| ᠪᠤᠭᠳᠠ ᠶᠢᠨ ᠬᠦᠷᠢᠶᠡ ᠶᠢ ᠳᠤᠩᠰᠤᠯᠭᠠᠵᠦ ᠬᠡᠦᠬᠡᠨ ᠪᠦᠬᠡ ᠶᠢ ᠳᠡᠶᠢᠯᠦᠭᠰᠡᠨ | | ᠲᠡᠭᠡᠭᠡᠳ ᠲᠡᠨᠳᠡ ᠠᠴᠠ ᠴᠠᠭᠠᠰᠢ ᠨᠢ ᠶᠠᠪᠤᠵᠦ ᠪᠠᠶᠢᠭᠠᠳ ᠱᠠᠯᠪᠢᠩ ᠨᠢᠭᠡ ᠠᠶᠢᠯ ᠤᠨ ᠬᠤᠳᠳᠤᠭ ᠳᠡᠭᠡᠷᠡ | ᠤᠴᠢᠭᠰᠠᠨ ᠳᠤ ᠨᠢᠭᠡ ᠬᠡᠦᠬᠡᠨ ᠤᠩᠭᠤᠴᠠᠨ ᠳᠤ ᠳᠡᠮᠡᠭᠡ ᠪᠠᠨ ᠤᠰᠤᠯᠠᠭᠠᠳ ᠵᠤᠭᠰᠤᠵᠤ ᠪᠠᠶᠢᠪᠠ᠃ ᠱᠠᠯᠪᠢᠩ ᠲᠡᠷᠡ | ᠬᠡᠦᠬᠡᠨ ᠠᠴᠠ᠄ ︽ᠲᠠᠨ ᠤ ᠬᠠᠯᠬᠠ ᠶᠢᠨ ᠶᠡᠭᠡ ᠨᠠᠶᠢᠷ ᠬᠠᠮᠢᠭᠠ ᠪᠤᠯᠵᠦ ᠪᠠᠶᠢᠨᠠ︖ ᠵᠠᠮ ᠬᠠᠮᠢᠭᠠᠭᠤᠷ ᠶᠠᠪᠤᠬᠤ | ᠪᠤᠢ︖︾ ᠭᠡᠰᠡᠨ ᠳᠤ ᠬᠡᠦᠬᠡᠨ ᠱᠠᠯᠪᠢᠩ ᠢ ᠨᠢᠭᠡ ᠰᠠᠶᠢᠨ ᠬᠠᠷᠠᠵᠦ ᠠᠪᠤᠭᠠᠳ ᠤᠰᠤ ᠤᠤᠭᠤᠵᠦ ᠪᠠᠶᠢᠬᠰᠠᠨ ᠨᠢᠭᠡ | ᠪᠦᠳᠦᠭᠦᠨ ᠲᠡᠮᠡᠭᠡᠨ ᠤ ᠠᠷᠤ ᠪᠤᠷᠪᠢ ᠠᠴᠠ ᠨᠢ ᠰᠢᠭᠦᠷᠡᠵᠦ ᠠᠪᠤᠭᠠᠳ ︽ᠵᠠᠮ ᠳᠡᠨᠳᠡ ᠪᠠᠶᠢᠨᠠ︾ ᠭᠡᠵᠦ ᠵᠢᠷᠭᠠᠵᠦ | ᠦᠭᠴᠡᠢ᠃ | ᠱᠠᠯᠪᠢᠩ ᠡᠨᠡ ᠦᠬᠢᠨ ᠴᠢᠨᠢ ᠶᠠᠮᠠᠷ ᠰᠠᠪᠠᠭᠠ ᠦᠭᠡᠢ ᠶᠠᠭᠤᠮᠠ ᠪᠠᠶᠢᠨᠠ ᠭᠡᠵᠦ ᠪᠤᠳᠤᠭᠠᠳ ᠴᠢᠯᠠᠭᠤᠨ | ᠤᠩᠭᠤᠴᠠ ᠶᠢ ᠰᠢᠭᠦᠷᠡᠵᠦ ᠠᠪᠤᠭᠠᠳ ︽ᠳᠡᠨᠳᠡ ᠭᠡᠨᠡ ᠤᠤ︖︾ ᠭᠡᠵᠦ ᠬᠡᠯᠡᠴᠢᠭᠡᠳ ᠦᠬᠢᠨ ᠤ ᠵᠢᠭᠠᠭᠰᠠᠨ | ᠵᠦᠭ ᠠᠭᠰᠠᠶᠢᠳᠠᠭᠠᠳ ᠶᠠᠪᠤᠵᠦ ᠭᠡᠨᠡ᠃ ᠬᠡᠦᠬᠡᠨ ᠲᠡᠭᠦᠨ ᠢ ᠦᠵᠡᠭᠡᠳ᠂ ᠡᠨᠡ ᠡᠷᠡ ᠴᠢᠨᠢ ᠪᠠᠰᠠ ᠤᠪᠤᠭᠠ ᠴᠢᠳᠠᠯ | ᠲᠠᠢ ᠶᠤᠮ ᠪᠠᠶᠢᠨᠠ ᠭᠡᠵᠦ ᠳᠤᠳᠤᠷᠠ ᠪᠠᠨ ᠪᠤᠳᠤᠭᠰᠠᠭᠠᠷ ᠬᠤᠴᠤᠷᠪᠠ᠃ | ᠱᠠᠯᠪᠢᠩ ᠴᠠᠭᠠᠰᠢ ᠨᠢ ᠶᠠᠪᠤᠵᠦ ᠪᠠᠶᠢᠲᠠᠯᠠ ᠵᠠᠮ ᠳᠡᠭᠡᠷᠡ ᠨᠢ ᠨᠢᠭᠡ ᠮᠤᠩᠭᠤᠯ ᠭᠡᠷ ᠲᠠᠢ ᠠᠶᠢᠯ ᠲᠠᠭᠠᠷᠠᠵᠡᠢ᠃ ᠭᠡᠷ | ᠳᠤᠨᠢ ᠤᠷᠤᠭᠠᠳ ᠦᠵᠡᠭᠰᠡᠨ ᠴᠢᠨᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠬᠦᠭᠰᠢᠨ ᠡᠪᠦᠭᠡᠨ ᠡᠮᠡᠭᠡᠨ ᠬᠤᠶᠠᠷ ᠰᠠᠭᠤᠵᠦ | ᠪᠠᠶᠢᠵᠡᠢ᠃ ᠲᠡᠷᠡ ᠬᠤᠶᠠᠷ ᠬᠦᠭᠰᠢᠨ ᠱᠠᠯᠪᠢᠩ ᠤᠷᠤᠵᠦ ᠢᠷᠡᠬᠦᠯᠡᠷ ᠰᠠᠶᠢᠨ ᠭᠡᠭᠴᠢ ᠬᠠᠷᠠᠵᠦ ᠠᠪᠤᠭᠠᠳ᠄ | — ᠲᠠ ᠬᠠᠮᠢᠭᠠ ᠠᠴᠠ ᠢᠷᠡᠪᠡ︖ ᠶᠠᠭᠤ ᠬᠢᠬᠦ ᠪᠠᠷ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠵᠦ ᠪᠠᠶᠢᠨᠠ︖ ᠭᠡᠵᠦ | ᠠᠰᠠᠭᠤᠭᠰᠠᠨ ᠳᠤ᠂ | — ᠪᠢ ᠠᠯᠠᠱᠠ ᠠᠴᠠ ᠢᠷᠡᠯᠡ᠃ ᠲᠠᠨ ᠤ ᠠᠳᠡ ᠪᠦᠬᠡ ᠶᠢᠨ ᠦᠪᠡᠳᠡᠭᠰᠢ ᠶᠡᠭᠡ ᠨᠠᠶᠢᠷ ᠪᠤᠯᠵᠦ ᠪᠠᠶᠢᠨᠠ | ᠭᠡᠰᠡᠨ ᠢ ᠰᠤᠨᠤᠰᠤᠭᠠᠳ ᠦᠵᠡᠬᠦ ᠪᠠᠷ ᠶᠠᠪᠤᠵᠦ ᠪᠠᠶᠢᠨᠠ ᠭᠡᠵᠡᠢ᠃ | ᠡᠪᠦᠭᠡᠨ ᠡᠮᠡᠭᠡᠨ ᠬᠤᠶᠠᠷ᠄ | — ᠦ ᠬᠦᠭᠡᠷᠦᠬᠦᠢ ᠲᠡᠶᠢᠮᠦ ᠦᠦ︖ ᠭᠡᠵᠤ ᠬᠡᠯᠡᠭᠡᠳ ᠲᠦᠯᠡᠭᠡ ᠪᠠᠨ ᠠᠪᠴᠢᠷᠠᠵᠤ ᠱᠠᠯᠪᠢᠩ ᠳᠤ ᠴᠠᠢ | ᠴᠢᠨᠠᠬᠤ ᠭᠡᠵᠤ ᠨᠢᠭᠡ ᠪᠦᠳᠦᠭᠦᠨ ᠶᠤᠵᠤᠭᠤᠷ ᠢ ᠬᠤᠶᠠᠷ ᠬᠤᠷᠤᠭᠤ ᠪᠠᠷ ᠢᠶᠠᠨ ᠪᠢᠯᠴᠠ ᠢᠮᠠᠷᠤᠨ ᠳᠤᠯᠭᠠᠨ ᠳᠠᠭᠠᠨ | ᠭᠡᠴᠢᠭᠡᠭᠡᠳ ᠬᠡᠲᠡ ᠪᠠᠨ ᠴᠤᠬᠢᠵᠤ ᠭᠠᠯ ᠢᠶᠠᠨ ᠠᠰᠠᠭᠠᠪᠠ᠃ ᠱᠠᠯᠪᠢᠩ ᠲᠡᠭᠦᠨ ᠢ ᠦᠵᠡᠭᠡᠳ ᠶᠡᠭᠡ ᠭᠠᠶᠢᠬᠠᠵᠤ | 《 ᠡᠶᠢᠮᠦ ᠬᠦᠭᠰᠢᠨ ᠡᠮᠡᠭᠡᠨ ᠪᠠᠶᠢᠵᠤ ᠪᠠᠶᠢᠭᠠᠳ ᠶᠠᠭᠠᠬᠢᠭᠰᠠᠨ ᠰᠦᠷᠡᠬᠡᠢ ᠲᠡᠩᠬᠡᠭᠡ ᠲᠠᠢ ᠶᠤᠮ ᠪᠤᠢ︖︾ ᠭᠡᠵᠤ | ᠪᠤᠳᠤᠵᠤ ᠰᠠᠭᠤᠵᠤ ᠭᠡᠨᠡ᠃ | ᠲᠡᠭᠡᠭᠡᠳ ᠠᠶᠠᠭᠠᠯᠠᠭᠠᠳ ᠦᠭᠭᠦᠭᠰᠡᠨ ᠴᠠᠢ ᠶᠢ ᠨᠢ ᠤᠤᠭᠤᠬᠤ ᠶᠢᠨ ᠵᠠᠪᠰᠠᠷ《 ᠲᠡᠷᠡ ᠮᠤᠳᠤᠨ ᠶᠤᠵᠤᠭᠤᠷ | ᠴᠤᠬᠤᠮ ᠬᠡᠳᠦᠢ ᠬᠠᠲᠠᠭᠤ ᠶᠤᠮ ᠪᠠᠶᠢᠨᠠ》ᠭᠡᠵᠤ ᠪᠤᠳᠤᠭᠠᠳ ᠨᠢᠳᠦ ᠠᠯᠳᠠᠭᠤᠯᠵᠤ ᠦᠨᠦ ᠮᠤᠳᠤᠨ ᠶᠤᠵᠤᠭᠤᠷ ᠢ | ᠨᠢ ᠠᠪᠴᠤ ᠬᠢᠮᠤᠰᠤ ᠪᠠᠷ ᠢᠶᠠᠨ ᠡᠮᠲᠡᠯᠡᠵᠤ ᠦᠵᠡᠭᠰᠡᠨ ᠴᠢᠨᠢ ᠤᠭᠲᠤ ᠳᠡᠶᠢᠯᠦᠭᠳᠡᠳᠡᠭ ᠶᠠᠭᠤᠮᠠ ᠪᠢᠰᠢ ᠪᠠᠶᠢᠨᠠ᠃ | ᠲᠡᠭᠡᠭᠡᠳ ᠱᠠᠯᠪᠢᠩ ᠄《 ᠵᠠ᠂ ᠡᠨᠡ ᠡᠮᠡᠭᠡᠨ ᠴᠤ ᠪᠠᠰᠠ ᠰᠦᠷᠡᠬᠡᠢ ᠴᠢᠳᠠᠯ ᠲᠠᠢ ᠠᠮᠢᠲᠠᠨ ᠶᠤᠮ | ᠪᠠᠶᠢᠨᠠ》ᠭᠡᠵᠤ ᠪᠤᠳᠤᠭᠠᠳ ᠴᠠᠢ ᠪᠠᠨ ᠤᠤᠭᠤᠴᠢᠬᠠᠭᠠᠳ ᠨᠠᠶᠢᠷ ᠤᠨ ᠵᠦᠭ ᠶᠠᠪᠤᠵᠤ ᠭᠡᠨᠡ᠃ | ᠱᠠᠯᠪᠢᠩ ᠲᠡᠳᠡᠨ ᠤ ᠵᠢᠭᠠᠵᠤ ᠦᠭᠭᠦᠭᠰᠡᠨ ᠶᠤᠰᠤᠭᠠᠷ ᠶᠠᠪᠤᠵᠤ ᠬᠦᠷᠢᠶᠡ ᠤᠷᠤᠭᠠᠳ᠂ ᠨᠢᠭᠡ ᠠᠶᠢᠯ ᠤᠯᠵᠤ | ᠳᠤᠲᠤᠷᠠ ᠭᠠᠳᠠᠨᠠᠬᠢ ᠶᠢᠨ ᠠᠵᠢᠯ ᠶᠠᠪᠤᠳᠠᠯ ᠳᠤᠨᠢ ᠵᠠᠷᠤᠭᠳᠠᠨ ᠭᠠᠯ ᠤᠨ ᠠᠬᠠ ᠪᠠᠨ ᠬᠦᠯᠢᠶᠡᠵᠤ ᠰᠠᠭᠤᠲᠠᠯᠠ᠂ ᠶᠡᠭᠡ | ᠮᠦᠷᠦᠶᠢᠴᠡᠭᠡᠨ ᠤ ᠡᠳᠦᠷ ᠬᠤᠭᠤᠴᠠᠭᠠ ᠨᠢ ᠲᠤᠯᠤᠭᠠᠳ ᠢᠷᠡᠵᠡᠢ᠃ ᠲᠡᠭᠡᠭᠡᠳ ᠯᠠ ᠭᠠᠵᠠᠷ ᠭᠠᠵᠠᠷ ᠤᠨ ᠰᠠᠶᠢᠨ | ᠪᠦᠬᠡᠴᠦᠳ ᠳᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠤᠪᠬᠢᠰ ᠠᠴᠠ ᠳ᠋ᠠ ᠬᠦᠷᠢᠶᠡ ᠳᠤ ᠴᠤᠭᠯᠠᠷᠠᠨ ᠢᠷᠡᠭᠰᠡᠨ ᠨᠢ ᠬᠤᠷᠠ ᠶᠢᠨ | ᠡᠭᠦᠯᠡ ᠮᠡᠲᠦ ᠵᠤᠵᠠᠭᠠᠨ ᠪᠦᠭᠡᠳ ᠰᠦᠷ ᠰᠤᠷᠲᠤᠭᠤ ᠭᠡᠳᠡᠭ ᠴᠢᠨᠢ ᠵᠢᠷᠦᠬᠡ ᠮᠠᠭᠤᠲᠠᠢ ᠬᠦᠮᠦᠨ ᠤ ᠡᠪᠡᠳᠴᠢᠨ ᠢ ᠨᠢ | ᠬᠦᠳᠡᠯᠭᠡᠵᠤ ᠤᠨᠠᠭᠠᠮᠠᠷ ᠰᠢᠭ ᠪᠤᠯᠵᠤ ᠭᠡᠨᠡ᠃ ᠭᠡᠲᠡᠯᠡ ᠭᠠᠯ ᠤᠨ ᠠᠬᠠ ᠡᠪᠦᠭᠡᠨ ᠪᠠᠷᠠ ᠦᠭᠡᠢ ᠪᠠᠶᠢᠭᠰᠠᠭᠠᠷ | ᠪᠠᠶᠢᠵᠠᠢ᠃ ᠲᠡᠭᠡᠵᠤ ᠪᠠᠶᠢᠲᠠᠯᠠ ᠨᠡᠷᠡ ᠮᠡᠳᠡᠭᠦᠯᠬᠦ ᠡᠳᠦᠷ ᠨᠢ ᠪᠤᠯᠵᠤ᠂ ᠨᠡᠷᠡ ᠮᠡᠳᠡᠭᠦᠯᠬᠦ ᠪᠠᠷ ᠤᠴᠢᠭᠰᠠᠨ ᠴᠢᠨᠢ | ᠬᠠᠷᠢ ᠭᠠᠵᠠᠷ ᠤᠨ ᠴᠠᠭᠠᠴᠢᠨ ᠭᠡᠳ ᠱᠠᠯᠪᠢᠩ ᠢ ᠲᠦᠯᠬᠢᠨ ᠭᠠᠷᠭᠠᠵᠠᠢ᠃ ᠤᠳᠤ ᠶᠠᠭᠠᠬᠢᠳᠠᠭ ᠪᠢᠯᠡ ᠭᠡᠳ ᠱᠠᠯᠪᠢᠩ | ᠪᠠᠴᠢᠮᠳᠠᠬᠤ ᠶᠢᠨ ᠲᠦᠢᠯ ᠪᠤᠯᠤᠨ ᠵᠡᠭᠡᠯᠢ ᠬᠡᠰᠤᠵᠤ ᠪᠠᠷᠠ ᠬᠠᠷᠠᠨ ᠶᠠᠪᠤᠲᠠᠯᠠ᠂ ᠬᠠᠷᠢᠨ ᠶᠠᠭ ᠰᠠᠶᠢᠬᠠᠨ ᠭᠠᠯ ᠤᠨ | ᠠᠬᠠ ᠶᠢᠨ ᠨᠢᠰᠬᠦ ᠮᠡᠲᠦ ᠳᠤᠪᠲᠤᠯᠭᠠᠵᠤ ᠢᠷᠡᠬᠦ ᠲᠠᠢ ᠨᠢ ᠲᠠᠭᠠᠷᠠᠵᠠᠢ᠃ ᠡᠪᠦᠭᠡᠨ ᠵᠠᠯᠠᠭᠤ ᠳᠠᠭᠠᠨ ᠡᠮᠦᠰᠴᠦ | ᠪᠠᠶᠢᠭᠰᠠᠨ ᠵᠤᠳᠤᠭ ᠭᠤᠲᠤᠯ ᠲᠡᠷᠢᠭᠦᠲᠡᠨ ᠢᠶᠠᠨ ᠠᠪᠴᠢᠷᠠᠵᠤ ᠱᠠᠯᠪᠢᠩ ᠳᠤ ᠦᠭᠭᠦᠭᠰᠡᠨ ᠪᠠ ᠮᠦᠨ ᠳᠤᠤᠷᠠ ᠨᠢ | ᠱᠠᠯᠪᠢᠩ ᠢ ᠳᠠᠭᠠᠭᠤᠯᠤᠨ ᠠᠪᠠᠴᠢᠵᠤ ᠪᠡᠶᠡ ᠪᠠᠷ ᠢᠶᠠᠨ ᠪᠠᠲᠤᠯᠠᠨ ᠳᠠᠭᠠᠭᠠᠵᠤ ᠪᠠᠶᠢᠭᠠᠳ ᠨᠡᠷᠡ ᠶᠢ ᠨᠢ ᠮᠡᠳᠡᠭᠦᠯᠵᠤ | ᠦᠭᠴᠡᠢ᠃ | ᠬᠠᠯᠬᠠ ᠶᠢᠨ ᠪᠦᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠶᠠᠭ ᠰᠠᠶᠢᠬᠠᠨ ᠶᠠᠪᠤᠭᠳᠠᠵᠤ ᠪᠠᠶᠢᠨᠠ᠃ ᠬᠠᠯᠬᠠ ᠶᠢᠨ | ᠶᠠᠩᠵᠢᠨᠳᠤᠯᠮᠠ ᠭᠡᠳᠡᠭ ᠨᠡᠷᠡ ᠲᠠᠢ ᠪᠦᠬᠡᠴᠢᠨ ᠪᠠᠷᠢᠯᠳᠤᠭᠰᠠᠨ ᠪᠦᠬᠦᠨ ᠢᠶᠠᠨ ᠳᠡᠯᠪᠡ ᠳᠡᠯᠪᠡ ᠴᠤᠬᠢᠵᠤ ᠪᠠᠶᠢᠬᠤ ᠨᠢ | ᠬᠠᠷᠠᠭᠳᠠᠪᠠ᠂ ᠱᠠᠯᠪᠢᠩ ᠰᠠᠶᠢᠨ ᠠᠵᠢᠭᠯᠠᠵᠤ ᠦᠵᠡᠭᠰᠡᠨ ᠴᠢᠨᠢ ᠦᠨᠦ ᠶᠠᠩᠵᠢᠨᠳᠤᠯᠮᠠ ᠴᠢᠨᠢ ᠬᠠᠷᠢᠨ ᠵᠠᠮ ᠲᠡᠭᠡᠷᠡ | ᠴᠢᠯᠠᠭᠤᠨ ᠤᠩᠭᠤᠴᠠᠨ ᠳᠤ ᠲᠡᠮᠡᠭᠡ ᠤᠰᠤᠯᠠᠵᠤ ᠪᠠᠶᠢᠭᠰᠠᠨ ᠲᠡᠷᠡ ᠬᠡᠦᠬᠡᠨ ᠮᠦᠨ ᠪᠠᠶᠢᠨᠠ᠃ ᠱᠠᠯᠪᠢᠩ ᠡᠨᠡ | ᠬᠡᠦᠬᠡᠨ ᠴᠤᠬᠤᠮ ᠬᠡᠳᠦᠢ ᠵᠡᠷᠭᠡ ᠲᠡᠩᠬᠡᠭᠡ ᠲᠠᠢ ᠶᠤᠮ ᠪᠤᠯ︖ ᠰᠤᠨᠤᠰᠬᠤᠯᠠ ᠪᠠᠷᠢᠯᠳᠤᠭᠰᠠᠨ ᠬᠦᠮᠦᠨ ᠢᠶᠠᠨ | ᠠᠯᠠᠭᠠᠳ ᠪᠠᠶᠢᠳᠠᠭ ᠭᠡᠰᠡᠨ᠂ ᠲᠡᠭᠦᠨ ᠢ ᠨᠢᠭᠡ ᠳᠡᠶᠢᠯᠦᠶᠡ ᠭᠡᠵᠤ ᠪᠤᠳᠤᠵᠤ ᠪᠠᠶᠢᠵᠠᠢ᠃ | ᠡᠨᠡ ᠤᠳᠠᠭᠠᠨ ᠤ ᠪᠦᠬᠡ ᠶᠢᠨ ᠨᠠᠶᠢᠷ ᠳᠡᠭᠡᠷᠡ ᠨᠡᠶᠢᠲᠡ ᠲᠠᠪᠤᠨ ᠵᠠᠭᠤᠨ ᠠᠷᠪᠠᠨ ᠬᠤᠶᠠᠷ ᠪᠦᠬᠡᠴᠢᠨ | ᠰᠢᠷᠦᠭᠦᠨ ᠮᠦᠷᠦᠶᠢᠴᠡᠭᠡᠨ ᠳᠤ ᠤᠷᠤᠵᠠᠢ᠃ ᠱᠠᠯᠪᠢᠩ ᠳᠠᠷᠠᠭᠠ ᠳᠠᠷᠠᠭᠠ ᠪᠠᠷ ᠤᠯᠠᠨ ᠨᠤᠭᠤᠯᠤᠭᠠ ᠶᠢ ᠰᠢᠪᠲᠤᠯᠤᠨ | ᠳᠡᠪᠡᠵᠤ ᠶᠠᠪᠤᠭᠰᠠᠭᠠᠷ ᠡᠴᠦᠰ ᠤᠨ ᠨᠠᠢᠮᠨ ᠳᠤ ᠤᠷᠤᠭᠠᠳ ᠢᠷᠡᠬᠦ ᠳᠤ᠂ ᠡᠨᠡ ᠶᠠᠭᠤᠨ ᠬᠦᠮᠦᠨ ᠬᠠᠮᠢᠭᠠ ᠠᠴᠠ | ᠭᠠᠷᠤᠭᠠᠳ ᠢᠷᠡᠴᠢᠭᠡᠬᠦ ᠨᠢ ᠪᠤᠢ ᠭᠡᠵᠤ ᠶᠡᠭᠡ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠳᠡᠭᠡᠷᠡ ᠪᠤᠴᠠᠯᠤᠨ ᠱᠤᠤᠭᠢᠯᠳᠤᠵᠠᠢ᠃ ᠲᠡᠶᠢᠨ ᠬᠦ | ᠲᠦᠰᠢᠮᠡᠯ ᠳᠠᠭᠠᠮᠠᠯ ᠤᠳ ᠲᠡᠷᠡ ᠤᠴᠢᠷ ᠢ ᠶᠡᠭᠡ ᠬᠡᠷᠡᠭ ᠪᠤᠯᠭᠠᠵᠤ᠂ ᠠᠭᠤᠷᠯᠠᠬᠤ ᠨᠢ ᠠᠭᠤᠷᠯᠠᠵᠤ᠂ ᠪᠠᠴᠢᠮᠳᠠᠬᠤ ᠨᠢ | ᠪᠠᠴᠢᠮᠳᠠᠵᠤ᠂ ᠬᠡᠷᠪᠡ ᠲᠡᠷᠡ ᠭᠠᠳᠠᠨᠠ ᠶᠢᠨ ᠬᠦᠮᠦᠨ ᠰᠤᠭᠤᠷᠠᠭᠠᠳ ᠭᠠᠷᠤᠭᠠᠳ ᠢᠷᠡᠬᠦ ᠳᠤ ᠬᠦᠷᠪᠡᠯ ᠶᠡᠭᠡ | ᠬᠠᠯᠬᠠ ᠶᠢᠨ ᠨᠡᠷᠡ ᠨᠢᠭᠤᠷ ᠢ ᠬᠠᠮᠢᠭᠠ ᠪᠠᠨ ᠲᠠᠯᠪᠢᠨᠠ ᠪᠤᠢ᠂ ᠶᠠᠭᠤ ᠬᠡᠯᠡᠭᠰᠡᠨ ᠴᠤ ᠪᠦᠬᠡ ᠶᠢᠨ ᠮᠠᠩᠯᠠᠢ ᠶᠢ | ᠲᠡᠭᠦᠨ ᠳᠤ ᠠᠯᠳᠠᠵᠤ ᠪᠤᠯᠬᠤ ᠦᠭᠡᠢ ᠭᠡᠵᠤ ᠬᠡᠯᠡᠯᠴᠡᠭᠡᠳ᠂ ᠤᠳᠤ ᠭᠠᠭᠴᠠᠬᠦ《 ᠳᠤᠭᠰᠢᠳ》 ᠢ ᠠᠪᠴᠢᠷᠠᠵᠤ | ᠲᠡᠷᠡ ᠬᠠᠷᠢ ᠶᠢᠨ ᠲᠡᠨᠦᠭᠦᠯ ᠲᠠᠢ ᠠᠭᠤᠯᠵᠠᠭᠤᠯᠤᠶᠠ᠂ ᠲᠡᠭᠡᠪᠡᠯ ᠲᠡᠭᠦᠨ ᠢ ᠳᠠᠷᠠᠭᠠ ᠶᠢᠨ ᠨᠤᠭᠤᠯᠤᠭᠠ ᠠᠴᠠ | ᠬᠠᠰᠤᠵᠤ ᠬᠠᠶᠠᠬᠤ ᠪᠤᠯᠤᠨᠠ ᠭᠡᠮᠡᠨ ᠵᠦᠪᠳᠡᠨ ᠲᠤᠭᠲᠠᠵᠠᠢ᠃ | ᠲᠡᠭᠦᠨ ᠤ ᠮᠠᠷᠭᠠᠰᠢ ᠨᠢ ᠳᠠᠷᠠᠭᠠ ᠶᠢᠨ ᠨᠤᠭᠤᠯᠤᠭᠠᠨ ᠤ ᠳᠦᠷᠪᠡᠨ ᠪᠦᠬᠡ ᠶᠢ ᠰᠢᠯᠭᠠᠷᠠᠭᠤᠯᠬᠤ ᠪᠤᠯᠵᠤ᠂ | ᠱᠠᠯᠪᠢᠩ ᠪᠠᠷᠢᠯᠳᠤᠭᠠᠨ ᠤ ᠲᠠᠯᠠᠪᠤᠷ ᠲᠤ ᠭᠠᠷᠬᠤ ᠪᠠᠷ ᠪᠡᠯᠡᠳᠭᠡᠨ ᠪᠠᠶᠢᠲᠠᠯᠠ᠂ ᠡᠰᠡᠷᠬᠦ ᠲᠠᠯᠠ ᠠᠴᠠ ᠭᠠᠷᠴᠤ | ᠢᠷᠡᠭᠰᠡᠨ ᠨᠢ ᠤᠭᠲᠤ ᠦᠵᠡᠭᠡ ᠦᠭᠡᠢ ᠰᠢᠨᠡ ᠬᠦᠮᠦᠨ ᠪᠤᠯᠤᠭᠰᠠᠨ ᠲᠤᠯᠠ᠂ ᠦᠨᠦᠭᠡᠳᠦᠷ ᠤᠨ ᠪᠤᠯᠢᠶᠠᠯᠳᠤᠭᠠᠨ ᠢ | ᠦᠴᠦᠭᠡᠳᠦᠷ ᠤᠨ ᠨᠠᠢᠮᠠᠨ ᠪᠦᠬᠡ ᠳᠤᠲᠤᠷᠠ ᠶᠠᠪᠤᠭᠤᠯᠬᠤ ᠶᠤᠰᠤᠲᠠᠢ ᠪᠢᠯᠡ᠂ ᠶᠠᠭᠠᠬᠢᠭᠠᠳ ᠢᠩᠬᠢᠵᠤ ᠡᠶᠢᠮᠦ ᠰᠢᠨᠡ | ᠬᠦᠮᠦᠨ ᠲᠠᠯᠪᠢᠵᠤ ᠤᠷᠤᠭᠤᠯᠵᠤ ᠪᠠᠶᠢᠳᠠᠭ ᠶᠤᠮ ᠪᠤᠢ ᠭᠡᠵᠤ ᠶᠡᠭᠡ ᠭᠠᠶᠢᠬᠠᠵᠠᠢ᠃ ᠲᠡᠳᠦᠢ ᠳᠤ ᠭᠠᠯ ᠤᠨ ᠠᠬᠠ | ᠬᠠᠵᠠᠭᠤ ᠠᠴᠠ ᠨᠢ ᠳᠤᠤᠷᠠ ᠳᠠᠭᠤ ᠪᠠᠷ᠄ | — ᠵᠠ᠂ ᠡᠭᠦᠨ ᠢᠶᠠᠷ ᠦᠵᠡᠪᠡᠯ ᠬᠡᠷᠡᠭ ᠪᠢᠰᠢ ᠪᠤᠯᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ ᠰᠢᠦ᠃ ᠴᠠᠭᠠᠳᠤᠬᠢ ᠴᠢᠨᠢ | ᠪᠤᠯ ᠦᠰᠦ ᠨᠢ ᠤᠷᠲᠤ ᠦᠵᠡᠯ ᠨᠢ ᠤᠬᠤᠷ ᠪᠤᠯᠪᠠᠴᠤ᠂ ᠬᠦᠴᠦ ᠲᠡᠩᠬᠡᠭᠡ ᠪᠠᠷ ᠢᠶᠠᠨ ᠪᠤᠯ ᠬᠠᠷᠢᠨ ᠬᠦᠮᠦᠨ ᠤ | ᠳᠤᠤᠷᠠ ᠤᠷᠤᠵᠤ ᠦᠵᠡᠭᠡᠭᠡ ᠦᠭᠡᠢ ᠶᠠᠪᠤᠭᠰᠠᠨ ᠠᠮᠢᠲᠠᠨ ᠪᠤᠢ᠃ ᠰᠦᠷᠡᠬᠡᠢ ᠬᠡᠷᠰᠡᠦᠭᠦᠯᠡᠭᠡᠷᠡᠢ︕ ᠭᠡᠵᠡᠢ᠃ | ᠱᠠᠯᠪᠢᠩ ᠴᠤ ᠳᠤᠲᠤᠷᠠ ᠪᠠᠨ ᠨᠠᠢᠮᠠᠨ ᠶᠢᠰᠦᠨ ᠬᠤᠪᠢ ᠪᠠᠷᠤᠭᠯᠠᠨ ᠮᠡᠳᠡᠵᠠᠢ᠃ | ᠳᠡᠨᠳᠡ ᠠᠴᠠ ᠬᠤᠶᠠᠷ ᠡᠲᠡᠭᠡᠳ ᠲᠠᠯᠠᠪᠤᠷ ᠲᠤ ᠭᠠᠷᠴᠦ ᠭᠠᠷ ᠵᠤᠯᠭᠠᠨ ᠠᠪᠤᠯᠳᠤᠵᠦ ᠡᠬᠢᠯᠡᠬᠦ ᠭᠡᠲᠡᠯᠡ᠂ ᠲᠡᠷᠡ | ᠰᠢᠨᠡ ᠪᠦᠬᠡ ᠱᠠᠯᠪᠢᠩ ᠢ ᠰᠢᠭᠤᠳ ᠨᠤᠴᠤᠨ ᠳᠠᠭᠠᠷᠢᠵᠦ ᠢᠷᠡᠭᠡᠳ ᠮᠦᠷᠦᠨ ᠳᠡᠭᠡᠷᠡ ᠠᠴᠠ ᠠᠳᠬᠤᠨ ᠨᠢᠭᠡ ᠯᠡ | ᠬᠦᠴᠦᠳᠡᠢ ᠳᠤᠭᠳᠤᠷᠤᠭᠰᠠᠨ ᠳᠤ ᠱᠠᠯᠪᠢᠩ ᠤᠷᠤᠭᠰᠢ ᠪᠠᠨ ᠱᠤᠩᠭᠤᠴᠢᠵᠦ ᠤᠨᠠᠬᠤ ᠵᠠᠪᠳᠤᠭᠰᠠᠨ ᠪᠤᠯᠪᠠᠴᠦ ᠪᠤᠰᠢᠭᠤ | ᠱᠠᠯᠠᠮᠠᠭᠠᠢ ᠳᠡᠭᠡᠷᠡ ᠠᠴᠠ ᠪᠠᠨ ᠪᠠᠰᠠ ᠬᠦᠯ ᠤᠨ ᠲᠠᠮᠢᠷ ᠳᠡᠩᠬᠡᠬᠡ ᠪᠠᠷ ᠴᠢᠩᠭᠠ ᠲᠤᠯᠠ ᠠᠷᠠᠢ ᠠᠮᠵᠢᠨ ᠲᠣᠭᠲᠠᠵᠤ | ᠴᠢᠳᠠᠵᠡᠢ᠃ ᠳᠠᠬᠢᠨ ᠪᠠᠷᠢᠯᠳᠤᠬᠤ ᠳᠠᠭᠠᠨ ᠲᠡᠭᠦᠨ ᠤ ᠵᠤᠳᠤᠭ ᠤᠨ ᠡᠩᠭᠡᠷ ᠠᠴᠠ ᠨᠢ ᠰᠢᠬᠦᠷᠡᠨ ᠪᠠᠶᠢᠵᠦ᠂ ᠳᠠᠬᠢᠭᠠᠳ | ᠨᠢᠬᠡ ᠰᠢᠭᠦᠷᠡᠬᠦ ᠳᠡᠭᠡᠨ ᠵᠤᠳᠤᠭ ᠤᠨ ᠳᠤᠳᠤᠭᠤᠷᠬᠢ ᠴᠡᠭᠡᠵᠢ ᠪᠠᠨ ᠤᠷᠢᠶᠠᠭᠰᠠᠨ ᠲᠣᠷᠭᠠ ᠠᠴᠠ ᠨᠢ ᠪᠠᠷᠢᠵᠤ | ᠠᠪᠤᠭᠠᠳ ᠤᠭᠵᠤᠮ ᠤᠭᠵᠠᠷᠠᠨ ᠲᠠᠲᠠᠳᠠᠯᠠ᠂ ᠰᠢᠷᠳ᠋ᠬᠢᠬᠦ ᠳᠠᠭᠤ ᠭᠠᠷᠤᠨ ᠬᠡᠳᠦ ᠬᠡᠳᠦᠨ ᠳᠠᠪᠬᠤᠷ ᠲᠤᠷᠭᠠ | ᠬᠡᠷᠴᠢᠭᠳᠡᠭᠰᠡᠨ ᠮᠡᠲᠦ ᠲᠠᠰᠤ ᠤᠴᠢᠵᠦ᠂ ᠴᠠᠭᠠᠨᠠ ᠠᠴᠠ ᠨᠢ ᠲᠦᠭᠳᠦᠶᠢᠭᠰᠡᠨ ᠪᠦᠳᠦᠭᠦᠨ ᠬᠤᠶᠠᠷ ᠬᠥᠬᠦ | ᠲᠦᠯᠬᠢᠭᠳᠡᠭᠰᠡᠨ ᠮᠡᠲᠦ ᠤᠷᠤᠭᠰᠢ ᠪᠠᠨ ᠰᠡᠷᠡᠶᠢᠵᠦ ᠭᠠᠷᠴᠦ ᠢᠷᠡᠵᠡᠢ᠃ ᠲᠡᠭᠡᠬᠦᠯᠡᠷ ︽ᠲᠤᠭᠰᠢᠳ︾ ᠭᠡᠵᠦ | ᠪᠠᠶᠢᠭᠰᠠᠨ ᠲᠡᠷᠡ ᠶᠡᠭᠡ ᠪᠦᠬᠡ ᠨᠢ ᠬᠠᠷᠢᠨ ᠬᠡᠦᠬᠡᠨ ᠬᠦᠮᠦᠨ ᠪᠠᠶᠢᠭᠰᠠᠨ ᠠᠵᠡᠢ᠃ ᠲᠡᠭᠡᠳᠡᠯᠡ ᠡᠷᠬᠢᠨ ᠲᠤᠭᠤᠷᠢᠨ ᠤ | ᠲᠡᠷᠡ ᠬᠡᠳᠦᠨ ᠮᠢᠩᠭᠠᠨ ᠦᠵᠡᠭᠴᠢᠳ ᠨᠢᠭᠡ ᠯᠡ ᠳᠤᠤᠷᠠ ᠬᠦᠷᠳᠡᠬᠢᠨ ᠪᠣᠰᠴᠦ᠂ ᠴᠤᠬᠤᠮ ᠶᠠᠭᠤ ᠬᠡᠯᠡᠵᠦ ᠪᠠᠶᠢᠬᠤ | ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ᠂ ᠵᠦᠭᠡᠷ ᠯᠡ ᠭᠠᠵᠠᠷ ᠳᠤᠷᠬᠢᠳᠠᠯᠠ ᠬᠠᠰᠬᠢᠷᠤᠯᠳᠤᠨ ᠦᠢᠮᠡᠯᠳᠦᠬᠦ ᠳᠤ᠂ ᠬᠡᠦᠬᠡᠨ ᠪᠦᠬᠡ ᠴᠢᠷᠠᠢ | ᠪᠠᠨ ᠤᠯᠠᠶᠢᠯᠭᠠᠨ ᠡᠩᠭᠡᠷ ᠢᠶᠠᠨ ᠳᠠᠷᠤᠭᠠᠳ ᠴᠠᠭᠠᠰᠢ ᠨᠢ ᠮᠠᠶᠢᠬᠠᠨ ᠤ ᠪᠠᠨ ᠵᠦᠭ ᠲᠤ ᠠᠮᠢᠰᠬᠤᠭᠠ ᠠᠪᠤᠯ ᠦᠭᠡᠢ | ᠬᠠᠷᠠᠶᠢᠯᠠᠨ ᠳᠠᠪᠬᠢᠵᠦ ᠤᠳᠴᠡᠢ᠃ | ᠲᠡᠭᠡᠭᠡᠳ ᠲᠡᠷᠡ ᠬᠤᠶᠠᠷ ᠪᠠᠷᠢᠯᠳᠤᠨ ᠲᠡᠩᠴᠡᠯᠳᠦᠵᠦ ᠪᠠᠶᠢᠭᠰᠠᠭᠠᠷ ᠪᠦᠲᠦᠨ ᠡᠳᠦᠷ ᠪᠤᠯᠵᠦ ᠡᠴᠦᠰ ᠲᠡᠭᠡᠨ | ᠱᠠᠯᠪᠢᠩ᠂ ᠶᠠᠩᠵᠢᠩᠳᠤᠯᠮᠠ ᠶᠢ ᠠᠷᠠᠢ ᠭᠡᠵᠦ ᠳᠡᠶᠢᠯᠵᠦ ᠳᠤᠯᠤᠭᠠᠢ ᠶᠢ ᠨᠢ ᠭᠠᠵᠠᠷ ᠲᠤ ᠲᠤᠬᠤᠢ ᠰᠢᠭᠠᠵᠦ | ᠬᠠᠶᠠᠪᠠ᠃ | ᠬᠠᠯᠬᠠ ᠶᠢᠨ ᠠᠯᠳᠠᠷᠲᠦ ᠪᠦᠬᠡᠴᠢᠨ ᠢ ᠬᠠᠶᠠᠭᠰᠠᠨ ᠳᠤ ᠬᠠᠯᠬᠠ ᠶᠢᠨ ᠬᠠᠭᠠᠨ ᠬᠦᠯᠢᠶᠡᠬᠦ ᠪᠠᠨ ᠪᠠᠶᠢᠵᠦ᠄ | — ᠬᠤᠷᠳᠤᠨ ᠲᠡᠷᠡ ᠠᠯᠠᠱᠠ ᠶᠢᠨ ᠪᠦᠬᠡᠴᠢᠨ ᠢ ᠪᠠᠷᠢᠵᠦ ᠪᠦᠭᠰᠡ ᠶᠢ ᠨᠢ ᠴᠤᠬᠢ︕ ᠭᠡᠵᠦ ᠵᠠᠷᠯᠢᠭᠳᠠᠪᠠ᠃ | ᠱᠠᠯᠪᠢᠩ ᠤᠯᠠᠨ ᠠᠮᠢᠲᠠᠨ ᠦᠢᠮᠡᠯᠳᠦᠵᠦ ᠡᠬᠢᠯᠡᠬᠦ ᠳᠠᠯᠢᠮ ᠳᠤ ᠳᠤᠳᠠᠭᠠᠭᠠᠳ ᠶᠠᠪᠤᠴᠢᠬᠠᠪᠠ᠃ | ᠱᠠᠯᠪᠢᠩ ᠳᠤᠳᠠᠭᠠᠵᠦ ᠶᠠᠪᠤᠬᠤ ᠵᠠᠮ ᠳᠠᠭᠠᠨ ᠬᠠᠷᠠᠩᠭᠤᠶᠢᠯᠠᠵᠦ ᠴᠠᠩᠭᠠᠭᠠᠳ ᠲᠡᠰᠬᠦ ᠦᠭᠡᠢ ᠪᠤᠯᠬᠤᠷ ᠥᠨᠥ ᠰᠦᠷᠡᠬᠡᠢ | ᠳᠡᠩᠬᠡᠬᠡ ᠲᠠᠢ ᠡᠮᠡᠭᠡᠨ ᠡᠪᠦᠭᠡᠨ ᠬᠤᠶᠠᠷ ᠤᠨ ᠳᠤ ᠬᠦᠷᠴᠦ ᠣᠴᠢᠪᠡ᠃ ᠡᠮᠡᠭᠡᠨ ᠡᠪᠦᠭᠡᠨ ᠬᠤᠶᠠᠷ ᠱᠠᠯᠪᠢᠩ ᠢ | ᠦᠵᠡᠭᠡᠳ᠄ | — ᠬᠦᠶ᠋ᠢ᠂ ᠬᠤᠯᠠ ᠶᠢᠨ ᠭᠡᠶᠢᠴᠢᠨ ᠢᠷᠡᠯᠡ᠂ ᠬᠤᠷᠳᠤᠨ ᠬᠤᠭᠤᠯᠠ ᠤᠮᠳᠠ ᠬᠢᠵᠦ ᠦᠭᠭᠦᠶᠡ ᠭᠡᠳ ᠮᠦᠨ | ᠲᠦᠯᠡᠭᠡ ᠪᠠᠨ ᠬᠤᠷᠤᠭᠤ ᠪᠠᠷ ᠢᠶᠠᠨ ᠢᠮᠡᠷᠴᠦ ᠪᠢᠯᠴᠠᠯᠠᠭᠠᠳ ᠭᠠᠯ ᠢᠶᠠᠨ ᠠᠰᠠᠭᠠᠵᠦ ᠱᠠᠯᠪᠢᠩ ᠳᠤ ᠦᠬᠡᠷ ᠤᠨ ᠮᠢᠬᠠ | ᠴᠢᠨᠠᠵᠦ ᠥᠭᠪᠡ᠃ ᠱᠠᠯᠪᠢᠩ ᠦᠬᠡᠷ ᠤᠨ ᠮᠢᠬᠠ ᠢᠳᠡᠵᠦ ᠪᠠᠶᠢᠭᠠᠳ ᠴᠢᠮᠦᠭᠡ ᠶᠢ ᠨᠢ ᠬᠤᠷᠤᠭᠤ ᠪᠠᠷ ᠢᠶᠠᠨ ᠢᠮᠡᠷᠴᠦ | ᠪᠠᠯᠪᠠᠯᠤᠭᠠᠳ ᠳᠤᠳᠤᠷᠠᠬᠢ ᠲᠤᠰᠤᠨ ᠴᠢᠮᠦᠭᠡ ᠶᠢ ᠨᠢ ᠰᠤᠷᠤᠵᠦ ᠢᠳᠡᠬᠦ ᠶᠢ ᠨᠢ ᠠᠶᠢᠯ ᠤᠨ ᠡᠪᠦᠭᠡᠨ ᠤᠯᠵᠦ | ᠦᠵᠡᠴᠢᠬᠡᠭᠡᠳ ︽ᠶᠡᠷᠦ ᠶᠢᠨ ᠬᠦᠮᠦᠨ ᠴᠢᠮᠦᠭᠡ ᠶᠢ ᠶᠠᠭᠤᠮᠠ ᠪᠠᠷ ᠴᠤᠬᠢᠵᠦ ᠪᠠᠯᠪᠠᠯᠠᠭᠠᠳ ᠢᠳᠡᠳᠡᠭ ᠶᠤᠮ᠃ ᠡᠨᠡ | ᠬᠦᠮᠦᠨ ᠬᠠᠷᠢᠨ ᠢᠮᠡᠷᠴᠦ ᠪᠠᠯᠪᠠᠯᠠᠭᠠᠳ ᠢᠳᠡᠵᠦ ᠪᠠᠶᠢᠨᠠ᠂ ᠪᠠᠰᠠ ᠨᠡᠯᠢᠶᠡᠳ ᠴᠠᠷᠢᠭ ᠲᠠᠢ ᠡᠷᠡ ᠪᠠᠶᠢᠨᠠ︾ ᠭᠡᠵᠦ | ᠳᠤᠳᠤᠷᠠ ᠪᠠᠨ ᠪᠤᠳᠤᠵᠦ ᠪᠠᠶᠢᠳᠠᠯᠠ ᠠᠶᠢᠯ ᠤᠨ ᠭᠠᠳᠠᠨᠠ ᠤᠯᠠᠨ ᠬᠦᠮᠦᠨ ᠦᠢᠮᠡᠯᠳᠦᠵᠦ᠄ | ᠬᠦᠶ᠋ᠢ᠂ ᠬᠦᠭᠰᠢᠨ ᠡᠵᠢ ᠠᠪᠤ ᠡ᠂ ᠬᠤᠷᠳᠤᠨ ᠭᠠᠷᠴᠦ ᠢᠷᠡᠭᠡᠷᠡᠢ᠂ ᠨᠢᠭᠡ ᠰᠤᠨᠢᠨ ᠤᠴᠢᠷ ᠪᠤᠯᠤᠭᠰᠠᠨ ᠰᠢᠦ︕ | ᠭᠡᠵᠦ ᠬᠠᠰᠬᠢᠷᠪᠠ᠃ ᠡᠮᠡᠭᠡᠨ ᠭᠡᠷ ᠠᠴᠠ ᠪᠠᠨ ᠮᠠᠶᠢᠵᠢᠭᠢᠨᠠᠨ ᠭᠠᠷᠴᠦ ᠤᠯᠠᠨ ᠬᠦᠮᠦᠨ ᠲᠠᠢ ᠬᠡᠰᠡᠭ ᠬᠠᠷᠢᠯᠴᠠᠵᠦ | ᠪᠠᠶᠢᠭᠠᠳ ᠢᠷᠡᠭᠰᠡᠨ ᠬᠦᠮᠦᠨ ᠢ ᠶᠠᠪᠤᠭᠰᠠᠨ ᠤ ᠳᠠᠷᠠᠭᠠ ᠡᠮᠡᠭᠡᠨ ᠪᠤᠴᠠᠵᠦ ᠢᠷᠡᠭᠡᠳ᠂ ᠶᠡᠭᠡ ᠳᠠᠭᠤᠨ ᠢᠶᠠᠷ᠄ | — ᠬᠦᠶ᠋ᠢ᠂ ᠡᠪᠦᠭᠡᠨ ᠡ᠂ ᠨᠢᠭᠡ ᠮᠠᠭᠤ ᠠᠯᠠᠱᠠ ᠶᠢᠨ ᠤᠯᠢᠭ ᠦᠭᠡᠢ ᠵᠠᠯᠠᠭᠤ ᠨᠠᠶᠢᠷ ᠲᠤ ᠢᠷᠡᠵᠦ ᠪᠦᠬᠡ | ᠪᠠᠷᠢᠯᠳᠤᠵᠦ ᠪᠠᠶᠢᠭᠠᠳ ᠬᠡᠦᠬᠡᠨ ᠢ ᠮᠢᠨᠢ ᠠᠯᠠᠴᠢᠬᠠᠭᠰᠠᠨ ᠰᠤᠷᠠᠭ ᠲᠠᠢ ᠭᠡᠵᠦ ᠬᠡᠯᠡᠵᠡᠢ᠃ ᠱᠠᠯᠪᠢᠩ ᠰᠤᠨᠤᠰᠤᠭᠠᠳ᠄ | ︽ᠮᠢᠨᠤ ᠠᠯᠠᠳᠠᠭ ᠶᠠᠩᠵᠢᠩᠳᠤᠯᠮᠠ ᠴᠢᠨᠢ ᠡᠨᠡ ᠠᠶᠢᠯ ᠤᠨ ᠦᠬᠢᠨ ᠪᠠᠶᠢᠵᠦ ᠰᠢᠦ︾ ᠭᠡᠵᠦ ᠪᠣᠳᠤᠲᠠᠯᠠ ᠡᠪᠦᠭᠡᠨ | ᠱᠠᠯᠪᠢᠩ ᠢ ᠵᠢᠭᠠᠵᠦ᠄ | — ᠡᠨᠡ ᠠᠮᠢᠲᠠᠨ ᠦᠬᠡᠷ ᠤᠨ ᠴᠢᠮᠦᠭᠡ ᠶᠢ ᠢᠮᠡᠷᠴᠦ ᠪᠠᠯᠪᠠᠯᠠᠭᠠᠳ ᠰᠤᠷᠤᠵᠦ ᠪᠠᠶᠢᠭᠰᠠᠨ ᠶᠤᠮ᠃ | ᠠᠯᠠᠱᠠ ᠶᠢᠨ ᠪᠦᠬᠡᠴᠢᠨ ᠭᠡᠰᠡᠨ ᠴᠢᠨᠢ ᠡᠨᠡ ᠬᠦᠮᠦᠨ ᠪᠢᠰᠢ ᠪᠠ︖ ᠭᠡᠵᠦ ᠬᠡᠯᠡᠬᠦ ᠳᠤ ᠭᠡᠷ ᠤᠨ ᠢᠶᠠᠨ ᠡᠭᠦᠳᠡ ᠶᠢ | ᠳᠠᠷᠤᠭᠠᠳ ᠠᠪᠤᠪᠠ᠃ ᠱᠠᠯᠪᠢᠩ᠄ ︽ᠣᠳᠣ ᠴᠦ ᠬᠡᠷᠡᠭ ᠪᠢᠰᠢᠳᠡᠯᠡ︾ ᠭᠡᠵᠦ ︽ ᠶᠤᠬᠤ︾ ᠭᠡᠳᠡᠯᠡ ᠪᠤᠰᠴᠦ ᠨᠢᠭᠡ | ᠭᠠᠷ ᠢᠶᠠᠷ ᠢᠶᠠᠨ ᠠᠶᠢᠯ ᠤᠨ ᠭᠡᠷ ᠤᠨ ᠳᠡᠷᠡᠮᠡ ︵ᠬᠠᠨᠠ︶ ᠠᠴᠠ ᠨᠢ ᠡᠷᠬᠦᠵᠦ ᠬᠠᠶᠠᠴᠢᠬᠠᠭᠠᠳ ᠲᠤᠳᠠᠭᠠᠨ ᠶᠠᠪᠤᠪᠠ᠃ | | | |