| | ᠪᠦᠬᠦ ᠲᠡᠯᠡᠬᠡᠢ ᠪᠠᠷ ᠢᠶᠠᠨ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠤᠯ ᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠵᠦ ᠪᠠᠶᠢᠭᠠ | ᠬᠤᠭᠤᠴᠠᠭᠠᠨ ᠳᠤ ᠬᠠᠪᠣᠷ ᠪᠣᠯᠵᠦ ᠬᠤᠯᠣᠭᠠᠨᠠ ᠢᠴᠡᠭᠡᠯᠡᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠬᠡᠭᠡᠷᠡ ᠭᠦᠶᠦᠯᠳᠤᠬᠦ ᠴᠠᠭ | ᠪᠣᠯᠣᠭᠰᠠᠨ ᠪᠦᠭᠡᠳ 2019 ᠣᠨ ᠤ ᠡᠪᠣᠯ ᠦᠪᠦᠷ ᠮᠣᠩᠭᠤᠯ ᠳᠤ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠡᠭᠦᠰᠴᠦ | ᠦᠩᠭᠡᠷᠡᠭᠰᠡᠨ ᠲᠣᠯᠠ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠭᠢᠨ ᠦᠷᠪᠢᠰᠦᠯ ᠢ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠬᠠᠮᠲᠦ ᠬᠤᠯᠣᠭᠠᠨᠠ ᠬᠢᠵᠢᠭ ᠢ | ᠣᠷᠢᠳᠴᠢᠯᠡᠨ ᠰᠡᠷᠭᠡᠶᠢᠯᠡᠬᠦ ᠴᠢᠬᠤᠯᠠᠳᠠᠢ ᠪᠠᠶᠢᠨᠠ᠃ | ᠨᠢᠭᠡ᠂ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠪᠠ ᠲᠡᠭᠦᠨ ᠤ ᠬᠤᠣᠷ ᠬᠦᠨᠦᠭᠡᠯ | ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠪᠣᠯ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠤᠨ ᠬᠤᠣᠷᠠ ︵ᠶᠧᠷᠰᠣᠨ ᠪᠠᠺᠲ᠋ᠧᠷᠢ︶ ᠠᠴᠠ | ᠡᠭᠦᠰᠦᠭᠰᠡᠨ ᠲᠣᠭᠰᠢᠨ ᠴᠢᠨᠠᠷᠲᠠᠢ ᠬᠠᠯᠲᠠᠪᠦᠷᠢᠲᠦ ᠡᠪᠡᠳᠴᠢᠨ ᠮᠦᠨ᠃ ᠶᠡᠷᠦ ᠳᠡᠭᠡᠨ ᠮᠡᠷᠡᠭᠴᠢ ᠠᠮᠢᠲᠠᠨ ᠤ ᠲᠣᠮᠲᠠ | ᠲᠡᠯᠭᠡᠷᠡᠨᠡ᠂ ᠬᠠᠶᠠ ᠵᠠᠷᠢᠮ ᠳᠠᠭᠠᠨ ᠪᠠᠰᠠ ᠬᠦᠮᠦᠨ ᠤ ᠲᠣᠮᠲᠠ ᠲᠡᠯᠭᠡᠷᠡᠨᠡ᠃ ︽ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠲᠣᠮᠲᠠᠲᠦ | ᠠᠷᠠᠳ ᠣᠯᠣᠰ ᠤᠨ ᠬᠠᠯᠲᠠᠪᠦᠷᠢᠲᠦ ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠨ ᠵᠠᠰᠠᠬᠤ ᠬᠠᠣᠯᠢ︾ ᠳᠤ ᠬᠦᠬᠡ ᠲᠦᠷᠦᠯ ᠤᠨ | ᠬᠠᠯᠲᠠᠪᠦᠷᠢᠲᠦ ᠡᠪᠡᠳᠴᠢᠨ ᠢᠶᠠᠷ ᠲᠣᠭᠲᠠᠭᠠᠵᠠᠢ᠃ | ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠤᠨ ᠡᠪᠡᠳᠴᠢᠨ ᠤ ᠲᠣᠰᠣᠯᠲᠠ ᠲᠦᠷᠭᠡᠨ᠂ ᠰᠢᠨᠵᠢ ᠲᠡᠮᠳᠡᠭ ᠬᠦᠨᠳᠦ ᠰᠦᠷᠡᠬᠡᠢ᠂ | ᠦᠬᠦᠬᠦ ᠨᠣᠷᠮᠡ ᠨᠢ ᠮᠠᠰᠢ ᠦᠨᠳᠦᠷ᠂ ᠬᠠᠯᠲᠠᠪᠣᠷᠢᠯᠠᠬᠤ ᠴᠢᠨᠠᠷ ᠢᠶᠠᠷ ᠴᠢᠩᠭᠠ᠂ ᠲᠡᠯᠭᠡᠷᠡᠬᠦ ᠨᠢ ᠮᠠᠰᠢ ᠲᠦᠷᠭᠡᠨ | ᠪᠠᠶᠢᠳᠠᠭ᠃ ᠣᠨᠴᠠᠭᠠᠶᠢᠯᠠᠨ ᠴᠢᠰᠦ ᠦᠵᠢᠷᠡᠭᠦᠯᠬᠦ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠪᠣᠯᠣᠨ ᠠᠭᠤᠰᠭᠢᠨ ᠤ ᠬᠤᠯᠣᠭᠠᠨᠠ | ᠶᠢᠨ ᠬᠢᠵᠢᠭ ᠢ ᠬᠡᠷᠪᠡ ᠲᠠᠷᠣᠢ ᠲᠦᠷᠭᠡᠨ ᠡᠮᠨᠡᠨ ᠵᠠᠰᠠᠬᠤ ᠦᠭᠡᠢ ᠪᠣᠯ ᠦᠬᠦᠬᠦ ᠨᠣᠷᠮᠠ ᠨᠢ 30%-100% | ᠪᠠᠶᠢᠳᠠᠭ᠃ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠤᠨ ᠨᠢᠭᠤᠭᠳᠠᠮᠠᠯ ᠬᠤᠭᠤᠴᠠᠭᠠ ᠨᠢ ᠨᠡᠯᠢᠶᠡᠳ ᠣᠬᠤᠷ᠂ ᠶᠡᠷᠦ ᠳᠡᠭᠡᠨ 1-6 | ᠡᠳᠦᠷ᠂ ᠭᠡᠪᠡᠴᠦ ᠣᠨᠴᠠᠭᠠᠢ ᠵᠠᠷᠢᠮ ᠡᠪᠡᠳᠴᠢᠨ ᠤ ᠵᠢᠱᠢᠶᠡ ᠨᠢ 8-9 ᠡᠳᠦᠷ ᠪᠣᠯᠣᠨᠠ᠃ | ᠬᠤᠶᠠᠷ᠂ ᠲᠣᠰ ᠡᠪᠡᠳᠴᠢᠨ ᠬᠡᠷᠬᠢᠨ ᠬᠦᠮᠦᠨ ᠳᠤ ᠬᠠᠯᠳᠠᠪᠣᠷᠢᠯᠠᠬᠤ ᠪᠣᠢ︖ | ᠲᠣᠰ ᠡᠪᠡᠳᠴᠢᠨ ᠪᠣᠯ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠤᠨ ᠬᠤᠣᠷᠠ ᠪᠠᠷ ᠰᠢᠯᠲᠠᠭᠠᠯᠠᠵᠦ ᠡᠭᠦᠰᠳᠡᠭ᠂ | ᠭᠤᠣᠯᠳᠠᠭᠤ ᠲᠣᠰ ᠡᠪᠡᠳᠴᠢᠨ ᠢᠶᠠᠷ ᠦᠬᠦᠭᠰᠡᠨ ᠬᠤᠯᠣᠭᠠᠨᠠ᠂ ᠲᠠᠷᠪᠠᠭᠠ᠂ ᠵᠣᠷᠠᠮᠡ ᠵᠡᠷᠭᠡ ᠠᠮᠢᠲᠠᠨ ᠲᠠᠢ | ᠬᠠᠪᠢᠳᠠᠵᠦ ᠣᠶᠢᠷᠠᠲᠣᠭᠰᠠᠨ᠂ ᠡᠰᠡᠭᠦᠯᠡ ᠡᠪᠡᠳᠴᠢᠲᠡᠨ ᠲᠠᠢ ᠬᠠᠪᠢᠲᠠᠵᠦ ᠣᠶᠢᠷᠠᠲᠣᠭᠰᠠᠨ᠂ ᠡᠪᠡᠳᠴᠢᠨ ᠲᠠᠢ | ᠠᠮᠢᠲᠠᠨ ᠤ ᠴᠢᠰᠦ ᠶᠢ ᠰᠣᠷᠣᠭᠰᠠᠨ ᠨᠣᠬᠠᠢ ᠶᠢᠨ ᠪᠦᠭᠡᠰᠦᠨ ᠳᠤ ᠬᠠᠵᠠᠭᠲᠠᠵᠣ ᠵᠠᠭᠤᠭᠳᠠᠭᠰᠠᠨ ᠵᠡᠷᠭᠡ ᠠᠴᠠ ᠪᠣᠯᠵᠦ | ᠲᠣᠰ ᠡᠪᠡᠳᠴᠢᠨ ᠤ ᠬᠤᠣᠷ ᠨᠢ ᠠᠷᠠᠰᠣ ᠪᠠᠷ ᠪᠣᠶᠣ ᠠᠮᠢᠰᠬᠤᠯ ᠢᠶᠠᠷ ᠲᠠᠮᠵᠢᠵᠦ ᠬᠦᠮᠦᠨ ᠤ ᠪᠡᠶᠡ ᠳᠤ ᠬᠠᠯᠲᠠᠪᠦᠷᠢᠯᠡᠨ | ᠣᠷᠣᠳᠠᠭ᠃ | ᠭᠤᠷᠪᠠ᠂ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠲᠤ ᠬᠠᠯᠳᠠᠪᠦᠷᠢᠯᠠᠭᠳᠠᠪᠠᠯ ᠶᠠᠮᠠᠷ ᠡᠪᠡᠳᠴᠢᠨ ᠤ ᠰᠢᠨᠵᠢ ᠢᠯᠡᠷᠡᠬᠦ | ᠪᠣᠢ︖ | ᠶᠡᠷᠦᠩᠬᠡᠢ ᠳᠡᠭᠡᠨ ᠴᠣᠴᠢᠮᠠᠭ ᠡᠪᠡᠳᠴᠢᠯᠡᠨ᠂ ᠡᠬᠢᠯᠡᠮᠡᠭᠴᠡ ᠲᠠᠭᠠᠷᠠᠳᠠᠰᠣ ᠬᠦᠷᠴᠦ ᠴᠡᠴᠡᠷᠡᠨ ᠲᠠᠭᠵᠢᠬᠤ᠂ | ᠴᠢᠨᠠᠭᠰᠢᠲᠠ ᠶᠡᠭᠡ ᠬᠠᠯᠠᠭᠤᠷᠠᠬᠤ ︵ᠪᠡᠶᠡ ᠶᠢᠨ ᠬᠠᠯᠠᠭᠤᠨ 39℃ -41℃ ᠬᠦᠷᠳᠡᠭ︶᠂ ᠲᠣᠯᠣᠭᠠᠢ ᠶᠠᠰᠣ ᠥᠶᠠ | ᠡᠪᠡᠳᠬᠦ᠂ ᠢᠯᠠᠩᠭᠤᠶᠠ ᠲᠦᠷᠪᠡᠨ ᠮᠦᠴᠢ ᠪᠠᠷ ᠡᠪᠡᠳᠬᠦ ᠨᠢ ᠢᠯᠡᠭᠦᠦ᠂ ᠣᠬᠠᠭᠠᠨ ᠮᠡᠳᠡᠷᠡᠯ ᠪᠠᠯᠠᠷᠠᠬᠤ᠂ ᠪᠣᠯᠴᠢᠷᠬᠠᠢ | ᠬᠠᠪᠣᠳᠬᠤ᠂ ᠬᠠᠨᠢᠶᠠᠬᠤ᠂ ᠴᠢᠰᠦ ᠭᠠᠷᠬᠤ᠂ ᠵᠠᠷᠢᠮ ᠨᠢ ᠪᠦᠭᠡᠯᠵᠢᠬᠦ ᠵᠡᠷᠭᠡ ᠰᠢᠨᠵᠢ ᠲᠠᠢ ᠪᠠᠶᠢᠳᠠᠭ᠃ | ᠳᠦᠷᠪᠡ᠂ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠭᠤᠣᠯᠳᠠᠭᠤ ᠶᠠᠮᠠᠷ ᠬᠡᠳᠦᠨ ᠬᠡᠯᠪᠡᠷᠢ ᠬᠤᠪᠢᠶᠠᠳᠠᠭ ᠪᠣᠢ︖ | ᠭᠤᠣᠯᠳᠠᠭᠤ ᠪᠣᠯᠴᠢᠷᠬᠠᠢ ᠳᠤ ᠪᠠᠭᠤᠬᠤ᠂ ᠠᠭᠤᠰᠭᠢᠨ ᠳᠤ ᠪᠠᠭᠤᠬᠤ᠂ ᠴᠢᠰᠦᠨ ᠳᠤ ᠪᠠᠭᠤᠬᠤ ᠬᠡᠯᠪᠡᠷᠢ ᠣᠯᠠᠨ | ᠲᠣᠬᠢᠶᠠᠯᠳᠣᠨᠠ᠃ ᠪᠠᠰᠠ ᠠᠷᠠᠰᠣᠨ ᠬᠡᠯᠪᠡᠷᠢ᠂ ᠭᠡᠳᠡᠰᠦᠨ ᠬᠡᠯᠪᠡᠷᠢ ᠵᠡᠷᠭᠡ ᠪᠣᠰᠣᠳ ᠬᠡᠯᠪᠡᠷᠢ ᠪᠠᠶᠢᠳᠠᠭ᠃ | ᠲᠠᠪᠤ᠂ ᠬᠡᠷᠪᠡ ᠦᠪᠡᠷ ᠢ ᠪᠠᠨ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠬᠠᠯᠳᠠᠪᠦᠷᠢᠯᠠᠭᠰᠠᠨ ᠭᠡᠵᠦ ᠰᠡᠵᠢᠭᠯᠡᠪᠡᠯ ᠶᠠᠭᠠᠬᠢᠵᠦ | ᠬᠢᠪᠡᠯ ᠵᠣᠬᠢᠬᠤ ᠪᠣᠢ︖ | ᠬᠡᠷᠪᠡ ᠭᠡᠨᠡᠳᠲᠡ ᠪᠠᠷ ᠶᠡᠭᠡ ᠬᠠᠯᠠᠭᠤᠷᠠᠬᠤ᠂ ᠲᠠᠭᠠᠷᠠᠳᠠᠰᠣ ᠬᠦᠷᠬᠦ᠂ ᠯᠢᠮᠪᠠ ᠶᠢᠨ ᠪᠣᠯᠴᠢᠷᠬᠠᠢ ᠡᠪᠡᠳᠴᠦ | ᠬᠠᠪᠣᠳᠬᠤ᠂ ᠬᠠᠨᠢᠶᠠᠬᠤ ᠪᠣᠶᠣ ᠴᠢᠰᠦ ᠲᠠᠢ ᠴᠡᠷ ᠭᠠᠷᠬᠤ ᠵᠡᠷᠭᠡ ᠰᠢᠨᠵᠢ ᠢᠯᠡᠷᠡᠪᠡᠯ ᠲᠠᠷᠣᠢ ᠲᠦᠷᠭᠡᠨ ᠡᠮᠨᠡᠯᠭᠡ ᠳᠤ | ᠬᠦᠷᠴᠦ᠂ ᠡᠮᠴᠢ ᠪᠠᠷ ᠣᠨᠣᠰᠢᠯᠠᠵᠦ ᠡᠮᠨᠡᠭᠦᠯᠬᠦ ᠴᠢᠬᠤᠯᠠᠲᠠᠢ ᠪᠦᠭᠡᠳ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠲᠡᠯᠭᠡᠷᠡᠭᠰᠡᠨ ᠭᠠᠵᠠᠷ | ᠣᠷᠣᠨ ᠢᠶᠠᠷ ᠵᠣᠭᠠᠴᠠᠵᠦ ᠦᠩᠭᠡᠷᠡᠭᠰᠡᠨ ᠪᠣᠶᠣ ᠬᠡᠭᠡᠷᠡ ᠶᠢᠨ ᠠᠮᠢᠲᠠᠨ ᠤ ᠮᠢᠬᠠ ᠢᠳᠡᠭᠰᠡᠨ ᠡᠰᠡᠬᠦ ᠵᠡᠷᠭᠡ | ᠪᠠᠶᠢᠳᠠᠯ ᠢᠶᠠᠨ ᠡᠮᠴᠢ ᠳᠤ ᠲᠣᠲᠣᠷᠬᠠᠢ ᠬᠡᠯᠡᠵᠦ ᠦᠭᠬᠦ ᠬᠡᠷᠡᠭᠲᠡᠢ᠃ | ᠵᠢᠷᠭᠤᠭᠠ᠂ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠢ ᠬᠡᠷᠬᠢᠨ ᠣᠷᠢᠳᠴᠢᠯᠡᠨ ᠰᠡᠷᠭᠡᠶᠢᠯᠡᠬᠦ ᠪᠣᠢ︖ | 1. ᠬᠢᠵᠢᠭ ᠤᠨ ᠣᠷᠣᠨ ᠳᠤ ᠵᠣᠭᠠᠴᠠᠬᠤ ᠪᠣᠶᠣ ᠠᠵᠢᠯᠯᠠᠭᠠ ᠬᠢᠬᠦ ᠠᠴᠠ ᠵᠠᠶᠢᠯᠠᠰᠭᠢᠨᠡ᠂ ᠮᠡᠷᠡᠭᠴᠢ ᠠᠮᠢᠲᠡᠨ | ︵ᠵᠢᠱᠢᠶᠡᠯᠡᠪᠡᠯ ᠬᠤᠯᠣᠭᠠᠨᠠ ᠶᠢᠨ ᠲᠦᠷᠦᠯ᠂ ᠲᠠᠷᠪᠠᠭᠠ︶ ᠲᠠᠢ ᠬᠦᠷᠦᠯᠴᠡᠬᠦ ᠠᠴᠠ ᠵᠠᠶᠢᠯᠠᠰᠭᠢᠨᠡ᠃ | 2. ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠬᠠᠯᠲᠠᠪᠦᠷᠢᠯᠠᠭᠰᠠᠨ ᠡᠪᠡᠳᠴᠢᠲᠡᠨ ᠲᠠᠢ ᠨᠢᠭᠲᠠ ᠬᠦᠷᠦᠯᠴᠡᠬᠦ ᠠᠴᠠ ᠵᠠᠶᠢᠯᠠᠨᠠ | ᠂ ᠠᠭᠤᠰᠭᠢᠨ ᠤ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠬᠠᠯᠲᠠᠪᠦᠷᠢᠯᠠᠭᠰᠠᠨ ᠬᠦᠮᠦᠨ ᠲᠠᠢ ᠬᠦᠷᠦᠯᠴᠡᠬᠦ ᠪᠣᠯᠣᠯᠴᠠᠭᠠ ᠲᠠᠢ ᠦᠶᠡᠰ | ᠂ ᠡᠪᠡᠳᠴᠢᠲᠡᠨ ᠲᠠᠢ ᠴᠢᠳᠠᠬᠤ ᠶᠢᠨ ᠬᠢᠷᠢ ᠪᠠᠷ 1 ᠮᠧᠳ᠋ᠷ ᠠᠴᠠ ᠬᠤᠯᠠ ᠵᠠᠶᠢᠳᠠᠢ ᠪᠠᠶᠢᠵᠦ᠂ ᠠᠮᠠᠪᠴᠢ ᠵᠡᠭᠦᠵᠦ᠂ | ᠭᠠᠷ ᠢᠶᠠᠨ ᠦᠷᠭᠦᠯᠵᠢ ᠣᠬᠢᠶᠠᠨᠠ᠃ | 3. ᠨᠣᠬᠠᠢ ᠶᠢᠨ ᠪᠦᠭᠡᠰᠦᠨ ᠳᠤ ᠬᠠᠵᠠᠭᠳᠠᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠠᠷᠭᠠ ᠬᠡᠮᠵᠢᠶᠡ ᠠᠪᠣᠨᠠ᠂ ᠬᠤᠷᠣᠬᠠᠢ | ᠠᠷᠢᠯᠭᠠᠬᠤ ᠡᠮ ᠬᠡᠷᠡᠭᠯᠡᠨᠡ᠂ ᠦᠷᠭᠦᠯᠵᠢ ᠬᠡᠷᠡᠭᠯᠡᠳᠡᠭ ᠪᠠᠲᠠᠭᠠᠨᠠ ᠬᠦᠭᠡᠭᠡᠬᠦ ᠡᠮ ᠨᠢ ᠪᠦᠷ ᠨᠣᠬᠠᠢ ᠶᠢᠨ ᠪᠦᠭᠡᠰᠦ ᠶᠢ | ᠠᠷᠢᠯᠭᠠᠵᠦ ᠲᠡᠶᠢᠯᠦᠨᠡ᠃ | 4. ᠬᠡᠷᠪᠡ ᠬᠢᠵᠢᠭ ᠤᠨ ᠣᠷᠣᠨ ᠳᠤ ᠣᠴᠢᠵᠦ ᠦᠩᠭᠡᠷᠡᠭᠰᠡᠨ ᠪᠣᠯ᠂ ᠬᠤᠶᠠᠷ ᠭᠠᠷᠠᠭ ᠲᠠᠷᠠᠭᠠᠯᠡᠨ ᠪᠡᠶᠡ ᠶᠢᠨ | ᠬᠠᠯᠠᠭᠤᠨ ᠢᠶᠠᠨ ᠬᠡᠮᠵᠢᠵᠦ ᠦᠵᠡᠨᠡ᠂ ᠬᠡᠷᠪᠡ ᠭᠡᠨᠡᠳᠲᠡ ᠪᠠᠷ ᠬᠠᠯᠠᠭᠤᠷᠠᠬᠤ᠂ ᠲᠠᠭᠠᠷᠠᠳᠠᠰᠣ ᠬᠦᠷᠬᠦ᠂ ᠯᠢᠮᠪᠠ ᠶᠢᠨ | ᠪᠣᠯᠴᠢᠷᠬᠠᠢ ᠡᠪᠡᠳᠴᠦ ᠬᠠᠪᠣᠳᠬᠤ᠂ ᠬᠠᠨᠢᠶᠠᠬᠤ ᠪᠣᠶᠣ ᠴᠢᠰᠦ ᠲᠠᠢ ᠴᠡᠷ ᠭᠠᠷᠬᠤ ᠵᠡᠷᠭᠡ ᠶᠠᠮᠠᠷᠪᠠ ᠨᠢᠭᠡᠨ | ᠡᠪᠡᠳᠴᠢᠨ ᠤ ᠰᠢᠨᠵᠢ ᠢᠯᠡᠷᠡᠪᠡᠯ ᠲᠠᠷᠣᠢ ᠲᠦᠷᠭᠡᠨ ᠡᠮᠨᠡᠭᠦᠯᠵᠦ ᠡᠮᠴᠢ ᠳᠤ ᠬᠢᠵᠢᠭ ᠤᠨ ᠣᠷᠣᠨ ᠳᠤ | ᠵᠣᠭᠠᠴᠠᠭᠰᠠᠨ ᠢᠶᠠᠨ ᠮᠡᠳᠡᠭᠳᠡᠨᠡ᠃ ᠠᠩᠬᠠᠨ ᠤ ᠬᠤᠭᠤᠴᠠᠭᠠᠨ ᠳᠤ ᠨᠢᠶᠠᠨ ᠢ ᠨᠢᠲᠣᠯᠬᠤ ᠡᠮ ᠬᠡᠷᠡᠭᠯᠡᠪᠡᠯ ᠦᠷᠡ | ᠪᠦᠲᠦᠮᠵᠢ ᠨᠢ ᠨᠡᠯᠢᠶᠡᠳ ᠰᠠᠶᠢᠨ ᠪᠠᠶᠢᠳᠠᠭ᠃ | 5. ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠡᠪᠡᠳᠴᠢᠲᠡᠨ ᠲᠠᠢ ᠨᠢᠭᠲᠠ ᠬᠦᠷᠦᠯᠴᠡᠭᠰᠡᠨ ᠬᠦᠮᠦᠰ ᠡᠷᠲᠡᠬᠡᠨ ᠰᠡᠷᠭᠡᠶᠢᠯᠡᠬᠦ | ᠡᠮ ᠬᠡᠷᠡᠭᠯᠡᠪᠡᠯ ᠵᠣᠬᠢᠨᠠ᠃ | 6. ᠭᠠᠳᠠᠭᠰᠢ ᠭᠠᠷᠪᠡᠯ ᠠᠮᠠᠪᠴᠢ ᠵᠡᠭᠦᠵᠦ᠂ ᠭᠡᠷ ᠲᠡᠭᠡᠨ ᠬᠠᠷᠢᠭᠰᠠᠨ ᠤ ᠰᠡᠭᠦᠯᠡᠷ ᠭᠠᠷ ᠢᠶᠠᠨ ᠰᠠᠶᠢᠲᠦᠷ | ᠰᠠᠪᠣᠩᠲᠠᠵᠦ ᠣᠬᠢᠶᠠᠨᠠ᠃ ᠠᠮᠠᠪᠴᠢ ᠪᠠᠨ ᠵᠦᠪ ᠬᠡᠷᠡᠭᠯᠡᠪᠡᠯ ᠠᠭᠤᠰᠭᠢᠨ ᠤ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠢ | ᠪᠠᠭᠠᠰᠬᠠᠬᠤ ᠳᠤ ᠪᠦᠲᠦᠮᠵᠢᠲᠠᠢ ᠪᠠᠶᠢᠳᠠᠭ᠃ | ᠲᠣᠯᠤᠭᠠ᠂ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠢ ᠪᠦᠲᠦᠮᠵᠢᠲᠠᠢ ᠰᠡᠷᠭᠡᠶᠢᠯᠡᠬᠦ ᠠᠷᠭᠠ ᠬᠡᠮᠵᠢᠶᠡᠨ ᠤ ︽ᠭᠤᠷᠪᠠᠨ | ᠪᠣᠯᠬᠤ ᠦᠭᠡᠢ︾᠂ ︽ᠭᠤᠷᠪᠡᠨ ᠮᠡᠳᠡᠭᠦᠯᠬᠦ︾ ᠭᠡᠵᠦ ᠶᠠᠭᠤ ᠪᠣᠢ︖ | ︽ᠭᠤᠷᠪᠠᠨ ᠪᠣᠯᠬᠤ ᠦᠭᠡᠢ︾ ᠭᠡᠳᠡᠭ ᠨᠢ ᠄ | 1. ᠬᠢᠵᠢᠭ ᠤᠨ ᠰᠣᠷᠪᠣᠯᠵᠢᠲᠦ ᠭᠠᠵᠠᠷ ᠤᠨ ᠠᠮᠢᠲᠡᠨ ᠢ ᠲᠣᠷᠠ ᠪᠠᠷ ᠠᠩᠨᠠᠵᠦ ᠪᠣᠯᠬᠤ ᠦᠭᠡᠢ᠃ | 2. ᠬᠢᠵᠢᠭ ᠤᠨ ᠰᠣᠷᠪᠣᠯᠵᠢᠲᠦ ᠠᠮᠢᠲᠡᠨ ᠢ ᠦᠪᠴᠢᠵᠦ ᠢᠳᠡᠵᠦ ᠪᠣᠯᠬᠤ ᠦᠭᠡᠢ᠃ | 3. ᠬᠢᠵᠢᠭ ᠤᠨ ᠰᠣᠷᠪᠣᠯᠵᠢᠲᠦ ᠭᠠᠵᠠᠷ ᠤᠨ ᠠᠮᠢᠲᠡᠨ ᠪᠣᠯᠣᠨ ᠬᠠᠮᠢᠶᠠ ᠪᠦᠬᠦᠢ ᠪᠦᠲᠦᠭᠡᠭᠳᠡᠭᠦᠨ ᠢ | ᠲᠣᠷᠠ ᠪᠠᠷ ᠪᠡᠶᠡ ᠳᠡᠭᠡᠨ ᠠᠪᠴᠦ ᠬᠢᠵᠢᠭᠲᠦ ᠣᠷᠣᠨ ᠠᠴᠠ ᠭᠠᠷᠬᠤ ᠪᠣᠶᠣ ᠬᠤᠲᠠᠯᠳᠣᠵᠦ ᠪᠣᠯᠬᠤ ᠦᠭᠡᠢ᠃ | ︽ᠭᠤᠷᠪᠡᠨ ᠮᠡᠳᠡᠭᠦᠯᠬᠦ︾ ᠭᠡᠳᠡᠭ ᠨᠢ᠄ | ᠲᠣᠣᠷᠠᠬᠢ ᠭᠤᠷᠪᠡᠨ ᠵᠦᠢᠯ ᠤᠨ ᠪᠠᠶᠢᠳᠠᠯ ᠢ ᠣᠯᠵᠦ ᠦᠵᠡᠭᠰᠡᠨ ᠲᠠᠷᠣᠢ ᠵᠠᠪᠡᠯ ᠡᠪᠡᠳᠴᠢᠨ ᠢ ᠰᠡᠷᠭᠡᠶᠢᠯᠡᠨ | ᠡᠵᠡᠮᠳᠡᠬᠦ ᠬᠠᠮᠢᠶᠠ ᠪᠦᠬᠦᠢ ᠪᠠᠶᠢᠭᠤᠯᠣᠯᠭᠠ ᠳᠤ ᠮᠡᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃ | 1. ᠦᠬᠦᠭᠰᠡᠨ ᠬᠤᠯᠣᠭᠠᠨᠠ᠂ ᠲᠠᠷᠪᠠᠭᠠ᠂ ᠵᠡᠷᠯᠢᠭ ᠲᠠᠣᠯᠠᠢ᠂ ᠦᠨᠡᠭᠡ ᠵᠡᠷᠭᠡ ᠠᠮᠢᠲᠡᠨ ᠪᠠᠶᠢᠪᠡᠯ | ᠲᠠᠷᠦ᠋ᠢᠬᠠᠨ ᠮᠡᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃ | 2. ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠤᠨ ᠰᠡᠵᠢᠭᠲᠡᠢ ᠡᠪᠡᠳᠴᠢᠲᠡᠨ ᠢ ᠳᠡᠭᠡᠭᠰᠢ ᠮᠡᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃ | 3. ᠡᠪᠡᠳᠴᠢᠨ ᠤ ᠰᠢᠯᠲᠠᠭᠠᠨ ᠨᠢ ᠲᠣᠲᠣᠷᠬᠠᠢ ᠪᠣᠰᠣ ᠬᠠᠯᠠᠭᠤᠷᠠᠬᠤ ᠪᠣᠶᠣ ᠭᠡᠨᠡᠳᠲᠡ ᠲᠦᠷᠭᠡᠨ ᠦᠬᠦᠭᠰᠡᠨ | ᠬᠦᠮᠦᠨ ᠢ ᠳᠡᠭᠡᠭᠰᠢ ᠮᠡᠳᠡᠭᠦᠯᠬᠦ ᠬᠡᠷᠡᠭᠲᠡᠢ᠃ | ᠨᠠᠢᠮᠠ᠂ ᠬᠤᠯᠣᠭᠠᠨᠠ ᠬᠢᠵᠢᠭ ᠢ ᠶᠠᠭᠠᠬᠢᠵᠦ ᠡᠮᠨᠡᠨ ᠵᠠᠰᠠᠪᠡᠯ ᠵᠣᠬᠢᠬᠤ ᠪᠣᠢ︖ | ᠴᠠᠭ ᠲᠣᠬᠠᠢ ᠳᠤᠨᠢ ᠨᠢᠶᠠᠨ ᠢ ᠨᠢᠲᠣᠯᠬᠤ ᠡᠮ ᠢᠶᠠᠷ ᠡᠮᠨᠡᠨ ᠵᠠᠰᠠᠪᠡᠯ ᠦᠬᠦᠬᠦ ᠨᠣᠷᠮᠡ ᠶᠢ ᠪᠠᠭᠤᠷᠠᠭᠤᠯᠵᠦ᠂ | ᠬᠡᠷᠪᠡ ᠡᠷᠲᠡ ᠡᠮᠨᠡᠨ ᠵᠠᠰᠠᠪᠡᠯ ᠡᠳᠡᠭᠡᠷᠡᠭᠦᠯᠵᠦ ᠪᠣᠯᠣᠨᠠ᠃ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠶᠡᠬᠡᠪᠡᠷ ᠲᠡᠯᠭᠡᠷᠡᠵᠦ ᠪᠠᠶᠢᠬᠤ | ᠭᠠᠵᠠᠷ ᠣᠷᠣᠨ ᠳᠤ ᠡᠪᠡᠳᠴᠢᠨ ᠤ ᠰᠢᠨᠵᠢ ᠢᠯᠡᠷᠡᠯ ᠲᠠᠢ ᠡᠪᠡᠳᠴᠢᠲᠡᠨ ᠲᠣᠭᠲᠠᠭᠰᠠᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ | ᠬᠦᠷᠴᠦ ᠡᠮᠨᠡᠭᠦᠯᠬᠦ ᠬᠡᠷᠡᠭᠲᠡᠢ᠃ ᠬᠤᠯᠣᠭᠠᠨᠠ ᠶᠢᠨ ᠬᠢᠵᠢᠭ ᠲᠤ ᠨᠡᠷᠪᠡᠭᠳᠡᠭᠰᠡᠨ ᠡᠪᠡᠳᠴᠢᠲᠡᠨ ᠵᠠᠪᠡᠯ ᠰᠡᠷᠭᠡᠶᠢᠯᠡᠨ | ᠬᠠᠮᠠᠭᠠᠯᠠᠬᠤ ᠶᠣᠰᠣᠭᠠᠷ ᠲᠣᠰᠠᠭᠠᠷᠯᠡᠨ ᠡᠮᠨᠡᠭᠦᠯᠬᠦ ᠬᠡᠷᠡᠭᠲᠡᠢ᠃ | | | | ᠠᠯᠠᠱᠠ ᠠᠶᠢᠮᠠᠭ ᠤᠨ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠠᠯᠠᠭ ᠡᠮᠴᠢ ᠶᠢᠨ | ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ ᠰᠢᠨᠡ ᠶᠢ ᠡᠭᠦᠳᠬᠦ ᠠᠵᠢᠯ ᠤᠨ ᠲᠠᠰᠤᠭ | | ᠴᠧᠨ ᠣᠶᠣᠨ ᠡᠷᠬᠢᠯᠡᠭᠴᠢ ᠡᠮᠴᠢ ᠬᠠᠨᠭ᠍ᠭᠠᠪᠠ | | | | | | |