| | | | | | | | | | | | — ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠰᠢᠯᠢᠳᠡᠭ ᠨᠠᠮ ᠤᠨ ᠭᠡᠰᠢᠭᠦᠨ ᠲᠥᠪᠪᠠᠲᠤ ᠶᠢᠨ ᠲᠡᠷᠢᠭᠦᠨ ᠤ | ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠲᠡᠮᠳᠡᠭᠯᠡᠪᠡ | | | ᠰᠢᠷᠭᠠᠯ ᠮᠠᠩᠬᠠ ᠶᠢ ᠨᠣᠭᠲᠣᠯᠵᠤ ᠨᠣᠭᠤᠭᠠᠨ ᠬᠦᠷᠮᠡ ᠨᠥᠮᠥᠷᠭᠡᠭᠰᠡᠨ ᠠᠬᠠᠮᠠᠳ ᠨᠠᠮ ᠤᠨ ᠭᠡᠰᠢᠭᠦᠨ | ᠲᠥᠪᠪᠠᠲᠤ ᠶᠢᠨ ᠲᠤᠬᠠᠢ ᠬᠥᠮᠥᠰ ᠡᠯᠡ ᠵᠦᠢᠯ ᠤᠨ ᠰᠣᠨᠢᠨ ᠰᠡᠳᠬᠦᠯ᠂ ᠵᠢᠷᠤᠭᠲᠤ ᠠᠴᠠ ᠵᠥᠩᠳᠡᠭᠡᠨ ᠬᠠᠷᠠᠵᠤ | ᠪᠠᠰᠠ ᠭᠠᠶᠢᠬᠠᠨ ᠪᠢᠰᠢᠷᠡᠵᠦ ᠪᠠᠶᠢᠭᠰᠠᠨ ᠪᠠᠶᠢᠬᠠ᠃ ᠨᠠᠰᠤ ᠵᠢᠷᠠ ᠶᠢᠨ ᠳᠠᠪᠠᠭᠠ ᠶᠢ ᠳᠠᠪᠠᠭᠰᠠᠨ ᠲᠡᠷᠡᠪᠡᠷ ᠠᠵᠢᠯ ᠤᠨ | ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠪᠣᠯᠪᠠᠴᠤ ᠵᠢᠷᠭᠠᠵᠤ ᠰᠠᠭᠤᠬᠤ ᠶᠢ ᠪᠣᠳᠤᠭᠠ ᠦᠭᠡᠢ᠂ ᠬᠠᠷᠢᠨ ᠠᠷᠪᠠᠨ ᠬᠡᠳᠦᠨ ᠵᠢᠯ ᠤᠨ | ᠲᠤᠷᠰᠢ ᠭᠠᠯᠵᠠᠭᠤ ᠮᠠᠩᠬᠠ ᠲᠠᠢ ᠡᠷᠡᠯᠬᠡᠭᠯᠡᠨ ᠲᠡᠮᠡᠴᠡᠵᠦ ︽ ᠳᠣᠯᠭᠤᠷ ᠵᠣᠷᠢᠯᠳᠠ ᠪᠠᠨ ᠮᠠᠷᠲᠠᠯ ᠦᠭᠡᠢ᠂ ᠡᠭᠦᠷᠭᠡ | ᠬᠠᠷᠢᠭᠤᠴᠠᠯᠭᠠ ᠪᠠᠨ ᠪᠠᠲᠤ ᠴᠡᠭᠡᠵᠢᠯᠡᠬᠦ︾ ᠭᠡᠳᠡᠭ ᠦᠭᠡ ᠶᠢᠨ ᠵᠢᠩᠬᠢᠨᠢ ᠤᠳᠬᠠ ᠶᠢ ᠥᠪᠡᠷ ᠤᠨ ᠦᠢᠯᠡ | ᠠᠵᠢᠯᠯᠠᠭᠠ ᠪᠠᠷ ᠢᠶᠠᠨ ᠲᠠᠶᠢᠯᠵᠤ ᠶᠠᠪᠤᠭᠰᠠᠨ ᠨᠢᠭᠡᠨ᠃ ᠨᠡᠩ ᠴᠤ ᠲᠡᠭᠦᠨ ᠤ ᠨᠤᠲᠤᠭ ᠢᠶᠠᠨ ᠣᠶᠢᠵᠢᠭᠤᠯᠵᠤ | ᠨᠤᠲᠤᠭ ᠤᠨ ᠤᠯᠠᠨ ᠲᠦᠮᠡᠨ ᠳᠡᠭᠡᠨ ᠠᠰᠢᠭ ᠬᠦᠷᠲᠡᠭᠡᠭᠰᠡᠨ ᠶᠠᠪᠤᠳᠠᠯ ᠨᠢ ᠬᠥᠮᠥᠰ ᠤᠨ ᠰᠡᠳᠬᠢᠯ ᠤᠨ ᠭᠦᠨ ᠳᠤ | ᠰᠢᠩᠭᠡᠵᠦ᠂ ᠲᠥᠪᠪᠠᠲᠤ ᠮᠠᠨᠢ ᠨᠢᠭᠡ ᠨᠠᠮ ᠤᠨ ᠭᠡᠰᠢᠭᠦᠨ ᠤ ᠵᠢᠱᠢᠶᠡᠴᠢ ᠦᠢᠯᠡᠳᠦᠯ ᠢᠶᠠᠨ ᠦᠨᠡᠨᠬᠦ ᠪᠠᠳᠠᠷᠠᠭᠤᠯᠵᠤ | ᠴᠢᠳᠠᠭᠰᠠᠨ ᠭᠡᠳᠡᠭ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠭᠠ᠃ | ᠲᠥᠪᠪᠠᠲᠤ ᠶᠢᠨ ᠨᠤᠲᠤᠭ ᠨᠢ ᠠᠯᠠᠱᠠ ᠠᠶᠢᠮᠠᠭ ᠤᠨ ᠡᠵᠡᠨᠡ ᠬᠤᠰᠢᠭᠤᠨ ᠤ ᠳ᠋ᠦᠩᠹᠧᠩ ᠪᠠᠯᠭᠠᠰᠤᠨ ᠤ | ᠭᠤᠷᠤᠨᠠᠢ ᠭᠠᠴᠠᠭᠠ ᠪᠣᠯᠣᠨᠠ᠃ 3.4 ᠬᠠᠪᠳᠠᠭᠠᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠲᠠᠯᠠᠪᠠᠢ ᠲᠠᠢ ᠳ᠋ᠦᠩᠹᠧᠩ ᠪᠠᠯᠭᠠᠰᠤ | ᠭᠡᠭᠴᠢ ᠪᠠᠳᠠᠢ ᠶᠢᠨ ᠵᠢᠷᠠᠨ ᠤ ᠡᠯᠡᠰᠦᠨ ᠳᠤ ᠬᠦᠷᠢᠶᠡᠯᠡᠭᠳᠡᠵᠦ᠂ ᠵᠢᠯ ᠤᠨ ᠬᠤᠷᠠ ᠲᠤᠨᠤᠳᠠᠰᠤᠨ ᠤ ᠬᠡᠮᠵᠢᠶᠡ 37 | ᠮᠢᠯᠢᠮᠧᠲᠷ ᠴᠤ ᠬᠦᠷᠳᠡᠭ ᠦᠭᠡᠢ ᠭᠠᠩ ᠬᠠᠭᠤᠷᠠᠢ ᠣᠷᠣᠨ ᠶᠤᠮᠰᠠᠨ᠃ ᠲᠡᠭᠦᠨ ᠤ ᠪᠠᠶᠢᠭᠠ ᠭᠤᠷᠤᠨᠠᠢ ᠭᠠᠴᠠᠭᠠ | ᠬᠤᠷᠠ ᠲᠤᠨᠤᠳᠠᠰᠤ ᠨᠡᠩ ᠪᠠᠭᠠ᠂ ᠵᠢᠯ ᠲᠤᠵᠢ ᠳᠠᠭᠠᠨ ᠤᠰᠤ ᠳᠤᠲᠠᠭᠰᠠᠨ ᠬᠡᠴᠡᠭᠦᠦ ᠣᠷᠣᠨ ᠪᠠᠶᠢᠭᠠ ᠶᠤᠮ᠃ ᠡᠨᠡ | ᠭᠠᠵᠠᠷ ᠣᠶᠢᠵᠢᠭᠤᠯᠬᠤ ᠶᠢ ᠪᠢᠲᠡᠭᠡᠢ ᠬᠡᠯᠡ᠂ ᠭᠠᠭᠴᠠ ᠮᠣᠳᠣ ᠶᠢ ᠴᠤ ᠣᠨᠳᠣᠷᠣᠭᠤᠯᠬᠤ ᠳᠤ ᠬᠦᠴᠢᠷ ᠪᠠᠶᠢᠭᠠ ᠨᠢ | ᠮᠡᠳᠡᠭᠡᠵᠢ᠃ ᠭᠡᠪᠡᠴᠦ ᠲᠥᠪᠪᠠᠲᠤ ᠲᠡᠷᠡ ᠪᠦᠬᠦᠨ ᠢ ᠰᠢᠨᠳᠠᠰᠤ ᠬᠠᠲᠠᠭᠤ ᠵᠣᠷᠢᠭ ᠢᠶᠠᠷ ᠢᠶᠠᠨ ᠢᠯᠠᠨ ᠳᠠᠪᠠᠭᠰᠠᠭᠠᠷ | ᠥᠨᠥᠳᠦᠷ ᠲᠤ ᠬᠦᠷᠦᠭᠰᠡᠨ ᠪᠠᠶᠢᠪᠠ᠃ ᠡᠨᠡ ᠪᠦᠬᠦ ᠵᠦᠢᠯ 2002 ᠣᠨ ᠠᠴᠠ ᠡᠬᠢᠯᠡᠭᠰᠡᠨ ᠪᠠᠶᠢᠪᠠ᠃ ᠲᠡᠷᠡ ᠵᠢᠯ | ᠲᠥᠪᠪᠠᠲᠤ ᠲᠠᠪᠢᠲᠠᠢ ᠪᠠᠶᠢᠪᠠ᠃ ᠲᠤᠬᠠᠢ ᠶᠢᠨ ᠦᠶᠡᠰ ᠤᠨ ᠲᠥᠷᠥ ᠶᠢᠨ ᠪᠣᠳᠣᠯᠭᠠ ᠪᠠᠷ ᠲᠡᠷᠡ ᠮᠠᠨᠢ ᠨᠢᠭᠡᠨᠲᠡ | ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠬᠤ ᠨᠥᠬᠦᠴᠡᠯ ᠳᠤ ᠬᠦᠷᠴᠢᠬᠡᠭᠰᠡᠨ ᠪᠠᠶᠢᠵᠠᠢ᠃ ᠬᠠᠭᠠᠰ ᠨᠠᠰᠤ ᠶᠢ ᠶᠠᠭᠠᠷᠠᠯ ᠶᠠᠳᠠᠷᠠᠯ ᠤᠨ | ᠳᠤᠮᠳᠠ ᠥᠩᠭᠡᠷᠡᠭᠦᠯᠦᠭᠰᠡᠨ ᠲᠡᠷᠡ ᠮᠠᠨᠢ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠮᠠᠭᠴᠠ ᠭᠠᠳᠠᠭᠰᠢ ᠭᠠᠷᠴᠤ ᠲᠣᠭᠤᠷᠢᠨ ᠵᠤᠭᠠᠯᠠᠬᠤ | ᠪᠣᠳᠣᠯ ᠲᠠᠢ ᠪᠠᠶᠢᠪᠠ᠃ ᠬᠠᠷᠢᠨ ᠡᠮᠦᠨᠡᠲᠦ ᠣᠷᠣᠨ ᠢᠶᠠᠷ ᠵᠤᠭᠠᠴᠠᠵᠤ ᠶᠠᠪᠤᠬᠤ ᠵᠠᠮ ᠵᠠᠭᠤᠷᠠ ᠨᠢᠭᠡ ᠬᠥᠮᠥᠨ ᠲᠠᠢ | ᠲᠠᠨᠢᠯᠴᠠᠵᠤ ᠨᠤᠲᠤᠭ ᠢᠶᠠᠨ ᠡᠵᠡᠨᠡ ᠭᠡᠵᠦ ᠲᠠᠨᠢᠯᠴᠠᠭᠤᠯᠬᠤ ᠳᠤ ᠨᠥᠭᠦᠭᠡ ᠬᠥᠮᠥᠨ ᠲᠥᠪᠪᠠᠲᠤ ᠶᠢᠨ ᠥᠭᠡᠳᠡ ᠠᠴᠠ | ᠰᠠᠶ᠋ᠢᠬᠢ ᠰᠠᠯᠬᠢᠨ ᠪᠣᠰᠳᠠᠭ ᠭᠠᠵᠠᠷ ᠤᠤ︖ ᠭᠡᠵᠦ ᠯᠠᠪᠯᠠᠵᠤ ᠭᠡᠨᠡ᠃ ᠴᠠᠭᠠᠳᠤᠬᠢ ᠬᠥᠮᠥᠨ ᠤ ᠰᠠᠨᠠᠭᠠᠨ ᠳᠤ ᠦᠭᠡᠢ | ᠬᠡᠯᠡᠭᠰᠡᠨ ᠦᠭᠡ ᠲᠡᠭᠦᠨ ᠤ ᠵᠢᠷᠦᠬᠡ ᠶᠢ ᠵᠡᠭᠦᠦ ᠪᠠᠷ ᠰᠢᠪᠡᠵᠦ ᠪᠠᠶᠢᠭᠠ ᠰᠢᠭ᠋ ᠡᠪᠡᠳᠬᠡᠭᠰᠡᠨ ᠪᠠᠶᠢᠪᠠ᠃ ᠵᠠᠯᠭᠠᠭᠠᠳ | ᠲᠣᠭᠤᠷᠢᠬᠤ ᠭᠡᠰᠡᠨ ᠪᠣᠳᠣᠯ ᠨᠢ ᠴᠤ ᠵᠠᠮᠬᠠᠷᠠᠨ ᠠᠷᠢᠯᠵᠤ ᠳᠣᠣᠷᠠᠬᠠᠨ ᠢᠶᠠᠨ ᠪᠤᠴᠠᠭᠰᠠᠨ ᠪᠠᠶᠢᠨᠠ᠃ ᠨᠤᠲᠤᠭ ᠲᠠᠭᠠᠨ | ᠬᠠᠶᠢᠷᠠ ᠦᠭᠡᠢ ᠬᠥᠮᠥᠨ ᠭᠡᠵᠦ ᠬᠠᠮᠢᠭᠠ ᠪᠠᠶᠢᠬᠤᠪ᠃ ᠲᠥᠪᠪᠠᠲᠤ ᠶᠢᠨ ᠳᠣᠲᠣᠷᠠ ᠬᠥᠮᠥᠰ ᠠᠷᠠᠢ ᠴᠤ ᠢᠩᠭᠢᠵᠦ | ᠨᠤᠲᠤᠭ ᠢ ᠨᠢ ᠦᠨᠡᠯᠡᠮᠡᠷ ᠦᠭᠡᠢ ᠶᠤᠮ ᠰᠢᠭ᠋ ᠪᠣᠳᠣᠭᠳᠠᠪᠠᠴᠤ ᠨᠤᠲᠤᠭ ᠨᠢ ᠨᠢᠭᠡᠨᠲᠡ ᠬᠤᠪᠠᠭ᠋ᠢ ᠮᠠᠩᠬᠠ ᠪᠣᠯᠵᠤ | ᠬᠤᠪᠢᠷᠠᠭᠰᠠᠨ ᠨᠢ ᠶᠠᠭ ᠦᠨᠡᠨ ᠳ᠋ᠠ᠃ | ᠬᠠᠷᠢᠵᠤ ᠢᠷᠡᠮᠡᠭᠴᠡ ᠲᠡᠷᠡ ᠮᠠᠨᠢ ᠨᠠᠰᠤᠨ ᠤ ᠪᠠᠨ ᠪᠠᠰᠠ ᠨᠢᠭᠡᠨ ᠲᠣᠮᠣ ᠰᠣᠩᠭᠤᠯᠲᠠ ᠶᠢ ᠬᠢᠭᠰᠡᠨ ᠪᠠᠶᠢᠨᠠ᠃ | ᠳᠠᠷᠤᠢ ᠦᠷᠭᠦᠯᠵᠢᠯᠡᠨ ᠭᠤᠷᠤᠨᠠᠢ ᠳᠠᠭᠠᠨ ᠦᠯᠡᠳᠡᠵᠦ ᠡᠯᠡᠰᠦ ᠶᠢ ᠵᠠᠰᠠᠵᠤ ᠣᠶᠢᠵᠢᠭᠤᠯᠤᠯᠲᠠ ᠬᠢᠬᠦ ᠶᠠᠪᠤᠳᠠᠯ | ᠪᠣᠯᠣᠨᠠ᠃ ᠭᠡᠪᠡᠴᠦ ᠰᠠᠶᠢᠨ ᠶᠠᠪᠤᠳᠠᠯ ᠳᠤ ᠰᠠᠭᠠᠳ ᠤᠯᠠᠨ ᠭᠡᠳᠡᠭᠴᠢᠯᠡᠨ ᠲᠡᠭᠦᠨ ᠤ ᠪᠣᠳᠣᠯ ᠭᠡᠷ ᠤᠨ ᠬᠥᠮᠥᠰ ᠤᠨ | ᠡᠰᠡᠷᠭᠦᠴᠡᠯ ᠳᠤ ᠤᠴᠠᠷᠠᠨᠠ ᠭᠡᠳᠡᠭ ᠲᠡᠭᠦᠨ ᠤ ᠰᠠᠨᠠᠭᠠ ᠵᠡᠭᠦᠳᠦᠨ ᠳᠤ ᠴᠤ ᠣᠷᠤᠭᠠ ᠦᠭᠡᠢ ᠪᠠᠶᠢᠵᠠᠢ᠃ ᠭᠡᠪᠡᠴᠦ | ᠲᠤᠰᠤᠨᠴᠠᠭᠠᠨ ᠡᠪᠦᠭᠡᠨ ᠤ ᠪᠠᠨ ᠵᠠᠩ ᠢ ᠠᠨᠳᠠᠬᠤ ᠦᠭᠡᠢ ᠮᠡᠳᠡᠨᠡ᠂ ᠶᠠᠭᠤ ᠬᠢᠶᠡ ᠭᠡᠵᠦ ᠪᠣᠳᠣᠭᠰᠠᠨ ᠶᠠᠭᠤᠮᠠ ᠪᠠᠨ | ᠪᠦᠲᠦᠭᠡᠵᠦ ᠪᠠᠶᠢᠮᠠᠨ ᠰᠠᠶ᠋ᠢ ᠰᠠᠨᠠᠭᠠ ᠨᠢ ᠠᠮᠠᠷᠠᠳᠠᠭ ᠬᠥᠮᠥᠨ᠃ ᠬᠡᠰᠡᠭ ᠪᠣᠯᠣᠭᠠᠳ ᠡᠪᠦᠭᠡᠨ ᠤ ᠪᠠᠨ ᠮᠣᠳᠣ ᠲᠠᠷᠢᠨ | ᠨᠠᠷᠠ ᠰᠠᠯᠬᠢᠨ ᠳᠤ ᠬᠠᠲᠠᠵᠤ ᠬᠠᠷᠠᠯᠠᠨ ᠪᠠᠶᠢᠭᠠ ᠶᠢ ᠬᠠᠷᠠᠭᠠᠳ ᠰᠡᠳᠬᠢᠯ ᠲᠦᠪᠳᠡᠬᠦ ᠦᠭᠡᠢ ᠳᠡᠭᠡᠨ ᠡᠪᠦᠭᠡᠨ ᠤ ᠪᠠᠨ | ᠬᠤᠶᠢᠨᠠ ᠠᠴᠠ ᠵᠠᠭ ᠲᠠᠷᠢᠬᠤ ᠪᠠᠷ ᠭᠠᠷᠴᠠᠢ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠡᠪᠦᠭᠡᠨ ᠡᠮᠡᠭᠡᠨ ᠬᠤᠶᠠᠷ ᠤᠨ ᠡᠳᠦᠷᠵᠢᠨ | ᠮᠣᠳᠣ ᠲᠠᠷᠢᠵᠤ ᠶᠠᠭᠠᠷᠠᠳᠠᠭ ᠳᠦᠷᠢ ᠬᠥᠮᠥᠰ ᠤᠨ ᠬᠠᠷᠠᠭᠠᠨ ᠠᠴᠠ ᠬᠤᠯᠠᠳᠬᠤ ᠪᠠᠨ ᠪᠠᠶᠢᠵᠠᠢ᠃ ᠮᠥᠨ ᠵᠢᠯ ᠳᠡᠭᠡᠨ | ᠲᠡᠳᠡ ᠪᠠᠶᠢᠭᠰᠠᠨ ᠬᠥᠷᠥᠩᠭᠡ ᠪᠠᠨ ᠵᠠᠷᠤᠴᠠᠭᠤᠯᠵᠤ ᠭᠤᠷᠤᠨᠠᠢ ᠳᠤ ᠨᠢᠭᠡ ᠬᠡᠰᠡᠭ ᠭᠠᠵᠠᠷ ᠲᠤᠰᠬᠠᠶᠢᠯᠠᠨ ᠳᠠᠭᠠᠭᠠᠴᠢᠯᠠᠨ | ᠠᠪᠴᠤ 2000 ᠢᠯᠡᠭᠦᠦ ᠮᠤ᠋ ᠭᠠᠵᠠᠷ ᠢ ᠬᠦᠷᠢᠶᠡᠯᠡᠨ ᠨᠢᠯᠬᠠ ᠨᠠᠬᠢᠶᠠ ᠬᠤᠳᠠᠯᠳᠤᠨ ᠠᠪᠴᠤ ᠣᠶᠢᠵᠢᠭᠤᠯᠤᠯᠲᠠ ᠪᠠᠨ | ᠡᠬᠢᠯᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠠᠩᠬᠠ ᠡᠬᠢᠨ ᠳᠡᠭᠡᠨ ᠲᠤᠷᠰᠢᠯᠭᠠ ᠠᠨᠠᠢ ᠠᠴᠠ ᠪᠣᠯᠵᠤ ᠮᠣᠳᠣᠨ ᠤ ᠣᠨᠳᠣᠷᠣᠯᠲᠠ ᠶᠢᠨ | ᠨᠣᠷᠮᠠ ᠨᠢ ᠲᠤᠩ ᠳᠣᠣᠷᠠ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠰᠡᠳᠬᠢᠯ ᠴᠥᠬᠦᠭᠡ ᠦᠭᠡᠢ᠂ ᠡᠯᠡ ᠵᠦᠢᠯ ᠤᠨ ᠨᠣᠮ ᠮᠠᠲ᠋ᠧᠷᠢᠶᠠᠯ | ᠡᠷᠢᠬᠦ᠂ ᠬᠠᠮᠢᠶᠠ ᠪᠦᠬᠦᠢ ᠮᠡᠷᠭᠡᠵᠢᠯᠲᠡᠨ ᠠᠴᠠ ᠠᠰᠠᠭᠤᠨ ᠯᠠᠪᠯᠠᠬᠤ ᠵᠡᠷᠭᠡ ᠪᠠᠷ ᠠᠷᠭᠠ ᠪᠦᠬᠦᠨ ᠢ ᠰᠦᠪᠡᠭᠴᠢᠯᠡᠬᠦ ᠶᠢᠨ | ᠬᠠᠮᠲᠤ ᠪᠡᠯᠡ ᠣᠷᠣᠭᠤᠯᠤᠯᠲᠠ ᠪᠠᠨ ᠪᠠᠭᠠᠰᠬᠠᠬᠤ ᠶᠢᠨ ᠲᠤᠯᠠᠳᠠ ᠥᠪᠡᠷ ᠤᠨ ᠲᠠᠷᠢᠵᠤ ᠣᠨᠳᠣᠷᠣᠭᠰᠠᠨ ᠵᠠᠭ ᠤᠨ ᠢᠶᠠᠨ | ᠨᠢᠯᠬᠠ ᠨᠠᠬᠢᠶᠠ ᠶᠢ ᠠᠪᠴᠤ ᠦᠬᠦᠭᠰᠡᠨ ᠢ ᠨᠢ ᠨᠥᠬᠦᠨ ᠨᠡᠮᠡᠵᠦ ᠲᠠᠷᠢᠭᠰᠠᠭᠠᠷ ᠢᠷᠡᠵᠡᠢ᠃ ᠭᠠᠩ ᠬᠠᠭᠤᠷᠠᠢ ᠡᠯᠡᠰᠦᠨ | ᠭᠠᠵᠠᠷ ᠭᠠᠭᠴᠠᠬᠠᠨ ᠲᠠᠷᠢᠭᠠᠳ ᠯᠡ ᠬᠠᠶᠠᠴᠢᠬᠠᠬᠤ ᠶᠠᠪᠤᠳᠠᠯ ᠪᠢᠰᠢ᠃ ᠤᠰᠤᠯᠠᠯᠲᠠ ᠪᠠᠷ ᠰᠠᠶ᠋ᠢ ᠠᠮᠢ ᠣᠷᠣᠨᠠ᠃ | ᠡ᠊ᠨᠳᠡ ᠵᠤᠨ ᠳᠠᠭᠠᠨ ᠠᠭᠠᠷ ᠤᠨ ᠳᠤᠯᠠᠭᠠᠨ 45 ᠭᠷᠠᠳᠦ᠋ᠰ ᠢ ᠳᠠᠪᠠᠳᠠᠭ ᠨᠢ ᠵᠥᠩᠳᠡᠭᠡᠨ ᠬᠡᠷᠡᠭ᠃ ᠬᠠᠯᠠᠭᠤᠨ | ᠪᠠᠶᠢᠭᠰᠠᠨ ᠴᠤ ᠲᠥᠪᠪᠠᠲᠤ ᠳᠤ ᠰᠡᠷᠢᠭᠦᠨ ᠭᠡᠷ ᠲᠡᠭᠡᠨ ᠠᠮᠠᠷᠠᠵᠤ ᠰᠠᠭᠤᠬᠤ ᠵᠢᠷᠭᠠᠯ ᠪᠠᠶᠢᠭᠠ ᠦᠭᠡᠢ᠃ ᠡᠨᠡ ᠦᠶᠡ | ᠪᠣᠯ ᠵᠠᠭ ᠢᠶᠠᠨ ᠤᠰᠤᠯᠠᠬᠤ ᠵᠠᠩᠭᠢᠯᠠᠭᠠ ᠶᠢᠨ ᠴᠠᠭ ᠮᠥᠨ᠃ ᠵᠣᠪᠠᠵᠤ ᠵᠦᠳᠡᠵᠦ ᠲᠠᠷᠢᠭᠰᠠᠨ ᠵᠠᠭ ᠢᠶᠠᠨ | ᠣᠨᠳᠣᠷᠣᠭᠤᠯᠬᠤ ᠶᠢᠨ ᠲᠥᠯᠥᠭᠡ ᠬᠤᠶᠠᠷ ᠬᠥᠭᠰᠢᠨ ᠡᠳᠦᠷ ᠲᠤ ᠨᠠᠰᠢ ᠴᠠᠰᠢ ᠲᠠᠪᠤ ᠠᠴᠠ ᠵᠢᠷᠭᠤᠭᠠᠨ ᠤᠳᠠᠭᠠ ᠤᠰᠤ | ᠵᠥᠭᠡᠭᠡᠵᠦ ᠬᠤᠯᠬᠢᠳᠠᠭ ᠪᠠᠶᠢᠨᠠ᠃ ᠤᠰᠤ ᠵᠦᠭᠡᠭᠡᠭᠰᠡᠭᠡᠷ ᠪᠠᠶᠢᠵᠦ ᠨᠢᠭᠡ ᠮᠡᠳᠡᠬᠦ ᠳᠤ ᠠᠷᠪᠠᠭᠠᠳ ᠺᠢᠯᠣᠮᠧᠲᠷ ᠤᠨ | ᠵᠠᠮ ᠢ ᠲᠤᠭᠤᠯᠳᠠᠭ ᠠᠵᠢ᠃ ᠠᠩᠬᠠ ᠡᠬᠢᠨ ᠳᠡᠭᠡᠨ ᠡᠯᠵᠢᠭᠡ ᠪᠠᠷ ᠤᠰᠤ ᠵᠥᠭᠡᠭᠡᠵᠦ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠡᠪᠦᠭᠡᠨ ᠳᠤ ᠳᠡᠩᠳᠡᠭᠦᠦ ᠤᠳᠠᠭᠠᠨ ᠰᠠᠨᠠᠭᠳᠠᠭᠠᠳ ᠰᠡᠭᠦᠯ ᠳᠤᠨᠢ ᠮᠣᠲ᠋ᠣᠷ ᠰᠣᠯᠢᠵᠠᠢ᠃ ᠲᠡᠭᠦᠨ ᠤ ᠭᠠᠷ ᠠᠴᠠ ᠣᠳᠣ | ᠪᠣᠯᠬᠤ ᠳᠤ ᠳᠣᠯᠣᠭᠠᠨ ᠮᠣᠲ᠋ᠣᠷ ᠨᠢᠭᠡᠨᠲᠡ ︽ᠠᠵᠢᠯ ᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ︾ ᠪᠠᠶᠢᠨᠠ᠃ ᠠᠷᠪᠠᠭᠠᠳ | ᠵᠢᠯ ᠤᠨ ᠲᠤᠷᠰᠢ᠂ ᠲᠥᠪᠪᠠᠲᠤ ᠣᠶᠢᠵᠢᠭᠤᠯᠤᠯᠲᠠ ᠳᠤ ᠪᠠᠷᠤᠭ ᠨᠠᠶᠠ ᠢᠯᠡᠭᠦᠦ ᠲᠦᠮᠡᠨ ᠲᠥᠭᠦᠷᠢᠭ ᠵᠠᠷᠤᠴᠠᠭᠤᠯᠵᠤ᠂ | ᠣᠶᠢᠵᠢᠭᠤᠯᠵᠤ ᠡᠯᠡᠰᠦ ᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠤᠭᠰᠠᠨ ᠨᠣᠷᠮᠠ ᠨᠢ 80% ᠶᠢ ᠳᠠᠪᠠᠵᠤ ᠲᠠᠪᠤᠨ ᠵᠠᠭᠤ ᠢᠯᠡᠭᠦᠦ | ᠮᠤ᠋ ᠡᠯᠡᠰᠦ ᠶᠢ ᠨᠢᠭᠡᠨᠲᠡ ᠣᠶᠢᠵᠢᠭᠤᠯᠤᠭᠰᠠᠨ ᠪᠢᠯᠡ᠃ | ᠡᠩ ᠤᠨ ᠨᠢᠭᠡ ᠵᠠᠯᠠᠭᠤ ᠳᠤ ᠠᠪᠴᠤ ᠬᠡᠯᠡᠭᠰᠡᠨ ᠴᠤ ᠡᠨᠡ ᠪᠣᠯ ᠬᠢᠯᠪᠠᠷ ᠠᠵᠢᠯ ᠪᠢᠰᠢ᠃ ᠨᠡᠩ ᠴᠤ | ᠵᠢᠷᠠ ᠶᠢᠨ ᠳᠠᠪᠠᠭᠠ ᠶᠢ ᠳᠠᠪᠠᠭᠰᠠᠨ ᠠᠬᠰᠢᠷᠠᠭᠠ ᠪᠤᠭᠤᠷᠤᠯ ᠳᠤ ᠶᠠᠭᠤ ᠬᠡᠯᠲᠡᠢ ᠪᠢᠯᠡ᠃ ᠡᠪᠦᠭᠡᠨ ᠡᠮᠡᠭᠡᠨ | ᠬᠤᠶᠠᠷ ᠤᠨ ᠴᠢᠷᠮᠠᠶᠢᠯᠭᠠ ᠪᠠᠷ ᠰᠢᠷᠭᠠᠯ ᠮᠠᠩᠬᠠ ᠤᠯᠠᠮ ᠢᠶᠠᠷ ᠨᠣᠭᠤᠭᠠᠷᠠᠵᠤ ᠠᠮᠢᠯᠠᠯ ᠤᠨ ᠥᠩᠭᠡ ᠪᠠᠷ ᠪᠢᠯᠬᠠᠷᠠᠵᠤ | ᠪᠠᠶᠢᠭᠠ᠃ ᠡᠭᠦᠨ ᠢ ᠪᠠᠨ ᠬᠠᠷᠠᠬᠤ ᠪᠣᠯᠭᠠᠨ ᠲᠥᠪᠪᠠᠲᠤ ᠶᠢᠨ ᠳᠣᠲᠣᠷᠠ ᠨᠢᠭᠡ ᠵᠦᠢᠯ ᠤᠨ ᠠᠭᠤᠵᠢᠷᠠᠯ ᠪᠤᠶᠤ | ᠵᠢᠷᠭᠠᠯ ᠴᠠᠯᠭᠢᠨᠠ᠃ | 2011 ᠣᠨ ᠳᠤ ᠲᠥᠪᠪᠠᠲᠤ ᠶᠢᠨ ᠲᠣᠯᠣᠭᠠᠢ ᠳᠤ ᠠᠶᠤᠩᠭᠠ ᠪᠠᠭᠤᠭᠰᠠᠨ ᠰᠢᠭ᠋ ᠪᠣᠯᠪᠠ᠃ ᠡᠮᠡᠭᠡᠨ ᠨᠢ | ᠬᠡᠲᠦ ᠶᠠᠳᠠᠷᠠᠭᠰᠠᠨ ᠠᠴᠠ ᠪᠣᠯᠵᠤ ᠲᠠᠷᠢᠬᠢᠨ ᠳᠤᠨᠢ ᠴᠢᠰᠤ ᠬᠠᠷᠪᠤᠵᠤ ᠴᠠᠭ ᠲᠤᠬᠠᠢ ᠳᠤᠨᠢ ᠡᠮᠨᠡᠯᠭᠡ ᠳᠤ ᠬᠦᠷᠭᠡᠵᠦ | ᠴᠢᠳᠠᠭᠰᠠᠨ ᠦᠭᠡᠢ ᠠᠴᠠ ᠬᠦᠨᠳᠦᠷᠡᠵᠦ ᠬᠡᠪᠲᠡᠷᠢ ᠳᠤ ᠣᠷᠣᠭᠰᠠᠨ ᠪᠠᠶᠢᠨᠠ᠃ ᠦᠷᠡ ᠬᠡᠦᠬᠡᠳ ᠪᠦᠷ ᠠᠶᠢᠯ ᠭᠡᠷ | ᠪᠣᠯᠵᠤ ᠬᠤᠯᠠ ᠵᠠᠶᠢᠲᠠᠢ ᠪᠠᠶᠢᠭᠠ ᠠᠴᠠ ᠡᠮᠡᠭᠡᠨ ᠢᠶᠠᠨ ᠠᠰᠠᠷᠠᠬᠤ ᠶᠠᠪᠤᠳᠠᠯ ᠡᠪᠦᠭᠡᠨ ᠤ ᠮᠥᠷᠥᠨ ᠳᠡᠭᠡᠷᠡ ᠪᠠᠭᠤᠪᠠ᠃ | ᠡᠮᠡᠭᠡᠨ ᠢᠶᠠᠨ ᠠᠰᠠᠷᠠᠬᠤ ᠠᠵᠢᠯ ᠬᠡᠳᠦᠢ ᠶᠠᠳᠠᠷᠠᠯ ᠲᠠᠢ ᠶᠠᠭᠠᠷᠠᠤ ᠪᠠᠶᠢᠭᠰᠠᠨ ᠴᠤ ᠲᠡᠷᠡ ᠮᠠᠨᠢ ᠮᠣᠳᠣ ᠲᠠᠷᠢᠵᠤ | ᠣᠶᠢᠵᠢᠭᠤᠯᠤᠯᠲᠠ ᠬᠢᠬᠦ ᠪᠠᠨ ᠶᠡᠷᠦ ᠵᠣᠭᠰᠤᠭᠠ ᠦᠭᠡᠢ ᠰᠠᠨ᠃ ᠣᠶᠢᠵᠢᠭᠤᠯᠤᠯᠲᠠ ᠬᠢᠭᠡᠳ ᠨᠢᠭᠡᠨᠲᠡ ᠠᠷᠪᠠᠭᠠᠳ | ᠵᠢᠯ ᠪᠣᠯᠵᠤ ᠪᠠᠶᠢᠭᠠ ᠠᠴᠠ ᠬᠠᠭᠠᠰ ᠳᠤᠲᠠᠭᠤ ᠣᠷᠬᠢᠬᠤ ᠨᠢ ᠳᠠᠩᠴᠤ ᠬᠠᠶᠢᠷᠠᠨ ᠰᠢᠭ᠋ ᠰᠠᠨᠠᠭᠳᠠᠬᠤ ᠶᠢ ᠶᠠᠭᠠᠬᠢᠯᠲᠠᠢ᠃ | ᠦᠷᠡ ᠬᠡᠦᠬᠡᠳ ᠨᠢ ᠡᠵᠢ ᠪᠠᠨ ᠲᠣᠰᠴᠤ ᠬᠠᠵᠠᠭᠤ ᠳᠠᠭᠠᠨ ᠠᠰᠠᠷᠠᠬᠤ ᠭᠡᠰᠡᠨ ᠵᠥᠪᠯᠡᠯᠭᠡ ᠭᠠᠷᠭᠠᠭᠰᠠᠨ ᠪᠣᠯᠪᠠᠴᠤ | ᠡᠮᠡᠭᠡᠨ ᠨᠥᠬᠦᠷ ᠲᠠᠢ ᠪᠠᠨ ᠬᠠᠮᠲᠤ ᠪᠠᠶᠢᠬᠤ ᠶᠢ ᠰᠠᠨᠠᠵᠤ ᠬᠡᠦᠬᠡᠳ ᠤᠨ ᠢᠶᠠᠨ ᠰᠠᠨᠠᠭᠠ ᠪᠠᠷ ᠣᠷᠣᠭᠰᠠᠨ ᠦᠭᠡᠢ᠃ | 2015 ᠣᠨ ᠤ 5 ᠰᠠᠷᠠ ᠶᠢᠨ 17 ᠳᠤ᠂ ᠲᠡᠳᠡᠨᠡᠶᠢᠬᠢᠨ ︽ᠪᠦᠬᠦ ᠤᠯᠤᠰ ᠤᠨ ᠬᠠᠮᠤᠭ ᠤᠨ ᠵᠣᠯ ᠵᠢᠷᠭᠠᠯᠲᠠᠢ ᠭᠡᠷ | ᠪᠦᠯᠢ︾ ᠭᠡᠬᠦ ᠢᠷᠠᠭᠤ ᠠᠯᠳᠠᠷ ᠢ ᠲᠣᠰᠴᠠᠢ᠃ ᠲᠥᠪᠪᠠᠲᠤ ᠬᠥᠬᠢᠭᠦᠯᠦᠯ ᠢᠶᠠᠨ ᠠᠪᠤᠮᠠᠭᠴᠠ ᠬᠤᠰᠢᠭᠤᠨ ᠤ | ᠬᠤᠷᠠᠯ ᠤᠨ ᠳᠤᠮᠳᠠ ᠠᠴᠠ ᠨᠢ ᠰᠡᠩᠳᠡ ᠮᠡᠩᠳᠡ ᠭᠠᠷᠴᠤ ᠠᠷᠤ ᠭᠡᠷ ᠲᠡᠭᠡᠨ ᠬᠠᠷᠢᠵᠠᠢ᠃ ᠤᠴᠢᠷ ᠨᠢ ᠡᠮᠡᠭᠡᠨ ᠨᠢ | ᠭᠠᠭᠴᠠᠭᠠᠷ ᠪᠠᠶᠢᠭᠠ᠃ ᠬᠡᠦᠬᠡᠳ ᠤᠳ ᠨᠢ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠳᠡᠩᠳᠡᠭᠦᠦ ᠶᠠᠳᠠᠷᠠᠯ ᠲᠠᠢ ᠪᠠᠶᠢᠭᠠ ᠶᠢ ᠬᠠᠷᠠᠬᠤ | ᠪᠦᠷᠢ ᠥᠷᠥ ᠡᠪᠡᠳᠴᠦ᠂ ᠬᠤᠰᠢᠭᠤᠨ ᠳᠤ ᠠᠪᠴᠢᠷᠠᠨ ᠠᠰᠠᠷᠠᠵᠤ ᠠᠴᠢᠯᠠᠯ ᠢ ᠨᠢ ᠬᠠᠷᠢᠭᠤᠯᠤᠶᠠ ᠭᠡᠵᠦ ᠬᠡᠴᠢᠨᠡᠨ ᠴᠤ | ᠤᠳᠠᠭᠠ ᠢᠳᠬᠠᠭᠰᠠᠨ ᠢ ᠪᠤᠤ ᠮᠡᠳᠡ᠃ ᠠᠪᠤ ᠪᠠᠨ ᠶᠡᠷᠦ ᠨᠢ ᠬᠡᠯᠡᠵᠦ ᠳᠡᠶᠢᠯᠦᠭᠡ ᠦᠭᠡᠢ ᠭᠡᠨᠡ᠃ ᠠᠪᠤ ᠨᠢ᠄ ︽ᠪᠢ | ᠪᠣᠯ ᠨᠠᠮ ᠤᠨ ᠭᠡᠰᠢᠭᠦᠨ᠂ ᠪᠢ ᠲᠣᠯᠣᠭᠠᠶᠢᠯᠠᠵᠤ ᠬᠢᠬᠦ ᠦᠭᠡᠢ ᠬᠡᠨ ᠬᠢᠬᠦ ᠪᠤᠢ︖︾ ᠭᠡᠵᠦ ᠦᠷᠭᠦᠯᠵᠢ ᠶᠠᠷᠢᠳᠠᠭ | ᠪᠠᠶᠢᠨᠠ᠃ ᠠᠶᠠᠨᠳᠠᠭᠠᠨ ᠬᠡᠦᠬᠡᠳ ᠨᠢ ᠴᠤ ᠠᠪᠤ ᠡᠵᠢ ᠪᠠᠨ ᠣᠶᠢᠯᠠᠭᠠᠬᠤ ᠪᠣᠯᠵᠠᠢ᠃ ᠭᠡᠪᠡᠴᠦ ᠲᠡᠳᠡ ᠨᠠᠷ ᠢ | ᠣᠶᠢᠯᠠᠭᠠᠬᠤ ᠦᠭᠡᠢ ᠬᠥᠮᠥᠨ ᠪᠠᠰᠠ ᠵᠥᠩᠳᠡᠭᠡᠨ ᠪᠠᠶᠢᠭᠠ᠃ ᠡᠨᠡ ᠪᠦᠬᠦᠨ ᠢ ᠲᠡᠷᠡ ᠣᠭᠲᠣ ᠬᠡᠷᠡᠭ ᠲᠤ ᠠᠪᠳᠠᠭ | ᠦᠭᠡᠢ᠃ ᠲᠥᠪᠪᠠᠲᠤ ︽ᠲᠡᠨᠡᠭ ᠡᠪᠦᠭᠡᠨ ᠠᠭᠤᠯᠠ ᠶᠢ ᠨᠡᠭᠦᠯᠭᠡᠭᠰᠡᠨ ᠨᠢ︾ ᠭᠡᠳᠡᠭ ᠦᠯᠢᠭᠡᠷ ᠤᠨ ᠵᠣᠷᠢᠭ | ᠰᠠᠨᠠᠭᠠ ᠪᠠᠷ ᠥᠪᠡᠷ ᠤᠨ ᠬᠢᠶᠡ ᠭᠡᠰᠡᠨ ᠵᠦᠢᠯ ᠳᠡᠭᠡᠨ ᠴᠢᠷᠮᠠᠶᠢᠵᠤ ᠯᠡ ᠶᠠᠪᠤᠭᠰᠠᠭᠠᠷ ᠁ ᠶᠠᠪᠤᠭᠠᠨ ᠳᠠᠭᠠᠨ ᠲᠡᠷᠡ | ᠮᠠᠨᠢ ︽ᠡᠯᠡᠰᠦ ᠵᠠᠰᠠᠭᠰᠠᠨ ᠲᠡᠨᠡᠭ ᠡᠪᠦᠭᠡᠨ︾ ᠭᠡᠰᠡᠨ ᠴᠣᠯᠠ ᠲᠠᠢ ᠪᠣᠯᠵᠠᠢ᠃ | ᠲᠥᠪᠪᠠᠲᠤ ᠶᠢᠨ ᠤᠶᠢᠭᠠ ᠦᠭᠡᠢ ᠪᠠᠷᠢᠮᠲᠠᠯᠠᠯ ᠨᠢ ᠬᠠᠵᠠᠭᠤ ᠬᠠᠪᠢ ᠶᠢᠨ ᠮᠠᠯᠴᠢᠳ ᠢᠶᠠᠨ ᠨᠥᠯᠥᠭᠡᠯᠡᠵᠦ | ᠡᠬᠢᠯᠡᠪᠡ᠃ ᠵᠠᠷᠢᠮ ᠬᠥᠮᠥᠰ ᠰᠠᠶᠢᠨ ᠳᠤᠷᠠ ᠠᠴᠠ ᠪᠠᠨ ᠣᠶᠢᠵᠢᠭᠤᠯᠬᠤ ᠠᠵᠢᠯᠯᠠᠭᠠᠨ ᠳᠤ ᠣᠷᠣᠯᠴᠠᠵᠤ ᠡᠬᠢᠯᠡᠭᠰᠡᠨ | ᠪᠠᠶᠢᠨᠠ᠃ ᠵᠠᠭ ᠲᠠᠷᠢᠬᠤ ᠶᠢᠨ ᠬᠠᠮᠲᠤ ᠴᠠᠭᠠᠨ ᠭᠤᠶᠣᠣ ᠰᠠᠭᠤᠯᠭᠠᠵᠤ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠮᠠᠯᠴᠢᠳ ᠲᠤ | ᠴᠢᠨᠡᠭᠡᠯᠢᠭᠵᠢᠯ ᠤᠨ ᠰᠢᠨᠡ ᠵᠠᠮ ᠢ ᠲᠡᠪᠢᠰᠪᠡ᠃ ᠳᠠᠪᠠᠯᠭᠠᠨ ᠪᠣᠯ ᠶᠠᠭ ᠡᠨᠡ ᠳᠣᠲᠣᠷᠠ ᠠᠴᠠ ᠠᠰᠢᠭ ᠬᠦᠷᠲᠡᠭᠰᠡᠨ | ᠨᠢᠭᠡᠨ ᠶᠤᠮᠰᠠᠨ᠃ ᠥᠩᠭᠡᠷᠡᠭᠰᠡᠨ ᠳᠤ ᠳᠠᠪᠠᠯᠭᠠᠨ ᠤ ᠬᠢᠨ ᠵᠥᠪᠬᠡᠨ ᠲᠡᠮᠡᠭᠡ ᠪᠠᠨ ᠬᠠᠷᠢᠭᠤᠯᠵᠤ᠂ ᠵᠢᠯ ᠲᠤᠵᠢ ᠳᠠᠭᠠᠨ | ᠶᠠᠭᠠᠬᠢᠵᠤ ᠴᠢᠷᠮᠠᠶᠢᠭᠰᠠᠨ ᠴᠤ ᠳᠡᠮᠡᠢ ᠬᠡᠳᠦᠨ ᠵᠣᠭᠤᠰ ᠣᠯᠵᠤ ᠴᠢᠳᠠᠬᠤ ᠦᠭᠡᠢ ᠥᠩᠭᠡᠷᠡᠳᠡᠭ ᠪᠠᠶᠢᠨᠠ᠃ ᠭᠡᠪᠡᠴᠦ | ᠲᠥᠪᠪᠠᠲᠤ ᠶᠢ ᠳᠠᠭᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠣᠳᠣ ᠪᠣᠯᠬᠤ ᠳᠤ ᠵᠢᠯ ᠤᠨ ᠤᠷᠤᠯᠭᠠ ᠨᠢ ᠪᠠᠷᠤᠭ ᠳᠥᠴᠢᠨ ᠲᠥᠮᠡᠨ | ᠲᠥᠬᠦᠷᠢᠭ ᠲᠤ ᠣᠶᠢᠷᠠᠳᠴᠠᠢ᠃ ᠬᠠᠵᠠᠭᠤ ᠳᠠᠬᠢ ᠬᠥᠮᠥᠨ ᠠᠰᠢᠭ ᠣᠯᠵᠤ ᠪᠠᠶᠢᠭᠠ ᠶᠢ ᠬᠠᠷᠠᠭᠠᠳ ᠲᠤᠷᠰᠢᠵᠤ | ᠦᠵᠡᠬᠦ ᠪᠠᠷ ᠡᠬᠢᠯᠡᠵᠦ ᠬᠥᠳᠡᠯᠦᠯᠴᠡᠪᠡ᠃ ᠤᠳᠤ ᠪᠣᠯᠬᠤ ᠳᠤ ᠭᠤᠷᠤᠨᠠᠢ ᠭᠠᠴᠠᠭᠠᠨ ᠤ ᠵᠠᠭᠤ ᠢᠯᠡᠭᠦᠦ ᠡᠷᠦᠬᠡ | ᠡᠯᠡᠰᠦᠨ ᠤ ᠠᠵᠤ ᠦᠢᠯᠡᠰ ᠲᠠᠢ ᠣᠶᠢᠷᠠᠲᠤᠨ ᠵᠢᠯ ᠤᠨ ᠣᠷᠣᠯᠭᠠ ᠲᠡᠭᠰᠢᠳᠬᠡᠭᠡᠳ ᠪᠠᠷᠤᠭ ᠠᠶᠢᠯ ᠪᠣᠯᠭᠠᠨ ᠳᠥᠷᠪᠡᠨ | ᠲᠦᠮᠡ ᠪᠠᠷ ᠨᠡᠮᠡᠭᠳᠡᠭᠰᠡᠨ ᠪᠠᠶᠢᠨᠠ᠃ ᠴᠢᠨᠡᠭᠡᠯᠢᠭᠵᠢᠬᠦ ᠭᠡᠳᠡᠭ ᠨᠢ ᠭᠠᠭᠴᠠ ᠠᠶᠢᠯ ᠪᠠᠶᠠᠵᠢᠬᠤ ᠶᠢ ᠬᠡᠯᠡᠳᠡᠭ ᠪᠢᠰᠢ | ᠭᠡᠰᠡᠨ ᠢ ᠲᠥᠪᠪᠠᠲᠤ ᠶᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠭᠡᠷᠡᠴᠢᠯᠡᠵᠦ ᠪᠤᠢ᠃ | ᠲᠡᠳᠡᠨᠡᠶᠢᠬᠢᠨ ᠤᠷᠢᠳ ᠬᠤᠵᠢᠳ ᠠᠯᠠᠱᠠ ᠠᠶᠢᠮᠠᠭ ᠤᠨ ︽ᠠᠮᠢ ᠠᠬᠤᠢ ᠶᠢ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠭᠰᠠᠨ | ᠬᠤᠰᠢᠭᠤᠴᠢ︾᠂ ᠪᠦᠬᠦ ᠣᠷᠣᠨ ᠤ ︽ᠬᠠᠮᠤᠭ ᠤᠨ ᠵᠢᠷᠭᠠᠯᠲᠠᠢ ᠭᠡᠷ ᠪᠦᠯᠢ ᠶᠢᠨ ᠵᠢᠱᠢᠶᠡᠴᠢ︾᠂ ︽ᠪᠦᠬᠦ | ᠤᠯᠤᠰ ᠤᠨ ᠬᠠᠮᠤᠭ ᠤᠨ ᠵᠣᠯ ᠵᠢᠷᠭᠠᠯᠲᠠᠢ ᠭᠡᠷ ᠪᠥᠯᠢ︾᠂ ︽ᠪᠦᠬᠦ ᠤᠯᠤᠰ ᠤᠨ ᠪᠣᠯᠪᠠᠰᠤᠨ ᠭᠡᠷ ᠪᠦᠯᠢ︾ ᠵᠡᠷᠭᠡ | ᠢᠷᠠᠭᠤ ᠠᠯᠳᠠᠷ ᠢ ᠬᠦᠷᠲᠡᠭᠰᠡᠨ ᠪᠠᠶᠢᠨᠠ᠃ ᠡᠳᠡᠭᠡᠷ ᠢᠷᠠᠭᠤ ᠠᠯᠳᠠᠷ ᠢᠶᠠᠷ ᠬᠥᠬᠢᠬᠦᠯᠦᠭᠲᠡᠵᠦ ᠶᠠᠪᠤᠬᠤ ᠳᠤ | ᠲᠥᠪᠪᠠᠲᠤ ᠶᠢᠨ ᠳᠣᠲᠣᠷᠠ ᠡᠷᠴᠢ ᠬᠦᠴᠦ ᠴᠠᠭᠠᠨᠠ ᠠᠴᠠ ᠤᠨᠳᠤᠷᠴᠤ ᠪᠠᠶᠢᠭᠠ ᠰᠢᠤᠬᠠᠨ ᠰᠠᠨᠠᠭᠳᠠᠨᠠ᠃ | ᠠᠭᠤᠤ ᠨᠠᠮ ᠳᠠᠭᠠᠨ ᠭᠡᠰᠡᠨ ᠭᠠᠭᠴᠠ ᠰᠡᠳᠬᠢᠯ ᠢ ᠪᠠᠷᠢᠵᠤ ᠤᠶᠢᠭᠠ ᠦᠭᠡᠢ ᠴᠢᠷᠮᠠᠶᠢᠯᠭᠠ ᠪᠠᠷ ᠢᠶᠠᠨ | ᠵᠢᠳᠬᠦᠭᠰᠡᠨ ᠲᠥᠪᠪᠠᠲᠤ ᠶᠢᠨ ᠬᠤᠪᠢ ᠳᠤ ᠡᠨᠡ ᠪᠣᠯ ᠲᠡᠭᠦᠨ ᠤ ᠨᠢᠭᠡ ᠠᠬᠠᠮᠠᠳ ᠨᠠᠮ ᠤᠨ ᠭᠡᠰᠢᠭᠦᠨ ᠪᠣᠯᠣᠭᠰᠠᠨ ᠤ | ᠬᠤᠪᠢ ᠳᠤ ᠵᠠᠪᠠᠯ ᠬᠢᠬᠦ ᠶᠣᠰᠣᠲᠠᠢ ᠠᠵᠢᠯ ᠭᠡᠰᠡᠨ ᠵᠢᠷᠦᠬᠡᠨ ᠤ ᠲᠠᠩᠭᠠᠷᠢᠭ ᠲᠠᠢ ᠠᠵᠢ᠃ ᠲᠡᠭᠦᠨ ᠤ ᠳᠡᠭᠡᠷᠡ ᠨᠢ | ᠨᠠᠰᠤᠨ ᠲᠤᠷᠰᠢᠳᠠ ᠪᠠᠨ ᠨᠢᠭᠡ ᠯᠡ ᠰᠡᠳᠬᠢᠯ ᠢᠶᠠᠷ ᠭᠡᠬᠦ ᠠᠨᠳᠠᠭᠠᠢ ᠪᠠᠨ ᠡᠷᠭᠦᠵᠤ ᠪᠠᠶᠢᠨᠠᠮ᠃ | (ᠵᠣᠬᠢᠶᠠᠭᠴᠢ᠄ ᠪᠠᠭᠠᠨᠠ ᠳᠠᠪᠰᠢᠯᠲᠤ) | | |