| | | | | | | | | | | | | | | | | | | | | | | | ᠳᠦᠷᠡᠯᠵᠡᠭᠰᠡᠨ ᠭᠠᠯ ᠤᠨ ᠴᠤᠴᠠᠷᠬᠠᠢ᠂ ᠳᠥᠷᠪᠡᠨ ᠣᠶᠢᠷᠠᠳ ᠤᠨ ᠲᠠᠰᠤᠷᠬᠠᠢ᠂ ᠲᠠᠩᠰᠤᠭ ᠪᠠᠶᠠᠨ ᠡᠬᠡ | ᠰᠣᠶᠣᠯ ᠤᠨ ᠢᠶᠠᠨ ᠭᠤᠯᠣᠮᠲᠠ ᠶᠢ ᠦᠶᠡ ᠶᠢᠨ ᠦᠶᠡ ᠪᠠᠷ ᠴᠠᠬᠢᠵᠤ ᠶᠠᠪᠤᠭᠰᠠᠨ ᠠᠯᠠᠱᠠ ᠮᠣᠩᠭᠤᠯᠴᠤᠳ᠂ ᠵᠠᠭᠤᠨ | ᠵᠠᠭᠤᠨ ᠣᠨ ᠢᠶᠠᠷ ᠤᠯᠠᠮᠵᠢᠯᠠᠭᠳᠠᠨ ᠳᠠᠭᠤᠯᠠᠭᠳᠠᠵᠤ ᠢᠷᠡᠭᠰᠡᠨ ᠠᠷᠠᠳ ᠤᠨ ᠳᠠᠭᠤᠤ ᠪᠠᠨ ᠣᠷᠣᠢ ᠶᠢᠨ ᠰᠢᠲᠦᠭᠡᠨ | ᠪᠣᠯᠭᠠᠨ ᠣᠶᠣᠨ ᠰᠠᠨᠠᠭᠠᠨ ᠳᠠᠭᠠᠨ ᠳᠡᠭᠡᠳᠦᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠪᠥᠯᠥᠭᠡ᠃ ᠴᠠᠭᠯᠠᠰᠢ ᠦᠭᠡᠢ ᠴᠠᠳᠢᠭ ᠲᠡᠦᠬᠡᠲᠦ | ᠠᠷᠠᠳ ᠤᠨ ᠳᠠᠭᠤᠤ ᠪᠣᠯᠪᠠᠰᠤ ᠤᠨᠳᠤᠷᠬᠤ ᠪᠤᠯᠠᠭ ᠮᠡᠲᠦ ᠣᠷᠭᠢᠯᠤᠨ ᠪᠠᠳᠠᠷᠠᠭᠰᠠᠨ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠰᠢᠷᠤᠩᠬᠠᠢ | ᠪᠤᠶᠤ᠃ ᠡᠨᠡ ᠰᠠᠶᠢᠬᠠᠨ ᠰᠣᠩᠭᠤᠳᠠᠭ ᠤᠷᠠᠯᠢᠭ ᠢᠶᠠᠨ ᠣᠨ ᠵᠢᠯ ᠤᠨ ᠳᠠᠷᠤᠮᠳᠠᠭᠰᠠᠨ ᠲᠣᠭᠤᠰᠣᠨ ᠳᠤ | ᠪᠤᠯᠠᠭᠳᠠᠭᠤᠯᠵᠤ ᠤᠷᠬᠢᠭᠠ ᠦᠭᠡᠢ ᠪᠠᠷ ᠦᠶᠡ ᠦᠶᠡ ᠶᠢᠨ ᠤᠷᠠᠯᠢᠭ ᠤᠨ ᠵᠢᠳᠬᠦᠯᠲᠡᠨ ᠮᠠᠨᠢ ᠬᠦᠴᠦ ᠣᠶᠣᠨ ᠢᠶᠠᠨ | ᠰᠢᠪᠬᠠᠵᠤ ᠢᠷᠡᠭᠰᠡᠨ ᠪᠢᠯᠡ᠃ ᠲᠡᠭᠦᠨ ᠤ ᠨᠢᠭᠡ ᠨᠢ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨ ᠤ ᠤᠯᠠᠨᠪᠤᠯᠠᠭ ᠪᠠᠯᠭᠠᠰᠤᠨ ᠤ | ᠴᠠᠭᠠᠨᠳᠡᠷᠡᠰᠦ ᠭᠠᠴᠡᠭᠠᠨ ᠤ ᠵᠢᠷ ᠤᠨ ᠨᠢᠭᠡᠨ ᠮᠠᠯᠴᠢᠨ ᠰᠤᠪᠤᠳ ᠪᠣᠯᠣᠨᠠ᠃ | ᠨᠠᠰᠤᠨ ᠰᠡᠭᠦᠳᠡᠷ ᠨᠠᠶᠠ ᠶᠢᠨ ᠳᠠᠪᠠᠭᠠ ᠶᠢ ᠳᠠᠪᠠᠭᠰᠠᠨ ᠪᠣᠯᠪᠠᠴᠤ ᠣᠢ ᠤᠬᠠᠭᠠᠨ ᠰᠠᠷᠠᠭᠤᠯᠬᠠᠨ᠂ | ᠬᠡᠭᠦᠳᠡᠭ ᠴᠡᠭᠡᠵᠢᠨ ᠠᠴᠠ ᠨᠢ ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠦᠨᠦᠷ ᠬᠠᠩᠬᠤᠯᠬᠤ ᠠᠵᠢ᠃ ᠰᠣᠨᠣᠰᠤᠯᠲᠠ ᠪᠠᠷ ᠰᠤᠪᠤᠳ | ᠨᠠᠰᠤᠲᠠᠨ ᠤ ᠴᠡᠭᠡᠵᠢᠨ ᠳᠤ ᠲᠠᠪᠤᠨ ᠵᠠᠭᠤ ᠢᠯᠡᠭᠦᠦ ᠠᠷᠠᠳ ᠤᠨ ᠳᠠᠭᠤᠤ ᠬᠠᠯᠭᠢᠵᠤ ᠪᠠᠶᠢᠳᠠᠭ ᠭᠡᠨᠡᠮ᠃ ᠲᠡᠷᠡ ᠮᠠᠨᠢ | ᠡᠴᠢᠭᠡ ᠳᠡᠭᠡᠳᠦ ᠠᠴᠠ ᠰᠣᠶᠣᠷᠬᠠᠭᠰᠠᠨ ᠠᠷᠠᠳ ᠤᠨ ᠳᠠᠭᠤᠤ ᠪᠠᠨ ᠬᠦᠢᠪᠦᠷᠢ ᠨᠤᠲᠤᠭ ᠲᠠᠭᠠᠨ ᠬᠠᠩᠭᠢᠨᠠᠭᠤᠯᠵᠤ | ᠶᠠᠪᠤᠭᠰᠠᠨ ᠨᠤᠲᠤᠭ ᠤᠰᠤᠨ ᠳᠠᠭᠠᠨ ᠨᠡᠷᠡ ᠬᠦᠨᠳᠦᠲᠡᠢ ᠠᠷᠠᠳ ᠤᠨ ᠨᠢᠭᠡᠨ ᠳᠠᠭᠤᠴᠢᠨ ᠶᠤᠮᠰᠠᠨ᠃ ᠲᠡᠷᠡ ᠮᠠᠨᠢ | ᠠᠷᠪᠠᠨ ᠬᠡᠳᠦᠲᠡᠢ ᠠᠴᠠ ᠪᠠᠨ ᠡᠬᠢᠯᠡᠨ ᠲᠠᠭᠤᠤ ᠳᠤ ᠬᠤᠷᠣᠬᠠᠢ ᠲᠠᠢ ᠪᠣᠯᠵᠤ ᠠᠪᠤ ᠡᠵᠢ ᠨᠤᠲᠤᠭ ᠤᠨ ᠠᠬᠠᠮᠠᠳ | ᠲᠣᠮᠣᠭᠠᠲᠠᠳ ᠢᠶᠠᠨ ᠬᠤᠷᠭᠤᠭᠠᠨ ᠰᠤᠷᠴᠤ ᠴᠡᠭᠡᠵᠢᠯᠡᠨ᠂ ᠠᠷᠠᠳ ᠤᠨ ᠲᠠᠭᠤᠤ ᠠᠴᠠ ᠪᠠᠨ ᠠᠮᠢᠳᠤᠷᠠᠯ ᠤᠨ | ᠤᠬᠠᠭᠠᠨ ᠢ ᠬᠦᠷᠲᠡᠵᠦ᠂ ᠠᠷᠠᠳ ᠤᠨ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠭᠰᠠᠭᠠᠷ ᠥᠨᠥ ᠳᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ ᠶᠡᠷᠦ ᠨᠢ | ᠪᠠᠭᠠ ᠠᠴᠠ ᠪᠠᠨ ᠴᠡᠭᠡᠵᠢ ᠰᠠᠶᠢᠲᠠᠢ ᠠᠴᠠ ᠶᠤᠮ ᠤᠤ︖ ᠬᠥᠮᠥᠨ ᠤ ᠳᠠᠭᠤᠯᠠᠬᠤ ᠶᠢ ᠰᠣᠨᠣᠰᠤᠭᠰᠠᠭᠠᠷ ᠯᠡ | ᠲᠠᠭᠤᠤ ᠶᠢᠨ ᠦᠭᠡ ᠶᠢ ᠨᠢ ᠲᠣᠭᠲᠠᠭᠠᠴᠢᠬᠠᠳᠠᠭ ᠪᠠᠶᠢᠨᠠ᠃ ᠲᠡᠷᠡ ᠮᠦᠷᠳᠡᠭᠡᠨ ᠳᠠᠭᠤᠤ ᠶᠢ ᠭᠦᠢᠴᠡᠳ ᠰᠤᠷᠬᠤ ᠶᠢ | ᠶᠡᠭᠡ ᠴᠢᠬᠤᠯᠠᠴᠢᠯᠠᠳᠠᠭ ᠭᠡᠨᠡ᠃ ᠤᠴᠢᠷ ᠨᠢ ᠲᠡᠷᠡ ᠪᠣᠯ ᠥᠪ ᠰᠣᠶᠣᠯ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ ᠥᠪ ᠰᠣᠶᠣᠯ ᠢᠶᠠᠨ | ᠭᠦᠢᠴᠡᠳ ᠵᠥᠪ ᠢᠶᠠᠷ ᠤᠯᠠᠮᠵᠢᠯᠠᠬᠤ ᠨᠢ ᠨᠢᠭᠡ ᠵᠦᠢᠯ ᠤᠨ ᠵᠠᠶᠢᠯᠠᠭᠤᠯᠵᠤ ᠪᠣᠯᠤᠰᠢ ᠦᠭᠡᠢ ᠬᠠᠷᠢᠭᠤᠴᠠᠯᠭᠠ ᠪᠢᠯᠡ᠃ | ᠲᠡᠭᠡᠵᠦ ᠰᠠᠨᠠᠳᠠᠭ ᠤᠨ ᠬᠢᠨᠢ ᠤᠴᠢᠷ ᠤᠳᠬᠠ ᠪᠠᠷ᠂ 2016 ᠣᠨ ᠳᠤ ᠥᠪᠡᠷ ᠤᠨ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ | ᠰᠤᠷᠴᠤ ᠴᠡᠭᠡᠵᠢᠯᠡᠭᠰᠡᠨ ᠵᠠᠭᠤᠨ ᠤᠷᠲᠤ ᠶᠢᠨ ᠳᠠᠭᠤᠤ ᠪᠣᠯᠤᠨ ᠨᠠᠶᠠᠨ ᠨᠢᠭᠡᠨ ᠪᠣᠭᠤᠨᠢ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠨ | ᠡᠮᠬᠢᠳᠬᠡᠵᠦ ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ ᠬᠠᠪᠰᠤᠷᠤᠯᠭᠠ ᠳᠣᠣᠷᠠ᠂ ︽ᠰᠠᠶᠢᠬᠠᠨ ᠰᠠᠭᠯᠠᠭᠠᠷ ᠽᠠᠨᠳᠠ︾ ᠬᠡᠮᠡᠬᠦ | ᠠᠷᠠᠳ ᠤᠨ ᠲᠠᠭᠤᠤ ᠶᠢᠨ ᠴᠣᠮᠤᠭ ᠢᠶᠠᠨ ᠬᠡᠪᠯᠡᠭᠦᠯᠦᠨ ᠲᠠᠷᠬᠠᠭᠠᠵᠤ ᠳᠠᠶᠠᠭᠠᠷ ᠤᠯᠠᠨ ᠤ ᠪᠠᠨ ᠰᠣᠨᠣᠰᠬᠤᠯᠠᠩ ᠳᠤ | ᠬᠦᠷᠭᠡᠵᠦ᠂ ᠨᠤᠲᠤᠭ ᠤᠰᠤᠨ ᠪᠦᠬᠦᠢ ᠠᠯᠠᠱᠠ ᠲᠦᠮᠡᠨ ᠤ ᠪᠠᠨ ᠬᠦᠨᠳᠦᠳᠬᠡᠯ ᠪᠢᠰᠢᠷᠡᠯ ᠢ ᠶᠡᠬᠡᠳᠡ ᠬᠦᠷᠲᠡᠭᠰᠡᠨ | ᠪᠠᠶᠢᠨᠠ᠃ ᠣᠳᠣ ᠴᠤ ᠭᠡᠰᠡᠨ ᠲᠡᠭᠦᠨ ᠤ ᠬᠠᠵᠠᠭᠤ ᠳᠤ ᠬᠡᠳᠦᠨ ᠵᠠᠭᠤᠨ ᠳᠠᠭᠤᠤ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠠᠷᠠᠳ ᠤᠨ | ᠲᠠᠭᠤᠤ ᠶᠢᠨ ᠡᠮᠬᠢᠳᠬᠡᠯ ᠢᠶᠠᠨ ᠬᠡᠪᠯᠡᠯ ᠳᠤ ᠳᠡᠪᠰᠢᠭᠦᠯᠬᠦ ᠳᠤ ᠪᠡᠯᠡᠬᠡᠨ ᠪᠠᠶᠢᠨᠠ᠃ | ᠲᠠᠭᠤᠤ ᠶᠢᠨ ᠴᠣᠮᠤᠭ᠂ ᠨᠣᠮ ᠳᠡᠪᠲᠡᠷ ᠭᠠᠷᠭᠠᠵᠤ ᠪᠠᠶᠢᠭᠠ ᠮᠠᠯᠴᠢᠨ ᠬᠥᠮᠥᠨ ᠪᠢᠳᠡᠨ ᠤ ᠬᠠᠵᠠᠭᠤ ᠳᠤ | ᠵᠥᠩᠳᠡᠭᠡᠨ ᠬᠠᠷᠠᠭᠳᠠᠵᠤ ᠯᠡ ᠪᠠᠶᠢᠳᠠᠭ ᠪᠢᠰᠢ ᠤᠤ︖ ᠦᠨᠡᠨᠳᠡᠭᠡᠨ ᠲᠡᠳᠦᠢ ᠯᠡ ᠰᠣᠨᠢᠨ ᠤᠴᠢᠷ ᠪᠢᠰᠢ ᠰᠠᠨ᠃ | ᠬᠠᠷᠢᠨ ᠨᠢᠭᠡ ᠡᠳᠦᠷ ᠴᠤ ᠰᠣᠶᠣᠯ ᠤᠨ ᠮᠥᠷ ᠢᠶᠠᠷ ᠵᠠᠮᠨᠠᠭᠠ ᠦᠭᠡᠢ ᠬᠥᠮᠥᠨ ᠤ ᠬᠤᠪᠢ ᠳᠤ ᠲᠡᠷᠡ ᠪᠣᠯ ᠤᠶᠢᠭᠠ | ᠦᠭᠡᠢ ᠰᠡᠳᠬᠢᠯ ᠤᠨ ᠲᠡᠪᠴᠢᠶᠡᠷᠢ᠂ ᠰᠢᠨᠳᠠᠰᠤ ᠬᠠᠲᠠᠭᠤ ᠵᠣᠷᠢᠭ ᠪᠠᠶᠢᠵᠤ ᠯᠡ ᠲᠠᠭᠠᠷᠠᠨᠠ᠃ ᠡᠨᠡ ᠨᠢ ᠲᠡᠭᠦᠨ ᠤ | ᠪᠠᠭᠠ ᠨᠠᠰᠤᠨ ᠤ ᠤᠴᠠᠷᠠᠯ ᠲᠣᠬᠢᠶᠠᠯᠳᠤᠯ ᠠᠴᠠ ᠶᠠᠭᠠᠬᠢᠭᠰᠠᠨ ᠴᠤ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠪᠢ ᠪᠣᠳᠣᠨᠠᠮ᠃ | ᠬᠤᠪᠢ ᠵᠠᠶᠠᠭᠠ ᠡᠨᠡ ᠬᠥᠮᠥᠨ ᠢᠶᠠᠷ ᠳᠡᠩᠳᠡᠭᠦᠦ ᠶᠡᠭᠡ ᠲᠣᠭᠯᠠᠭᠰᠠᠨ ᠴᠤ ᠰᠢᠤᠬᠠᠨ᠃ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠬᠡᠦᠬᠡᠨ | ᠠᠶᠢᠯ ᠳᠠᠮᠵᠢᠨ ᠮᠠᠯ ᠬᠠᠷᠢᠭᠤᠯᠵᠤ ᠶᠠᠪᠤᠭᠰᠠᠨ ᠪᠠᠶᠢᠨᠠ᠃ ᠬᠦᠢᠲᠡᠨ ᠬᠠᠯᠠᠭᠤᠨ ᠥᠯᠦᠰᠬᠦᠯᠡᠩ ᠵᠣᠪᠠᠯᠠᠩ ᠠᠴᠠ | ᠡᠬᠢᠯᠡᠭᠡᠳ ᠦᠵᠡᠭᠡ ᠦᠭᠡᠢ ᠬᠠᠯᠠ ᠭᠡᠵᠦ ᠲᠡᠭᠦᠨ ᠳᠤ ᠠᠯᠠᠭᠠ᠃ ᠬᠠᠯᠠ ᠦᠵᠡᠵᠦ ᠬᠠᠯᠠᠭᠤᠨ ᠴᠢᠯᠠᠭᠤ ᠳᠣᠯᠢᠶᠠᠵᠤ | ᠶᠠᠪᠤᠭᠰᠠᠨ ᠠᠮᠢᠳᠤᠷᠠᠯ ᠨᠢ ᠲᠡᠭᠦᠨ ᠢ ᠬᠠᠲᠠᠭᠤᠵᠢᠨ ᠪᠣᠯᠪᠠᠰᠤᠷᠠᠭᠤᠯᠵᠤ ᠨᠤᠭᠤᠷᠠᠰᠢ ᠦᠭᠡᠢ ᠬᠠᠲᠠᠭᠤ ᠵᠣᠷᠢᠭ ᠢ | ᠥᠭᠭᠦᠭᠰᠡᠨ ᠬᠡᠯᠲᠡᠢ᠃ ᠡᠶᠢᠮᠦᠷᠬᠦ ᠠᠮᠢᠳᠤᠷᠠᠯ ᠳᠤ ᠥᠰᠦᠭᠰᠡᠨ ᠲᠡᠭᠦᠨ ᠳᠤ ᠪᠢᠴᠢᠭ ᠨᠣᠮ ᠲᠠᠢ ᠨᠥᠬᠦᠷᠯᠡᠬᠦ ᠵᠠᠪᠰᠢᠶᠠᠨ | ᠶᠠᠭ ᠪᠠᠶᠢᠭᠠ ᠦᠭᠡᠢ᠃ ᠭᠡᠪᠡᠴᠦ ᠣᠳᠣ ᠲᠡᠷᠡ ᠬᠠᠷᠢᠨ ᠰᠣᠨᠢᠨ ᠰᠡᠳᠬᠦᠯ ᠨᠣᠮ ᠵᠣᠬᠢᠶᠠᠯ ᠢ ᠬᠡᠨ ᠠᠴᠠ ᠴᠤ ᠳᠣᠣᠷᠠ | ᠦᠭᠡᠢ ᠦᠵᠡᠴᠢᠬᠡᠳᠡᠭ ᠨᠢᠭᠡᠨ ᠪᠤᠶᠤ᠃ ᠬᠥᠮᠥᠨ ᠨᠢᠭᠡ ᠨᠠᠰᠤᠨ ᠳᠠᠭᠠᠨ ᠤᠯᠠᠨ ᠠᠷᠪᠢᠨ ᠭᠡᠨᠡᠳᠲᠡ ᠶᠢᠨ | ᠲᠣᠬᠢᠶᠠᠯᠳᠤᠯ ᠲᠠᠢ ᠤᠴᠠᠷᠠᠳᠠᠭ ᠨᠢ ᠮᠡᠳᠡᠭᠡᠵᠢ᠃ ᠬᠠᠶᠠ ᠵᠠᠷᠢᠮ ᠨᠢᠭᠡ ᠨᠢ ᠨᠢᠭᠡ ᠨᠠᠰᠤ ᠶᠢ ᠨᠢ ᠨᠥᠯᠥᠭᠡᠯᠡᠳᠡᠭ | ᠪᠠᠶᠢᠨᠠ᠃ | ᠰᠤᠪᠤᠳ ᠨᠠᠰᠤᠲᠠᠨ ᠢ ᠬᠤᠷᠢ ᠭᠠᠷᠴᠦ ᠪᠠᠶᠢᠬᠤ ᠳᠤ ᠨᠢᠭᠡ ᠤᠳᠠᠭᠠ ᠬᠤᠰᠢᠭᠤᠨ ᠠᠴᠠ ᠬᠥᠳᠡᠭᠡ ᠳᠤ | ᠭᠤᠷᠪᠠᠨ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠ ᠲᠠᠢ ᠰᠢᠨᠡ ᠮᠣᠩᠭᠤᠯ ᠦᠰᠦᠭ ᠵᠢᠭᠠᠬᠤ ᠪᠣᠯᠪᠠᠰᠤᠷᠠᠯ ᠤᠨ ᠠᠩᠭᠢ ᠶᠢ | ᠡᠷᠬᠢᠯᠡᠵᠡᠢ᠃ ᠶᠡᠷᠦ ᠠᠴᠠ ᠨᠣᠮ ᠰᠤᠳᠤᠷ ᠲᠠᠢ ᠣᠶᠢᠷᠠᠳᠴᠤ ᠦᠵᠡᠭᠡ ᠦᠭᠡᠢ ᠲᠡᠭᠦᠨ ᠤ ᠰᠣᠨᠢᠭᠤᠴᠢ ᠰᠡᠳᠬᠢᠯ ᠢ ᠨᠢ | ᠲᠠᠲᠠᠵᠤ ᠨᠡᠷᠡ ᠪᠠᠨ ᠮᠡᠳᠡᠭᠦᠯᠦᠨ ᠪᠣᠯᠪᠠᠰᠤᠷᠠᠯ ᠤᠨ ᠠᠩᠭᠢ ᠳᠤᠨᠢ ᠣᠷᠣᠯᠴᠠᠭᠰᠠᠨ ᠪᠠᠶᠢᠨᠠ᠃ ᠶᠠᠭᠤᠮᠠ ᠰᠤᠷᠤᠶᠠ | ᠭᠡᠰᠡᠨ ᠬᠥᠮᠥᠨ ᠤ ᠬᠤᠪᠢ ᠳᠤ ᠭᠤᠷᠪᠠᠨ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠ ᠭᠡᠳᠡᠭ ᠦᠨᠡᠨᠳᠡᠭᠡᠨ ᠨᠢᠳᠦ ᠢᠷᠮᠡᠬᠦ ᠶᠢᠨ ᠯᠡ | ᠲᠡᠳᠦᠢ ᠥᠩᠭᠡᠷᠡᠬᠦ ᠬᠤᠷᠤᠮ᠃ ᠪᠠᠴᠢᠮ ᠶᠠᠭᠠᠷᠠᠯᠲᠠᠢ ᠠᠮᠢᠳᠤᠷᠠᠯ ᠨᠢᠭᠡ ᠮᠡᠳᠡᠬᠦᠨᠡ ᠥᠩᠭᠡᠷᠡᠨ ᠣᠳᠪᠠ᠃ | ᠬᠡᠳᠦ᠋ᠢᠪᠡᠷ ᠡᠨᠡ ᠲᠡᠷᠡ ᠶᠢ ᠰᠤᠷᠤᠯᠠ ᠭᠡᠵᠦ ᠥᠷᠥᠭᠡᠯ ᠤᠨ ᠡᠮᠦᠨᠡ ᠬᠡᠯᠡᠭᠡᠳ ᠭᠠᠷᠭᠠᠴᠢᠬᠠᠮᠠᠷ ᠶᠠᠭᠤᠮᠠ ᠲᠤᠩ | ᠬᠤᠮᠰᠠᠬᠠᠨ ᠪᠠᠶᠢᠭᠰᠠᠨ ᠴᠤ ᠡᠨᠡ ᠭᠤᠷᠪᠠᠨ ᠰᠠᠷᠠ ᠶᠢᠨ ᠪᠣᠯᠪᠠᠰᠤᠷᠠᠯ ᠨᠢ ᠲᠡᠭᠦᠨ ᠢ ᠰᠤᠷᠤᠯᠴᠠᠬᠤ ᠵᠠᠮ ᠳᠤ ᠲᠠᠲᠠᠨ | ᠣᠷᠣᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠪᠣᠯᠪᠠᠰᠤᠷᠠᠯ ᠢᠶᠠᠷ ᠳᠠᠮᠵᠢᠨ ᠲᠡᠷᠡ ᠮᠠᠨᠢ ᠰᠢᠨᠡ ᠮᠣᠩᠭᠤᠯ ᠥᠰᠥᠭ ᠤᠨ ᠴᠠᠭᠠᠨ | ᠲᠣᠯᠣᠭᠠᠢ ᠶᠢ ᠰᠤᠷᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠤᠶᠢᠭᠤᠷᠵᠢᠨ ᠮᠣᠩᠭᠤᠯ ᠴᠠᠭᠠᠨ ᠲᠣᠯᠣᠭᠠᠢ ᠶᠢ ᠴᠤ ᠨᠡᠯᠢᠶᠡᠳ | ᠡᠵᠡᠮᠰᠢᠵᠦ ᠳᠥᠭᠦᠮᠬᠡᠨ ᠠᠮᠤᠷ ᠮᠡᠨᠳᠦ ᠠᠰᠠᠭᠤᠬᠤ ᠵᠠᠬᠢᠳᠠᠯ ᠴᠢᠮᠡᠭᠡ ᠪᠢᠴᠢᠬᠦ᠂ ᠠᠯᠢ ᠡᠰᠡᠬᠦᠯᠡ ᠬᠡᠨ ᠨᠢᠭᠡᠨ ᠳᠤᠨᠢ | ᠢᠷᠡᠭᠰᠡᠨ ᠵᠠᠬᠢᠳᠠᠯ ᠢ ᠨᠢ ᠤᠩᠰᠢᠵᠤ ᠥᠭᠬᠦ ᠵᠡᠷᠭᠡ ᠶᠢ ᠠᠷᠭᠠᠯᠠᠴᠢᠬᠠᠳᠠᠭ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠭᠡᠬᠦ ᠳᠡᠭᠡᠨ | ᠵᠢᠩᠬᠢᠨᠢ ᠨᠣᠮ ᠪᠠᠷᠢᠭᠠᠳ ᠤᠩᠰᠢᠬᠤ ᠳᠤ ᠠᠷᠠᠢ ᠪᠣᠯᠵᠤ ᠥᠭᠬᠦ ᠦᠭᠡᠢ ᠪᠠᠶᠢᠵᠠᠢ᠃ ︽ᠨᠣᠮ ᠲᠠᠢ ᠪᠦᠬᠦᠨ ᠮᠢᠨᠦ | ᠪᠠᠭᠰᠢ︾ ᠭᠡᠳᠡᠭ ᠵᠣᠷᠢᠭ ᠢ ᠪᠠᠷᠢᠵᠤ ᠠᠭᠤᠯᠵᠠᠵᠤ ᠲᠠᠭᠠᠷᠠᠯᠳᠤᠭᠰᠠᠨ ᠬᠥᠮᠥᠨ ᠪᠣᠯᠭᠠᠨ ᠠᠴᠠ ᠱᠠᠯᠠᠵᠤ ᠰᠤᠷᠳᠠᠭ | ᠪᠠᠶᠢᠨᠠ᠃ ᠠᠯᠭᠤᠷ ᠠᠭᠤᠵᠢᠮ ᠳᠠᠭᠠᠨ ᠲᠡᠷᠡ ᠮᠠᠨᠢ ᠨᠣᠮ ᠤᠩᠰᠢᠬᠤ ᠳᠤ ᠬᠤᠷᠣᠬᠠᠢ ᠲᠠᠢ ᠪᠣᠯᠵᠤ ᠴᠠᠭ ᠵᠠᠪ ᠭᠠᠷᠪᠠᠯ | ᠨᠣᠮ ᠤᠨ ᠬᠠᠭᠤᠳᠠᠰᠤ ᠰᠡᠬᠦᠵᠦ ᠰᠠᠭᠤᠳᠠᠭ ᠪᠠᠶᠢᠨᠠ᠃ ᠢᠩᠭᠢᠭᠡᠳ ᠨᠡᠯᠢᠶᠡᠳ ᠪᠢᠴᠢᠭ ᠲᠠᠢ ᠪᠣᠯᠵᠤ ᠪᠤᠰᠤᠳ ᠠᠴᠠ | ᠰᠣᠨᠣᠰᠤᠭᠰᠠᠨ ᠳᠠᠭᠤᠤ ᠪᠠᠨ ᠲᠡᠮᠳᠡᠭᠯᠡᠵᠦ ᠠᠪᠬᠤ ᠴᠢᠳᠠᠯ ᠲᠠᠢ ᠪᠣᠯᠵᠠᠢ᠃ ᠲᠡᠷᠡ ᠮᠠᠨᠢ ᠵᠥᠪᠬᠡᠨ ᠳᠡᠪᠲᠡᠷ ᠲᠡᠭᠡᠨ | ᠲᠡᠮᠳᠡᠭᠯᠡᠭᠡᠳ ᠯᠡ ᠣᠷᠬᠢᠬᠤ ᠪᠢᠰᠢ ᠬᠠᠷᠢᠨ ᠲᠡᠭᠦᠨ ᠢ ᠪᠠᠨ ᠵᠠᠪᠠᠯ ᠲᠠᠷᠢᠬᠢᠨ ᠳᠠᠭᠠᠨ ᠰᠢᠩᠭᠡᠭᠡᠳᠡᠭ ᠪᠠᠶᠢᠨᠠ᠃ | ᠡᠨᠡ ᠨᠢ ᠶᠠᠪᠤᠭᠠᠨ ᠳᠠᠭᠠᠨ ᠨᠢᠭᠡ ᠵᠦᠢᠯ ᠤᠨ ᠵᠠᠩᠰᠢᠯ ᠪᠣᠯᠣᠭᠰᠠᠨ ᠠᠵᠢ᠃ ᠣᠳᠣ ᠲᠡᠭᠦᠨ ᠤ ᠴᠡᠭᠡᠵᠢᠨ ᠳᠤ ᠲᠠᠪᠤᠨ | ᠵᠠᠭᠤ ᠢᠯᠡᠭᠦᠦ ᠳᠠᠭᠤᠤ ᠬᠠᠳᠠᠭᠠᠯᠠᠭᠠᠲᠠᠢ ᠪᠠᠶᠢᠭᠠ ᠶᠢᠨ ᠭᠤᠣᠯ ᠰᠢᠯᠲᠠᠭᠠᠨ ᠨᠢ ᠪᠠᠷᠢᠮᠲᠠᠯᠠᠯ ᠭᠡᠭᠴᠢ ᠪᠤᠶᠤ᠃ ᠶᠠᠷᠢᠶᠠᠨ | ᠦᠭᠡᠢ ᠬᠥᠮᠥᠨ ᠨᠠᠰᠤ ᠶᠠᠪᠤᠬᠤ ᠶᠢ ᠳᠠᠭᠠᠯᠳᠤᠨ ᠤᠬᠠᠭᠠᠨ ᠰᠠᠨᠠᠭᠠ ᠵᠠᠯᠠᠭᠤ ᠨᠠᠰᠤ ᠪᠠᠨ ᠬᠦᠷᠬᠦ ᠪᠠᠨ ᠪᠠᠶᠢᠳᠠᠭ ᠨᠢ | ᠣᠷᠣ ᠲᠠᠢ᠃ ᠰᠤᠪᠤᠳ ᠨᠠᠰᠤᠲᠠᠨ ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ ᠰᠠᠨᠠᠭᠠᠴᠢᠯᠠᠭᠠ ᠳᠣᠣᠷᠠ ᠥᠪᠡᠷ ᠤᠨ ᠨᠠᠰᠤᠨ | ᠲᠤᠷᠰᠢᠳᠠ ᠬᠤᠷᠠᠮᠳᠤᠭᠤᠯᠵᠤ ᠢᠷᠡᠭᠰᠡᠨ ᠥᠪ ᠢᠶᠠᠨ ᠬᠤᠶᠢᠴᠢ ᠦᠶᠡ ᠳᠡᠭᠡᠨ ᠦᠯᠡᠳᠡᠭᠡᠬᠦ ᠬᠡᠮᠡᠨ ᠴᠣᠮᠤᠭ | ᠭᠠᠷᠭᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠪᠣᠯ ︽ᠮᠣᠩᠭᠤᠯ ᠰᠣᠶᠣᠯ ᠤᠨ ᠮᠠᠨᠢ ᠭᠠᠯ ᠭᠤᠯᠣᠮᠲᠠ ᠥᠨᠢᠳᠡ ᠪᠠᠳᠠᠷᠠᠲᠤᠭᠠᠢ︾ | ᠭᠡᠰᠡᠨ ᠰᠣᠶᠣᠯ ᠳᠠᠭᠠᠨ ᠬᠠᠶᠢᠷᠠᠲᠠᠢ ᠨᠢᠭᠡᠨ ᠠᠬᠠᠮᠠᠳ ᠲᠣᠮᠣᠭᠠᠲᠠᠳ ᠤᠨ ᠦᠷᠡ ᠬᠤᠶᠢᠴᠢᠰ ᠲᠠᠭᠠᠨ ᠦᠯᠡᠳᠡᠭᠡᠬᠦ | ᠬᠠᠮᠤᠭ ᠤᠨ ᠨᠠᠨᠳᠢᠨ ᠬᠥᠷᠥᠩᠭᠡ ᠭᠡᠪᠡᠯ ᠠᠬᠠᠳᠠᠬᠤ ᠪᠠᠷ ᠦᠭᠡᠢ ᠪᠢᠵᠡ᠃ | ᠮᠣᠩᠭᠤᠯ ᠰᠣᠶᠣᠯ ᠮᠠᠨᠢ ᠬᠡᠴᠢᠨᠡᠨ ᠵᠠᠭᠤᠨ ᠵᠢᠯ ᠢᠶᠠᠷ ᠢᠩᠭᠢᠵᠦ ᠦᠶᠡ ᠳᠠᠮᠵᠢᠨ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ | ᠢᠷᠡᠭᠰᠡᠨ ᠲᠡᠦᠬᠡ ᠲᠠᠢ᠃ ᠡᠨᠡ ᠲᠡᠦᠬᠡ ᠶᠢᠨ ᠦᠷᠭᠦᠯᠵᠢᠯᠡᠯ ᠪᠣᠯ ᠭᠠᠷᠴᠠᠭᠠ ᠦᠭᠡᠢ ᠬᠤᠶᠢᠴᠢ ᠦᠶᠡ ᠨᠢ ᠪᠣᠯᠣᠭᠰᠠᠨ | ᠲᠠ ᠪᠢᠳᠡ ᠮᠥᠨ᠃ | (ᠵᠣᠬᠢᠶᠠᠭᠴᠢ᠄ ᠪᠠᠭᠠᠨᠠ) | | |