ᠠᠯᠠᠱᠠ ᠣᠷᠣᠨ ᠪᠣᠯ ᠪᠠᠯᠠᠷ ᠡᠷᠳᠡᠨ ᠤ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠡᠭᠦᠰᠦᠯ ᠤᠨ ᠭᠠᠵᠠᠷ ᠤᠨ ᠨᠢᠭᠡ | ᠪᠠᠶᠢᠵᠦ᠂ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠶᠠᠪᠠᠷᠠᠢ ᠠᠭᠤᠯᠠᠨ ᠤ ᠠᠭᠤᠢ ᠳᠠᠬᠢ ᠭᠠᠷ ᠤᠨ ᠣᠷᠣᠮ ᠤᠨ ᠬᠠᠳᠠᠨ | ᠵᠢᠷᠤᠭ ᠪᠠ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠶᠡᠭᠡ ᠬᠡᠮᠵᠢᠶᠡᠨ ᠤ ᠨᠠᠷᠢᠯᠢᠭ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠰᠣᠶᠣᠯ ᠤᠨ | ᠦᠯᠡᠳᠡᠭᠳᠡᠯ ᠤᠨ ᠢᠯᠡᠷᠡᠬᠦᠯᠦᠯᠳᠡ ᠨᠢ ᠠᠯᠠᠱᠠ ᠣᠷᠣᠨ ᠳᠤ ᠠᠯᠢ ᠡᠷᠳᠡ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶᠡ | ᠳᠤ ᠨᠢᠭᠡᠨᠳᠡ ᠬᠦᠮᠦᠨ ᠳᠦᠷᠦᠯᠬᠢᠳᠡᠨ ᠤ ᠬᠦᠳᠡᠯᠭᠡᠭᠡᠨ ᠲᠠᠢ ᠪᠠᠶᠢᠭᠰᠠᠨ ᠢ ᠬᠡᠷᠡᠴᠢᠯᠡᠵᠦ ᠪᠣᠢ᠃ | ᠪᠠᠯᠠᠷ ᠡᠷᠳᠡᠨ ᠤ ᠨᠡᠶᠢᠭᠡᠮ ᠤᠨ ᠰᠡᠬᠦᠯᠴᠢ ᠦᠶᠡ᠂ ᠪᠣᠭᠤᠯᠳᠦ ᠨᠡᠶᠢᠬᠡᠮ ᠤᠨ ᠦᠶᠡ ᠳᠤ ᠡᠵᠡᠨᠡ ᠭᠤᠣᠯ | ᠤᠨ ᠣᠷᠣᠰᠬᠠᠯ ᠳᠠᠭᠠᠣ᠂ ᠰᠣᠪᠨᠠᠭᠤᠷ ᠤᠨ ᠡᠷᠬᠢ ᠳᠠᠭᠠᠣ ᠨᠢᠬᠡᠨᠳᠡ ᠱᠠᠩ ᠵᠸᠦ ᠶᠢᠨ ᠳᠦᠷᠦ ᠶᠢᠨ ᠡᠷᠳᠡᠨ ᠤ ᠠᠷᠠᠳ | ᠣᠷᠣᠰᠢᠨ ᠠᠮᠢᠳᠣᠷᠠᠵᠦ ᠪᠠᠶᠢᠭᠰᠠᠨ ᠣᠯᠠ ᠮᠦᠷ ᠪᠣᠢ᠃ | ᠴᠢᠨ ᠱᠢ ᠬᠤᠸᠠᠩ ᠵᠢᠷᠭᠤᠭᠠᠨ ᠣᠯᠣᠰ ᠢ ᠨᠢᠭᠡᠳᠭᠡᠭᠰᠡᠨ ᠤ ᠳᠠᠷᠠᠭᠠ᠂ ᠠᠯᠠᠱᠠ ᠶᠢᠨ ᠵᠡᠬᠦᠨ ᠬᠤᠶᠢᠳᠣ | ᠬᠡᠰᠡᠭ ᠲᠤ ᠠᠩᠬᠠ ᠪᠸᠢ ᠳ᠋ᠢ ᠵᠢᠶᠦ᠋ᠨ ᠢ ᠪᠠᠶᠢᠭᠤᠯᠪᠠ᠃ | ᠬᠠᠨ ᠣᠯᠣᠰ ᠤᠨ ᠦᠶᠡ ᠳᠤ᠂ ᠠᠯᠠᠱᠠ ᠣᠷᠣᠨ ᠨᠢ ᠳᠣᠰ ᠪᠦᠷᠢ ᠪᠸᠢ ᠳ᠋ᠢ᠂ ᠡᠦ ᠸᠧᠢ᠂ ᠵᠠᠩ ᠶᠧ | ᠭᠤᠷᠪᠠᠨ ᠵᠢᠶᠦ᠋ᠨ ᠳᠤ ᠬᠤᠪᠢᠶᠠᠷᠢᠯᠠᠭᠳᠠᠨ ᠵᠠᠬᠢᠷᠣᠭᠳᠠᠵᠦ ᠪᠠᠶᠢᠪᠠ᠃ ᠬᠠᠨ ᠡᠦ ᠳ᠋ᠢ ᠶᠢᠨ ᠲᠠᠢ ᠴᠤ ᠶᠢᠨ | ᠭᠤᠷᠪᠠᠳᠣᠭᠠᠷ ᠣᠨ( ᠨᠡᠶᠢᠳᠡ ᠶᠢᠨ ᠣᠨ ᠳᠣᠭᠠᠯᠠᠯ ᠠᠴᠠ ᠡᠮᠦᠨᠡ 102 ᠣᠨ) ᠳᠤ᠂ 18 ᠳᠦᠮᠡᠨ ᠴᠡᠷᠢᠭ ᠢ | ᠬᠦᠳᠡᠯᠭᠡᠨ ᠾᠧᠰᠢ ᠣᠷᠣᠨ ᠳᠤ ᠬᠦᠷᠴᠦ ᠬᠢᠯᠢ ᠶᠢ ᠰᠠᠬᠢᠭᠤᠯᠣᠨ᠂ ᠳᠠᠷᠢᠶᠠᠯᠠᠩ ᠡᠷᠬᠢᠯᠡᠬᠦᠯᠵᠦ᠂ ᠣᠮᠠᠷᠠᠳᠣ ᠬᠡᠰᠡᠭ | ᠲᠤ ᠵᠢᠦᠢ ᠶᠠᠨ᠂ ᠰᠢᠦ ᠱᠧ ᠬᠡᠬᠦ ᠬᠤᠶᠠᠷ ᠰᠢᠶᠠᠨ ᠢ ᠪᠠᠶᠢᠭᠤᠯᠪᠠ᠃ ᠬᠠᠨ ᠰᠢᠣᠸᠠᠨ ᠳ᠋ᠢ ᠶᠢᠨ ᠪᠧᠨ ᠱᠢ ᠶᠢᠨ | ᠳᠡᠷᠢᠬᠦᠨ ᠣᠨ(ᠨᠡᠶᠢᠳᠡ ᠶᠢᠨ ᠣᠨ ᠳᠣᠭᠠᠯᠠᠯ ᠠᠴᠠ ᠡᠮᠦᠨᠡ 73 ᠣᠨ) ᠳᠤ᠂ ᠵᠢᠦᠢ ᠶᠠᠨ ᠰᠢᠶᠠᠨ ᠨᠢ ᠵᠠᠩ | ᠶᠧ ᠵᠢᠶᠦ᠋ᠨ ᠳᠤ ᠬᠠᠷᠢᠶᠠᠯᠠᠭᠳᠠᠨ ᠵᠠᠬᠢᠷᠣᠭᠳᠠᠵᠦ ᠪᠠᠶᠢᠪᠠ᠃ ᠵᠡᠬᠦᠨ ᠬᠠᠨ ᠤ ᠭᠤᠸᠠᠩ ᠡᠦ ᠳ᠋ᠢ ᠬᠠᠭᠠᠨ ᠤ ᠳᠡᠷᠢᠬᠦᠨ | ᠣᠨ(25 ᠣᠨ) ᠳᠤ᠂《 ᠵᠠᠩ ᠶᠧ ᠵᠢᠦᠢ ᠶᠠᠨ ᠤ ᠬᠠᠷᠢᠶᠠᠳᠣ ᠣᠯᠣᠰ》ᠬᠡᠮᠡᠨ ᠦᠭᠡᠷᠡᠴᠢᠯᠡᠵᠦ᠂ ᠵᠡᠬᠦᠨ | ᠬᠠᠨ ᠤ ᠰᠢᠶᠠᠨ ᠳ᠋ᠢ ᠬᠠᠭᠠᠨ ᠤ ᠰᠢᠩ ᠫᠢᠩ ᠤᠨ ᠬᠤᠶᠠᠳᠣᠭᠠᠷ ᠣᠨ(195 ᠣᠨ) ᠳᠤ᠂ ᠰᠢ ᠬᠠᠢ ᠵᠢᠶᠦ᠋ᠨ ᠢ | ᠪᠠᠶᠢᠭᠤᠯᠵᠦ᠂ ᠵᠢᠦᠢ ᠶᠠᠨ ᠰᠢᠶᠠᠨ ᠡᠬᠦᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ ᠪᠠᠶᠢᠪᠠ᠃ | ᠸᠧᠢ ᠶᠢᠨ ᠡᠮᠦᠨᠡᠳᠦ ᠣᠮᠠᠷᠠᠳᠣ ᠳᠦᠷᠦ ᠶᠢᠨ ᠦᠶᠡ ᠳᠤ᠂ ᠸᠧᠢ ᠣᠯᠣᠰ ᠪᠠ ᠪᠠᠷᠠᠭᠤᠨ ᠶᠢᠨ ᠣᠯᠣᠰ ᠰᠢ | ᠬᠠᠢ ᠵᠢᠶᠦ᠋ᠨ ᠢ ᠦᠷᠬᠦᠯᠵᠢᠯᠡᠨ ᠦᠯᠡᠳᠡᠭᠡᠪᠡ᠃ ᠣᠮᠠᠷᠠᠳᠣ ᠸᠧᠢ ᠣᠯᠣᠰ ᠤᠨ ᠦᠶᠡ ᠳᠤ ᠠᠯᠠᠱᠠ ᠣᠷᠣᠨ ᠨᠢ | ᠯᠢᠶᠠᠩᠵᠸᠦ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ᠂ ᠣᠮᠠᠷᠠᠳᠣ ᠸᠧᠢ ᠣᠯᠣᠰ ᠤᠨ ᠳ᠋ᠣᠣ ᠡᠦ ᠳ᠋ᠢ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠵᠠᠯᠠᠷᠠᠭᠰᠠᠨ | ᠳᠡᠷᠢᠬᠦᠨ ᠣᠨ(386 ᠣᠨ) ᠳᠤ ᠳ᠋ᠢ ᠦᠨᠳᠦᠰᠦᠳᠡᠨ ᠤ ᠯᠢᠣᠢ ᠭᠤᠸᠠᠩ ᠬᠡᠬᠦ ᠬᠦᠮᠦᠨ ᠬᠤᠶᠢᠳᠣ ᠯᠢᠶᠠᠩ | ᠣᠯᠣᠰ ᠢ ᠪᠠᠶᠢᠭᠤᠯᠵᠦ᠂ ᠵᠢᠣᠢ ᠶᠠᠨ ᠰᠢᠶᠠᠨ ᠢ ᠵᠠᠬᠢᠷᠴᠣ ᠪᠠᠶᠢᠪᠠ᠃ ᠣᠮᠠᠷᠠᠳᠣ ᠸᠧᠢ ᠣᠯᠣᠰ ᠤᠨ ᠰᠢᠶᠣᠣ ᠮᠢᠩ ᠳ᠋ᠢ | ᠬᠠᠭᠠᠨ ᠤ ᠵᠧᠩ ᠭᠤᠸᠠᠩ ᠤᠨ ᠬᠤᠶᠠᠳᠣᠭᠠᠷ ᠣᠨ(521 ᠣᠨ) ᠳᠤ᠂ ᠵᠢᠣᠢ ᠶᠠᠨ ᠤ ᠡᠷᠳᠡᠨ ᠤ ᠬᠤᠳᠠ | ᠴᠠᠶᠢᠵᠠ ᠨᠢ ᠷᠸᠦ ᠷᠠᠨ ᠤ ᠪᠢᠷᠨᠮᠠᠨᠴᠣᠳ ᠤᠨ ᠨᠣᠶᠠᠷᠬᠠᠯ ᠤᠨ ᠣᠷᠣᠨ ᠪᠠᠶᠢᠪᠠ᠃ | ᠰᠦᠢ ᠣᠯᠣᠰ ᠠᠴᠠ ᠳᠠᠩ ᠣᠯᠣᠰ ᠤᠨ ᠡᠬᠢᠨ ᠤ ᠦᠶᠡ ᠳᠤ᠂ ᠠᠯᠠᠱᠠ ᠣᠷᠣᠨ ᠨᠢ ᠭᠠᠨᠵᠸᠦ᠂ ᠰᠦᠵᠸᠦ | ᠳᠤ ᠬᠠᠷᠢᠶᠠᠯᠠᠭᠳᠠᠵᠦ᠂ ᠮᠦᠨᠴᠦ ᠲᠢᠶᠦ᠋ᠷᠺ ᠤᠨ ᠢᠵᠠᠭᠤᠷᠳᠠᠳ ᠲᠤ ᠡᠵᠡᠯᠡᠭᠳᠡᠵᠦ ᠪᠠᠶᠢᠭᠰᠠᠨ ᠶᠣᠮ᠃ ᠳᠠᠩ ᠣᠯᠣᠰ | ᠤᠨ ᠴᠦᠢ ᠬᠦᠩ ᠤᠨ ᠬᠤᠶᠠᠳᠣᠭᠠᠷ ᠣᠨ(686 ᠣᠨ) ᠳᠤ᠂ ᠳᠠᠩ ᠣᠯᠣᠰ ᠠᠴᠠ ᠭᠡᠰᠡᠭ ᠬᠤᠭᠤᠴᠠᠭᠠᠨ | ᠳᠤ《 ᠠᠨᠪᠸᠢ ᠶᠢᠨ ᠳ᠋ᠦ᠋ ᠬᠣ᠋ ᠹᠦ᠋ ᠵᠠᠬᠢᠷᠭᠠᠨ》 ᠢ ᠭᠤᠪᠢ ᠶᠢᠨ ᠠᠷᠣ ᠠᠴᠠ ᠭᠤᠪᠢ ᠶᠢᠨ ᠡᠮᠦᠨᠡ ᠰᠢᠯᠵᠢᠬᠦᠯᠵᠦ᠂ | ᠳ᠋ᠦ᠋ ᠬᠣ᠋ ᠹᠦ᠋ ᠵᠠᠬᠢᠷᠭᠠᠨ ᠨᠢ ᠳᠦᠩ ᠴᠧᠩ ᠳᠤ ᠪᠠᠶᠢᠪᠠ᠂ ᠳᠠᠷᠣᠢ ᠣᠳᠣ ᠶᠢᠨ ᠡᠵᠡᠨᠡ ᠬᠤᠰᠢᠭᠤᠨ ᠤ ᠬᠢᠯᠢ ᠳᠤ | ᠪᠣᠢ᠃ ᠳᠠᠩ ᠰᠢᠣᠸᠠᠨᠽᠦ᠋ᠩ ᠤᠨ ᠳᠢᠶᠠᠨ ᠪᠣᠣ ᠶᠢᠨ ᠬᠤᠶᠠᠳᠣᠭᠠᠷ ᠣᠨ(743 ᠣᠨ) ᠳᠤ᠂ ᠳᠠᠩ ᠣᠯᠣᠰ | ᠨᠢᠩ ᠺᠸᠦ ᠴᠡᠷᠢᠭ ᠢ ᠪᠠᠶᠢᠭᠤᠯᠵᠦ᠂ ᠵᠢᠣᠢ ᠶᠠᠨ ᠤ ᠴᠡᠷᠢᠭ ᠤᠨ ᠶᠠᠪᠣᠳᠠᠯ ᠢ ᠶᠡᠷᠦᠩᠬᠡᠶᠢᠯᠡᠨ ᠵᠠᠬᠢᠷᠴᠦ ᠪᠠᠶᠢᠪᠠ᠃ | 《ᠠᠨ ᠱᠢ ᠶᠢᠨ ᠣᠷᠪᠠᠯᠭᠠᠨ》 ᠤ ᠦᠶᠡ ᠳᠤ᠂ ᠳᠦᠹᠠᠨ ᠾᠧᠰᠢ ᠶᠢᠨ ᠬᠤᠩᠬᠢᠯ ᠢ ᠳᠠᠰᠣᠯᠵᠦ᠂ ᠵᠢᠣᠢ | ᠶᠠᠨ ᠣᠷᠣᠨ ᠨᠢ ᠴᠠᠩ ᠠᠨ ᠠᠴᠠ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠣᠷᠣᠨ ᠳᠤ ᠨᠡᠪᠳᠡᠷᠡᠬᠦ《ᠳᠠᠯᠠ ᠨᠣᠳᠤᠭ ᠤᠨ ᠳᠣᠷᠭᠠᠨ ᠤ | ᠬᠤᠶᠢᠳᠦ ᠵᠠᠮ》ᠪᠣᠯᠪᠠ᠃ ᠡᠬᠦᠨ ᠠᠴᠠ ᠰᠡᠬᠦᠯᠡᠷ᠂ ᠵᠢᠣᠢ ᠶᠠᠨ ᠣᠷᠣᠨ ᠨᠢ ᠣᠷᠢᠳ ᠬᠤᠵᠢᠳ ᠳᠦᠹᠠᠨ᠂ ᠾᠦᠢ | ᠾᠧ᠂ ᠬᠢᠳᠠᠨ ᠠᠶᠢᠮᠠᠭ ᠲᠤ ᠡᠵᠡᠯᠡᠭᠳᠡᠪᠡ᠃ | ᠣᠮᠠᠷᠠᠳᠣ ᠰᠦᠩ ᠣᠯᠣᠰ ᠤᠨ ᠪᠣᠣ ᠶᠣᠸᠠᠨ ᠤ ᠳᠡᠷᠢᠬᠦᠨ ᠣᠨ(1038 ᠣᠨ) ᠳᠤ᠂ ᠪᠠᠷᠠᠭᠤᠨ | ᠰᠢᠶᠠ ᠣᠯᠣᠰ ᠴᠡᠷᠢᠭ ᠤᠨ ᠬᠢᠨᠠᠨ ᠵᠠᠬᠢᠷᠬᠤ 12 ᠵᠣᠷᠭᠠᠨ ᠢ ᠪᠠᠶᠢᠭᠤᠯᠵᠦ᠂ ᠠᠯᠠᠱᠠ ᠠᠭᠤᠯᠠ ᠶᠢᠨ ᠬᠤᠷᠮᠣᠢ | ᠳᠠᠭᠠᠣ 5 ᠳᠦᠮᠡᠨ ᠴᠡᠷᠢᠭ ᠢ ᠳᠣᠬᠢᠷᠠᠭᠤᠯᠵᠦ ᠰᠠᠬᠢᠭᠤᠯᠪᠠ᠃ ᠵᠢᠣᠢ ᠶᠠᠨ ᠣᠷᠣᠨ ᠳᠤ《ᠾᠸᠢ ᠱᠦᠢ ᠪᠠᠯᠭᠠᠰᠣᠨ | ᠤ ᠶᠠᠨ ᠤ ᠴᠡᠷᠢᠭ ᠤᠨ ᠵᠣᠷᠭᠠᠨ》 ᠢ ᠪᠠᠶᠢᠭᠤᠯᠵᠦ᠂ ᠵᠠᠬᠢᠷᠴᠦ ᠪᠠᠶᠢᠭᠰᠠᠨ ᠣᠷᠣᠨ ᠤ ᠳᠦᠪ ᠨᠢ ᠣᠳᠣ ᠶᠢᠨ ᠡᠵᠡᠨᠡ | ᠬᠤᠰᠢᠭᠤᠨ ᠤ ᠬᠠᠷᠠ ᠬᠤᠳᠠ ᠪᠣᠯᠣᠨᠠ᠃ | ᠶᠣᠸᠠᠨ ᠣᠯᠣᠰ ᠤᠨ ᠦᠶᠡ ᠳᠤ ᠡᠵᠡᠨᠡᠢ ᠵᠠᠮ ᠢ ᠳᠣᠬᠢᠷᠠᠭᠤᠯᠵᠦ᠂ ᠭᠠᠨᠰᠦ ᠶᠢᠨ ᠳᠦᠪ ᠪᠢᠴᠢᠭ ᠤᠨ ᠮᠣᠵᠢ | ᠳᠤ ᠬᠠᠷᠢᠶᠠᠯᠠᠭᠤᠯᠣᠨ ᠵᠠᠬᠢᠷᠣᠭᠤᠯᠵᠦ᠂ ᠴᠡᠷᠢᠭ ᠵᠠᠰᠠᠭ ᠤᠨ ᠶᠠᠪᠣᠳᠠᠯ ᠢ ᠬᠠᠮᠢᠶᠠᠷᠣᠨ᠂ ᠶᠡᠷᠦᠩᠬᠡᠢ ᠬᠠᠮᠢᠶᠠᠷᠣᠯᠳᠠ ᠶᠢᠨ | ᠶᠠᠮᠣᠨ ᠨᠢ ᠬᠠᠷᠠ ᠬᠤᠳᠠ ᠳᠤ ᠪᠠᠶᠢᠪᠠ᠃ | ᠮᠢᠩ ᠣᠯᠣᠰ ᠤᠨ ᠦᠶᠡ ᠳᠤ᠂ ᠣᠮᠠᠷᠠᠳᠣ ᠶᠣᠸᠠᠨ ᠣᠯᠣᠰ ᠪᠠ ᠣᠶᠢᠷᠠᠳ ᠤᠨ ᠬᠦᠴᠦᠨ ᠣᠷᠢᠳ | ᠬᠤᠵᠢᠳ ᠠᠯᠠᠱᠠ ᠣᠷᠣᠨ ᠢ ᠡᠵᠡᠯᠡᠪᠡ᠃ ᠮᠢᠩ ᠣᠯᠣᠰ ᠤᠨ ᠬᠤᠩ ᠡᠦ ᠶᠢᠨ ᠳᠠᠪᠣᠳᠣᠭᠠᠷ ᠣᠨ(1372 ᠣᠨ) | ᠳᠤ᠂ ᠮᠢᠩ ᠤᠨ ᠴᠡᠷᠢᠭ ᠤᠨ ᠪᠠᠷᠠᠭᠤᠨ ᠵᠠᠮ ᠤᠨ 5 ᠳᠦᠮᠡᠨ ᠴᠡᠷᠢᠭ ᠪᠣᠭᠤᠮᠳᠠ ᠶᠢ ᠦᠩᠭᠡᠷᠡᠨ ᠡᠵᠡᠨᠡᠢ ᠵᠠᠮ ᠢ | ᠰᠢᠭᠤᠳ ᠴᠢᠭᠯᠡᠨ ᠬᠠᠷᠠ ᠬᠤᠳᠠ ᠶᠢ ᠰᠠᠬᠢᠵᠦ ᠪᠠᠶᠢᠭᠰᠠᠨ ᠪᠣᠶᠠᠨᠳᠡᠮᠦᠷ ᠵᠠᠩᠵᠣᠨ ᠢᠯᠠᠭᠳᠠᠭᠠᠳ ᠬᠠᠷᠠ ᠬᠤᠳᠠ | ᠣᠷᠬᠢᠭᠳᠠᠭᠰᠠᠨ ᠪᠠᠶᠢᠯᠠ᠃ ᠮᠢᠩ ᠣᠯᠣᠰ ᠤᠨ ᠳᠣᠮᠳᠠᠴᠢ ᠦᠶᠡ ᠠᠴᠠ ᠰᠡᠭᠦᠯᠡᠷ ᠮᠣᠩᠭᠤᠯ ᠤᠨ ᠳᠠᠶᠠᠨ ᠬᠠᠨ ᠤ | ᠬᠠᠷᠢᠶᠠᠳᠣ ᠶᠢᠨ ᠣᠳᠣᠷᠯᠠᠨ ᠮᠠᠯᠵᠢᠬᠤ ᠪᠡᠯᠴᠢᠭᠡᠷ ᠪᠣᠯᠣᠭᠰᠠᠨ ᠪᠠᠶᠢᠪᠠ᠃ | ᠴᠢᠩ ᠣᠯᠣᠰ ᠤᠨ ᠡᠬᠢᠨ ᠤ ᠦᠶᠡ ᠳᠤ᠂ ᠮᠣᠩᠭᠤᠯ ᠤᠨ ᠣᠷᠳᠣᠰ ᠠᠶᠢᠮᠠᠭ ᠤᠨ ᠷᠢᠨᠴᠢᠨ᠂ | ᠬᠦᠷᠦᠳᠠᠶᠢᠴᠢᠨ ᠠᠯᠠᠱᠠ ᠣᠷᠣᠨ ᠳᠤ ᠣᠳᠣᠷᠯᠠᠨ ᠮᠠᠯᠵᠢᠵᠦ ᠪᠠᠶᠢᠪᠠ᠃ ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠵᠢᠷᠭᠤᠳᠣᠭᠠᠷ | ᠣᠨ(1649 ᠣᠨ) ᠳᠤ᠂ ᠶᠡᠭᠡ ᠵᠠᠮᠰᠣ ᠶᠢᠨ ᠣᠷᠪᠠᠯᠭᠠᠨ ᠠᠴᠠ ᠪᠣᠯᠵᠦ᠂ ᠳᠡᠬᠦᠨ ᠤ ᠬᠠᠷᠢᠶᠠᠳᠣ ᠠᠷᠠᠳ ᠨᠢ | ᠪᠣᠷᠣᠳᠣᠬᠤᠢ ᠶᠢᠨ ᠣᠷᠣᠨ ᠳᠤ ᠨᠡᠬᠦᠳᠡᠯᠯᠡᠨ ᠣᠴᠢᠪᠠ᠃ ᠡᠩᠬᠡ ᠠᠮᠣᠭᠤᠯᠠᠩ ᠤᠨ ᠠᠷᠪᠠᠨ ᠳᠠᠪᠣᠨ ᠣᠨ(1676 | ᠣᠨ) ᠳᠤ᠂ ᠣᠶᠢᠷᠠᠳ ᠤᠨ ᠵᠦᠩᠭᠠᠷ ᠠᠶᠢᠮᠠᠭ ᠤᠨ ᠳᠦᠷᠦᠭᠦᠦ ᠭᠠᠯᠳᠠᠨ ᠬᠤᠱᠣᠳ ᠠᠶᠢᠮᠠᠭ ᠤᠨ ᠳᠦᠷᠦᠭᠦᠦ | ᠸᠴᠢᠷᠳᠣ ᠬᠠᠨ ᠢ ᠢᠯᠠᠪᠠ᠃ ᠡᠩᠬᠡ ᠠᠮᠣᠭᠤᠯᠠᠩ ᠤᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠣᠨ(1677 ᠣᠨ) ᠳᠤ᠂ ᠬᠦᠣᠰᠢ | ᠬᠠᠨ ᠤ ᠣᠮᠪᠣᠯᠣ ᠬᠤᠷᠣᠯᠠᠢ ᠬᠤᠱᠣᠳ ᠤᠨ ᠦᠯᠡᠳᠡᠭᠰᠡᠨ ᠠᠶᠢᠮᠠᠭ ᠢᠶᠠᠨ ᠳᠠᠭᠠᠭᠤᠯᠣᠨ ᠰᠢᠨᠵᠢᠶᠠᠩ ᠠᠴᠠ | ᠨᠡᠭᠦᠳᠡᠯᠯᠡᠵᠦ ᠬᠦᠬᠡᠨᠠᠭᠤᠷ ᠤᠨ ᠵᠦᠯᠭᠡᠳᠦ ᠳᠠᠯᠠ ᠶᠢ ᠳᠣᠭᠤᠯᠣᠭᠠᠳ ᠠᠯᠠᠱᠠ ᠣᠷᠣᠨ ᠳᠤ ᠬᠦᠷᠴᠦ ᠢᠷᠡᠪᠡ᠃ | ᠡᠩᠬᠡ ᠠᠮᠣᠭᠤᠯᠠᠩ ᠤᠨ ᠭᠤᠴᠢᠨ ᠵᠢᠷᠭᠤᠭᠠᠨ ᠣᠨ(1697 ᠣᠨ) ᠳᠤ᠂ ᠠᠯᠠᠱᠠ ᠬᠤᠱᠣᠳ ᠬᠤᠰᠢᠭᠤ ᠶᠢ | ᠪᠠᠶᠢᠭᠤᠯᠪᠠ᠃ ᠡᠩᠬᠡ ᠠᠮᠣᠭᠤᠯᠠᠩ ᠤᠨ ᠭᠤᠴᠢᠨ ᠳᠣᠯᠣᠭᠠᠨ ᠣᠨ(1698 ᠣᠨ) ᠳᠤ᠂ ᠢᠵᠢᠯ ᠮᠦᠷᠡᠨ ᠤ | ᠵᠠᠢ ᠳᠤ ᠣᠳᠣᠷᠯᠠᠨ ᠨᠡᠭᠦᠳᠡᠯᠯᠡᠵᠦ ᠪᠠᠶᠢᠭᠰᠠᠨ ᠳᠣᠷᠭᠤᠳ ᠠᠶᠢᠮᠠᠭ ᠤᠨ ᠠᠶᠣᠰᠢ ᠬᠠᠨ ᠤ ᠳᠡᠬᠦᠦ ᠨᠠᠵᠢᠷᠮᠠᠮᠣᠳ ᠤᠨ | ᠬᠦᠪᠡᠬᠦᠨ ᠠᠷᠠᠪᠵᠣᠣᠷ ᠬᠠᠷᠢᠶᠠᠳᠣ ᠪᠠᠨ ᠳᠠᠭᠠᠭᠤᠯᠣᠨ ᠳᠦᠪᠡᠳ ᠲᠤ ᠬᠦᠷᠴᠦ ᠯᠠᠮᠠᠳᠠᠨ ᠪᠠᠭᠰᠢ ᠳᠤ ᠪᠠᠷᠠᠳᠠᠭᠠᠳ | ᠪᠣᠴᠠᠬᠤ ᠵᠠᠮ ᠳᠠᠭᠠᠨ ᠬᠤᠷᠢᠭᠯᠠᠯᠳᠠ ᠳᠤ ᠣᠴᠠᠷᠠᠵᠦ᠂ ᠳᠣᠳᠣᠭᠠᠳᠣ ᠠᠴᠠ ᠳᠣᠰᠠᠯᠠᠮᠵᠢ ᠭᠤᠶᠣᠭᠰᠠᠨ ᠳᠤ᠂ ᠴᠢᠩ | ᠤᠨ ᠳᠦᠷᠦ ᠠᠴᠠ ᠳ᠋ᠠᠩ ᠾᠧ᠂ ᠰᠡᠷᠳᠡᠩ ᠤᠨ ᠭᠠᠵᠠᠷ ᠢ ᠰᠣᠶᠣᠷᠬᠠᠪᠠ᠃ ᠡᠨᠡ ᠨᠢ ᠳᠣᠷᠭᠤᠳ ᠤᠨ ᠣᠪᠠᠰᠢ ᠬᠠᠨ | ᠬᠠᠷᠢᠶᠠᠳᠣ ᠪᠠᠨ ᠳᠠᠭᠠᠭᠤᠯᠣᠨ ᠵᠡᠬᠦᠨᠰᠢ ᠪᠣᠴᠠᠭᠰᠠᠨ ᠠᠴᠠ 73 ᠵᠢᠯ ᠡᠷᠳᠡ ᠪᠠᠶᠢᠪᠠ᠃ ᠨᠠᠶᠢᠷᠠᠯᠳᠦ ᠳᠦᠪ ᠤᠨ | ᠳᠣᠯᠣᠳᠣᠭᠠᠷ ᠣᠨ(1729 ᠣᠨ) ᠳᠤ᠂ ᠠᠷᠠᠪᠵᠣᠣᠷ ᠤᠨ ᠬᠦᠪᠡᠭᠦᠨ ᠳ᠋ᠠᠨᠵᠦ᠋ᠩ ᠢ ᠳᠦᠷᠦ ᠶᠢᠨ ᠪᠠᠶᠢᠯᠡ | ᠡᠷᠭᠦᠮᠵᠢᠯᠡᠪᠡ᠃ ᠨᠠᠶᠢᠷᠠᠯᠳᠦ ᠳᠦᠪ ᠤᠨ ᠶᠢᠰᠦᠳᠦᠭᠡᠷ ᠣᠨ(1731 ᠣᠨ) ᠠᠴᠠ ᠰᠡᠭᠦᠯᠡᠷ ᠡᠵᠡᠨᠡ ᠭᠤᠣᠯ ᠤᠨ | ᠣᠷᠣᠰᠬᠠᠯ ᠳᠠᠭᠠᠣ ᠣᠳᠣᠷᠯᠠᠨ ᠨᠡᠭᠦᠪᠡ᠃ ᠳᠡᠭᠷᠢ ᠳᠡᠳᠭᠦᠭᠴᠢ ᠶᠢᠨ ᠠᠷᠪᠠᠨ ᠨᠠᠢᠮᠠᠳᠣᠭᠠᠷ ᠣᠨ(1729 ᠣᠨ) | ᠳᠤ᠂ ᠡᠵᠡᠨᠡ ᠬᠠᠭᠤᠴᠢᠨ ᠳᠣᠷᠭᠤᠳ ᠬᠤᠰᠢᠭᠤ ᠶᠢ ᠪᠠᠶᠢᠭᠤᠯᠪᠠ᠃ ᠬᠤᠶᠠᠷ ᠬᠤᠰᠢᠭᠤᠨ ᠤ ᠳᠡᠭᠡᠷᠡ ᠨᠢ ᠠᠶᠢᠮᠠᠭ | ᠳᠣᠬᠢᠷᠠᠭᠤᠯᠣᠭᠰᠠᠨ ᠦᠬᠡᠢ᠂ ᠭᠠᠳᠠᠭᠠᠳᠣ ᠮᠣᠩᠭᠤᠯ ᠤᠨ ᠳᠦᠷᠦ ᠶᠢ ᠵᠠᠰᠠᠬᠤ ᠶᠠᠪᠣᠳᠠᠯ ᠤᠨ ᠶᠠᠮᠣᠨ ᠳᠤ ᠰᠢᠭᠤᠳ | ᠬᠠᠷᠢᠶᠠᠯᠠᠭᠳᠠᠨ ᠵᠠᠬᠢᠷᠣᠭᠳᠠᠵᠦ ᠪᠠᠶᠢᠪᠠ᠃ | ᠢᠷᠭᠡᠨ ᠣᠯᠣᠰ ᠤᠨ ᠦᠶᠡ ᠳᠤ᠂ ᠠᠯᠠᠱᠠ ᠬᠤᠱᠣᠳ ᠬᠤᠰᠢᠭᠤ᠂ ᠡᠵᠡᠨᠡ ᠬᠠᠭᠤᠴᠢᠨ ᠳᠣᠷᠭᠤᠳ | ᠬᠤᠰᠢᠭᠤ ᠨᠢ ᠳᠦᠪ ᠵᠠᠬᠢᠷᠭᠠ ᠶᠢᠨ ᠮᠣᠩᠭᠤᠯ ᠳᠦᠪᠡᠳ ᠤᠨ ᠶᠠᠪᠣᠳᠠᠯ ᠤᠨ ᠬᠤᠷᠢᠶᠠ ᠳᠤ ᠰᠢᠭᠤᠳ ᠬᠠᠷᠢᠶᠠᠯᠠᠭᠳᠠᠨ | ᠵᠠᠬᠢᠷᠣᠭᠳᠠᠵᠦ᠂ ᠨᠢᠩᠰᠢᠶᠠ ᠶᠢᠨ ᠬᠠᠮᠠᠭᠠᠯᠠᠭᠴᠢ ᠴᠡᠷᠢᠭ ᠤᠨ ᠡᠯᠴᠢ ᠶᠢᠨ ᠭᠠᠵᠠᠷ ᠪᠠ ᠨᠢᠩᠰᠢᠶᠠ ᠮᠣᠵᠢ ᠠᠴᠠ | ᠬᠤᠶᠠᠷ ᠬᠤᠰᠢᠭᠤ ᠶᠢ ᠬᠠᠪᠰᠣᠷᠭᠠᠨ ᠬᠠᠮᠢᠶᠠᠷᠴᠦ ᠪᠠᠶᠢᠪᠠ᠃ ᠡᠨᠡᠬᠦ ᠬᠤᠭᠤᠴᠠᠭᠠᠨ ᠳᠤ᠂ ᠣᠣᠯ ᠤᠨ ᠠᠯᠠᠱᠠ | ᠬᠤᠱᠣᠳ ᠬᠤᠰᠢᠭᠤᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ ᠪᠠᠶᠢᠭᠰᠠᠨ ᠬᠠᠳᠣᠨᠳᠣᠬᠤᠢ ᠪᠠᠭ(ᠰᠢᠶᠠᠩ) ᠳᠤ ᠰᠢᠶᠠᠨ ᠤ ᠳᠡᠰ ᠤᠨ | ᠪᠠᠶᠢᠭᠤᠯᠣᠯᠳᠣ ᠳᠦᠷᠢᠮ ᠢ ᠪᠠᠶᠢᠭᠤᠯᠣᠨ ᠬᠡᠷᠡᠭᠵᠢᠬᠦᠯᠪᠡ᠃ | 1949 ᠣᠨ ᠤ 9 ᠰᠠᠷᠠ ᠶᠢᠨ 23 ᠤ ᠡᠳᠦᠷ᠂ ᠠᠯᠠᠱᠠ ᠬᠤᠱᠣᠳ ᠬᠤᠰᠢᠭᠤ ᠨᠠᠶᠢᠷᠠᠮᠳᠠᠯ ᠢᠶᠠᠷ | ᠴᠢᠯᠦᠭᠡᠯᠡᠭᠳᠡᠪᠡ᠃ | 1949 ᠣᠨ ᠤ 9 ᠰᠠᠷᠠ ᠶᠢᠨ 27 ᠤ ᠡᠳᠦᠷ᠂ ᠡᠵᠡᠨᠡ ᠬᠠᠭᠤᠴᠢᠨ ᠳᠣᠷᠭᠤᠳ ᠬᠤᠰᠢᠭᠤ ᠨᠠᠶᠢᠷᠠᠮᠳᠠᠯ | ᠢᠶᠠᠷ ᠴᠢᠯᠦᠭᠡᠯᠡᠭᠳᠡᠪᠡ᠃ | 1949 ᠣᠨ ᠤ 11 ᠰᠠᠷᠠ ᠳᠤ᠂ ᠡᠵᠡᠨᠡ ᠬᠤᠰᠢᠭᠤᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ | ᠣᠷᠳᠣᠨ ᠪᠠᠶᠢᠭᠤᠯᠣᠭᠳᠠᠪᠠ᠃ | 1950 ᠣᠨ ᠤ 3 ᠰᠠᠷᠠ ᠳᠤ᠂ ᠠᠯᠠᠱᠠ ᠬᠤᠱᠣᠳ ᠬᠤᠰᠢᠭᠤᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠠᠷᠠᠳ ᠤᠨ | ᠵᠠᠰᠠᠭ ᠤᠨ ᠣᠷᠳᠣᠨ ᠪᠠᠶᠢᠭᠤᠯᠣᠭᠳᠠᠪᠠ᠃ | 1954 ᠣᠨ ᠤ 4 ᠰᠠᠷᠠ ᠳᠤ᠂ ᠨᠢᠩᠰᠢᠶᠠ ᠮᠣᠵᠢ ᠶᠢᠨ ᠮᠣᠩᠭᠤᠯ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ | ᠪᠠᠶᠢᠭᠤᠯᠣᠭᠳᠠᠵᠦ᠂ ᠠᠯᠠᠱᠠ ᠬᠤᠰᠢᠭᠤ ᠪᠠ ᠬᠠᠳᠣᠨᠳᠣᠬᠤᠢ ᠰᠢᠶᠠᠨ ᠡᠬᠦᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ᠂ ᠳᠣᠰᠬᠠᠢ ᠣᠷᠣᠨ | ᠤ ᠳᠡᠰ ᠤᠨ ᠣᠷᠣᠨ ᠨᠣᠳᠤᠭ ᠤᠨ ᠵᠠᠰᠠᠭ ᠤᠨ ᠡᠷᠭᠡ ᠲᠠᠢ ᠪᠠᠶᠢᠵᠦ᠂ ᠨᠢᠩᠰᠢᠶᠠ ᠮᠣᠵᠢ ᠳᠤ ᠬᠠᠷᠢᠶᠠᠯᠠᠭᠳᠠᠨ | ᠬᠠᠮᠢᠶᠠᠷᠣᠭᠳᠠᠵᠦ ᠪᠠᠶᠢᠪᠠ᠃ ᠳᠣᠰ ᠵᠢᠯ ᠤᠨ 10 ᠰᠠᠷᠠ ᠳᠤ᠂ ᠨᠢᠩᠰᠢᠶᠠ ᠮᠣᠵᠢ ᠶᠢᠨ ᠪᠠᠶᠢᠭᠤᠯᠣᠯᠳᠣ ᠳᠦᠷᠢᠮ ᠢ | ᠦᠭᠡᠶᠢᠰᠬᠡᠵᠦ᠂ ᠭᠠᠨᠰᠦ ᠮᠣᠵᠢ ᠲᠠᠢ ᠨᠡᠶᠢᠯᠡᠭᠦᠯᠦᠭᠰᠡᠨ ᠠᠴᠠ ᠨᠢᠩᠰᠢᠶᠠ ᠮᠣᠵᠢ ᠶᠢᠨ ᠮᠣᠩᠭᠤᠯ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ | ᠣᠷᠣᠨ ᠤ ᠨᠡᠷᠡ ᠶᠢ ᠨᠢ ᠭᠠᠨᠰᠦ ᠮᠣᠵᠢ ᠶᠢᠨ ᠮᠣᠩᠭᠤᠯ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠬᠡᠵᠦ ᠬᠠᠯᠠᠪᠠ᠃ | 1955 ᠣᠨ ᠤ 3 ᠰᠠᠷᠠ ᠳᠤ᠂ ᠭᠠᠨᠰᠦ ᠮᠣᠵᠢ ᠶᠢᠨ ᠮᠣᠩᠭᠤᠯ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠨᠡᠷᠡ ᠶᠢ | ᠨᠢ ᠭᠠᠨᠰᠦ ᠮᠣᠵᠢ ᠶᠢᠨ ᠮᠣᠩᠭᠤᠯ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠸᠦ ᠬᠡᠮᠡᠨ ᠬᠠᠯᠠᠵᠦ᠂ ᠡᠵᠡᠨᠡ ᠬᠤᠰᠢᠭᠤᠨ ᠤ | ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠨᠡᠷᠡ ᠶᠢ ᠨᠢ ᠡᠵᠡᠨᠡ ᠶᠢᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠬᠤᠰᠢᠭᠤ ᠬᠡᠮᠡᠨ ᠬᠠᠯᠠᠪᠠ᠃ | 1955 ᠣᠨ ᠤ 11 ᠰᠠᠷᠠ ᠳᠤ᠂ ᠭᠠᠨᠰᠦ ᠮᠣᠵᠢ ᠶᠢᠨ ᠮᠣᠩᠭᠤᠯ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠸᠦ ᠶᠢᠨ ᠨᠡᠷᠡ | ᠶᠢ ᠨᠢ ᠭᠠᠨᠰᠦ ᠮᠣᠵᠢ ᠶᠢᠨ ᠪᠠᠶᠠᠠᠬᠤᠳᠠ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠸᠦ ᠬᠡᠮᠡᠨ ᠬᠠᠯᠠᠪᠠ᠃ | 1956 ᠣᠨ ᠤ 2 ᠰᠠᠷᠠ ᠳᠤ᠂ ᠪᠠᠶᠠᠠᠨᠠᠭᠤᠷ ᠠᠶᠢᠮᠠᠭ ᠢ ᠪᠠᠶᠢᠭᠤᠯᠵᠦ᠂ ᠠᠯᠠᠱᠠ ᠬᠤᠰᠢᠭᠤ᠂ ᠡᠵᠡᠨᠡ | ᠬᠤᠰᠢᠭᠤ᠂ ᠬᠠᠳᠣᠨᠳᠣᠬᠤᠢ ᠰᠢᠶᠠᠨ ᠪᠠ ᠪᠠᠶᠠᠠᠬᠤᠳᠠ ᠶᠢ ᠬᠠᠷᠢᠶᠠᠯᠠᠵᠦ᠂ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ | ᠵᠠᠰᠠᠬᠤ ᠣᠷᠣᠨ ᠳᠤ ᠬᠠᠷᠢᠶᠠᠯᠠᠭᠳᠠᠪᠠ᠃ | 1958 ᠣᠨ ᠤ 4 ᠰᠠᠷᠠ ᠳᠤ᠂ ᠪᠠᠶᠠᠠᠨᠠᠭᠤᠷ ᠠᠶᠢᠮᠠᠭ ᠢ ᠪᠣᠷᠣᠳᠣᠬᠤᠢ ᠶᠢᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠣᠷᠣᠨ | ᠲᠠᠢ ᠨᠡᠶᠢᠯᠡᠬᠦᠯᠵᠦ᠂ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠳᠣᠮᠢᠯᠠᠭᠰᠠᠨ ᠪᠠᠶᠢᠭᠤᠯᠣᠮᠵᠢ ᠪᠠᠶᠢᠵᠦ᠂ | ᠠᠶᠢᠮᠠᠭ ᠤᠨ ᠳᠦᠪ ᠢᠶᠠᠨ ᠰᠠᠨ ᠱᠧᠩ ᠭᠦᠩ(ᠣᠳᠣ ᠶᠢᠨ ᠪᠠᠶᠠᠠᠨᠠᠭᠤᠷ ᠬᠤᠳᠠ ᠶᠢᠨ ᠬᠠᠳᠣᠨᠳᠣᠬᠤᠢ ᠰᠢᠶᠠᠨ ᠤ | ᠪᠠᠶᠠᠠᠭᠤᠣᠯ ᠪᠠᠯᠭᠠᠰᠦ) ᠳᠤ ᠨᠡᠬᠦᠯᠭᠡᠪᠡ︔ ᠳᠣᠰ ᠵᠢᠯ ᠤᠨ 8 ᠰᠠᠷᠠ ᠳᠤ᠂ ᠪᠠᠶᠠᠠᠬᠤᠳᠠ ᠶᠢᠨ ᠬᠤᠳᠠ ᠶᠢᠨ | ᠪᠠᠶᠢᠭᠤᠯᠣᠯᠳᠣ ᠳᠦᠷᠢᠮ ᠢ ᠦᠭᠡᠶᠢᠰᠬᠡᠵᠦ᠂ ᠪᠠᠯᠭᠠᠰᠣᠨ ᠤ ᠳᠡᠰ ᠤᠨ ᠪᠠᠶᠢᠭᠤᠯᠣᠯᠳᠣ ᠳᠦᠷᠢᠮ ᠪᠣᠯᠭᠠᠪᠠ᠃ | 1961 ᠣᠨ ᠤ 4 ᠰᠠᠷᠠ ᠳᠤ᠂ ᠠᠯᠠᠱᠠ ᠬᠤᠰᠢᠭᠤ ᠶᠢ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤ ᠪᠠ ᠠᠯᠠᠱᠠ ᠪᠠᠷᠠᠭᠤᠨ | ᠬᠤᠰᠢᠭᠤ ᠬᠡᠵᠦ ᠰᠠᠯᠭᠠᠨ ᠳᠣᠬᠢᠷᠠᠭᠤᠯᠪᠠ᠃ | 1969 ᠣᠨ ᠤ 7 ᠰᠠᠷᠠ ᠳᠤ᠂ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤ ᠶᠢ ᠨᠢᠩᠰᠢᠶᠠ ᠶᠢᠨ ᠬᠤᠳᠣᠩ | ᠦᠨᠳᠦᠰᠦᠳᠡᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠳᠤ ᠰᠢᠯᠵᠢᠬᠦᠯᠦᠨ ᠦᠭᠴᠦ᠂ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤ᠂ | ᠡᠵᠡᠨᠡ ᠬᠤᠰᠢᠭᠤ ᠶᠢ ᠭᠠᠨᠰᠦ ᠮᠣᠵᠢ ᠳᠤ ᠰᠢᠯᠵᠢᠬᠦᠯᠦᠨ ᠦᠭᠪᠡ᠃ | 1979 ᠣᠨ ᠤ 7 ᠰᠠᠷᠠ ᠳᠤ᠂ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤ᠂ ᠡᠵᠡᠨᠡ ᠬᠤᠰᠢᠭᠤ᠂ ᠠᠯᠠᠱᠠ ᠪᠠᠷᠠᠭᠤᠨ | ᠬᠤᠰᠢᠭᠤ ᠶᠢ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠳᠤ ᠰᠢᠯᠵᠢᠬᠦᠯᠦᠨ ᠪᠣᠴᠠᠭᠠᠪᠠ᠃ | 1980 ᠣᠨ ᠤ 5 ᠰᠠᠷᠠ ᠳᠤ᠂ ᠠᠯᠠᠱᠠ ᠠᠶᠢᠮᠠᠭ ᠪᠠᠶᠢᠭᠤᠯᠣᠭᠳᠠᠵᠦ᠂ ᠦᠪᠦᠷ ᠮᠣᠩᠭᠤᠯ ᠤᠨ | ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠳᠤ ᠬᠠᠷᠢᠶᠠᠯᠠᠭᠳᠠᠨ᠂ ᠭᠠᠵᠠᠷ ᠣᠷᠣᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠸᠦ ᠶᠢᠨ ᠳᠡᠰ ᠤᠨ | ᠪᠠᠶᠢᠭᠤᠯᠣᠯᠳᠣ ᠳᠦᠷᠢᠮ ᠢ ᠬᠡᠷᠡᠭᠵᠢᠬᠦᠯᠵᠦ᠂ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤ᠂ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤ ᠪᠠ ᠡᠵᠡᠨᠡ | ᠬᠤᠰᠢᠭᠤ ᠬᠡᠬᠦ ᠭᠤᠷᠪᠠᠨ ᠬᠤᠰᠢᠭᠤ ᠬᠠᠷᠢᠶᠠᠯᠠᠭᠳᠠᠳᠠᠭ᠃ |