| | | | | | | | | ᠰᠥᠯᠵᠢᠶᠡᠨ ᠬᠢᠴᠢᠶᠡᠯ ᠤᠷᠤᠵᠤ ᠪᠠᠶᠢᠭᠠ ᠬᠥᠳᠡᠭᠡ ᠶᠢᠨ ᠭᠡᠤᠭᠡᠳ᠃ ︵ᠪᠤᠯᠤᠷᠰᠤᠪᠤᠳ ᠬᠠᠨᠭ᠍ᠭᠠᠪᠠ︶ | | | ᠦᠷᠯᠦᠭᠡᠨ ᠤ ᠨᠠᠢᠮᠠ ᠬᠠᠭᠠᠰ ᠪᠤᠯᠬᠤ ᠳᠤ ᠭᠤᠸᠠ ᠬᠦᠤ ᠠᠯᠮᠠᠰ ᠲᠠᠢ ᠪᠠᠨ ᠲᠡᠷᠭᠡ ᠪᠠᠨ ᠵᠢᠯᠤᠭᠤᠳᠴᠦ᠂ | ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠲᠠᠩᠰᠤᠭᠪᠤᠯᠠᠭ ᠰᠤᠮᠤᠨ ᠤ ᠬᠡᠷᠡᠯᠲᠤ ᠭᠠᠴᠠᠭᠠᠨ ᠤ ᠤᠯᠤᠰᠤᠲᠠᠢ ᠭᠡᠬᠦ | ᠭᠠᠵᠠᠷ ᠠᠴᠠ ᠭᠠᠷᠴᠤ ᠡᠯᠡᠰᠤᠨ ᠲᠤᠪᠤ ᠲᠤᠯᠤᠭᠠᠳ ᠢ ᠦᠭᠰᠦᠨ ᠤᠷᠤᠭᠤᠳᠠᠨ᠂ ᠭᠤᠴᠢ ᠰᠢᠬᠠᠭᠤ ᠭᠠᠵᠡᠷ ᠤᠨ | ᠵᠠᠶᠢᠲᠠᠢ ᠵᠡᠷᠭᠡᠯᠡᠳᠡᠭᠡ ᠭᠠᠴᠠᠭᠠ ᠪᠣᠯᠬᠤ ᠦᠷᠣᠨᠳᠣᠶᠠᠭᠠ ᠭᠠᠴᠠᠭᠠᠨ ᠤ ᠰᠦᠯᠵᠢᠶᠡ ᠲᠠᠢ ᠭᠠᠵᠠᠷ ᠲᠡᠷᠭᠡ ᠪᠠᠨ | ᠵᠤᠭᠰᠤᠭᠠᠯᠠ᠃ ᠬᠦᠦ ᠠᠯᠮᠠᠰ ᠨᠢ ᠭᠠᠷ ᠤᠳᠠᠰᠤ ᠪᠠᠨ ᠰᠦᠯᠵᠢᠶᠡ ᠬᠤᠯᠪᠤᠭᠠᠳ᠂ ᠠᠪᠴᠦ ᠶᠠᠪᠤᠭᠠ | ᠪᠤᠭᠴᠤᠨ ᠠᠴᠠ ᠪᠠᠨ ᠬᠢᠴᠢᠶᠠᠯ ᠤᠨ ᠲᠡᠪᠲᠠᠷ ᠢᠶᠠᠨ ᠭᠠᠷᠭᠠᠵᠦ᠂ 9 ᠴᠠᠭ ᠪᠣᠯᠬᠤ ᠶᠢ ᠬᠦᠯᠢᠶᠡᠵᠦ ᠰᠠᠭᠤᠨᠠ᠃ | ᠡᠵᠢ ᠨᠢ ᠬᠦᠦ ᠶᠢᠨ ᠢᠶᠠᠨ ᠬᠢᠴᠢᠶᠠᠯ ᠤᠷᠣᠬᠤ ᠶᠢ ᠰᠠᠮ ᠬᠠᠷᠠᠵᠦ᠂ ᠨᠤᠭᠲᠤ ᠪᠤᠷᠠᠨᠲᠠᠭ ᠲᠠᠢ ᠪᠠᠨ ᠨᠤᠴᠦᠯᠳᠤᠵᠤ | ᠡᠬᠢᠯᠡᠯᠡ ᠁ | ︽ᠰᠤᠷᠭᠠᠭᠤᠯᠢ ᠳᠠᠭᠠᠨ ᠤᠴᠢᠬᠤ ᠦᠭᠡᠢ ᠴᠤ ᠭᠡᠰᠡᠨ ᠬᠢᠴᠢᠶᠠᠯ ᠵᠤᠭᠰᠤᠬᠤ ᠦᠭᠡᠢ︾ ᠭᠡᠬᠦ | ᠵᠢᠭᠠᠪᠤᠷᠢ ᠪᠠᠷ ᠮᠠᠨ ᠤ ᠠᠶᠢᠮᠠᠭ ᠤᠨ ᠡᠯᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠢᠨ ᠰᠦᠯᠵᠢᠶᠠᠨ ᠬᠢᠴᠢᠶᠠᠯ ᠢᠶᠠᠨ ᠡᠬᠢᠯᠡᠬᠦᠯᠵᠦ᠂ | ᠰᠤᠷᠤᠭᠴᠢᠳ ᠤᠨ ᠬᠢᠴᠢᠶᠠᠯ ᠰᠤᠷᠤᠯᠭᠠ ᠶᠢᠨ ᠠᠬᠢᠴᠠ ᠤᠷᠤᠭᠰᠢᠲᠠᠢ ᠶᠠᠪᠤᠭᠳᠠᠬᠤ ᠶᠢ ᠪᠠᠳᠤᠯᠠᠵᠦ ᠪᠤᠢ᠃ | ᠰᠤᠷᠤᠭᠴᠢᠳ ᠤᠨ ᠰᠦᠯᠵᠢᠶᠠᠨ ᠬᠢᠴᠢᠶᠠᠯ ᠤᠨ ᠠᠬᠢᠴᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠶᠢᠨ ᠲᠤᠯᠠᠳᠠ ᠠᠯᠠᠱᠠ ᠠᠶᠢᠮᠠᠭ ᠤᠨ | ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠰᠠᠯᠠᠭᠠ ᠮᠦᠴᠢᠷ᠂ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠰᠢᠯᠵᠢᠮᠠᠯ ᠬᠤᠯᠪᠤᠭᠠ᠂ ᠨᠢᠭᠡᠳᠤᠮᠠᠯ | ᠬᠤᠯᠪᠤᠭᠠ᠂ ᠴᠠᠬᠢᠯᠭᠠᠨ ᠬᠤᠯᠪᠤᠭᠠ ᠵᠡᠷᠭᠡ ᠴᠢᠮᠡᠭᠡ ᠨᠡᠪᠲᠡᠷᠡᠯᠭᠡ ᠶᠢᠨ ᠺᠤᠮᠫᠠᠨᠢ ᠲᠠᠢ ᠬᠤᠯᠪᠤᠭᠳᠠᠨ᠂ ᠰᠤᠷᠤᠭᠴᠢ | ᠨᠢᠭᠡᠪᠤᠷᠢ ᠳᠤ ᠵᠤᠬᠢᠬᠤ ᠬᠡᠮᠵᠢᠶᠠᠨ ᠤ ᠦᠨᠡ ᠲᠦᠯᠦᠪᠤᠷᠢ ᠦᠭᠡᠢ ᠰᠦᠯᠵᠢᠶᠠᠨ ᠤᠷᠤᠰᠴᠡ ᠬᠠᠩᠭᠠᠬᠤ ᠪᠠ | ᠰᠦᠯᠵᠢᠶᠠᠨ ᠳᠤ ᠣᠷᠣᠬᠤ ᠬᠤᠷᠳᠤᠴᠠ ᠶᠢ ᠨᠢ ᠲᠦᠷᠭᠡᠳᠭᠡᠵᠦ ᠥᠭᠭᠦ ᠠᠷᠭᠠ ᠠᠪᠴᠠᠯ ᠠᠪᠤᠭᠰᠠᠨ ᠪᠠᠶᠢᠨᠠ᠃ | ᠭᠡᠪᠡᠴᠦ ᠠᠯᠠᠱᠠ ᠨᠤᠲᠤᠭ ᠥᠷᠭᠡᠨ ᠠᠭᠤᠳᠠᠮ ᠪᠠᠶᠢᠳᠠᠭ ᠠᠴᠠ ᠰᠤᠷᠤᠭᠴᠢᠳ ᠤᠨ ᠢᠷᠡᠯᠳᠡ ᠲᠠᠷᠠᠬᠠᠢ ᠪᠤᠳᠠᠷᠬᠠᠢ ᠪᠠ | ᠲᠤᠨᠤᠭ ᠲᠦᠭᠦᠭᠡᠷᠦᠮᠵᠢ ᠶᠢᠨ ᠬᠢᠵᠠᠭᠠᠷᠳᠠᠮᠠᠯ ᠪᠠᠶᠢᠳᠠᠯ ᠠᠴᠠ ᠰᠢᠯᠳᠠᠭᠠᠯᠠᠭᠳᠠᠵᠦ ᠴᠦᠭᠡᠨ ᠲᠤᠭᠠᠨ ᠤ ᠰᠤᠷᠤᠭᠴᠢᠳ | ᠰᠦᠯᠵᠢᠶᠡ ᠪᠠᠷ ᠬᠢᠴᠢᠶᠠᠯ ᠰᠤᠨᠤᠰᠬᠤ ᠳᠤᠨᠢ ᠰᠠᠭᠠᠳ ᠮᠦᠨ ᠤᠷᠤᠰᠢᠭᠰᠠᠭᠠᠷ᠃ ᠡᠨᠡ ᠪᠠᠶᠢᠳᠠᠯ ᠢ ᠠᠷᠭᠠᠴᠠᠭᠠᠵᠦ᠂ | ᠰᠤᠷᠤᠭᠴᠢᠳ ᠤᠨ ᠢᠶᠠᠨ ᠬᠢᠴᠢᠶᠠᠯ ᠰᠤᠷᠤᠯᠭᠠ ᠶᠢ ᠰᠠᠭᠠᠳᠠᠭᠠᠬᠤ ᠦᠭᠡᠢ ᠶᠢᠨ ᠲᠤᠯᠠᠲᠠ᠂ ᠪᠠᠭᠰᠢ ᠪᠠ ᠭᠡᠷ ᠤᠨ | ᠠᠬᠠᠮᠠᠳ ᠦᠪᠡᠷᠰᠡᠳ ᠢᠶᠠᠨ ᠠᠰᠠᠭᠤᠳᠠᠯ ᠢᠶᠠᠨ ᠰᠢᠢᠳᠪᠤᠷᠢᠯᠡᠵᠡᠭᠡᠵᠦ᠂ ᠰᠤᠷᠤᠭᠴᠢᠳ ᠢᠶᠠᠨ ᠬᠢᠴᠢᠶᠠᠯ ᠰᠠᠭᠠᠳᠠᠭᠤᠯᠬᠤ | ᠦᠭᠡᠢ ᠪᠠᠶᠢᠯᠭᠠᠬᠤ ᠪᠠᠷ ᠴᠢᠷᠮᠠᠶᠢᠵᠦ ᠪᠠᠶᠢᠨᠠ᠃ | ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠲᠤᠷᠰᠢᠯᠲᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ | ᠬᠤᠶᠠᠳᠤᠭᠠᠷ ᠣᠨ ᠤ ᠨᠢᠭᠡᠳᠤᠭᠡᠷ ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠰᠦᠮᠪᠤᠷ ᠡᠪᠤᠯ ᠤᠨ ᠠᠮᠠᠷᠠᠯᠲᠠ ᠪᠠᠷ ᠲᠦᠷᠦᠭᠰᠡᠨ | ᠨᠤᠲᠤᠭ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠠᠭᠠᠨ ᠬᠠᠷᠢᠵᠦ ᠴᠠᠭᠠᠯᠠᠭᠰᠠᠨ ᠪᠠᠶᠢᠵᠡᠢ᠃ 2 | ᠰᠠᠷᠠ ᠶᠢᠨ ᠬᠤᠷᠢᠳ ᠤᠨ ᠦᠶᠡ ᠪᠠᠷ ᠰᠦᠯᠵᠢᠶᠡ ᠪᠠᠷ ᠬᠢᠴᠢᠶᠠᠯᠯᠡᠬᠦ ᠮᠡᠳᠡᠭᠳᠡᠯ ᠢ ᠲᠤᠰᠤᠭᠠᠳ ᠬᠦᠳᠡᠭᠡ ᠭᠡᠷ ᠲᠡᠭᠡᠨ | ᠪᠠᠶᠢᠭᠰᠠᠨ ᠰᠦᠮᠪᠦᠷ ᠰᠦᠯᠵᠢᠶᠠᠨ ᠳᠤ ᠬᠢᠴᠢᠶᠠᠯᠯᠡᠬᠦ ᠳᠤ ᠨᠡᠩ ᠲᠠᠳᠮᠠᠭᠠᠢ ᠪᠣᠯᠬᠤ ᠶᠢᠨ ᠲᠤᠯᠠᠲᠠ ᠰᠦᠯᠵᠢᠶᠡ | ᠲᠤᠬᠢᠶᠠ ᠰᠠᠶᠢᠲᠠᠢ ᠬᠤᠰᠢᠭᠤᠨ ᠲᠥᠪ ᠲᠡᠭᠡᠨ ᠢᠷᠡᠵᠦ᠂ ᠨᠢᠭᠡ ᠲᠠᠯᠠ ᠪᠠᠷ ᠪᠤᠯᠪᠠᠰᠤᠷᠠᠯ ᠳᠤ ᠤᠷᠤᠯᠴᠠᠵᠦ᠂ ᠨᠦᠭᠦᠭᠡ | ᠲᠠᠯᠠ ᠪᠠᠷ ᠰᠦᠯᠵᠢᠶᠠᠨ ᠤ ᠬᠢᠴᠢᠶᠠᠯ ᠤᠨ ᠪᠡᠯᠡᠳᠭᠡᠯ ᠢᠶᠠᠨ ᠬᠢᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠦᠴᠦᠭᠡᠳᠤᠷ ᠠᠴᠠ ᠲᠡᠷᠡ | ᠮᠠᠨᠢ ᠵᠢᠩᠬᠢᠨᠢ ᠪᠠᠷ ᠬᠢᠴᠢᠶᠠᠯᠯᠡᠵᠦ ᠡᠬᠢᠯᠡᠭᠰᠡᠨ ᠶᠤᠮ᠃ ︽ᠬᠡᠳᠦ᠋ᠢᠪᠡᠷ ᠬᠤᠶᠠᠳᠤᠭᠠᠷ ᠣᠨ ᠤ ᠰᠤᠷᠤᠭᠴᠢᠳ ᠲᠤ | ᠰᠢᠨᠡ ᠠᠭᠤᠯᠭᠠ ᠵᠢᠭᠠᠬᠤ ᠦᠭᠡᠢ ᠪᠤᠯᠪᠠᠴᠦ ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠠᠭᠰᠢ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ | ᠰᠤᠷᠤᠭᠴᠢ ᠪᠠᠨ ᠨᠡᠩ ᠰᠠᠶᠢᠨ ᠵᠢᠯᠤᠭᠤᠳᠬᠤ ᠰᠠᠨᠠᠭᠠᠲᠠᠢ᠂ ᠡᠨᠡ ᠬᠤᠶᠠᠷ ᠡᠳᠤᠷ ᠠᠯᠠᠱᠠ ᠳᠤ ᠪᠤᠴᠠᠨᠠ᠂ ᠬᠠᠷᠢᠵᠦ | ᠤᠴᠢᠭᠰᠠᠨ ᠤ ᠳᠠᠷᠠᠭᠠ ᠪᠠᠷ ᠲᠤᠰᠠᠭᠠᠷᠯᠠᠯ ᠤᠨ ᠬᠤᠭᠤᠴᠠᠭᠠ ᠪᠠᠨ ᠦᠩᠭᠡᠷᠡᠪᠡᠯ ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦ ᠪᠠᠶᠢᠬᠠ︾ | ᠭᠡᠵᠦ ᠰᠦᠮᠪᠦᠷ ᠶᠠᠷᠢᠵᠦ ᠪᠠᠶᠢᠯᠠ᠃ | ᠤᠨᠴᠠᠭᠠᠢ ᠴᠠᠭ ᠦᠶᠡ ᠳᠤ ᠰᠤᠷᠭᠠᠭᠤᠯᠢ ᠡᠬᠢᠯᠡᠵᠦ ᠴᠢᠳᠠᠭᠠ ᠦᠭᠡᠢ ᠪᠤᠯᠪᠠᠴᠦ ᠰᠤᠷᠤᠭᠴᠢᠳ ᠤᠨ | ᠰᠤᠷᠤᠯᠴᠠᠬᠤ ᠢᠳᠡᠪᠬᠢᠵᠢᠯ ᠮᠠᠰᠢ ᠦᠨᠳᠦᠷ ᠪᠠᠶᠢᠨᠠ᠃ ᠬᠦᠳᠡᠭᠡ ᠭᠡᠷ ᠲᠡᠭᠡᠨ ᠪᠠᠶᠢᠭᠠ ᠰᠤᠷᠤᠭᠴᠢᠳ ᠰᠦᠯᠵᠢᠶᠡ | ᠲᠤᠬᠢᠶᠠ᠂ ᠲᠤᠨᠤᠭ ᠲᠦᠬᠦᠭᠡᠷᠦᠮᠵᠢ ᠠᠨᠠᠢ ᠪᠠᠶᠢᠳᠠᠯ ᠢᠶᠠᠨ ᠰᠢᠢᠳᠪᠤᠷᠢᠯᠡᠵᠦ ᠬᠢᠴᠢᠶᠠᠯ ᠰᠤᠷᠤᠯᠭᠠ ᠪᠠᠨ ᠰᠠᠭᠠᠳᠠᠭᠠᠯ | ᠦᠭᠡᠢ ᠤᠷᠤᠵᠦ ᠪᠠᠶᠢᠨᠠ᠃ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠰᠤᠷᠭᠠᠭᠤᠯᠢ ᠶᠢᠨ | ᠵᠢᠷᠭᠤᠳᠤᠭᠠᠷ ᠣᠨ ᠤ ᠰᠤᠷᠤᠭᠴᠢ ᠬᠠᠷᠭᠤᠢ ᠶᠢᠨ ᠬᠦᠳᠡᠭᠡ ᠭᠡᠷ ᠨᠢ ᠪᠠᠶᠠᠨᠬᠤᠳᠠ ᠪᠠᠯᠭᠠᠰᠤᠨ ᠤ ᠢᠩᠭᠡᠲᠤ | ᠭᠠᠴᠠᠭᠠᠨ ᠤ ᠶᠡᠭᠡ ᠡᠯᠡᠰᠤᠨ ᠳᠤ ᠪᠠᠶᠢᠳᠠᠭ ᠪᠤᠯᠬᠤᠷ ᠰᠦᠯᠵᠢᠶᠡ ᠲᠤᠬᠢᠶᠠ ᠠᠨᠠᠢ᠃ ︽ᠬᠦᠳᠡᠭᠡ ᠲᠥᠯ ᠮᠠᠯ ᠭᠡᠳ | ᠠᠵᠢᠯ ᠶᠠᠭᠠᠷᠠᠤ᠂ ᠰᠦᠯᠵᠢᠶᠡ ᠲᠤᠬᠢᠶᠠ ᠪᠠᠰᠠ ᠠᠨᠠᠢ᠃ ᠰᠦᠯᠵᠢᠶᠠᠨ ᠤ ᠬᠢᠴᠢᠶᠠᠯ ᠡᠬᠢᠯᠡᠬᠦ ᠠᠴᠠ ᠡᠮᠤᠨᠡ | ᠪᠠᠭᠰᠢ ᠶᠢᠨ ᠦᠯᠡᠳᠡᠭᠡᠭᠰᠡᠨ ᠤᠩᠰᠢᠯᠭᠠ ᠶᠢᠨ ᠲᠠᠰᠬᠠᠯ ᠢ ᠪᠡᠶᠡᠯᠡᠬᠦᠯᠬᠦ ᠪᠠᠷ ᠮᠠᠨᠠᠶᠢᠬᠢᠨ ᠠᠷᠪᠠᠨ ᠤ ᠭᠠᠵᠠᠷ ᠶᠠᠪᠤᠵᠦ᠂ | ᠸᠢᠴᠠᠲ ᠢᠶᠠᠷ ᠤᠩᠰᠢᠯᠭᠠ ᠶᠢᠨ ᠲᠠᠰᠬᠠᠯ ᠢᠶᠠᠨ ᠪᠡᠶᠡᠯᠡᠭᠦᠯᠳᠡᠭ ᠪᠠᠶᠢᠭᠰᠠᠨ᠃ ᠰᠦᠯᠵᠢᠶᠠᠨ ᠤ ᠬᠢᠴᠢᠶᠠᠯ ᠡᠬᠢᠯᠡᠬᠦ ᠪᠠᠷ | ᠡᠳᠤᠷ ᠪᠦᠷᠢ ᠠᠷᠪᠠᠨ ᠤ ᠭᠠᠵᠡᠷ ᠬᠤᠯᠠ ᠪᠠᠶᠢᠭᠠ ᠰᠦᠯᠵᠢᠶᠡ ᠲᠠᠢ ᠭᠠᠵᠠᠷ ᠬᠦᠷᠴᠦ ᠬᠢᠴᠢᠶᠠᠯ ᠤᠷᠣᠳᠠᠭ ᠪᠤᠯᠤᠯᠠ︾ | ᠭᠡᠵᠦ ᠬᠠᠷᠭᠤᠢ ᠶᠢᠨ ᠡᠵᠢ ᠨᠢ ᠶᠠᠷᠢᠨᠠ᠃ ᠬᠠᠷᠭᠤᠢ ᠡᠳᠤᠷ ᠪᠦᠷᠢ ᠰᠢᠷᠡᠭᠡ ᠰᠠᠨᠳᠠᠯᠢ ᠪᠠᠨ ᠠᠪᠤᠭᠠᠳ ᠡᠯᠡᠰᠤᠨ | ᠤᠷᠤᠢ ᠲᠡᠭᠡᠷᠡ ᠬᠢᠴᠢᠶᠠᠯ ᠤᠷᠤᠨᠠ᠃ ᠲᠡᠭᠷᠢ ᠭᠦᠢᠳᠡᠨ ᠦᠶᠡ ᠳᠤ ᠲᠡᠷᠭᠡᠨ ᠲᠡᠭᠡᠷᠡ ᠪᠠᠨ ᠬᠢᠴᠢᠶᠠᠯ ᠢᠶᠠᠨ | ᠰᠤᠨᠤᠰᠳᠠᠭ ᠠᠵᠢ᠃ ᠮᠦᠨ ᠬᠠᠷᠭᠤᠢ ᠲᠠᠢ ᠨᠢᠭᠡ ᠠᠩᠬᠢ ᠶᠢᠨ ᠰᠤᠷᠤᠭᠴᠢ ᠪᠣᠯᠬᠤ ᠨᠠᠴᠢᠨ ᠤ ᠬᠦᠳᠡᠭᠡ ᠭᠡᠷ ᠨᠢ | ᠶᠡᠭᠡ ᠡᠯᠡᠰᠤᠨ ᠳᠤ ᠪᠠᠶᠢᠳᠠᠭ ᠠᠴᠠ ᠰᠠᠯᠬᠢ ᠲᠠᠢ ᠡᠳᠤᠷ ᠰᠦᠯᠵᠢᠶᠡ ᠲᠠᠰᠤᠷᠠᠬᠤ ᠶᠠᠪᠤᠳᠠᠯ ᠪᠠᠶᠢᠩᠭᠤ ᠭᠠᠷᠳᠠᠭ᠃ | ︽ᠦᠴᠦᠭᠡᠳᠤᠷ ᠦᠷᠯᠦᠭᠡᠨ ᠤ ᠲᠤᠭᠠᠨ ᠤ ᠬᠢᠴᠢᠶᠠᠯ ᠢ ᠨᠠᠴᠢᠨ ᠤᠷᠤᠵᠦ ᠴᠢᠳᠠᠭᠰᠠᠨ ᠦᠭᠡᠢ᠂ ᠬᠢᠴᠢᠶᠠᠯ ᠤᠨ | ᠳᠠᠷᠠᠭᠠ ᠪᠠᠷ ᠭᠡᠷ ᠤᠨ ᠠᠬᠠᠮᠠᠳ ᠨᠢ ᠤᠳᠠᠰᠤ ᠢᠷᠡᠬᠦᠯᠵᠦ᠂ ᠰᠦᠯᠵᠢᠶᠡ ᠲᠠᠰᠤᠷᠠᠭᠰᠠᠨ ᠠᠴᠠ ᠬᠢᠴᠢᠶᠠᠯ ᠰᠤᠨᠤᠰᠴᠦ | ᠴᠢᠳᠠᠭᠰᠠᠨ ᠦᠭᠡᠢ᠂ ᠰᠦᠯᠵᠢᠶᠡ ᠰᠠᠶᠢᠲᠠᠢ ᠭᠠᠵᠠᠷ ᠬᠦᠷᠪᠡᠯ ᠲᠤᠭᠠᠨ ᠤ ᠬᠢᠴᠢᠶᠠᠯ ᠢ ᠨᠢ ᠨᠦᠬᠦᠵᠦ ᠦᠭᠬᠦ ᠪᠤᠯᠪᠠᠤ | ᠭᠡᠵᠦ ᠭᠤᠶᠤᠬᠤ ᠪᠠᠷ ᠪᠢ ᠦᠳᠡ ᠶᠢᠨ ᠴᠠᠭ ᠢᠶᠠᠨ ᠠᠰᠢᠭᠯᠠᠭᠠᠳ ᠨᠠᠴᠢᠨ ᠳᠤ ᠬᠢᠴᠢᠶᠠᠯ ᠢ ᠨᠢ ᠨᠦᠬᠦᠵᠡᠢ︾ ᠭᠡᠵᠦ | ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠶᠠᠩ ᠲᠠᠢ ᠬᠤᠸᠠ ᠪᠠᠭᠰᠢ ᠶᠠᠷᠢᠵᠦ ᠪᠠᠶᠢᠯᠠ᠃ | ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠲᠤᠷᠰᠢᠯᠲᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ | ᠵᠢᠷᠭᠤᠳᠤᠭᠠᠷ ᠣᠨ ᠤ ᠬᠤᠶᠠᠳᠤᠭᠠᠷ ᠠᠩᠬᠢ ᠳᠤ ᠰᠦᠯᠵᠢᠶᠡ ᠲᠤᠬᠢᠶᠠ᠂ ᠲᠤᠨᠤᠭ ᠲᠦᠭᠦᠭᠡᠷᠦᠮᠵᠢ ᠠᠨᠠᠢ ᠵᠡᠷᠭᠡ | ᠠᠷᠪᠢᠨ ᠬᠦᠴᠢᠷᠳᠠᠯ ᠢ ᠠᠷᠭᠠᠴᠠᠭᠠᠵᠦ ᠬᠢᠴᠢᠶᠠᠯ ᠢᠶᠠᠨ ᠰᠠᠭᠠᠲᠠᠭᠠᠬᠤ ᠦᠭᠡᠢ ᠤᠷᠤᠵᠦ ᠪᠠᠶᠢᠭᠠ ᠰᠤᠷᠤᠭᠴᠢ ᠭᠤᠷᠪᠠ | ᠪᠠᠶᠢᠨᠠ ᠭᠡᠳᠡᠭ ᠢ ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠤᠶᠤᠩᠭᠤᠸᠠ ᠪᠠᠭᠰᠢ ᠨᠢ ᠶᠠᠷᠢᠵᠤ ᠪᠠᠶᠢᠯᠠ᠃ ᠤᠶᠤᠩᠭᠤᠸᠠ | ᠪᠠᠭᠰᠢ ᠶᠢᠨ ᠠᠩᠬᠢ ᠶᠢᠨ ᠰᠤᠷᠤᠭᠴᠢ ᠠᠮᠢᠨᠠ᠂ ᠠᠰᠤᠷᠤ᠂ ᠠᠪᠢᠶᠠᠰ ᠵᠡᠷᠭᠡ ᠭᠤᠷᠪᠠᠨ ᠬᠡᠤᠬᠡᠳ ᠤᠨ ᠬᠦᠳᠡᠭᠡ | ᠭᠡᠷ ᠨᠢ ᠪᠦᠷ ᠰᠦᠯᠵᠢᠶᠡ ᠲᠤᠬᠢᠶᠠ ᠦᠭᠡᠢ ᠭᠠᠵᠠᠷ ᠪᠠᠶᠢᠳᠠᠭ ᠪᠤᠯᠬᠤᠷ ᠭᠡᠷ ᠤᠨ ᠠᠬᠠᠮᠠᠳ ᠨᠢ ᠪᠦᠷ ᠦᠪᠡᠷ | ᠦᠪᠡᠷ ᠤᠨ ᠠᠷᠭᠠ ᠪᠠᠷ ᠢᠶᠠᠨ ᠰᠦᠯᠵᠢᠶᠡ ᠵᠠᠯᠭᠠᠵᠦ ᠬᠡᠤᠬᠡᠳ ᠤᠨ ᠢᠶᠠᠨ ᠬᠢᠴᠢᠶᠠᠯ ᠰᠤᠷᠤᠯᠭᠠ ᠶᠢ ᠨᠢ | ᠬᠤᠵᠢᠭᠳᠠᠭᠤᠯᠬᠤ ᠦᠭᠡᠢ ᠪᠠᠷ ᠴᠢᠷᠮᠠᠶᠢᠵᠦ ᠪᠠᠶᠢᠨᠠ᠃ ᠠᠮᠢᠨᠠ ᠶᠢᠨ ᠬᠦᠳᠡᠭᠡ ᠭᠡᠷ ᠨᠢ ᠠᠯᠠᠱᠠ ᠵᠡᠬᠦᠨ | ᠬᠤᠰᠢᠭᠤᠨ ᠤ ᠢᠩᠭᠡᠨ ᠰᠤᠮᠤᠨ ᠤ ᠬᠦᠪᠡᠭᠡ ᠭᠠᠴᠠᠭᠠᠨ ᠤ ᠰᠦᠯᠵᠢᠶᠡ ᠬᠠᠷᠢᠴᠠᠩᠭᠤᠢ ᠠᠨᠠᠢ ᠭᠠᠵᠠᠷ ᠲᠤ ᠪᠠᠶᠢᠳᠠᠭ᠃ | ᠬᠢᠴᠢᠶᠠᠯᠯᠡᠬᠦ ᠠᠩᠬᠠᠨ ᠤ ᠡᠳᠤᠷ ᠠᠮᠢᠨᠠ ᠭᠡᠷ ᠠᠴᠠ ᠪᠠᠨ ᠬᠤᠷᠢ ᠭᠠᠷᠤᠢ ᠭᠠᠵᠠᠷ ᠤᠨ ᠵᠠᠶᠢᠲᠠᠢ ᠰᠦᠯᠵᠢᠶᠡ ᠲᠠᠢ | ᠭᠠᠵᠠᠷ ᠪᠠᠭᠰᠢ ᠪᠠ ᠬᠠᠮᠲᠤ ᠰᠤᠷᠤᠯᠭᠠᠳᠠᠳ ᠲᠠᠢ ᠪᠠᠨ ᠣᠯᠣᠰ ᠤᠨ ᠲᠤᠭ ᠢᠶᠠᠨ ᠮᠠᠨᠳᠤᠭᠤᠯᠵᠦ᠂ ᠠᠩᠬᠠᠨ ᠤ | ᠬᠢᠴᠢᠶᠠᠯ ᠢᠶᠠᠨ ᠤᠷᠤᠭᠰᠠᠨ ᠪᠠᠶᠢᠨᠠ᠃ ᠠᠰᠤᠷᠤ ᠪᠠ ᠠᠪᠢᠶᠠᠰ ᠬᠤᠶᠠᠷ ᠤᠨ ᠭᠡᠷ ᠤᠨ ᠠᠬᠠᠮᠠᠳ ᠨᠢ ᠪᠠᠭᠰᠢ ᠶᠢᠨ | ᠬᠢᠨᠢ ᠰᠠᠨᠠᠭᠤᠯᠭᠠ ᠪᠠᠷ ᠡᠷᠲᠠᠨ ᠠᠴᠠ ᠪᠡᠯᠡᠳᠭᠡᠯ ᠠᠵᠢᠯ ᠢᠶᠠᠨ ᠬᠢᠵᠦ᠂ ᠰᠦᠯᠵᠢᠶᠠᠨ ᠬᠢᠴᠢᠶᠠᠯ ᠳᠤ ᠲᠤᠰᠬᠠᠢ | ᠵᠤᠷᠢᠭᠤᠯᠤᠨ᠂ ᠬᠦᠳᠡᠭᠡ ᠭᠡᠷ ᠲᠡᠭᠡᠨ WIFI ᠤᠭᠰᠠᠷᠠᠵᠤ᠂ ᠬᠡᠤᠬᠡᠳ ᠤᠨ ᠢᠶᠠᠨ ᠬᠢᠴᠢᠶᠠᠯ ᠢᠶᠠᠨ ᠴᠠᠭ ᠲᠠᠭᠠᠨ | ᠤᠷᠤᠬᠤ ᠶᠢ ᠪᠠᠲᠤᠯᠠᠭᠰᠠᠨ ᠪᠠᠶᠢᠯᠠ᠃ ᠠᠪᠢᠶᠠᠰ ᠤᠨ ᠰᠦᠯᠵᠢᠶᠡ ᠰᠠᠶᠢᠵᠢᠷᠠᠭᠰᠠᠨ ᠴᠤ ᠭᠠᠷ ᠤᠳᠠᠰᠤ ᠨᠢ ᠪᠠᠶᠢᠩᠭᠤ | ᠬᠠᠯᠠᠭᠠᠳ ᠪᠠᠶᠢᠬᠤ ᠪᠠᠷ ᠨᠢ ᠠᠪᠤ ᠡᠵᠢ ᠨᠢ ᠬᠠᠵᠠᠭᠤ ᠠᠶᠢᠯ ᠤᠨ ᠺᠤᠮᠫᠢᠦ᠋ᠲ᠋ᠧᠷ ᠢ ᠵᠢᠭᠡᠯᠡᠵᠦ ᠠᠪᠴᠢᠷᠠᠭᠠᠳ | ᠰᠦᠯᠵᠢᠶᠠᠨ ᠬᠢᠴᠢᠶᠠᠯ ᠤᠷᠤᠵᠦ ᠪᠠᠶᠢᠨᠠ᠃ ᠬᠦᠴᠢᠷᠳᠡᠯ ᠠᠷᠪᠢᠨ ᠴᠤ ᠬᠢᠴᠢᠶᠠᠯ ᠰᠠᠭᠠᠳᠠᠭᠤᠯᠬᠤ ᠦᠭᠡᠢ ᠭᠡᠮᠡᠨ | ᠪᠠᠭᠰᠢ᠂ ᠭᠡᠷ ᠤᠨ ᠠᠬᠠᠮᠠᠳ᠂ ᠰᠤᠷᠤᠭᠴᠢ ᠬᠠᠮᠳᠤᠪᠡᠷ ᠴᠢᠷᠮᠠᠶᠢᠭᠰᠠᠭᠠᠷ ᠁ | （ᠵᠣᠬᠢᠶᠠᠭᠴᠢ᠄ ᠪᠤᠯᠤᠷᠰᠤᠪᠤᠳ） | | | | | | | | | | |