ᠨᠠᠷᠠ ᠤᠷᠭᠤᠬᠤ ᠰᠢᠭ᠋ ᠰᠠᠷᠠ | ᠨᠠᠮᠠᠶᠢ ᠱᠤᠬᠤᠭᠤᠷᠬᠠᠵᠤ ᠰᠢᠪᠡᠨᠡᠬᠦ ᠰᠢᠭ | ᠨᠠᠮᠤᠷ ᠤᠨ ᠬᠤᠩᠭᠤᠷ ᠰᠠᠯᠬᠢ | ᠨᠠᠭᠠᠳᠴᠤ ᠬᠠᠴᠠᠷ ᠢ ᠢᠯᠪᠢᠬᠦ ᠰᠢᠭ | | | ᠴᠢᠮᠡᠭᠡ ᠦᠭᠡᠶᠢᠭᠡᠨ ᠬᠠᠪᠤᠷ ᠤᠨ ᠰᠦᠨᠢ | ᠴᠢᠬᠢ ᠵᠢᠩᠬᠢᠨᠡᠮᠠ ᠢᠮᠨᠡᠬᠦ ᠰᠢᠭ | ᠴᠢᠨᠠᠭᠰᠢᠯᠠᠨ ᠤᠳᠬᠤ ᠲᠡᠷᠡᠭᠡᠨ ᠮᠦᠴᠡ | ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠪᠠᠨ ᠭᠡᠭᠡᠬᠦ ᠴᠤ ᠰᠢᠭ | | | ᠬᠤᠯᠠ ᠶᠢᠨ ᠤᠳᠤᠳ ᠤᠨ ᠠᠨᠢᠪᠴᠢᠭᠠᠨ ᠳᠤ | ᠬᠤᠳᠠ ᠰᠦᠷᠦᠭ ᠢᠶᠠᠨ ᠮᠠᠨᠠᠬᠤ ᠰᠢᠭ᠋ | ᠬᠤᠭᠤᠰᠤᠨ ᠤᠷᠤᠨ ᠵᠠᠢ ᠳᠤ | ᠬᠤᠷᠸᠠ ᠬᠤᠯᠠᠳᠴᠤ ᠤᠶᠢᠷᠠᠳᠬᠤ ᠴᠤ ᠰᠢᠭ | | ᠬᠦᠭᠵᠢᠶᠠᠨᠳᠤ ᠬᠤᠳᠠ ᠶᠢᠨ ᠤᠶᠢᠮᠡᠭᠡᠨ ᠳᠤ | ᠬᠦᠯ ᠬᠦᠭᠡᠷᠴᠡᠭ ᠨᠡᠮᠡᠭᠳᠡᠭᠦ ᠰᠢᠭ | ᠬᠦᠰᠡᠵᠤ ᠮᠦᠷᠦᠭᠡᠳᠦᠭᠰᠡᠨ ᠨᠤᠳᠤᠭ ᠲᠠᠭᠠᠨ | ᠬᠦᠰᠡᠯ ᠵᠤᠷᠢᠯᠳᠠ ᠪᠡᠶᠡᠯᠡᠭᠦ ᠴᠤ ᠰᠢᠭ | | | ᠲᠡᠷᠳᠡᠭᠡ ᠠᠯᠤᠰ ᠲᠤ ᠰᠦᠮᠡᠯᠵᠡᠬᠦ | ᠲᠡᠷᠭᠡᠯ ᠭᠡᠷ ᠤᠨ ᠮᠢᠨᠢ ᠪᠠᠷᠠ ᠰᠢᠭ᠋ | ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠲᠠᠢ ᠵᠠᠯᠭᠠᠯᠳᠤᠬᠤ | ᠲᠠᠨᠠ ᠰᠤᠪᠤᠳ ᠤᠨ ᠬᠡᠯᠬᠢᠶᠠᠰᠤ ᠰᠢᠭ | | | ᠪᠤᠷᠤ ᠲᠠᠯᠠ ᠶᠢᠨ ᠵᠡᠷᠭᠡᠯᠭᠡᠨ ᠨᠢ | ᠪᠤᠰᠢᠭᠤ ᠲᠠᠤᠯᠠᠢ ᠶᠢᠨ ᠬᠦᠶᠦᠳᠡᠯ ᠰᠢᠭ | ᠪᠤᠯᠵᠤᠭᠠᠨ ᠳᠤ ᠶᠠᠭᠠᠷᠠᠭᠰᠠᠨ ᠬᠡᠤᠭᠡᠨ ᠤ | ᠪᠤᠳᠤᠯ ᠤᠨ ᠭᠠᠭᠴᠠᠬᠠᠨ ᠮᠦᠷᠦᠭᠡᠳᠤᠯ ᠰᠢᠭ | | | ᠰᠠᠷᠠ ᠪᠠᠨ ᠵᠡᠬᠦᠳᠤᠯᠡᠭᠰᠡᠨ ᠨᠠᠷᠠ | ᠰᠠᠨᠠᠭᠠᠨ ᠤ ᠦᠵᠦᠭᠦᠷ ᠲᠤ ᠨᠢᠯᠬᠠᠷᠠᠬᠤ ᠰᠢᠭ᠋ | ᠨᠠᠷᠠ ᠪᠠᠨ ᠮᠠᠨᠠᠭᠰᠠᠨ ᠰᠠᠷᠠ ᠴᠤ | ᠨᠠᠶᠢᠷᠠᠭ ᠲᠠᠢ ᠮᠢᠨᠢ ᠴᠤᠭ ᠵᠢᠷᠭᠠᠬᠤ ᠰᠢᠭ᠋᠃ | ︵ᠵᠣᠬᠢᠶᠠᠭᠴᠢ᠄ ᠲᠤ᠋ · ᠬᠦᠭᠵᠢᠯᠳᠤ︶ |