ᠵᠣᠨ ᠤ ᠡᠬᠢᠨ ᠤ ᠦᠳᠡ ᠶᠢᠨ ᠬᠠᠯᠠᠭᠤᠨ ᠳᠤ ᠠᠴᠢᠶᠠᠨ ᠤ ᠮᠠᠰᠢᠨ ᠲᠡᠷᠭᠡᠨ ᠳᠡᠭᠡᠨ ᠬᠠᠯᠬᠠᠪᠴᠢ ᠬᠠᠳᠠᠬᠤ ᠪᠠᠷ | ᠲᠠᠮᠤᠷ ᠬᠠᠪᠲᠠᠰᠤ ᠬᠡᠮᠵᠢᠨ ᠵᠦᠰᠦᠵᠦ ᠬᠦᠯᠦᠰᠦ ᠤᠷᠤᠰᠬᠠᠨ ᠠᠵᠢᠯᠯᠠᠵᠤ ᠪᠠᠶᠢᠬᠰᠠᠨ ᠮᠠᠯᠴᠢᠨ ᠶᠢᠩ ᠶᠢᠩ ᠲᠠᠢ | ᠢᠩᠬᠢᠵᠦ ᠠᠩᠬᠠ ᠠᠭᠤᠯᠵᠠᠭᠰᠠᠨ ᠶᠤᠮ᠃ ︽ᠶᠡᠷᠤᠨᠢ ᠭᠠᠷ ᠤᠷᠠᠨ ᠬᠦᠮᠦᠨ᠂ ᠭᠡᠷ ᠢᠶᠠᠨ ᠦᠪᠡᠷ ᠲᠡᠭᠡᠨ ᠮᠠᠰᠢ | ᠭᠤᠶᠤ ᠰᠠᠶᠢᠬᠠᠨ ᠵᠠᠰᠠᠵᠤ ᠴᠢᠮᠡᠭᠰᠡᠨ ᠪᠠᠶᠢᠬᠰᠠᠨ︾ ᠭᠡᠵᠦ ᠰᠠᠭᠠᠬᠠᠯᠲᠠ ᠠᠶᠢᠯ ᠤᠨ ᠬᠢᠨ ᠱᠠᠭᠰᠢᠨ | ᠲᠠᠨᠢᠯᠴᠠᠭᠤᠯᠬᠤ ᠪᠠᠷ ᠠᠭᠤᠯᠵᠠᠬᠤ ᠪᠤᠳᠤᠯ ᠤᠷᠤᠵᠦ ᠵᠤᠷᠢᠵᠦ ᠬᠦᠷᠴᠦ ᠪᠢᠯᠡ᠃ | ᠲᠡᠭᠷᠢ ᠠᠵᠤ ᠠᠬᠤᠢ ᠶᠢᠨ ᠮᠡᠷᠭᠡᠵᠢᠯ ᠤᠨ ᠨᠡᠭᠡᠭᠡᠯᠲᠡ ᠶᠢᠨ ᠣᠷᠣᠨ ᠤ ᠲᠡᠭᠷᠢ ᠡᠯᠡᠰᠦ ᠪᠠᠯᠭᠠᠰᠤᠨ ᠤ ᠲᠡᠮᠡᠭᠡᠨ | ᠠᠭᠤᠯᠠ ᠭᠠᠴᠠᠭᠠᠨ ᠤ ᠵᠢᠡᠵᠢᠭᠡ ᠶᠢᠨ ᠣᠪᠣᠭᠠᠨ ᠥᠯᠭᠡ ᠭᠡᠳᠡᠭ ᠭᠠᠵᠠᠷ ᠨᠤᠲᠤᠭᠰᠢᠨ ᠰᠠᠭᠤᠭᠠ ᠶᠢᠩ ᠶᠢᠩ 2016 | ᠣᠨ ᠠᠴᠠ ᠡᠬᠢᠯᠡᠨ ᠪᠠᠶᠢᠰᠢᠩ ᠦᠷᠬᠦᠬᠡ ᠪᠠᠨ ᠵᠠᠰᠠᠨ ᠳᠣᠳᠣᠮᠳᠠᠭᠰᠠᠭᠠᠷ ᠣᠳᠣ ᠪᠣᠯᠬᠤ ᠳᠤ ᠲᠣᠭᠤᠰᠬᠠᠨ ᠪᠠᠶᠢᠰᠢᠩ | ᠬᠦᠷᠢᠶᠡ ᠲᠠᠢ ᠪᠠᠨ ᠨᠡᠶᠢᠯᠡᠭᠡᠳ 600 ᠭᠠᠷᠤᠢ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠤᠨ ᠲᠠᠯᠠᠪᠠᠢ ᠲᠠᠢ ᠭᠡᠷ ᠤᠷᠤᠨ | ᠪᠣᠰᠬᠠᠵᠤ᠂ ᠥᠪᠡᠷ ᠤᠨ ᠠᠵᠢᠯ ᠤᠨ ᠵᠠᠪ ᠴᠢᠯᠦᠭᠡ ᠪᠠᠨ ᠠᠰᠢᠭᠯᠠᠨ ᠵᠢᠯ ᠭᠠᠷᠤᠢ ᠴᠠᠭ ᠬᠤᠭᠤᠴᠠᠭᠠ ᠵᠠᠷᠤᠴᠠᠭᠤᠯᠵᠤ | ᠭᠤᠶᠣ ᠰᠠᠶᠢᠬᠠᠨ ᠬᠡ ᠤᠭᠠᠯᠵᠠ᠂ ᠴᠢᠩᠬᠢᠰ ᠤᠨ ᠬᠥᠷᠥᠭ ᠵᠢᠷᠤᠭ᠂ ᠬᠤᠶᠡᠷ ᠬᠡᠤᠬᠡᠨ ᠳᠡᠭᠡᠨ ᠬᠦᠰᠡᠭᠰᠡᠨ ᠪᠢᠴᠢᠭᠡᠰᠦ | ᠵᠡᠷᠭᠡ ᠶᠢ ᠵᠢᠷᠤᠵᠤ ᠪᠤᠳᠤᠨ ᠵᠠᠰᠠᠵᠤ ᠴᠢᠮᠡᠭᠰᠡᠨ ᠪᠥᠭᠡᠳ ᠡᠪᠡᠰᠦᠨ ᠤ ᠭᠡᠷ ᠪᠠᠷᠢᠬᠤ ᠮᠡᠳᠣ ᠶᠢᠨ ᠵᠦᠢᠯ ᠳᠤ | ᠬᠡᠷᠡᠭᠯᠡᠭᠳᠡᠬᠦ ᠪᠣᠯᠣᠳ ᠲᠡᠮᠦᠷ ᠤᠨ ᠵᠦᠰᠦᠵᠦ ᠬᠢᠷᠦᠭᠡᠳᠡᠬᠦ ᠠᠵᠢᠯ ᠪᠦᠬᠦᠨ ᠢ ᠦᠪᠡᠷ ᠢᠶᠠᠨ ᠬᠢᠵᠦ ᠪᠡᠶᠡᠯᠡᠭᠦᠯᠦᠭᠰᠡᠨ ᠨᠢ | ᠦᠨᠡᠭᠡᠷ ᠬᠦᠮᠦᠨ ᠢ ᠭᠠᠶᠢᠬᠠᠰᠢ ᠠᠯᠳᠠᠭᠤᠯᠤᠮᠠ ᠪᠠᠶᠢᠯᠠ᠃ ︽ᠤᠷᠳᠤ ᠮᠥᠷᠡᠨ ᠨᠤᠭᠤᠯᠤᠭᠠ ᠣᠯᠠᠨ᠂ ᠤᠷᠠᠨ | ᠬᠦᠮᠦᠨ ᠠᠷᠭᠠ ᠣᠯᠠᠨ︾ ᠭᠡᠭᠴᠢ ᠪᠠᠷ ᠠᠮᠢᠳᠤᠷᠠᠯ ᠳᠤᠮᠲᠠ ᠪᠠᠨ ᠶᠢᠩ ᠶᠢᠩ ᠠᠷᠭᠠ ᠪᠦᠬᠦᠨ ᠢ ᠰᠦᠪᠡᠭᠴᠢᠯᠡᠳᠡᠭ᠂ | ᠭᠠᠷ ᠤᠷᠠ ᠲᠠᠢ ᠳᠠᠭᠠᠨ ᠣᠯᠠᠨ ᠰᠠᠶᠢᠬᠠᠨ ᠵᠦᠢᠯ ᠢ ᠤᠷᠠᠯᠠᠨ ᠪᠦᠳᠦᠭᠡᠵᠦ᠂ ᠠᠵᠢᠯ ᠠᠮᠢᠳᠤᠷᠠᠯ ᠳᠠᠭᠠᠨ | ᠵᠤᠬᠢᠴᠠᠭᠤᠯᠳᠠᠭ ᠬᠡᠳᠡᠭ ᠢ ᠨᠢ ᠲᠡᠬᠦᠨ ᠤ ᠠᠴᠢᠶᠡᠨ ᠤ ᠮᠠᠰᠢᠨ ᠲᠡᠷᠭᠡᠨ ᠳᠡᠭᠡᠨ ᠬᠠᠳᠠᠬᠤ ᠬᠠᠯᠬᠠᠪᠴᠢ ᠪᠠᠨ ᠠᠴᠢᠵᠦ | ᠲᠡᠭᠡᠭᠡᠪᠦᠷᠢᠯᠡᠬᠦ ᠪᠣᠳᠠᠳᠣ ᠪᠠᠶᠢᠳᠠᠯ ᠲᠠᠢ ᠪᠠᠨ ᠤᠶᠠᠯᠳᠤᠭᠤᠯᠤᠨ ᠪᠣᠷᠣ ᠮᠠᠲ᠋ᠧᠷᠢᠶᠠᠯ ᠢᠶᠠᠨ ᠦᠪᠡᠷ ᠢᠶᠠᠨ ᠰᠣᠩᠭᠤᠨ | ᠠᠪᠴᠤ᠂ ᠨᠠᠷᠢᠯᠢᠭ ᠬᠡᠮᠵᠢᠨ ᠬᠠᠳᠠᠭᠰᠠᠨ ᠦᠢᠯᠡ ᠬᠢᠳᠡᠯ ᠠᠴᠠ ᠨᠢ ᠦᠵᠡᠵᠦ ᠭᠠᠷᠬᠤ ᠠᠵᠢ᠃ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠤᠷᠠᠨ ᠵᠢᠷᠤᠭ ᠲᠤ ᠳᠤᠷᠠ ᠪᠠᠬᠠ ᠲᠠᠢ ᠶᠢᠩ ᠶᠢᠩ ᠤᠨ ᠠᠩᠬᠠ ᠡᠬᠢᠨ ᠳᠡᠭᠡᠨ | ᠦᠷᠭᠦᠯᠵᠢ ᠵᠢᠷᠤᠳᠠᠭ ᠵᠢᠷᠤᠭ ᠨᠢ ᠰᠢᠬᠢᠷ ᠤᠨ ᠤᠭᠤᠲᠠᠨ ᠲᠡᠭᠡᠷᠡ ᠵᠢᠷᠤᠭᠰᠠᠨ ᠲᠠᠬᠢᠶᠠ ᠪᠠᠶᠢᠭᠰᠠᠨ ᠢ ᠲᠤᠷᠠᠳᠬᠠᠨ | ᠶᠠᠷᠢᠵᠦ ᠪᠢᠳᠡᠨ ᠢ ᠢᠨᠢᠶᠡᠯᠭᠡᠵᠦ ᠪᠠᠶᠢᠯᠠ᠃ ᠶᠡᠷᠦ ᠨᠢ ︽ᠳᠤᠷᠠ ᠳᠤ ᠰᠢᠷᠠ ᠦᠬᠡᠢ︾ ᠭᠡᠳᠡᠭ ᠢᠶᠠᠷ ᠥᠪᠡᠷ ᠤᠨ | ᠳᠤᠷᠠ ᠪᠠᠬᠠ ᠲᠠᠢ ᠵᠦᠢᠯ ᠢᠶᠠᠨ ᠪᠦᠲᠦᠭᠡᠵᠦ ᠶᠠᠪᠤᠬᠤ ᠳᠤ ᠬᠡᠴᠢᠨᠡᠨ ᠬᠠᠯᠠ ᠵᠤᠪᠠᠯ ᠲᠠᠢ ᠪᠠᠶᠢᠭᠰᠠᠨ ᠴᠦ ᠲᠠᠪᠰᠢᠨ | ᠴᠢᠷᠮᠠᠶᠢᠬᠤ ᠤᠷᠮᠠ ᠨᠢ ᠬᠦᠪᠴᠢᠯᠡᠭᠳᠡᠨ ᠰᠡᠳᠬᠢᠯ ᠳᠤᠨᠢ ᠲᠤᠳᠤᠷᠠ ᠲᠠᠮᠢᠷ ᠪᠣᠯᠳᠠᠭ᠃ ᠲᠡᠷᠡ ᠠᠩᠬᠠ | ᠲᠤᠮᠳᠠᠳᠤ ᠪᠠᠨ ᠲᠡᠭᠦᠰᠬᠡᠭᠡᠳ ᠰᠢᠷᠡᠭᠡ ᠰᠠᠨᠳᠠᠯᠢ ᠪᠣᠳᠣᠬᠤ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠦᠯᠦᠨ ᠪᠣᠰᠣᠳ ᠲᠤ ᠲᠤᠭᠤᠬᠳᠠᠬᠤ | ᠪᠤᠯᠤᠬᠰᠠᠨ ᠪᠣᠯᠪᠠᠴᠤ ᠶᠡᠷᠦ ᠨᠢ ᠲᠤᠰᠬᠠᠢ ᠪᠠᠭᠰᠢ ᠶᠢᠨ ᠵᠢᠯᠣᠭᠤᠳᠤᠯᠭᠠ ᠪᠠᠷ ᠰᠢᠰᠲ᠋ᠧᠮ ᠲᠠᠢ ᠰᠤᠷᠤᠯᠴᠠᠭᠰᠠᠨ | ᠦᠬᠡᠢ ᠠᠴᠠ ᠪᠤᠳᠤᠭᠰᠠᠨ ᠪᠤᠳᠤᠭ ᠨᠢ ᠠᠮᠠᠷᠬᠠᠨ ᠦᠩᠬᠡ ᠨᠢ ᠤᠨᠠᠬᠤ᠂ ᠦᠩᠬᠡ ᠪᠤᠳᠤᠭ ᠢᠶᠠᠨ ᠵᠣᠭᠢᠰᠳᠡᠢ ᠰᠠᠶᠢᠬᠠᠨ | ᠲᠤᠬᠢᠷᠠᠭᠤᠯᠵᠦ ᠴᠢᠳᠠᠬᠤ ᠦᠬᠡᠢ ᠪᠠᠶᠢᠬᠤ ᠵᠡᠷᠬᠡ ᠠᠰᠠᠭᠤᠳᠠᠯ ᠳᠤᠯᠠᠭᠠᠷᠠᠵᠤ ᠭᠠᠴᠢᠭᠳᠠᠭᠤᠯᠵᠠᠢ᠃ 2003 ᠣᠨ ᠳᠤ | ᠠᠵᠠ ᠪᠠᠷ ᠨᠠᠶᠢᠵᠠ ᠶᠢᠨ ᠢᠶᠠᠨ ᠲᠠᠨᠢᠯᠴᠠᠭᠤᠯᠭᠠ ᠪᠠᠷ ᠠᠯᠠᠱᠠ ᠪᠠᠷᠠᠭᠤᠨ ᠬᠡᠶᠢᠳ ᠲᠤ ᠮᠣᠩᠭᠤᠯ ᠭᠡᠷ ᠰᠢᠨᠡᠳᠬᠡᠵᠦ᠂ | ᠰᠢᠷᠳᠠᠵᠤ ᠪᠤᠳᠤᠬᠤ ᠠᠵᠢᠯ ᠬᠢᠬᠦ ᠵᠠᠪᠰᠢᠶᠠᠨ ᠲᠤᠬᠢᠶᠠᠯᠳᠤᠨ᠂ ᠲᠡᠨᠳᠡ ᠨᠢᠩᠰᠢᠶᠠ ᠶᠢᠨ ᠨᠡᠷᠡᠲᠦ ᠱᠤᠭᠤᠮᠠᠯ ᠤᠨ ᠪᠠᠭᠰᠢ | ᠸᠡᠩ ᠢᠤᠢ ᡁᠢ ᠲᠠᠢ ᠲᠠᠨᠢᠯᠴᠠᠭᠠᠳ ᠰᠠᠶ᠋ᠢ ᠥᠩᠭᠡ ᠪᠤᠳᠤᠭ ᠲᠣᠬᠢᠷᠠᠭᠤᠯᠬᠤ᠂ ᠰᠢᠷ ᠰᠠᠭᠤᠯᠭᠠᠬᠤ᠂ ᠬᠡ ᠤᠭᠠᠯᠵᠠ | ᠵᠢᠷᠤᠵᠤ ᠪᠤᠳᠤᠬᠤ ᠲᠠᠯᠠ ᠪᠠᠷ ᠰᠢᠨᠠ ᠨᠢᠬᠡᠨ ᠤᠶᠢᠯᠠᠭᠠᠯᠳᠠ ᠲᠠᠢ ᠪᠤᠯᠵᠠᠢ᠃ ᠲᠡᠶᠢᠨᠬᠦ ᠠᠵᠢᠯ ᠤᠨ ᠴᠠᠭ ᠲᠠᠭᠠᠨ | ᠦᠷᠭᠦᠯᠵᠢ ᠸᠡᠩ ᠢᠤᠢ ᡁᠢ ᠶᠢᠨ ᠵᠢᠷᠤᠵᠤ ᠰᠡᠶᠢᠯᠦᠭᠰᠡᠨ ᠣᠷᠠᠨ ᠪᠦᠳᠦᠭᠡᠯ ᠢ ᠪᠠᠭ᠋ᠠᠷᠬᠠᠨ ᠰᠣᠨᠢᠷᠬᠠᠵᠦ᠂ ᠵᠢᠷᠤᠵᠤ | ᠪᠤᠳᠤᠬᠤ᠂ ᠰᠡᠶᠢᠯᠬᠦ ᠲᠠᠯᠠ ᠪᠠᠷ ᠶᠡᠷᠤᠨᠢ ᠡᠨᠡ ᠬᠦᠮᠦᠨ ᠠᠴᠠ ᠰᠢᠰᠲ᠋ᠧᠮ ᠲᠠᠢ ᠰᠤᠷᠤᠯᠴᠠᠬᠤ ᠬᠦᠰᠡᠯ ᠲᠦᠷᠦᠭᠳᠡᠪᠡ᠃ | ᠲᠡᠬᠡᠬᠡᠳ ᠸᠡᠩ ᠢᠤᠢ ᡁᠢ ᠳᠤ ᠱᠠᠪᠢ ᠤᠷᠤᠵᠦ 3 ᠵᠢᠯ ᠲᠠᠭᠠᠨ ᠰᠤᠷᠤᠯᠴᠠᠭᠠᠳ ᠮᠡᠷᠭᠡᠵᠢᠯ ᠢᠶᠠᠨ | ᠲᠡᠬᠡᠭᠰᠢᠯᠡᠭᠦᠯᠦᠭᠰᠡᠨ ᠤ ᠪᠠᠨ ᠬᠤᠶᠢᠨᠠ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠢᠷᠭᠠᠢ᠂ ᠲᠡᠷᠡᠰᠦᠨ᠂ ᠣᠷᠲᠣᠰ᠂ ᠠᠯᠠᠱᠠ ᠪᠠᠷᠠᠭᠤᠨ | ᠬᠤᠰᠢᠭᠤ᠂ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤ ᠵᠡᠷᠭᠡ ᠭᠠᠵᠠᠷ ᠨᠤᠳᠤᠭ ᠤᠨ ᠰᠦᠮᠡ ᠬᠡᠶᠢᠳ ᠤᠨ ᠵᠢᠷᠤᠭ᠂ ᠣᠪᠣᠭᠠ᠂ | ᠮᠣᠩᠭᠤᠯ ᠭᠡᠷ᠂ ᠬᠤᠪᠢ ᠠᠶᠢᠯ ᠤᠨ ᠠᠪᠲᠠᠷᠠ ᠬᠤᠷᠭᠤ ᠲᠡᠷᠢᠬᠦᠳᠡᠨ ᠢ ᠰᠢᠨᠡᠳᠬᠡᠨ ᠵᠢᠷᠤᠵᠤ ᠪᠤᠳᠤᠬᠤ ᠠᠵᠢᠯ ᠢ | ᠬᠢᠵᠦ᠂ ᠪᠣᠰᠣᠳ ᠲᠤ ︽ᠤᠷᠠᠨ ᠭᠠᠷ ᠲᠠᠢ ᠶᠢᠩ ᠶᠢᠩ︾ ᠭᠡᠮᠡᠨ ᠲᠠᠭᠠᠰᠢᠶᠠᠭᠳᠠᠨ ᠦᠨᠡᠯᠡᠭᠳᠡᠬᠦ ᠪᠣᠯᠵᠡᠢ᠃ | ᠭᠡᠷ ᠢᠶᠠᠨ ᠶᠠᠭᠠᠬᠢᠵᠦ ᠴᠤᠬᠴᠠᠯᠠᠨᠠ ᠬᠡᠳᠡᠭ ᠪᠤᠯ ᠤᠬᠠᠭᠠᠨ ᠰᠠᠮᠪᠠᠭᠠ ᠪᠠᠨ ᠶᠠᠭᠠᠬᠢᠵᠦ ᠵᠠᠷᠤᠨᠠ ᠬᠡᠳᠡᠭ ᠤᠨ | ᠦᠢᠯᠡᠳᠦᠯ᠃ ᠦᠪᠡᠷ ᠤᠨ ᠤᠷᠤᠨ ᠬᠡᠷ ᠢᠶᠠᠨ ᠥᠪᠡᠷ ᠤᠨ ᠰᠠᠨᠠᠭᠠ ᠪᠣᠳᠣᠯ᠂ ᠤᠷᠠᠨ ᠭᠠᠷ᠂ ᠨᠠᠨᠳᠢᠨ ᠬᠦᠴᠦ | ᠬᠥᠳᠡᠯᠮᠦᠷᠢ ᠪᠠᠷ ᠢᠶᠠᠨ ᠵᠠᠰᠠᠨ ᠴᠢᠮᠡᠭᠯᠡᠬᠦ ᠶᠢᠨ ᠠᠮᠵᠢᠯᠲᠠ ᠲᠥᠷᠥᠭᠳᠡᠯ ᠪᠦᠷ ᠴᠦ ᠬᠤᠪᠢᠨ ᠳᠠᠭᠠᠨ ᠪᠠᠶᠢᠬᠤ ᠨᠢ | ᠭᠠᠷᠴᠠᠭᠠ ᠦᠬᠡᠢ᠃ ᠶᠢᠩ ᠶᠢᠩ ᠤᠨ ᠦᠪᠡᠷ ᠢᠶᠠᠨ ᠵᠠᠰᠠᠵᠤ ᠴᠢᠮᠡᠭᠰᠡᠨ ᠭᠡᠷ ᠦᠷᠬᠦᠬᠡᠨ ᠳᠤᠨᠢ ᠲᠡᠬᠦᠨ ᠤ | ᠬᠡᠷᠭᠡᠢ ᠲᠠᠢ ᠪᠠᠨ ᠠᠮᠢᠳᠤᠷᠠᠯ ᠳᠠᠭᠠᠨ ᠵᠣᠷᠢᠭᠰᠠᠨ ᠬᠦᠰᠡᠯ ᠵᠣᠷᠢᠯᠲᠠ᠂ ᠴᠡᠯᠮᠡᠭ᠂ ᠴᠢᠨᠡᠭᠡᠯᠢᠭ ᠬᠤᠶᠡᠷ ᠦᠬᠢᠨ ᠳᠡᠭᠡᠨ | ᠬᠦᠰᠡᠭᠰᠡᠨ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠢ ᠨᠢ ᠲᠦᠯᠦᠬᠡᠯᠡᠭᠰᠡᠨ ᠤᠷᠠᠯᠠᠯ ᠤᠨ ᠵᠦᠢᠯᠡᠰ ᠶᠡᠭᠡ ᠪᠤᠢ᠃ ︽ᠥᠪᠡᠷ ᠤᠨ | ᠵᠠᠰᠠᠵᠦ ᠴᠢᠮᠡᠭᠰᠡᠨ ᠭᠡᠷ ᠦᠷᠦᠬᠡ ᠪᠠᠨ ᠣᠷᠣᠨ ᠳᠠᠭᠠᠨ ᠬᠡᠪᠲᠡᠭᠡᠳ ᠬᠠᠷᠠᠬᠤ ᠳᠤ ᠴᠦ ᠲᠤᠩ ᠲᠠᠭᠠᠳᠠᠢ᠂ ᠰᠡᠳᠬᠢᠯ | ᠬᠠᠨᠤᠮᠵᠢᠳᠡᠢ ᠰᠠᠨᠠᠬᠳᠠᠬᠤ ᠶᠤᠮ︾ ᠭᠡᠵᠦ ᠶᠢᠩ ᠶᠢᠩ ᠢᠨᠢᠶᠡᠮᠰᠦᠭᠯᠡᠨ ᠶᠠᠷᠢᠨᠠ᠃ ᠡᠨᠡ ᠨᠢ ᠶᠠᠷᠢᠶᠡᠨ ᠦᠬᠡᠢ | ᠪᠠᠶᠠᠷ ᠤᠨ ᠮᠥᠰᠢᠶᠡᠯ᠂ ᠵᠢᠷᠭᠠᠯ ᠤᠨ ᠢᠨᠢᠶᠡᠳᠦ᠂ ᠪᠠᠭ᠋ᠠᠷᠬᠠᠯ ᠤᠮᠤᠬᠰᠢᠯ ᠪᠠᠶᠢᠯᠠ᠃ |