ᠬᠦᠬᠡ ᠲᠡᠭᠷᠢ ᠶᠢᠨ ᠬᠠᠶᠠᠬ᠋ᠠ ᠠᠮᠠᠳᠠᠬᠰᠠᠨ ᠬ᠋ᠤᠪᠢ ᠶᠢᠨ ᠴᠠᠭᠠᠨᠠ | ᠬᠦᠷᠡᠩ ᠠᠭᠤᠯᠠᠰ ᠤᠨ ᠨᠦᠮᠦᠷᠢ ᠪᠠᠷᠠᠳᠠᠭᠰᠠᠨ ᠲᠤᠭᠤᠨᠤᠳᠦ ᠮᠢᠨᠢ ᠪᠤᠢ | ᠬᠦᠷᠬᠦ ᠶᠢᠨ ᠲᠤᠭᠠᠯᠠᠩ ᠢᠶᠠᠷ ᠵᠢᠷᠦᠬᠡ ᠨᠣᠷᠭᠠᠨ ᠦᠮᠦᠯᠵᠡᠭᠦᠯᠬᠦ | ᠬᠦᠭᠡᠷᠦᠭᠰᠡᠨ ᠰᠦᠨ ᠤ ᠪᠢᠳᠡᠷᠳᠠᠢ ᠬᠦᠬᠡ ᠬᠠᠳᠠᠨ ᠤ ᠡᠪᠦᠯᠵᠢᠶᠡ ᠮᠢᠨᠢ | ᠠᠭᠤᠯᠠᠰ ᠤᠨ ᠴᠢᠨᠢ ᠤᠷᠤᠢ ᠪᠠᠷ ᠵᠢᠭᠦᠷ ᠢᠶᠠᠨ ᠴᠤᠴᠠᠭᠠᠨ ᠪᠤᠴᠠᠳᠠᠬ | ᠤᠰᠤᠨ ᠤ ᠰᠢᠪᠠᠭᠤᠳ ᠪᠠᠭᠤᠬᠤ ᠨᠠᠭᠤᠷ ᠦᠭᠡᠢ ᠴᠤ ᠨᠤᠲᠤᠭ ᠮᠢᠨᠢ | ᠴᠡᠴᠡᠭ ᠲᠠᠰᠤᠯᠬᠤ ᠳᠤ ᠡᠷᠪᠡᠬᠡᠢ ᠨᠢ ᠦᠮᠦᠯᠵᠡᠬᠦ ᠵᠤᠨ ᠤ ᠰᠠᠷᠠ ᠪᠠᠷ | ᠴᠡᠭᠡᠨ ᠳᠤ ᠨᠢᠯᠬᠠᠷᠠᠭᠰᠠᠨ ᠰᠠᠷᠠ ᠨᠢ ᠥᠨᠵᠢᠳᠡᠭ ᠰᠦᠨ ᠲᠠᠯᠠ ᠮᠢᠨᠢ | ᠣᠮᠣᠭᠯᠠᠩ ᠴᠡᠩᠬᠡᠷ ᠰᠠᠯᠬᠢ ᠨᠢ ᠲᠠᠭᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠤ ᠡᠷᠬᠡᠯᠡᠭᠰᠡᠨ | ᠣᠳᠣᠳ ᠤᠨ ᠭᠡᠭᠡ ᠲᠠᠯᠠᠴᠠᠭᠤᠯᠤᠨ ᠲᠡᠭᠷᠢ ᠶᠢᠨ ᠣᠶᠣᠳᠠᠯ ᠪᠤᠯᠭᠢᠭᠰᠠᠨ | ᠣᠲᠣᠷ ᠤᠨ ᠭᠡᠷ ᠤᠨ ᠬᠠᠶᠠᠭᠠᠨ ᠠᠴᠠ ᠮᠥᠨ ᠴᠢᠨᠠᠷ ᠢ ᠤᠷᠭᠤᠭᠤᠯᠤᠭᠰᠠᠨ | ᠤᠳᠤ ᠴᠦ ᠭᠡᠰᠡᠨ ᠰᠤᠳᠠᠯ ᠳᠤ ᠮᠢᠨᠢ ᠬᠦᠮᠦᠨ ᠴᠢᠨᠠᠷ ᠨᠢ ᠤᠷᠤᠰᠤᠭᠰᠠᠨ | ᠬᠡᠴᠡ ᠶᠢᠨ ᠬᠤᠷᠭᠤᠨ ᠴᠢᠯᠦᠭᠡᠨ ᠳᠤ | ᠴᠡᠴᠡ ᠪᠤᠯᠢᠶᠠᠯᠴᠠᠬᠤ ᠰᠢᠪᠠᠭᠤᠬᠠᠢ ᠰᠢᠬ ᠪᠠᠭᠠ ᠨᠠᠰᠤ ᠮᠢᠨᠢ ᠲᠡᠨᠳᠡ ᠪᠤᠢ | ᠬᠡᠭᠡᠷᠡ ᠶᠢᠨ ᠲᠣᠷᠭᠠᠨ ᠵᠡᠷᠭᠡᠯᠭᠡᠨ ᠳᠤ | ᠵᠡᠭᠡᠷᠡ ᠶᠢᠨ ᠰᠢᠯᠪᠢ ᠨᠣᠷᠬᠤ ᠰᠢᠭ᠋ ᠮᠡᠳᠡᠷᠡᠮᠵᠢ ᠨᠢ ᠨᠠᠳᠠ ᠳᠤ ᠪᠤᠢ᠃ | ᠡᠭᠦᠯᠡᠨ ᠰᠡᠮᠡᠷᠡᠭᠡ ᠲᠠᠯᠠᠯᠠᠵᠤ ᠵᠣᠭᠰᠣᠭᠰᠠᠨ ᠠᠭᠤᠯᠠᠰ ᠤᠨ ᠳᠤᠮᠳᠠ | ᠡᠭᠦᠲᠡᠨ ᠬᠤᠶᠢᠮᠤᠷ ᠲᠤ ᠨᠡᠷᠡᠨ ᠳᠣᠱᠠᠭᠳᠠᠭᠰᠠᠨ ᠲᠤᠭᠤᠨᠤᠳᠦ ᠮᠢᠨᠢ ᠪᠤᠢ | ᠦᠳᠡᠬᠦᠯᠬᠦ ᠶᠢᠨ ᠲᠤᠭᠠᠯᠠᠩ ᠢᠶᠠᠷ ᠥᠷᠥᠴᠡ ᠶᠢ ᠮᠢᠨᠢ ᠵᠢᠷᠤᠨ ᠬᠤᠴᠣᠷᠬᠤ | ᠥᠷᠥᠮᠡᠨ ᠤ ᠰᠢᠷᠠ ᠪᠢᠳᠠᠷᠳᠠᠢ ᠴᠠᠭᠠᠨ ᠬᠠᠳᠠᠨ ᠤ ᠡᠪᠦᠯᠵᠢᠶᠡ ᠮᠢᠨᠢ | ᠠᠳᠤᠭᠤᠨ ᠤ ᠴᠠᠭᠠᠨ ᠬᠥᠯᠥᠰᠦᠨ ᠳᠤ ᠵᠢᠪᠠᠷ ᠢᠶᠠᠨ ᠬᠠᠳᠠᠭᠠᠨ ᠰᠡᠷᠢᠳᠡᠭ | ᠠᠪᠤ ᠶᠢᠨ ᠮᠢᠨᠢ ᠦᠨᠦᠷ ᠰᠢᠩᠭᠡᠭᠰᠡᠨ ᠠᠷᠭᠤᠮᠠᠭ ᠬᠥᠬᠡ ᠠᠭᠤᠯᠠ ᠮᠢᠨᠢ | ᠦᠰᠦᠭᠡᠢ ᠡᠷᠭᠦᠬᠦ ᠳᠤ ᠥᠯᠮᠡᠢ ᠨᠢ ᠲᠠᠲᠠᠭᠳᠠᠬᠤ ᠲᠡᠯᠡᠭᠡᠢ ᠶᠢᠨ ᠨᠢᠷᠤᠭᠤᠨ ᠳᠤ | ᠦᠪᠡᠷ ᠤᠨ ᠢᠶᠠᠨ ᠰᠡᠭᠦᠳᠡᠷ ᠠᠴᠠ ᠦᠪᠡᠷ ᠢᠶᠠᠨ ᠬᠠᠷᠠᠮᠨᠠᠳᠠᠭ ᠨᠤᠳᠤᠭ ᠮᠢᠨᠢ | ᠦᠲᠡᠯᠬᠦ ᠶᠢᠨ ᠴᠠᠬ ᠲᠤ ᠴᠢᠮᠠ ᠲᠡᠭᠡᠷᠡ ᠪᠠᠨ ᠦᠬᠦᠵᠦ ᠰᠢᠩᠭᠡᠬᠦ | ᠦᠷᠡ ᠶᠢᠨ ᠮᠢᠨᠢ ᠨᠦᠬᠦᠵᠦ ᠰᠢᠮᠡᠬᠦ ᠦᠷᠭᠦᠯᠵᠢᠯᠡᠯ ᠮᠢᠨᠤ᠂ ᠨᠤᠳᠤᠭ ᠮᠢᠨᠦ᠃ | ︵ᠵᠣᠬᠢᠶᠠᠭᠴᠢ᠄ ᠼᠡᠶ᠋ᠢᠩᠰᠠᠩ︶ |