ᠰᠠᠯᠬᠢᠨ ᠤ ᠦᠵᠦᠭᠦᠷ ᠲᠤ ᠪᠥᠵᠢᠬᠦ ᠲᠣᠷᠭᠠᠨ ᠮᠡᠳᠡᠷᠡᠮᠵᠢ | ᠰᠠᠷᠠᠨ ᠤ ᠭᠡᠷᠡᠯ ᠣᠶᠢᠭᠰᠠᠨ ᠨᠢᠳᠦᠨ ᠪᠤᠯᠠᠭ ᠤᠨ ᠣᠰᠤᠨ | ᠰᠡᠳᠬᠢᠯ ᠳᠤ ᠬᠤᠨᠤᠭᠰᠢᠭᠰᠠᠨ ᠠᠩᠬᠠᠨ ᠤ ᠭᠡᠨᠡᠭᠭᠡᠨ ᠬᠠᠶᠢᠷᠠ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠠᠷᠢᠭᠤᠨ ᠲᠤᠷᠠᠳᠬᠠᠯ᠂ | ᠵᠡᠯᠡᠨ ᠲᠡᠭᠡᠷᠡ ᠴᠤᠪᠬᠤᠴᠢᠵᠤ ᠨᠠᠷᠠᠨ ᠵᠥᠪ ᠡᠷᠭᠢᠬᠦ ᠮᠣᠷᠢᠳ | ᠵᠡᠭᠡᠰᠦᠲᠤ ᠨᠠᠭᠤᠷ ᠲᠠᠭᠠᠨ ᠵᠥᠭᠡᠯᠡᠨ ᠱᠤᠮᠪᠠᠭ᠋ᠤ ᠬᠤᠣᠰ ᠠᠩᠭᠢᠷ | ᠵᠡᠭᠡᠷᠡᠨ ᠰᠢᠷᠭᠠᠯ ᠦᠷᠯᠦᠭᠡ ᠰᠠᠴᠤᠯᠢ ᠡᠷᠭᠦᠨ ᠨᠠᠮᠠᠨᠴᠢᠯᠠᠬᠤ ᠡᠮᠡᠭᠡ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠵᠢᠷᠦᠬᠡᠨ ᠦᠵᠡᠭᠳᠡᠯ᠂ | ᠨᠠᠷᠠᠨ ᠳᠤ ᠵᠠᠯᠪᠠᠷᠢᠵᠤ ᠵᠤᠭᠰᠤᠭᠠ ᠪᠣᠷᠤᠬᠠᠨ ᠪᠦᠰᠡᠭᠦᠢ | ᠨᠠᠭᠠᠯᠢᠩᠬᠠᠢ ᠬᠡᠥᠬᠡᠳ ᠡᠵᠢ ᠳᠡᠭᠡᠨ ᠦᠨᠦᠰᠦᠭᠦᠯᠵᠤ ᠡᠷᠬᠡᠯᠡᠬᠦ | ᠨᠠᠷᠠᠲᠤ ᠳᠤ ᠮᠥᠷ ᠢᠶᠠᠨ ᠦᠯᠡᠳᠡᠭᠡᠵᠤ ᠪᠤᠢ ᠠᠮᠢᠲᠠᠨ ᠭᠤᠣᠯᠲᠠᠨ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠣᠶᠤᠨ ᠤ ᠡᠷᠭᠢᠴᠡᠭᠦᠯᠦᠯ᠂ | ᠨᠦᠢᠷ ᠭᠡᠵᠢᠭᠡᠳᠡᠭᠰᠡᠨ ᠬᠥᠭᠡᠷᠦᠬᠦᠨ ᠠᠮᠠᠷᠠᠭ ᠤᠨ ᠮᠢᠨᠢ ᠳᠦᠷᠢ | ᠨᠣᠭᠲᠤ ᠪᠠᠨ ᠴᠢᠷᠦᠭᠰᠡᠨ ᠪᠤᠲᠤᠭᠤ ᠰᠦ ᠮᠥᠷᠦᠭᠡᠰᠴᠤ ᠭᠤᠩᠭᠠᠨᠠᠬᠤ | ᠨᠤᠲᠤᠭ ᠤᠷᠤᠭᠤ ᠪᠠᠨ ᠪᠤᠴᠠᠬᠤ ᠮᠠᠯᠴᠢᠨ ᠬᠦᠮᠦᠨ ᠤ ᠪᠠᠶᠠᠰᠤᠯ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠨᠤᠲᠤᠭ ᠰᠠᠨᠠᠭᠠᠰᠢᠷᠠᠯ᠂ | ᠴᠡᠴᠡᠭ ᠭᠤᠨᠳᠠᠬᠤ ᠲᠤᠭᠠᠯᠠᠩ ᠢᠶᠠᠷ ᠭᠤᠨᠢᠭ ᠨᠡᠮᠡᠭᠳᠡᠬᠦ | ᠴᠠᠮᠴᠠ ᠪᠠᠨ ᠲᠠᠶᠢᠯᠬᠤ ᠮᠡᠲᠦ ᠭᠤᠨᠢᠭ ᠢᠶᠠᠨ ᠨᠢᠮᠭᠡᠯᠡᠬᠦ | ᠴᠡᠭᠡᠵᠢᠨ ᠤ ᠭᠦᠨ ᠳᠤ ᠰᠢᠷᠤᠩᠬᠠᠶᠢᠯᠠᠬᠤ ᠤᠷᠲᠤ ᠶᠢᠨ ᠲᠠᠭᠤᠤ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠵᠥᠭᠡᠯᠡᠨ ᠭᠤᠨᠢᠭᠯᠠᠯ᠂ | ᠲᠥᠷᠦᠭᠡ ᠴᠠᠩᠭᠢᠨᠠᠭᠤᠯᠤᠨ ᠰᠢᠭᠦᠷᠡᠬᠦ ᠡᠪᠡᠰᠦᠨ ᠲᠣᠯᠤᠭᠠᠢ | ᠲᠥᠷᠪᠡᠨ ᠴᠠᠭ ᠢ ᠤᠯᠠᠷᠢᠭᠤᠯᠬᠤ ᠶᠢᠷᠲᠢᠨᠴᠣ ᠶᠢᠨ ᠵᠢᠷᠤᠭ | ᠲᠡᠤᠬᠡᠨ ᠳᠤ ᠪᠢᠴᠢᠭᠳᠡᠭᠰᠡᠨ ᠮᠤᠩᠭᠤᠯ ᠤᠨ ᠪᠠᠭᠠᠲᠤᠷ ᠤᠳ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠦᠵᠦᠭ ᠤᠨ ᠴᠢᠮᠡᠭᠡᠯᠡᠯ᠂ | ᠭᠠᠭᠴᠠᠭᠠᠷᠳᠠᠯ ᠤᠨ ᠤᠶᠠᠭᠠᠨ ᠳᠤ ᠥᠪᠡᠷ ᠢ ᠪᠠᠨ ᠬᠦᠯᠢᠬᠦ | ᠭᠠᠭᠴᠠᠭᠠᠷᠳᠠᠮᠠᠯ ᠲᠡᠭᠷᠢ ᠶᠢᠨ ᠴᠡᠭᠡᠵᠢᠨᠡ ᠣᠳᠣᠳ ᠵᠡᠭᠦᠭᠳᠡᠬᠦ | ᠭᠠᠩᠰᠠᠷᠠᠯ ᠤᠨ ᠪᠤᠷᠤᠭᠠᠨ ᠪᠦᠲᠦᠨ ᠪᠡᠶᠡ ᠶᠢ ᠨᠣᠷᠭᠠᠬᠤ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠭᠡᠭᠡᠨ ᠮᠥᠷᠦᠭᠡᠳᠦᠯ᠂ | ᠬᠤᠯᠠ ᠶᠢᠨ ᠬᠤᠯᠠ ᠳᠤ ᠢᠰᠭᠡᠷᠬᠦ ᠡᠯᠡᠰᠦᠨ ᠴᠣᠬᠢᠶᠠᠳ | ᠬᠤᠩᠭᠤᠷ ᠰᠠᠯᠬᠢᠨ ᠠᠭᠤᠯᠠ ᠪᠠᠨ ᠠᠷᠭᠠᠳᠠᠬᠤ ᠴᠢᠮᠡᠭᠡ | ᠬᠤᠷᠸᠠ ᠳᠤ ᠦᠯᠡᠳᠡᠭᠡᠬᠦ ᠵᠢᠷᠦᠬᠡᠨ ᠤ ᠪᠣᠳᠤᠯᠭᠠᠰᠢᠷᠠᠯ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠰᠢᠯᠦᠭ ᠤᠨ ᠬᠤᠷᠭᠤᠳᠠᠯ᠂ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠲᠤᠨ ᠤ ᠰᠡᠯᠡᠮᠡ ᠪᠠᠨ ᠡᠷᠭᠦᠭᠰᠡᠨ ᠲᠠᠩᠭᠠᠷᠢᠭ | ᠮᠠᠷᠺᠤ ᠫᠤᠯᠤ ᠶᠢᠨ ᠨᠢᠳᠦ ᠪᠠᠨ ᠤᠨᠠᠭᠠᠭᠰᠠᠨ ᠮᠣᠩᠭᠤᠯ ᠤᠨ ᠶᠡᠭᠡ ᠬᠡᠭᠡᠷᠡ ᠲᠠᠯᠠ | ᠮᠠᠷᠠᠯ ᠭᠤᠷᠪᠠᠨ ᠣᠳᠤ ᠮᠠᠨᠢ ᠤᠩᠰᠢᠬᠤ ᠰᠢᠬ ᠭᠢᠯᠪᠠᠯᠵᠠᠬᠤ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠣᠨ ᠴᠠᠭ ᠤᠨ ᠪᠣᠳᠤᠷᠤᠤᠯ᠂ | ᠡᠬᠢᠯᠡᠯ ᠨᠢ ᠪᠠᠶᠢᠭᠰᠠᠨ ᠴᠤ ᠲᠡᠭᠦᠰᠭᠡᠯ ᠦᠭᠡᠢ ᠡᠨᠡ ᠣᠷᠴᠢᠯᠠᠩ | ᠡᠴᠢᠭᠡ ᠶᠢᠨ ᠰᠤᠷᠭᠠᠯ᠂ ᠡᠬᠡ ᠶᠢᠨ ᠵᠠᠬᠢᠶᠠᠰᠤ ᠲᠠᠢ ᠡᠬᠡ ᠣᠷᠤᠨ | ᠡ᠊ᠨᠳᠡᠭᠦᠷᠡᠯ᠂ ᠭᠤᠮᠤᠷᠬᠠᠯ᠂ ᠢᠨᠢᠶᠡᠮᠰᠦᠭᠯᠡᠯ᠂ ᠶᠡᠬᠡᠮᠰᠦᠭᠯᠡᠯ ᠁ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠡᠴᠦᠰ ᠤᠨ ᠨᠠᠶᠢᠷᠠᠭᠯᠠᠯ᠂ | ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠪᠤᠳᠤᠯ ᠡ︕ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠪᠤᠳᠤᠯ ᠡ ᠭᠡᠵᠤ ᠁ | ︵ ᠵᠣᠬᠢᠶᠠᠭᠴᠢ᠄ ᠡ᠊ · ᠬᠤᠷᠸᠠ︶ |