠ ᠪᠦᠷᠢᠨ ᠬᠦᠢᠴᠡᠳ ᠪᠤᠶᠢᠵᠢᠭᠠ ᠦᠭᠡᠢ ᠪᠠᠶᠢᠳᠠᠭ᠃ | ᠠᠨᠠᠭᠠᠬᠤ ᠤᠬᠠᠭᠠᠨ ᠳᠡᠭᠡᠷᠡ ᠡᠪᠡᠳᠴᠢᠨ ᠢ ᠡᠮᠴᠢᠯᠡᠬᠦ ᠣᠯᠠᠨ ᠠᠷᠭᠠ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠢᠨᠢᠶᠡᠬᠦ | ᠡᠮᠴᠢᠯᠡᠭᠡ ᠪᠠᠰᠠ ᠪᠠᠭᠲᠠᠨᠠ᠂ ᠭᠡᠪᠡᠴᠦ ᠦᠷᠭᠡᠨ ᠢᠶᠠᠷ ᠬᠡᠷᠡᠭᠯᠡᠭᠳᠡᠬᠦ ᠦᠭᠡᠢ ᠪᠠᠶᠢᠨᠠ᠃ ᠣᠶᠢᠷᠠ ᠶᠢᠨ ᠵᠢᠯ ᠠᠴᠠ | ᠵᠠᠷᠢᠮ ᠤᠯᠤᠰ ᠣᠷᠤᠨ ᠳᠤ ᠢᠨᠢᠶᠡᠬᠦ ᠨᠡᠶᠢᠬᠡᠮᠯᠢᠭ ᠪᠠᠶᠢᠭᠤᠯᠤᠭᠳᠠᠵᠤ᠂ ᠨᠡᠶᠢᠬᠡᠮ ᠤᠨ ᠳᠤᠮᠳᠠ ᠶᠡᠭᠡ ᠪᠠᠷ ᠪᠣᠢ | ᠪᠣᠯᠤᠭᠰᠠᠨ ᠭᠠᠭᠴᠠᠭᠠᠷᠳᠠᠮᠠᠯ ᠰᠡᠳᠬᠢᠯ ᠤᠨ ᠳᠠᠷᠤᠭᠠᠰᠤ᠂ ᠪᠣᠭᠢᠨᠢᠳᠤᠯ᠂ ᠡᠭᠡᠳᠡᠷᠡᠭᠡ ᠶᠢ ᠲᠠᠶᠢᠯᠵᠤ᠂ ᠡᠪᠡᠳᠴᠢᠨ | ᠡᠮᠬᠡᠭ ᠢ ᠡᠮᠴᠢᠯᠡᠬᠦ᠂ ᠴᠢᠨᠠᠭᠰᠢᠳᠠ ᠬᠤᠣᠷᠲᠤ ᠬᠠᠪᠤᠳᠠᠷ ᠢ ᠡᠮᠴᠢᠯᠡᠬᠦ ᠳᠤ ᠬᠦᠷᠲᠡᠯᠡ ᠡᠨᠡ ᠠᠷᠭᠠ ᠶᠢ ᠬᠡᠷᠡᠭᠯᠡᠭᠡᠳ | ᠮᠠᠰᠢ ᠶᠡᠭᠡ ᠦᠷᠡ ᠳ᠋ᠦᠩ ᠣᠯᠤᠭᠰᠠᠨ ᠪᠠᠷᠢᠮᠲᠠ ᠵᠢᠱᠢᠶᠡ ᠣᠯᠠᠨ ᠪᠠᠶᠢᠳᠠᠭ᠃ ᠢᠨᠢᠶᠡᠬᠦ ᠪᠠᠷ ᠡᠪᠡᠳᠴᠢᠨ | ᠵᠠᠰᠠᠬᠤ ᠳᠠᠭᠠᠨ ᠳᠠᠷᠠᠭᠠᠬᠢ 8 ᠵᠦᠢᠯ ᠢ ᠠᠩᠬᠠᠷ᠃ | 1. ᠪᠣᠲᠠᠲᠤ ᠨᠠᠰᠤ ᠪᠠᠨ ᠮᠠᠷᠲᠠᠨ ᠵᠠᠯᠠᠭᠤᠵᠢ᠃ | 2. ᠦᠰᠢᠶᠡ ᠬᠤᠷᠤᠰᠤᠯ ᠢᠶᠠᠨ ᠮᠡᠷᠲᠠᠵᠦ᠂ ᠪᠤᠰᠤᠳ ᠢ ᠠᠭᠤᠴᠢᠯᠠᠵᠤ ᠦᠷᠦᠰᠢᠶᠡᠵᠦ ᠲᠤᠰᠠᠯᠠ᠃ | 3. ᠭᠠᠰᠢᠭᠤᠨ ᠡᠮᠬᠡᠨᠢᠯ ᠢᠶᠠᠨ ᠮᠠᠷᠲᠠᠵᠤ᠂ ᠠᠮᠢ ᠨᠠᠰᠤᠨ ᠤ ᠵᠢᠮᠡ ᠶᠣᠰᠤ ᠶᠢ ᠵᠦᠪ ᠢᠶᠠᠷ ᠤᠶᠢᠯᠠᠭᠠ᠃ | 4. ᠠᠭᠤᠷ ᠤᠴᠠᠭᠠᠷ ᠢ ᠮᠠᠷᠲᠠᠵᠤ᠂ ᠰᠠᠳᠬᠢᠯ ᠰᠠᠨᠠᠭᠠ ᠪᠠᠨ ᠠᠭᠤᠵᠢᠭᠤ ᠪᠠᠶᠢᠯᠭᠠ᠃ | 5. ᠵᠣᠪᠠᠯ ᠵᠦᠳᠡᠭᠦᠷᠢ ᠶᠢ ᠮᠠᠷᠲᠠᠵᠤ᠂ ᠰᠠᠶᠢᠨ ᠰᠠᠶᠢᠬᠠᠨ ᠢ ᠬᠦᠰᠡ᠃ | 6. ᠵᠠᠨᠤᠯ ᠭᠡᠮᠰᠢᠯ ᠢ ᠮᠠᠷᠲᠠᠵᠤ᠂ ᠦᠩᠭᠡᠷᠡᠭᠰᠡᠨ ᠢ ᠡᠭᠦᠷᠢᠳᠡ ᠣᠷᠬᠢᠨ ᠬᠠᠶᠠ᠃ | 7. ᠡᠪᠡᠳᠴᠢᠨ ᠡᠮᠬᠡᠭ ᠢᠶᠠᠨ ᠮᠠᠷᠲᠠᠵᠤ᠂ ᠬᠡᠶᠢᠮᠦᠷᠢ ᠰᠦᠯᠳᠡ ᠲᠠᠢ ᠪᠠᠢ᠃ | 8. ᠨᠡᠷᠡ ᠠᠰᠢᠭ ᠢ ᠮᠠᠷᠲᠠᠵᠤ᠂ ᠨᠡᠶᠢᠲᠡ ᠣᠯᠠᠨ ᠲᠠᠢ ᠪᠠᠨ ᠬᠠᠮᠲᠤ ᠪᠠᠢ᠃ | ᠳᠡᠭᠡᠷᠡᠬᠢ ᠵᠦᠢᠯ ᠢ ᠠᠩᠬᠠᠷᠤᠨ ᠬᠡᠷᠡᠭᠵᠢᠭᠦᠯᠵᠦ᠂ ᠢᠨᠢᠶᠡᠵᠦ ᠵᠠᠩᠰᠢᠬᠤ ᠨᠢ ᠪᠡᠶᠡ ᠰᠡᠳᠬᠢᠯ ᠢ | ᠡᠷᠡᠭᠦᠯᠵᠢᠬᠦᠯᠬᠦ ᠶᠢᠨ ᠡᠭᠦᠳᠡ ᠬᠠᠭᠠᠯᠭᠠ ᠶᠢᠨ ᠨᠢᠭᠡ ᠶᠤᠮ᠃ | ᠢᠨᠢᠶᠡᠬᠦ ᠳᠤ ᠣᠯᠠᠨ ᠠᠷᠭᠠ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠲᠣᠯᠢᠨ ᠳᠤ ᠦᠪᠡᠷ ᠢ ᠪᠠᠨ ᠬᠠᠷᠠᠵᠤ ᠢᠨᠢᠶᠡᠬᠦ᠂ | ᠢᠨᠢᠶᠡᠳᠦ ᠨᠠᠷᠭᠢᠶᠠᠨ ᠲᠠᠢ ᠦᠭᠡ ᠬᠡᠯᠡᠬᠦ᠂ ᠠᠷᠠᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠬᠤᠱᠤᠩ ᠦᠭᠡ᠂ ᠦᠯᠢᠭᠡᠷ ᠣᠨᠢᠰᠤᠭᠠ ᠶᠢ | ᠰᠤᠷᠴᠤ ᠬᠡᠷᠡᠭᠯᠡᠬᠦ᠂ ᠬᠤᠱᠤᠩ ᠱᠤᠭ᠂ ᠢᠨᠢᠶᠡᠳᠦᠮ ᠲᠠᠢ ᠺᠢᠨᠤ᠋ ᠦᠵᠡᠬᠦ᠂ ᠢᠨᠢᠶᠡᠳᠦ ᠨᠠᠷᠭᠢᠶᠠᠨ ᠢ ᠡᠭᠦᠰᠭᠡᠳᠡᠭ | ᠬᠦᠮᠦᠨ ᠲᠠᠢ ᠬᠠᠮᠲᠤ ᠪᠠᠶᠢᠵᠤ᠂ ᠲᠡᠭᠦᠨ ᠠᠴᠠ ᠰᠤᠷᠤᠯᠴᠠᠬᠤ᠂ ᠢᠨᠢᠶᠡᠬᠦ ᠨᠡᠶᠢᠬᠡᠮᠯᠢᠭ ᠲᠤ ᠣᠷᠤᠯᠴᠠᠬᠤ ᠪᠤᠶᠤ | ᠲᠤᠰᠬᠠᠶᠢᠯᠠᠨ ᠬᠡᠳᠦᠭᠦᠯᠡ ᠨᠡᠶᠢᠯᠡᠵᠦ᠂ ᠢᠨᠢᠶᠡᠬᠦ ᠠᠵᠢᠯ ᠢ ᠦᠷᠨᠢᠭᠦᠯᠬᠦ᠂ ᠦᠪᠡᠷᠲᠡᠭᠡᠨ ᠪᠡᠶᠡ ᠪᠠᠨ ᠡᠷᠡᠭᠦᠯᠵᠢᠭᠦᠯᠬᠦ | ᠬᠢᠴᠢᠶᠡᠯ ᠢ ᠳᠠᠭᠠᠵᠤ ᠢᠨᠢᠶᠡᠬᠦ ᠳᠤ ᠵᠣᠷᠢᠭᠤᠯᠤᠭᠰᠠᠨ CD ᠶᠢ ᠰᠤᠨᠤᠰᠬᠤ ᠵᠡᠷᠭᠡ ᠪᠤᠢ᠃ ᠪᠡᠶᠡ ᠰᠡᠳᠬᠢᠯ ᠢᠶᠠᠨ | ᠲᠠᠶᠢᠪᠤᠩ ᠲᠤᠭᠲᠠᠭᠤᠨ ᠪᠠᠶᠢᠯᠭᠠᠵᠤ᠂ ᠢᠨᠢᠶᠡᠳᠦ ᠨᠠᠷᠭᠢᠶᠠᠨ ᠲᠠᠢ ᠪᠠᠶᠢᠪᠠᠯ ᠡᠷᠡᠭᠦᠯ ᠡᠩᠬᠡ ᠪᠠᠷ ᠤᠷᠲᠤ ᠨᠠᠰᠤᠯᠠᠵᠤ᠂ | ᠤᠳᠠᠭᠠᠨ ᠵᠢᠷᠭᠠᠬᠤ ᠵᠢᠮᠡ ᠶᠤᠰᠤ ᠲᠠᠢ᠃ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠲᠤᠬᠠᠢ ᠰᠤᠷᠭᠠᠯ ᠪᠣᠯ ᠵᠢᠯᠤᠭᠤᠳᠤᠭᠴᠢ᠂ ᠣᠶᠤᠨ | ᠤᠬᠠᠭᠠᠨ ᠪᠣᠯ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠬᠦᠲᠦᠯᠦᠭᠴᠢ᠂ ᠰᠠᠶᠢᠬᠠᠨ ᠰᠡᠳᠬᠢᠯ ᠪᠣᠯ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠰᠠᠭᠤᠷᠢ᠂ | ᠪᠠᠶᠢᠭᠠᠯᠢ ᠡᠬᠡ ᠪᠣᠯ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠦᠯᠦᠭᠡᠢ᠂ ᠵᠣᠬᠢᠰᠲᠠᠢ ᠬᠤᠭᠤᠯᠠ ᠤᠮᠳᠠᠭᠠᠨ ᠪᠣᠯ ᠡᠷᠡᠭᠦᠯ ᠮᠡᠨᠳᠦ ᠶᠢᠨ | ᠪᠠᠲᠤᠯᠠᠭᠠ᠂ ᠬᠦᠳᠡᠯᠭᠡᠭᠡᠨ ᠪᠣᠯ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠬᠦᠷᠦᠩᠭᠡ ᠣᠷᠤᠭᠤᠯᠤᠯᠲᠠ᠂ ᠡᠪᠡᠳᠴᠢᠨ ᠪᠣᠯ ᠠᠮᠢᠳᠤᠷᠠᠯ ᠤᠨ | ᠵᠣᠬᠢᠰ ᠦᠭᠡᠢ ᠬᠡᠯᠪᠡᠷᠢ ᠶᠢᠨ ᠦᠷᠢ ᠶᠢᠨ ᠪᠠᠩᠬᠢ᠂ ᠪᠡᠶᠡ ᠪᠠᠨ ᠳᠠᠶᠢᠴᠢᠯᠠᠬᠤ ᠨᠢ ᠦᠷᠢ ᠠᠴᠠ ᠭᠠᠷᠬᠤ ᠶᠢᠨ ᠴᠣᠷ ᠤᠨ | ᠭᠠᠭᠴᠠ ᠠᠷᠭᠠ ᠵᠠᠮ᠃ ᠬᠦᠮᠦᠨ ᠪᠦᠷᠢ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠲᠦᠯᠬᠢᠭᠦᠷ ᠢᠶᠠᠨ ᠭᠠᠷ ᠲᠠᠭᠠᠨ ᠠᠳᠬᠤᠵᠤ ᠪᠠᠶᠢᠨᠠ᠃ | ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠵᠦᠪ ᠠᠪᠴᠤ ᠶᠠᠪᠤᠵᠤ ᠴᠢᠳᠠᠪᠠᠯ ᠨᠢᠭᠡ ᠭᠡᠷ ᠪᠦᠯᠢ ᠶᠢ ᠵᠦᠪ ᠠᠪᠴᠤ ᠶᠠᠪᠤᠵᠤ ᠴᠢᠳᠠᠨᠠ᠃ | ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠵᠦᠪ ᠲᠠᠨᠢᠨ᠂ ᠵᠦᠪ ᠬᠤᠭᠤᠯᠠᠯᠠᠬᠤ᠂ ᠵᠦᠪ ᠰᠡᠳᠬᠢᠴᠡ᠂ ᠵᠦᠪ ᠬᠦᠳᠡᠯᠭᠡᠭᠡᠨ᠂ | ᠦᠪᠡᠷᠲᠡᠭᠡᠨ ᠪᠡᠶᠡ ᠪᠠᠨ ᠡᠷᠡᠭᠦᠯᠵᠢᠭᠦᠯᠬᠦ ᠠᠷᠭᠠ᠂ ᠢᠨᠢᠶᠡᠬᠦ ᠶᠢᠨ ᠠᠴᠢ ᠲᠤᠰᠠ ᠵᠡᠷᠭᠡ 6 ᠵᠦᠢᠯ ᠢ ᠵᠦᠪ ᠡᠵᠡᠮᠰᠢᠵᠦ | ᠴᠢᠳᠠᠪᠠᠯ ᠡᠷᠡᠭᠦᠯ ᠪᠠᠶᠢᠵᠤ᠂ ᠡᠪᠡᠳᠴᠢᠨ ᠲᠠᠢ ᠪᠠᠶᠢᠭᠰᠠᠨ ᠴᠤ ᠮᠠᠰᠢ ᠬᠤᠷᠳᠤᠨ ᠡᠳᠡᠭᠡᠷᠡᠵᠦ ᠪᠤᠯᠤᠨᠠ᠃ ᠭᠤᠶᠤ | ᠰᠠᠶᠢᠬᠠᠨ ᠬᠦᠰᠡᠯ ᠡᠷᠡᠮᠡᠯᠵᠡᠯ᠂ ᠰᠡᠷᠭᠡᠭ ᠣᠶᠤᠨ ᠤᠬᠠᠭᠠᠨ᠂ ᠡᠷᠡᠭᠦᠯ ᠤᠬᠠᠭᠠᠯᠢᠭ ᠤᠭᠤᠷᠠᠭ ᠲᠠᠷᠢᠬᠢ᠂ ᠡᠷᠡᠭᠦᠯ | ᠴᠢᠭᠢᠷᠠᠭ ᠪᠡᠶᠡ ᠰᠡᠳᠬᠢᠯ ᠲᠠᠨ ᠢ ᠬᠦᠯᠢᠶᠡᠵᠦ ᠪᠠᠶᠢᠨᠠ᠂ ᠰᠠᠶᠢᠨ ᠰᠠᠶᠢᠬᠠᠨ ᠠᠮᠢᠳᠦᠷᠠᠯ ᠢᠶᠠᠨ ᠣᠳᠤ ᠠᠴᠠ ᠡᠬᠢᠯᠡ︕ | | |