ᠬᠦᠮᠣᠵᠢᠯ ᠪᠤᠯᠪᠠᠰᠤᠷᠠᠯ ᠳᠤ ᠠᠷᠭᠠ ᠵᠢᠭᠠᠵᠣ ᠣᠷᠮᠠ ᠬᠠᠶᠢᠷᠠᠯᠠᠭᠰᠠᠨ ᠶᠠᠪᠣᠴᠠ ᠶᠢ ᠤᠶᠤᠨ ᠤ ᠣᠷᠠᠯᠢᠭ | ᠬᠡᠪᠡᠯ ᠬᠦᠮᠣᠵᠢᠭ᠍ᠳᠡᠬᠦ ᠨᠢᠭᠡᠨ ᠤ ᠬᠠᠮᠤᠭ ᠤᠨ ᠶᠡᠭᠡ ᠠᠵᠠ ᠳᠣᠬᠢᠶᠠᠯ ᠨᠢ ᠤᠶᠤᠨ ᠢᠶᠠᠨ ᠴᠢᠮᠡᠬᠦ ᠶᠢᠨ ᠵᠢᠷᠭᠠᠯ ᠪᠠᠶᠢᠵᠣ | ᠳᠠᠭᠠᠷᠠᠨᠠ᠃ ᠰᠢᠯᠭᠠᠷᠠᠭᠰᠠᠨ ᠵᠢᠭᠠᠬᠤ ᠠᠷᠭᠠ ᠲᠠᠢ ᠪᠠᠭᠰᠢ ᠬᠦᠮᠣᠨ ᠤ ᠡᠩᠬᠡᠷ ᠬᠤᠷᠮᠣᠢ ᠠᠴᠠ ᠵᠡᠬᠦᠭᠳᠡᠨ ᠪᠠᠶᠢᠵᠦ | ᠣᠬᠠᠭᠠᠨ ᠰᠠᠭᠤᠭᠰᠠᠨ ᠭᠡᠣᠭᠡᠳ ᠤᠳ ᠴᠣᠪᠣᠷᠠᠯᠳᠣᠨ ᠦᠰᠬᠦ ᠶᠢᠨ ᠲᠠᠭᠠᠤ ᠵᠢᠳᠬᠦᠯ ᠢᠳᠡᠭᠡᠯ ᠢᠶᠠᠷ ᠳᠦᠬᠦᠷᠡᠩ | ᠪᠠᠭᠰᠢ ᠶᠢᠨ ᠢᠷᠠᠭᠤ ᠠᠯᠳᠠᠷ ᠴᠦ ᠮᠦᠩᠬᠡᠵᠢᠨ ᠦᠯᠡᠳᠡᠬᠦ ᠶᠤᠰᠤᠳᠠᠢ᠃ ᠳᠡᠶᠢᠨᠬᠦ ᠡ᠊ᠡᠳᠡ ᠢᠷᠠᠭᠤ ᠠᠯᠳᠠᠷ ᠤᠨ | ᠮᠠᠩᠯᠠᠢ ᠪᠤᠯᠤᠬᠰᠠᠨ ᠪᠠᠭᠰᠢ ᠶᠢᠨ ᠲᠤᠬᠠᠢ ᠶᠠᠷᠢᠬᠤ ᠬᠡᠰᠡᠨ ᠶᠤᠮ᠃ ᠵᠠᠯᠠᠭᠤ ᠪᠠᠭᠰᠢᠨᠠᠷ ᠢ ᠬᠦᠮᠣᠵᠢᠬᠦᠯᠵᠣ | ᠶᠠᠪᠣᠭᠠ ᠶᠢᠨ ᠣᠯᠠᠭᠠᠨ ᠪᠠᠭᠰᠢ 31 ᠵᠢᠯ ᠤᠨ ᠳᠣᠷᠰᠢ ᠰᠣᠷᠭᠠᠨ ᠬᠦᠮᠣᠵᠢᠯ ᠤᠨ ᠠᠵᠢᠯ ᠳᠤ ᠬᠠᠯᠠᠰᠢᠷᠠᠯ ᠦᠭᠡᠢ | ᠵᠢᠳᠬᠦᠵᠣ᠂ ᠰᠢᠯᠭᠠᠷᠠᠭᠰᠠᠨ ᠵᠢᠭᠠᠬᠤ ᠠᠷᠭᠠ ᠣᠬᠠᠭᠠᠨ ᠢᠶᠠᠷ ᠢᠶᠠᠨ ᠪᠣᠰᠣᠳ ᠤᠨ ᠳᠣᠮᠳᠠ ᠠᠴᠠ ᠤᠷᠦ᠋ᠢᠯᠠᠵᠦ᠂ | ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠵᠢᠭᠠᠨ ᠰᠣᠷᠭᠠᠬᠤ ᠶᠢ ᠰᠣᠳᠣᠯᠬᠤ ᠬᠢᠭᠡᠳ ᠪᠠᠭᠰᠢ ᠶᠢᠨ ᠪᠣᠯᠪᠠᠰᠣᠷᠠᠯ ᠤᠨ ᠳᠦᠪ ᠤᠨ | ᠬᠢᠳᠠᠳ ᠭᠡᠯᠡᠨ ᠤ ᠨᠠᠷᠠᠳᠤ ᠵᠢᠭᠠᠨ ᠰᠣᠳᠣᠯᠣᠭᠴᠢ ᠪᠤᠯᠵᠡᠢ᠃ ᠳᠡᠷᠡ ᠣᠷᠢᠳ ᠬᠤᠵᠢᠳ ᠠᠯᠠᠱᠠ ᠵᠡᠬᠦᠨ | ᠬᠤᠰᠢᠭᠤᠨ ᠤ ᠱᠠᠩ ᠤᠨ ᠳᠠᠯᠠᠢ ᠰᠣᠮᠣᠨ ᠤ ᠪᠦᠷᠢᠨ ᠪᠠᠭᠠ ᠰᠣᠷᠭᠠᠭᠤᠯᠢ᠂ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠮᠣᠩᠭᠤᠯ | ᠦᠨᠳᠣᠰᠣᠳᠠᠨ ᠤ ᠨᠢᠭᠡᠳᠣᠭᠡᠷ ᠳᠣᠷᠰᠢᠯᠳᠠ ᠶᠢᠨ ᠪᠠᠭᠠ ᠰᠣᠷᠭᠠᠭᠤᠯᠢ ᠳᠤ ᠬᠢᠳᠠᠳ ᠭᠡᠯᠡᠨ ᠤ ᠪᠠᠭᠰᠢ ᠪᠠᠷ ᠠᠵᠢᠯᠯᠠᠨ᠂ | ᠮᠣᠩᠭᠤᠯ ᠭᠡᠣᠭᠡᠳ ᠤᠨ ᠬᠢᠴᠢᠶᠡᠯᠯᠡᠭᠡ ᠳᠤ ᠣᠯᠠᠨ ᠵᠦᠢᠯ ᠤᠨ ᠠᠷᠭᠠ ᠰᠡᠳᠬᠢᠵᠣ᠂ ᠵᠢᠭᠠᠨ ᠰᠣᠷᠭᠠᠯᠳᠠ ᠳᠠᠭᠠᠨ | ᠰᠢᠮᠳᠠᠭᠤᠯᠣᠨ ᠭᠡᠷᠡᠭᠵᠢᠬᠦᠯᠵᠣ ᠪᠠᠶᠢᠭᠰᠠᠨ ᠠᠵᠢ᠃ | ᠶᠡᠷᠡᠭᠡᠳ ᠣᠨ ᠤ ᠦᠶᠡ ᠳᠤ ᠮᠣᠩᠭᠤᠯ ᠭᠡᠣᠭᠡᠳ ᠤᠨ ᠳᠣᠳᠣᠷᠠ ᠬᠢᠳᠠᠳ ᠦᠭᠡᠨ ᠤ ᠣᠳᠬᠠ ᠮᠡᠳᠡᠬᠦ ᠦᠭᠡᠢ᠂ | ᠶᠠᠷᠢᠵᠣ ᠢᠯᠡᠳᠭᠡᠵᠣ ᠴᠢᠳᠠᠬᠤ ᠦᠭᠡᠢ ᠨᠢ ᠣᠯᠠᠩᠭᠢ ᠲᠤᠭᠠ ᠶᠢ ᠡᠵᠡᠯᠡᠵᠦ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠳᠡᠶᠢᠨᠬᠦ ᠮᠣᠩᠭᠤᠯ | ᠰᠣᠷᠭᠠᠭᠤᠯᠢ ᠳᠤ ᠬᠢᠳᠠᠳ ᠭᠡᠯᠡ ᠶᠢ ᠭᠤᠣᠯ ᠬᠢᠴᠢᠶᠡᠯ ᠳᠦᠷᠦᠯ ᠳᠤ ᠣᠷᠣᠭᠤᠯᠣᠭᠰᠠᠨ ᠠᠴᠠ ᠬᠢᠳᠠᠳ ᠬᠡᠯᠡᠨ ᠤ | ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠠᠵᠢᠯ ᠨᠢ ᠳᠦᠷᠭᠡᠨ ᠬᠦᠭᠵᠢᠭᠰᠡᠨ ᠠᠵᠢ᠃ ᠳᠡᠷᠡ ᠦᠶᠡ ᠳᠤ ᠶᠢᠨ ᠣᠯᠠᠭᠠᠨ ᠪᠠᠭᠰᠢ | ᠰᠣᠷᠣᠭᠴᠢᠳ ᠤᠨ ᠬᠢᠳᠠᠳ ᠭᠡᠯᠡᠨ ᠤ ᠬᠢᠷᠢ ᠭᠡᠮᠵᠢᠶᠡ ᠶᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠠᠷᠭᠠ ᠶᠢ ᠰᠦᠪᠡᠭᠴᠢᠯᠡᠵᠣ᠂ ᠢᠮᠠᠭᠳᠠ | ᠡᠬᠦᠨ ᠤ ᠳᠣᠬᠠᠢ ᠪᠣᠳᠣᠵᠣ ᠰᠡᠳᠬᠢᠵᠣ ᠶᠠᠪᠣᠳᠠᠭ ᠪᠠᠶᠢᠵᠠᠢ᠃ ᠭᠡᠣᠭᠡᠳ ᠲᠤ ᠦᠯᠢᠭᠡᠷ ᠶᠠᠷᠢᠵᠣ ᠬᠢᠳᠠᠳ ᠭᠡᠯᠡ | ᠰᠣᠷᠬᠤ ᠣᠷᠮᠠ ᠶᠢ ᠨᠢ ᠬᠦᠭᠵᠢᠭᠡᠬᠦ᠂ ᠣᠯᠠᠨ ᠣᠩᠰᠢᠭᠤᠯᠵᠣ᠂ ᠠᠷᠪᠢᠨ ᠶᠠᠷᠢᠭᠤᠯᠣᠨ ᠭᠡᠯᠡᠨ ᠤ ᠮᠡᠳᠡᠷᠡᠮᠵᠢ ᠶᠢ ᠨᠢ | ᠳᠡᠭᠡᠭᠰᠢᠯᠡᠬᠦᠯᠬᠦ ᠶᠢ ᠪᠠᠶᠢᠩᠭᠤ ᠰᠠᠨᠠᠭᠠᠴᠢᠯᠠᠵᠦ ᠰᠠᠳᠦᠵᠦ ᠬᠢᠭᠰᠡᠬᠡᠷ ᠢᠷᠡᠭᠰᠡᠨ ᠪᠠᠶᠢᠪᠠ᠃ ᠳᠡᠬᠦᠨ ᠤ ᠡᠨᠡᠬᠦ ᠠᠷᠭᠠ ᠨᠢ | ᠳᠡᠷᠡ ᠦᠶᠡ ᠳᠤ ᠦᠪᠣᠷ ᠮᠣᠩᠭᠤᠯ ᠣᠷᠣᠨ ᠤ ᠪᠠᠭᠠ ᠰᠣᠷᠭᠠᠭᠤᠯᠢ ᠶᠢᠨ ᠰᠣᠷᠣᠭᠴᠢᠳ ᠤᠨ ᠣᠩᠰᠢᠯᠭᠠ᠂ ᠦᠭᠡ | ᠶᠠᠷᠢᠶᠠᠨ ᠤ ᠴᠢᠳᠠᠪᠣᠷᠢ ᠶᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠳᠣᠷᠰᠢᠯᠳᠠ ᠳᠤ ᠶᠠᠭ ᠵᠣᠬᠢᠴᠠᠭᠰᠠᠨ ᠪᠠᠶᠢᠵᠡᠢ᠃ | 2002 ᠣᠨ ᠳᠤ ᠳᠡᠷᠡ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠵᠢᠭᠠᠬᠤ ᠶᠢ ᠰᠣᠳᠣᠯᠬᠤ ᠳᠠᠰᠤᠭ ᠲᠤ ᠰᠢᠯᠭᠠᠭᠳᠠᠨ | ᠣᠷᠣᠵᠣ᠂ ᠬᠢᠳᠠᠳ ᠭᠡᠯᠡᠨ ᠤ ᠵᠢᠭᠠᠨ ᠰᠣᠳᠣᠯᠣᠭᠴᠢ ᠪᠠᠷ ᠠᠵᠢᠯᠯᠠᠪᠠ᠃ ᠳᠡᠶᠢᠨᠬᠦ 18 ᠵᠢᠯ ᠤᠨ ᠳᠣᠷᠰᠢᠳᠠ | ᠵᠢᠭᠠᠬᠤ ᠶᠢ ᠰᠤᠳᠤᠯᠬᠤ ᠠᠵᠢᠯ ᠳᠤ ᠪᠠᠭᠰᠢᠨᠠᠷ ᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠭᠢᠷᠢ ᠭᠡᠮᠵᠢᠶᠡ ᠶᠢ ᠳᠡᠭᠡᠭᠰᠢᠯᠡᠬᠦᠯᠬᠦ᠂ | ᠭᠢᠴᠢᠶᠡᠯᠯᠡᠭᠡ ᠶᠢᠨ ᠦᠭᠡᠷᠡᠴᠢᠯᠡᠯᠳᠡ ᠶᠢ ᠠᠬᠢᠭᠤᠯᠬᠤ᠂ ᠭᠢᠴᠢᠶᠡᠯ ᠤᠨ ᠦᠷᠡ ᠪᠦᠳᠦᠮᠵᠢ ᠶᠢ ᠳᠡᠭᠡᠭᠰᠢᠯᠡᠬᠦᠯᠬᠦ᠂ | ᠰᠤᠷᠭᠠᠨ ᠭᠦᠮᠦᠵᠢᠯ ᠢ ᠰᠢᠯᠢᠳᠡᠭᠵᠢᠬᠦᠯᠬᠦ᠂ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠲᠡᠩᠴᠡᠭᠦᠷᠢᠳᠡᠢ᠂ ᠵᠣᠬᠢᠴᠠᠮᠵᠢᠳᠠᠢ ᠭᠦᠭᠵᠢᠭᠦ ᠶᠢ | ᠠᠭᠢᠭᠤᠯᠬᠤ ᠳᠠᠯᠠ ᠪᠠᠷ ᠰᠦᠪᠡᠭᠴᠢᠯᠡᠯᠳᠡ ᠬᠢᠵᠣ᠂ ᠪᠠᠭᠰᠢ ᠶᠢ ᠶᠠᠭᠠᠬᠢᠵᠣ ᠬᠦᠮᠣᠵᠢᠬᠦᠯᠪᠠᠯ ᠵᠤᠬᠢᠬᠤ᠂ ᠬᠢᠴᠢᠶᠡᠯ | ᠳᠦᠷᠦᠯ ᠤᠨ ᠵᠢᠭᠠᠬᠤ ᠠᠷᠭᠠ ᠶᠢᠨ ᠳᠣᠬᠠᠢ ᠰᠣᠳᠣᠯᠭᠠᠨ ᠬᠡᠮᠡᠨ ᠶᠠᠭᠠᠷᠠᠭᠰᠠᠭᠠᠷ ᠣᠳᠣ ᠪᠣᠯᠵᠣ ᠪᠣᠢ᠃ ᠬᠢᠳᠠᠳ | ᠭᠡᠯᠡᠨ ᠤ ᠵᠢᠭᠠᠬᠤ ᠶᠢ ᠰᠣᠳᠣᠯᠬᠤ ᠠᠵᠢᠯ ᠳᠤ ᠭᠠᠷᠮᠠᠭᠠᠶᠢᠯᠠᠵᠣ ᠶᠠᠪᠣᠬᠤ ᠳᠠᠭᠠᠨ ᠳᠡᠷᠡᠪᠡᠷ ᠬᠤᠰᠢᠭᠤ᠂ ᠠᠶᠢᠮᠠᠭ᠂ | ᠣᠷᠣᠨ ᠤ ᠬᠢᠴᠢᠶᠠᠯ ᠳᠦᠷᠦᠯ ᠤᠨ ᠣᠷᠣᠯᠳᠣᠭᠠᠨ ᠤ ᠬᠢᠨᠠᠭᠴᠢ ᠪᠣᠯᠬᠤ᠂ ᠳᠣᠷᠰᠢᠯᠳᠠ ᠰᠣᠳᠣᠯᠭᠠᠨ ᠤ ᠠᠵᠢᠯ ᠢ | ᠬᠦᠳᠦᠯᠣᠨ ᠵᠢᠯᠣᠭᠤᠳᠬᠤ᠂ ᠪᠠᠭᠰᠢ ᠶᠢ ᠳᠠᠪᠳᠠᠨ ᠪᠣᠯᠪᠠᠰᠣᠷᠠᠭᠤᠯᠬᠤ ᠪᠠ ᠨᠡᠭᠡᠭᠡᠯᠳᠡ ᠶᠢᠨ ᠬᠢᠴᠢᠶᠡᠯ ᠬᠢᠬᠦ | ᠡᠬᠦᠷᠭᠡ ᠶᠢ ᠣᠯᠠᠨᠳᠠ ᠬᠦᠢᠴᠡᠳᠭᠡᠭᠰᠡᠨ ᠪᠠᠶᠢᠯᠠ᠃ | ᠣᠶᠢᠷᠠ ᠶᠢᠨ ᠵᠢᠯ ᠳᠤ ᠶᠢᠨ ᠣᠯᠠᠭᠠᠨ ᠪᠠᠭᠰᠢ ᠶᠢᠨ ᠬᠠᠮᠤᠭ ᠤᠨ ᠬᠠᠨᠣᠮᠵᠢᠳᠠᠢ᠂ ᠠᠮᠵᠢᠯᠳᠠ ᠣᠯᠣᠭᠰᠠᠨ | ᠠᠵᠢᠯ ᠨᠢ ᠳᠡᠬᠦᠨ ᠤ ᠦᠪᠡᠷ ᠤᠨ ᠬᠢᠨᠢ ᠰᠡᠳᠣᠵᠣ ᠭᠠᠷᠭᠠᠭᠰᠠᠨ ᠬᠤᠷᠰᠢᠨ ᠰᠣᠷᠣᠯᠴᠠᠬᠤ ᠵᠢᠭᠠᠬᠤ ᠠᠷᠭᠠ ᠨᠢ | ᠲᠦᠭᠡᠮᠡᠯᠵᠢᠬᠦᠯᠦᠭᠳᠡᠭᠰᠡᠨ ᠶᠠᠪᠤᠳᠠᠯ ᠪᠠᠶᠢᠯᠠ᠃ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠳᠣᠮᠳᠠᠳᠣ ᠪᠠᠭᠠ ᠰᠣᠷᠭᠠᠭᠤᠯᠢ ᠶᠢᠨ | ᠬᠢᠳᠠᠳ ᠭᠡᠯᠡᠨ ᠤ ᠭᠤᠣᠯᠯᠠᠭᠴᠢ ᠪᠠᠭᠰᠢ ᠪᠠᠷ ᠪᠦᠷᠢᠯᠳᠦᠭᠰᠡᠨ ︽ᠨᠡᠷᠡᠳᠣ ᠪᠠᠭᠰᠢ ᠶᠢᠨ ᠬᠠᠮᠳᠣᠯᠢᠭ︾ ᠠᠵᠢᠯ ᠤᠨ | ᠦᠷᠦᠭᠡ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠠᠴᠠ ᠨᠠᠰᠢ ᠳᠡᠬᠦᠨ ᠤ ᠡᠨᠡᠬᠦ ᠵᠢᠭᠠᠬᠤ ᠠᠷᠭᠠ ᠶᠢ ᠭᠡᠷᠡᠭᠯᠡᠵᠣ᠂ ᠪᠠᠭᠰᠢᠨᠠᠷ ᠲᠠᠢ ᠬᠠᠮᠳᠣ | ᠰᠣᠷᠣᠭᠴᠢᠳ ᠤᠨ ᠰᠣᠷᠣᠯᠭᠠ ᠶᠢᠨ ᠬᠢᠷᠢ ᠪᠦᠳᠦᠮᠵᠢ ᠶᠢ ᠭᠡᠷᠬᠢᠨ ᠳᠡᠭᠡᠭᠰᠢᠯᠡᠬᠦᠯᠬᠦ ᠳᠣᠬᠠᠢ ᠳᠣᠷᠰᠢᠯᠳᠠ ᠶᠢᠨ ᠰᠡᠳᠣᠪ | ᠬᠢᠵᠣ᠂ ᠪᠠᠭᠰᠢᠨᠠᠷ ᠢ ᠬᠠᠮᠵᠢᠵᠣ ᠵᠢᠭᠠᠬᠤ ᠠᠷᠭᠠ ᠶᠢᠨ ᠳᠠᠯᠠ ᠳᠤ ᠶᠡᠭᠡᠭᠡᠨ ᠲᠡᠭᠡᠭᠰᠢᠯᠡᠯᠳᠡ ᠶᠢ ᠠᠪᠴᠢᠷᠠᠭᠰᠠᠨ ᠪᠠᠶᠢᠪᠠ᠃ | ᠳᠣᠷᠰᠢᠯᠳᠠ ᠨᠢ ᠵᠢᠭᠠᠨ ᠰᠣᠷᠭᠠᠯᠳᠠ ᠳᠤ ᠣᠷᠣᠰᠢᠵᠣ ᠪᠠᠶᠢᠭᠠ ᠠᠰᠠᠭᠤᠳᠠᠯ ᠢ ᠳᠣᠷᠠᠳᠴᠣ᠂ ᠠᠰᠠᠭᠤᠳᠠᠯ ᠢ ᠵᠠᠳᠠᠯᠵᠣ᠂ | ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠪᠠᠨ ᠳᠦᠰᠦᠪᠯᠡᠨ ᠭᠠᠷᠭᠠᠵᠣ᠂ ᠰᠣᠳᠣᠯᠭᠠᠨ ᠬᠢᠬᠦ᠂ ᠭᠤᠶᠣᠴᠢᠯᠠᠯᠳᠠ ᠬᠢᠬᠦ | ᠵᠡᠷᠭᠡ ᠠᠷᠭᠠ ᠪᠠᠷ ᠶᠠᠪᠣᠭᠳᠠᠳᠠᠭ ᠠᠵᠢ᠃ ᠡᠳᠡᠭᠡᠷ ᠠᠵᠢᠯ ᠤᠳ ᠨᠢ ᠪᠦᠷ ᠪᠠᠭᠰᠢᠨᠠᠷ ᠤᠨ ᠠᠵᠢᠯ ᠤᠨ ᠭᠠᠳᠠᠭᠤᠷᠬᠢ | ᠴᠠᠭ ᠢ ᠠᠰᠢᠭᠯᠠᠳᠠᠭ ᠠᠴᠠ ᠳᠦᠢᠯ ᠤᠨ ᠶᠠᠳᠠᠷᠠᠯᠳᠠᠢ ᠮᠦᠷᠳᠡᠭᠡᠨ ᠴᠢᠷᠮᠠᠶᠢᠯᠭᠠ ᠵᠠᠷᠣᠴᠠᠭᠤᠯᠳᠠᠭ ᠠᠵᠢᠯ ᠠᠵᠢ᠃ ᠶᠢᠨ | ᠣᠯᠠᠭᠠᠨ ᠪᠠᠭᠰᠢ ᠶᠡᠷᠣ ᠠᠴᠠ ᠬᠠᠯᠠᠰᠢᠷᠠᠯ ᠦᠭᠡᠢ ᠰᠠᠨᠠᠯ ᠢᠶᠠᠨ ᠦᠭᠴᠣ᠂ ᠵᠢᠭᠠᠨ ᠵᠢᠯᠤᠭᠤᠳᠤᠭᠰᠠᠭᠠᠷ ᠣᠳᠣ | ᠪᠣᠯᠬᠤ ᠳᠤ ᠬᠦᠮᠣᠵᠢᠬᠦᠯᠦᠭᠰᠡᠨ ᠪᠠᠭᠰᠢ ᠨᠠᠷ ᠨᠢ ᠰᠢᠯᠢᠳᠡᠭ ᠪᠠᠭᠰᠢ ᠶᠢᠨ ᠡᠩᠨᠡᠭᠡᠨ ᠳᠤ ᠶᠠᠪᠤᠵᠠᠭᠠᠵᠦ ᠪᠤᠢ᠃ ᠶᠢᠨ | ᠣᠯᠠᠭᠠᠨ ᠪᠠᠭᠰᠢ ᠶᠢᠨ ᠭᠡᠯᠡᠬᠦ ᠪᠠᠷ ᠬᠤᠷᠰᠢᠨ ᠰᠣᠷᠣᠯᠴᠠᠯᠭᠠ ᠳᠤ ᠰᠣᠷᠣᠭᠴᠢᠳ ᠲᠦᠢᠯ ᠤᠨ ᠣᠷᠮᠠ ᠪᠠᠭ᠋ᠠᠳᠠᠢ | ᠮᠦᠷᠳᠠᠭᠡᠨ ᠳᠡᠷᠡ ᠨᠢ ᠵᠦᠪᠭᠡᠨ ᠰᠣᠷᠣᠭᠴᠢᠳ ᠤᠨ ᠰᠤᠷᠤᠯᠴᠠᠯᠭᠠ ᠶᠢ ᠠᠬᠢᠭᠤᠯᠬᠤ ᠪᠢᠰᠢ᠂ ᠪᠠᠰᠠ ᠪᠦᠯᠬᠦᠮᠳᠡᠯ᠂ | ᠪᠣᠰᠣᠳ ᠢ ᠬᠦᠨᠳᠦᠳᠭᠡᠬᠦ᠂ ᠠᠴᠢᠯᠠᠯ ᠤᠨ ᠰᠡᠳᠬᠢᠯᠭᠡ ᠶᠢ ᠪᠣᠢ ᠪᠣᠯᠭᠠᠨ᠂ ᠪᠣᠰᠣᠳ ᠢ ᠬᠠᠪᠰᠣᠷᠬᠤ᠂ ᠠᠮᠢᠳᠣᠷᠠᠯ | ᠰᠣᠷᠣᠯᠭᠠ ᠪᠠᠨ ᠠᠪᠴᠠᠯᠳᠤᠭᠤᠯᠬᠤ᠂ ᠰᠣᠷᠣᠭᠴᠢ ᠶᠢᠨ ᠰᠡᠳᠬᠢᠬᠦᠢ ᠶᠢ ᠬᠦᠭᠵᠢᠩᠬᠦᠢ ᠪᠤᠯᠭᠠᠬᠤ ᠵᠡᠷᠭᠡ ᠤᠯᠠᠨ ᠰᠠᠶᠢᠨ | ᠲᠠᠯᠠ ᠲᠠᠢ ᠭᠡᠯᠡ᠃ ᠡᠨᠡᠬᠦ ᠠᠵᠢᠯ ᠨᠢ ᠡᠬᠦᠨ ᠢᠶᠠᠷ ᠵᠣᠭᠰᠣᠬᠤ ᠦᠭᠡᠢ᠂ ᠳᠡᠷᠡᠪᠡᠷ ᠣᠷᠣᠨ ᠤ ᠳᠣᠳᠣᠷᠠ ᠣᠷᠳᠣᠰ᠂ | ᠰᠢᠯᠢ ᠶᠢᠨ ᠭᠤᠣᠯ᠂ ᠲᠦᠩᠯᠢᠶᠣᠣ ᠭᠡᠬᠦ ᠵᠡᠷᠭᠡ ᠣᠯᠠᠨ ᠭᠠᠵᠠᠷ ᠢᠶᠠᠷ ᠮᠡᠷᠭᠡᠵᠢᠯᠳᠡᠨ ᠢᠶᠠᠷ ᠣᠷᠢᠭᠳᠠᠨ ᠶᠠᠷᠢᠶᠠ | ᠢᠯᠡᠳᠭᠡᠯ᠂ ᠪᠣᠯᠪᠠᠰᠣᠷᠠᠯ ᠬᠢᠵᠣ᠂ ᠦᠪᠡᠷ ᠤᠨ ᠢᠶᠠᠨ ᠬᠤᠷᠰᠢᠨ ᠰᠣᠷᠣᠯᠴᠠᠬᠤ ᠠᠷᠭᠠ ᠪᠠᠨ ᠳᠦᠭᠡᠮᠡᠯᠵᠢᠬᠦᠯᠵᠣ᠂ | ᠰᠢᠯᠢ ᠶᠢᠨ ᠭᠤᠣᠯ ᠳᠤ ᠳᠣᠰᠬᠠᠢ ᠭᠤᠷᠪᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠬᠦᠷᠴᠣ ᠨᠡᠷᠡᠳᠣ ᠪᠠᠭᠰᠢ ᠶᠢ ᠬᠦᠮᠣᠵᠢᠬᠦᠯᠵᠣ᠂ | ᠳᠣᠬᠠᠢ ᠶᠢᠨ ᠭᠠᠵᠠᠷ ᠲᠤ ᠶᠡᠭᠡᠭᠡᠨ ᠨᠦᠯᠦᠭᠡ ᠶᠢ ᠠᠪᠴᠢᠷᠠᠨ᠂ ᠭᠡᠴᠢᠨᠡᠨ ᠵᠢᠯ ᠢᠶᠠᠷ ᠵᠢᠳᠬᠦᠵᠣ ᠬᠢᠭᠰᠡᠨ ᠠᠵᠢᠯ ᠤᠨ | ᠦᠷᠠ ᠨᠦᠯᠦᠭᠡ ᠨᠢ ᠳᠡᠯᠡᠷᠡᠭᠰᠡᠭᠡᠷ ᠪᠠᠶᠢᠵᠣ ᠪᠣᠰᠣᠳ ᠲᠤ ᠮᠡᠳᠡᠷᠡᠭᠳᠡᠨ ᠠᠮᠵᠢᠯᠳᠠ ᠳᠦᠬᠦᠷᠡᠩ ᠶᠠᠪᠣᠨᠠ᠃ ᠨᠡᠷᠡᠳᠣ | ᠪᠠᠭᠰᠢ ᠶᠢ ᠬᠦᠮᠣᠵᠢᠬᠦᠯᠬᠦ ᠨᠢ ᠳᠡᠬᠦᠨ ᠤ ᠠᠵᠢᠯ ᠤᠨ ᠬᠢᠨᠢ ᠬᠠᠮᠤᠭ ᠤᠨ ᠶᠡᠭᠡ ᠵᠣᠷᠢᠭᠵᠢᠭᠤᠯᠣᠯ ᠪᠠᠶᠢᠵᠣ᠂ ᠶᠠᠭᠠᠬᠢᠵᠣ | ᠶᠠᠳᠠᠷᠠᠵᠣ ᠵᠦᠳᠡᠷᠡᠭᠰᠡᠨ ᠴᠦ ᠪᠠᠭᠰᠢ ᠬᠦᠮᠣᠵᠢᠬᠦᠯᠬᠦ ᠠᠵᠢᠯ ᠢᠶᠠᠨ ᠬᠠᠮᠤᠭ ᠠᠴᠠ ᠴᠢᠨᠠᠷᠳᠠᠢ ᠬᠢᠬᠦ ᠶᠢ ᠪᠣᠳᠣᠵᠣ᠂ ᠴᠠᠭ | ᠦᠶᠡ ᠶᠢ ᠳᠠᠭᠠᠵᠣ ᠶᠠᠭᠠᠬᠢᠵᠣ ᠬᠢᠪᠡᠯ ᠵᠣᠬᠢᠰᠳᠠᠢ ᠪᠣᠯᠬᠤ ᠪᠠᠨ ᠡᠳᠣᠷᠵᠢᠨ ᠰᠡᠳᠬᠢᠵᠣ ᠪᠣᠳᠣᠯᠢᠵᠣ ᠶᠠᠪᠣᠳᠠᠭ ᠰᠠᠨ᠃ | ᠪᠠᠭᠰᠢ ᠬᠦᠮᠣᠵᠢᠬᠦᠯᠬᠦ ᠳᠤ ᠨᠢᠭᠡᠨ ᠰᠠᠶᠢᠨ ᠪᠠᠭᠰᠢ ᠶᠢᠨ ᠪᠠᠶᠢᠭᠰᠠᠨ ᠤ ᠰᠠᠭᠤᠷᠢᠨ ᠲᠡᠭᠡᠷᠡ ᠪᠠᠰᠠ ᠰᠢᠯᠢᠳᠡᠭ ᠵᠢᠭᠠᠨ | ᠰᠣᠳᠣᠯᠣᠭᠴᠢ ᠪᠠᠶᠢᠬᠤ ᠭᠡᠷᠡᠭᠳᠠᠢ᠂ ᠳᠡᠳᠡ ᠪᠠᠭᠰᠢ ᠶᠢ ᠬᠦᠮᠣᠵᠢᠬᠦᠯᠵᠣ᠂ ᠪᠠᠭᠰᠢ ᠨᠢ ᠰᠣᠷᠣᠭᠴᠢ ᠶᠢ ᠬᠦᠮᠣᠵᠢᠬᠦᠯᠳᠡᠭ᠂ | ᠰᠠᠶᠢᠨ ᠪᠠᠭᠰᠢ ᠶᠢ ᠬᠦᠮᠣᠵᠢᠬᠦᠯᠪᠡᠯ ᠦᠨᠡᠨᠬᠦ ᠰᠠᠶᠢᠨ ᠰᠣᠷᠣᠭᠴᠢ ᠶᠢ ᠬᠦᠮᠣᠵᠢᠬᠦᠯᠵᠣ ᠴᠢᠳᠠᠨᠠ᠃ | ᠶᠢᠨ ᠣᠯᠠᠭᠠᠨ ᠪᠠᠭᠰᠢ ᠳᠣᠮᠳᠠᠳᠣ ᠰᠣᠷᠭᠠᠭᠤᠯᠢ ᠶᠢᠨ ᠳᠡᠭᠡᠳᠣ ᠳᠡᠰ ᠤᠨ ᠪᠠᠭᠰᠢ᠂ ᠦᠨᠳᠣᠰᠣᠳᠠᠨ ᠤ | ᠰᠣᠷᠭᠠᠨ ᠬᠦᠮᠣᠵᠢᠯ ᠤᠨ ᠣᠶᠢᠯᠡᠰ ᠲᠤ ᠬᠦᠴᠣ ᠪᠠᠨ ᠡᠷᠬᠦᠵᠣ ᠶᠠᠪᠣᠬᠤ ᠳᠠᠭᠠᠨ ᠣᠷᠢᠳ ᠬᠤᠵᠢᠳ ᠪᠦᠬᠦ ᠣᠷᠣᠨ ᠤ | ᠰᠢᠯᠢᠳᠡᠭ ᠬᠤᠰᠢᠭᠤᠴᠢ ᠠᠩᠭᠢ ᠶᠢᠨ ᠶᠡᠭᠡ ᠠᠩᠭᠢ ᠶᠢᠨ ᠬᠠᠪᠰᠣᠷᠣᠨ ᠵᠢᠯᠣᠭᠤᠳᠣᠭᠴᠢ᠂ ᠬᠤᠰᠢᠭᠤ ᠱᠠᠳᠣᠨ ᠤ | ᠰᠣᠷᠭᠠᠨ ᠬᠦᠮᠣᠵᠢᠯ ᠤᠨ ᠳᠡᠷᠢᠬᠦᠨ ᠤ ᠠᠵᠢᠯᠳᠠᠨ ᠢᠶᠠᠷ ᠬᠦᠬᠢᠬᠦᠯᠦᠭᠳᠡᠵᠣ ᠦᠩᠭᠡᠷᠡᠪᠡ᠃ 2006 ᠣᠨ ᠳᠤ | ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠪᠠᠭᠠ ᠰᠣᠷᠭᠠᠭᠤᠯᠢ ᠶᠢᠨ ᠬᠢᠳᠡᠳ ᠭᠡᠯᠡᠨ ᠤ ᠵᠢᠭᠠᠨ ᠰᠣᠷᠭᠠᠯᠳᠠ ᠶᠢᠨ | ᠦᠭᠡᠷᠡᠴᠢᠯᠡᠯᠳᠡ ᠶᠢᠨ ᠦᠷᠠ ᠪᠦᠳᠦᠮᠵᠢ ᠶᠢᠨ ᠱᠠᠩᠨᠠᠯ ᠢ ᠳᠣᠰᠴᠣ᠂ 2008 ᠣᠨ ᠳᠤ ᠣᠷᠣᠨ ᠤ ᠳᠡᠰ ᠤᠨ ᠵᠢᠭᠠᠨ | ᠰᠣᠷᠭᠠᠬᠤ ᠴᠢᠳᠠᠪᠣᠷᠢᠳᠠᠨ ᠢᠶᠠᠷ ᠦᠨᠡᠯᠡᠭᠳᠡᠵᠡᠢ᠃ 2010 ᠣᠨ ᠳᠤ ᠣᠷᠣᠨ ᠤ ᠬᠢᠴᠢᠶᠡᠯ ᠳᠦᠷᠦᠯ ᠤᠨ ᠭᠤᠣᠯ | ᠭᠡᠰᠢᠬᠦᠨ ᠢᠶᠠᠷ ᠰᠣᠩᠭᠤᠭᠳᠠᠵᠣ᠂ 2014 ᠣᠨ ᠳᠤ ᠪᠦᠬᠦ ᠣᠷᠣᠨ ᠤ ᠬᠢᠳᠠᠳ ᠭᠡᠯᠡᠨ ᠤ ᠬᠢᠴᠢᠶᠡᠯ ᠳᠦᠷᠦᠯ ᠤᠨ | ᠳᠠᠭᠠᠭᠤᠯᠣᠭᠴᠢ ᠪᠣᠯᠣᠭᠰᠠᠨ ᠶᠤᠮ᠃ ᠣᠳᠣᠬᠠᠨ ᠳᠤ ᠪᠦᠬᠦ ᠣᠷᠣᠨ ᠤ ᠮᠣᠩᠭᠤᠯ ᠢᠶᠠᠷ ᠬᠢᠴᠢᠶᠡᠯᠯᠡᠬᠦ ᠪᠠᠭᠠ | ᠰᠣᠷᠭᠠᠭᠤᠯᠢ ᠶᠢᠨ ᠬᠢᠳᠠᠳ ᠭᠡᠯᠡᠨ ᠤ ︽ᠨᠡᠷᠡᠳᠣ ᠪᠠᠭᠰᠢ ᠶᠢᠨ ᠬᠠᠮᠳᠣᠯᠢᠭ︾ ᠤᠨ ᠬᠤᠷᠰᠢᠨ ᠠᠵᠢᠯᠯᠠᠭᠴᠢ | ᠮᠦᠷᠳᠡᠭᠡᠨ ᠳᠣᠭᠤᠶᠢᠯᠠᠩ ᠤᠨ ᠳᠠᠷᠤᠭᠠ᠂ ᠳᠣᠰᠢᠶᠠᠯ ᠬᠠᠪᠰᠣᠷᠭᠠᠭᠰᠠᠨ ᠵᠢᠭᠠᠬᠤ ᠶᠢ ᠰᠣᠳᠣᠯᠣᠭᠴᠢ ᠵᠡᠷᠭᠡ ᠡᠬᠦᠷᠭᠡ | ᠳᠣᠰᠢᠶᠠᠯ ᠢᠶᠠᠷ ᠣᠷᠢᠭᠳᠠᠵᠣ᠂ ᠪᠦᠬᠦ ᠣᠯᠣᠰ ᠤᠨ ᠮᠣᠩᠭᠤᠯ ᠰᠣᠷᠬᠤ ᠪᠢᠴᠢᠭ ᠬᠢᠨᠠᠬᠤ ᠮᠡᠷᠭᠡᠵᠢᠯᠳᠡᠨ ᠪᠠ ᠪᠦᠬᠦ | ᠣᠷᠣᠨ ᠤ ᠮᠣᠩᠭᠤᠯ ᠢᠶᠠᠷ ᠬᠢᠴᠢᠶᠡᠯᠯᠡᠬᠦ ᠪᠠᠭᠠ ᠰᠣᠷᠭᠠᠭᠤᠯᠢ ᠶᠢᠨ ᠬᠢᠳᠠᠳ ᠭᠡᠯᠡᠨ ᠤ ᠰᠢᠨᠡ ᠬᠢᠴᠢᠶᠡᠯ ᠤᠨ | ᠦᠭᠡᠷᠡᠴᠢᠯᠡᠯᠳᠡ ᠶᠢᠨ ᠵᠢᠯᠣᠭᠤᠳᠣᠭᠴᠢ ᠪᠠᠷ ᠣᠷᠢᠭᠳᠠᠨ ᠠᠵᠢᠯᠯᠠᠵᠣ ᠪᠣᠢ᠃ | ︵ᠵᠣᠬᠢᠶᠠᠭᠴᠢ᠄ ᠨᠠᠷᠠᠨᠠ ᠪᠣᠯᠣᠷᠰᠣᠪᠣᠳ︶ | | |