| ᠬᠦᠳᠡᠭᠡ — ᠪᠤᠶᠢᠲᠤᠭ ᠤᠨ ᠮᠦᠷ ᠲᠠᠢ ᠭᠠᠵᠠᠷ ᠤᠰᠤᠨ | ᠬᠦᠳᠡᠭᠡ — ᠡᠵᠢ ᠶᠢᠨ ᠮᠢᠨᠢ ᠠᠶᠠᠯᠤᠭᠰᠠᠨ ᠪᠦᠪᠠᠢ ᠶᠢᠨ ᠳᠠᠭᠤᠤ | ᠬᠦᠳᠡᠭᠡ — ᠠᠪᠤ ᠶᠢᠨ ᠮᠢᠨᠢ ᠲᠡᠮᠡᠭᠡᠨ ᠠᠴᠠ ᠪᠠᠨ ᠢᠷᠡᠭᠦ ᠪᠠᠷᠠ | ᠬᠦᠳᠡᠭᠡ — ᠨᠠᠰᠤᠨ ᠤ ᠮᠢᠨᠢ ᠦᠯᠢᠭᠡᠷ ᠤᠳ ᠤᠨ ᠤᠷᠤᠰᠢᠯ ᠁ | | | ᠲᠡᠪᠲᠡᠷᠢᠬᠦ ᠰᠢᠪᠠᠭᠤᠳ ᠤᠨ ᠵᠢᠭᠦᠷ ᠠᠴᠠ ᠲᠡᠭᠷᠢ ᠶᠢᠨ ᠦᠩᠭᠡ ᠪᠤᠲᠠᠷᠠᠬᠤ ᠨᠢ ᠬᠦᠳᠡᠭᠡ ᠶᠤᠮ | ᠲᠡᠭᠷᠢ ᠶᠢᠨ ᠦᠩᠭᠡ ᠲᠠᠢ ︽ᠲᠤᠪᠴᠢᠶᠠᠨ︾ ᠳᠤ ᠠᠳᠤᠭᠤᠳ ᠦᠤᠷᠰᠡᠬᠦ ᠨᠢ ᠬᠦᠳᠡᠭᠡ ᠶᠤᠮ | ᠠᠳᠤᠭᠤᠳ ᠦᠤᠷᠰᠡᠬᠦ ᠠᠮᠤᠷ ᠠᠮᠤᠭᠤᠯᠠᠩ ᠤᠨ ᠲᠠᠯᠠ ᠶᠢᠨ ᠠᠨᠢᠷ ᠨᠢ ᠴᠤ ᠬᠦᠳᠡᠭᠡ ᠶᠤᠮ | ᠠᠮᠤᠭᠤᠯᠠᠩ ᠲᠠᠯᠠ ᠶᠢᠨ ᠠᠨᠢᠷ ᠠᠴᠠ ︽ᠴᠢᠩᠬᠢᠰ︾ ᠲᠠᠭᠤ ᠲᠠᠢ ᠰᠢᠪᠠᠭᠤ ᠵᠢᠷᠭᠢᠬᠦ ᠨᠢ ᠴᠤ ᠬᠦᠳᠡᠭᠡ ᠶᠤᠮ | | | ᠦᠷᠯᠦᠭᠡ ᠶᠢᠨ ᠨᠠᠷᠠ ᠡᠷᠲᠡᠯᠡᠵᠣ ᠪᠤᠰᠬᠤ ᠨᠤᠲᠤᠭ | ᠦᠳᠡᠰᠢ ᠶᠢᠨ ᠪᠦᠷᠦᠢ ᠬᠤᠶᠢᠰᠢᠯᠠᠵᠤ ᠲᠠᠲᠠᠷᠠᠬᠤ ᠮᠢᠨᠤ ᠬᠦᠳᠡᠭᠡ | ᠨᠡᠭᠦᠳᠡᠯ ᠤᠨ ᠴᠤᠪᠤᠭᠠ ᠵᠡᠷᠭᠡᠯᠭᠡᠨᠲᠥᠭᠡᠳ ᠬᠤᠯᠠᠳᠠᠬᠤ ᠭᠤᠪᠢ | ᠤᠯᠠᠷᠢᠯ ᠤᠨ ᠪᠤᠱᠤᠭᠠ ᠤᠷᠦ᠋ᠢᠳᠠᠵᠤ ᠨᠡᠭᠡᠭᠡᠭᠳᠡᠬᠦ ᠮᠢᠨᠤ ᠬᠦᠳᠡᠭᠡ | | | ᠪᠤᠷᠭᠠᠰᠤᠨ ᠮᠤᠷᠢ ᠲᠠᠢ ᠬᠦᠣ ᠲᠦᠷᠦᠭᠡᠨ ᠳᠡᠭᠡᠷᠡ ᠪᠠᠨ ᠦᠨᠳᠡᠶᠢᠵᠣ ᠪᠤᠰᠤᠭᠰᠠᠨ ᠰᠢᠷᠤᠢ | ᠴᠢᠳᠦᠷ ᠵᠠᠩᠭᠢᠳᠤᠭᠰᠠᠨ ᠡᠪᠦᠭᠡᠳ ᠨᠢ ᠭᠤᠯᠤᠮᠲᠠ ᠪᠠᠨ ᠮᠠᠨᠠᠵᠤ ᠦᠯᠡᠳᠡᠭᠰᠡᠨ ᠮᠢᠨᠤ ᠬᠦᠳᠡᠭᠡ | ᠡᠷᠳᠡᠮ ᠤᠨ ᠠᠶᠠᠨ ᠠᠴᠠ ᠡᠭᠡᠵᠣ ᠢᠷᠡᠬᠦ ᠳᠤᠨᠢ ᠴᠢᠯᠠᠭᠤᠳ ᠨᠢ ᠵᠦᠭᠡᠯᠡᠷᠡᠵᠣ ᠣᠬᠲᠣᠬᠤ ᠠᠭᠤᠯᠠ | ᠡᠯᠢᠭᠡ ᠪᠠᠨ ᠨᠦᠷᠢᠵᠦ ᠡᠷᠬᠡ ᠴᠢᠯᠦᠭᠡ ᠬᠠᠶᠢᠷᠠᠯᠠᠬᠤ ᠡᠯᠡᠰᠦ ᠮᠠᠩᠬᠠ ᠮᠢᠨᠤ ᠬᠦᠳᠡᠭᠡ | | | ᠰᠢᠯᠦᠭ ᠢᠶᠠᠷ ᠳᠠᠶᠢᠯᠠᠬᠤ ᠳᠤᠨᠢ ᠡᠪᠡᠰᠦ ᠨᠢ ᠪᠦᠵᠢᠭᠯᠡᠳᠡᠭ ᠲᠠᠯᠠ | ᠲᠠᠭᠤᠨ ᠳᠤ ᠤᠶᠠᠷᠠᠬᠤ ᠪᠠᠷ ᠡᠭᠦᠯᠡ ᠨᠢ ᠨᠢᠯᠪᠤᠰᠤᠷᠠᠳᠠᠭ ᠮᠢᠨᠤ ᠬᠦᠳᠡᠭᠡ | ᠦᠨᠡᠭᠡᠴᠢᠯᠡᠭᠰᠡᠨ ᠵᠡᠭᠦᠳᠦ ᠨᠢ ᠦᠷᠭᠦᠯᠵᠢᠯᠡᠬᠦ ᠪᠠᠷ ᠤᠳᠤᠳ ᠨᠢ ᠬᠡᠶᠢᠳᠡᠭ ᠲᠡᠭᠷᠢ | ᠦᠷ ᠴᠠᠶᠢᠬᠤ ᠪᠠᠷ ᠡᠷᠦᠬᠡ ᠪᠠᠨ ᠲᠠᠲᠠᠳᠠᠬ ᠮᠤᠩᠭᠤᠯ ᠶᠤᠰᠤ ᠮᠢᠨᠤ ᠬᠦᠳᠡᠭᠡ | | | ᠰᠦᠷᠦᠭ ᠠᠴᠠ ᠪᠠᠨ ᠲᠤᠭᠤᠷᠢᠬᠤ ᠦᠨᠦᠴᠢᠨ ᠵᠡᠭᠡᠷᠡ ᠶᠢᠨ ᠲᠠᠬᠰᠢᠬ᠋ᠠ | ᠰᠦᠰᠦᠭᠯᠡᠵᠣ ᠮᠦᠷᠭᠦᠬᠦ ᠡᠮᠡᠭᠡ ᠶᠢᠨ ᠨᠠᠮᠠᠨᠴᠢᠯᠠᠯ ᠮᠢᠨᠤ ᠬᠦᠳᠡᠭᠡ | ᠰᠠᠷᠠᠨ ᠤ ᠬᠡᠷᠡᠯ ᠳᠤ ᠬᠡᠯᠲᠣᠷᠢᠬᠦ ᠬ᠋ᠠᠭᠴᠠ ᠬᠤᠷᠤᠬᠠᠢ ᠶᠢᠨ ᠭᠦᠶᠦᠳᠡᠯ | ᠰᠠᠭᠠᠬᠠᠯᠲᠠ ᠶᠢᠨ ᠲᠣᠯᠮᠠ ᠳᠤ ᠲᠣᠷᠠᠯᠠᠬᠰᠠᠨ ᠭᠡᠨᠡᠨ ᠨᠠᠰᠤ ᠮᠢᠨᠤ ᠬᠦᠳᠡᠭᠡ | | | ᠪᠦᠰᠡᠭᠦᠢ ᠬᠦᠮᠦᠨ ᠤ ᠬᠦᠣᠰᠡᠯᠡᠭᠡᠳ ᠠᠮᠠᠯᠠᠭᠤᠯᠣᠬᠰᠠᠨ ᠠᠮᠢ | ᠪᠦᠲᠦᠨ ᠲᠡᠤᠬᠡ ᠶᠢᠨ ᠦᠷᠭᠦᠯᠵᠢᠯᠡᠯ ᠮᠢᠨᠤ ᠬᠦᠳᠡᠭᠡ | ᠪᠤᠲᠤᠭᠤ ᠡᠬᠡ ᠪᠠᠨ ᠮᠦᠷᠦᠭᠡᠰᠴᠣ ᠵᠡᠭᠦᠳᠦᠯᠡᠭᠰᠡᠨ | ᠰᠦᠨ ᠢᠪᠢᠯᠭᠡ ᠲᠠᠢ ᠵᠠᠮ ᠮᠢᠨᠤ ᠬᠦᠳᠡᠭᠡ | | | ᠶᠠᠯᠢᠮ ᠦᠬᠡᠢ ᠭᠤᠨᠢᠭ ᠢᠶᠠᠨ ᠦᠷᠭᠦᠭᠡᠬᠦ ᠮᠡᠲᠦ | ᠶᠠᠪ ᠶᠠᠭᠠᠨ ᠴᠡᠴᠡᠭᠡᠰ ᠢ ᠰᠡᠳᠬᠢᠯ ᠳᠡᠭᠡᠨ ᠤᠷᠭᠤᠭᠤᠯᠬᠤ ᠮᠢᠨᠤ ᠬᠦᠳᠡᠭᠡ | ᠠᠯᠮᠠᠶᠢᠷᠠᠵᠤ ᠮᠠᠨᠳᠤᠬᠤ ᠰᠠᠷᠠᠨ ᠳᠤ ᠵᠡᠭᠦᠭᠳᠡᠬᠦ ᠮᠡᠲᠦ | ᠠᠮᠤᠷᠯᠢᠩᠭᠤᠢ ᠤᠷᠤᠰᠢᠬᠤ ᠡᠭᠡ ᠤᠷᠤᠨ ᠮᠢᠨᠤ ᠬᠦᠳᠡᠭᠡ | | | ᠵᠢᠷᠦᠬᠡᠨ ᠳᠡᠭᠡᠨ ᠵᠠᠯᠪᠠᠷᠢᠭᠰᠠᠨ ᠬᠤᠶᠠᠷ ᠪᠤᠭᠤᠷᠤᠯ ᠮᠢᠨᠢ | ᠵᠡᠯᠢᠭᠦᠳ ᠠᠮᠢᠳᠤᠷᠠᠬᠤ ᠤᠷᠤᠨ ᠵᠠᠢ ᠮᠢᠨᠤ ᠬᠦᠳᠡᠭᠡ | ᠲᠡᠷᠡᠨ ᠳᠡᠭᠡᠨ ᠪᠠᠭᠲᠠᠭᠠᠵᠣ ᠵᠢᠷᠣᠬᠯᠠᠬᠤ | ᠲᠡᠷᠳᠡᠭᠡ ᠵᠡᠭᠦᠳᠦᠨ ᠠᠴᠠ ᠶᠠᠷᠢᠵᠤ ᠪᠤᠢ ᠮᠢᠨᠤ ᠬᠦᠳᠡᠭᠡ | | | ᠬᠦᠮᠦᠨ ᠵᠠᠶᠠᠭᠠ ᠶᠢ ᠤᠯᠵᠤ ᠲᠦᠷᠦᠭᠰᠡᠨ ᠮᠢᠨᠤ ᠨᠤᠲᠤᠭ — ᠬᠦᠳᠡᠭᠡ | ᠬᠦᠷᠬᠦ ᠮᠠᠷᠭᠠᠰᠢ ᠶᠢ ᠡᠷᠢᠯᠬᠢᠯᠡᠭᠰᠡᠨ ᠵᠤᠷᠢᠭ ᠮᠢᠨᠤ ᠤᠰᠤᠨ — ᠬᠦᠳᠡᠭᠡ | ᠭᠦᠢᠴᠡᠰᠢ ᠦᠬᠡᠢ ᠤᠨ ᠴᠠᠭ ᠤᠨ ᠭᠡᠷᠡᠴᠢ ᠮᠢᠨᠤ ᠪᠠᠭᠤᠷᠢ — ᠬᠦᠳᠡᠭᠡ | ᠬᠦᠭᠰᠢᠷᠡᠭᠡᠳ ᠴᠤ ᠶᠠᠰᠤ ᠪᠠᠨ ᠲᠠᠯᠪᠢᠬᠤ ᠮᠢᠨᠤ ᠭᠠᠵᠠᠷ ᠰᠢᠷᠦᠢ — ᠬᠦᠳᠡᠭᠡ | ︵ᠵᠣᠬᠢᠶᠠᠭᠴᠢ᠄ ᠡ᠊ · ᠬᠤᠷᠸᠠ︶ |